BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Man United ដកតំណែងប្រធានក្រុមពី Harry Maguire ស្របពេលដំណឹងចង់បានពី West Ham

ខ្សែការពារកណ្តាលអង់គ្លេស Harry Maguire បានឱ្យដឹងថា តំណែងប្រធានក្រុមបិសាចក្រហម Manchester United របស់គេត្រូវបានដកដោយអ្នកចាត់ការ Erik ten Hag។កីឡាករវ័យ ៣០ ឆ្នាំរូបនេះ បានទទួលតំណែងប្រធានក្រុមតាំងពីពេល Ole Gunnar Solskjear នៅដឹកនាំនៅខែមករាឆ្នាំ ២០២០ ពោលគឺ ៥ ខែបន្ទាប់ពីទិញពី Leicester City តម្លៃ ៨០ លានផោន។ កីឡាករអង់គ្លេសរូបនេះ ក៏បានបង្ហាញអារម្មណ៍ខកចិត្តដែរ តែមិនមែនជាឧបសគ្គនៃអាជីពរបស់គេឡើយ។ Harry Maguire ដែលចាប់ផ្តើម ១១ នាក់ដំបូងរដូវកាលមុនត្រឹម ៨ លើកនៅ Premier League ត្រូវបានគេដឹងថាក្លិបញញួរធំ West Ham កំពុងចាប់អារម្មណ៍។ តំណែងការពារកណ្តាលរបស់ Harry Maguire បានបាត់បង់ បន្ទាប់ពីទំរង់លេងរបស់គេធ្លាក់ចុះខ្លាំង ស្របពេលដែលអ្នកចាត់ការ Erik ten Hag ផ្តល់ទំនុកចិត្តលើ Raphael Varane និង Lisandro Martinez ខណៈដែល Vintor Lindelof ក៏ជាជម្រើស ហើយខ្សែការពារឆ្វេង Luke Shaw អាចកណ្តាលបានដែរ។កិច្ចសន្យារបស់ Harry Maguire ជាមួយ Manchester United នៅមានសុពលភាពដល់ឆ្នាំ ២០២៥ ខណៈ West Ham ដែលទើបលក់ Declan Rice ទៅ Arsenal បាន ១០៥ លានផោននោះ រំពឹងថាអាចនាំយកអតីតខ្សែការពារ Leicester City រូបនេះមកកាន់ក្លិបនៅរដូវក្តៅនេះ៕ អត្ថបទ៖នាង សុភាវុធ

ឈុន ប៊ុនថន រក្សាតំណែងលេខ១ អាស៊ាន ជាមួយកំណត់ត្រាថ្មី ក្នុងជើងឯកអាស៊ី នៅថៃ

ម្ចាស់មេដាយមាសស៊ីហ្គេមរបស់កម្ពុជា ឈុន ប៊ុនថន នៅតែរក្សាតំណែងលេខ១ ក្នុងចំណោមអត្តពលិកអាស៊ាន ដែលចូលរួមការប្រកួតកីឡាអត្តពលិកជម្រើសជើងឯកអាស៊ី លើកទី២៥ ឆ្នាំ២០២៣ នៅប្រទេសថៃ កាលពីចុងសប្ដាហ៍កន្លងទៅ ទោះបីរូបគេ ពុំទទួលបានជយលាភីក្នុងការប្រកួតប្រចាំទ្វីបនេះក៏ដោយ ។កីឡាករមានដើមកំណើតពីខេត្តព្រៃវែងរូបនេះ បានប្រកួតលើវិញ្ញាសារត់ចម្ងាយ ៨០០ម៉ែត្រ ជាវិញ្ញាសាដែលរូបគេដណ្ដើមបានមេដាយមាសជូនជាតិ កាលពីស៊ីហ្គេម លើកទី៣២ ឆ្នាំ២០២៣ បន្ទាប់ពីខកខានការប្រកួតវិញ្ញាសារត់ចម្ងាយ ១,៥០០ម៉ែត្រ ។ក្នុងវិញ្ញាសានេះ ប៊ុនថន ប្រើប្រាស់ថិរវេលា ១នាទី និង ៥០.០៩វិនាទី គឺជាកំណត់ត្រាថ្មី និងបំបែកកំណត់ត្រាចាស់លើវិញ្ញាសាដូចគ្នា កាលពីស៊ីហ្គេម ដែលរូបគេប្រើថិរវេលា ១នាទី និង ៥២.៩១វិនាទី។ លទ្ធផលនេះដែរ បានធ្វើឲ្យកីឡាករវ័យ ៣០ឆ្នាំរូបនេះ ឈរចំណាត់ថ្នាក់លេខ៥ ក្នុងវគ្គជម្រុះ(Heat) និងឈរចំណាត់ថ្នាក់លេខ១១ ក្នុងចំណោមអត្តពលិកអាស៊ី ។ប៉ុន្ដែបើក្រឡេកមកចាប់អារម្មណ៍ ក្នុងចំណោមអត្តពលិកអាស៊ីអាគ្នេយ៍ ដែលចូលរួមការប្រកួតជើងឯកអាស៊ីនេះ ផ្អែកលើលទ្ធផលបច្ចេកទេសជារួម ម្ចាស់មេដាយមាសស៊ីហ្គេមរបស់កម្ពុជារូបនេះ នៅតែរក្សាតំណែងលេខ១ ដដែល ដ្បិតក្នុងការប្រកួតនេះ គេក៏មានកីឡាករវៀតណាម ម៉ាឡេស៊ី និងទីម័រខាងកើតចូលរួមប្រកួតផងដែរ ។សូមបញ្ជាក់ថា ការប្រកួតកីឡាអត្តពលកម្មជ្រើសរើសជើងឯកអាស៊ី លើកទី២៥ ឆ្នាំ២០២៣ នៅប្រទេសថៃ បានធ្វើការប្រកួតពីថ្ងៃទី១២ ដល់ថ្ងៃទី១៦ ខែកក្កដាកន្លងទៅ ហើយសហព័ន្ធខ្មែរកីឡាអត្តពលកម្មស្ម័គ្រចិត្ត បានបញ្ជូនកីឡាករ-កីឡាការិនី ៣រូបចូលរួម គឺមានម្ចាស់មេដាយមាសស៊ីហ្គេម ឈុន ប៊ុនថុន, កីឡាករ ណឹប ច័ន្ទយ៉ុរ៉ុង និងកីឡាការិនី ពក ពិសី ក្រោមការដឹកនាំរបស់លោក ប៉ែន វុទ្ធី អនុប្រធានសហព័ន្ធ និងលោក បូរ ពុធរាត្រី ជាគ្រូបង្វឹក ៕ អត្ថបទ៖ លី ឈុនឡា

Rory McIlroy គ្រងជើងឯកវាយកូនគោល Scottish Open លើកដំបូង

កីឡាករវាយកូនគោលអៀកឡង់ខាងជើង Rory McIlroy បានគ្រងជើងឯកលើកដំបូងនៅលើទឹកដីស្កុតឡេន ក្រោយឈ្នះជើងឯក Scottish Open។ ជាការប្រកួតថ្ងៃចុងក្រោយដ៏ល្អសម្រាប់កីឡាករលំដាប់លេខ ៣ ពិភពលោក Rory McIlroy បន្ទាប់ពីធ្វើបាន Birdie នៅ ២ ឡូចុងក្រោយ។ McIlroy តាមពីក្រោយកីឡាករម្ចាស់ផ្ទះស្កុតឡេន Robert MacIntyre នៅពេលចាប់ផ្តើមឡូទី ១៧ មុនពេលដែល McIlroy ធ្វើបាន Birdie លើកទី ១ ដើម្បីតាមស្មើ និងធ្វើបាន Birdie ម្តងទៀតនៅឡូចុងក្រោយទី ១៨ នៃការប្រកួត ដើម្បីបញ្ចប់ការប្រកួតជាមួយនឹង ១៥ អាន់ឌើផា យកឈ្នះ Robert MacIntye មួយស្ត្រូក។ លទ្ធផលផ្សេងទៀត កីឡាករលំដាប់លេខ ១ ពិភពលោកបច្ចុប្បន្នសញ្ជាតិអាមេរិក Scottie Scheffler បានចំណាត់ថ្នាក់លេខ ៣ មាន ១០ អាន់ឌើផា។ ដោយឡែកសម្រាប់ជើងឯកលើកនេះដែរ Rory McIlroy បានរំកិលឡើងមកឈរលេខ ២ ពិភពលោក ទំលាក់ Jon Rahm ទៅលេខ ៣ វិញ៕ អត្ថបទ៖នាង សុភាវុធ

កីឡាករហូឡង់ Wout Poels ឈ្នះដំណាក់កាលទី១៥ Tour de France ខណៈអ្នកនាំមុខត្រូវកាត់បន្ថយវេលា

កីឡាករប្រណាំងកង់ហូឡង់ Wout Poels បានប្រជែងឈ្នះដំណាក់កាលទី ១៥ នៃព្រឹត្តិការណ៍ប្រណាំងកង់ Grand Tour, Tour de France នៅលើទឹកដីបារាំង ខណៈដែលអ្នកការពារតំណែងជើងឯក និងជាអ្នកកំពុងនាំមុខគេក្នុងតារាងរួម កីឡាករដាណឺម៉ាក Jonas Vingegaard ត្រូវកាត់បន្ថយពេលវេលានាំមុខ។ដំណាក់កាលទី ១៥ ដែលមានចំងាយផ្លូវ ១៧៩ គីឡូម៉ែត្រ កីឡាកររបស់ក្រុម Team Bahrain Victorious, Wout Poels បានមកដល់ទីព្រ័ត្រមុនគេប្រើពេល ៤ ម៉ោង ៤០ នាទី ១៥ វិនាទី តាមពីក្រោយដោយកីឡាករប៊ែលហ្ស៊ិក Wout van Aert របស់ក្រុម Jumbo-Visma យឺតជាង ២ នាទី៨ វិនាទី និងអ្នកលេខ ៣ កីឡាករម្ចាស់ផ្ទះបារាំង Mathieu Burgaudeau យឺតជាង ៣ នាទីគត់។ យ៉ាងណាក្តី ក្រោយឆ្លងកាត់ ១៥ ដំណាក់កាលកន្លងមកនេះ អ្នកការពារតំណែងជើងឯក Jonas Vingegaard នៅតែរក្សាការនាំមុខដដែល តែមានត្រឹម ១០ វិនាទីប៉ុណ្ណោះពីលើអ្នកលេខ ២ កីឡាករស្លូវេនៀ Tadej Pogacar និងអ្នកលេខ ៣ គឺ កីឡាករអេស្ប៉ាញ Carlos Rodriguez យឺតជាង ៥ នាទី ២១ វិនាទី។ សម្រាប់ថ្ងៃចន្ទនេះ ជាថ្ងៃសម្រាក ខណៈដំណាក់កាលទី ១៦ នឹងបន្តនៅថ្ងៃអង្គារស្អែកលើចំងាយផ្លូវ ២២.៤ គីឡូម៉ែត្រប៉ុណ្ណោះ និងជាដំណាក់កាលសំខាន់ដោយកីឡាករម្នាក់ៗត្រូវប្រជែងយកថេរវេលាផ្ទាល់ខ្លួន មិនពឹងផ្អែកលើកក្រុមទៀតឡើយ។ព្រឹត្តិការណ៍ប្រណាំងកង់ Tour de France នឹងបញ្ចប់ជាស្ថាពរនៅថ្ងៃអាទិត្យចុងសប្តាហ៍នេះនៅទីក្រុងប៉ារីស៕ អត្ថបទ៖ នាង សុភាវុធ

ប្រធានតេក្វាន់ដូ ITF សម្លឹងឃើញកីឡាករជម្រើសជាតិខ្លះធ្លាក់សមត្ថភាព តែមានអ្នកបន្ដវេនល្អៗ

ឯកឧត្តម កែវ រ៉េមី ប្រធានសហព័ន្ធកីឡាតេក្វាន់ដូ ITF កម្ពុជា បានគូសបញ្ជាក់ថា មានកីឡាករជម្រើសជាតិមួយចំនួនតូច បានធ្លាក់ចុះសមត្ថភាព តែក៏សម្លឹងអ្នកបន្ដវេនល្អៗច្រើនដែរ ក្រោយបញ្ចប់ការប្រកួតជើងឯកថ្នាក់ជាតិ ឆ្នាំ២០២៣ កាលពីថ្ងៃទី១៦ ខែកក្កដាម្សិលមិញ នៅសាលដំបូលទូក នៃសាកលវិទ្យាល័យភូមិន្ទភ្នំពេញ ។ឯកឧត្តមមានប្រសាសន៍ថា ទោះបីកីឡាករ-កីឡាការិនីតេក្វាន់ដូ ITF កម្ពុជា មានទទួលរងផលប៉ះពាល់ផ្លូវអារម្មណ៍ ក្រោយខកខានចូលរួមស៊ីហ្គេម តែពួកគេបានខិតខំប្រឹងប្រែងហ្វឹកហាត់ ដើម្បីរក្សា និងបង្កើននូវគុណភាព ជាក់ស្ដែងឆ្លងកាត់ការប្រកួត ៣ថ្ងៃកន្លងមក គឺមានកីឡាករជម្រើសជាតិភាគច្រើន នៅតែធ្វើបានល្អ គ្រាន់តែមានសមាជិកជម្រើសជាតិមួយចំនួនតូច ហាក់ធ្លាក់ចុះកម្លាំង ។ យ៉ាងណាក្ដី សហព័ន្ធក៏បានសម្លឹងឃើញឈាមថ្មី ដើម្បីបន្ដវេនក្នុងវិស័យកីឡាមួយនេះផងដែរ ។ឯកឧត្តម បួនហ៊ីង សុធីយ៉ា អគ្គលេខាធិការសហព័ន្ធ បានបញ្ជាក់ថា ការប្រកួតប្រចាំឆ្នាំ ដែលឧបត្ថម្ភគាំទ្រដោយក្រសួងអប់រំ យុវជន និងកីឡានេះ បានចាប់ផ្ដើមពីថ្ងៃទី១៤ ដល់ថ្ងៃទី១៦ ខែកក្កដា ឆ្នាំ២០២៣ ដោយមានប្រតិភូ គ្រូបង្វឹក និងកីឡាករ-កីឡាការិនីចូលរួមសរុប ១៣៨នាក់ មកពី ១៦ រាជធានី-ខេត្ត និងក្រសួង ។ ជាលទ្ធផលបច្ចេកទេស គឺក្លិបក្រសួងសេដ្ឋកិច្ច និងហិរញ្ញវត្ថុ ដណ្តើមបានមេដាយច្រើនជាងគេសរុប ១១គ្រឿង រួមមានមេដាយមាស ៦ ប្រាក់២ និងសំរឹទ្ធ ៣, លេខ២ ក្លិបក្រសួងមហាផ្ទៃ ឈ្នះមេដាយសរុប ១៥គ្រឿង (មាស ៥ ប្រាក់៦ និងសំរឹទ្ធ ៤) ខណៈលេខ៣ ក្លិបពន្លឺយុវជនខេត្តកំពង់ស្ពឺ ឈ្នះមេដាយសរុប ១១គ្រឿង គឺមានមេដាយមាស ៤ ប្រាក់៣ និងសំរឹទ្ធ ៤គ្រឿង៕ អត្ថបទ៖ លី ឈុនឡា

ប្រធានសហព័ន្ធកីឡាទាញព្រ័ត្រ ផ្ដាំក្លិបសមាជិកថា ការចូលរួម សំខាន់ជាងលទ្ធផលឈ្នះ-ចាញ់

ឯកឧត្តមបណ្ឌិត មាស សារិន ប្រធានសហព័ន្ធកីឡាទាញព្រ័ត្រកម្ពុជា បានផ្ដាំបណ្ដាក្លិបសមាជិកថា ការចូលរួមការប្រកួតផ្សេងៗ ពិសេសការប្រកួតជើងឯកថ្នាក់ជាតិ គឺពិតជាសំខាន់ មិនអាស្រ័យលើលទ្ធផលឈ្នះ-ចាញ់នោះទេ ។ការលើកឡើងនេះ ក្នុងឱកាសពិធីបិទការប្រកួតកីឡាទាញព្រ័ត្រជើងឯកថ្នាក់ជាតិ ឆ្នាំ២០២៣ បន្ទាប់ពីដំណើរការប្រកួតដ៏ស្វិតស្វិញរយៈពេល ៤ថ្ងៃ កាលពីចុងសប្ដាហ៍កន្លងទៅ ស្របពេលក្នុងចំណោមក្លិបសមាជិកទាំង ២៨ គឺមានក្លិបប្រមាណ ៥០% ប៉ុណ្ណោះបានចូលរួមជើងឯកថ្នាក់ជាតិឆ្នាំនេះ។ឯកឧត្តមបន្ដថា លទ្ធផលឈ្នះ-ចាញ់ ជារឿងកីឡា តែការចូលរួម គឺសំខាន់ជាង ដើម្បីជំរុញការអភិវឌ្ឍវិស័យកីឡាមួយនេះឲ្យកាន់តែរីកចម្រើន ហើយបើសិនមានការចូលរួមកាន់តែច្រើន នៅឆ្នាំបន្ដបន្ទាប់ សហព័ន្ធនឹងអាចឈានទៅរៀបចំឲ្យមានការប្រកួតក្របខណ្ឌក១ និងក២ ដើម្បីបំផុសសកម្មភាពកីឡាប្រពៃណីមួយនេះឲ្យកាន់តែផុសផុលថែមទៀតផង ។សូមបញ្ជាក់ថា ការប្រកួតកីឡាទាញព្រ័ត្រជ្រើសរើសជើងឯកថ្នាក់ជាតិ ឆ្នាំ២០២៣ បានដំណើរការប្រកួតពីថ្ងៃទី១២ ដល់ថ្ងៃទី១៥ ខែកក្កដា ឆ្នាំ២០២៣ ដោយមានប្រតិភូ គ្រូបង្វឹក និងកីឡាករ-កីឡាការិនីចូលរួមសរុប ២៤៤នាក់ មកពី ១២រាជធានី-ខេត្ត និងក្រសួង ។ ជាលទ្ធផល គឺសមាគមកីឡាទាញព្រ័ត្រខេត្តបាត់ដំបង ដណ្ដើមបានមេដាយមេដាយមាស២ និងប្រាក់ ១ ខណៈខេត្តស្វាយរៀង ឈរលេខ២ ដណ្ដើមបានមេដាយមាស ១ និងប្រាក់ ២ និងក្រុមកីឡាទាញព្រ័ត្រកងទ័ពជើងទឹក ដណ្ដើមបានមេដាយមាស ១ ឈរលេខរៀងទី៣ ៕ អត្ថបទ៖ លី ឈុនឡា

កីឡាករ និងមន្ត្រីឥណ្ឌូនេស៊ី និងថៃ ត្រូវរងការពិន័យពី AFC ក្រោយប៉ះទង្គិចក្នុងស៊ីហ្គេម ២០២៣

យោងតាម ASEAN Football បានឱ្យដឹងថា សហព័ន្ធកីឡាបាល់ទាត់អាស៊ី (AFC ) បានសម្រេចពិន័យកីឡាករ ឥណ្ឌូនេស៊ីបីរូប និងមន្តី្រ៤រូប និងគ្រូបង្វឹក ខណៈកីឡាករថៃពីររូប មន្ត្រីប្រាំរូប និងគ្រូៗបង្វឹក ក៏រងការពិន័យដែរ។AFC បានសម្រេចពិន័យបញ្ឈរជើងកីឡាករឥណ្ឌូនេស៊ី Agung Bagus Fawwazi ៦ប្រកួត និងពិន័យជាប្រាក់១០០០ដុល្លារអាមេរិក, កីឡាករKomang Teguh ៦ប្រកួត និងថវិកា ១០០០ដុល្លារអាមេរិក និងកីឡាករ Taufany Muslihuddin ៦ប្រកួតដែរ។ មន្ត្រីក្រុម និងគ្រូបង្វឹក ដែលរងពិន័យរួមមាន លោកSahari Gultom ៦ប្រកួត ឯលោក Tegar Diokta, Ahmad Nizar និងលោកToid Sarnadi ជាប់បម្រាម៦ប្រកួត និងពិន័យជាប្រាក់១០០០ដុល្លារអាមេរិកដូចៗគ្នា។ចំនែកខាងភាគីថៃ AFC បានសម្រេចពិន័យលើកីឡាករ Soponwit Rakyart មិនឱ្យលេង៦ប្រកួត និង១០០០ដុល្លារអាមេរិក និងកីឡាករ Chayapipat Supunpasuch ៦ប្រកួតដេរ។ រីឯមន្ត្រីគ្រូបង្វឹករួមមាន Pattarawut Wongsriphuek និង Mayeid Mad-Adam រងពិន័យ៦ប្រកួត និងពិន័យជាប្រាក់១០០០ដុល្លារអារិក។ សម្រាប់ Purachet Todsanit, Prueangna និងBamrung Boonprom ជាប់បម្រាម៦ប្រកួតម្នាក់ដែរ។ សហព័ន្ធកីឡាបាល់ទាត់អាស៊ី ក៏បានពិន័យសមាគមបាល់ទាត់ប្រទេសថៃ (The Football Association of Thailand) នូវទឹកប្រាក់១០ ០០០ដុល្លារអាមេរិកផងដែរ៕

កម្ពុជានឹងសម្រាំងកីឡាសក្ដានុពល ចូលរួមប្រកួតកីឡាអាស៊ី ដើម្បីស្វែងរកលទ្ធផលល្អជាងមុន

កម្ពុជានឹងសម្រិតសម្រាំងតែប្រភេទកីឡាសក្ដានុពលប៉ុណ្ណោះ បញ្ជូនទៅចូលរួមប្រកួតកីឡាអាស៊ី(Asian Games) លើកទី១៩ នៅទីក្រុង Hangzhou សាធារណរដ្ឋប្រជាមានិតចិន នាខែកញ្ញា ឆ្នាំ២០២៣ ខាងមុខ ដើម្បីធានាបាននូវការប្រកួតប្រជែងកម្រិតខ្ពស់ និងស្វែងរកលទ្ធផលកាន់តែល្អប្រសើរ បើធៀបនឹងការប្រកួតកីឡាអាស៊ី លើកទី១៨ ឆ្នាំ២០១៨ នៅប្រទេសឥណ្ឌូនេស៊ី ។នេះបើតាមការលើកឡើងរបស់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា កាលពីថ្មីៗ ។ ឯកឧត្តមមានប្រសាសន៍ថា មកទល់ពេលនេះ កម្ពុជាមិនទាន់សម្រេចកំណត់ប្រភេទកីឡា សម្រាប់បញ្ជូនទៅប្រកួតកីអាស៊ីនៅចិននោះទេ តែក្រសួងអប់រំ យុវជន និងកីឡា និងគណៈកម្មាធិការជាតិអូឡាំពិកកម្ពុជា កំពុងធ្វើការជាមួយសហព័ន្ធកីឡាជាតិ ពាក់ព័ន្ធការងារនេះ ។យ៉ាងណាមិញឯកឧត្តមសង្កត់ធ្ងន់ថា កីឡាត្រូវបញ្ជូនទៅប្រកួតកីឡាប្រចាំទ្វីបអាស៊ី ៤ឆ្នាំម្ដងនេះ នឹងចម្រាញ់ចេញពីកីឡាសក្ដានុពលក្នុងព្រឹត្តិការណ៍ស៊ីហ្គេម លើកទី៣២ ក្នុងនោះកីឡាមួយចំនួន ក៏ត្រូវបញ្ជូនទៅហ្វឹកហាត់នៅចិន ក្រោមជំនួយបន្ដរបស់រដ្ឋាភិបាលចិន ជាមួយរាជរដ្ឋាភិបាលកម្ពុជា ហើយកីឡាករ-កីឡាការិនីកម្រិតខ្ពស់មួយចំនួន នឹងត្រូវបានជ្រើសរើសចូលរួមការប្រកួតកីឡាអាស៊ីនៅទីនោះតែម្ដងផងដែរ ។សូមរំឮកថា កាលពីកីឡាអាស៊ី លើក១៨ នៅឥណ្ឌូនេស៊ី កម្ពុជា បានបញ្ជូនអត្តពលិក ១៣ប្រភេទកីឡាចូលរួម ហើយដណ្ដើមបានមេដាយសរុប ៣គ្រឿង រួមមានមេដាយមាស ២ និងសំរឹទ្ធ ១ ក្នុងនោះកីឡាករម៉ូតូទឹកដ៏ឆ្នើមរបស់កម្ពុជា សាលី អ៊ូមើត ដណ្ដើមបានមេដាយមាស ១ និងសំរឹទ្ធ ១ និងកីឡាការិនីជឺជីតស៊ូឆ្នើមកូនកាត់ខ្មែរ-អាមេរិក ខាន់ ចេសា ដណ្ដើមបានមេដាយមាស ១ ដែលនាំឲ្យកម្ពុជា បំបែកកំណត់ត្រាប្រវត្តិដណ្ដើមបានមេដាយមាស ២គ្រឿងលើកដំបូង បន្ទាប់ពីកីឡាការិនីតេក្វាន់ដូ ស៊ន សៀវម៉ី ដណ្ដើមបានមេដាយមាសកីឡាអាស៊ីជូនជាតិ លើកដំបូង កាលពីឆ្នាំ២០១៤ នៅសាធារណរដ្ឋកូរ៉េ៕ អត្ថបទ៖ លី ឈុនឡា

សហព័ន្ធខ្មែរកីឡាហែលទឹក នឹងបញ្ជូនប្រតិភូកីឡា ៤រូប ចូលរួមប្រកួតជើងឯកពិភពលោក នៅជប៉ុន

សហព័ន្ធខ្មែរកីឡាហែលទឹក បានបង្ហាញសមាសភាពប្រភេទកីឡា ៤រូប ដែលត្រៀមបញ្ជូនចូលរួមការប្រកួតកីឡាហែលទឹកជ្រើសរើសជើងឯកពិភពលោក ឆ្នាំ២០២៣ ចាប់ពីថ្ងៃទី២០ ដល់ថ្ងៃទី៣១ ខែកក្កដាខាងមុខ នៅទីក្រុង Fukuoka ប្រទេសជប៉ុន។តបតាមការអញ្ជើញរបស់សហព័ន្ធកីឡាហែលទឹកពិភពលោក សហព័ន្ធបានចាត់តាំងលោក ហែម គិរី អគ្គលេខាធិការសហព័ន្ធ តំណាងឯកឧត្តម ស៊ុន ចាន់ថុល ទេសរដ្ឋមន្ដ្រី រដ្ឋមន្ដ្រីក្រសួងសាធារណការ និងដឹកជញ្ជូន និងជាប្រធានសហព័ន្ធ ព្រមទាំងគ្រូបង្វឹកលោក ហែម ថុនពន្លឺ កីឡាករ មនត្រស ផានសុណ្ណអារុន និងកីឡាការិនី ឃឺន ចន្ទចរិយា ដើម្បីចូលរួមព្រឹត្តិការណ៍ពិភពលោកនេះ ។យោងតាមការជូនដំណឹងរបស់សហព័ន្ធ ក្រៅពីដឹកនាំប្រតិភូកីឡាហែលទឹកកម្ពុជា ចូលរួមការប្រកួតជ្រើសរើសជើងឯកពិភពលោក ឆ្នាំ២០២៣ លោក ហែម គិរី នឹងត្រូវចូលរួមមហាសន្និបាតរបស់សហព័ន្ធកីឡាហែលទឹកពិភពលោក នៅចន្លោះថ្ងៃទី២១ ដល់ថ្ងៃទី២៥ ខែកក្កដា នាទីក្រុង Fukuoka ផងដែរ ។អ្វីដែលពិសេស គឺសហព័ន្ធកីឡាហែលទឹកពិភពលោក បានជ្រើសរើសសហព័ន្ធខ្មែរកីឡាហែលទឹក ដើម្បីឡើងធ្វើបទបង្ហាញអំពីវឌ្ឍនភាពរបស់សហព័ន្ធ និងការជួយជំរុញគាំទ្របន្ថែមសម្រាប់ការអភិវឌ្ឍបន្ត ដ្បិតមានសមាជិកសហព័ន្ធកីឡាហែលទឹកពិភពលោកតែ ១០ប្រទេសប៉ុណ្ណោះ ដែលត្រូវបានជ្រើសរើសឲ្យឡើងធ្វើបទបង្ហាញនេះ ហើយនេះក៏ជាលើកទី១ សម្រាប់សហព័ន្ធខ្មែរកីឡាហែលទឹក ដើម្បីបង្ហាញឲ្យពិភពលោក បានស្គាល់អំពីការអភិវឌ្ឍនៅក្នុងព្រះរាជាណាចក្រកម្ពុជា ក្រោមពាក្យស្លោក «កីឡារស់ក្នុងសន្តិភាព» ផងដែរ៕ អត្ថបទ៖ លី ឈុនឡា

ម៉ារ៉ាតុងអន្ដរជាតិ ចក្រភពខ្មែរ មានអ្នកចុះឈ្មោះកើនទ្វេដង បើធៀបកាលពីឆ្នាំមុន

ទិវារត់ប្រណាំងម៉ារ៉ាតុងអន្ដរជាតិ ចក្រភពខ្មែរ លើកទី៨ (Khmer Empire Marathon 2023) នឹងរៀបចំនាថ្ងៃទី០៦ ខែសីហា ឆ្នាំ២០២៣ ខាងមុខ តំបន់អង្គរ និងក្រុងសៀមរាប ខណៈបច្ចុប្បន្នមានអ្នកចុះឈ្មោះចូលរួមកើនទ្វេដង បើធៀបកាលពីឆ្នាំ២០២១ កន្លងទៅ ។នេះបើតាមការបញ្ជាក់របស់ឯកឧត្តម វ៉ាត់ ចំរើន រដ្ឋលេខាធិការក្រសួងទេសចរណ៍ និងជាអគ្គលេខាធិការគណៈកម្មាធិការជាតិអូឡាំពិកកម្ពុជា(NOCC) ក្នុងសន្និសីទសារព័ត៌មាន ស្ដីពីព្រឹត្តិការណ៍កីឡាទេសចរណ៍នេះ កាលពីថ្ងៃទី១១ ខែកក្កដា ឆ្នាំ២០២៣ ម្សិលមិញ ។ឯកឧត្តមមានប្រសាសន៍ថា នេះគឺជាឆ្នាំទី២ ហើយ ដែលក្រសួងទេសចរណ៍ និងគណៈកម្មាធិការជាតិអូឡាំពិកកម្ពុជា បានសហការជាមួយអាជ្ញាធរខេត្តសៀមរាប រៀបចំព្រឹត្តិការណ៍នេះឡើងវិញ ក្រោយជំងឺរាតត្បាតសកលកូវីដ-១៩ ដោយកាលពីឆ្នាំ២០២២ គឺមានអ្នកចូលរួមជាង ១ពាន់នាក់ ខណៈបច្ចុប្បន្ន អ្នកចុះឈ្មោះចូលរួមទិវារត់ប្រណាំងម៉ារ៉ាតុងអន្ដរជជាតិ ចក្រភពខ្មែរ លើកទី៨ គឺកើនដល់ជាង ២ពាន់នាក់ហើយ ។ដូច្នេះសន្ទុះអ្នករត់ម៉ារ៉ាតុងអន្ដរជាតិ ចក្រភពខ្មែរ ឆ្នាំនេះ គឺជាសញ្ញាមួយដ៏ល្អ ក្នុងការទាក់ទាញភ្ញៀវទេសចរ ពិសេសទេសចរបរទេសមកកាន់ប្រទេសកម្ពុជា ក៏ដូចជាខេត្តសៀមរាប ដើម្បីលើកកម្ពស់សេដ្ឋកិច្ចក្រៅប្រទេសផង និងរួមចំណែកការងារសប្បុរសធម៌ តាមរយៈការប្រមូលថវិកាទទួលបានពីការរៀបចំទាំងអស់ បរិច្ចាគជូនមន្ទីរពេទ្យកុមារ និងអង្គការមនុស្សធម៌ជាដើម ។ មិនតែប៉ុណ្ណោះ ក៏ជាឱកាសតេស្ដសមត្ថភាពកីឡាករជម្រើសជាតិកម្ពុជាផងដែរ ។លោក សែម ផល្លា នាយបច្ចេកទេសរៀបចំព្រឹត្តិការណ៍ម៉ារ៉ាតុង បានបញ្ជាក់ថា ទិវារត់ប្រណាំងម៉ារ៉ាតុងអន្ដរជជាតិ ចក្រភពខ្មែរ ឆ្នាំនេះ គឺរក្សាផ្លូវរត់នៅដដែល តែនឹងមានការរឹតបន្ដឹងបន្ថែម លើការការពារសុខុមាលភាពអ្នករត់ ទោះពីកន្លងមក ពុំមានបញ្ហាអ្វីកើតឡើយក៏ដោយ ។ ជាមួយគ្នាដែរ លោកបានលើកទឹកចិត្តដល់អ្នករត់ក្នុងស្រុកចូលរួមឲ្យបានច្រើន ដើម្បីរួមចំណែកឲ្យព្រឹត្តិការណ៍នេះ ទទួលបានជោគជ័យ និងទាក់ទាញជនបរទេសមកចូលរួមកាន់តែច្រើន ពិសេសក្នុងរដូវភ្លៀងនេះតែម្ដង ។គួរដឹងថា ទិវារត់ម៉ារ៉ាតុងអន្ដរជាតិ ចក្រភពខ្មែរ លើកទី៨ គឺមាន ៤វិញ្ញាសា រួមមានរត់ចម្ងាយ ៤២គីឡូម៉ែត្រ ២១គីឡូម៉ែត្រ ១០គីឡូម៉ែត្រ និងរត់កម្សាន្ដ ៣គីឡូម៉ែត្រ ។ ព្រឹត្តិការណ៍នេះ កើតឡើង បន្ទាប់ពីមានសំណូមពរពីជនបរទេស ក្រោយកម្ពុជាទទួលបានជោគជ័យខ្លាំង ក្នុងការរៀបចំទិវារត់ប្រណាំងអន្ដរជាតិពាក់កណ្ដាលម៉ារ៉ាតុងអង្គរ នៅរៀងរាល់ខែធ្នូ អស់រយៈពេលជាច្រើនឆ្នាំកន្លងមក៕ អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

[UPDATE] ក្រសួងអេស្ប៉ាញ៖ ជនអន្តោប្រវេសន៍ជាង ២៥.០០០នាក់ បានវិលត្រឡប់ទៅម៉ារ៉ុកវិញពីដែនដី Ceuta

[UPDATE]ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

របាយការណ៍៖ ណាតូចង់ពង្រីកខែលការពារនុយក្លេអ៊ែរ នៅអឺរ៉ុប ក្នុងពេលមានការគំរាមកំហែងពីរុស្ស៊ី

មនុស្ស ២៥នាក់ស្លាប់ និង ៤៤នាក់រងរបួស ក្នុងគ្រោះថ្នាក់រថយន្តក្រុង នៅភាគខាងជើងអាល់ហ្សេរី

មន្រ្តី UN៖ អាមេរិកឡាទីន នឹងមើលឃើញបាតុភូតអែល នីញ៉ូដ៏ខ្លាំងកា្លបំផុត

អ្នកឡើងភ្នំ ១០នាក់ ដឹកនាំដោយអ្នកឡើងភ្នំដ៏ល្បីល្បាញម្នាក់របស់នេប៉ាល់ បាត់ខ្លួននៅលើភ្នំប៉ាគីស្ថាន

ភ្លើងឆេះព្រៃបំផ្លាញចម្ការផ្លែបឺរនៅអេស្ប៉ាញ និងគំរាមកំហែងដល់ការប្រមូលផលរយៈពេលច្រើនឆ្នាំ

BREAKING NEWS | ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

ជនប៉ាឡេស្ទីន មានមន្ទិលសង្ស័យ ក្រោយលោក Trump ប្រកាសកិច្ចព្រមព្រៀងរំសាយអាវុធក្រុមហាម៉ាស

កូរ៉េខាងត្បូងកត់ត្រាសីតុណ្ហភាពខ្ពស់បំផុតមិនធ្លាប់មាន ៤១,៤អង្សាសេ ខណៈរលកកម្ដៅកាន់តែខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Man United ដកតំណែងប្រធានក្រុមពី Harry Maguire ស្របពេលដំណឹងចង់បានពី West Ham

ឈុន ប៊ុនថន រក្សាតំណែងលេខ១ អាស៊ាន ជាមួយកំណត់ត្រាថ្មី ក្នុងជើងឯកអាស៊ី នៅថៃ

Rory McIlroy គ្រងជើងឯកវាយកូនគោល Scottish Open លើកដំបូង

កីឡាករហូឡង់ Wout Poels ឈ្នះដំណាក់កាលទី១៥ Tour de France ខណៈអ្នកនាំមុខត្រូវកាត់បន្ថយវេលា

ប្រធានតេក្វាន់ដូ ITF សម្លឹងឃើញកីឡាករជម្រើសជាតិខ្លះធ្លាក់សមត្ថភាព តែមានអ្នកបន្ដវេនល្អៗ

ប្រធានសហព័ន្ធកីឡាទាញព្រ័ត្រ ផ្ដាំក្លិបសមាជិកថា ការចូលរួម សំខាន់ជាងលទ្ធផលឈ្នះ-ចាញ់

កីឡាករ និងមន្ត្រីឥណ្ឌូនេស៊ី និងថៃ ត្រូវរងការពិន័យពី AFC ក្រោយប៉ះទង្គិចក្នុងស៊ីហ្គេម ២០២៣

កម្ពុជានឹងសម្រាំងកីឡាសក្ដានុពល ចូលរួមប្រកួតកីឡាអាស៊ី ដើម្បីស្វែងរកលទ្ធផលល្អជាងមុន

សហព័ន្ធខ្មែរកីឡាហែលទឹក នឹងបញ្ជូនប្រតិភូកីឡា ៤រូប ចូលរួមប្រកួតជើងឯកពិភពលោក នៅជប៉ុន

ម៉ារ៉ាតុងអន្ដរជាតិ ចក្រភពខ្មែរ មានអ្នកចុះឈ្មោះកើនទ្វេដង បើធៀបកាលពីឆ្នាំមុន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Man United ដកតំណែងប្រធានក្រុមពី Harry Maguire ស្របពេលដំណឹងចង់បានពី West Ham

ឈុន ប៊ុនថន រក្សាតំណែងលេខ១ អាស៊ាន ជាមួយកំណត់ត្រាថ្មី ក្នុងជើងឯកអាស៊ី នៅថៃ

Rory McIlroy គ្រងជើងឯកវាយកូនគោល Scottish Open លើកដំបូង

កីឡាករហូឡង់ Wout Poels ឈ្នះដំណាក់កាលទី១៥ Tour de France ខណៈ​អ្នកនាំមុខ​ត្រូវ​កាត់បន្ថយវេលា

ប្រធានតេក្វាន់ដូ ITF សម្លឹងឃើញកីឡាករជម្រើសជាតិខ្លះធ្លាក់សមត្ថភាព តែមានអ្នកបន្ដវេនល្អៗ

ប្រធានសហព័ន្ធកីឡាទាញព្រ័ត្រ ផ្ដាំក្លិបសមាជិកថា ការចូលរួម សំខាន់​ជាង​លទ្ធផល​ឈ្នះ-ចាញ់

កីឡាករ និងមន្ត្រីឥណ្ឌូនេស៊ី និងថៃ ត្រូវរងការពិន័យពី AFC ក្រោយប៉ះទង្គិចក្នុងស៊ីហ្គេម ២០២៣

កម្ពុជានឹងសម្រាំងកីឡាសក្ដានុពល ចូលរួមប្រកួតកីឡាអាស៊ី ដើម្បីស្វែងរកលទ្ធផលល្អជាងមុន

សហព័ន្ធខ្មែរកីឡាហែលទឹក នឹងបញ្ជូនប្រតិភូកីឡា ៤រូប ចូលរួមប្រកួតជើងឯកពិភពលោក នៅជប៉ុន

ម៉ារ៉ាតុងអន្ដរជាតិ ចក្រភពខ្មែរ មានអ្នកចុះឈ្មោះកើនទ្វេដង បើធៀបកាលពីឆ្នាំមុន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាករហូឡង់ Wout Poels ឈ្នះដំណាក់កាលទី១៥ Tour de France ខណៈអ្នកនាំមុខត្រូវកាត់បន្ថយវេលា

ប្រធានសហព័ន្ធកីឡាទាញព្រ័ត្រ ផ្ដាំក្លិបសមាជិកថា ការចូលរួម សំខាន់ជាងលទ្ធផលឈ្នះ-ចាញ់