នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ
Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយ​កិច្ច​សន្យា​ដល់ឆ្នាំ២០៣២
អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup
តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ក្រុមកីឡាអេឡិចត្រូនិកជម្រើសជាតិកម្ពុជា ឡើងជុំផ្ដាច់ព្រ័ត្រជើងឯកពិភពលោក

2023/07/12 06:11:18 pm        426
Facebook Telegram Linkin
ក្រុមកីឡាអេឡិចត្រូនិកជម្រើសជាតិកម្ពុជា Burn X Flash បានទទួលកៅអីជុំផ្ដាច់ព្រ័ត្រ នៃ​ព្រឹត្តិការណ៍​កីឡា​អេឡិចត្រូនិកជើងឯកពិភពលោកហើយ បន្ទាប់​ពី​បញ្ចប់​ការ​ប្រកួត​ជម្រុះ​កម្រិត​អាស៊ី IESF Gamers8 Asia Championship ឆ្នាំ២០២៣ នៅទីក្រុង​ Riyadh ​ប្រទេស​អារ៉ាប៊ីសាអ៊ូឌីត​ ដោយឈរលេខ២ ក្នុងពូលA ។ដំណើរឆ្ពោះទៅការប្រកួតជើងឯកពិភពលោក របស់ក្រុមកីឡាអេឡិចត្រូនិកម្ពុជានេះ ត្រូវ​ឆ្លង​កាត់​ការ​ប្រកួត​ជម្រុះកម្រិតអាស៊ីជាមុនសិន ហើយតាមលក្ខខណ្ឌក្រុមទទួលបានចំណាត់ថ្នាក់លេខ១ និងលេខ២ ក្នុងពូល នឹងទទួលបានកៅអីដ៏សំខាន់នេះ ហើយកម្ពុជា​ក៏​ទទួល​បាន​កៅ​អី​ជុំ​ផ្ដាច់​ព្រ័ត្រ​ដោយ​ស្វ័យប្រវត្តិផងដែរ បន្ទាប់ពីឆ្លងកាត់ ៣ប្រកួត ក្នុងវគ្គជម្រុះពូលA ឈ្នះ២ និងចាញ់ ១ ឈរ​លេខ២ ខណៈលេខ១ ក្នុងពូល គឺក្រុមម៉ុងហ្គោលី ។សម្រាប់លទ្ធផលការប្រកួតជម្រុះកម្រិតអាស៊ី IESF Gamers8 Asia Championship ​ឆ្នាំ២០២៣ ​ប្រទេសអារ៉ាប៊ីសាអ៊ូឌីត ពេលនេះ គឺក្រុម Burn X Flash ​បានយក​ឈ្នះ​ក្រុម​ជម្រើស​ជាតិ​អារ៉ាប់រួម ២-០ ក្នុងជំនួបបើកឆាក គ្រាដែលប្រកួតបន្ទាប់ចាញ់ក្រុមម៉ុងហ្គោលី ២-០ វិញ កាលពីថ្ងៃទី១០ ខែកក្កដា ។ ឈានដល់ការប្រកួតចុងក្រោយក្នុងពូល ក្រុមកម្ពុជា ធ្វើបាន​យ៉ាង​ល្អ ​ដោយយកឈ្នះក្រុមជម្រើសជាតិនេប៉ាល់ ២-០ កាលពីល្ងាចថ្ងៃទី១១ ខែកក្កដា​ម្សិលមិញ ​ដើម្បីធានាកៅអីវគ្គបន្ដតែម្ដង ។ជាមួយ​ជោគជ័យនេះ កីឡាករ សូ ម៉ារ៉ា ប្រធានក្រុម Burn X Flash បាន​សម្ដែង​ការ​សប្បាយ​ចិត្ត​ជា​ខ្លាំង​ ដែលក្រុមខ្លាំងអាចឡើងទៅជុំផ្ដាច់ព្រ័ត្រជើងឯកពិភពលោក ក៏ដូចជាឡើងវគ្គខ្វែង នៃ​ការ​ប្រកួត​ជម្រុះ​អាស៊ី ។ ម៉ារ៉ា និងក្រុម បានប្ដេជ្ញានឹងខំប្រឹងធ្វើឲ្យបានល្អនៅវគ្គបន្ដ ពិសេស​ជំនួប​ជា​មួយ​ក្រុម​ខ្លាំង​ហ្វីលីពីន ក្នុងវគ្គខ្វែង ដើម្បីឈានទៅដណ្ដើមជ័យលាភីជូនជាតិ ។សូមបញ្ជាក់ថា ការប្រកួតកីឡាអេឡិចត្រូនិកជើងឯកពិភពលោក លើកទី១៥ នៅប្រទេសរ៉ូម៉ានី គ្រោង​នឹង​ធ្វើឡើងនាចុងខែសីហា ឆ្នាំ២០២៣ ខាងមុខ ។ ដូច្នេះក្រោយ​បញ្ចប់​បេសកកម្ម​ប្រកួត​ជម្រុះ​កម្រិត​អាស៊ីនេះ ក្រុម Burn X Flash នឹងមានបេសកកម្មកាន់តែធំថែមទៀត ក្នុងនាម​ក្រុម​តំណាង​កម្ពុជា ចូលរួមព្រឹត្តិការណ៍ដ៏ធំនេះ ៕ អត្ថបទ៖ លី ឈុនឡា

ជោគជ័យស៊ីហ្គេមនៅកម្ពុជា គឺជាប្រធានបទមួយ ក្នុងមហាសន្និបាត OCA លើកទី៤២ នៅបាងកក

2023/07/10 06:37:30 pm        9257
Facebook Telegram Linkin
ក្រុមប្រឹក្សាអូឡាំពិកអាស៊ី(OCA) កាលពីចុងសប្ដាហ៍កន្លងទៅ បានរៀបចំមហាសន្និបាត លើកទី៤២ នៅទីក្រុងបាងកក ប្រទេសថៃ ដើម្បីបោះឆ្នោតជ្រើសរើសប្រធានក្រុមប្រឹក្សាអាណត្ដិថ្មី និងពិនិត្យវឌ្ឍនភាពការងារកីឡាក្នុងតំបន់អាស៊ី ក្នុងនោះភាពជោគជ័យ នៃ​ព្រឹត្តិការណ៍​កីឡា​ស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ នៅកម្ពុជា កាលពីថ្មីៗ ក៏បានក្លាយជាប្រធាន​បទ​សំខាន់​មួយ ក្នុងមហាសន្និបាតប្រចាំឆ្នាំនេះផងដែរ ។ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា ដែលបាន​ដឹកនាំ​ប្រតិភូ​កម្ពុជា ចូលរួមមហាសន្និបាតនេះ បានមានប្រសាសន៍ថា អង្គមហាសន្និបាត ពិសេស​បណ្ដា​ថ្នាក់​ដឹកនាំ​ចលនាអូឡាំពិកសមាជិកអាស៊ី បានលើកសរសើរពីគុណតម្លៃ នៃព្រឹត្តិការណ៍ស៊ីហ្គេម-អាស៊ាន​ប៉ារ៉ាហ្គេម ឆ្នាំ២០២៣ នៅកម្ពុជា តាមរយៈ​ការ​បាន​រំលេច​នូវ​ព្រឹត្តិការណ៍​ជា​ប្រវត្តិសាស្ដ្រ​នៅ​កម្ពុជា​នេះ ក្នុងសៀវភៅប្រចាំខែរបស់ខ្លួន ដូចជាការ​ដាក់​សកម្មភាព​ក្រោម​ដំណក់​ភ្លៀង​របស់​កីឡាការិនី​អត្តពលកម្ម បូ សំណាង នៅទំព័រមុខ និងនិយាយពីដំណើរការប្រកួត ក៏ដូចជា​ភាព​ជោគ​ជ័យ ក្នុងការរៀបចំស៊ីហ្គេម-អាស៊ានប៉ារ៉ាហ្គេមនៅកម្ពុជាជាដើម ។ជាមួយការការចែកចាយសកម្មភាពទាំងនេះ ដល់បណ្ដាប្រទេសមាជិក នាំឲ្យ​គេ​មើល​ឃើញ​សក្ដានុ​ពលកីឡា​របស់កម្ពុជា និងធ្វើឲ្យកម្ពុជា ទទួលបានអត្ថប្រយោជន៍ពីស៊ីហ្គេមរបស់ខ្លួន ដែលថ្នាក់ដឹកនាំចលនាអូឡាំពិកអាស៊ីទាំងអស់គ្នា បានអបអរសាទរ ចំពោះស៊ីហ្គេមរបស់កម្ពុជា ហើយ​បាន​ផ្ដល់តម្លៃខ្ពស់ ចំពោះការរៀបចំដ៏ជោគជ័យរបស់កម្ពុជា ក្នុងនាមម្ចាស់ផ្ទះ ។ គេជឿជាក់ថា កម្ពុជានឹងមានការរីកចម្រើនជាងនេះ ចំពោះ​ការ​រៀបចំ​ព្រឹត្តិការណ៍​កីឡា​ធំ​ៗ​នា​ពេល​ខាង​មុខ​ទៀត ។គួរដឹងថា មហាសន្និបាត OCA លើកទី៤២ នៅទីក្រុងបាងកក បានរៀបចំកាលពីថ្ងៃទី០៨ ខែ​កក្កដា ឆ្នាំ២០២៣ ខណៈការបោះឆ្នោតជ្រើសរើសប្រធានថ្មី គឺមាន​បេក្ខភាព​ឈរ​ឈ្មោះ​ប្រកួ​ត​ប្រជែង ២រូប រួមមានព្រះអង្គម្ចាស់ Sheikh Talal Fahad Al-Sabah និងលោក Husain Al-Musallam ។ ជាលទ្ធផល គឺព្រះអង្គម្ចាស់ Sheikh Talal Fahad Al-Sabah ​ដែលជាប្អូន​របស់​អតីត​ប្រធាន OCA មុន គឺព្រះអង្គម្ចាស់ Sheikh Ahmad Fahad Al-Sabah បាន​ជាប់ឆ្នោត​ធ្វើ​ជា​ប្រធាន OCA ថ្មី ក្រោយទទួលបានសម្លេងឆ្នោតគាំទ្រចំនួន ២៤សម្លេង ក្នុងចំណោម ៤៤សម្លេង ខណៈគូប្រជែងលោក Husain ទទួលបានសម្លេងគាំទ្រ ២០សម្លេងប៉ុណ្ណោះ ៕ អត្ថបទ លី ឈុនឡា  

កីឡាការិនីផ្នែកចំបាប់ នៅឥណ្ឌា ជំរុញឲ្យមានកំណែទម្រង់ ក្រោយមានករណីបៀតបៀនផ្លូវភេទ

2023/07/03 08:34:19 pm        157
Facebook Telegram Linkin
ឥណ្ឌា៖ កីឡាការិនីផ្នែកចំបាប់របស់ប្រទេសឥណ្ឌា និងក្រុមគ្រួសាររបស់ពួកគេ ដែលមានការស្រឡាំងកាំង និងខឹងសម្បា ចំពោះការចោទប្រកាន់ពីបទបៀតបៀនផ្លូវភេទពីសំណាក់អ្នកគ្រប់គ្រងកីឡាជាន់ខ្ពស់មួយរូប កំពុងជំរុញឲ្យមានកំណែទម្រង់ រាប់តាំងពីអ្នកមើលថែដែលអមដំណើរអ្នកប្រកួត រហូតដល់ទាមទារឲ្យមានមន្ត្រីជាស្ត្រីបន្ថែមទៀត នៅក្នុងជួរមន្ត្រីជាន់ខ្ពស់នៃស្ថាប័នកីឡា។តុលាការដែលបើកសវនាការលើកដំបូង បានទទួលស្គាល់ក្នុងខែនេះនូវបណ្តឹងពាក់ព័ន្ធនឹងការបៀតបៀនផ្លូវភេទ និងការបំភិតបំភ័យប្រឆាំងនឹងប្រធានសហព័ន្ធកីឡាចំបាប់ឥណ្ឌា (WFI) លោក Brij Bhushan Sharan Singh ដែលជាសមាជិកសភាដ៏មានឥទ្ធិពលនៃគណបក្សកាន់អំណាចរបស់លោកនាយករដ្ឋមន្ត្រី Narendra Modi។ប៉ុន្តែការពន្យារពេលក្នុងការចាត់វិធានការ បានទាក់ទាញការចាប់អារម្មណ៍ជាសកល នៅពេលដែលកីឡាករចំបាប់ល្បីៗ បានគំរាមកាលពីខែឧសភាថា នឹងបោះមេដាយរបស់ពួកគេទៅក្នុងទន្លេគង្គា ដែលជាទន្លេដ៏ពិសិដ្ឋបំផុតរបស់សាសនាហិណ្ឌូ ក្នុងការតវ៉ាប្រហែល ៥ខែ បន្ទាប់ពីមានការចោទប្រកាន់លើលោក Singh ពីបទលូកលាន់នារីវ័យក្មេង អំឡុងការប្រកួត។តែនៅក្នុងបទសម្ភាសន៍តាមប្រព័ន្ធផ្សព្វផ្សាយក្នុងស្រុក លោក Singh បានបដិសេធការចោទប្រកាន់ពាក់ព័ន្ធនឹងការបៀតបៀនផ្លូវភេទលើកីឡាការិនីចំបាប់ទាំងប្រាំ៦រូប ដែលបានធ្វើជាតំណាងឲ្យប្រទេសឥណ្ឌាក្នុងការប្រកួតលក្ខណៈអន្តរជាតិ ដោយជំនួយការម្នាក់បានប្រាប់ថា ភាពគ្មានទោសរបស់អ្នកគ្រប់គ្រងរូបនេះ នឹងត្រូវប្រកាសដោយតុលាការ។ ប្រសិនបើរូបលោកត្រូវបានកាត់ឲ្យមានទោស លោកអាចប្រឈមនឹងការជាប់ពន្ធនាគាររហូតដល់ ៣ឆ្នាំ៕

Liverpool ទិញបានខ្សែបម្រើម្នាក់ទៀត Dominik Szoboszlai ពី Leipzig តម្លៃ ៦០ លានផោន

2023/07/03 07:16:03 pm        253
Facebook Telegram Linkin
ក្លិបបាល់ទាត់ហង្សក្រហម Liverpool បានសម្រេចក្នុងការនាំចូលខ្សែបម្រើមួយរូបទៀតហើយ គឺកីឡាករ​ហុងគ្រី Dominik Szoboszlai ពីក្លិបអាល្លឺម៉ង់ RB Leipzig ក្នុងតម្លៃ ៧០ លាន​ផោន​ជាមួយ​នឹងកិច្ចសន្យា ៥ ឆ្នាំ។កីឡាករវ័យ ២២ ឆ្នាំរូបនេះបានក្លាយជាកីឡាករទីពីរដែលមកកាន់ Liverpool ក្នុងរដូវក្តៅ​នេះ​បន្ទាប់​ពី​ខ្សែ​បម្រើជយលាភី World Cup, Alexis Mac Allister ផ្ទេរពី Brighton ក្នុងតម្លៃ ៣៥ លា​ន​ផោន។ Dominik Szoboszlai មុនមកដល់ Liverpool នេះគេបានជួយ Leipzig ឈ្នះបាន German Cup ២ រដូវកាលជាប់គ្នា ខណៈរដូវកាលមុនបង្ហាញខ្លួនបាន ៣១ ប្រកួតនៅ Bundesliga ស៊ុតបញ្ចូលទីបាន ៦ គ្រាប់ និង ៨ បាល់បញ្ជូន។ Szoboszlai បានផ្លាស់ពីក្លិបរួមថៅកែ Red Bull Salzburg កាលពីខែមករាឆ្នាំ ២០២១ មកកាន់ Reb Bull Leipzig បង្ហាញខ្លួននៅទឹកដីអូទ្រីសបាន ៩១ លើកស៊ុតបញ្ចូលទីបាន ២០ គ្រាប់ និង ២១ បាល់បញ្ជូន។ ក្រុមរបស់លោក Jurgen Klopp កំពុងព្យាយាមនាំចូលខ្សែបម្រើដើម្បីបំពេញចន្លោះខ្វះខាត បន្ទាប់​ពី​ការចាកចេញរបស់ James Milner, Naby Keita និង Alex Oxlade-Chamberlain៕ អត្ថបទ៖នាង សុភាវុធ 

កីឡាការិនីលោតទឹកអូស្រ្តាលី Iffland ពន្លាតជ័យជំនះ ១០ ព្រឹត្តិការណ៍ជាប់គ្នា​ក្រោយឈ្នះនៅអ៊ីតាលី

2023/07/03 06:47:12 pm        162
Facebook Telegram Linkin
ព្រឹត្តិការណ៍កីឡាលោតទឹក Red Bull Cliff Diving បានបន្តដំណើរឈានមកដល់ជុំទី ៣ ហើយ​ក្នុង​រដូវកាល ២០២៣ នេះបន្ទាប់ពីជុំដំបូងនៅទឹកដីទីក្រុង Boston សហរដ្ឋអាមេរិក និង​ទីក្រុង​ប៉ារីស​ប្រទេសបារាំង។ជុំទី ៣​ នេះធ្វើឡើងនៅ Polignano a Mare ប្រទេសអ៊ីតាលី ខណៈ​កំពូល​កីឡាការិនី​លោត​ទឹក​អូស្រ្តាលី Rhiannan Iffland នៅតែបន្តជ័យជំនះរបស់ជាប់គ្នា ១០ ព្រឹត្តិការណ៍​រាប់​តាំង​ពី​រដូវ​កាល​មុន។ កីឡាការិនីវ័យ ៣១ ឆ្នាំរូបនេះបានបញ្ចប់ការប្រកួតនៅទឹកដីអ៊ីតាលីជាមួយនឹងពិន្ទុសរុប ៣៤៥.៨៥ ពិន្ទុតាមពីក្រោយដោយកីឡាការិនីកាណាដា Molly Carlson និងលេខ ៣ កីឡាករ​អូស្រ្តាលី Xantheia Pennisi។ ជ័យជំនះ ៣ ព្រឹត្តិការណ៍ជាប់គ្នាក្នុងឆ្នាំ ២០២៣ នេះ Rhiannan Iffland បន្ត​នាំ​មុខ​គេ​ក្នុង​តារាង​ជើង​ឯក​ពិភពលោកមានសរុប ៦២០ ពិន្ទុ តាមពីក្រោយដោយ Molly Carlson មាន ៤៩០ ពិន្ទុ និង​លេខ ៣ កីឡាការិនីអាល្លឺម៉ង់ Iris Schmidbauer មាន ២៨៤ ពិន្ទុ។ ងាកមកការប្រកួតផ្នែកបុរសវិញ ជ័យជំនះនៅអ៊ីតាលីនេះបានទៅកីឡាករអង់គ្លេស Aidan Hislop តាមពីក្រោយដោយកីឡាកររ៉ូម៉ានីទាំងពីរនាក់ Constantine Popovici និង Catalin Preda។ជុំទី ៤ Red Bull Cliff Diving នឹងបន្តដំណើរទៅ Takachiho ប្រទេសជប៉ុនដើមខែសីហា៕ អត្ថបទ៖នាង សុភាវុធ 

ជប៉ុនគ្រងជើងឯកបាល់ទាត់យុវជនអាស៊ីអាយុក្រោម ១៧ ឆ្នាំលើកទី ៤ ក្នុងប្រវត្តិសាស្រ្ត

2023/07/03 06:37:58 pm        301
Facebook Telegram Linkin
ក្រុមបាល់ទាត់យុវជនជប៉ុនបានក្លាយជាជើងឯកការប្រកួតបាល់ទាត់យុវជនអាស៊ី​អាយុក្រោម ១៧ឆ្នាំ AFC U17 Asian Cup 2023 ដែលរៀបចំនៅប្រទេសថៃ ក្រោយយកឈ្នះ​ក្រុមយុវជន​កូរ៉េ​នៅ​វគ្គផ្តាច់ព្រ័ត្រមិនតានតឹង ៣-០។ជប៉ុនដែលគេមើលឃើញថា ជាក្រុមមានប្រៀបតាមរយៈជ័យជំនះក្នុងពូល និងវគ្គចាញ់ធ្លាក់នោះ នៅតែបន្តជាក្រុម មានប្រៀបទៀតនៅវគ្គផ្តាច់ព្រ័ត្រនេះ តែពួកគេត្រូវរង់ចាំដល់ចុងវគ្គទី​១ នាទីទី ៤៥+១ ទៅហើយទើបអាចរកបានគ្រាប់នាំមុខដោយ Gaku Nawata។ឈានចូលវគ្គទី ២ ក្រុមការពារតំណែងជើងឯកមួយនេះរកបានគ្រាប់ទីពីររបស់ខ្លួននៅនាទីទី ៦៦ ដោយ Gaku Nawata ដដែល មុនពេលដែលគ្រាប់ចុងក្រោយកើតឡើងនៅនាទីទី ៩០+៦ ទៅ​ហើយ​ដោយ Yutaka Michiwaki។ សូមបញ្ជាក់ថា នេះជាជើងឯកបាល់ទាត់យុវជនអាយុក្រោម ១៧ ឆ្នាំអាស៊ីលើកទី ៤ សម្រាប់​ជប៉ុន​បន្ទាប់ពីឈ្នះបីលើកមុននៅឆ្នាំ ១៩៩៤ ២០០៦ និង ២០១៨ ខណៈដែល​កូរ៉េ​បន្ត​ខក​ចិត្ត​លើកទី ៣ នៅវគ្គផ្តាច់ព្រ័ត្រនេះ។សម្រាប់កីឡាករ Gaku Nawata ដែលរកបាន ២ គ្រាប់​នៅ​វគ្គ​ផ្តាច់​ព្រ័ត្រ​នេះ​ក្លាយ​ជា​កីឡាករ​ដែល​ស៊ុតប​ញ្ចូល​ទីច្រើនជាងគេក្នុងព្រឹត្តិការណ៍សរុប ៥ គ្រាប់ និងក្លាយជា​កីឡាករ​ឆ្នើម​បំផុត​ប្រចាំ​ព្រឹត្តិការណ៍​ផង​ដែរ៕ អត្ថបទ៖នាង សុភាវុធ

ក្រុមបាល់ទាត់នារី U19 កម្ពុជា ចេញទៅប្រកួតជើងឯកអាស៊ាន នៅឥណ្ឌូនេស៊ី

2023/07/03 06:21:08 pm        232
Facebook Telegram Linkin
ក្រុមបាល់ទាត់ជម្រើសជាតិនារីអាយុក្រោម ១៩ឆ្នាំកម្ពុជា បានចាកចេញពីមាតុភូមិ ដើម្បី​ចូលរួម​ការ​ប្រកួត​បាល់ទាត់នារីជ្រើសរើសជើងឯកអាស៊ីអាគ្នេយ៍អាយុក្រោម ១៩ឆ្នាំ ឆ្នាំ២០២៣ AFF U19 Women’s Championship 2023 នៅប្រទេសឥណ្ឌូនេស៊ីហើយ កាល​ពី​យប់​រំលង​អធ្រាត្រ​ឈាន​ចូល​ថ្ងៃទី០៣ ខែកក្កដា ឆ្នាំ២០២៣ នេះ ។ព្រឹត្តិការណ៍នេះ គ្រោងចាប់ផ្ដើមការប្រកួតផ្លូវការ ពីថ្ងៃទី០៥ រហូតដល់ថ្ងៃទី១៥ ខែកក្កដា ឆ្នាំ​២០២៣ ខាងមុខ ដោយមានបេក្ខភាព ១០ក្រុមចូលរួម និងបែងចែកជា ៣ពូល ក្នុង​នោះ​ក្រុម​ជម្រើស​ជាតិ​នារី U19 កម្ពុជា ស្ថិតក្នុងពូល A ជាមួយក្រុមម្ចាស់ផ្ទះឥណ្ឌូនេស៊ី ឡាវ និង​ទីម័រ​ខាង​កើត ខណៈ ២ពូលទៀត មាន ៣ក្រុមដូចគ្នា ក្នុងនោះពូល B មានវៀតណាម ម៉ាឡេស៊ី និង​សិង្ហបុរី និងពូល C មានថៃ មីយ៉ាន់ម៉ា និងហ្វីលីពីន ។សម្រាប់បេសកកម្មរបស់ក្រុមបាល់ទាត់នារីអាយុក្រោម ១៩ឆ្នាំកម្ពុជា គឺដឹកនាំដោយលោក ប្រាក់ វុទ្ធី ហើយមុនចេញដំណើរ ពោលគឺនៅថ្ងៃទី០២ ខែកក្កដាម្សិលមិញ សហព័ន្ធ​កីឡា​បាល់​ទាត់​កម្ពុជា បានបង្ហាញកីឡាការិនីចំនួន ២៣នាក់ ដែលបានជាប់បញ្ជីឈ្មោះចុងក្រោយ ក្នុ​ង​នោះ​មាន​កីឡា​ការិនី​ក្លិបព្រះខ័នរាជស្វាយរៀង ២នាក់, ខេត្តសៀមរាប ៧នាក់, ណាហ្គាវើលដ៏ ៣នាក់, វិសាខា ៥នាក់, បឹងកេត ៤នាក់ និងសមាជិកក្លិបភ្នំពេញក្រោន ២នាក់ ។ចំពោះការប្រកួតដែលធ្វើឡើងនៅកីឡដ្ឋាន Gelora Sriwijaya នៃ​ខេត្ត Palembang ​ប្រទេស​ឥណ្ឌូនេស៊ី​នេះ សម្រាប់ក្រុមបាល់ទាត់នារី U19 កម្ពុជា នឹងត្រូវជួបឡាវមុនគេ នាថ្ងៃទី០៥-កក្កដា មុន​បន្ដជួបក្រុមទីម័រខាងកើត នាថ្ងៃទី៧-កក្កដា និងចុងក្រោយជួបក្រុមម្ចាស់ផ្ទះឥណ្ឌូនេស៊ី នាថ្ងៃ​ទី០៩ ខែកក្កដាខាងមុខ ។ រីឯរូបមន្ដការប្រកួតនេះ ក្រោយបញ្ចប់ការប្រកួតជម្រុះក្នុងពូល ក្រុម​ឈរ​លេខ​១ នៃពូលនីមួយៗ ព្រមទាំងក្រុមចំណាត់ថ្នាក់លេខ២ ល្អជាងគេប្រចាំពូលទាំង ៣ នឹង​ទទួល​បាន​កៅអីវគ្គពាក់កណ្ដាលផ្ដាច់ព្រ័ត្រតែម្ដង ៕ អត្ថបទ លី ឈុនឡា 

រាជរដ្ឋាភិបាលកម្ពុជា បានប្រគល់ប្រាក់រង្វាន់ជាង ៦,៦លានដុល្លារ ដល់ជ័យលាភីមេដាយស៊ីហ្គេម-អាស៊ាន​ប៉ារ៉ាហ្គេម ឆ្នាំ២០២៣

2023/06/27 10:12:45 pm        549
Facebook Telegram Linkin
រាជរដ្ឋាភិបាលកម្ពុជា បានផ្ដល់ប្រាក់រង្វាន់លើកទឹកចិត្តដល់គ្រូបង្វឹក គ្រូជំនួយ និងកីឡាករ-កីឡា​ការិនីជយលាភីមេដាយ នៃការប្រកួតកីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី​១២ ឆ្នាំ២០២៣ សរុបថវិកាចំនួន ២៧,៣០៣,៦០០,០០០រៀល ឬប្រមាណ ៦,៦៥៩,៤១៤​ដុល្លារ​អាមេរិក បន្ទាប់ពីការខិតខំប្រឹងប្រែងប្រកួតប្រជែងដណ្ដើមមេដាយជូនជាតិ ក្នុង​នាម​ម្ចាស់​ផ្ទះ នៃព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជា កាលពីថ្មីៗ ។ពិធីប្រគល់ប្រាក់រង្វាន់នេះ រៀបចំឡើងក្រោមអធិបតីភាពសម្ដេចពិជ័យសេនា ទៀ បាញ់ ឧប​នាយក​រដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធាន​គណៈកម្មាធិការ​ជាតិ​រៀបចំ​ការ​ប្រកួត​កីឡា​ស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ តំណាងដ៏ខ្ពង់ខ្ពស់របស់សម្ដេចតេជោ ហ៊ុន សែន នាយក​រដ្ឋមន្ដ្រីនៃកម្ពុជា ក្នុងកម្មវិធីបូកសរុបលទ្ធផលការងារស៊ីហ្គេម និងអាស៊ានប៉ារ៉ាហ្គេម ឆ្នាំ​២០២៣ និងពិធីប្រគល់ប្រាក់រង្វាន់ជយលាភី នៅព្រឹកថ្ងៃទី២៧ ខែមិថុនា ឆ្នាំ២០២៣ នេះ នៅ​ទីស្ដី​ការ​ក្រសួងការពារជាតិ ។ឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រយ៍ នៃ​គណៈកម្មាធិការ​ជាតិ CAMSOC និង CAMAPGOC ដោយទទួល​បាន​ការ​យក​ចិត្ដ​ទុក​ដាក់​ខ្ពស់​ពីរាជរដ្ឋាភិបាល ក្នុងការជំរុញ និងលើកទឹកចិត្តកីឡាករ-កីឡាការិនីជាតិ រាជ​រដ្ឋាភិបាល​បាន​ចេញ​អនុ​ក្រឹត្យផ្ដល់​ប្រាក់រង្វាន់ជូនអត្តពលិកជាតិ និងគ្រូបង្វឹក-គ្រូជំនួយ ដណ្ដើមបានមេដាយមាស ប្រាក់ និងសំរឹទ្ធ នៃការប្រកួតកីឡាស៊ីហ្គេម និងអាស៊ានប៉ារ៉ាហ្គេម រួមមានមេដាយមាស ៤០លាន​រៀល មេដាយប្រាក់ ៣០លានរៀល និងមេដាយសំរឹទ្ធ ១៦លានរៀល ។ រីឯគ្រូបង្គោល ទទួល​បាន​ដូច​កីឡាករ​មេដាយខ្ពស់បំផុតរបស់ខ្លួន ហើយគ្រូជំនួយក៏ទទួលបាន ៧០% នៃគ្រូបង្គោលដែរ។ក្រឡេកទៅចាប់អារម្មណ៍ការប្រកួតកីឡាស៊ីហ្គេម លើកទី៣២ នៅកម្ពុជា កាលពីថ្ងៃទី០៥-១៧ ខែឧសភាថ្មីៗ កម្ពុជា ដណ្ដើមបានមេដាយសរុប ២៨២គ្រឿង ក្នុងនោះមានមេដាយមាស ៨១ មេដាយប្រាក់ ៧៤ និងមេដាយសំរឹទ្ធ ១២៧គ្រឿង ឈរចំណាត់ថ្នាក់លេខរៀងទី៤ ។ រីឯ​ការ​ប្រកួត​កីឡាអាស៊ានប៉ារ៉ាហ្គេម លើកទី១២ ម្ចាស់ផ្ទះកម្ពុជា ដណ្ដើមមេដាយសរុប ៧១គ្រឿង រួមមាន​មេដាយមាស ៩ មេដាយប្រាក់ ១៨ និងមេដាយសំរឹទ្ធ ៤៤គ្រឿង ឈរចំណាត់​ថ្នាក់​លេខ​រៀង​ទី៨ ក្នុងចំណោម ១១ប្រទេសចូលរួម ។ផ្នែកតាមអនុក្រឹត្រ និងសមិទ្ធផល ដែលអត្តពលិកកម្ពុជា ដណ្ដើមបានពីព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣ គឺរាជរដ្ឋាភិបាល បានចំណាយថវិកាចំនួន ២៧,៣០៣,៦០០,០០០រៀល ឬប្រមាណ ៦,៦៥៩,៤១៤ដុល្លារអាមេរិក ដែល​ត្រូវ​បាន​សម្ដេច​ពិជ័យ​សេនា ទៀ បាញ់ តំណាងដ៏ខ្ពង់ខ្ពស់របស់សម្ដេចតេជោនាយករដ្ឋមន្ដ្រី បាន​នាំយក​មក​ប្រគល់​ជូន​គ្រូបង្វឹក គ្រូជំនួយ និងកីឡាករ-កីឡាការិនីជយលាភី នៅព្រឹកថ្ងៃទី២៧ ខែមិថុនា ឆ្នាំ២០២៣ នេះ ។ក្នុងនោះមានគ្រូបង្វឹក គ្រូជំនួយ និងកីឡាករ-កីឡាការិនីសរុប ៥៩៨នាក់ ដែល​ទទួល​បាន​ប្រាក់​រង្វាន់​លើកទឹកចិត្តរបស់រាជរដ្ឋាភិបាលនេះ តែមានគ្រូបង្វឹក និងកីឡាករ-កីឡាការិនី​កូន​ខ្មែរ​នៅ​ក្រៅ​ប្រទេស​ចំនួន ៨៦នាក់ ស្មើនឹងទឹកប្រាក់ ៣,៩៣៥,០០០រៀល ត្រូវបានបើកជូនមុន ពេល​ចាក​ចេញ​ពីកម្ពុជា ។ នេះបើតាមការបញ្ជាក់បន្ថែមរបស់ឯកឧត្តមបណ្ឌិត ថោង ខុន ៕ អត្ថបទ៖ លី ឈុនឡា

ព្រឹត្តិការណ៍កីឡាអូឡាំពិកអេឡិចត្រូនិចលើកដំបូងបញ្ចប់ដោយជោគជ័យនៅទឹកដីសិង្ហបុរី

2023/06/26 07:25:54 pm        277
Facebook Telegram Linkin
ព្រឹត្តិការណ៍កីឡាអូឡាំពិកអេឡិចត្រូនិច Olympic Esports ជាលើកដំបូងបានបញ្ចប់ដោយជោគជ័យនៅទឹកដី សិង្ហបុរីកាលពីថ្ងៃអាទិត្យម្សិលមិញ។ព្រឹត្តិការណ៍កីឡាដែលជារៀបចំឡើងជាលើកដំបូងមួយនេះ មានអ្នកចូលរួមប្រមាណ ១៣០ នាក់មកពី ៦០ ប្រទេសជុំវិញពិភពលោក ចូលរួមការប្រកួតចំនួន ១០ វិញ្ញាសាកីឡាដែលរួមមាន បាញ់ធ្នូ បេស្បល អុក ជិះកង់ រាំ ប្រណាំងយានយន្ត ទូកក្តោង បាញ់កាំភ្លើង តេក្វាន់ដូ និងវាយកូនបាល់។ អនុប្រធានគណៈកម្មាធិការអូឡាំពិកអន្តរជាតិលោក Ser Miang Ng បានហៅព្រឹត្តិការណ៍នេះថា ជាក្តីរំភើបសំរាប់គ្រប់គ្នាដែលបានចូលរួម ក្នុងការបើកទំព័រប្រវត្តិសាស្រ្តថ្មីនេះ។គោលបំណងនៃការបង្កើតឡើង និងរៀបចំឱ្យព្រឹត្តិការណ៍កីឡាអូឡាំពិកអេឡិចត្រូនិចនេះ គឺឆ្លើយទៅនឹងសន្ទុះនៃ ការកើនឡើងចំនួនអ្នកលេងកីឡាអេឡិចត្រូនិច និងប្រជាប្រិយកីឡាបែបនេះកាន់តែធំទៅៗជុំវិញពិភពលោក។ មួយវិញទៀតគឺដើម្បីអូឡាំពិកចង់ប្រើប្រាស់ប្រព័ន្ធអេឡិចត្រូនិច ក៏ដូចជាបច្ចេកវិទ្យាទំនើបដើម្បីបញ្ជ្រាប និងផ្សព្វផ្សាយចលនាអូឡាំពិក និងកីឡាទៅកាន់ស្រទាប់យុវជន។ សូមបញ្ជាក់ថា អត្តពលិកកីឡាអេឡិចត្រូនិចបារាំងទទួលបានជោគជ័យជាងគេក្នុងព្រឹត្តិការណ៍ដំបូងនេះដោយឈ្នះជើងឯក ៤ វិញ្ញាសាកីឡាក្នុងចំណោម ១០ រួមមាន កីឡារាំ ប្រណាំងយានយន្ត ទូកក្តោង និងវាយកូនបាល់ ខណៈម្ចាស់ផ្ទះសិង្ហបុរីឈ្នះវិញ្ញាសាតេក្វាន់ដូ៕ អត្ថបទ៖ នាង សុភាវុធ

កីឡាខ្សោយបញ្ញាកម្ពុជា ឈ្នះមេដាយ ២គ្រឿង ក្នុងការប្រកួតកីឡាស្ប៉េស្យាល់អូឡាំពិករដូវក្ដៅពិភពលោក ឆ្នាំ២០២៣

2023/06/26 07:04:18 pm        185
Facebook Telegram Linkin
ក្រុមកីឡាជនពិការសតិបញ្ញាខ្សោយរបស់កម្ពុជា បានឈ្នះមេដាយ ២គ្រឿង រួមមានមេដាយប្រាក់១ និងសំរឹទ្ធ១ ក្នុងការប្រកួតកីឡាស្ប៉េស្យាល់អូឡាំពិករដូវក្តៅពិភពលោក «Special Olympics World Games Berlin 2023» នៅទីក្រុងប៊ែរឡាំង ប្រទេសអាល្លឺម៉ង់ កាលពីចុងសប្ដាហ៍កន្លងទៅ ។សម្រាប់មេដាយប្រាក់ គឺដណ្ដើមបានដោយកីឡាការិនី នុត សុផាន់ណា លើវិញ្ញាសារត់ចម្ងាយ ១០០ម៉ែត្រ ។ រីឯមេដាយសំរឹទ្ធ ដណ្ដើមបានដោយកីឡាករ វិបុល មង្គល និងកីឡាការិនី ហ៊ន ចាន់ថុល ក្នុងការប្រកួតកីឡាប៊ូល វិញ្ញាសាវាយគូចម្រុះ កាលពីថ្ងៃទី២៥ ខែមិថុនា ឆ្នាំ២០២៣ ម្សិលមិញ ។គួរដឹងថា ការប្រកួតកីឡាខ្សោយបញ្ញាពិភពលោកនេះ បានរៀបចំការប្រកួតជាង ១សប្ដាហ៍ ចាប់ពីថ្ងៃទី១៨ ដល់ថ្ងៃទី២៥ ខែមិថុនា ដោយមានអត្តពលិកចូលរួមជាង ៧ពាន់នាក់ មកពីជាង ១៩០ប្រទេស ក្នុងនោះក៏មានវត្តមានកីឡាករ-កីឡាការិនីខ្សោយបញ្ញាកម្ពុជា ៤រូបផងដែរ ដែលដឹកនាំដោយឯកឧត្តម សែម សុខា រដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា និងជាអនុប្រធានគណៈកម្មាធិការជាតិស្ប៉ស្យាល់អូឡាំពិកកម្ពុជា៕ អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

[UPDATE] ក្រសួងអេស្ប៉ាញ៖ ជនអន្តោប្រវេសន៍ជាង ២៥.០០០នាក់ បានវិលត្រឡប់ទៅ​ម៉ារ៉ុកវិញពីដែនដី Ceuta
07/31/2026 09:07 PM
Facebook Telegram Linkin
[UPDATE]ជនអន្តោប្រវេសន៍ប្រហែល ៦០.០០០នាក់ ចូលដែនដី​ Ceuta របស់អេស្ប៉ាញ ខណៈមាន​អ្នកស្លាប់ ៣៤នាក់​
07/31/2026 09:07 PM
Facebook Telegram Linkin
របាយការណ៍៖ ណាតូចង់​ពង្រីកខែល​ការពារ​នុយក្លេអ៊ែរ នៅអឺរ៉ុប ក្នុង​ពេលមានការគំរាមកំហែង​ពីរុស្ស៊ី
07/31/2026 09:07 PM
Facebook Telegram Linkin
មនុស្ស ២៥នាក់ស្លាប់ និង ៤៤នាក់រងរបួស ក្នុងគ្រោះថ្នាក់រថយន្តក្រុង នៅភាគខាងជើងអាល់ហ្សេរី
07/31/2026 09:07 PM
Facebook Telegram Linkin
មន្រ្តី UN៖ អាមេរិកឡាទីន នឹងមើលឃើញបាតុភូតអែល នីញ៉ូដ៏ខ្លាំងកា្លបំផុត
07/31/2026 09:07 PM
Facebook Telegram Linkin
អ្នកឡើងភ្នំ ១០នាក់ ដឹកនាំដោយអ្នកឡើងភ្នំដ៏ល្បីល្បាញម្នាក់របស់នេប៉ាល់ បាត់ខ្លួននៅលើភ្នំប៉ាគីស្ថាន
07/31/2026 08:07 PM
Facebook Telegram Linkin
ភ្លើងឆេះព្រៃបំផ្លាញចម្ការផ្លែបឺរនៅអេស្ប៉ាញ និងគំរាមកំហែងដល់ការប្រមូលផលរយៈពេលច្រើនឆ្នាំ
07/31/2026 08:07 PM
Facebook Telegram Linkin
BREAKING NEWS | ជនអន្តោប្រវេសន៍ប្រហែល ៦០.០០០នាក់ ចូលដែនដី​ Ceuta របស់អេស្ប៉ាញ ខណៈមាន​អ្នកស្លាប់ ៣៤នាក់​
07/31/2026 08:07 PM
Facebook Telegram Linkin
ជនប៉ាឡេស្ទីន មានមន្ទិលសង្ស័យ ក្រោយលោក Trump ប្រកាសកិច្ចព្រមព្រៀងរំសាយអាវុធក្រុមហាម៉ាស
07/31/2026 08:07 PM
Facebook Telegram Linkin
កូរ៉េខាងត្បូងកត់ត្រាសីតុណ្ហភាពខ្ពស់បំផុតមិនធ្លាប់មាន ៤១,៤អង្សាសេ ខណៈរលកកម្ដៅ​កាន់តែខ្លាំង
07/31/2026 08:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.