BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Ruben Neves ព្រមព្រៀងចាកចេញពី Wolves ទៅ Al Hilal តម្លៃផ្ទេរ ៤៧ លានផោន

ក្លិបបាល់ទាត់ Wolverhampton បានឈានដល់កិច្ចព្រមព្រៀងហើយក្នុងការលក់ចេញប្រធានក្រុម Ruben Neves ទៅឱ្យក្លិបអារ៉ាប៊ីសាអ៊ូឌីតក្នុងតម្លៃផ្ទេរ ៤៧ លានផោន។ កីឡាករវ័យ ២៦ ឆ្នាំរូបនេះនៅសល់សុពលភាពកិច្ចសន្យា ១ ឆ្នាំទៀតជាមួយ Wolves។មុនឈានដល់កិច្ចព្រមព្រៀងនេះ Ruben Neves ធ្លាប់ទទួលការចាប់អារម្មណ៍ខ្លាំងពី FC Barcelona ផងដែរ តែ Wolves បដិសេធសំណើដែលមានតម្លៃទាប។តម្លៃនៃការផ្ទេរ Ruben Neves ៤៧ លានផោននេះធ្វើឱ្យ Wolves មានដើមទុនក្នុងការនាំយកកីឡាករថ្មីបន្ថែមត្រៀមសម្រាប់រដូវកាលក្រោយផងដែរ។Ruben Neves បានផ្លាស់មកកាន់ Wolves នៅឆ្នាំ ២០១៧ ពី FC Porto ជួយក្រុមឈ្នះជើងឯក League Championship ឡើងមកកាន់ Premier League នៅឆ្នាំ ២០១៨ ហើយ Wolves ក៏បានបញ្ចប់រដូវកាលនៅ Premier League ចំណាត់ថ្នាក់លេខ ៧ ពីររដូវកាលជាប់គ្នាតាមរយៈការបង្ហាញខ្លួនសរុប ២៥៣ លើករកបាន ៣០ គ្រាប់។ ការផ្លាស់ទៅកាន់ទឹកដីអារ៉ាប៊ីសាអ៊ូឌីតរបស់ Ruben Neves នៅពេលនេះ មានន័យថា Saudi Pro League កាន់តែប្រមូលផ្តុំដោយតារាបាល់ទាត់ពីអឺរ៉ុបបន្ថែមទៀតបន្ទាប់ពី Cristiano Ronaldo នៅ Al Nassr, Karim Benzema នៅ Al Ittihad ស្របពេលតារាបាល់ទាត់ច្រើននាក់ទៀតកំពុងស្ថិតក្នុងការចរចាផងដែររួមមាន N’Golo Kante, Hakim Ziyech និង David de Gea ជាដើម៕ អត្ថបទ៖នាង សុភាវុធ

កីឡាករអាមេរិក Frances Tiafoe គ្រងជើងឯកវាយកូនបាល់ Stuttgart Open លើកដំបូងក្នុងអាជីព

កីឡាករវាយកូនបាល់អាមេរិក Frances Tiafoe បានក្លាយជាជើងឯក នៃការប្រកួតពានរង្វាន់ Stuttgart Open ក្រោយវាយបកពីក្រោយយកឈ្នះកីឡាករម្ចាស់ផ្ទះអាល្លឺម៉ង់ Jan-Lennard Struff នៅវគ្គផ្តាច់ព្រ័ត្រ។កីឡាករវ័យ ៣៣ ឆ្នាំ Jan-Lennard Struff បានយកឈ្នះសិតដំបូង ៦-៤ តែកីឡាករអាមេរិក Frances Tiafoe បានវាយបកយកឈ្នះវិញ ២ សិតផ្ទួនៗយ៉ាងតានតឹង ៧-៦(៧-១) និង ៧-៦(១០-៨) ដើម្បីគ្រងជើងឯក Stuttgart Open លើកដំបូង និងជាជើងឯកក្នុងក្របខណ្ឌ Tour លើកទី ៣ នៃអាជព។ ចំណែកការប្រកួតកម្មវិធីផ្សេងទៀត កីឡាករម្ចាស់ផ្ទះហូឡង់ Tallon Griekspoor បានគ្រងជើងឯក Libema Open នៅលើទឹកដីរបស់ខ្លួនក្រោយយកឈ្នះកីឡាករអូស្រ្តាលី Jordan Thompson នៅវគ្គផ្តាច់ព្រ័ត្រយ៉ាងតានតឹង ៦-៧(៤-៧) ៧-៦(៧-៣) និង ៦-៣។ ក្រឡេកមកការប្រកួតផ្នែកនារីវិញ នៃពានរង្វាន់ Libema Open នេះដែរ កីឡាការិនី Ekaterina Alexandrova គឺជាជើងឯកក្រោយវាយបកយកឈ្នះ Veronika Kudermetova ៤-៦, ៦-៤ និង ៧-៦(៧-៣) ប្រើពេលជិត ៣ ម៉ោង។ កម្មវិធីចុងក្រោយនេះ កីឡាការិនីអង់គ្លេស Katie Boulter បានគ្រងជើងឯកលើកដំបូងក្នុងក្របខណ្ឌ WTA Tour ក្រោយយកឈ្នះមិត្តរួមជាតិ Jodie Burrage ៦-៣ និង ៦-៣ លើកពាន Nottingham Open។ រំលឹកថា Katie Boulter មិនដែលឆ្លងផុតវគ្គ ៨ នាក់ចុងក្រោយទេ ទើបតែលើកនេះបានឈ្នះជើងឯក ដើម្បីឡើងមកលំដាប់ថ្នាក់ Top ៨០ ត្រៀមការប្រកួត Grand Slam, Wimbledon៕ អត្ថបទ៖នាង សុភាវុធ

ម្ចាស់មេដាយមាសស៊ីហ្គេម ស៊ូ បាលី ឈ្នះមេដាយសំរឹទ្ធ នៃជើងឯកចំបាប់អាស៊ី U23

សហព័ន្ធកីឡាចំបាប់កម្ពុជា បានបញ្ជូនកីឡាករ-កីឡាការិនីចំបាប់ ៤រូប ចូលរួមប្រកួតកីឡាចំបាប់ជើងឯកអាស៊ីអាយុក្រោម ២៣ឆ្នាំ(U23) នៅប្រទេសកៀហ្ស៊ីស៊ីស្ថាន កាលពីចុងសប្ដាហ៍កន្លងទៅ ខណៈកម្ពុជាដណ្ដើមបានមេដាយសំរឹទ្ធ ១គ្រឿង ដោយម្ចាស់មេដាយមាសស៊ីហ្គេម លើកទី៣២ កីឡាករ ស៊ូ ប៉ាលី ។ការប្រកួត ដែលបានចាប់ផ្ដើម តាំងពីថ្ងៃទី១៧ ខែមិថុនានេះ ក្នុងចំណោមអត្តពលិកកម្ពុជាទាំង ៤រូប គឺមានតែកីឡាករកូនកាត់ខ្មែរ-អ៊ីរ៉ង់ ស៊ូ បាលី ប៉ុណ្ណោះ ដែលបានឈានដល់វគ្ដដណ្ដើមមេដាយ បន្ទាប់ពីមិត្តរួមក្រុម ៣រូបផ្សេងទៀត បានអស់ឱកាស ក្រោយបរាជ័យក្នុងវគ្គជម្រុះ ។សម្រាប់ ស៊ូ បាលី ប្រកួតដំបូងរបស់ខ្លួន បានយកឈ្នះកីឡាករម្ចាស់ផ្ទះកៀហ្ស៊ីស៊ីស្ថាន ក្នុងលទ្ធផល ១០-០ពិន្ទុ ដើម្បីកក់កៅអីវគ្គពាក់កណ្ដាលផ្ដាច់ព្រ័ត្រ ។ តែសោកស្ដាយក្នុងវគ្គដ៏សំខាន់នេះ ស៊ូ បាលី បានចាញ់កីឡាករទួកមេនីស្ថាន ២-២ នៅវិនាទីចុងក្រោយ នាំឲ្យគេខកខានឱកាសឡើងវគ្គផ្ដាច់ព្រ័ត្រ ។យ៉ាងណាមិញ ម្ចាស់មេដាយមាសកីឡាស៊ីហ្គេម លើកទី៣២ រូបនេះ នៅតែអាចសាងកំណត់ត្រាថ្មីជូនប្រទេសកម្ពុជា បន្ទាប់ពីធ្វើការប្រកួតដណ្ដើមមេដាយសំរឹទ្ធ ហើយបានយកឈ្នះកីឡាករម៉ុងហ្គោលី ដោយលទ្ធផល ៦-១ពិន្ទុ កាលពីរាត្រីថ្ងៃទី១៨ ខែមិថុនា ឆ្នាំ២០២៣ ។លោក ខេស៊ី បាណេត អនុប្រធានសហព័ន្ធកីឡាចំបាប់កម្ពុជា បានបញ្ជាក់ថា ការចូលរួមប្រកួតកីឡាចំបាប់ជើងឯកអាស៊ី U23 នេះ គឺជាជំហានថ្មីមួយទៀត សម្រាប់ក្រុមកីឡាករ-កីឡាការិនីចំបាប់កម្ពុជា ក្នុងការត្រៀមខ្លួនចូលរួមប្រកួតកីឡាអាស៊ី នៅប្រទេសចិន នាចុងខែកញ្ញា ឆ្នាំ២០២៣ ខាងមុខ ។ រីឯអត្តពលិកចំបាប់កម្ពុជា ៣រូបទៀត ដែលពុំទទួលបានមេដាយ គឺមានកីឡាករ ម៉ូ សារី, កីឡាការិនី ជា កញ្ញា និងកីឡាការិនី ជឿន ស្រីឡែន៕ អត្ថបទ៖ លី ឈុនឡា

អត្តពលិកកម្ពុជាចូលរួមប្រកួតកីឡាស្ប៉េស្យាល់អូឡាំពិករដូវក្តៅពិភពលោក ២០២៣

ប៊ែរឡាំង, អាល្លឺម៉ង់៖ ពេលនេះប្រតិភូ និងអត្តពលិកខ្សោយបញ្ញាកម្ពុជា កំពុងស្ថិតនៅទីក្រុងប៊ែរឡាំង សាធារណរដ្ឋសហព័ន្ធអាល្លឺម៉ង់ ហើយបានត្រៀមខ្លួនរួចរាល់សម្រាប់ពិធីបើក និងការប្រកួតកីឡា ស្ប៉េស្យាល់អូឡាំពិករដូវក្តៅពិភពលោក ២០២៣ (Special Olympics World Games Berlin 2023)។ការប្រកួតនេះដំណើរការពីថ្ងៃទី១៧ ដល់ថ្ងៃទី២៥ ខែមិថុនា ឆ្នាំ២០២៣ ខណៈពិធីបើកផ្លូវការធ្វើឡើងនៅយប់នេះ។ យោងតាមគណៈកម្មាធិការជាតិស្ប៉េស្យាល់អូឡាំពិកកម្ពុជា បញ្ជាក់ថាប្រតិភូនេះដឹកនាំដោយ ឯកឧត្តម សែម សុខា រដ្ឋលេខាធិការ ក្រសួងសង្គមកិច្ច អតីតយុទ្ធជន និង យុវនីតិសម្បទា និងជាអនុប្រធាន គណៈកម្មាធិការជាតិស្ប៉េស្យាល់អូឡាំពិកកម្ពុជា ហើយកីឡាករកីឡាករ កីឡាការិនីខ្សោយបញ្ញារួមមាន កីឡាករ វិបុល មង្គល និងកីឡាការិនី ហ៊ន ចាន់ថុល ប្រភេទកីឡាប៊ូល (Boccia) និងកីឡាករ ប្រាក់ វណ្ណ និងកីឡាការិនី នុត សុផាណា ប្រភេទកីឡាអត្តពលកម្ម។ ក្រៅពីនោះនៅមានគ្រូបង្វឹក គ្រូជំនួយ និងមន្ត្រីពេទ្យផងដែរ។សូមជម្រាបជូនថាការប្រកួតស្ប៉េស្យាល់អូឡាំពិកពិភពលោក ២០២៣លើកទី១៦នេះ មានប្រទេសចូលរួម១៩០ អត្តពលិក ៧៥០០នាក់ ប្រកួតលើ២២ប្រភេទកីឡា៕

Messi ធ្វើឲ្យក្រុមអ្នកគាំទ្រឆ្ងួតវង្វេងនឹងការលេងរបស់គាត់នៅក្នុងពហុកីឡដ្ឋានចិន

ចិន៖ នៅយប់នារដូវក្តៅក្នុងទីក្រុងប៉េកាំងអំឡុងការប្រកួតជាមួយក្រុមជម្រើសជាតិអូស្រ្តាលីនៅក្នុងពហុកីឡដ្ឋាន Workers កីឡាករ Lionel Messi រកបានគ្រាប់បាល់ទៅហើយទល់នឹងក្រុមអូស្ត្រាលី ក្រោយលេងបានត្រឹមតែ ៩០វិនាទីប៉ុណ្ណោះ ធ្វើឲ្យក្រុមអ្នកគាំទ្របាល់ទាត់ចិនរាប់ម៉ឺនផ្ទុះភាពសប្បាយរីករាយយ៉ាងខ្លាំង ។ វាគឺជាសមុទ្រអាវខៀវលាយស.របស់ក្រុមជម្រើសជាតិអាហ្សង់ទីននៅក្នុងរដ្ឋធានីរបស់ចិនមួយនេះនៅយប់ថ្ងៃព្រហស្បតិ៍ ហើយអាវស្ទើតែទាំងអស់ មានឈ្មោះកីឡាករ Messi នៅផ្នែកខាងខ្នង ។ គួរឲ្យដឹងថា រាល់រដូវក្តៅ ទីក្រុងប៉េកាំងតែងតែរៀបចំការប្រកួតបាល់ទាត់មិត្តភាពតាមការអញ្ជើញ។ នៅលើកនេះ ក្រុមអ្នករៀបចំការប្រកួត បានជ្រើសរើសក្រុមដឹកនាំដោយកីឡាករម្នាក់ដែលអាចទាក់ទាញចំណាប់អារម្មណ៍នៅចិន ។ ក្រុមអ្នកគាំទ្រនាំគ្នាស្រែកឈ្មោះ Messi Messiនៅជុំវិញកៅអីអង្គុយរបស់ពួកគេ ប៉ុន្តែពេលខ្លះក៏ឮស្រែកពាក្យ Chinese for Argentina(ចិនសម្រាប់អាហ្សង់ទីន)ផងដែរ ។ ដោយឡែក សំបុត្រសម្រាប់ការប្រកួតនេះ បានលក់ដាច់អស់ក្នុងអត្រាខ្ពស់បំផុត ដែលភាគច្រើននៃសំបុត្រ លក់ក្នុងតម្លៃចន្លោះពី ៤០០ដុល្លារ ទៅ ៦៨០ដុល្លារ ៕

លោក Felix រំពឹងចាយពេលតិចជាងមុន ដើម្បីរៀបចំជម្រើសជាតិកម្ពុជាកាន់តែល្អប្រសើរ

លោក Felix Dalmas គ្រូបង្វឹកក្រុមបាល់ទាត់ជម្រើសជាតិកម្ពុជា សង្ឃឹមថា នឹងចាយពេលតិចជាងមុន ដើម្បីរៀបចំក្រុមឲ្យកាន់តែល្អប្រសើរ ។ ការលើកឡើងនេះ ធ្វើឡើងក្នុងសន្និសីទសារព័ត៌មាន មុនការប្រកួតមិត្តភាពអន្ដរជាតិជាមួយក្រុមជម្រើសជាតិបង់ក្លាសដែស នៅរាត្រីថ្ងៃទី១៥ ខែមិថុនា ឆ្នាំ២០២៣ នេះ នៅពហុកីឡដ្ឋានជាតិ រាជធានីភ្នំពេញ ។គ្រូបង្វឹកសញ្ជាតិអាហ្សង់ទីនរូបនេះ បានចាត់ទុកនេះ គឺជាការបើកទំព័រថ្មីសម្រាប់ខ្លួន ដែលទើបត្រឡប់មកដឹកនាំក្រុមគោព្រៃកម្ពុជាវិញ ។ លោកថា កាលពីជាង ៥ឆ្នាំមុន លោកត្រូវប្រើពេល ៤ ទៅ ៥ខែ ដើម្បីរៀបចំក្រុម តែមកលើកនេះ អាចនឹងចាយពេលតិចជាងមុន ដ្បិតលោកយល់ថា ការប្រមូលផ្ដុំលើកនេះ កូនក្រុមមានការរីកចម្រើនគួរឲ្យកត់សម្គាល់ ។ យ៉ាងណាក្ដី លោកជឿថា ការប្រកួតថ្ងៃនេះ នឹងមានភាពតានតឹង ព្រោះជាការប្រកួតដំបូង ក្រោមការដឹកនាំរបស់ខ្លួន ។សូមបញ្ជាក់ថា ក្រុមជម្រើសជាតិកម្ពុជា នឹងត្រូវជួបក្រុមភ្ញៀវបង់ក្លាសដែសជាថ្មី នាវេលាម៉ោង ៧យប់នេះ បន្ទាប់ពីជំនួបមិត្តភាពអន្ដរជាតិ ២លើកចុងក្រោយ នៅពហុកីឡដ្ឋានជាតិអូឡាំពិក និងពហុកីឡដ្ឋានជាតិមរតកតេជោ រាជធានីភ្នំពេញ ក្រុមម្ចាស់ផ្ទះកម្ពុជា បានរងបរាជ័យ ១-០ ទាំង ២ប្រកួត ។ ចំពោះការប្រកួតយប់នេះដែរ នឹងមានផ្សាយផ្ទាល់លើកញ្ចក់ទូរទស្សន៍ BTV-News ៕ អត្ថបទ លី ឈុនឡា

កីឡាករប៊ីយ៉ាកម្ពុជា ២រូប ឡើងវគ្គបន្ដនៃការប្រកួតអន្ដរជាតិនៅចិន ក្រោយយកឈ្នះកីឡាករម៉ុងហ្គោលី

កីឡាករប៊ីយ៉ាជម្រើសជាតិកម្ពុជា ២រូប រួមមានកីឡាករ ឡេង ចន្ទគ្រឹស្នា និងកីឡាករ សោម សំណាង បានឡើងវគ្គបន្ដ នៃការប្រកួតកីឡាប៊ីយ៉ាភូល(Pool)អន្ដរជាតិ Chinese Pool International Elite 2023 នៅខេត្តជាំងស៊ី ប្រទេសចិន ក្រោយយកឈ្នះកីឡាករម៉ុងហ្គោលីរៀងៗខ្លួន ក្នុងវគ្គជម្រុះដំបូង ។សម្រាប់ការប្រកួតថ្ងៃដំបូង កាលពីល្ងាចថ្ងៃទី១២ ខែមិថុនានេះ ក្នុងចំណោមកីឡាករកម្ពុជា ៤រូប ដែលសហព័ន្ធបានបញ្ជូនទៅចូលរួមព្រឹត្តិការណ៍អន្ដរជាតិ កីឡាករ ឡេង ចន្ធគ្រឹស្នា ធ្វើបានយ៉ាងល្អ ដោយយកឈ្នះកីឡាករម៉ុងហ្គោលី ក្នុងពិន្ទុ ៧-៣ ខណៈកីឡាករ សោម សំណាង បានយកឈ្នះកីឡាករម៉ុងហ្គោលី ក្នុងពិន្ទុ ៧-៥ ។លោក ម៉ារ៉ា សុជាតិ អគ្គលេខាធិការសហព័ន្ធកីឡាប៊ីយ៉ា និងស្នូកឃ័រកម្ពុជា បានបញ្ជាក់ថាសម្រាប់ ចន្ទគ្រឹស្នា និង សំណាង នឹងត្រូវដឹកដៃគ្នាឡើងវគ្គបន្ដ នៅថ្ងៃទី១៣ ខែមិថុនានេះ តែកីឡាករកម្ពុជា ២រូបផ្សេងទៀត ដែលបរាជ័យក្នុងការប្រកួតជម្រុះដំបូង ក៏មិនទាន់អស់ឱកាសដែរ ដោយពួកគេនឹងត្រូវប្រកួតបន្ដនាថ្ងៃទី១៧ ខែមិថុនាខាងមុខ ។សូមបញ្ជាក់ថា ការប្រកួតប៊ីយ៉ាភូលអន្ដរជាតិនៅចិន គឺមានបណ្ដាប្រទេសជាច្រើនចូលរួម ចាប់ពីថ្ងៃទី១២ រហូតដល់ថ្ងៃទី២៤ ខែមិថុនា ឆ្នាំ២០២៣ ខាងមុខ ។ សហព័ន្ធកីឡាប៊ីយ៉ា និងស្នូកឃ័រកម្ពុជា បានចាត់ទុកការចូលរួមនេះ គឺជាបទពិសោធន៍ថ្មីមួយទៀត ដើម្បីជំរុញការអភិវឌ្ឍសមត្ថភាពកីឡាករខ្លួនឲ្យកាន់តែខ្លាំង ៕ អត្ថបទ៖ លី ឈុនឡា

សហព័ន្ធកីឡាទាញព្រ័ត្រ ប្រកាសរៀបចំជើងឯកថ្នាក់ជាតិ នៅរង្វង់មូលនាងទេពមច្ឆា

សហព័ន្ធកីឡាទាញព្រ័ត្រកម្ពុជា បានប្រកាសរៀបចំការប្រកួតកីឡាទាញព្រ័ត្រជើងឯកថ្នាក់ជាតិ “ពានរង្វាន់ធនាគារកាណាឌីយ៉ា” ឆ្នាំ២០២៣ ចាប់ពីថ្ងៃទី១២ ដល់ថ្ងៃទី១៥ ខែកក្កដាខាងមុខ នៅរង្វង់មូលនាងទេពមច្ឆា ខណ្ឌជ្រោយចង្វារ រាជធានីភ្នំពេញ ។សម្រាប់ការប្រកួតជើងឯកប្រចាំឆ្នាំ ដែលគាំទ្រដោយក្រសួងអប់រំ យុវជន និងកីឡា នេះ សហព័ន្ធបានកំណត់វិញ្ញាសាប្រកួតចំនួន ៤ រួមមានវិញ្ញាសា ៤នាក់ ទល់ ៤នាក់ផ្នែកបុរស និងនារី និងវិញ្ញាសា ៨នាក់ ទល់ ៨នាក់ ផ្នែកបុរស-នារី ។ ប៉ុន្ដែមុនការប្រកួតវិញ្ញាសានីមួយៗ ក៏នឹងមានការថ្លឹងទម្ងន់ត្រឹមត្រូវផងដែរ ។យោងតាមការជូនដំណឹងរបស់សហព័ន្ធ សម្រាប់ការប្រកួត ដែលសហការរៀបចំដោយក្រុមហ៊ុន OCIC នេះ រៀបចំឡើងក្នុងគោលបំណងចូលរួមចំណែកបំផុស ពាក្យស្លោករបស់រាជរដ្ឋាភិបាល “ប្រជាជនម្នាក់ លេងកីឡាមួយប្រភេទប្រចាំជីវិត” ដើម្បីបំផុសស្មារតីប្រជាពលរដ្ឋឲ្យលេងកីឡា ដើម្បីទទួលបានសុខភាពល្អ មិត្តភាព សាមគ្គីភាព និងជំរុញការអភិវឌ្ឍវិស័យកីឡាប្រពៃណីមួយនេះឲ្យកាន់តែរីកចម្រើនផងដែរ ៕ អត្ថបទ៖ លី ឈុនឡា

ទីបំផុត Djokovic គ្រងជើងឯក Grand Slam ជាកំណត់ត្រា ២៣ លើកក្រោយឈ្នះពាន Roland Garros

កីឡាករវាយកូនបាល់ស៊ែប Novak Djokovic ទីបំផុតបានបំបែកកំណត់ត្រាកីឡាករឈ្នះជើងឯក Grand Slam ច្រើនបំផុតសរុប ២៣ លើកក្រោយឈ្នះជើងឯក French Open រឺ Roland Garros តាមរយៈជ័យជំនះលើកីឡាករន័រវេស Casper Ruud នៅវគ្គផ្តាច់ព្រ័ត្រ។កីឡាករវ័យ ៣៦ ឆ្នាំរូបនេះបានទំលាក់កីឡាករលំដាប់លេខ ១ ពិភពលោក Carlos Alcaraz នៅវគ្គពាក់កណ្តាលផ្តាច់ព្រ័ត្រ មុនពេលឡើងមកយកឈ្នះ Casper Ruud នៅវគ្គផ្តាច់ព្រ័ត្រនេះ។Djokovic ហាក់មានការលំបាកនៅសិតដំបូងដែលអូសបន្លាយដល់ Tie Break មុនពេលដែលយកឈ្នះក្នុង Tie Break ៧-៦(៧-១) ហើយក៏បន្តយកឈ្នះពីរសិតបន្ទាប់ទៀត ៦-៣ និង ៧-៥។ ជើងឯក French Open នេះជាជើងឯក Grand Slam លើកទី ២៣ សម្រាប់ Djokovic វ៉ាផុតកំណត់ត្រារបស់ Rafael Nadal ដែលឈ្នះ ២២ លើក។ Djokovic ក៏បានក្លាយជាកីឡាករវាយកូនបាល់ដំបូងដែរដែលឈ្នះជើងឯក Grand Slam នីមួយៗយ៉ាងហោចណាស់ ៣ លើក។ បើប្រៀបធៀបទាំងនារី និងបុរស Djokovic នៅឈរលេខ ២ នៅឡើយមានពាន Grand Slam សរុប ២៣ លើក ដូចគ្នានឹង Serena Williams និងតាមពីក្រោយអ្នកកាន់កំណត់ត្រា Margaret Court ដែលឈ្នះសរុប ២៤ លើក។ សម្រាប់ជើងឯកផ្នែកនារី French Open បានទៅកីឡាការិនីលំដាប់លេខ ១ ពិភពលោកប៉ូឡូញ Iga Swiatek ដែលបានយកឈ្នះកីឡាការិនីឆែក Karolina Muchova ដើម្បីលើកពាននៅទីក្រុងប៉ារីសនេះជាលើកទី ៣ ក្នុងអាជីព និងជាពាន Grand Slam លើកទី ៤ ផងដែរ៕ អត្ថបទ៖នាង សុភាវុធ

Youri Tielemans ព្រមព្រៀងផ្លាស់មកកាន់ Aston Villa ក្រោយផុតកុងត្រាជាមួយ Leicester City

ក្លិបបាល់ទាត់ Aston Villa បានឈានដល់កិច្ចព្រមព្រៀងក្នុងការនាំយកខ្សែបម្រើប៊ែលហ្ស៊ិក Youri Tielemans ដែលផុតកិច្ចសន្យានៅ Leicester City។កីឡាករវ័យ ២៦ ឆ្នាំរូបនេះ នឹងផ្លាស់មកកាន់ទឹកដី Villa Park នៅទី ១ ខែកក្កដាខាងមុខនៅពេលអស់សុពលភាពកិច្ចសន្យាជាមួយ Leicester City។បន្ទាប់ពី Leicester បានធ្លាក់ទៅក្របខណ្ឌទី ២ League Championship ក្លិបធំៗនោអង់គ្លេសជាច្រើនសុទ្ធតែចាប់អារម្មណ៍ Tielemans ដូចជា Arsenal, Manchester United និង Roma ជាដើម។ Youri Tielemans នឹងជាកីឡាករដំបូងដែលមកកាន់ Aston Villa មុនរដូវកាលថ្មីខាងមុខ បន្ទាប់ពីផ្លាស់មកលេងឱ្យ Leicester City នៅឆ្នាំ ២០១៩ ឈ្នះពាន FA Cup នៅឆ្នាំ ២០២១។ កីឡាករវ័យ ២៦ ឆ្នាំរូបនេះគឺជាអ្នកស៊ុតបញ្ចូលទីគ្រាប់ជ័យជំនះលើ Chelsea ដើម្បីលើកពាន FA Cup កាលពីឆ្នាំ ២០២១ នោះ។ Touri Tielemans បានបង្ហាញខ្លួនឱ្យ Leicester City សរុប ១៩៥ លើករកបាន ២៨ គ្រាប់៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

[UPDATE] ក្រសួងអេស្ប៉ាញ៖ ជនអន្តោប្រវេសន៍ជាង ២៥.០០០នាក់ បានវិលត្រឡប់ទៅម៉ារ៉ុកវិញពីដែនដី Ceuta

[UPDATE]ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

របាយការណ៍៖ ណាតូចង់ពង្រីកខែលការពារនុយក្លេអ៊ែរ នៅអឺរ៉ុប ក្នុងពេលមានការគំរាមកំហែងពីរុស្ស៊ី

មនុស្ស ២៥នាក់ស្លាប់ និង ៤៤នាក់រងរបួស ក្នុងគ្រោះថ្នាក់រថយន្តក្រុង នៅភាគខាងជើងអាល់ហ្សេរី

មន្រ្តី UN៖ អាមេរិកឡាទីន នឹងមើលឃើញបាតុភូតអែល នីញ៉ូដ៏ខ្លាំងកា្លបំផុត

អ្នកឡើងភ្នំ ១០នាក់ ដឹកនាំដោយអ្នកឡើងភ្នំដ៏ល្បីល្បាញម្នាក់របស់នេប៉ាល់ បាត់ខ្លួននៅលើភ្នំប៉ាគីស្ថាន

ភ្លើងឆេះព្រៃបំផ្លាញចម្ការផ្លែបឺរនៅអេស្ប៉ាញ និងគំរាមកំហែងដល់ការប្រមូលផលរយៈពេលច្រើនឆ្នាំ

BREAKING NEWS | ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

ជនប៉ាឡេស្ទីន មានមន្ទិលសង្ស័យ ក្រោយលោក Trump ប្រកាសកិច្ចព្រមព្រៀងរំសាយអាវុធក្រុមហាម៉ាស

កូរ៉េខាងត្បូងកត់ត្រាសីតុណ្ហភាពខ្ពស់បំផុតមិនធ្លាប់មាន ៤១,៤អង្សាសេ ខណៈរលកកម្ដៅកាន់តែខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Ruben Neves ព្រមព្រៀងចាកចេញពី Wolves ទៅ Al Hilal តម្លៃផ្ទេរ ៤៧ លានផោន

កីឡាករអាមេរិក Frances Tiafoe គ្រងជើងឯកវាយកូនបាល់ Stuttgart Open លើកដំបូងក្នុងអាជីព

ម្ចាស់មេដាយមាសស៊ីហ្គេម ស៊ូ បាលី ឈ្នះមេដាយសំរឹទ្ធ នៃជើងឯកចំបាប់អាស៊ី U23

អត្តពលិកកម្ពុជាចូលរួមប្រកួតកីឡាស្ប៉េស្យាល់អូឡាំពិករដូវក្តៅពិភពលោក ២០២៣

Messi ធ្វើឲ្យក្រុមអ្នកគាំទ្រឆ្ងួតវង្វេងនឹងការលេងរបស់គាត់នៅក្នុងពហុកីឡដ្ឋានចិន

លោក Felix រំពឹងចាយពេលតិចជាងមុន ដើម្បីរៀបចំជម្រើសជាតិកម្ពុជាកាន់តែល្អប្រសើរ

កីឡាករប៊ីយ៉ាកម្ពុជា ២រូប ឡើងវគ្គបន្ដនៃការប្រកួតអន្ដរជាតិនៅចិន ក្រោយយកឈ្នះកីឡាករម៉ុងហ្គោលី

សហព័ន្ធកីឡាទាញព្រ័ត្រ ប្រកាសរៀបចំជើងឯកថ្នាក់ជាតិ នៅរង្វង់មូលនាងទេពមច្ឆា

ទីបំផុត Djokovic គ្រងជើងឯក Grand Slam ជាកំណត់ត្រា ២៣ លើកក្រោយឈ្នះពាន Roland Garros

Youri Tielemans ព្រមព្រៀងផ្លាស់មកកាន់ Aston Villa ក្រោយផុតកុងត្រាជាមួយ Leicester City

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Ruben Neves ព្រមព្រៀងចាកចេញពី Wolves ទៅ Al Hilal តម្លៃផ្ទេរ ៤៧ លានផោន

កីឡាករអាមេរិក Frances Tiafoe គ្រងជើងឯកវាយកូនបាល់ Stuttgart Open លើកដំបូង​ក្នុងអាជីព

ម្ចាស់មេដាយមាសស៊ីហ្គេម ស៊ូ បាលី ឈ្នះមេដាយសំរឹទ្ធ នៃជើង​ឯកចំបាប់​អាស៊ី U23

អត្តពលិកកម្ពុជាចូលរួមប្រកួតកីឡាស្ប៉េស្យាល់អូឡាំពិករដូវក្តៅពិភពលោក ២០២៣

Messi ធ្វើឲ្យក្រុមអ្នកគាំទ្រឆ្ងួតវង្វេងនឹងការលេងរបស់គាត់នៅក្នុងពហុកីឡដ្ឋានចិន

លោក Felix រំពឹងចាយពេលតិចជាងមុន ដើម្បីរៀបចំជម្រើសជាតិកម្ពុជាកាន់តែល្អប្រសើរ

កីឡាករប៊ីយ៉ាកម្ពុជា ២រូប ឡើងវគ្គបន្ដនៃការប្រកួតអន្ដរជាតិនៅចិន ក្រោយយក​ឈ្នះកីឡាករ​ម៉ុងហ្គោលី

សហព័ន្ធកីឡាទាញព្រ័ត្រ ប្រកាសរៀបចំជើងឯកថ្នាក់ជាតិ នៅរង្វង់មូល​នាងទេពមច្ឆា

ទីបំផុត Djokovic គ្រងជើងឯក Grand Slam ជាកំណត់ត្រា ២៣ លើកក្រោយឈ្នះពាន Roland Garros

Youri Tielemans ព្រមព្រៀងផ្លាស់មកកាន់ Aston Villa ក្រោយផុតកុងត្រា​ជាមួយ Leicester City

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាករអាមេរិក Frances Tiafoe គ្រងជើងឯកវាយកូនបាល់ Stuttgart Open លើកដំបូងក្នុងអាជីព

ម្ចាស់មេដាយមាសស៊ីហ្គេម ស៊ូ បាលី ឈ្នះមេដាយសំរឹទ្ធ នៃជើងឯកចំបាប់អាស៊ី U23

កីឡាករប៊ីយ៉ាកម្ពុជា ២រូប ឡើងវគ្គបន្ដនៃការប្រកួតអន្ដរជាតិនៅចិន ក្រោយយកឈ្នះកីឡាករម៉ុងហ្គោលី

សហព័ន្ធកីឡាទាញព្រ័ត្រ ប្រកាសរៀបចំជើងឯកថ្នាក់ជាតិ នៅរង្វង់មូលនាងទេពមច្ឆា

Youri Tielemans ព្រមព្រៀងផ្លាស់មកកាន់ Aston Villa ក្រោយផុតកុងត្រាជាមួយ Leicester City