BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Manchester City ត្រលប់មកពីទឹកដីទួកគីវិញត្រៀមដង្ហែរពាន ៣ ថ្ងៃចន្ទនេះ

ក្រុមបាល់ទាត់ Manchester City បានហោះហើរត្រលប់មកកាន់ទឹកដីអង់គ្លេសពីទីក្រុង Istanbul ប្រទេសទួកគីវិញនៅថ្ងៃអាទិត្យម្សិលមិញក្រោយឈ្នះជើងឯក UEFA Champions League ជាលើកដំបូងក្នុងប្រវត្តិសាស្រ្តក្លិប។Manchester City បានយកឈ្នះ Inter Milan នៅវគ្គផ្តាច់ព្រ័ត្រ ១-០ តាមរយៈគ្រាប់បាល់របស់ Rodri។ ក្រុមរបស់លោក Pep Guardiola មានរដូវកាលដ៏អស្ចារ្យរបស់ខ្លួនក្រោយឈ្នះពាន ៣ បីក្នុងមួយរដូវកាលរួមមាន English Premier League, FA Cup និង UEFA Champions League។ Pep Guardiola ក៏បានក្លាយជាអ្នកចាត់ការទី ២ នៅទឹកដីអង់គ្លេសដែលដឹកនាំក្រុមឈ្នះពាន ៣ ក្នុងមួយរដូវកាល បន្ទាប់ពី Sir Alex Ferguson ដែលដឹកនាំ Manchester United ធ្វើបានបែបនេះកាលពីឆ្នាំ ១៩៩៩។ Manchester City នឹងដង្ហែរពានរង្វាន់ ៣ របស់ខ្លួននៅតាមដងវិធីក្នុងទីក្រុង Manchester នៅថ្ងៃចន្ទនេះ៕ អត្ថបទ៖នាង សុភាវុធ

Francesco Bagnaia ឈ្នះការប្រកួត MotoGP លើទឹកដីអ៊ីតាលីពន្លាតការនាំមុខក្នុងតារាងជើងឯកពិភពលោក

កីឡាករប្រណាំងម៉ូតូអ៊ីតាលី Francesco Bagnaia បានប្រជែងឈ្នះការប្រណាំង MotoGP នៅលើទឹកដីអ៊ីតាលី របស់ខ្លួន បន្តពន្លាតពិន្ទុនាំមុខក្នុងតារាងជើងឯកពិភពលោក។ កីឡាកររបស់ក្រុមប្រណាំង Ducati រូបនេះបានមកដល់ទីព្រ័ត្រមុនគេ តាមពីក្រោយដោយ Jorge Martin និង Johann Zarco។កីឡាករម្ចាស់ផ្ទះអ៊ីតាលីមួយរូបទៀត Luca Marini ដែលជិឱ្យក្រុមរបស់ Valentino Rossi, VR46 Racing បានបញ្ចប់នៅចំណាត់ថ្នាក់លេខ ៤។ ចំណែកឯជើងឯកពិភពលោក ៦ សម័យ Marc Marquez មិនអាចបញ្ចប់ការប្រកួតបានឡើយ ដោយដួលម៉ូតូដូចគ្នានឹងប្អូនប្រុស Alex Marquez ផងដែរ។ សូមបញ្ជាក់ថា នេះជ័យជំនះទី ៣ ក្នុងរដូវកាលនេះសម្រាប់អ្នកការពារតំណែងជើងឯក Francesco Bagnaia ដែលធ្វើឱ្យគេមានសរុប ១៣១ ពិន្ទុក្នុងតារាងជើងឯកពិភពលោក ២១ ពិន្ទុនាំមុខ Marco Bezzecchi ដែលបញ្ចប់នៅចំណាត់ថ្នាក់លេខ ៩ ក្នុងការប្រកួតនៅអ៊ីតាលីនេះ៕ អត្ថបទ៖នាង សុភាវុធ

អាហ្សង់ទីនហ្វឹកហាត់នៅលើទឹកដីចិន ត្រៀមការប្រកួតមិត្តភាពទល់នឹងអូស្រ្តាលី

ក្រុមជើងឯកពិភពលោកអាហ្សង់ទីន បានប្រមូលផ្តុំហ្វឹកហាត់នៅទីក្រុងប៉េកាំង ប្រទេសចិននៅថ្ងៃអាទិត្យម្សិលមិញ មុនការប្រកួតទល់នឹងក្រុមអូស្រ្តាលីនៅថ្ងៃព្រហស្បតិ៍ខាងមុខ។ Lionel Messi ដែលទើបប្រកាសពីការផ្លាស់ទៅកាន់ទឹកដីអាមេរិកចូលរួមជាមួយ Inter Miami នោះ ក៏មានវត្តមានក្នុងការហ្វឹកហាត់នៅកីឡដ្ឋានអូឡាំពិកទីក្រុងប៉េកាំងផងដែរ។ Messi នឹងដឹកនាំក្រុមអាហ្សង់ទីនជួបអូស្រ្តាលីនៅកីឡដ្ឋាន Worker’ Stadium ដែលទើបសាងសង់ថ្មីនៅទីក្រុងប៉េកាំង។ ក្រុមទាំងពីរអាហ្សង់ទីន និងអូស្រ្តាលីក៏ធ្លាប់ជួបគ្នានៅ World Cup 2022 ទឹកដីកាតាកន្លងមកដែរដោយនៅពេល នោះអាហ្សង់ទីនបានយកឈ្នះ ២-១ នៅវគ្គ ១៦ ក្រុមចុងក្រោយ ដែលរួមមានគ្រាប់បាល់បញ្ចូលទីរបស់ Lionel Messi ផងដែរ៕ អត្ថបទ៖ នាង សុភាវុធ

បុរសជនជាតិបារាំង រំពឹងមានការប្រកួត World Cup នៅកម្ពុជានាថ្ងៃអនាគត ក្រោយជោគជ័យខ្លាំងក្នុងស៊ីហ្គេម

លោក Paul Raguenaud បានស្ញើចសរសើរជាខ្លាំង ចំពោះការរៀបចំព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣ បានយ៉ាងអស្ចារ្យ ហើយលោករំពឹងថា នឹងមានការប្រកួតបាល់ទាត់ពិភពលោក World Cup នៅកម្ពុជា នាថ្ងៃអនាគត។ការលើកឡើងនេះ បន្ទាប់ពីបុរសជនជាតិបារាំងរូបនេះ បានចូលរួមទិវារត់ប្រណាំងភ្នំពេញពាក់កណ្ដាលម៉ារ៉ាតុងអន្ដរជាតិ លើកទី១១ នៅមុខព្រះបរមរាជវាំង កាលពីព្រឹកថ្ងៃទី១១ ខែមិថុនា ឆ្នាំ២០២៣ ដើម្បីអបអរសាទរ ព្រះរាជពិធីបុណ្យចម្រើនព្រះជន្ម សម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដីថ្លៃថ្នូរ និងសុភមង្គល គម្រប់ ៨៧ យាងចូល ៨៨ព្រះវស្សា ក្នុងឆ្នាំ២០២៣ នេះ ។ភ្ជាប់ជាមួយការសរសើរពីការរៀបចំព្រឹត្តិការណ៍កីឡាទេសចរណ៍នេះ លោក Paul Raguenaud បានរំឮក និងសរសើរពីការរៀបចំស៊ីហ្គេម-អាស៊ានប៉ារ៉ាហ្គេមនៅកម្ពុជា កាលពីថ្មីៗ ដែលរៀបចំបានយ៉ាងល្អ ពិសេសពិធីបើក-បិទ ។ រីឯលទ្ធផលបច្ចេកទេសវិញ ក៏ល្អប្រសើរដែរ ។ ហេតុនេះ លោកជឿជាក់ថា កម្ពុជានឹងអាចរៀបចំព្រឹត្តិការណ៍កីឡាធំៗជាច្រើនទៀត ហើយលោករំពឹងថា នៅថ្ងៃអនាគត នឹងមានការប្រកួត World Cup នៅកម្ពុជាដែរ ។គួរដឹងថា ស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ នៅកម្ពុជា កាលពីថ្មីៗ បានក្លាយជាព្រឹត្តិការណ៍ជាប្រវត្តិសាស្ដ្រ និងជាការចងចាំមួយមិនអាចបំភ្លេចបាន សម្រាប់ប្រជាជនកម្ពុជា តំបន់ និងចលនាអូឡាំពិកពិភពលោក ចំពោះទស្សនីយភាពដ៍អស្ចារ្យ ដែលត្រូវបានបង្ហាញក្នុងពិធីបើក-បិទ ក៏ដូចជាការផ្ទុះនូវចលនាមហាជនចូលរួមទស្សនាការប្រកួតកីឡាភ្លុកទឹកភ្លុកដីស្ទើរមិនគួរឲ្យជឿ រហូតទទួលបានការកោតសរសើរមិនដាច់ពីមាត់ពីបណ្ដាប្រតិភូអន្ដរជាតិ និងពិភពលោក ។ក្រឡេកមកចាប់អារម្មណ៍ទិវារត់ប្រណាំងភ្នំពេញពាក់កណ្ដាលម៉ារ៉ាតុងអន្ដរជាតិ លើកទី១១ ក៏បានបញ្ចប់ដោយជោគជ័យផងដែរ សម្រាប់ការរៀបចំលើ ៤វិញ្ញាសា រួមមានរត់ចម្ងាយ ២១គីឡូម៉ែត្រ ១០គីឡូម៉ែត្រ ៥គីឡូម៉ែត្រ និង ២,៥០០ម៉ែត្រ ដែលមានអ្នកចូលរួមសរុបជិត ៤ពាន់នាក់៕ អត្ថបទ៖ លី ឈុនឡា

បឹងកេត និងស.ស.យ.ក បន្ដរៀបចំជើងឯកកុមារ ដើម្បីអបអរទិវាកុមារអន្ដរជាតិ

ក្លិបបាល់ទាត់បឹងកេត និងសហភាពសហព័ន្ធយុវជនកម្ពុជា រាជធានីភ្នំពេញ បានសហការជាមួយក្រុមហ៊ុន AIA បន្ដរៀបចំការប្រកួតបាល់ទាត់ “ជើងឯកកុមារ” លើកទី៣ ឆ្នាំ២០២៣ ដើម្បីអបអរសាទរ “ទិវាកុមារអន្ដរជាតិ” ០១-មិថុនា កាលពីថ្មីៗកន្លងទៅ ។លោកស្រី ពុធ ធីតា ប្រធានក្លិបបឹងកេត បានសម្ដែងសេចក្ដីសោមនស្សរីករាយជាខ្លាំង ដែលការប្រកួតនេះ ក្លាយជាព្រឹត្តិការណ៍ប្រចាំឆ្នាំ ដើម្បីផ្ដល់ឱកាសដល់យុវជនទាំងអស់ បានចូលរួមលេងកីឡា ផ្សារភ្ជាប់មិត្តភាព សាមគ្គីភាព រវាងកីឡាករ និងកីឡាករ ក្រុមនីមួយៗ ក៏ដូចជាអាណាព្យាបាលកីឡាករទាំងអស់ផងដែរ ។ជាមួយគ្នាដែរ លោកស្រីបានថ្លែងអំណរគុណ ថ្នាក់ដឹកនាំសហភាពសហព័ន្ធយុវជនកម្ពុជា ដែលតែងតែយកចិត្តទុកដាក់ស្ទើរគ្រប់វិស័យ ពិសេសវិស័យកីឡា ដែលតែងចូលរួមសហការរៀបចំបង្កើតឲ្យមានកម្មវិធីកីឡាជាច្រើន ដើម្បីឲ្យយុវជនមានសុខភាពល្អ កម្លាំងមាំមួន ដើម្បីជាអនាគតរបស់ប្រទេសជាតិ ។ក្នុងនាមប្រធានក្លិប និងជាម្ដាយរបស់កីឡាករផង លោកស្រី សម្ដែងក្ដីរំភើប ដែលឃើញកុមារ និងយុវជនទាំងអស់ បានបង្ហាញសមត្ថភាពតាមរយៈការប្រកួតនេះ ហើយលោកស្រីក៏បានលើកទឹកចិត្តឲ្យយុវជនទាំងអស់ ប្រកាន់ភ្ជាប់នូវស្មារតីក្រុម គោលការណ៍ Fair Play និងបទបញ្ជាការប្រកួត ដើម្បីក្លាយជាយុវជនបន្ដវេន សម្រាប់វិស័យកីឡាបាល់ទាត់ជាតិទៀតផង ។សូមបញ្ជាក់ថា ការប្រកួតជើងឯកកុមារនេះ មាន ៣កម្រិតអាយុ ក្នុងនោះការប្រកួតជើងឯកកុមារ U11 និង U13 ក្រុមជើងឯក បានទៅក្រុមសាលាបាល់ទាត់បឹងកេត Rouy7 ដូចគ្នា គ្រាដែលការប្រកួតជើងឯក U15 ក្រុមជើងឯក បានទៅក្រុមសាលាបាល់ទាត់ ISI ដង្កោសែនជ័យ៕ អត្ថបទ៖ លី ឈុនឡា

ឌិត សំណាង បានកៅអីប្រកួតជើងឯកពិភពលោក ក្រោយឈ្នះមេដាយប្រាក់ចំបាប់ឆ្នេរខ្សាច់

កីឡាការិនីចំបាប់ជម្រើសជាតិកម្ពុជា ឌិត សំណាង បានទទួលកៅអីចូលរួមប្រកួតកីឡាចំបាប់ជើងឯកពិភពលោក ឆ្នាំ២០២៣ នៅកោះបាលី នាខែសីហាខាងមុខ បន្ទាប់ពីកញ្ញាដណ្ដើមមេដាយប្រាក់ នៃការប្រកួតកីឡាចំបាប់ឆ្នេរខ្សាច់ពិភពលោក (Beach Wrestling World Series 2023 នៅប្រទេសសិង្ហបុរី កាលពីល្ងាចថ្ងៃទី១១ ខែមិថុនា ឆ្នាំ២០២៣ នេះ ។តាមការបញ្ជាក់របស់លោក ខេស៊ី បាណេត អនុប្រធានសហព័ន្ធកីឡាចំបាប់កម្ពុជា បានឲ្យដឹងថា ក្នុងការប្រកួតកម្រិតពិភពលោកនេះ កីឡាការិនី ឌិត សំណាង ធ្វើបានយ៉ាងល្អ ដោយបានយកឈ្នះគូប្រកួត ៥ប្រកួតជាប់ៗគ្នា រួមមានឈ្នះកីឡាការិនីអាហ្វ្រិក កេនយ៉ា បារាំង អេស្ប៉ាញ និងកីឡាការិនីចិន នៅក្នុងវគ្គពាក់កណ្ដាលផ្ដាច់ព្រ័ត្រ ។ ប៉ុន្ដែសោកស្ដាយ នៅវគ្គផ្ដាច់ព្រ័ត្រ សំណាង បានចាញ់កីឡាការិនីរ៉ូម៉ានី Priceputu នាំឲ្យនាងធ្វើបានមេដាយប្រាក់ប៉ុណ្ណោះ ។យ៉ាងណាមិញសមិទ្ធផល នៃការចូលរួមលើកដំបូង ក្នុងព្រឹត្តិការណ៍កីឡាចំបាប់ឆ្នេរខ្សាច់ពិភពលោកនេះ បានធ្វើឲ្យកីឡាការិនី ឌិត សំណាង ក្លាយជាកីឡាការិនីចំបាប់កម្ពុជាដំបូង ដែលទទួលបានកៅអីចូលរួមប្រកួតកីឡាចំបាប់ជ្រើសរើសជើងឯកពិភពលោក នៅកោះបាលី ប្រទេសឥណ្ឌូនេស៊ី នាខែសីហា ឆ្នាំ២០២៣ ខាងមុខ ។ លោក ខេស៊ី រំពឹងថា សំណាង នឹងធ្វើបានកាន់តែល្អ បន្ទាប់ពីកញ្ញាទទួលបានបទពិសោធន៍ និងធ្វើបានល្អក្នុងការប្រកួតឆ្នេរខ្សាច់នេះ ។សូមបញ្ជាក់ថា ព្រឹត្តិការណ៍កីឡាចំបាប់ឆ្នេរខ្សាច់ពិភពលោក ឆ្នាំ២០២៣ នេះ កម្ពុជាបានបញ្ជូនប្រតិភូ គ្រូបង្វឹក និងកីឡាករ-កីឡាការិនី ៦រូប ទៅចូលរួមប្រកួត ក្រោមការឧបត្ថម្ភទាំងស្រុងរបស់លោក ខេស៊ី បាណេត ក្នុងនោះមានកីឡាករ ហេង វុទ្ធី ឈឿន ឈាង, ឆាំ ពិស៊ិន កីឡាការិនី ឌិត សំណាង និងកីឡាការិនី សឿន នឿន ដែលធ្វើការប្រកួតពីថ្ងៃទី១០-១១ ខែមិថុនាចុងសប្ដាហ៍កន្លងទៅ នៅប្រទេសសិង្ហបុរី៕ អត្ថបទ៖ លី ឈុនឡា

កុមារីកម្ពុជា ២៤នាក់ ទៅហ្វឹកហាត់ជាមួយគ្រូ Spurs នៅប្រទេសថៃ

កុមារីកម្ពុជា ២៤នាក់ ត្រូវបានអង្គការផ្កាយសមុទ្រ បញ្ជូនទៅហ្វឹកហាត់បាល់ទាត់ជាមួយគ្រូបង្វឹកអាជីពរបស់ក្លិប Tottenham Hotspurs នៅកោះសាម៉ុយ ប្រទេសថៃ រយៈពេលជិត ១សប្ដាហ៍ ចាប់ពីថ្ងៃទី១១ ដល់ថ្ងៃទី១៦ ខែមិថុនា ឆ្នាំ២០២៣ នេះ ។ថ្លែងក្នុងឱកាសជូនដំណើរក្រុមបាល់ទាត់កុមារីកម្ពុជា នៅអាកាសយានដ្ឋានអន្ដរជាតិភ្នំពេញ កាលពីថ្ងៃទី១១ ខែមិថុនា លោកស្រី ជួប វិច្ឆិកា នាយិកាប្រតិបត្តិរបស់អង្គការផ្កាយសមុទ្រ បានសម្ដែងនូវសេចក្ដីរីករាយជាខ្លាំង ដែលកុមារីកម្ពុជា ទទួលបានឱកាសទៅហ្វឹកហាត់ក្រៅប្រទេស ។ លោកស្រីរំពឹងថា បេសកកម្មមួយនេះ នឹងក្លាយជាបទពិសោធន៍ដ៏សំខាន់សម្រាប់ពួកគេនាពេលអនាគត។ជាមួយគ្នាដែរ កុមារី ឈាង ចាន់វត្តី បានថ្លែងទាំងអារម្មណ៍អរផង ភ័យផង មុនឡើងយន្ដថា ខ្លួនពិតជាសប្បាយចិត្ត ហើយបានចាត់ទុកនេះគឺជាឱកាសមួយដ៏ល្អ ដើម្បីពង្រឹងសមត្ថភាព ហើយទទួលបានចំណេះដឹងថ្មីៗ សម្រាប់យកមកអនុវត្តនៅប្រទេសរបស់កម្ពុជាវិញ ។គួរដឹងថា នេះគឺជាលើកដំបូងហើយ ដែលអង្គការផ្កាយសមុទ្រ បានបញ្ជូនកីឡាការិនីទៅហាត់ក្រៅប្រទេសជាមួយគ្រូបង្វឹក Spurs ប៉ុន្ដែកន្លងមក ក្រោមកិច្ចសហការជាមួយក្រុមហ៊ុន AIA អង្គការលេចធ្លោរមួយនេះ ក៏ធ្លាប់មានការអញ្ជើញគ្រូបង្វឹកពីក្លិបលីគកំពូលអង់គ្លេសមួយនេះ មកបង្ហាត់ដល់កុមារ និងយុវជនរបស់ខ្លួន នៅរាជធានីភ្នំពេញផងដែរ៕ អត្ថបទ៖ លី ឈុនឡា

លទ្ធផលក្រោយការប្រកួតកីឡាអ៊ុកជនពិការវិញ្ញាសា Standard Chess ជុំទី៤ នារសៀលថ្ងៃមិញ

ភ្នំពេញ ៖ បន្ទាប់ពីការប្រកួតរបស់ក្រុមកីឡាករកីឡាការិនីប្រទេសចំនួន០៨ ក្នុងកីឡាអ៊ុកជនពិការ នៃព្រឹត្តិការណ៍កីឡា អាស៊ានប៉ារ៉ាហ្គេមលើកទី១២ លើវិញ្ញាសា Standard Chess ជុំទី៤ត្រូវបានបញ្ចប់នៅវេលាល្ងាចថ្ងៃទី០៦ ខែមិថុនា ឆ្នាំ២០២៣នេះរួចមក លទ្ធផលត្រូវបានបង្ហាញ ។វិញ្ញាសា Pi ទាំងផ្នែកបុរស និងនារី គឺក្រុមកីឡាករ និងកីឡាការិនីហ្វីលីពីនជាអ្នកទទួលបានជ័យជំនះ ។ វិញ្ញាសាB1 ផ្នែកបុរស កីឡាករវៀតណាមជាអ្នកទទួលជ័យជំនះ ។ វិញ្ញាសាដដែលផ្នែកនារី កីឡាការិនីឥណ្ឌូនេស៊ី ទទួលជ័យជំនះ ។ វិញ្ញាសាB2B3 ផ្នែកបុរស កីឡាករហ្វីលីពីនទទួលជ័យជំនះ ។ វិញ្ញាសាដដែលផ្នែកនារី កីឡាការិនីឥណ្ឌូនេស៊ី ជាអ្នកទទួលបានជ័យជំនះ ។ការប្រកួតលើវិញ្ញាសា Standard Chess នេះគឺមានវិញ្ញាសាចំនួន០៣តូចៗសម្រាប់ផ្នែកបុរស និងនារី នៅក្នុងហ្នឹងផង ដែរ ដោយរួមមាន ៖ វិញ្ញាសារ Pi ជាវិញ្ញាសារសម្រាប់ជនពិការធម្មតា , វិញ្ញាសារB1 ជាវិញ្ញាសារសម្រាប់ជន ពិការភ្នែក ទាំងស្រុង និង វិញ្ញាសា B2B3 ជាវិញ្ញាសាសម្រាប់ជនដែលមានភ្នែកមើលមិនសូវច្បាស់ ឬហៅថា ភ្នៀលៗ និង ជនគរថ្លង់ជាដើម ។ ក្នុងនោះដែរកម្ពុជា គឺបានចូលរួមតែក្នុង១វិញ្ញាសាប៉ុណ្ណោះ គឺប្រកួតក្នុងវិញ្ញាសា Pi ផ្នែកបុរស ។ប្រទេសទាំង០៨ ដែលចូលរួមក្នុងការប្រកួតកីឡាអ៊ុកជនពិការ នៅក្នុងកីឡាអាស៊ានប៉ារ៉ាហ្គេមលើកទី១២នេះ រួមមាន ៖ ប្រទេសកម្ពុជា , ឥណ្ឌូនេស៊ី , ថៃ , ម៉ាឡេស៊ី , ម៉ាយ៉ានម៉ា , ហ្វីលីពិន , ទីម័ន និងប្រទេស វៀតណាម ។ ដែលក្រុមកីឡាករ នៃប្រទេសទាំង០៨ ប្រកួតលើវិញ្ញាសា០៣ធំៗ មាន ៖ Rapid Chess ( ដែលមានថេរវេលា ២៥នាទី បន្ថែមថែម ១០វិនាទី ) , វិញ្ញាសារ Standard chess ( ដែលមានថេរះវេលា ៦០នាទី បន្ថែម១៥វិនាទី ) និងវិញ្ញាសាBlitz Chess ( ដែលមានថេរវេលា ៥នាទី បន្ថែម៣វិនាទី ) ៕ អត្ថបទ ៖ លីហេង

លទ្ធផលក្រោយការប្រកួតកីឡាអុកជនពិការវិញ្ញាសា Standard Chess ជុំទី៣ ព្រឹកមិញ

ភ្នំពេញ៖ បន្ទាប់ពីការប្រកួតរបស់ក្រុមកីឡាករកីឡាការិនីប្រទេសចំនួន០៨ ក្នុងកីឡាអុកជនពិការ នៃព្រឹត្តិការណ៍កីឡាអាស៊ានប៉ារ៉ាហ្គេមលើកទី១២ លើវិញ្ញាសា Standard Chess ជុំទី៣ ត្រូវបានបញ្ចប់ នៅវេលាថ្ងៃត្រង់ទី០៦ ខែមិថុនា ឆ្នាំ២០២៣នេះរួចមកលទ្ធផលត្រូវបានបង្ហាញ ។ សម្រាប់ការប្រកួតជុំទី៣នេះ វិញ្ញាសា B1 ផ្នែកបុរស ក្រុមកីឡាករឥណ្ឌូនេស៊ី ទទួលបានជ័យជំនះ ។ វិញ្ញាសាផ្នែកនារី ក្រុមកីឡាការិនីវៀតណាម ទទួលជ័យជំនះ ។ វិញ្ញាសា B2B3 ផ្នែកបុរស ក្រុមកីឡាករឥណ្ឌូនេស៊ី ទទួលជ័យជំនះ ។ វិញ្ញាសា ផ្នែកនារី ក្រុមកីឡាការិនីថៃ ទទួលជ័យជំនះ ។ ដោយឡែកវិញ្ញាសា Pi ផ្នែកបុរសឥណ្ឌូនេស៊ី ទទួលជ័យជំនះ ។ វិញ្ញាសាដដែល ផ្នែកនារី ក្រុមកីឡាការិនីហ្វីលីពីន ជាអ្នកទទួលជ័យជំនះ ។សូមបញ្ជាក់ថា ក្រោយចប់ការប្រកួតលើវិញ្ញាសា Standard Chess ជុំទី៣នេះហើយនោះ នៅវេលាម៉ោង១៤ រសៀលថ្ងៃខែដដែល ក៏នឹងមានការប្រកួតលើវិញ្ញាសាដដែល ក្នុងជុំទី០៤បន្តទៀត ។ការប្រកួតលើវិញ្ញាសា Standard Chess នេះ គឺមានវិញ្ញាសាចំនួន០៣តូចៗសម្រាប់ផ្នែកបុរស និងនារី នៅក្នុងហ្នឹងផងដែរ ដោយរួមមាន វិញ្ញាសា Pi ជាវិញ្ញាសាសម្រាប់ជនពិការធម្មតា , វិញ្ញាសាB1 ជាវិញ្ញាសាសម្រាប់ជនពិការភ្នែកទាំងស្រុង និង វិញ្ញាសា B2B3 ជាវិញ្ញាសាសម្រាប់ជនដែលមានភ្នែកមើលមិនសូវច្បាស់ ឬហៅថា ភ្នៀលៗ និងជនគរថ្លង់ជាដើម ។ ក្នុងនោះដែរ កម្ពុជា គឺបានចូលរួមតែក្នុង១វិញ្ញាសាប៉ុណ្ណោះ គឺប្រកួតក្នុងវិញ្ញាសា Pi ផ្នែកបុរស ។ ប្រទេសទាំង០៨ដែលចូលរួមក្នុងការប្រកួតកីឡាអុកជនពិការ នៅពេលនេះ រួមមាន ៖ ប្រទេសកម្ពុជា , ឥណ្ឌូនេស៊ី , ថៃ , ម៉ាឡេស៊ី , ម៉ាយ៉ានម៉ា , ហ្វីលីពិន , ទីម័រ និងប្រទេសវៀតណាម ។ ដែលក្រុមកីឡាករ នៃប្រទេសទាំង០៨ ប្រកួតលើវិញ្ញាសា០៣ធំៗ មាន ៖ Rapid Chess ( ដែលមានថេរះវេលា ២៥នាទី បន្ថែមថែម ១០វិនាទី ) , វិញ្ញាសា Standard chess ( ដែលមានថេរវេលា ៦០នាទី បន្ថែម១៥វិនាទី ) និងវិញ្ញាសា Blitz Chess ( ដែលមានថេរវេលា ៥នាទី បន្ថែម៣វិនាទី ) ៕ អត្ថបទ » លីហេង

អត្តពលិកជនពិការកម្ពុជា សំណូមពរប្រជាពលរដ្ឋចូលរួមគាំឲ្យបានច្រើន ដ្បិតប្រកួតថ្ងៃដំបូង មិនសូវមានអ្នកទស្សនា

ភ្នំពេញ ៖ កីឡាបាល់បោះជិះរទេះជនពិការ គឺជាប្រភេទកីឡា ដែលបានចាប់ផ្ដើមការប្រកួតមុនគេ ក្នុងព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ នៅកម្ពុជា លើវិញ្ញាសាបុរស-នារី ៣នាក់ ទល់ ៣នាក់ កាលពីថ្ងៃទី០២ ខែមិថុនា ឆ្នាំ២០២៣ នៅសាលដំរី នៃពហុកីឡដ្ឋានជាតិមរតកតេជោ ។ប៉ុន្ដែអ្វីដែលគួរឲ្យកត់សម្គាល់ ការប្រកួតថ្ងៃដំបូងនេះ ពុំសូវមានទស្សនិកចូលរួមទស្សនានោះទេ បើធៀបនឹងការប្រកួតកីឡាស៊ីហ្គេម លើកទី១២ លើប្រភេទកីឡាបាល់បោះដូចគ្នា នៅទីតាំងដូចគ្នា កាលពីថ្មីៗ ។ តាមរយៈនេះ អត្តពលិកជនពិការកម្ពុជា បានសំណូមពរឲ្យប្រជាពលរដ្ឋចូលរួមទស្សនាឲ្យបានច្រើនកុះករ ដើម្បីលើកទឹកចិត្តដល់កីឡាករ-កីឡាការិនី ក៏ដូចជាលើកមុខមាត់ប្រទេសជាតិផងដែរ ។កីឡាការិនី អាន ស៊ីណែត និងកីឡាករ ចក់ ចាន់ សមាជិកក្រុមបាល់បោះជិះរទេះជនពិការជម្រើសជាតិកម្ពុជា បានលើកឡើងថា ប្រសិនបើមានប្រជាពលរដ្ឋចូលរួមទស្សនាច្រើន នឹងធ្វើឲ្យពួកគេកាន់តែមានកម្លាំងចិត្ត សម្រាប់ការប្រកួតប្រជែង និងដណ្ដើមលទ្ធផលល្អជូនជាតិ ។ ហេតុនេះ ពួកគេសង្ឃឹមថា ការប្រកួតបន្ដបន្ទាប់ ក៏ដូចជាតាមប្រភេទកីឡាផ្សេងៗ នឹងមានអ្នកទស្សនាច្រើន ។គួរដឹងថា មុនឈានដល់ពិធីបើកការប្រកួតផ្លូវការ នៃព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ នៅល្ងាចថ្ងៃទី០៣ ខែមិថុនា ក្រុមបាល់បោះជិះរទេះជនពិការកម្ពុជា បានឡើងដល់វគ្គដណ្ដើមមេដាយ ទាំងបុរស និងនារី ក្នុងនោះក្រុមបុរស ត្រូវជួបក្រុម៉ាឡេស៊ី ដើម្បីដណ្ដើមមេដាយសំរឹទ្ធ ខណៈក្រុមនារី ត្រូវជួបថៃ ក្នុងវគ្គផ្ដាច់ព្រ័ត្រ ដើម្បីការពារមេដាយមាស នៅព្រឹកថ្ងៃសៅ៍ចុងសប្ដាហ៍នេះ នៅសាលដំរី នៃពហុកីឡដ្ឋានជាតិមរតកតេជោ ។ ដូច្នេះសង្ឃឹមថា បងប្អូនប្រជាពលរដ្ឋ នឹងចូលរួមទស្សនាឲ្យបានច្រើនកុះករក្នុងការប្រកួតដ៏សំខាន់នេះ ៕ អត្ថបទ ៖ លី ឈុនឡា

បណ្ដាញសង្គម

ព័ត៌មានថ្មីៗ

[UPDATE] ក្រសួងអេស្ប៉ាញ៖ ជនអន្តោប្រវេសន៍ជាង ២៥.០០០នាក់ បានវិលត្រឡប់ទៅម៉ារ៉ុកវិញពីដែនដី Ceuta

[UPDATE]ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

របាយការណ៍៖ ណាតូចង់ពង្រីកខែលការពារនុយក្លេអ៊ែរ នៅអឺរ៉ុប ក្នុងពេលមានការគំរាមកំហែងពីរុស្ស៊ី

មនុស្ស ២៥នាក់ស្លាប់ និង ៤៤នាក់រងរបួស ក្នុងគ្រោះថ្នាក់រថយន្តក្រុង នៅភាគខាងជើងអាល់ហ្សេរី

មន្រ្តី UN៖ អាមេរិកឡាទីន នឹងមើលឃើញបាតុភូតអែល នីញ៉ូដ៏ខ្លាំងកា្លបំផុត

អ្នកឡើងភ្នំ ១០នាក់ ដឹកនាំដោយអ្នកឡើងភ្នំដ៏ល្បីល្បាញម្នាក់របស់នេប៉ាល់ បាត់ខ្លួននៅលើភ្នំប៉ាគីស្ថាន

ភ្លើងឆេះព្រៃបំផ្លាញចម្ការផ្លែបឺរនៅអេស្ប៉ាញ និងគំរាមកំហែងដល់ការប្រមូលផលរយៈពេលច្រើនឆ្នាំ

BREAKING NEWS | ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

ជនប៉ាឡេស្ទីន មានមន្ទិលសង្ស័យ ក្រោយលោក Trump ប្រកាសកិច្ចព្រមព្រៀងរំសាយអាវុធក្រុមហាម៉ាស

កូរ៉េខាងត្បូងកត់ត្រាសីតុណ្ហភាពខ្ពស់បំផុតមិនធ្លាប់មាន ៤១,៤អង្សាសេ ខណៈរលកកម្ដៅកាន់តែខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Manchester City ត្រលប់មកពីទឹកដីទួកគីវិញត្រៀមដង្ហែរពាន ៣ ថ្ងៃចន្ទនេះ

Francesco Bagnaia ឈ្នះការប្រកួត MotoGP លើទឹកដីអ៊ីតាលីពន្លាតការនាំមុខក្នុងតារាងជើងឯកពិភពលោក

អាហ្សង់ទីនហ្វឹកហាត់នៅលើទឹកដីចិន ត្រៀមការប្រកួតមិត្តភាពទល់នឹងអូស្រ្តាលី

បុរសជនជាតិបារាំង រំពឹងមានការប្រកួត World Cup នៅកម្ពុជានាថ្ងៃអនាគត ក្រោយជោគជ័យខ្លាំងក្នុងស៊ីហ្គេម

បឹងកេត និងស.ស.យ.ក បន្ដរៀបចំជើងឯកកុមារ ដើម្បីអបអរទិវាកុមារអន្ដរជាតិ

ឌិត សំណាង បានកៅអីប្រកួតជើងឯកពិភពលោក ក្រោយឈ្នះមេដាយប្រាក់ចំបាប់ឆ្នេរខ្សាច់

កុមារីកម្ពុជា ២៤នាក់ ទៅហ្វឹកហាត់ជាមួយគ្រូ Spurs នៅប្រទេសថៃ

លទ្ធផលក្រោយការប្រកួតកីឡាអ៊ុកជនពិការវិញ្ញាសា Standard Chess ជុំទី៤ នារសៀលថ្ងៃមិញ

លទ្ធផលក្រោយការប្រកួតកីឡាអុកជនពិការវិញ្ញាសា Standard Chess ជុំទី៣ ព្រឹកមិញ

អត្តពលិកជនពិការកម្ពុជា សំណូមពរប្រជាពលរដ្ឋចូលរួមគាំឲ្យបានច្រើន ដ្បិតប្រកួតថ្ងៃដំបូង មិនសូវមានអ្នកទស្សនា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Manchester City ត្រលប់មកពីទឹកដីទួកគីវិញត្រៀមដង្ហែរពាន ៣ ថ្ងៃចន្ទនេះ

Francesco Bagnaia ឈ្នះការប្រកួត MotoGP លើទឹកដីអ៊ីតាលីពន្លាតការនាំមុខ​ក្នុងតារាងជើងឯកពិភពលោក

អាហ្សង់ទីនហ្វឹកហាត់នៅលើទឹកដីចិន ត្រៀមការប្រកួតមិត្តភាពទល់នឹងអូស្រ្តាលី

បុរសជនជាតិបារាំង រំពឹងមានការប្រកួត World Cup នៅកម្ពុជានាថ្ងៃអនាគត ក្រោយ​ជោគជ័យខ្លាំងក្នុងស៊ីហ្គេម

បឹងកេត និងស.ស.យ.ក បន្ដរៀបចំជើងឯកកុមារ ដើម្បីអបអរទិវាកុមារអន្ដរជាតិ

ឌិត សំណាង បានកៅអីប្រកួតជើងឯកពិភពលោក ក្រោយឈ្នះ​មេដាយប្រាក់​ចំបាប់​ឆ្នេរខ្សាច់

កុមារីកម្ពុជា ២៤នាក់ ទៅហ្វឹកហាត់ជាមួយគ្រូ Spurs នៅប្រទេសថៃ

លទ្ធផលក្រោយការប្រកួតកីឡាអ៊ុកជនពិការវិញ្ញាសា Standard Chess ជុំទី៤ នារសៀលថ្ងៃមិញ

លទ្ធផលក្រោយការប្រកួតកីឡាអុកជនពិការវិញ្ញាសា Standard Chess ជុំទី៣ ព្រឹកមិញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Francesco Bagnaia ឈ្នះការប្រកួត MotoGP លើទឹកដីអ៊ីតាលីពន្លាតការនាំមុខក្នុងតារាងជើងឯកពិភពលោក

បុរសជនជាតិបារាំង រំពឹងមានការប្រកួត World Cup នៅកម្ពុជានាថ្ងៃអនាគត ក្រោយជោគជ័យខ្លាំងក្នុងស៊ីហ្គេម

ឌិត សំណាង បានកៅអីប្រកួតជើងឯកពិភពលោក ក្រោយឈ្នះមេដាយប្រាក់ចំបាប់ឆ្នេរខ្សាច់