BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ក្រុមជម្រើសជាតិបាល់ទះកម្ពុជា ទទួលបានការឧបត្ថម្ភយ៉ាងច្រើនពីក្រុមហ៊ុន ខ្មែរ ប៊ែវើរីជីស

ថ្នាក់ដឹកនាំកំពូលក្រុមហ៊ុន ខ្មែរ ប៊ែវើរីជីស ដែលតែងតែយកបេះដូងមកគាំទ្រការរៀបចំការប្រកួតកីឡាស៊ីហ្គេម និងកីឡាករជម្រើសជាតិកម្ពុជាពិតៗ បានធ្វើរឿង ៤ ធំៗ សម្រាប់ក្រុមជម្រើសជាតិកីឡាបាល់ទះវិញ្ញាសាបុរស ដែលគ្មានក្រុមហ៊ុនណាអាចធ្វើបានដូចតាមរយៈ៖១-តម្លើងប្រាក់ឧបត្ថម្ភដល់ក្រុមជម្រើសជាតិកីឡាបាល់ទះរហូតដល់ ២ម៉ឺនដុល្លារអាមេរិក។ ២-នាំកីឡាករទាំងអស់ជិះឧទ្ធម្ភាគចក្រដ៏ប្រណិតតម្លៃវាល់លានដុល្លារដំបូងបង្អស់នៅកម្ពុជាទស្សនាទេសភាពដ៏ស្រស់ត្រកាលនៃរាជធានីភ្នំពេញ។៣-រៀបចំពិធីជួបសំណេះសំណាលរវាងអ្នកគាំទ្រ និងក្រុមជម្រើសជាតិកីឡាករបាល់ទះដ៏រីករាយ និងកុះករនៅក្នុងផ្សារទំនើបយក្ស ជីប ម៉ុង ២៧១ មេហ្គាម៉ល ដ៏ទំនើបបំផុត។៤-និង ជិះរថយន្តទំនើប Rolls-Royces និង Bentley, ទៅពិសាអាហារនិងស្នាក់នៅសណ្ឋាគារ ផ្កាយប្រាំលំដាប់ពិភពលោក ហៃយ៉ាត់ រីជិនស៊ី ភ្នំពេញ ដែលជាសំណង់មានតម្លៃជិតពីររយលានដុល្លារអាមេរិករបស់ ក្រុមហ៊ុន ជីប ម៉ុង ។ ក្រុមហ៊ុន ខ្មែរ ប៊ែវើរីជីស គឺជាពាណិជ្ជកម្មមួយក្នុងចំណោមពាណិជ្ជកម្មជាច្រើនរបស់ក្រុមហ៊ុនយក្ស ជីប ម៉ុង ដែលក្រុមហ៊ុន ខ្មែរ ប៊ែវើរីជីស មានផលិតផលដូចជា៖ CAMBODIA BEER, ភេសជ្ជៈប៉ូវកម្លាំង វើក, ភេសជ្ជៈ អាយឃូល (ICY COOL) រសជាតិម៉ុងតុល, ទឹកក្រូច អាយស៍ (IZE), ភេសជ្ជៈ EXPREZ រសជាតិស្រ្តប៊ែរី និងទឹកពិសាកម្ពុជា ៕

សម្តេចតេជោ ហ៊ុន សែន៖ កាលស៊ីហ្គេមលើកទី២០ឆ្នាំ១៩៩៩ កម្ពុជាចំណាត់ថ្នាក់លេខ១០ ជាមួយនឹង០មេដាយ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី តាមរយៈសារតេឡេក្រាម នៅព្រឹកថ្ងៃទី១៧ ខែឧសភានេះ បានបញ្ជាក់ថា «កាលពីសុីហ្គេមលើកទី២០ ឆ្នាំ១៩៩៩ កម្ពុជា ស្ថិតនៅចំណាត់ថ្នាក់លេខ១០ជាមួយនឹង០មេដាយ»។សម្តេចបន្តថា សុីហ្គេមលើកទី៣២ ឆ្នាំ២០២៣ កម្ពុជាទទួលបានមេដាយសរុប ២៨២ ដោយឈរលំដាប់ទី៤ខាងមេដាយមាស និងឈរលំដាប់ទី៣ខាងមេដាយច្រើន (សូមមើលតារាងប្រៀបធៀប)។សម្តេចបញ្ជាក់ថា «នេះជាសមិទ្ធិផលរបស់ប្រជាជាតិទាំងមូល ដែលប្រឹងងើបឈរឡើងក្នុងការកសាងជាតិនិយាយជារួម និងក្នុងវិស័យកីឡានិយាយដោយឡែក»៕

ចាប់ផ្ដើមប្រកួតកីឡាចំបាប់ ដោយមានកីឡាករចំនួន៧ប្រទេស ចូលរួម

ភ្នំពេញ៖ នៅព្រឹកថ្ងៃទី១៤ ខែឧសភា ឆ្នាំ២០២៣នេះ មានការប្រកួតប្រភេទកីឡាចំបាប់ នៅក្នុងព្រឹត្តិការណ៍ស៊ីហ្គេមលើកទី៣២ នាអគារ CCIC ជ្រោយចង្វា មានកីឡាករចំនួន ៧ប្រទេសចូលរួមប្រកួត ។យោងតាមតារាងរៀបចំការប្រកួតចំ បានឲ្យដឹងថា សម្រាប់កីឡាករទាំង៧ប្រទេសចូលរួមប្រកួត រួមមាន៖ កីឡាករវៀតណាម ហ្វីលីពីន សិង្ហបុរី ឥណ្ឌូនេស៊ី ថៃ ឡាវ និងកីឡាករកម្ពុជា ។សម្រាប់ការប្រកួតនេះ ក្នុងនោះមានទម្ងន់៥៥គីឡូក្រាម, ៦០គីឡូក្រាម, ៦៣គីឡូក្រាម, ៦៧គីឡូក្រាម, ៧២គីឡូក្រាម, ៧៧គីឡូក្រាម, ៨២គីឡូក្រាម, ៨៧គីឡូក្រាម, ៩៧គីឡូក្រាម និង១៣០គីឡូក្រាម ខណៈការប្រកួតលើកីឡាប្រភេទនេះ ក៏មានកីឡាករកម្ពុជាច្រើនរូប បានចូលរួមប្រកួតផងដែរ ៕អត្ថបទ បាន សុខរិទ្ធិ

កីឡាសីដក់កម្ពុជា នៅបីវិញ្ញាសាទៀត ជាមួយនឹងការរំពឹងទទួលមេដាយមាសបន្ថែម

ភ្នំពេញ ៖ លោក ជាតិ ខេមរា គ្រូបង្គោលសីដក់ និងឈីនឡូនកម្ពុជាបានថ្លែងថា កីឡាសីដក់ និងឈីនឡូនកម្ពុជានៅចំនួនបីវិញ្ញាសារទៀតដើម្បីប្រកួតជាមួយនឹងការរំពឹងទុកថា នឹងបានមេដាយមាសបន្ថែមទៀត ខណៈការប្រកួតនាពេលកន្លងទៅកីឡាករកម្ពុជាបានប្រាថ្នាយកមេដាយមាសត្រឹមតែ២តែលទ្ធផលដណ្តើមបានរហូតដល់តែ៤នោះ។ ថ្លែងប្រាប់ទូរទស្សន៍ BTV ក្រោយបញ្ចប់ការប្រកួតជាមួយកីឡាករថៃ ដោយលទ្ធផលទទួលបានមេដាយសំរឹទ្ធនារសៀលថៃទី១៣ ខែឧសភា នៅពហុកីឡដ្ឋានជាតិឣូឡាំពិក លោក ជាតិ ខេមរា បានលើកឡើងថា កីឡាករកម្ពុជាយើងពិតជាមានមោទកភាពយ៉ាងខ្លាំង ក្រោយទទួលបានមេដាយមាសហួសពីការចង់បានរបស់យើង ហើយយើងនឹងខិតខំបន្ថែមទៀត ដើម្បីកិត្តិយសជាតិខ្មែរក្នុងនាមជាម្ចាស់ផ្ទះស៊ីហ្គេមឆ្នំា២០២៣នេះ។លោកបន្តថា«យើងមិននឹកស្មានថាកីឡាករខ្មែរយើងទទួលបានមេដាយមាសរហូតដល់តែបួន ក្នុងការប្រកួងកីឡាសីដក់ និងឈីនឡូននេះខណៈការប្រាថ្នារបស់យើងសុំតែពីរប៉ុណ្ណោះលទ្ធផលនេះគឺកើតចេញពីការខិតខំប្រឹងប្រែងរបស់កីឡាករខ្មែរយើង។ កីឡាសីដក់នេះយើងបានដើរក្រោយគេឆ្ងាយ តែលទ្ធ ផលយើងទទួលបានល្អប្រសើរខ្លាំងណាស់»បើតាមលោក ជាតិ ខេមរា បានឲ្យដឹងផងដែរថា កម្ពុជាទទួលបានមេដាយមាសចំនួនបួន មេដាយប្រាក់១ ខណៈមេដាយសំរឹទ្ធបានចំនួន៩មកហើយលើវិញ្ញាសាកីឡាសីដក់ និងឈីនឡូននេះ បើគិតត្រឹមថ្ងៃទី១៣ ខែឧសភានេះ៕ ដោយ ៖ បាន ចក់

កម្ពុជាទទួលបានមេដាយពីកីឡាវ៉ូស៊ូ ៧គ្រឿង ជាមួយលទ្ធផលបំបែកកំណត់ត្រា

ភ្នំពេញ៖ ការប្រកួតកីឡាវ៉ូស៊ូ ក្នុងព្រឹត្តិការណ៍ស៊ីហ្គេមលើកទី៣២ បានឈានដល់ការបិទបញ្ចប់ហើយ ដោយអត្តពលិកកម្ពុជាទទួលបានមេដាយចំនួន ៧គ្រឿង ដែលលទ្ធផលនេះ គឺជាការបំបែកកំណត់ត្រាមួយសម្រាប់កម្ពុជា លើកីឡាប្រភេទនេះ ។ក្នុងកិច្ចសម្ភាសន៍ជាមួយអ្នកសារព័ត៌មាន ក្រោយពេលបិទបញ្ចប់កីឡាវ៉ូស៊ូ នៅល្ងាចថ្ងៃទី១២ ខែឧសភា ឆ្នាំ២០២៣ ឯកឧត្តម ម៉ៅ ចន្ថាវុធ អគ្គលេខាធិការ នៃសហព័ន្ធកីឡាវូស៊ូកម្ពុជា មានប្រសាសន៍ថា កម្ពុជាបានបញ្ជូនគណៈប្រតិភូកីឡាវ៉ូស៊ូ ចូលរួមក្នុងព្រឹត្តិការណ៍ស៊ីហ្គេលឆ្នាំ២០២៣ មានចំនួន២៥រូប ដោយបានប្រកួតចំនួន ២វិញ្ញាសា មានវិញ្ញាសាសម្ដែង និងវិញ្ញាសាប្រយុទ្ធ ។ឯកឧត្តម បានបន្តថាសម្រាប់លទ្ធផល នៃការប្រកួតលើកីឡាវ៉ូស៊ូ ទាំង២វិញ្ញាសា ទទួលបានមេដាយចំនួន៧គ្រឿង ក្នុងនោះមេដាយមាស ១គ្រឿង, មេដាយប្រាក់ចំនួន ៣គ្រឿង និងមេដាយសំរឹទ្ធ ចំនួន៣គ្រឿង ដែលការប្រកួតក្នុងព្រឹត្តិការណ៍ស៊ីហ្គេមកន្លងទៅចំនួន ៨ដង បានត្រឹមមេដាយសំរឹទ្ធប៉ុណ្ណោះ ។សម្រាប់កីឡាករកម្ពុជា២រូបទទួលបានមេដាយប្រាក់ បានលើកឡើងថា ពួកគេមានការសប្បាយរីករាយ ចំពោះលទ្ធផលនេះ បើទោះបីជាមិនបានមេដាយមាសជូនជាតិ ហើយពួកគេប្ដេជ្ញាបើមានឱកាស ចូលរួមការប្រកួតស៊ីហ្គេមលើកក្រោយទៀត នឹងប្រឹងប្រែងធ្វើសម្រេចឲ្យបានជោគជ័យ ។ គួរបញ្ជាក់ថា ប្រភេទកីឡាវ៉ូស៊ូ បានប្រព្រឹត្តិទៅរយៈពេល ៣ថ្ងៃ គឺចាប់ពីថ្ងៃទី១០ ដល់ទី១២ ខែឧសភា ឆ្នាំ២០២៣ ដោយមេដាយទាំង ៧គ្រឿងនោះ គឺក្នុងវិញ្ញាសាសម្ដែង ទទួលបានចំនួន ២គ្រឿង ក្នុងនោះមាសមួយគ្រឿង និងប្រាក់មួយគ្រឿង ចំណែកវិញ្ញាសាប្រយុទ្ធចំនួន ៥គ្រឿង គឺប្រាក់២គ្រឿង និងសំរឹទ្ធ៣គ្រឿង ៕ ដោយ ៖ បាន សុខរិទ្ធ

ស៊ីហ្គេម២០២៣៖ ក្រុមកីឡាហែលទឹកពាក់ជើងទាកម្ពុជា ឡើងជុំផ្ដាច់ព្រ័ត្រនាល្ងាចនេះ

ភ្នំពេញ៖ ក្រោយឆ្លងកាត់ការប្រកួតយ៉ាងស្វិតស្វាញ ក្នុងវគ្គជម្រុះ នៅព្រឹកថ្ងៃទី១២ ខែឧសភា ឆ្នាំ២០២៣នេះ ក្រុមកីឡាហែលទឹកពាក់ជើងទាកម្ពុជា បានឡើងទៅវគ្គផ្ដាច់ព្រ័ត្រហើយ ដោយត្រូវប្រកួតនាម៉ោង៦ល្ងាចនេះ នៅមជ្ឈមណ្ឌលកីឡាហែលទឹក នៃពហុកីឡដ្ឋានជាតិមរតកតេជោ ដើម្បីប្រជែងមេដាយជូនជាតិ ។សូមបញ្ជាក់ថា សម្រាប់វិញ្ញាសាកីឡាហែលទឹកពាក់ជើងទា បានចាប់ផ្ដើមការប្រកួតដំបូងថ្ងៃនេះ ខណៈមានកីឡាករ-កីឡាការិនីកម្ពុជា ៧រូប បានធ្វើការប្រកួតលើវិញ្ញាសា ១០០ម៉ែត្រ និង ៤០០ម៉ែត្រ ។ ជាលទ្ធផលមានកីឡាករ-កីឡាការិនីកម្ពុជា ៤រូប បានឆ្លងផុតវគ្គជម្រុះ ឡើងទៅជុំផ្ដាច់ព្រ័ត្រ រួមមានកីឡាការិនី កាំង មួយនីន, កីឡាការិនី ឃឿន ប៊ុនពេជ្រមរក, កីឡាករ សុខ វ៉ាត់ថានូន និងកីឡាករ លឹម កែវឧត្តម ៕អត្ថបទ៖ ឈិត បូរ៉ាវី

ឯកឧត្តម វ៉ាត់ ចំរើន៖ បិទស៊ីហ្គេម នឹងមានទស្សនីយភាពអស្ចារ្យ តែអ្នកចូលទស្សនា ត្រូវមានបណ្ណថ្មី

ភ្នំពេញ៖ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC បានបញ្ជាក់ថា ពិធីបិទព្រឹត្តិការណ៍ស៊ីហ្គេម លើកទី៣២ ដែលគ្រោងរៀបចំនាថ្ងៃទី១៧ ខែឧសភាខាងមុខ នឹងមានទស្សនីយភាពអស្ចារ្យ មិនចាញ់ពិធីបើកឡើយ ។ ប៉ុន្ដែអ្នកចូលទស្សនាទាំងអស់ ត្រូវមានបណ្ណចូលទស្សនាថ្មី ដើម្បីការពារសន្ដិសុខ សុវត្ថិភាព និងសណ្ដាប់ធ្នាប់ឲ្យកាន់តែល្អប្រសើរ ។ឯកឧត្តមមានប្រសាសន៍ថា ធម្មតាពិធីបើកព្រឹត្តិការណ៍កីឡាធំៗ តែងមានទស្សនីយភាពច្រើន និងអស្ចារ្យ ជាក់ស្ដែងក្នុងពិធីបើកស៊ីហ្គេម លើកទី៣២ នៅកម្ពុជា កាលពីថ្ងៃទី០៥ ខែឧសភា ដែលធ្វើឲ្យពិភពលោកមានការកោតស្ញប់ស្ញែងជាខ្លាំង ។ ចំពោះពិធីបិទវិញ ក៏នឹងត្រូវរៀបចំក្នុងកម្រិតដ៏អស្ចារ្យផងដែរ ។ តែចំពោះបណ្ណចាស់ ដែលចូលរួមពិធីបើកថ្ងៃមុន ត្រូវបានទុកជាមោឃៈ បន្ទាប់ពីគណៈកម្មាធិការជាតិ CAMSOC សម្រេចធ្វើបណ្ណថ្មី សម្រាប់ប្រើប្រាស់ក្នុងពិធីបិទ ដែលនឹងប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ។គួរដឹងថា គិតត្រឹមថ្ងៃទី១២ ខែឧសភានេះ គឺមានរយៈពេល ១៤ថ្ងៃហើយ នៃដំណើរការប្រកួតកីឡាស៊ីហ្គេម លើកទី៣២ នៅកម្ពុជា ដែលចាប់ផ្ដើមការប្រកួតតាំងពីថ្ងៃទី២៩ ខែមេសា មុនពិធីបើកផ្លូវការ កាលពីថ្ងៃទី០៥ ខែឧសភា ពោលគឺនៅសល់ ៥ថ្ងៃទៀតប៉ុណ្ណោះ ព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជានេះ នឹងឈានដល់ពិធីបិទ ។ទន្ទឹមជាមួយគ្នា គេឃើញសន្ទុះប្រជាពលរដ្ឋជាច្រើន បានសម្រុកទៅគាំទ្រគ្រប់ការប្រកួត ពិសេសលើកទឹកចិត្តដល់អត្តពលិកជាតិ ហើយក៏កំពុងចាប់អារម្មណ៍ និងចង់ចូលរួមពិធីបិទនាពេលខាងមុខយ៉ាងច្រើនកុះករផងដែរ ៕

លទ្ធផលវិញ្ញាសាកង់គួកបុរសនៅមុខអង្គរវត្ដ មេដាយមាសបានទៅលើឥណ្ឌូនេស៊ី, ផ្នែកនារី មេដាយមាសបានទៅលើថៃ

សៀមរាប៖ ការប្រកីឡាស៊ីហ្គេមលើកទី៣២លើវិញ្ញាសាកង់គួក បុរស ដែលមានចំង៉ាផ្លូវជាង៥៥គីឡូម៉ែត្រ និងកង់គួនារីដែលមានចម្ងាយផ្លូវជាង៣៦គីឡូម៉ែត្រ ទីតាំងប្រគួតស្ថិតនៅខាងមុខង្គរវត្ដ ខេត្ដសៀមរាប បានចាប់ផ្ដើមដំណើរការហើយ នៅព្រឹកថ្ងៃទី១១ខែឧសភាឆ្នាំ២០២៣នេះ ។ការប្រកួតកង់គួកបុរសនារីនេះ មានកីឡាករផ្នែកបុរសចំនួន២៤រូប និងកីឡាការីនីចំនួន២០រូប មកពីចំនួន៨ប្រទេស រួមមាន កម្ពុជា ឥណ្ឌូនេស៊ី ម៉ាឡេស៊ី ហ្វីលីពីន ស៊ីងហ្គាពួរ ថៃ វៀតណាម ឡាវ ។ក្រោយពីការប្រកួតដ៏ស្វិតស្វាញនៅលើកំណត់ផ្លូវកោងវិលជុំរយៈពេល៣ម៉ោង ជាលទ្ធផលការប្រកួតកង់គួកបុស ទទួលបានមេដាយមាស បានទៅលើប្រទេសឥណ្ឌូនេស៊ី មេដាយប្រាក់បានទៅលើប្រទេសម៉ាឡេស៊ី និងមេដាយសំរិទ្ធិបានទៅលើប្រទេសហ្វីលីពីន។ដោយឡែកវិញ្ញាសាកង់គួកនារី ដែលមានចម្ងាយផ្លូវជាង៣៦គម ស្មើ២០ជុំ មេដាយមាសបានទៅលើប្រទេសថៃ មេដាយប្រាក់បានទៅលើប្រទេសវៀតណាម និងមេដាសំរិទ្ធិបានទៅលើប្រទេសម៉ាឡេស៊ី។សូមបញ្ជាក់ថា ការប្រកួតកីឡាស៊ីហ្គេមលើវិញ្ញាសាកង់គួកនេះ ធ្វើឡើងមានរយៈពេលបីថ្ងៃចាប់ពីថ្ងៃទី១១ដល់ថ្ងៃទី១៣ខែឧសភាឆ្នាំ២០២៣នេះ ដោយមានចម្ងាយជាង ៥៥ គមស្នើ៣០ជុំ ផ្នែកបុរស និងផ្នែកនារីចង្ងាយផ្លូវជាង៣៦គម ស្មើនឹង២០ជុំ ស្ថិតនៅខាងមុខប្រាសាទអង្គរវត្ដ។ដោយឡែកថ្ងៃទី១២ និងទី១៣ខែឧសភា ការប្រគួតកង់គួកចម្ងាយផ្លូវជាង១៥៥គម ស្ថិតនៅតំបន់រមណីយដ្ឋានអង្គរ(វង្សធំ)៕

ឯកឧត្តម ហ៊ុន ម៉ានី មានមោទនភាពចំពោះយុវជនស្ម័គ្រចិត្តក្នុងការបំពេញភារកិច្ចនាឱកាសស៊ីហ្គេម

ភ្នំពេញៈ ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ស.ស.យ.ក នាព្រឹកថ្ងៃទី១១ ខែឧសភា ឆ្នាំ២០២៣នេះ បានសរសេរលើហ្វេសប៊ុក ដោយបានបង្ហាញក្ដីរំភើប និងមានមោទនភាពបំផុតចំពោះកិច្ចខិតខំប្រឹងប្រែងរបស់ក្រុមយុវជនស្ម័គ្រចិត្តកម្ពុជា ដែលបានលះបង់កម្លាំងកាយចិត្តបំពេញភារកិច្ចរបស់ខ្លួនទទួលស្ថាគមន៍ភ្ញៀវ ប្រភិភូកីឡា និងកីឡាករ កីឡាការិនី នាឱកាសកម្ពុជាធ្វើជាម្ចាស់ផ្ទះ ប្រកបដោយ ស្នាមញញឹម ដ៏កក់ក្តៅ ទន់ភ្លន់ ជាមួយនឹងរបៀបរបបធ្វើការងារប្រកបដោយទំនួលខុសត្រូវ។ ឯកឧត្ដមបានថ្លែងថា ការទទួលស្វាគមន៍ និងបដិសណ្ឋារកិច្ចប្រកបស្នាមញញឹម ដ៏កក់ក្តៅ ទន់ភ្លន់ ជាមួយនឹងរបៀបរបបធ្វើការងារប្រកបដោយទំនួលខុសត្រូវ ក៏ដូចជាភាពឈ្លាសវៃក្នុងការដោះស្រាយបញ្ហាប្រឈមនានារបស់ប្អូនៗយុវជនស្ម័គ្រចិត្តយើងទាំងអស់គ្នា ពិតជាធ្វើឲ្យឯកឧត្ដម រីករាយ និងគួរឲ្យកោតសរសើរមែន។ ឯកឧត្ដម ក៏សូមអភ័យទោស ដែលឯកឧត្ដមមិនបានសួរសុខទុក្ខប្អូនៗ (ស្ម័គ្រចិត្ត) ឲ្យបានដល់គ្រប់ទីតាំងទាំងអស់។ ឯកឧត្ដមបន្តថា៖«ក៏ប៉ុន្តែខ្ញុំចង់ប្រាប់ថា ខ្ញុំសូមអរគុណចេញពីបេះដូង និងទទួលស្គាល់តម្លៃ នៃការស្ម័គ្រចិត្តរបស់ប្អូនៗគ្រប់ៗគ្នា ក៏ដូចជាអ្នកចូលរួមនានាគ្រប់ៗរូប។ ខ្ញុំពិតជាមានមោទនភាពចំពោះអ្នកទាំងអស់គ្នា ហើយក៏ចង់ប្រាប់ដែរថា កម្ពុជា ក៏មានមោទនភាពចំពោះអ្នកទាំងអស់គ្នាដូចគ្នា»៕

លោក Honda ផ្ដាំឱ្យក្រុមកម្ពុជាបន្តដើរតាមក្តីស្រមៃ

ភ្នំពេញ៖ លោក Honda បានសរសេរលើហ្វេសប៊ុក នាព្រឹកថ្ងៃទី១១ ខែឧសភានេះ ដោយផ្ដាំឲ្យក្រុមកម្ពុជាបន្តដើរតាមក្តីស្រមៃរបស់ខ្លួន។ លោកបានសរសេរថា អរុណសួស្តី! ដូចអ្នកទាំងអស់គ្នា បានដឹងហើយថា ភារកិច្ចរបស់ខ្ញុំ ក្នុងការដឹកនាំក្រុមជម្រើសជាតិកម្ពុជា បានបញ្ចប់កាលពីយប់មិញ។ លោកបន្តថា ពួកយើងចង់ឲ្យអ្នកទាំងអស់គ្នា សប្បាយចិត្តជាមួយលទ្ធផលល្អប្រសើរមួយ។ ប៉ុន្តែពួកយើង មិនអាចធ្វើបាន។ ពួកយើងមិនគួរសន្យានោះទេ ហើយពេលខ្លះខ្ញុំក៏ពិបាកទទួលយកលទ្ធផលមិនល្អទាំងនោះដែរ។លោកបញ្ជាក់ថា ខ្ញុំមានអារម្មណ៍ថា ការដឹកនាំរបស់ខ្ញុំ បរាជ័យជាច្រើនដង ចាប់ពីឆ្នាំ២០១៨មក ។ ប៉ុន្តែអ្នកទាំងអស់គ្នា (អ្នកគាំទ្រ និងកីឡាករ) ជាកម្លាំងចិត្ត និងក្តីសង្ឃឹមរបស់ខ្ញុំ។ ទាំងនេះ គឺជាមូលហេតុ ដែលខ្ញុំបន្តភារកិច្ចការងារខ្ញុំ រហូតដល់បញ្ចប់រយ:ពេល៥ឆ្នាំនេះ។លោក Honda លើកឡើងថា អ្នកគាំទ្រ និងកីឡាករទាំងអស់ បានផ្ដល់ឲ្យខ្ញុំគ្រប់យ៉ាង។ ខ្ញុំមានមោទកភាពចំពោះអ្នកទាំងអស់គ្នា។លោក Honda ថ្លែងថា ជាចុងក្រោយ ខ្ញុំចង់និយាយពាក្យមួយម៉ាត់ថា " ត្រូវមានក្តីស្រមៃ ហើយដើរតាមក្តីស្រមៃខ្លួន"៕

បណ្ដាញសង្គម

ព័ត៌មានថ្មីៗ

[UPDATE] ក្រសួងអេស្ប៉ាញ៖ ជនអន្តោប្រវេសន៍ជាង ២៥.០០០នាក់ បានវិលត្រឡប់ទៅម៉ារ៉ុកវិញពីដែនដី Ceuta

[UPDATE]ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

របាយការណ៍៖ ណាតូចង់ពង្រីកខែលការពារនុយក្លេអ៊ែរ នៅអឺរ៉ុប ក្នុងពេលមានការគំរាមកំហែងពីរុស្ស៊ី

មនុស្ស ២៥នាក់ស្លាប់ និង ៤៤នាក់រងរបួស ក្នុងគ្រោះថ្នាក់រថយន្តក្រុង នៅភាគខាងជើងអាល់ហ្សេរី

មន្រ្តី UN៖ អាមេរិកឡាទីន នឹងមើលឃើញបាតុភូតអែល នីញ៉ូដ៏ខ្លាំងកា្លបំផុត

អ្នកឡើងភ្នំ ១០នាក់ ដឹកនាំដោយអ្នកឡើងភ្នំដ៏ល្បីល្បាញម្នាក់របស់នេប៉ាល់ បាត់ខ្លួននៅលើភ្នំប៉ាគីស្ថាន

ភ្លើងឆេះព្រៃបំផ្លាញចម្ការផ្លែបឺរនៅអេស្ប៉ាញ និងគំរាមកំហែងដល់ការប្រមូលផលរយៈពេលច្រើនឆ្នាំ

BREAKING NEWS | ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

ជនប៉ាឡេស្ទីន មានមន្ទិលសង្ស័យ ក្រោយលោក Trump ប្រកាសកិច្ចព្រមព្រៀងរំសាយអាវុធក្រុមហាម៉ាស

កូរ៉េខាងត្បូងកត់ត្រាសីតុណ្ហភាពខ្ពស់បំផុតមិនធ្លាប់មាន ៤១,៤អង្សាសេ ខណៈរលកកម្ដៅកាន់តែខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877