នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
កម្ពុជាភ្លាត់ចាញ់សិង្ហបុរីនៅនាទីទីចុងក្រោយ ក្នុងជំនួបបើកឆាកពានរង្វាន់បាល់​ទាត់តំបន់​អាស៊ី​អាគ្នេយ៍ ​(ASEAN Hyundai Cup 2026)
វ័យ ៤០ ឆ្នាំ Luka Modric បន្តកិច្ចសន្យាថ្មីជាមួយ AC Milan មួយឆ្នាំទៀត
Arsenal នាំយកខ្សែប្រយុទ្ធក្រិក Christos Tzolis ពី Club Brugge ក្នុងតម្លៃ ៣៤ លានផោន
មន្រ្តីជាន់ខ្ពស់ក្រសួងអប់រំ៖ ការប្រកួតកីឡាជាតិ-កីឡាជាតិជនពិការ ត្រូវរៀបចំតាមលំនាំហ្គេមស្តង់ដា លើប្រភេទកីឡានីមួយៗ

ព័ត៌មានកីឡា

ខ្លាំង ប៉ះខ្លាំង! តើភ្នំពេញក្រោន ឬវិសាខា អាចរក្សាកំណត់ត្រាមិនស្គាល់ចាញ់​ក្នុងលីគនារី​ថ្ងៃពុធនេះ?

2026/06/16 05:42:27 pm        215
Facebook Telegram Linkin
ការប្រកួតជម្រើសជើងឯកលីគនារីកម្ពុជា ឆ្នាំ២០២៦ នឹងមានការប្រកួតពាក់​កណ្ដាល​សប្ដាហ៍​លើកដំបូង ក្រោយមានការពន្យាពេលមួយចំនួន នាពេលកន្លងមក ជាមួយកម្មវិធីប្រកួតដ៏ជក់ចិត្ត រវាងក្រុមខ្លាំង ប៉ះខ្លាំងជាច្រើន ពិសេសជំនួបរវាងក្រុមមិនទាន់ស្គាល់ចាញ់ភ្នំពេញក្រោន និងវិសាខា នៅថ្ងៃទី១៧ ខែមិថុនា ឆ្នាំ២០២៦ ស្អែកនេះ។ក្នុងចំណោម ៤ប្រកួត ដែលត្រូវប្រកួតដំណាលគ្នា នៅថ្ងៃពុធនេះ ភ្នំពេញក្រោន ជួប វិសាខា ត្រូវបានចាត់ទុកជាជំនួបដ៏ធំ ដែលកំពុងទាក់ចិត្តអ្នកគាំទ្រ ដ្បិតឆ្លងកាត់ ៦ប្រកួតកន្លងមក ក្រុមទាំងពីរ មិនទាន់ស្គាល់ចាញ់រៀងៗខ្លួន ពោលគឺ ៦ប្រកួតរបស់ក្រុមការពារជើងឯកភ្នំពេញក្រោន ឈ្នះទាំង ៦ គ្រាដែល ៦ប្រកួតរបស់វិសាខា ឈ្នះ ៤ និងស្មើ ២។ ដូច្នេះចាំមើលតើជំនួបជើងទី១ រវាងក្រុមទាំងពីរ ស្អែកនេះ ក្រុមណានឹងអាចរក្សាកំណត់ត្រាមិនស្គាល់ចាញ់?ក្រឡេកទៅមើលកម្មវិធីប្រកួត ៣គូផ្សេងទៀត ក៏មិនធម្មតា ដោយក្រុមព្រះខ័នរាជស្វាយរៀង ត្រូវជួបក្រុម XO United នៅកីឡដ្ឋាន ISI Park ខណៈបឹងកេត ត្រូវជួបម្ចាស់ផ្ទះសៀមរាបអេហ្វស៊ី ។ នេះគឺជាសុទ្ធតែជាគូជក់ចិត្ត ដ្បិតក្រុមនីមួយៗ មានការរៀបចំក្រុមបានល្អរៀងៗខ្លួន ។ រីឯមួយប្រកួតទៀត គឺក្រុមមិនទាន់ស្គាល់ឈ្នះ មន្ទីរអប់រំ យុវជន និងកីឡា ខេត្តកំពង់ឆ្នាំង ត្រូវជួបក្រុមភ្ញៀវណាហ្គាវើលដ៏ នៅកីឡដ្ឋានខេត្តកំពង់ឆ្នាំង។សម្រាប់លទ្ធផលការប្រកួតចុងក្រោយរបស់ក្រុមនីមួយៗ កាលពីចុងសប្ដាហ៍កន្លងទៅ មុនជំនួបបង្គ្រប់កិច្ចជុំទី២ នាថ្ងៃពុធស្អែកនេះ គឺក្រុមភ្នំពេញក្រោន បានបន្ដយកឈ្នះក្រុមមន្ទីរអប់រំ យុវជន និងកីឡាខេត្តកំពង់ឆ្នាំង ៩-០, ព្រះខ័នរាជស្វាយរៀង បានយកឈ្នះក្រុមបឹងកេត ៤-២, ក្រុមសៀមរាបអេហ្វស៊ី បានយកឈ្នះក្រុមណាហ្គាវើលដ៏ ៣-០ និងក្រុមវិសាខា បានវាយបកឈ្នះក្រុម XO United ៦-១។បច្ចុប្បន្នភ្នំពេញក្រោន កំពុងឈរកំពូលតារាង រកបាន ១៨ពិន្ទុពេញ តាមពីក្រោយដោយក្រុមវិសាខា មាន ១៤ពិន្ទុ, សៀមរាបអេហ្វស៊ី ឈរលេខ៣ មាន ១១ពិន្ទុ, បឹងកេត ឈរលេខ៤ មាន ១០ពិន្ទុ និងព្រះខ័នរាជស្វាយរៀង ឈរលេខ៥ មាន ៩ពិន្ទុ៕ អត្ថបទ លី ឈុនឡា

NOCC បញ្ជាក់ពីការរាំងស្ទះមេដាយ ខណៈអ្នកជំនាញគាំទ្រឲ្យមានអ្នកវិនិយោគផលិតក្នុងស្រុក ជាជាងការនាំចូល

2026/06/16 05:08:02 pm        165
Facebook Telegram Linkin
គណៈកម្មាធិការជាតិអូឡាំពិកកម្ពុជា(NOCC) បានចេញសេចក្ដីជូនដំណឹងបញ្ជាក់ពីការរាំងស្ទះមេដាយ ធ្វើឲ្យយឺតយ៉ាវក្នុងការផ្ដល់ជូន អមជាមួយការសុំទោសជាថ្មី ដល់អត្តពលិកជាតិ និងអន្ដរជាតិទាំងអស់ ដែលបានចូលរួមទិវារត់ប្រណាំងអន្ដរជាតិពាក់កណ្ដាលម៉ារ៉ាតុងភ្នំពេញ លើកទី១៤ កាលពីចុងសប្ដាហ៍កន្លងទៅ។យោងតាមសេចក្ដីជូនដំណឹងនៅថ្ងៃបន្ទាប់ពីព្រឹត្តិការណ៍ គណៈកម្មការរៀបចំទិវារត់ប្រណាំងអន្តរជាតិពាក់កណ្តាលម៉ារ៉ាតុងភ្នំពេញ លើកទី១៤ ឆ្នាំ២០២៦ បានជម្រាបជូនដំណឹងដល់អត្តពលិកជាតិ-អន្តរជាតិទាំងអស់ ដែលបានចូលរួមទិវារត់ប្រណាំងថា ដោយសារការយឺតយ៉ាវ និងបញ្ហាដឹកជញ្ជូន ដែលពន្យាពេលខុសពីការគ្រោងទុក ធ្វើឲ្យមានការរអាក់រអួលមិនអាចផ្តល់ជូនទាឲ្យន់ពេលវេលា។ប្រភពដដែលបន្ដថា មូលហេតុនៃការយឺតយ៉ាវ បណ្តាលមកពីការកកស្ទះទំនិញដោយសារការត្រួតពិនិត្យតឹងរឹងតាម ច្រកព្រំដែនខុសពីប្រក្រតី ដែលបណ្តាលឱ្យយឺតយ៉ាវខុសពីការគ្រោងទុកដល់ជាងមួយខែ។ គណៈកម្មការរៀបចំព្រឹត្តិការណ៍រត់ប្រណាំងនឹងសង្ឃឹមថា ទទួលបានការយោគយល់ខ្ពស់ពីអត្តពលិកជាតិ និងអន្តរជាតិ ចំពោះកំហុសដោយអចេតនានេះ ហើយគណៈកម្មការ ក៏ទទួលយករាល់មតិយោបល់ទាំងអស់ និងខិតខំកែលម្អបានរលូននាពេលក្រោយៗទៀត។ទន្ទឹមជាមួយបញ្ហារាំងស្ទះ ដោយសារការផលិត និងនាំចូលពីក្រៅប្រទេសនេះដែរ លោក សែម ផល្លា នាយកប្រតិបត្តិរៀបចំព្រឹត្តិការណ៍ម៉ារ៉ាតុងនៅកម្ពុជា បានឱ្យដឹងថា ការធ្វើមេដាយ ការបោះពុម្ពអាវយឺត និងស្លាកលេខ ដែលមានភ្ជាប់បន្ទះឈីប គឺត្រូវបញ្ជាទិញមកពីក្រៅប្រទេស និងត្រូវកុម្ម៉ង់មុនរាប់ខែ ព្រោះជាមេដាយឌីហ្សាញថ្មី មិនមែនជាមេដាយធ្វើហើយស្រាប់ ប៉ុន្តែនេះជាលើកដំបូងហើយ ដែលការនាំយកមេដាយពីក្រៅប្រទេសចូលមកកម្ពុជា មានការរាំងស្ទះ។លោកបន្ដថា នៅកម្ពុជា មិនទាន់មានធ្វើ សូម្បីប្រទេសជិតខាង ក៏មិនទាន់មានធ្វើតាមត្រូវការដែរ តែភាគច្រើនធ្វើនៅប្រទេសចិន ដែលអាចរចនាតាមតម្រូវការឌីហ្សាញរបស់គណៈកម្មការ បានលឿន និងរហ័ស។ បែបនេះក្ដី លោកគាំទ្រ ១០០% ប្រសិនបើមានអ្នកវិយោគពិចារណាផលិតនៅស្រុកខ្មែរ ជាជាងការនាំចូល ព្រោះផ្ដល់ផលចំណេញដល់កីឡាករ-កីឡាការិនី ក៏ដូចជាជួយដល់សេដ្ឋកិច្ចជាតិផងដែរ។គួរដឹងថា ទិវារត់ប្រណាំងអន្ដរជាតិពាក់កណ្ដាលម៉ារ៉ាតុងភ្នំពេញ លើកទី១៤ ឆ្នាំ២០២៦ មានអ្នកចូលរួមសរុបជិត ៦ពាន់នាក់ ដែលរៀបចំឡើងគោលបំណងសំខាន់ៗចំនួន ៣ ពិសេសគឺដើម្បីអបអរសាទរព្រះរាជពិធីបុណ្យចម្រើនព្រះជន្ម សម្តេចព្រះមហាក្សត្រី  នរោត្តម  មុនិនាថ  សីហនុ  ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល។ ជាមួយព្រឹត្តិការណ៍ប្រចាំឆ្នាំនេះ ទាំងអ្នកទទួលបានជ័យលាភី និងអ្នករត់ដល់ទី តែងទទួលបានមេដាយអនុស្សាវរីយ៍ តែដោយសារបញ្ហាកកស្ទះព្រោះការត្រួតពិនិត្យតឹងរឹងតាមច្រកព្រំដែនខុសពីប្រក្រតី បណ្តាលឱ្យយឺតយ៉ាវខុសពីការគ្រោងទុកដល់ជាងមួយខែ និងមិនអាចផ្ដល់ជូននៅថ្ងៃប្រកួតឡើយ តែគណៈកម្មការនឹងរៀបចំជូនដល់អត្តពលិកទាំងអស់វិញ នាពេលក្រោយ បន្ទាប់ពីទទួលបានមេដាយនាពេលឆាប់ៗខាងមុខ៕ អត្ថបទ លី ឈុនឡា

បាល់ទាត់ពិភពលោក ២០២៦៖ ពូល H អេស្ប៉ាញ និងអ៊ុយរូហ្គាយសុទ្ធតែបាត់បង់បីពិន្ទុ

2026/06/16 04:52:39 pm        147
Facebook Telegram Linkin
ការប្រកួតជុំទី១ ក្នុងពូល H នៃបាល់ទាត់ពានរង្វាន់ពិភពលោក FIFA World Cup 2026 បានបញ្ចប់ទៅដោយលទ្ធផលដ៏គួរឱ្យភ្ញាក់ផ្អើល ខណៈក្រុមដែលគេគិតថាជាបេក្ខភាពប្រជែងជើងឯកអេស្ប៉ាញ ក៏ដូចជាអ៊ុយរូហ្កាយសុទ្ធតែបាត់បង់បីពិន្ទុ។អេស្ប៉ាញដែលគេគិតជាបេក្ខភាពឈានមុខមួយក្នុងការប្រជែងជើងឯកឆ្នាំនេះ ត្រូវបានក្រុមវត្តមានដំបូងនៅ World Cup កាប់វែរទប់ស្មើដោយលទ្ធផល ០-០ ក្នុងការប្រកួតបើកឆាក។ ទោះបីជាត្រូវបានគេចាត់ទុកថាជាក្រុមខ្លាំងជាងក៏ដោយ អេស្ប៉ាញមិនអាចទម្លុះខ្សែការពារដ៏រឹងមាំរបស់គូប្រកួតបានឡើយ ជាពិសេសអ្នកចាំទីវ័យ ៤០ Vozinha ដែលបានក្លាយជាវីរៈបុរសសម្រាប់ក្រុមកាប់វែរ។អេស្ប៉ាញដែលគ្រប់គ្រងការប្រកួតស្ទើតែទាំងស្រុងដល់ទៅ ៧៥ ភាគរយ មានឱកាសស៊ុតសរុប ២៧ លើកចំគោលដៅ ៧ លើកសុទ្ធតែសង្គ្រោះបានដោយ Vozinha។ ចំណែកការប្រកួតមួយទៀត អ៊ុយរូហ្គាយ និងអារ៉ាប៊ីសាអូឌីត បានចែកពិន្ទុគ្នាផងដែរ បន្ទាប់ពីស្មើគ្នា ១-១ ក្នុងជំនួបដ៏ស្វិតស្វាញ។ក្រុមជើងឯកពិភពលោក ២ សម័យអ៊ុយរូហ្កាយត្រូវរង់ចាំដល់នាទីទី ៨០ ទើប Maxi Araujo តាមស្មើបានសម្រេច បន្ទាប់ពីគ្រាប់នាំមុខរបស់ Abdulelah Al Amri នាំមុខឱ្យអារ៉ាប៊ីសាអ៊ូឌីតតាំងពីនាទីទី ៤១។ក្រោយបញ្ចប់ការប្រកួតជុំទី១ ពូល H មានស្ថានភាពប្រកួតប្រជែងខ្លាំង ដោយក្រុមទាំងបួនរួមមាន អ៊ុយរូហ្គាយ អារ៉ាប៊ីសាអូឌីត អេស្ប៉ាញ និងកាប់វែរសុទ្ធតែមាន ១ ពិន្ទុស្មើគ្នា មានន័យថាឱកាសប្រជែងកៅអីវគ្គបន្តនៅមានតុល្យភាពទាំងបួនក្រុម។សម្រាប់ការប្រកួតជុំទី២ ដែលអាចកំណត់ទិសដៅនៃពូលនេះ អេស្ប៉ាញនឹងត្រូវជួបអារ៉ាប៊ីសាអូឌីត ខណៈអ៊ុយរូហ្គាយត្រូវជួបកាប់វែរ៕ អត្ថបទ៖នាង សុភាវុធ 

អ្នកចាំទីវ័យក្មេង លន់ វឌ្ឍនា ប្ដេជ្ញាក្ដោបឱកាសអភិវឌ្ឍសមត្ថភាព ក្រោយបានចូលរួម​ជាមួយ​ព្រះខ័នរាជ

2026/06/16 04:44:32 pm        248
Facebook Telegram Linkin
ការចូលរួមជាមួយក្លិបព្រះខ័នរាជស្វាយរៀង ត្រូវបានចាត់ទុកជាឱកាស​មាសមួយសម្រាប់​អ្នកចាំទី​វ័យក្មេង លន់ វឌ្ឍនា ក្នុងការសិក្សារៀនសូត្រ និងដកពិសោធន៍ពីក្រុមការងារគ្រូ ក៏ដូចជារាមច្បង ហើយ​រូបគេបានប្ដេជ្ញានឹងក្ដោបឱកាសនេះ ខំប្រឹងឲ្យបានខ្លាំង ដើម្បីអភិវឌ្ឍន៍សមត្ថភាព និង​មាន​ឱកាស​លេងផង។នេះបើតាមការលើកឡើងក្នុងបទសម្ភាសន៍ខ្លី បន្ទាប់ពីអតីតអ្នកចាំទីក្លិបឡាយហ្វ​ខេត្តព្រះសីហនុ​រូបនេះ បានផ្ទេរមកចូលរួមជាមួយក្លិបជើងឯកលីគកំពូលកម្ពុជា និងជាជើងឯកពានសម្ដេចតេជោ ហ៊ុន សែន ព្រះខ័នរាជស្វាយរៀង ជាមួយការកិច្ចសន្យារយៈពេល ២ឆ្នាំ កាលពីថ្មីៗ។អ្នកចាំ​ទីវ័យ ១៨ឆ្នាំរូបនេះ បន្ដថា នៅព្រះខ័នរាជស្វាយរៀង ល្អទាំងអស់ ទាំងហេដ្ឋារចនាសម្ព័ន្ធ និ​ងធនធានមនុស្ស ពិសេសថ្នាក់ដឹកនាំ ពោលគឺជាក្លិបស្ដង់ដារ។ ក្នុងនាមក្លិប​ដែលមានការ​ប្រកួត​ប្រជែង​ច្រើន ទាំងក្នុង និងក្រៅស្រុកផងនោះ វឌ្ឍនា ប្ដេជ្ញានឹងក្ដោបឱកាសមាសនេះ ខិតខំប្រឹងប្រែងហ្វឹក​ហាត់ ដើម្បីជួបក្លិប និងអភិវឌ្ឍសមត្ថភាពខ្លួនឲ្យកាន់តែល្អប្រសើរផង។គួរដឹងថា ការបង្ហាញខ្លួនដ៏ល្អ ជាមួយសមត្ថភាពដ៏លេចធ្លោរជាមួយក្លិបចាស់ឡាយហ្វខេត្តព្រះសីហនុ បានទាក់ចិត្តគ្រូបង្វឹកក្លិបព្រះខ័នរាជស្វាយរៀង នាំយក លន់ វឌ្ឍនា មករួមក្រុម រយៈពេល ២ឆ្នាំ ។ ស្របពេលក្លិបមានការប្រកួតប្រជែងជាច្រើន ទាំងលីគកំពូលកម្ពុជា, ពានសម្ដេចតេជោ ហ៊ុន សែន, ជើងឯកក្លិបបាល់ទាត់អាស៊ីអាគ្នេយ៍ និងពានលំដាប់ទី២ ទ្វីបអាស៊ី AFC Champions League Two ផងនោះ នេះគឺជាឱកាសដ៏ល្អ សម្រាប់ វឌ្ឍនា ក្នុងការប្រកួតប្រជែង ឆ្ពោះទៅរកសម្រេចក្ដីស្រម៉ៃធំៗជាច្រើនក្នុងអាជីពបាល់ទាត់របស់ខ្លួននាថ្ងៃអនាគតបន្ថែមទៀត៕អត្ថបទ លី ឈុនឡា     

Real Madrid ឈានដល់កិច្ចព្រមព្រៀងផ្ទេរ Marc Cucurella ពី Chelsea ក្នុងតម្លៃជាង ៥១ លានផោន

2026/06/15 10:54:23 pm        403
Facebook Telegram Linkin
ក្លិបយក្សអេស្ប៉ាញ Real Madrid បានឈានដល់កិច្ចព្រមព្រៀងជាមួយ Chelsea ក្នុងការផ្ទេរខ្សែការពារស្លាបឆ្វេង Marc Cucurella ក្នុងតម្លៃសរុប ៥១.៨ លានផោន បន្ទាប់ពីបញ្ចប់ការប្រកួតបាល់ទាត់ពិភពលោក។តាមប្រភពព័ត៌មាន កិច្ចព្រមព្រៀងនេះមានតម្លៃដំបូង ៤៧.៥ លានផោន បូករួមប្រាក់លើកទឹកចិត្តផ្សេងៗចំនួន ៤.៣ លានផោនបន្ថែមទៀត ខណៈភាគីទាំងអស់បានព្រមព្រៀងគ្នាលើការផ្ទេរជាអចិន្ត្រៃយ៍រួចរាល់។បច្ចុប្បន្ន Cucurella វ័យ ២៧ ឆ្នាំ កំពុងបំពេញភារកិច្ចជាមួយក្រុមជម្រើសជាតិអេស្ប៉ាញ ក្នុងព្រឹត្តិការណ៍បាល់ទាត់ពិភពលោកដែលរៀបចំឡើងនៅសហរដ្ឋអាមេរិក កាណាដា និងម៉ិកស៊ិក។ក្រោយការបោះឆ្នោតជាប់ជាប្រធានក្លិបសាជាថ្មីរបស់ Florentino Perez និងការតែងតាំង Jose Mourinho ជាគ្រូបង្វឹក Real Madrid កំពុងបន្តពង្រឹងកម្លាំងក្រុមយ៉ាងសកម្ម។ ក្រៅពី Cucurella ក្លិបរាជធានីអេស្ប៉ាញមួយនេះក៏ត្រូវបានគេរាយការណ៍ថាបានឈានដល់កិច្ចព្រមព្រៀងនាំយក Bernardo Silva ដែលទើបចាកចេញពី Man City ផងដែរ។រំលឹកថា Marc Cucurella បានផ្ទេរពី Brighton មក Chelsea កាលពីឆ្នាំ ២០២២ ក្នុងតម្លៃផ្ទេរ ៦៣ លានផោន។ កីឡាករជនជាតិអេស្ប៉ាញរូបនេះត្រូវបានគេដឹងថាមានបំណងចង់វិលត្រឡប់ទៅលេងនៅប្រទេសកំណើតវិញ ដោយរូបគេធ្លាប់ជាយុវជនថ្នាលរបស់ Barcelona មុនពេលចាប់ផ្តើមអាជីព៕ អត្ថបទ៖នាង សុភាវុធ

បាល់ទាត់ពិភពលោក ២០២៦៖ អ៊ុយរូហ្កាយស្តីបន្ទោស FIFA ក្រោយបញ្ហាជើងហោះហើរ ប៉ះពាល់ដល់ការត្រៀមប្រកួតដំបូង

2026/06/15 09:47:03 pm        168
Facebook Telegram Linkin
ក្រុមបាល់ទាត់ជម្រើសជាតិអ៊ុយរូហ្គាយ បានសម្ដែងការមិនពេញចិត្ត និងស្តីបន្ទោសសហព័ន្ធបាល់ទាត់ពិភពលោក (FIFA) ថាជាអ្នកទទួលខុសត្រូវចំពោះបញ្ហាដឹកជញ្ជូន ដែលបានបង្កឱ្យមានភាពច្របូកច្របល់នៅមុនការប្រកួតដំបូងរបស់ពួកគេក្នុងព្រឹត្តិការណ៍បាល់ទាត់ពិភពលោក FIFA World Cup 2026។ក្រុមដែលដឹកនាំដោយគ្រូបង្វឹក Marcelo Bielsa បានបោះជំរំហ្វឹកហាត់នៅទីក្រុង Cancun ប្រទេសម៉ិកស៊ិក មុនធ្វើដំណើរទៅកាន់ទីក្រុង Miami សហរដ្ឋអាមេរិក ដើម្បីត្រៀមប្រកួតជាមួយក្រុមជម្រើសជាតិអារ៉ាប៊ីសាអូឌីតនៅព្រឹកស្អែក។ ប៉ុន្តែការធ្វើដំណើររបស់ពួកគេត្រូវបានពន្យារពេល បន្ទាប់ពីយន្តហោះដែលបានរៀបចំសម្រាប់ក្រុម មិនទទួលបានការអនុញ្ញាតឱ្យហោះហើរចូលសហរដ្ឋអាមេរិក។តាមសេចក្ដីរាយការណ៍ បញ្ហានេះកើតឡើងដោយសារឯកសារពាក់ព័ន្ធនឹងយន្តហោះមិនទាន់បំពេញតាមលក្ខខណ្ឌ ដែលធ្វើឱ្យមិនអាចអនុម័តផ្លូវហោះហើរពី Cancun ទៅ Miami បានទាន់ពេលវេលា។អំឡុងពេលរង់ចាំដំណោះស្រាយកីឡាករ និងក្រុមការងាររបស់អ៊ុយរូហ្គាយត្រូវស្នាក់នៅបន្តក្នុងសណ្ឋាគារ Mayakoba Complex ដែលស្ថិតនៅប្រមាណ 45 នាទីពីអាកាសយានដ្ឋានអន្តរជាតិ Cancun។អ្នកនាំពាក្យរបស់សហព័ន្ធបាល់ទាត់អ៊ុយរូហ្កាយ ក៏បានបញ្ជាក់ប្រាប់សារព័ត៌មានថា សហព័ន្ធអ៊ុយរូហ្គាយចាត់ទុក FIFA ជាអ្នកទទួលខុសត្រូវចំពោះបញ្ហានេះ ខណៈ FIFA មិនទាន់ឆ្លើយតបចំពោះសំណើសុំការបំភ្លឺនៅឡើយទេ។ជាមួយគ្នានេះគ្រូបង្វឹក Marcelo Bielsa ក៏ត្រូវបានកំណត់ឱ្យចូលរួមសន្និសីទសារព័ត៌មានមុនការប្រកួតនៅកីឡដ្ឋាន Miami ប៉ុន្តែមិនទាន់មានការបញ្ជាក់ថា កម្មវិធីនេះនឹងត្រូវពន្យារពេល ឬលុបចោលទាំងស្រុងនោះទេ។អតីតខ្សែប្រយុទ្ធជើងចាស់ និងជាវីរបុរសបាល់ទាត់អ៊ុយរូហ្គាយ Diego Forlán ក៏បានបង្ហាញការមិនពេញចិត្តចំពោះស្ថានការណ៍នេះផងដែរ និងបានសង្កត់ធ្ងន់ថា ការត្រៀមលក្ខណៈប្រកួតដំបូងពិតជាសំខាន់បំផុតសម្រាប់ ដែលជះឥទ្ធិពលដល់ជោគវាសនារបស់ក្រុមនៅក្នុងព្រឹត្តិការណ៍។ សូមបញ្ជាក់ថា អ៊ុយរូហ្កាយស្ថិតក្នុងពូល H ដែលនឹងត្រូវជួបអារ៉ាប៊ីសាអ៊ូឌីតមុនគេ មុនបន្តជួបកាប់វែរ និងអេស្ប៉ាញ៕ អត្ថបទ៖នាង សុភាវុធ

អាល្លឺម៉ង់ឈរលេខ ១ ក្នុងពូល E ក្រោយឈ្នះកូរ៉ាសាវ ៧-១ ខណៈ Amad Diallo ស៊ុតគ្រាប់ជ័យជំនះឱ្យកូតឌីវ័រលើអេក្វាដ័រ

2026/06/15 09:34:28 pm        188
Facebook Telegram Linkin
ការប្រកួតជុំទី១ នៃពូល E ព្រឹត្តិការណ៍បាល់ទាត់ពិភពលោក FIFA World Cup 2026 បានបញ្ចប់ដោយក្រុមជម្រើសជាតិអាល្លឺម៉ង់ និងកូតឌីវ័រ ដណ្ដើមបាន ៣ ពិន្ទុរៀងខ្លួន និងកំពុងឈរនៅកំពូលតារាងពូល។អាល្លឺម៉ង់ បានបង្ហាញទម្រង់លេងខ្លាំងក្លាពេលជួបក្រុមលំដាប់ទាបជាងខ្លួន ដោយយកឈ្នះ កូរ៉ាសាវ ក្នុងលទ្ធផលធំធេង ៧-១។ ជើងឯកពិភពលោក ៤ សម័យអាល្លឺម៉ង់បានគ្រប់គ្រងការប្រកួតស្ទើរតែទាំងស្រុង និងបញ្ជាក់ពីភាពជាបេក្ខភាពប្រជែងពានឈានមុខមួយនៅ World Cup ឆ្នាំនេះ។ ខ្សែប្រយុទ្ធ Arsenal, Kai Havertz រកបានពីរគ្រាប់ម្នាក់ឯងក្នុងការប្រកួតនេះ ខណៈប្រាំគ្រាប់ទៀតរកបានដោយ Deniz Undav, Nathaniel Brown, Jamal Musiala, Nico Schlotterbeck និង Felix Nmecha។ចំណែកការប្រកួតមួយគូទៀត កូតឌីវ័របានយកឈ្នះអេក្វាឌ័រ ១-០ តានតឹងដោយគ្រាប់បាល់ជ័យជម្នះនៅនាទីទី ៩០ ពីកីឡាកររបស់ Manchester United, Amad Diallo។ ជ័យជម្នះនេះបានបញ្ចប់កំណត់ត្រាមិនស្គាល់ចាញ់ ១៩ ប្រកួតជាប់គ្នារបស់អេក្វាឌ័រ និងធ្វើឱ្យកូតឌីវ័រឡើងឈរលេខ២ ក្នុងពូល។ការប្រកួតជុំទី២ នឹងកាន់តែសំខាន់ ដោយអាល្លឺម៉ង់ត្រូវជួបកូតឌីវ័រ ក្នុងការប្រកួតដែលអាចកំណត់ក្រុមឡើងទៅវគ្គបន្ទាប់ ខណៈអេក្វាឌ័រ នឹងត្រូវប្រជែងជាមួយកូរ៉ាសាវ ដើម្បីស្វែងរកពិន្ទុដំបូងរបស់ខ្លួន៕អត្ថបទ៖នាង សុភាវុធ

ភ្នំពេញពាក់កណ្ដាលម៉ារ៉ាតុងឆ្នាំនេះ មានអ្នករត់ជិត ៦ពាន់នាក់ តែគណៈកម្មការសុំទោសការខកខានផ្ដល់មេដាយ

2026/06/15 09:20:39 pm        114
Facebook Telegram Linkin
ទិវារត់ប្រណាំងអន្ដរជាតិពាក់កណ្ដាលម៉ារ៉ាតុងភ្នំពេញ លើកទី១៤ ដើម្បីអបអរសាទរព្រះរាជពិធីបុណ្យចម្រើនព្រះជន្ម សម្តេចព្រះមហាក្សត្រី នរោត្តម  មុនិនាថ  សីហនុ  ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល បានប្រព្រឹត្តទៅយ៉ាងរលូន ដោយទទួលបានអត្តពលិកជាតិ-អន្ដរជាតិប្រមាណជិត ៦ពាន់នាក់ មកពី ៤៣ប្រទេសចូលរួម ។ ជាមួយគ្នា គណៈកម្មការរៀបចំ ក៏បានផ្ញើសារសុំការអភ័យទោសពីអ្នកចូលរួមទាំងអស់ ក្រោយខកខានផ្ដល់មេដាយអនុស្សាវរីយ៍ ដែលជាប់គាំងការនាំចូលរួម ដោយសារបញ្ហាព្រំដែនផងដែរ។ក្នុងព្រឹត្តិការណ៍រត់ប្រណាំងដ៏ធំប្រចាំឆ្នាំ នៅទីក្រុងភ្នំពេញនេះ មុននឹងបាញ់កាំភ្លើងចេញដំណើរ នៅព្រឹកថ្ងៃទី១៤ ខែមិថុនា ឆ្នាំ២០២៦ ឯកឧត្តមបណ្ឌិត ថោង ខុន ទេសរដ្ឋមន្ដ្រីទទួលបន្ទុកបេសកកម្មពិសេស និងជាប្រធានគណៈកម្មាធិការជាតិអូឡាំពិកកម្ពុជា(NOCC) អមដោយឯកឧត្តម ហួត ហាក់ រដ្ឋមន្ដ្រីក្រសួងទេសចរណ៍ ព្រមទាំងថ្នាក់ដឹកនាំ និងអត្តពលិកជាតិ-អន្ដរជាតិ បានលើកដៃប្រណមដើម្បីថ្វាយនូវព្រះសព្ទសាធុការពរជ័យថ្វាយ សម្តេចព្រះមហាក្សត្រី ព្រះវររាជមាតាជាតិខ្មែរ ក្នុងព្រះរាជឱកាសនៃព្រះរាជពិធីបុណ្យចម្រើនព្រះជន្មវស្សាគម្រប់ ៩០ព្រះវស្សា យាងចូល ៩១ព្រះវស្សា ដែលនឹងប្រព្រឹត្តទៅនាថ្ងៃទី១៨ ខែមិថុនា ឆ្នាំ២០២៦ ខាងមុខ។ឯកឧត្តមទេសរដ្ឋមន្ដ្រី ថោង ខុន  មានប្រសាសន៍ថា ទិរត់ប្រណាំងអន្ដរជាតិពាក់កណ្ដាលម៉ារ៉ាតុងភ្នំពេញឆ្នាំនេះ គណៈកម្មការរៀបចំ បានទទួលអ្នកចុះឈ្មោះចំនួន ៥,២៤១នាក់ ក្នុងនោះមានអត្តពលិកអន្ដរជាតិ ៦៨០នាក់ មកពី ៤៣ប្រទេស ខណៈប្រទេសចូលរួមច្រើនជាងគេ មានចិន ជប៉ុន បារាំង ហ្វីលីពីន និងអាមេរិក តែឯកឧត្តម វ៉ាត់ ចំរើន ក្នុងនាមគណៈកម្មការរៀបចំ បានបញ្ជាក់ថា សរុបទាំងអ្នកចូលរួម តែមិនបានចុះឈ្មោះ ព្រឹត្តិការណ៍កីឡាទេសចរណ៍ ផ្សារភ្ជាប់សប្បុរសធម៌នេះ មានអ្នកចូលរួមប្រមាណជិត ៦ពាន់នាក់។ នេះគឺជាជោគជ័យស្របតាមផែនការចង់បានរបស់គណៈកម្មការរៀបចំ។បែបនេះក្ដី ឯកឧត្តម វ៉ាត់ ចំរើន បានសម្ដែងការសោកស្ដាយ និងសុំការយោគយល់អធ្យាស្រ័យខ្ពស់ពីអ្នកចូលរួមរត់ទាំងអស់ ចំពោះការខកខានផ្ដល់នូវមេដាយជ័យលាភី និងមេដាយរត់បញ្ចប់អនុស្សាវរីយ៍ ទាំងអត្តពលិកជាតិ និងអន្ដរជាតិ ដោយសារបញ្ហាព្រំដែនក្នុងការនាំចូល ធ្វើឲ្យគណៈកម្មការខកខានរៀបចំមេដាយជូននៅថ្ងៃប្រកួត តែមេដាយទាំងអស់នោះ នឹងត្រូវរៀបចំជូននាពេលក្រោយ បន្ទាប់ពីគណៈកម្មការទទួលបាន។ លើសពីនេះ គណៈកម្មការរៀបចំ ក៏រីករាយទទួលនូវរាល់មតិរិះគន់បែបស្ថាបនាទាំងអស់ ដើម្បីពង្រឹងការរៀបចំឆ្នាំក្រោយៗឲ្យបានកាន់តែល្អប្រសើរ ពិសេសឆ្ពោះទៅសម្រេចគោលដៅទាក់ទាញអ្នកចូលរួមខ្ទង់ម៉ឺននាក់ ក្នុងរយៈពេល ៥ឆ្នាំខាងមុខ។ក្រៅពីការខកខានផ្ដល់មេដាយអនុស្សាវរីយ៍ តែគណៈកម្មការស្នើសុំការយោគយល់ពីអត្តពលិកទាំងអស់ ក្រឡេកទៅដំណើរការរៀបចំវិញ គឺបានប្រព្រឹត្តទៅយ៉ាងរលូន ពិសេសក្រោយមានការផ្លាស់ប្ដូរតម្រាយផ្លូវរត់ ដែលមិនត្រឹមបញ្ចៀសនូវបញ្ហាកក់ស្ទះចរាចរណ៍លើស្ពានជ្រោយចង្វារនោះទេ តែការប្ដូរទិសដៅរត់មកតំបន់កោះនរា ក៏បានផ្ដល់នូវបទពិសោធន៍ និងការប្រកួតប្រជែងថ្មីមួយទៀត សម្រាប់កីឡាករ-កីឡាការិនីផងដែរ ហើយលោកសង្ឃឹមថា ឆ្នាំក្រោយៗ ព្រឹត្តិការណ៍នេះ នឹងអាចទាក់ទាញការចូលរួមបានកាន់តែច្រើនបន្ថែមទៀត។ នេះបើតាមការបញ្ជាក់បន្ថែមពីលោក សែម ផល្លា។សូមបញ្ជាក់ថា ទិវារត់ប្រណាំងអន្ដរជាតិពាក់កណ្ដាលម៉ារ៉ាតុងភ្នំពេញ ឆ្នាំ២០២៦ នេះ រក្សាការរៀបចំ ៤វិញ្ញាសាដដែល គឺមានរត់ចម្ងាយ ២១គីឡូម៉ែត្រ, ១០គីឡូម៉ែទ្រ, ៥១គីឡូម៉ែត្រ និងរត់កម្សាន្ដ ២.៥គីឡូម៉ែត្រ។ រីឯគោលបំណងរៀបចំ ក៏រក្សានៅដដែល ទី១ ដើម្បីអបអរសាទរដល់ព្រះរាជពិធីបុណ្យចម្រើនព្រះជន្ម សម្តេចព្រះមហាក្សត្រី ព្រះវររាជមាតាជាតិខ្មែរ ទី២ ដើម្បីការងារសប្បុរសធម៌ ដោយការកៀគរថវិកាជួយដល់មន្ទីរពេទ្យគន្ធបុផ្ផា និងទី៣ ដើម្បីផ្សព្វផ្សាយកេរ្ត៍ឈ្មោះរបស់រាជធានីភ្នំពេញទៅកាន់ពិភពលោក តាមរយៈព្រឹត្តិការណ៍កីឡាទេសចរណ៍ ដែលជាសមាជិកគណៈកម្មការម៉ារ៉ាតុងពិភពលោកមួយនេះ៕ អត្ថបទ លី ឈុនឡា

សហរដ្ឋអាមេរិក បើកការប្រកួតក្នុងនាមសហម្ចាស់ផ្ទះឈ្នះប៉ារ៉ាហ្កាយ ៤ទល់១

2026/06/13 05:17:02 pm        296
Facebook Telegram Linkin
ក្រុមបាល់ទាត់ម្ចាស់ផ្ទះសហរដ្ឋអាមេរិកបើកយុទ្ធនាការប្រកួតកីឡាបាល់ទាត់ពិភពលោកដោយ​បាន​យក​ឈ្នះប៉ា​រ៉ាហ្កាយ ៤ទល់នឹង១ ក្នុងពូល D ព្រឹកថ្ងៃសៅរ៍នេះនៅពហុកីឡដ្ឋាន SoFi នៅ​ឡូស​អែន​ជឺឡេស​។ លេងបាន ៧នាទីកីឡាករប៉ារ៉ាហ្កាយ Damian BOBADILLA ធ្វើឱ្យមាកកំហុសចូលទីខ្លួនឯង មុន​ពេលកីឡាករ Folarin BALOGUN រកបានពីរគ្រាប់តែឯងនាទីទី៣១ និងនាទីទី៤៥។ ចប់​វគ្គ​ទី​១​អាមេរិក​នាំ​មុខ​ប៉ារ៉ាហ្កាយ ៣ទល់នឹង០។ ក្នុងវគ្គទី២នាទីទី៧៣ ប៉ារ៉ាហ្កាយវាយបកបានមួយគ្រាប់វិញដោយកីឡាករ MAURICIO។ តែ​យ៉ាង​ណាក៏​ដោយមុនបញ្ចប់ការប្រកួត ពីមុខអ្នកគាំទ្ររបស់ខ្លួនជាង៧០ ០០០នាក់ អាមេរិក​បន្ថែម​បាន​មួយ​គ្រាប់​ទៀត​ដោយកីឡាករ Giovanni REYNA នាទីទី៩០បូក៨។ ចប់ការប្រកួត​អាមេរិក​ឈ្នះ ប៉ារ៉ាហ្កាយ ៤ទល់នឹង១។ មួយប្រកួតទៀតក្នុងពូល D ត្រូវលេងនៅព្រឹកថ្ងៃទី១៤ ខែមិថុនា ម៉ោង១១និង០០នាទីដោយ អូស្ត្រាលី ប្រកួតជាមួយតួកគី៕

បាល់ទាត់ពិភពលោក២០២៦ (FIFA World Cup 2026)៖ ម្ចាស់ផ្ទះកាណាដាបានត្រឹមស្មើបូស្ន៊ី ក្នុងការប្រកួតបើកឆាកពូលB

2026/06/13 04:45:44 pm        333
Facebook Telegram Linkin
ម្ចាស់ផ្ទះកាណាដាបើកការប្រកួត រកបានត្រឹមតែមួយពិន្ទុទេ ក្រោយវាយបកពីក្រោយតាមស្មើបូស្ន៊ី និង ហឺហ្ស៊េហ្គោវីណា ១ទល់១ ក្នុងពូល B នៅទីក្រុងតូរុនតូ ព្រឹកថ្ងៃទី១៣ ខែមិថុនា (ពេលវេលានៅកម្ពុជា)។បូស្ន៊ីនាំមុខតាំងតែពីនាទីទី២១ ដោយគ្រាប់បាល់របស់កីឡាករ Jovo LUKIC មុនពេលកីឡាករ Cyle LARIN ជួយឱ្យកាណាដាតាមស្មើនៅនាទីទី៧៨។សូមជម្រាបជូនថាបូស្ន៊ី ឡើងមកលេងបាល់ទាត់ពិភពលោកលើកនេះ ក្រោយយកឈ្នះម្ចាស់ជើងឯកបួនសម័យកាលអ៊ីតាលី។មួយប្រកួតទៀតរបស់ពូល B កាតាជួបស្វីស លេងនៅម៉ោង០២និង០០នាទីរំលងអធ្រាត្រចូលព្រឹកថ្ងៃទី១៤ ខែមិថុនា៕

បណ្ដាញសង្គម

ព័ត៌មានថ្មីៗ

គណបក្សប្រជាជនកម្ពុជាខេត្តកំពង់ស្ពឺ ប្រជុំបូកសរុបលទ្ធផលការងារខែកក្កដា ឆ្នាំ២០២៦ និងលើកទិសដៅភារកិច្ចខែបន្ទាប់
07/25/2026 05:07 PM
Facebook Telegram Linkin
ក្រសួងអប់រំ ផ្ដល់ឱកាសឱ្យសិស្សធ្វើទស្សនកិច្ចសិក្សានៅសិង្ហបុរី តាមរយៈកម្មវិធី ME-NISTER
07/25/2026 05:07 PM
Facebook Telegram Linkin
ការ​លាលែងពីតំណែងរបស់​រដ្ឋមន្ត្រីអប់រំឥណ្ឌា គឺ​ជាជ័យជម្នះដ៏ធំ សម្រាប់ក្រុមបាតុករយុវជន
07/25/2026 05:07 PM
Facebook Telegram Linkin
លោក Trump រិះគន់ព័ត៌មានក្លែងក្លាយ និងបង្កឱ្យមានភាពចម្រូងចម្រាស ជុំវិញការបោះឆ្នោតឆ្នាំ២០២៨
07/25/2026 05:07 PM
Facebook Telegram Linkin
មនុស្សយ៉ាង​តិច ៥នាក់ស្លាប់ ក្នុងហេតុការណ៍​បាក់ដី នៅភាគខាងជើងចិន
07/25/2026 05:07 PM
Facebook Telegram Linkin
ម៉ិកស៊ិកនឹងមិន​តប​ត​ពន្ធរបស់លោក Trump ទេ ខណៈ​​ការនាំចេញត្រូវបានការពារដោយ​កិច្ចព្រមព្រៀងពាណិជ្ជកម្ម
07/25/2026 05:07 PM
Facebook Telegram Linkin
កម្មវិធីប្រកួតប្រជែងនិយាយជាសាធារណៈសម្រាប់និស្សិតសាកលវិទ្យាល័យរបស់អង្គភាពអ្នកនាំពាក្យ​រាជរដ្ឋាភិបាល រកឃើញអ្នកទទួលបានជ័យលាភីហើយ
07/25/2026 05:07 PM
Facebook Telegram Linkin
ចិនតវ៉ាប្រឆាំងនឹងទណ្ឌកម្មរបស់សហភាពអឺរ៉ុប លើក្រុមហ៊ុនចិន ពាក់ព័ន្ធនឹង​បញ្ហា​រុស្ស៊ី
07/25/2026 05:07 PM
Facebook Telegram Linkin
មនុស្សជាង ១៦០.០០០នាក់ រត់គេចពីចំហេះព្រៃ នៅប្រទេសបារាំង និងអេស្ប៉ាញ
07/25/2026 05:07 PM
Facebook Telegram Linkin
ប្រទេសចិនជម្លៀសមនុស្សជាង ២០.០០០នាក់ ខណៈព្យុះទីហ្វុង Noul បក់បោក​ជិត​ដល់
07/25/2026 03:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.