BTV NEWS

កម្ពុជាទទួលបានការគាំទ្រឱ្យធ្វើជាម្ចាស់ផ្ទះកីឡាតេក្វាន់ដូអាយ-ធីអែហ្វជើងឯកអាស៊ី២០២៨

មន្ដ្រីកីឡាជាន់ខ្ពស់ខេត្តយូណាន សរសើរ និងរៀនសូត្រពីភាពអស្ចារ្យព្រឹត្ដិការណ៍ម៉ារ៉ាតុងចក្រភពអង្គរ

ធារី ចន្ថាប៊ីន ចាត់ទុកពាន CJ Summer League ជាវេទិកាសម្រាប់អភិវឌ្ឍយុវជន

អង់គ្លេសត្រៀមដកការគាំទ្រការឈរឈ្មោះបន្តអាណត្តិរបស់ Gianni Infantino ខណៈវិបត្តិនៅ FIFA កាន់តែក្តៅគគុក

ព័ត៌មានកីឡា

Ronaldo មិនទាន់លេងឲ្យ Al Nassr បានដោយសារក្លិបលើសចំនួនកំណត់កីឡាករបរទេស

បាល់ទាត់៖ តារាបាល់ទាត់ព័រទុយហ្កាល់ Cristiano Ronaldo ទំនងជាមិនអាចបង្ហាញខ្លួនប្រកួតដំបូងឱ្យ Al Nassr បានឡើយ ដោយសារក្លិបអារ៉ាប៊ីសាអ៊ូឌីតមួយនេះលើសចំនួនកំណត់កីឡាករបរទេស នេះបើតាមប្រភពព័ត៌មានពី AFP។ នៅពេលដែលអតីតខ្សែប្រយុទ្ធ Manchester United រូបនេះបង្ហាញខ្លួនកាលពីថ្ងៃអង្គារនៅចំពោះមុខអ្នកគាំទ្រ កីឡាករវ័យ ៣៧ឆ្នាំរូបនេះចង់ចូលលេងកាន់តែឆាប់កាន់តែល្អ ជាពិសេសការប្រកួតរបស់ Al Nassr ទល់នឹង Al Ta’ee ក្នុងដីរបស់ខ្លួនថ្ងៃនេះ។ តែ Ronaldo ដែលមានប្រាក់ឈ្នួលប្រមាណ ២០០ដុល្លារក្នុងមួយឆ្នាំគឺជាកីឡាករបរទេសទី៩ របស់ Al Nassr ដែលនេះជាចំនួនលើសពីការកំណត់ របស់សហព័ន្ធបាល់ទាត់អារ៉ាប៊ីសាអ៊ូឌីតដែលអនុញ្ញាតត្រឹម ៨នាក់។ ការប្រកួតរបស់ Al Nassr គ្រោងធ្វើឡើងនៅថ្ងៃព្រហស្បតិ៍ម្សិលមិញ តែត្រូវលើកមកថ្ងៃសុក្រនេះវិញដោយសារបញ្ហាអគ្គិសនីបណ្តាលមកពីភ្លៀងធ្លាក់ខ្លាំង។ មន្ត្រីក្លិប Al Nassr ម្នាក់សុំមិនបញ្ចេញឈ្មោះបានបញ្ជាក់ថា Al Nassr មិនទាន់បានចុះឈ្មោះ Ronaldo នៅឡើយ ពោលគឺតម្រូវឱ្យកីឡាករបរទេសម្នាក់របស់ក្លិបចាកចេញសិន។ កីឡាកររបស់បរទេសរបស់ Al Nassr រួមមានអ្នកចាំទីកូឡុំប៊ី David Ospina, ខ្សែបម្រើប្រេស៊ីល Luiz Gustavo, ខ្សែប្រយុទ្ធប្រេស៊ីល Anderson Talisca និងខ្សែប្រយុទ្ធកាមេរូន Vincent Aboubakar ជាដើម។ សារព័ត៌មានអារ៉ាប៊ីសាអ៊ូឌីតមួយបានចុះផ្សាយថា ខ្សែបម្រើអ៊ូសប៊ែគីស្ថាន Jaloliddin Masharipov ទំនងជាកីឡាករដែលត្រូវចាកចេញបើកផ្លូវឱ្យម្ចាស់ជ័យលាភី Ballon d’Or ៥លើករូបនេះ៕អត្ថបទ៖នាង សុភាវុធ

សហព័ន្ធកីឡាវាយកូនឃ្លីលើតុយកការប្រកួតជើងឯកជាតិ ដើម្បីអបអរទិវាជ័យជម្នះ ៧មករា

វាយកូនឃ្លីលើតុ៖ ការប្រកួតកីឡាវាយកូនឃ្លីលើតុជ្រើសរើសជើងឯកថ្នាក់ជាតិ និងពានរង្វាន់សហព័ន្ធកីឡាវាយកូនឃ្លីលើតុកម្ពុជាលើកទី២ ឆ្នាំ២០២២ បានបញ្ចប់ដោយជោគជ័យ ក្រោយដំណើរការប្រកួតអស់រយៈពេល ៤ថ្ងៃ ខណៈសហព័ន្ធបានយកវេទិការប្រកួតថ្នាក់ជាតិនេះ ដើម្បីអបអរសាទរខួបលើកទី៤៤ នៃទិវាជ័យជម្នះ ៧មករា ឆ្នាំ១៩៧៩ ឆ្នាំ២០២៣ នាចុងសប្ដាហ៍នេះផងដែរ។ លោក ស៊ុន សុធារិទ្ធ អគ្គលេខាធិការសហព័ន្ធបានឲ្យដឹងថា ព្រឹត្តិការណ៍ប្រចាំឆ្នាំ២០២២ និងលើកមករៀបចំនៅដើមឆ្នាំ២០២៣ នេះបានដំណើរការប្រកួតរយៈពេល ៤ថ្ងៃពីថ្ងៃទី០២ ដល់ថ្ងៃទី០៥ ខែមករា ដោយមានកីឡាករ-កីឡាការិនីជិត ១០០នាក់មកពី ១៥សមាគម/ក្លិបទូទាំងប្រទេសចូលរួម ដែលធ្វើការប្រកួតលើ ៨វិញ្ញាសានៅសាលដំបូលទូកក្នុងពហុកីឡដ្ឋានជាតិ។ ថ្លែងក្នុងពិធីបិទការប្រកួតនេះ ឯកឧត្តមនាយឧត្តមសេនីយ៍ គៀត ច័ន្ទថារិទ្ធ បានកោតសរសើរ និងវាយតម្លៃខ្ពស់ចំពោះការខិតខំប្រឹងប្រែងរបស់កីឡាករ-កីឡាការិនី ក៏ដូចជាគណៈកម្មការរៀបចំការប្រកួត។ អ្វីដែលគួរឲ្យកត់សម្គាល់គឺការប្រកួតឆ្នាំនេះ មានសមាគម/ក្លិបថ្មីៗចូលរួមច្រើនដែលជាសញ្ញាណមួយដ៏ល្អ សម្រាប់វិស័យកីឡាវាយកូនឃ្លីលើតុកម្ពុជា ពិសេសដំណើរឆ្ពោះទៅស៊ីហ្គេមនាពេលខាងមុខ។ ឯកឧត្តមបន្ដថា គោលដៅសំខាន់នៃការរៀបចំការប្រកួតប្រចាំឆ្នាំនេះ មានអត្ថន័យ ២ ទី១-ការប្រកួតជើងឯកថ្នាក់ជាតិ ដើម្បីវាស់ស្ទង់សមត្ថភាព និងបច្ចេកទេសកីឡាករ-កីឡាការិនីផង និងមន្ដ្រីបច្ចេកទេសផង និងទី២-ដើម្បីអបរសាទរទិវាជ័យជម្នះ ៧មករាផង ព្រោះបើគ្មានថ្ងៃជ័យជម្នះនេះទេ ក៏គ្មានថ្ងៃនេះ ហើយក៏គ្មានការជួបសប្បាយ និងលេងកីឡានេះដែរ។ ដូច្នេះថ្ងៃ ៧មករាគឺជាថ្ងៃដ៏សំខាន់បំផុតដែលត្រូវចងចាំ និងដឹងគុណ។ទន្ទឹមជាមួយគ្នាក្នុងនាមប្រធានសហព័ន្ធ និងក្រោមម្លប់សន្ដិភាពនៃសម័យតេជោ ឯកឧត្តមបានប្ដេជ្ញាខិតខំបន្ដដឹកនាំ និងអភិវឌ្ឍន៍វិស័យកីឡាមួយនេះឲ្យកាន់តែរីកចម្រើន ពិសេសផែនការចំពោះមុខដែលសហព័ន្ធនឹងពង្រីកសកម្មភាពឲ្យកាន់តែផុសផុលតាមវិទ្យាល័យនានា។ អ្វីដែលរឹតតែអស្ចារ្យគឺការត្រៀមទទួលធ្វើម្ចាស់ផ្ទះស៊ីហ្គេមលើកទី៣២ នាពេលដ៏ខ្លីខាងមុខ ធ្វើយ៉ាងណាឲ្យការប្រកួតនេះទទួលបានជោគជ័យ ទាំងការរៀបចំ និងសមិទ្ធផលជូនជាតិក្នុងនាមម្ចាស់ផ្ទះ បន្ទាប់ពីកម្ពុជារង់ចាំអស់រយៈពេល ៦៤ឆ្នាំ៕អត្ថបទ៖ លី ឈុនឡា

ការប្រកួតកីឡាអុកចត្រង្គជើងឯកអាស៊ីអាគ្នេយ៍លើកដំបូងនៅកម្ពុជានឹងចាប់ផ្ដើមស្អែកនេះ

អុកចត្រង្គ៖ ដោយទទួលបានការអនុញ្ញាត និងមានការគាំទ្រពីគណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣ (CAMSOC) សហព័ន្ធកីឡាអុកចត្រង្គកម្ពុជានឹងរៀបចំការប្រកួតកីឡាអុកចត្រង្គជើងឯកអាស៊ីអាគ្នេយ៍ (SEA OUK CHAKTRANG Championship) ឆ្នាំ២០២៣ ចាប់ពីថ្ងៃទី០៧ ដល់ថ្ងៃទី១៣ ខែមករា ខាងមុខនេះ នៅសាលដំបូលទូកនៃសាកលវិទ្យាល័យភូមិន្ទភ្នំពេញ។ លោក ប៊ិន គាសេង អគ្គលេខាធិការរងសហព័ន្ធបានឲ្យដឹងថា ព្រឹត្តិការណ៍អន្ដរជាតិលើកដំបូងនៅកម្ពុជានេះគឺមានអត្តពលិក ៥ប្រទេសចូលរួម រួមមានម្ចាស់ផ្ទះកម្ពុជា វៀតណាម មីយ៉ាន់ម៉ា ថៃ និងឡាវ។ ប៉ុន្ដែក្រៅពីការប្រកួត សហព័ន្ធក៏មានការរៀបចំវគ្គបណ្ដុះបណ្ដាលអាជ្ញាកណ្ដាល-ចៅក្រម ដើម្បីបញ្ជ្រាបការយល់ដឹងបន្ថែមដល់បណ្ដាប្រទេស ដែលត្រៀមចូលរួមការប្រកួតកីឡាស៊ីហ្គេមឆ្នាំ២០២៣ នៅកម្ពុជាផងដែរ។ នាយកបច្ចេកទេសរបស់សហព័ន្ធដដែលបន្ដថា ទោះបីសហព័ន្ធពុំធ្លាប់មានបទពិសោធន៍រៀបចំការប្រកួតអន្ដរជាតិពីមុនក្ដី តែថ្នាក់ដឹកនាំ និងគ្រប់ភាគីពាក់ព័ន្ធបានប្ដេជ្ញានឹងរៀបចំ ការប្រកួតជើងឯកអាស៊ីអាគ្នេយ៍នេះឲ្យទទួលបានជោគជ័យ ដើម្បីធានាបាននូវការត្រៀមលក្ខណៈសម្បត្តិរួចរាល់ ក្នុងនាមម្ចាស់ផ្ទះ និងឆ្ពោះទៅរកជោគជ័យក្នុងព្រឹត្តិការណ៍ជាប្រវត្តិសាស្ដ្រ ដែលកម្ពុជាទន្ទឹងរង់ចាំអស់រយៈពេល ៦៤ឆ្នាំនពេលខាងមុខ។ គួរដឹងថា អុកចត្រង្គគឺជាប្រភេទកីឡាប្រពៃណីរបស់កម្ពុជាមួយ ដែលត្រូវបានដាក់បញ្ចូលរួចរាល់ក្នុងវិញ្ញាសាប្រកួតកីឡាស៊ីហ្គេមឆ្នាំ២០២៣។ តែដោយសារជាបទពិសោធន៍លើកដំបូង ទើបគណៈកម្មាធិការជាតិ CAMSOC បានផ្ដល់ការគាំទ្រដល់សហព័ន្ធ ដើម្បីរៀបចំការប្រកួតជាលក្ខណៈ Pre-SEA Games នេះឡើងក្នុងគោលបំណងជំរុញការត្រៀមលក្ខណៈឲ្យកាន់តែល្អប្រសើរ ឆ្ពោះទៅរៀបចំការប្រកួតផ្លូវការក្នុងព្រឹត្តិការណ៍ស៊ីហ្គេមលើកទី៣២ ដែលនៅសល់រយៈពេល ១១៩ថ្ងៃទៀតប៉ុណ្ណោះ៕អត្ថបទ៖ លី ឈុនឡា

Nasser Al-Atiiyah ពន្លាតការនាំមុខក្នុងការប្រណាំងយានយន្ត Dakar Rally

ប្រណាំងរថយន្ត៖ កីឡាករប្រណាំងរថយន្តកាតា Nasser Al-Attiyah បានពន្លាតការនាំមុខក្នុងតារាង ទោះជ័យជំនះការប្រណាំង Dakar Rally ដំណាក់កាលទី៤ ថ្ងៃពុធម្សិលមិញនេះបានទៅកីឡាករបារាំង Sebastien Loeb ក៏ដោយ។ ដំណាក់កាលទី៤ ដែលមានចម្ងាយផ្លូវ ៥៧៣គីឡូម៉ែត្រ កីឡាករបារាំងអតីតអ្នកប្រណាំងរថយន្ត Rally ពិភពលោកបានប្រជែងឈ្នះក្នុងដំណាក់កាល និងជាជ័យជំនះ ១៧ដំណាក់កាលដំបូងអាជីពនៅ Dakar Rally នេះក្រោយមកដល់ទីព្រ័ត្រចំណាយពេល ៤ម៉ោង ១១នាទី ៣៤វិនាទី តាមពីក្រោយដោយមិត្តរួមជាតិ Stephane Peterhansel និងលេខ៣ កីឡាករអេស្ប៉ាញ Carlos Sainz។ សំរាប់កីឡាករកាតា Nasser Al-Attiyah ដែលជិះរថយន្តតូយ៉ូតានៅតែបន្តការនាំមុខរួម និងបង្កើនពេលវេលានាំមុខដល់ ១៨នាទី ១៨វិនាទីពីលើអ្នកលេខ២ កីឡាករម្ចាស់ផ្ទះអារ៉ាប៊ីសាអ៊ូឌីត Yazeed Al-Rajhi និងលេខ៣ Stephane Peterhansel។ ការប្រកួតផ្នែកម៉ូតូវិញ កីឡាករអេស្ប៉ាញ Joan Barreda គឺជាអ្នកឈ្នះក្នុងដំណាក់កាលទី៤ នេះ និងជាជ័យជំនះសរុប ២៩ដំណាក់កាលនៅ Dakar Rally។ យ៉ាងណាក្តីអ្នកនាំមុខគេផ្នែកម៉ូតូនៅតែជាកីឡាករអូស្ត្រាលី Daniel Sanders មានថេរវេលាចំណេញពីអ្នកលេខ២ កីឡាករអាមេរិក Skyler Howes ៣នាទី ៣៣វិនាទី និងលេខ៣ កីឡាករអាហ្សង់ទីន Kevin Benavides។ សម្រាប់ដំណាក់កាលទី៥ ថ្ងៃព្រហស្បតិ៍នេះមានចម្ងាយផ្លូវ ៦៤៦គីឡូម៉ែត្រ៕អត្ថបទ៖នាង សុភាវុធ

ក្លិបកូរ៉េ Jeonbuk តែងតាំងអតីតអ្នកចាត់ការ Chelsea, Roberto Di Matteo ជាទីប្រឹក្សាបច្ចេកទេស

បាល់ទាត់៖ អតីតអ្នកចាត់ការតោខៀវ Chelsea, Roberto Di Matteo ត្រូវបានតែងតាំងជាទីប្រឹក្សាបច្ចេកទេសរបស់ក្លិបបាល់ទាត់កូរ៉េ Jeonbuk Motors នេះបើតាមសេចក្តីប្រកាសរបស់ក្លិបនៅលីគកំពូលកូរ៉េមួយនេះ។ Jeonbuk បច្ចុប្បន្នស្ថិតក្រោមការដឹកនាំរបស់គ្រូបង្វឹកសញ្ជាតិកូរ៉េ Kim Sang-sik បានបញ្ចប់រដូវកាលមុននៅចំណាត់ថ្នាក់លេខ២ ពីក្រោយ Ulsan Hyundai បន្ទាប់ពីឈ្នះជើងឯក ៥រដូវកាលជាប់គ្នា។ Roberto Di Matteo ធ្លាប់បានដឹកនាំ Chelsea ឈ្នះជើងឯក UEFA Champions League លើកដំបូងក្នុងប្រវត្តិសាស្ត្រ និងឈ្នះជើងឯក FA Cup ក្នុងរដូវកាលតែមួយនៅឆ្នាំ២០១២ ដោយនៅពេលនោះលោកត្រឹមជាអ្នកចាត់ការបណ្តោះអាសន្នបន្តពីលោក Andre Villas Boas ដែលត្រូវបានបណ្តេញចេញ។ ក្រោយមកអតីតកីឡាករជំរើសជាតិអ៊ីតាលីរូបនេះក៏ទទួលបានតំណែងដឹកនាំ Chelsea ពេញសិទ្ធនៅខែមិថុនា ឆ្នាំ២០១២ តែក៏ត្រូវបណ្តេញចេញវិញ ៥ខែក្រោយមក។ Roberto Di Matteo ក្រោយមកក៏ធ្លាប់បានដឹកនាំរយៈពេលខ្លីនៅក្លិបអាល្លឺម៉ង់ Schalke 04 និង Aston Villa ផងដែរ៕អត្ថបទ៖នាង សុភាវុធ

Luis Suarez ទទួលការស្វាគមន៍យ៉ាងកក់ក្តៅពីអ្នកគាំទ្រក្លិបប្រេស៊ីល Gremio

បាល់ទាត់៖ ខ្សែប្រយុទ្ធអ៊ុយរូហ្កាយ Luis Suarez បានទទួលការស្វាគមន៍យ៉ាងកក់ក្តៅពីអ្នកគាំទ្រក្លិបប្រេស៊ីល Gremio នៅទីក្រុង Porto Alegre ប្រទេសប្រេស៊ីលថ្ងៃពុធម្សិលមិញ។ ខ្សែប្រយុទ្ធជើងចាស់អ៊ុយរូហ្កាយ Luis Suarez បានសំរេចផ្លាស់ទៅកាន់ក្លិបប្រេស៊ីល Gremio ក្នុងគ្មានតម្លៃផ្ទេរដោយទទួលបានកិច្ចសន្យា ២ឆ្នាំ។ Suarez បានលាក្លិបដែលខ្លួនចាប់ផ្តើមអាជីព Nacional កាលពីខែតុលា បន្ទាប់ពីចំណាយពេលនៅក្លិបក្នុងស្រុកកំណើត ៣ខែស៊ុតបញ្ចូលទីបាន ៨គ្រាប់ក្នុងការបង្ហាញខ្លួន ១៦ឈ្នះជើងឯកលីគកំពូលអ៊ុយរូហ្កាយមុនចាកចេញ។ កីឡាករវ័យ ៣៥ឆ្នាំរូបនេះបានចំណាយពេលដ៏ជោគជ័យក្នុងអាជីពរបស់ខ្លួន នៅអឺរ៉ុបជាមួយក្លិបហូឡង់ Ajax Amsterdam, នៅអង់គ្លេសជាមួយ Liverpool និងនៅអេស្ប៉ាញជាមួយ Barcelona និង Atletico Madrid។ Luis Suarez មុននេះបានចំណាយពេលវិស្សមកាលរបស់ខ្លួននៅទឹកដីអាហ្សង់ទីនទីក្រុង Rosario ជាមួយ Lionel Messi ដែលទើបឈ្នះជើងឯក World Cup ជាមួយក្រុមជម្រើសជាតិអាហ្សង់ទីន។ Gremio នឹងចាប់ផ្តើមរដូវកាល ២០២៣ ដោយនឹងត្រូវជួបជាមួយ Sao Luiz នៅថ្ងៃទី១៧ ខែមករាពានរង្វាន់ Recopa Gaucha Super Cup៕អត្ថបទ៖នាង សុភាវុធ

David de Gea ប្រកាសជំហរចង់នៅបន្តជាមួយ Manchester United ស្របពេលជិតផុតកិច្ចសន្យា

បាល់ទាត់៖ អ្នកចាំទី Manchester United, David de Gea បានប្រកាសគោលជំហររបស់ខ្លួនក្នុងការបន្តស្នាក់នៅ Old Trafford ស្របពេលការចរចាកិច្ចសន្យាកំពុងដំណើរការ។ កីឡាករអេស្ប៉ាញវ័យ ៣២ឆ្នាំរូបនេះបានផ្លាស់មកកាន់ Manchester United តាំងពីឆ្នាំ២០១១ តែនឹងត្រូវអស់សុពលភាពកិច្ចសន្យានៅខែមិថុនាដំណាច់រដូវកាលនេះ។ រដូវកាលនេះ De Gea បានបង្ហាញទម្រង់លេងគួរកត់សំគាល់របស់ខ្លួន ជាមួយនឹងការរក្សាសំណាញ់ទី ៨លើកក្នុងចំណោមការប្រកួតក្នុងលីគ ១៧លើក។ អតីតអ្នកចាំទី Atletico Madrid រូបនេះឱ្យដឹងថា គេធ្លាប់បាននិយាយហើយថា Manchester United គឺជាផ្ទះដែលរួមរស់អស់ច្រើនឆ្នាំ ហើយក៏មិនចង់ចាកចេញទៅណាដែរ និងសង្ឃឹមថាការចរចាកិច្ចសន្យាថ្មីបញ្ចប់ក្នុងផ្លូវល្អ។ កាលពីខែមុន Manchester United ទើបតែបន្តកិច្ចសន្យាថ្មីថែម ១ឆ្នាំឱ្យកីឡាករ ៤នាក់រួមមាន Marcus Rashford, Luke Shaw, Diogo Dalot និង Fred។ រំលឹកថា David de Gea បានផ្លាស់មកកាន់ Manchester United កាលពីឆ្នាំ២០១១ ក្នុងតម្លៃ ១៨.៩លានផោនដែលនាំមកដោយ Sir Alex Ferguson។ តាំងពីពេលនោះមក De Gea ក៏បានក្លាយជាអ្នកចាំទីដែលទទួលប្រាក់ឈ្នួលថ្លៃបំផុតលើលោកប្រមាណ ៣៧៥,០០០ផោនក្នុងមួយសប្តាហ៍ នៅពេលដែលកិច្ចសន្យាត្រូវបានបន្តបន្ថែមកាលពីឆ្នាំ ២០១៩។ រយៈពេល ១១ឆ្នាំមកទល់ពេលនេះ David de Gea បង្ហាញខ្លួននៅ English Premier League បាន ៣៩៤ប្រកួត រក្សាសំណាញ់ទីបាន ១៣៨ប្រកួត និងទទួលបានជយលាភីស្រោមដៃមាសកាលពីរដូវកាល ២០១៧-១៨។ Manchester United បច្ចុប្បន្នកំពុងចរចានាំយកអ្នកចាំទី Crystal Palace, Jack Butland បន្ទាប់ពីការចាកចេញរបស់ Dubravka ដែល Newcastle កោះហៅទៅវិញ៕អត្ថបទ៖នាង សុភាវុធ

អ្នកចាត់ការ Newcastle ច្រានចោលព័ត៌មាន Ronaldo អាចផ្លាស់មក Newcastle ក្នុងលក្ខខណ្ឌខ្ចី

បាល់ទាត់៖ អ្នកចាត់ការក្លិបសារិកាព្រៃ Newcastle លោក Eddie Howe បានច្រានចោលព័ត៌មានដែលចុះផ្សាយថា Cristiano Ronaldo អាចផ្លាស់មកកាន់ Newcastle ក្នុងលក្ខខណ្ឌខ្ចី។ សារព័ត៌មានមួយចំនួនបានចុះផ្សាយថា កិច្ចសន្យាលេងឱ្យក្លិបអារ៉ាប៊ីសាអ៊ូឌីត Al Nassr របស់ Ronaldo មានចងភ្ជាប់លក្ខខណ្ឌដែលអាចឱ្យ Newcastle ខ្ចីបានប្រសិនបើ Newcastle មានឱកាសលេង UEFA Champions League រដូវកាលក្រោយ។ លោក Eddie Howe បាននិយាយមុនការប្រកួតទល់នឹង Arsenal កាលពីយប់ថ្ងៃពុធថា លោកសូមជូនពរ Ronaldo ឱ្យជោគជ័យ តែព័ត៌មានដែលចុះផ្សាយនោះមិនពិតទេ។ Newcastle បច្ចុប្បន្នស្ថិតក្រោមការវិនិយោគរបស់ខ្សែរាជវង្សអារ៉ាប៊ីសាអ៊ូឌីតដែលមានប្រាក់រាប់ពាន់លានដុល្លារ។រយៈពេល ១៥ខែក្រោមការវិនិយោគនេះ Newcastle បានចាប់ផ្តើមនាំចូលកីឡាករជាបន្តបន្ទាប់ ដើម្បីផ្លាស់ពីក្លិបដែលនៅក្បែរបាតតារាងមកជាក្លិបដែលប្រកួតប្រជែងនៅតំបន់ Top4។ Newcastle កំពុងឈរលេខ៣ នៅ Premier League តាមពីក្រោយ Manchester City និង Arsenal។ ចំណែក Cristiano Ronaldo អាចនឹងបង្ហាញខ្លួនដំបូងជាមួយក្លិបថ្មី Al Nassr នៅយប់ថ្ងៃព្រហស្បតិ៍នេះពេលជួបជាមួយ Al Ta’ee នៃក្របខណ្ឌលីគកំពូលអារ៉ាប៊ីសាអ៊ូឌីត៕អត្ថបទ៖នាង សុភាវុធ

Messi ទទួលការស្វាគមន៍ដូចវីរបុរសពេលត្រលប់មកហ្វឹកហាត់ជាមួយ PSG ក្រោយឈ្នះ World Cup

បាល់ទាត់៖ ខ្សែប្រយុទ្ធអាហ្សង់ទីន Lionel Messi បានវិលត្រលប់មកកាន់ទីលានហ្វឹកហាត់វិញ និងបានទទួលការស្វាគមន៍ដូចវីរបុរសដោយមិត្តរួមក្រុម និងក្រុមការងាររបស់ក្លិបបាល់ទាត់ Paris Saint Germain ក្រោយជួយក្រុមជំរើសជាតិរបស់ខ្លួនឈ្នះជើងឯកបាល់ទាត់ពិភពលោក។ Messi បានដើរចូលទីលានហ្វឹកហាត់ ដោយមានការឈរទះដៃអបអរសាទរពីមិត្តរួមក្រុម PSG។ នេះជាការត្រលប់មកហ្វឹកហាត់លើកដំបូងសំរាប់ Messi នៅ PSG ១៧ថ្ងៃបន្ទាប់ពីជួយក្រុមអាហ្សង់ទីនយកឈ្នះបារាំងដោយបាល់ ១១ម៉ែត្រកាត់សេចក្តី និងបានចំណាយពេលសម្រាកលំហែរកាយនៅស្រុកកំណើតរបស់ខ្លួន។ Messi និយាយថា គេមានអារម្មណ៍រីករាយ និងកក់ក្តៅចំពោះការត្រលប់មកវិញនេះ កក់ក្តៅដោយមិត្តរួមក្រុម និងក្រុមការងារទទួលស្វាគមន៍ ហើយក៏ត្រៀមខ្លួនរួចរាល់ដែរដើម្បីជួយក្រុមនៅការប្រកួតចំពោះមុខ។ PSG នឹងត្រូវជួបជាមួយក្រុមមកពីលីគទី៣ បារាំង Chateauroux នៅក្នុងការប្រកួតពានរង្វាន់ Coupe De France នៅថ្ងៃសុក្រស្អែកនេះ៕អត្ថបទ៖នាង សុភាវុធ

សហព័ន្ធគុនខ្មែរបញ្ជាក់រឿងក្របខ័ណ្ឌ ធឿន ធារ៉ា និងការប្រកួត Thai Fight

គុនខ្មែរ៖ ឯកឧត្តម ហេង សុខឃន អគ្គលេខាធិការសហព័ន្ធកីឡាប្រដាល់គុនខ្មែរបានបញ្ជាក់ថា កីឡាករ ធឿន ធារ៉ា ត្រូវបានសហព័ន្ធកោះហៅឲ្យចូលជម្រើសជាតិ និងសន្យាស្នើសុំផ្ដល់ក្របខ័ណ្ឌរដ្ឋជូនតាំងពីឆ្នាំ២០១៧ តែត្រូវបានសាមីខ្លួន និងក្លិបបដិសេធ។ តែយ៉ាងណាសហព័ន្ធនៅតែគាំទ្រ និងបើកភ្លើងខៀវសម្រាប់អ្នកលេងគុនខ្មែររូបនេះ ជាក់ស្ដែងការប្រកួត Thai Fight កាលពីថ្មីៗក៏សហព័ន្ធគាំទ្រផងដែរ ទោះបីសហព័ន្ធមានការព្រួយបារម្ភមុនចេញទៅប្រកួតក៏ដោយ។ ការគូសបញ្ជាក់នេះធ្វើឡើងក្នុងសន្និសីទសារព័ត៌មានមួយកាលពីថ្ងៃទី០៤ ខែមករា ឆ្នាំ២០២៣ បន្ទាប់ពីមានចម្ងល់ជាច្រើនពីមហាជនរហូតមានការទទូចឲ្យមានការផ្ដល់ក្របខ័ណ្ឌដល់កីឡាករ ធឿន ធារ៉ា ទៀតផង។ អគ្គលេខាធិការសហព័ន្ធដដែលបានទម្លាយថា ពាក់ព័ន្ធរឿងផ្ដល់ក្របខ័ណ្ឌ និងការបញ្ចូលជម្រើសជាតិនេះ ថ្នាក់ដឹកនាំសហព័ន្ធ ក្រោមការដឹកនាំរបស់ឯកឧត្តម តែម ម៉ឺន បានគិតគូរតាំងពីឆ្នាំ២០១៧ មកម្ល៉េះ កំឡុងពេល ធឿន ធារ៉ា ចូលរួមប្រកួតជើងឯកថ្នាក់ជាតិនៅតំបន់អភិវឌ្ឍន៍ 7NG តែ ធារ៉ា មិនបានសម្រេចចិត្តឡើយ ដោយទុកឱកាសនេះឲ្យក្លិបរបស់ខ្លួនគឺក្លិបប្រដាល់គុនខ្មែរ អេ ភូថង ជាអ្នកសម្រេច តែត្រូវបានប្រធានក្លិបគឺលោក អេ ភូថង បដិសេធម្ដងហើយម្ដងទៀត ទោះបីសហព័ន្ធបានព្យាយាមស្នើសុំជាច្រើនដងក៏ដោយ។ដោយឡែកពាក់ព័ន្ធនឹងការប្រកួត Thai Fight ដែល ធឿន ធារ៉ា បានចូលរួម និងដណ្ដើមបានខ្សែក្រវាត់ អមពានរង្វាន់ព្រះមហាក្សត្រថៃកាលពីថ្មីៗ សហព័ន្ធទទួលស្គាល់ថាមិនចង់ឲ្យរូបគេចូលរួម ដ្បិតមានការព្រួយបារម្ភ ដ្បិតធ្លាប់មានមេរៀនស្រាប់ ដែល ធារ៉ា ធ្លាប់បានចូលរួមព្រឹត្តិការណ៍អន្ដរជាតិដ៏ធំមួយនៅជប៉ុនកាលពីឆ្នាំ២០២១ ដោយទទួលបរាជ័យ។ ការណ៍នេះទើបសហព័ន្ធមានការព្រួយបារម្ភ និងមិនចង់ឲ្យចូលរួម តែដល់ពេលសាមីខ្លួនស្ម័គ្រចិត្តចូលរួម សហព័ន្ធក៏នៅតែគាំទ្រជានិច្ច ទោះបីក្លិបបានដាក់សំណើរត្រឹម ២ថ្ងៃមុនចេញទៅប្រកួត ខុសគោលការណ៍របស់ក្រសួងអប់រំ យុវជន និងកីឡាក៏ដោយ។គួរដឹងថា ធឿន ធារ៉ា បានសាងកំណត់ត្រាថ្មីក្រោយផ្ដួលជើងខ្លាំងថៃ សៃយុគ ដើម្បីគ្រងខ្សែក្រវាត់ និងពានរង្វាន់ព្រះមហាក្សត្រថៃក្នុងព្រឹត្តិការណ៍ Thai Fight កាលពីថ្ងៃទី២៤ ខែធ្នូ ឆ្នាំ២០២២។ ជោគជ័យនេះត្រូវបានសាទររហូតមានថ្នាក់ដឹកនាំ វិស័យឯកជន និងសប្បុរសជនជាច្រើនធ្វើការឧបត្ថម្ភរូបគេ។ ប៉ុន្ដែទន្ទឹមនឹងភាពជោគជ័យនេះក៏មានរឿងរ៉ាវមួយចំនួនផ្ទុះឡើង ពាក់ព័ន្ធនឹងការគ្មានឈ្មោះក្នុងក្រុមជម្រើសជាតិ និងក្របខ័ណ្ឌរដ្ឋរបស់អ្នកលេងគុនខ្មែររូបនេះ ហើយមានអ្នកគាំទ្រមួយចំនួនបានលើកជាចម្ងល់។ ដូច្នេះទើបសហព័ន្ធបានរៀបចំសន្និសីទកាលពីម្សិលមិញ ដើម្បីបញ្ជាក់ពីដើមទង់នៃទំនាក់ទំនងរវាងសហព័ន្ធជាមួយ ធឿន ធារ៉ា ក៏ដូចជាដើម្បីស្រាយចម្ងល់របស់អ្នកគាំទ្រតែម្ដង៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

ផ្លូវជនបទស្ថិតក្រោមក្របខណ្ឌក្រសួងអភិវឌ្ឍន៍ជនបទ កំពុងលើកកម្ពស់ដល់ការរស់នៅប្រជាពលរដ្ឋ

ក្រុមគ្រួសារជនរងគ្រោះប្រាប់ថា របួសមិនទាន់ជាសះស្បើយទេ ៦ឆ្នាំក្រោយការផ្ទុះនៅកំពង់ផែបេរូតរបស់លីបង់

ប្រមុខរតនាគារ៖ អាមេរិក និងអ៊ីរ៉ង់ អាចនឹងឈានដល់កិច្ចព្រមព្រៀងច្រកសមុទ្រ Hormuz នៅថ្ងៃអង្គារ ឬថ្ងៃពុធ

ប្រព័ន្ធផ្សព្វផ្សាយរដ្ឋ៖ បំណាក់ដីបណ្ដាលឱ្យមនុស្ស ១៤នាក់ស្លាប់ នៅតំបន់ Amhara របស់អេត្យូពី

Brussels Airlines រាយការណ៍ពីការខាតបង់ប្រតិបត្តិការ ៨០លានដុល្លារ អំឡុងការចំណាយលើប្រេងឥន្ធនៈខ្ពស់

ប្រភព៖ អាមេរិកបានប្រើប្រាស់មីស៊ីលចម្ងាយឆ្ងាយមានភាពជាក់លាក់ខ្ពស់ស្ទើរទាំងអស់ អំឡុងសង្គ្រាម ជាមួយអ៊ីរ៉ង់

មនុស្សជាង ៨.០០០នាក់ នៅតែបន្តនៅក្នុងជម្រកបណ្ដោះអាសន្ន ក្រោយរញ្ចួយដី ១សប្តាហ៍ នៅជប៉ុន

ក្រុម AOT ចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅតំបន់ច្រកបឹងត្រកួន

កូរ៉េខាងត្បូង តវ៉ាចំពោះការអះអាងសិទ្ធិរបស់ជប៉ុន លើកោះតូចៗមានជម្លោះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Ronaldo មិនទាន់លេងឲ្យ Al Nassr បានដោយសារក្លិបលើសចំនួនកំណត់កីឡាករបរទេស

សហព័ន្ធកីឡាវាយកូនឃ្លីលើតុយកការប្រកួតជើងឯកជាតិ ដើម្បីអបអរទិវាជ័យជម្នះ ៧មករា

ការប្រកួតកីឡាអុកចត្រង្គជើងឯកអាស៊ីអាគ្នេយ៍លើកដំបូងនៅកម្ពុជានឹងចាប់ផ្ដើមស្អែកនេះ

Nasser Al-Atiiyah ពន្លាតការនាំមុខក្នុងការប្រណាំងយានយន្ត Dakar Rally

ក្លិបកូរ៉េ Jeonbuk តែងតាំងអតីតអ្នកចាត់ការ Chelsea, Roberto Di Matteo ជាទីប្រឹក្សាបច្ចេកទេស

Luis Suarez ទទួលការស្វាគមន៍យ៉ាងកក់ក្តៅពីអ្នកគាំទ្រក្លិបប្រេស៊ីល Gremio

David de Gea ប្រកាសជំហរចង់នៅបន្តជាមួយ Manchester United ស្របពេលជិតផុតកិច្ចសន្យា

អ្នកចាត់ការ Newcastle ច្រានចោលព័ត៌មាន Ronaldo អាចផ្លាស់មក Newcastle ក្នុងលក្ខខណ្ឌខ្ចី

Messi ទទួលការស្វាគមន៍ដូចវីរបុរសពេលត្រលប់មកហ្វឹកហាត់ជាមួយ PSG ក្រោយឈ្នះ World Cup

សហព័ន្ធគុនខ្មែរបញ្ជាក់រឿងក្របខ័ណ្ឌ ធឿន ធារ៉ា និងការប្រកួត Thai Fight

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Ronaldo មិនទាន់​លេង​ឲ្យ Al Nassr បាន​ដោយសារ​ក្លិប​លើស​ចំនួន​កំណត់​កីឡាករ​បរទេស​

សហព័ន្ធ​កីឡាវាយកូនឃ្លីលើតុយក​ការប្រកួត​ជើងឯក​ជាតិ ដើម្បី​អបអរ​ទិវា​ជ័យជម្នះ ៧​មករា​

ការប្រកួត​កីឡា​អុកចត្រង្គ​ជើងឯក​អាស៊ីអាគ្នេយ៍​លើកដំបូង​នៅ​កម្ពុជា​នឹង​ចាប់ផ្ដើម​ស្អែក​នេះ

Nasser Al-Atiiyah ពន្លាត​ការនាំ​មុខ​ក្នុងការប្រណាំង​យានយន្ត Dakar Rally

ក្លិប​កូរ៉េ Jeonbuk តែងតាំង​អតីត​អ្នកចាត់ការ Chelsea, Roberto Di Matteo ជា​ទីប្រឹក្សាបច្ចេកទេស

Luis Suarez ទទួល​ការស្វាគមន៍​យ៉ាង​កក់ក្តៅ​ពីអ្នកគាំទ្រ​ក្លិប​ប្រេ​ស៊ី​ល Gremio

David de Gea ប្រកាស​ជំហរ​ចង់​នៅ​បន្ត​ជាមួយ Manchester United ស្របពេល​ជិត​ផុត​កិច្ចសន្យា​

អ្នកចាត់ការ Newcastle ច្រានចោល​ព័ត៌មាន Ronaldo អាច​ផ្លាស់​មក Newcastle ក្នុង​លក្ខខណ្ឌ​ខ្ចី​

Messi ទទួល​ការ​ស្វាគមន៍​ដូច​វីរបុរស​ពេល​ត្រលប់មក​ហ្វឹកហាត់​ជាមួយ PSG ក្រោយ​ឈ្នះ World Cup

សហព័ន្ធ​គុន​ខ្មែរ​បញ្ជាក់​រឿង​ក្របខ័ណ្ឌ ធឿន ធារ៉ា និង​ការប្រកួត​ Thai Fight

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Ronaldo មិនទាន់លេងឲ្យ Al Nassr បានដោយសារក្លិបលើសចំនួនកំណត់កីឡាករបរទេស

សហព័ន្ធកីឡាវាយកូនឃ្លីលើតុយកការប្រកួតជើងឯកជាតិ ដើម្បីអបអរទិវាជ័យជម្នះ ៧មករា

ការប្រកួតកីឡាអុកចត្រង្គជើងឯកអាស៊ីអាគ្នេយ៍លើកដំបូងនៅកម្ពុជានឹងចាប់ផ្ដើមស្អែកនេះ

Nasser Al-Atiiyah ពន្លាតការនាំមុខក្នុងការប្រណាំងយានយន្ត Dakar Rally

ក្លិបកូរ៉េ Jeonbuk តែងតាំងអតីតអ្នកចាត់ការ Chelsea, Roberto Di Matteo ជាទីប្រឹក្សាបច្ចេកទេស

Luis Suarez ទទួលការស្វាគមន៍យ៉ាងកក់ក្តៅពីអ្នកគាំទ្រក្លិបប្រេស៊ីល Gremio

David de Gea ប្រកាសជំហរចង់នៅបន្តជាមួយ Manchester United ស្របពេលជិតផុតកិច្ចសន្យា

អ្នកចាត់ការ Newcastle ច្រានចោលព័ត៌មាន Ronaldo អាចផ្លាស់មក Newcastle ក្នុងលក្ខខណ្ឌខ្ចី

Messi ទទួលការស្វាគមន៍ដូចវីរបុរសពេលត្រលប់មកហ្វឹកហាត់ជាមួយ PSG ក្រោយឈ្នះ World Cup

សហព័ន្ធគុនខ្មែរបញ្ជាក់រឿងក្របខ័ណ្ឌ ធឿន ធារ៉ា និងការប្រកួត Thai Fight