BTV NEWS

ពេជ្រ សម្បត្តិ និងឡៅ ចិត្រា ឡើងសង្វៀនកម្មវិធីពិសេសប្រចាំឆ្នាំរបស់គូបូតា ក្នុងថ្ងៃតែមួយ ថ្ងៃសុក្រនេះ

កម្ពុជាទទួលបានការគាំទ្រឱ្យធ្វើជាម្ចាស់ផ្ទះកីឡាតេក្វាន់ដូអាយ-ធីអែហ្វជើងឯកអាស៊ី២០២៨

មន្ដ្រីកីឡាជាន់ខ្ពស់ខេត្តយូណាន សរសើរ និងរៀនសូត្រពីភាពអស្ចារ្យព្រឹត្ដិការណ៍ម៉ារ៉ាតុងចក្រភពអង្គរ

ធារី ចន្ថាប៊ីន ចាត់ទុកពាន CJ Summer League ជាវេទិកាសម្រាប់អភិវឌ្ឍយុវជន

ព័ត៌មានកីឡា

សហព័ន្ធគុនខ្មែរបញ្ជាក់រឿងក្របខ័ណ្ឌ ធឿន ធារ៉ា និងការប្រកួត Thai Fight

គុនខ្មែរ៖ ឯកឧត្តម ហេង សុខឃន អគ្គលេខាធិការសហព័ន្ធកីឡាប្រដាល់គុនខ្មែរបានបញ្ជាក់ថា កីឡាករ ធឿន ធារ៉ា ត្រូវបានសហព័ន្ធកោះហៅឲ្យចូលជម្រើសជាតិ និងសន្យាស្នើសុំផ្ដល់ក្របខ័ណ្ឌរដ្ឋជូនតាំងពីឆ្នាំ២០១៧ តែត្រូវបានសាមីខ្លួន និងក្លិបបដិសេធ។ តែយ៉ាងណាសហព័ន្ធនៅតែគាំទ្រ និងបើកភ្លើងខៀវសម្រាប់អ្នកលេងគុនខ្មែររូបនេះ ជាក់ស្ដែងការប្រកួត Thai Fight កាលពីថ្មីៗក៏សហព័ន្ធគាំទ្រផងដែរ ទោះបីសហព័ន្ធមានការព្រួយបារម្ភមុនចេញទៅប្រកួតក៏ដោយ។ ការគូសបញ្ជាក់នេះធ្វើឡើងក្នុងសន្និសីទសារព័ត៌មានមួយកាលពីថ្ងៃទី០៤ ខែមករា ឆ្នាំ២០២៣ បន្ទាប់ពីមានចម្ងល់ជាច្រើនពីមហាជនរហូតមានការទទូចឲ្យមានការផ្ដល់ក្របខ័ណ្ឌដល់កីឡាករ ធឿន ធារ៉ា ទៀតផង។ អគ្គលេខាធិការសហព័ន្ធដដែលបានទម្លាយថា ពាក់ព័ន្ធរឿងផ្ដល់ក្របខ័ណ្ឌ និងការបញ្ចូលជម្រើសជាតិនេះ ថ្នាក់ដឹកនាំសហព័ន្ធ ក្រោមការដឹកនាំរបស់ឯកឧត្តម តែម ម៉ឺន បានគិតគូរតាំងពីឆ្នាំ២០១៧ មកម្ល៉េះ កំឡុងពេល ធឿន ធារ៉ា ចូលរួមប្រកួតជើងឯកថ្នាក់ជាតិនៅតំបន់អភិវឌ្ឍន៍ 7NG តែ ធារ៉ា មិនបានសម្រេចចិត្តឡើយ ដោយទុកឱកាសនេះឲ្យក្លិបរបស់ខ្លួនគឺក្លិបប្រដាល់គុនខ្មែរ អេ ភូថង ជាអ្នកសម្រេច តែត្រូវបានប្រធានក្លិបគឺលោក អេ ភូថង បដិសេធម្ដងហើយម្ដងទៀត ទោះបីសហព័ន្ធបានព្យាយាមស្នើសុំជាច្រើនដងក៏ដោយ។ដោយឡែកពាក់ព័ន្ធនឹងការប្រកួត Thai Fight ដែល ធឿន ធារ៉ា បានចូលរួម និងដណ្ដើមបានខ្សែក្រវាត់ អមពានរង្វាន់ព្រះមហាក្សត្រថៃកាលពីថ្មីៗ សហព័ន្ធទទួលស្គាល់ថាមិនចង់ឲ្យរូបគេចូលរួម ដ្បិតមានការព្រួយបារម្ភ ដ្បិតធ្លាប់មានមេរៀនស្រាប់ ដែល ធារ៉ា ធ្លាប់បានចូលរួមព្រឹត្តិការណ៍អន្ដរជាតិដ៏ធំមួយនៅជប៉ុនកាលពីឆ្នាំ២០២១ ដោយទទួលបរាជ័យ។ ការណ៍នេះទើបសហព័ន្ធមានការព្រួយបារម្ភ និងមិនចង់ឲ្យចូលរួម តែដល់ពេលសាមីខ្លួនស្ម័គ្រចិត្តចូលរួម សហព័ន្ធក៏នៅតែគាំទ្រជានិច្ច ទោះបីក្លិបបានដាក់សំណើរត្រឹម ២ថ្ងៃមុនចេញទៅប្រកួត ខុសគោលការណ៍របស់ក្រសួងអប់រំ យុវជន និងកីឡាក៏ដោយ។គួរដឹងថា ធឿន ធារ៉ា បានសាងកំណត់ត្រាថ្មីក្រោយផ្ដួលជើងខ្លាំងថៃ សៃយុគ ដើម្បីគ្រងខ្សែក្រវាត់ និងពានរង្វាន់ព្រះមហាក្សត្រថៃក្នុងព្រឹត្តិការណ៍ Thai Fight កាលពីថ្ងៃទី២៤ ខែធ្នូ ឆ្នាំ២០២២។ ជោគជ័យនេះត្រូវបានសាទររហូតមានថ្នាក់ដឹកនាំ វិស័យឯកជន និងសប្បុរសជនជាច្រើនធ្វើការឧបត្ថម្ភរូបគេ។ ប៉ុន្ដែទន្ទឹមនឹងភាពជោគជ័យនេះក៏មានរឿងរ៉ាវមួយចំនួនផ្ទុះឡើង ពាក់ព័ន្ធនឹងការគ្មានឈ្មោះក្នុងក្រុមជម្រើសជាតិ និងក្របខ័ណ្ឌរដ្ឋរបស់អ្នកលេងគុនខ្មែររូបនេះ ហើយមានអ្នកគាំទ្រមួយចំនួនបានលើកជាចម្ងល់។ ដូច្នេះទើបសហព័ន្ធបានរៀបចំសន្និសីទកាលពីម្សិលមិញ ដើម្បីបញ្ជាក់ពីដើមទង់នៃទំនាក់ទំនងរវាងសហព័ន្ធជាមួយ ធឿន ធារ៉ា ក៏ដូចជាដើម្បីស្រាយចម្ងល់របស់អ្នកគាំទ្រតែម្ដង៕អត្ថបទ៖ លី ឈុនឡា

ប្រធានក្លិបកាយសម្ព័ន្ធ-កំពង់ឆ្នាំងមានមោទនភាព និងចង់ផលិតធនធានល្អៗឲ្យបានច្រើនដូច ម៉ូ ស្រីពៅ

កាយសម្ព័ន្ធ៖ លោកស្រី ខៀវ សុភាព នាយិការសាលាបឋមសិក្សាសាលាលេខប្រាំ និងជាប្រធានក្លិបកីឡាកាយសម្ព័ន្ធតំណាងឲ្យខេត្តកំពង់ឆ្នាំង បានបង្ហាញមោទនភាពជាខ្លាំងចំពោះជោគជ័យរបស់កីឡាការិនី ម៉ូ ស្រីពៅ ដែលដណ្ដើមបានមេដាយប្រាក់ ៣គ្រឿងក្នុងការប្រកួតកីឡាស៊ីហ្គេមលើកទី៣១ នៅវៀតណាម។ លោកស្រីបានប្ដេជ្ញានឹងបន្ដខិតខំអភិវឌ្ឍន៍ និងផលិតបាននូវធនធានល្អៗឲ្យបានច្រើនដូចកញ្ញា ស្រីពៅ បន្ថែមទៀត ដើម្បីឆ្ពោះទៅប្រកួតប្រជែងមេដាយជូនជាតិ និងជាតិមាតុភូមិ។ ថ្លែងប្រាប់ក្រុមការងារ BTV-News កាលពីថ្មីៗ ស្ដ្រីទើបបញ្ចប់ការសិក្សាវគ្គបណ្ដុះបណ្ដាលបច្ចេកទេសគ្រូជំនាញកម្រិត១ និងបោះជំរំ ដែលរៀបចំដោយសហព័ន្ធបានឲ្យដឹងថា ក្លិបកីឡាកាយសម្ព័ន្ធរបស់ខ្លួនបានបង្កើតឡើងនៅឆ្នាំ២០១៨ ក្រោមការគាំទ្ររបស់មន្ទីរអប់រំ យុវជន និងកីឡាខេត្ត និងសហព័ន្ធកីឡាកាយសម្ព័ន្ធកម្ពុជា ដោយចាប់ផ្ដើមពីកូនសិស្សចំនួន ៣២នាក់ក្នុងនោះក៏មានវត្តមានកីឡាការិនី ម៉ូ ស្រីពៅ ផងដែរ មុនកញ្ញាផ្លាស់ទៅរាជធានីភ្នំពេញដើម្បីចូលរួមជាមួយក្រុមជម្រើសជាតិ។ក្នុងនាមក្លិបដើមដែលបានបណ្ដុះបណ្ដាលកីឡាការិនីវ័យក្មេងរូបនេះ ពិតជាមានមោទនភាពជាខ្លាំង ក្រោយកីឡាការិនី ម៉ូ ស្រីពៅ ដណ្ដើមបានមេដាយជូនជាតិជាបន្ដបន្ទាប់ ពិសេសការដណ្ដើមបានមេដាយប្រាក់ ៣គ្រឿងក្នុងព្រឹត្តិការណ៍ស៊ីហ្គេមឆ្នាំ២០២២ នៅវៀតណាម បានធ្វើឲ្យលោកស្រីរំភើប និងតាំងចិត្តបន្ដការអភិវឌ្ឍន៍ក្លិបឲ្យកាន់តែរីកចម្រើន ដើម្បីទទួលបាននូវធនធានល្អៗ និងមានមោទនភាព ដូច ស្រីពៅ តាមរយៈការដណ្ដើមបាននូវឧត្តមភាព និងកិត្តិយសជូនជាតិពីព្រឹត្តិការណ៍អន្ដរជាតិនានា។ គួរដឹងថា កីឡាការិនីជម្រើសជាតិកីឡាកាយសម្ព័ន្ធ ម៉ូ ស្រីពៅ ក្រោយចាកចេញពីក្លិបនៅសាលាបឋមសិក្សាសាលាលេខ៥ កញ្ញាត្រូវបានយកចិត្តទុកដាក់មើលថែ និងពង្រឹងការហ្វឹកហាត់យ៉ាងល្អពីសហព័ន្ធ ពិសេសកំឡុងបិទខ្ទប់ដោយសារវិបត្តិកូវីដ-១៩ ដែលធ្វើឲ្យកីឡាការិនីរូបនេះមានគុណផលខ្ពស់ រហូតឈានទៅដណ្ដើមបានមេដាយប្រាក់ ៣គ្រឿងក្នុងព្រឹត្តិការណ៍ស៊ីហ្គេមលើកទី៣១ នៅវៀតណាមកាលពីខែឧសភា ឆ្នាំ២០២២។ ហើយកាលពីចុងឆ្នាំកន្លងទៅ ស្រីពៅ ក៏ទទួលបានប្រាក់រង្វាន់លើកទឹកចិត្តសរុប ៩០លានរៀលពីរាជរដ្ឋាភិបាលផងដែរ៕អត្ថបទ៖ លី ឈុនឡា

វិលពីរបួសចូលលេងឆ្នាំថ្មី Emma Raducanu ឈ្នះជុំដំបូង ASB Classic

វាយកូនបាល់៖ កីឡាការិនីវាយកូនបាល់អង់គ្លេស Emma Raducanu បានវិលពីរបួស និងបានចូលលេងការប្រកួតដំបូងរបស់ខ្លួននៅក្នុងឆ្នាំថ្មី២០២៣ នេះជាមួយនឹងជ័យជំនះជុំដំបូងនៃការប្រកួតកម្មវិធី ASB Classic នៅទីក្រុង Auckland ប្រទេសនូវែលហ្សេឡង់។ កីឡាការិនីវ័យ ២០ឆ្នាំរូបនេះត្រូវបានគូប្រកួតកីឡាការិនីវ័យ ១៧ឆ្នាំឆែក Linda Fruhvirtova នាំមុខមួយសិតមុន ៦-៤ មុនពេលវាយបកយកឈ្នះពីរសិតផ្ទួនៗ ៦-៤ និង ៦-២។ Emma Raducanu ដែលជាជើងឯក Grand Slam, US Open កាលពីឆ្នាំ២០២១ បានបញ្ចប់រដូវកាល ២០២២ របស់ខ្លួនតាំងពីខែតុលាដោយសាររបួសកដៃ។ ជុំបន្ត Raducanu នឹងត្រូវជួបជាមួយកីឡាការិនីស្លូវ៉ាគី Viktoria Kuzmova ដែលមានលំដាប់ថ្នាក់ពិភពលោកលេខ ១០៥។ ងាកមកលទ្ធផលផ្សេងទៀតកីឡាការិនីអាមេរិក Coco Gauff បានឈានឡើងវគ្គ ១៦នាក់ចុងក្រោយផងដែរ ក្រោយយកឈ្នះកីឡាការិនីអាល្លឺម៉ង់ Tatjana Maria ដើម្បីបញ្ចប់បរាជ័យ ៥ប្រកួតផ្ទួនៗរបស់នាង។ ចំណែកឯកីឡាការិនីចិន Zheng Qinwen ដែលឡើងមកតាមការប្រកួតជម្រុះ បានយកឈ្នះកីឡាការិនីអេស្តូនីអតីតលេខ២ ពិភពលោក Anett Kontaveit ដើម្បីបន្តជួបជាមួយអតីតកីឡាការិនីលេខ១ ពិភពលោក និងជាជើងឯក Australian Open ពីរលើក Victoria Azarenka៕អត្ថបទ៖នាង សុភាវុធ

Leeds ទិញបានខ្សែការពារ RB Salzburg, Max Wober តម្លៃជាង ១០លានផោន

បាល់ទាត់៖ ក្លិប Leeds United បានសំរេចក្នុងការនាំយកខ្សែការពារ Max Wober ពីក្លិបអូទ្រីស Red Bull Salzburg ក្នុងតម្លៃផ្ទេរបិទជិតមួយ តែសារព័ត៌មានក្នុងស្រុកបានចុះផ្សាយថា តម្លៃនៃការផ្ទេរនេះមានប្រមាណជា ១១លានផោន។ កីឡាករវ័យ ២៤ឆ្នាំរូបនេះធ្លាប់ស្ថិតក្រោមការដឹកនាំរបស់លោក Jesse Marsch នៅ Salzburg ដែលបានបង្ហាញខ្លួនសរុប ១២៥ប្រកួត។ Wober ដែលមានជំនាញលេងនៅខ្សែការពារកណ្តាល និងឆ្វេងបានក្លាយជាកីឡាករទី១ ដែលផ្លាស់មកកាន់ Leeds United ក្នុងខែមករានេះជាមួយនឹងកិច្ចសន្យារយៈពេល ៤ឆ្នាំកន្លះ។ រំលឹកថា Max Wober ធ្លាប់ជាកីឡាករដែលផ្លាស់ទៅក្របខណ្ឌលីគកំពូលអូទ្រីសថ្លៃបំផុតកាលពីខែសីហា ឆ្នាំ២០១៩ នៅពេលផ្ទេរពី Ajax ក្នុងតម្លៃ ១០.៥លានអឺរ៉ូនៅពេលនោះ។ រយៈពេល ៣ឆ្នាំកន្លះនៅទឹកដីអូទ្រីស Max Wober បានជួយ Red Bull Salzburg ឈ្នះពានពីរក្នុងមួយរដូវកាល រួមមានលីគអូទ្រីស និងខាប់ ៣រដូវកាលជាប់គ្នា៕អត្ថបទ៖នាង សុភាវុធ

Chelsea បន្តការចរចាយក Enzo Fernandez ពី Benfica ឲ្យបានក្នុងខែមករានេះ

បាល់ទាត់៖ ក្លិបតោខៀវ Chelsea នៅតែបន្តក្នុងការចរចានាំយកខ្សែបម្រើជ័យលាភី World Cup ជាមួយអាហ្សង់ទីន Enzo Fernandez មកកាន់ Stamford Bridge ឱ្យបានក្នុងខែមករានេះ។ កីឡាករវ័យ ២១ឆ្នាំដែលជាកីឡាកររបស់ Benfica កាលពីខែសីហានោះមានតម្លៃទិញផ្តាច់កុងត្រា ១០៦លានផោន។ ប្រសិន Chelsea ព្រមព្រៀងក្នុងតម្លៃនេះនឹងធ្វើឱ្យ Enzo Fernandez ក្លាយជាកីឡាករទិញចូលថ្លៃបំផុតនៅ Chelsea បំបែកកំណត់ត្រា Romelu Lukaku ៩៨លានផោន។ ការចរចារវាង Chelsea និង Benfica កំពុងដំណើរការទៅលើតម្លៃនៃការផ្ទេរ និងលក្ខខណ្ឌផ្សេងដែលត្រូវចងក្រងក្នុងកិច្ចសន្យា។ ក្រោមការវិនិយោគរបស់ថៅកែថ្មីលោក Todd Boehly តោខៀវ Chelsea បានចំណាយលុយទិញកីឡាករជិត ២០០លានផោន។ ប្រសិនបើ Enzo Fernandez ផ្លាស់មកកាន់ Chelsea បានសំរេចមែន ប្រហែលជាខ្សែបម្រើវ័យ ៣១ឆ្នាំពីរនាក់រួមមាន N’Golo Kante និង Jorginho នឹងត្រូវចាកចេញនៅពេលផុតកិច្ចសន្យាក្រោយចប់រដូវកាលនេះ៕អត្ថបទ៖នាង សុភាវុធ

CAMSOC លើកយកចំណុចអវិជ្ជមានពីកីឡាជាតិមកពិភាក្សា និងទុកជាមេរៀនត្រៀមស៊ីហ្គេម

កីឡាជាតិ៖ គណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) បានបើកកិច្ចប្រជុំពិសេសមួយ ដោយបានលើកយកនូវចំណុចអវិជ្ជមានទាំងអស់មកពិនិត្យ និងវាយតម្លៃ ដើម្បីទុកជាមេរៀនឆ្ពោះទៅរៀបចំការប្រកួតកីឡាស៊ីហ្គេមឆ្នាំ២០២៣ ឲ្យកាន់តែប្រសើរ។ នេះបើតាមប្រសាសន៍របស់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC ក្រោយបញ្ចប់កិច្ចប្រជុំដែលដឹកនាំដោយឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងអនុប្រធានអចិន្ដ្រៃយ៍ CAMSOC និងមានការចូលរួមពីគ្រប់ភាគីពាក់ព័ន្ធ នៅទីស្នាក់ការគណៈកម្មាធិការជាតិអូឡាំពិកកម្ពុជាកាលពីល្ងាចថ្ងៃទី០៣ ខែមករា ឆ្នាំ២០២៣។ ឯកឧត្តម វ៉ាត់ ចំរើន បានគូសបញ្ជាក់ថា កិច្ចប្រជុំនេះផ្ដោតសំខាន់តែលើចំណុចអវិជ្ជមាន ខណៈចំណុចវិជ្ជមានគឺមានច្រើនហើយ។ យ៉ាងណាក្ដីឯកឧត្តមបណ្ឌិត ថោង ខុន បានជំរុញឲ្យយកចិត្តទុកដាក់លើចំណុចអវិជ្ជមានគ្រប់ទិដ្ឋភាព ដើម្បីទុកជាមេរៀន និងជាបទពិសោធន៍ក្នុងការដោះស្រាយ សម្រាប់ឆ្ពោះទៅរៀបចំការប្រកួតកីឡាស៊ីហ្គេមលើកទី៣២ ឲ្យទទួលបានជោគជ័យ។ គួរដឹងថា កីឡាជាតិលើកទី៣ និងកីឡាជាតិជនពិការលើកទី១ ត្រូវបានរៀបចំតាមទម្រង់ស៊ីហ្គេម និងអាស៊ានប៉ារ៉ាហ្គេមកាលពីថ្ងៃទី១៩ ដល់ថ្ងៃទី៣០ ខែវិច្ឆិកា ឆ្នាំ២០២២ កន្លងទៅ។ ព្រឹត្តិការណ៍នេះត្រូវបានចាត់ទុកជាការតេស្ដសាកល្បងលើកចុងក្រោយ សម្រាប់កម្ពុជាត្រៀមធ្វើម្ចាស់ផ្ទះព្រឹត្តិការណ៍ជាប្រវត្តិសាស្ដ្រស៊ីហ្គេមលើកទី៣២ ពីថ្ងៃទី០៥ ដល់ថ្ងៃទី១៧ ខែឧសភាខាងមុខ និងការប្រកួតកីឡាអាស៊ានប៉ារ៉ាហ្គេមលើកទី១២ ចាប់ពីថ្ងៃទី០៣ ដល់ថ្ងៃទី០៩ ខែមិថុនា ឆ្នាំ២០២៣ ខាងមុខ៕អត្ថបទ៖ លី ឈុនឡា

Manchester United ឡើងមកលេខ៤ នៅ Premier League ក្រោយឈ្នះ Bournemouth

បាល់ទាត់៖ ក្រុមបិសាចក្រហម Manchester United បានបន្តជ័យជំនះរបស់ខ្លួនផ្ទួនៗដើម្បីឡើងមកឈរលេខ៤ នៅ English Premier League បន្ទាប់ពីយកឈ្នះ Bournemouth ៣-០ នៅ Old Trafford។ ខ្សែបម្រើប្រេស៊ីលតម្លៃ ៧០លានផោន Casemiro រកបានគ្រាប់ដំបូងរបស់ខ្លួននៅ Old Trafford ក្រោយទទួលបាល់ Freekick ពី Christian Eriksen។ វគ្គទី២ លេងបានត្រឹម ៤នាទីខ្សែការពារអង់គ្លេស Luke Shaw បន្ថែមការនាំមុខ ២-០ ឱ្យម្ចាស់ផ្ទះមុនពេលដែលខ្សែប្រយុទ្ធអង់គ្លេស Marcus Rashford រកបានគ្រាប់ចុងក្រោយនៅនាទីទី៨៦ ដែលជាគ្រាប់ទី៣ ក្នុងបីប្រកួតចុងក្រោយនៅ Old Trafford។ ជ័យជំនះនេះធ្វើឱ្យ Manchester United ឡើងមកលេខ៤ មាន ៣៥ពិន្ទុដាច់ Spurs ៥ពិន្ទុ និងស្មើជាមួយក្រុមលេខ៣ Newcastle។ Newcastle យប់មិញធ្វើដំណើរទៅទឹកដី Arsenal និងយកបានមួយពិន្ទុពី Emirate Stadium ក្រោយស្មើគ្នា ០-០។ មួយពិន្ទុនេះធ្វើឱ្យ Arsenal នឹងត្រូវកាត់មកបន្ថយការនាំមុខមកត្រឹម ៥ពិន្ទុវិញប្រសិន Manchester City ឈ្នះ Chelsea នៅ Stamford Bridge បាន។ លទ្ធផលផ្សេងទៀតរួមមាន Fulham ឈ្នះនៅទឹកដី Leicester City ១-០ ខណៈ Brighton បំបាក់ Everton ដល់ផ្ទះ ៤-១ បន្តដាក់សំពាធដល់អ្នកចាត់ការ Frank Lampard៕អត្ថបទ៖នាង សុភាវុធ

ខេត្តកណ្ដាលបន្ដរៀបចំការប្រកួតកីឡាបាល់ទាត់ និងប៉េតង់ ដើម្បីអបអរទិវាជ័យជម្នះ ៧មករា ខួបលើកទី៤៤

កណ្ដាល៖ ការិយាល័យអប់រំកាយ និងកីឡានៃមន្ទីរអប់រំ យុវជន និងកីឡាខេត្តកណ្ដាល បានប្រកាសនឹងរៀបចំការប្រកួតកីឡាបាល់ទាត់ និងប៉េតង់ដណ្ដើមពានរង្វាន់ ៧មករា ដើម្បីចូលរួមអបអរសាទរខួបលើកទី៤៤ នៃទិវាជ័យជម្នះ ៧មករា (៧ មករា ១៩៧៩ - ៧ មករា ២០២៣)។ លោក ពៅ វណ្ណា ប្រធានការិយាល័យអប់រំកាយ និងកីឡាបានថ្លែងក្នុងកិច្ចប្រជុំកាលពីថ្ងៃទី០៣ ខែមករាថា ព្រឹត្តិការណ៍ប្រចាំឆ្នាំនេះនឹងចាប់ផ្ដើមការប្រកួតជាផ្លូវការពីថ្ងៃទី០៥ ដល់ថ្ងៃទី០៩ ខែមករា ឆ្នាំ២០២៣ លើ ២ប្រភេទកីឡា រួមមានកីឡាបាល់ទាត់មាន ១៤ក្រុមចូលរួម និងកីឡាប៉េតង់មានក្រុមយុវជន យុវតី និងក្រុមវ័យចាស់ចូលរួមសរុប ២៨ក្រុម។ លោកបន្ដថា នេះគឺជាព្រឹត្តិការណ៍ប្រចាំឆ្នាំ ដែលការិយាល័យជំនាញនៃខេត្តកណ្ដាលតែងតែរៀបចំឡើង ដើម្បីរំលឹកគុណ និងការចងចាំសម្រាប់ប្រជាពលរដ្ឋ និងយុវជន ពិសេសដើម្បីអបអរសាទរព្រឹត្តិការណ៍ជាប្រវត្តិសាស្ដ្រគឺថ្ងៃជ័យជម្នះ ៧មករា ដែលជាថ្ងៃកំណើតទី២ របស់ប្រជាជនកម្ពុជា និងនាំមកនូវសន្ដិភាព ទើបធ្វើឲ្យយុវជន មានឱកាសជួបជុំគ្នាលេងកីឡាដើម្បីសុខភាព មិត្តភាព និងសាមគ្គីភាពដូចបច្ចុប្បន្ន។ លោក ពៅ វណ្ណា បន្ថែមថា ក្រៅពីការប្រកួតអបអរសាទរទិវាជ័យជម្នះ ៧មករា ការប្រកួតនេះក៏ជាឱកាសជ្រើសរើសកីឡាករ-កីឡាការិនីមានសមត្ថភាព និងទេពកោសល្យល្អសម្រាប់ត្រៀមចូលរួមការប្រកួតថ្នាក់ខេត្ត និងថ្នាក់ជាតិ ក៏ដូចជាជំរុញយុវជន និងប្រជាពលរដ្ឋក្នុងខេត្តឲ្យលេងកីឡា ស្របតាមយុទ្ធនាការជាតិដែលដាក់ចេញដោយសម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា គឺ «ប្រជាជនម្នាក់ លេងកីឡាមួយមុខ» ដើម្បីគាំទ្រដំណើរឆ្ពោះទៅព្រឹត្តិការណ៍ស៊ីហ្គេម-អាស៊ានប៉ារ៉ាហ្គេមឆ្នាំ២០២៣ នៅកម្ពុជាផងដែរ៕អត្ថបទ៖ លី ឈុនឡា

Keisuke Honda អស់តួនាទីជាមួយក្រុមជម្រើសជាតិកម្ពុជា តែសល់ភារកិច្ចជាមួយ U22

បាល់ទាត់៖ សហព័ន្ធកីឡាបាល់ទាត់កម្ពុជាបានប្រកាសថា លោក Keisuke Honda អ្នកចាត់ការទូទៅក្រុមជម្រើសជាតិកម្ពុជា អស់តួនាទីជាមួយក្រុមជម្រើសជាតិកម្ពុជា ឬក្រុមធំហើយ ក្រោយចំណាយពេលជិត ៤ឆ្នាំកន្លះ តែលោកនៅសល់ភារកិច្ចជាមួយក្រុមជម្រើសជាតិ U22 កម្ពុជា ដែលត្រូវដឹកនាំក្នុងការប្រកួតកីឡាស៊ីហ្គេមឆ្នាំ២០២៣ នៅកម្ពុជា។ ការប្រកាសនេះ ស្របពេលលោក Keisuke Honda ថ្លែងសារលាគ្នាជាមួយកូនក្រុម បន្ទាប់ពីលោកដឹកនាំក្រុមជម្រើសជាតិកម្ពុជាប្រកួតជាមួយក្រុមជម្រើសជាតិថៃ ក្នុងពានរង្វាន់បាល់ទាត់ជើងឯកអាស៊ីអាគ្នេយ៍ឆ្នាំ២០២២ កាលពីថ្មីៗ ដែលជាការដឹកនាំក្រុមធំលើកចុងក្រោយរបស់លោកក្នុងនាមអ្នកចាត់ការទូទៅ ក្រោយចំណាយពេលជិត ៤ឆ្នាំកន្លះ គិតចាប់ពីខែសីហា ឆ្នាំ២០១៨ ដល់ខែមករា ឆ្នាំ២០២៣។ យ៉ាងណាក្ដីអតីតកីឡាករជម្រើសជាតិជប៉ុនរូបនេះ នៅសល់ភារកិច្ចដ៏សំខាន់ចុងក្រោយមួយទៀត ក្នុងនាមគ្រូបង្វឹកក្រុមជម្រើសជាតិអាយុក្រោម ២២ឆ្នាំកម្ពុជា ដែលត្រូវធ្វើការប្រមូលផ្ដុំហ្វឹកហាត់នាខែកុម្ភៈខាងមុខ សម្រាប់ត្រៀមការប្រកួតកីឡាស៊ីហ្គេមលើកទី៣២ នាខែឧសភា ឆ្នាំ២០២៣ នៅកម្ពុជា។ នេះបើតាមការបញ្ជាក់លើទំព័រហ្វេសប៊ុកផ្លូវការ របស់សហព័ន្ធកីឡាបាល់ទាត់កម្ពុជាកាលពីម្សិលមិញ៕អត្ថបទ៖ លី ឈុនឡា

Ronaldo ថា ធ្លាប់ទទួលសំណើពីប្រេស៊ីល អាមេរិក អូស្ត្រាលី និងព័រទុយហ្កាល់ តែសម្រេចចិត្តមកកាន់ទឹកដីអាស៊ី

បាល់ទាត់៖ ខ្សែប្រយុទ្ធព័រទុយហ្កាល់ Cristiano Ronaldo បានបង្ហាញខ្លួនជាផ្លូវការនៅចំពោះមុខអ្នកគាំទ្រក្លិបអារ៉ាប៊ីសាអ៊ូឌីត Al Nassr ប្រមាណ ២៥០០០នាក់នៅកីឡដ្ឋាន Mrsool Park។ កីឡាករវ័យ ៣៧ឆ្នាំរូបនេះបានផ្លាស់មកកាន់ Al Nassr ផ្លូវការកាលពីថ្ងៃសុក្រ ក្រោយចាកចេញពីក្លិបបិសាចក្រហម Manchester United បន្ទាប់ពីកិច្ចសម្ភាសន៍រិះគន់ក្លិបខ្លួនឯង។ មុនសម្រេចចិត្តផ្ទេរមកកាន់ Al Nassr នេះអតីតខ្សែប្រយុទ្ធ Real Madrid រូបនេះបាននិយាយថា គេបានទទួលសំណើពីក្លិបជាច្រើនជុំវិញពិភពលោករួមមានប្រេស៊ីល អូស្ត្រាលី អាមេរិក និងព័រទុយហ្កាល់ តែបានសម្រេចចិត្តមកកាន់ទីនេះដើម្បីការប្រកួតប្រជែងថ្មីមួយទៀតនៅលើទឹកដីអាស៊ី។ Ronaldo ត្រូវបានគេដឹងថា នឹងទទួលបានប្រាក់ឈ្នួលថ្លៃបំផុតក្នុងប្រវត្តិសាស្ត្របាល់ទាត់ប្រមាណជា ២០០លានដុល្លារក្នុងមួយឆ្នាំជាមួយនឹងកិច្ចសន្យាដល់ឆ្នាំ២០២៥។ ម្ចាស់ជ័យលាភី Ballon d’Or ៥លើករូបនេះបានទទួលការស្វាគមន៍យ៉ាងកក់ក្តៅ ពីសំណាក់អ្នកគាំទ្រអារ៉ាប៊ីសាអ៊ូឌីត។ គ្រូបង្វឹក Al Nassr លោក Rudi Garcia បានហៅការផ្លាស់របស់ Ronaldo ថាជារឿងអស្ចារ្យណាស់សម្រាប់បាល់ទាត់អារ៉ាប៊ីសាអ៊ូឌីត ហើយគោលដៅរបស់លោកនោះគឺនឹងធ្វើឱ្យ Ronaldo សប្បាយចិត្តនៅទីនេះ និងធ្វើឱ្យគាត់ពេញចិត្តនឹងការលេងបាល់នៅអាស៊ី និងឈ្នះពានបន្ថែមទៀតចូលក្នុងអាជីពរបស់គាត់។ Al Nassr នឹងត្រូវប្រកួតក្នុងលីគមួយប្រកួតនៅថ្ងៃព្រហស្បតិ៍ស្អែកនេះ ខណៈ Ronaldo ថា ត្រៀមខ្លួនរួចរាល់សម្រាប់ការប្រកួតនេះបើសិនគ្រូបង្វឹកគិតថា អាចដាក់គាត់ចូលលេងបាន។ Al Nassr កំពុងនាំមុខក្នុងតារាងជើងឯកលីគកំពូលអារ៉ាប៊ីសាអ៊ូឌីត Saudi Pro League ក្រោយលេងបាន ១១ប្រកួតមាន ២៦ពិន្ទុតាមពីក្រោយ ១ពិន្ទុដោយ Al-Shabab៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

អាមេរិក សំឡឹងមើលកិច្ចព្រមព្រៀងច្រកសមុទ្រ Hormuz នៅថ្ងៃនេះ ឬថ្ងៃស្អែកខណៈនាវាលិចនៅសមុទ្រក្រហម

កាតានិយាយថា ក្រុមអ្នកសម្របសម្រួលបង្កើតវឌ្ឍនភាពក្នុងកិច្ចខិតខំប្រឹងប្រែងដើម្បីបញ្ចប់សង្គ្រាមអាមេរិក-អ៊ីរ៉ង់

ប្រធានសហភាពអឺរ៉ុបរិះគន់ផែនការអន្តោប្រវេសន៍របស់អេស្ប៉ាញបន្ទាប់ពីកិច្ចប្រជុំស្ដីពីវិបត្តិតំបន់សេអ៊ូតា

តម្លៃប្រេងធ្លាក់ចុះ ភាគហ៊ុនឈានដល់កំណត់ត្រាខ្ពស់ថ្មីជុំវិញក្តីសង្ឃឹមនៃការបើកច្រកសមុទ្រ Hormuz

ផ្លូវជនបទស្ថិតក្រោមក្របខណ្ឌក្រសួងអភិវឌ្ឍន៍ជនបទ កំពុងលើកកម្ពស់ដល់ការរស់នៅប្រជាពលរដ្ឋ

ក្រុមគ្រួសារជនរងគ្រោះប្រាប់ថា របួសមិនទាន់ជាសះស្បើយទេ ៦ឆ្នាំក្រោយការផ្ទុះនៅកំពង់ផែបេរូតរបស់លីបង់

ប្រមុខរតនាគារ៖ អាមេរិក និងអ៊ីរ៉ង់ អាចនឹងឈានដល់កិច្ចព្រមព្រៀងច្រកសមុទ្រ Hormuz នៅថ្ងៃអង្គារ ឬថ្ងៃពុធ

ប្រព័ន្ធផ្សព្វផ្សាយរដ្ឋ៖ បំណាក់ដីបណ្ដាលឱ្យមនុស្ស ១៤នាក់ស្លាប់ នៅតំបន់ Amhara របស់អេត្យូពី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

សហព័ន្ធគុនខ្មែរបញ្ជាក់រឿងក្របខ័ណ្ឌ ធឿន ធារ៉ា និងការប្រកួត Thai Fight

ប្រធានក្លិបកាយសម្ព័ន្ធ-កំពង់ឆ្នាំងមានមោទនភាព និងចង់ផលិតធនធានល្អៗឲ្យបានច្រើនដូច ម៉ូ ស្រីពៅ

វិលពីរបួសចូលលេងឆ្នាំថ្មី Emma Raducanu ឈ្នះជុំដំបូង ASB Classic

Leeds ទិញបានខ្សែការពារ RB Salzburg, Max Wober តម្លៃជាង ១០លានផោន

Chelsea បន្តការចរចាយក Enzo Fernandez ពី Benfica ឲ្យបានក្នុងខែមករានេះ

CAMSOC លើកយកចំណុចអវិជ្ជមានពីកីឡាជាតិមកពិភាក្សា និងទុកជាមេរៀនត្រៀមស៊ីហ្គេម

Manchester United ឡើងមកលេខ៤ នៅ Premier League ក្រោយឈ្នះ Bournemouth

ខេត្តកណ្ដាលបន្ដរៀបចំការប្រកួតកីឡាបាល់ទាត់ និងប៉េតង់ ដើម្បីអបអរទិវាជ័យជម្នះ ៧មករា ខួបលើកទី៤៤

Keisuke Honda អស់តួនាទីជាមួយក្រុមជម្រើសជាតិកម្ពុជា តែសល់ភារកិច្ចជាមួយ U22

Ronaldo ថា ធ្លាប់ទទួលសំណើពីប្រេស៊ីល អាមេរិក អូស្ត្រាលី និងព័រទុយហ្កាល់ តែសម្រេចចិត្តមកកាន់ទឹកដីអាស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

សហព័ន្ធ​គុន​ខ្មែរ​បញ្ជាក់​រឿង​ក្របខ័ណ្ឌ ធឿន ធារ៉ា និង​ការប្រកួត​ Thai Fight

វិល​ពីរ​បួស​ចូល​លេង​ឆ្នាំ​ថ្មី Emma Raducanu ឈ្នះ​ជុំ​ដំបូង ASB Classic

Leeds ទិញ​បាន​ខ្សែការពារ RB Salzburg, Max Wober តម្លៃ​ជាង ១០លាន​ផោន

Chelsea បន្ត​ការចរចា​យក Enzo Fernandez ពី Benfica ឲ្យ​បាន​ក្នុង​ខែមករា​នេះ

CAMSOC ​លើក​យក​ចំណុច​អវិជ្ជមាន​ពី​កីឡា​ជាតិ​មក​ពិភាក្សា និង​ទុកជា​មេរៀន​ត្រៀម​ស៊ី​ហ្គេម​

Manchester United ឡើងមក​លេខ​៤ នៅ Premier League ក្រោយ​ឈ្នះ Bournemouth

Keisuke Honda ​អស់​តួនាទី​ជាមួយ​ក្រុម​ជម្រើសជាតិ​កម្ពុជា តែ​សល់​ភារកិច្ច​ជាមួយ​ U22

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សហព័ន្ធគុនខ្មែរបញ្ជាក់រឿងក្របខ័ណ្ឌ ធឿន ធារ៉ា និងការប្រកួត Thai Fight

វិលពីរបួសចូលលេងឆ្នាំថ្មី Emma Raducanu ឈ្នះជុំដំបូង ASB Classic

Leeds ទិញបានខ្សែការពារ RB Salzburg, Max Wober តម្លៃជាង ១០លានផោន

Chelsea បន្តការចរចាយក Enzo Fernandez ពី Benfica ឲ្យបានក្នុងខែមករានេះ

CAMSOC លើកយកចំណុចអវិជ្ជមានពីកីឡាជាតិមកពិភាក្សា និងទុកជាមេរៀនត្រៀមស៊ីហ្គេម

Manchester United ឡើងមកលេខ៤ នៅ Premier League ក្រោយឈ្នះ Bournemouth

Keisuke Honda អស់តួនាទីជាមួយក្រុមជម្រើសជាតិកម្ពុជា តែសល់ភារកិច្ចជាមួយ U22