BTV NEWS

ពេជ្រ សម្បត្តិ និងឡៅ ចិត្រា ឡើងសង្វៀនកម្មវិធីពិសេសប្រចាំឆ្នាំរបស់គូបូតា ក្នុងថ្ងៃតែមួយ ថ្ងៃសុក្រនេះ

កម្ពុជាទទួលបានការគាំទ្រឱ្យធ្វើជាម្ចាស់ផ្ទះកីឡាតេក្វាន់ដូអាយ-ធីអែហ្វជើងឯកអាស៊ី២០២៨

មន្ដ្រីកីឡាជាន់ខ្ពស់ខេត្តយូណាន សរសើរ និងរៀនសូត្រពីភាពអស្ចារ្យព្រឹត្ដិការណ៍ម៉ារ៉ាតុងចក្រភពអង្គរ

ធារី ចន្ថាប៊ីន ចាត់ទុកពាន CJ Summer League ជាវេទិកាសម្រាប់អភិវឌ្ឍយុវជន

ព័ត៌មានកីឡា

ជើងចាស់ Venus Williams ចាប់ផ្តើមរដូវកាលទី៣០ នៃអាជីពជាមួយជ័យជំនះ

វាយកូនបាល់៖ កីឡាការិនីវាយកូនបាល់ជើងចាស់អាមេរិក Venus Williams បានចាប់ផ្តើមរដូវកាលទី៣០ នៃអាជីពរបស់ខ្លួនជាមួយនឹងជ័យជំនះលើមិត្តរួមជាតិអាមេរិក Katie Volynets នៃការប្រកួតជុំដំបូងកម្មវិធី ASB Classic នៅទីក្រុង Auckland ប្រទេសនូវែលហ្សេឡង់។កីឡាការិនីវ័យ ៤២ឆ្នាំរូបនេះបានយកឈ្នះ Volynets ដែលមានអាយុពាក់កណ្តាលនឹង Venus Williams ដោយលទ្ធផល ៧-៦(៧-៤) និង ៦-២ ដើម្បីបន្តជួបជាមួយកីឡាការិនីចិន Lin Zhu នៅជុំទី២។ អតីតកីឡាការិនីលំដាប់លេខ១ ពិភពលោក Venus Williams បានចាប់ផ្តើមអាជីពនៅកម្មវិធី Tour ដំបូងនៅខែតុលា ឆ្នាំ១៩៩៤។ កីឡាការិនីវាយកូនបាល់អាមេរិក Venus Williams ត្រូវបានទទួលការអញ្ជើញឱ្យចូលរួមការប្រកួតវាយកូនបាល់ Grand Slam, Australian Open នៅក្នុងវ័យ ៤២ឆ្នាំដែលនឹងចាប់ផ្តើមនៅពាក់កណ្តាលខែមករានេះ។រដូវកាលមុន Venus Williams ឈ្នះតែ ៣ប្រកួតប៉ុណ្ណោះក្នុងចំណោមការចូលរួមការប្រកួត ១៣កម្មវិធី តែមិនអាចបង្ហើបពីគម្រោងចូលនិវត្តន៍តាមប្អូនស្រីរបស់នាង Serena Williams។ បច្ចុប្បន្ន Venus Williams ឈរចំណាត់ថ្នាក់ពិភពលោកលេខ ១០០៧ ហើយការប្រកួតចុងក្រោយដែលនាងចូលរួមគឺបានត្រឹមជុំដំបូងនៅ US Open កាលពីខែសីហា និងបានចូលរួមការប្រកួតសរុបតែ ៤ព្រឹត្តិការណ៍ប៉ុណ្ណោះក្នុងឆ្នាំ២០២២៕អត្ថបទ៖នាង សុភាវុធ

Nadal ចាញ់ការប្រកួតទី៦ នៃ ៧ប្រកួតចុងក្រោយមុនចូលរួម Australian Open

វាយកូនបាល់៖ កីឡាករវាយកូនបាល់លេខ២ ពិភពលោក Rafael Nadal បានរងបរាជ័យ ២ប្រកួតផ្ទួនៗនៅការប្រកួតពានរង្វាន់ United Cup នៅប្រទេសអូស្ត្រាលី ក្រោយចាញ់កីឡាករម្ចាស់ផ្ទះ Alex de Minaur។ មុនមកជួបកីឡាករអូស្ត្រាលីរូបនេះ Nadal ទើបតែចាញ់កីឡាករអង់គ្លេស Cameron Norrie។ Alex De Minaur ដែលជាអ្នកចូលមកជំនួសកីឡាករ Nick Kyrgios ដែលមានរបួសនោះ រកបានជ័យជំនះធំបំផុតក្នុងអាជីពរបស់ខ្លួនទល់នឹង Rafael Nadal ដោយលទ្ធផល ៣-៦, ៦-១ និង ៧-៥។ ម្ចាស់ជើងឯក Grand Slam ២២លើក Rafael Nadal គិតមកដល់ពេលនេះឈ្នះតែ ១ប្រកួតប៉ុណ្ណោះក្នុងចំណោម ៧ប្រកួតចុងក្រោយរបស់ខ្លួន ពោលគឺឈ្នះមួយប្រកួតនោះនៅ ATP World Tour Finals លើកីឡាករន័រវេស Casper Ruud។ បរាជ័យផ្សេងទៀតរបស់ Nadal កន្លងមករួមមានចាញ់ Felix Auger-Aliassime, ចាញ់ Taylor Fritz, ចាញ់ Tommy Paul និងចាញ់ Frances Tiafoe៕អត្ថបទ៖នាង សុភាវុធ

Brighton សង្ឃឹមអាចរក្សាខ្សែបម្រើជើងឯកពិភពលោក Mac Allister មិនឲ្យចាកចេញក្នុងខែមករានេះ

បាល់ទាត់៖ ក្លិបអង់គ្លេស Brighton សង្ឃឹមថានឹងអាចរក្សាខ្សែបម្រើជយលាភី World Cup អាហ្សង់ទីន Alexis Mac Allister មិនឱ្យចាកចេញអំឡុងពេលទីផ្សារដោះដូរកីឡាករក្នុងខែមករានេះ។ កីឡាករវ័យ ២៤ឆ្នាំរូបនេះបានបង្ហាញទម្រង់លេងដ៏អស្ចារ្យរបស់ខ្លួន ក្នុងការបង្ហាញខ្លួនដំបូងឱ្យក្រុមជំរើសជាតិអាហ្សង់ទីននៅ World Cup ជាមួយនឹងការយកឈ្នះបារាំងដោយបាល់ ១១ម៉ែត្រកាត់សេចក្តីនៅវគ្គផ្តាច់ព្រ័ត្រ។ Brighton មកទល់ពេលនេះមិនទាន់បានទទួលសំណើផ្លូវការណាមួយនៅឡើយ តែសារព័ត៌មានជាច្រើនបានចុះផ្សាយពីការចង់បានរបស់ក្លិបធំៗនៅអឺរ៉ុបមានដូចជា Arsenal, Chelsea, Juventus និង Atletico Madrid។ Mac Allister ទើបតែចុះហត្ថលេខាបន្តកិច្ចសន្យាថ្មីជាមួយ Brighton កាលពីមុន World Cup មកដល់ក្នុងសុពលភាពដល់ឆ្នាំ២០២៥។ ជាមួយនឹងជោគជ័យរបស់ Mac Allister នៅ World Cup នៅកាតានោះ Brighton ត្រូវបានគេដឹងថាមិនចង់ដាក់តម្លៃផ្ទេរណាមួយលើកីឡាករវ័យ ២៤ឆ្នាំរូបនេះឡើយ ពោលគឺចង់រក្សារូបគេនៅ Amex Stadium បន្តទៀត៕អត្ថបទ៖នាង សុភាវុធ

Romelu Lukaku សង្ឃឹមបន្តស្នាក់នៅជាមួយ Inter Milan មិនត្រលប់ទៅ Chelsea វិញ

បាល់ទាត់៖ ខ្សែប្រយុទ្ធប៊ែលហ្ស៊ិក Romelu Lukaku សង្ឃឹមថានឹងអាចបន្តការស្នាក់នៅជាមួយ Inter Milan មិនផ្លាស់ត្រលប់ទៅកាន់ Chelsea វិញនៅពេលបញ្ចប់កិច្ចសន្យាខ្ចី។ Lukaku បានអវត្តមានពីការប្រកួតភាគច្រើននៅពាក់កណ្តាលរដូវកាលកន្លងមកជាមួយ Inter Milan មុនចាកចេញទៅ World Cup ជាមួយក្រុមជម្រើសជាតិប៊ែលហ្ស៊ិក តែបានត្រឹមធ្លាក់នៅវគ្គវិលជុំក្នុងពូល។ កីឡាករវ័យ ២៩ឆ្នាំរូបនេះបានផ្លាស់មកកាន់ Inter Milan ក្នុងកិច្ចសន្យាខ្ចីជើង តែការផ្លាស់មកកាន់ទឹកដីអ៊ីតាលីមានការលំបាកត្រង់ Chelsea បានចំណាយលុយដល់ទៅ ៩៧.៥លានផោននាំយក Lukaku ពីក្លិបនៅ Serie A កាលពីខែសីហា ឆ្នាំ២០២១ មានន័យថាការផ្លាស់មកកាន់ Inter Milan វិញក៏ត្រូវចំណាយលុយច្រើនដែរ។ យ៉ាងណាក្តីបញ្ហារបួសរបស់ Lukaku ក៏អាចធ្វើឱ្យការចរចាផ្ទេរអាចទៅរួចដែរ ខណៈដែល Chelsea ក៏ទំនងមិនត្រូវការ Lukaku ទៀតដែរ។ រំលឹកថា Romelu Lukaku ធ្លាប់ជាកីឡាកររបស់ Chelsea ដំបូងនៅឆ្នាំ២០១០ តែមិនជោគជ័យក៏ផ្លាស់ទៅកាន់ West Brom និង Everton ក្នុងលក្ខខណ្ឌខ្ចីមុនពេលទទួលបានកិច្ចសន្យាផ្លាស់ទៅ Verton ផ្លូវការនៅឆ្នាំ២០១៤។ ឆ្នាំ២០១៧ Lukaku ក៏បានផ្លាស់ទៅកាន់ Manchester United លេងដល់ឆ្នាំ២០១៩ ទើបផ្លាស់ទៅកាន់ Inter Milan មុនពេលដែល Chelsea ទិញយកមក Stamford Bridge វិញកាលពីឆ្នាំ២០២១ នោះក្នុងតម្លៃផ្ទេរជិត ១០០លានផោន៕អត្ថបទ៖នាង សុភាវុធ

គិតត្រឹមពេលនេះមានអ្នកចុះឈ្មោះប្រណាំងរថយន្តសន្តិភាពជិត ១០០នាក់ហើយ

ប្រណាំងរថយន្ត៖ ព្រឹត្តិការណ៍ប្រណាំងរថយន្តសន្តិភាពឆ្នាំ២០២៣ នៅទីលាន ១២ម៉ូទ័រផាកដែលរៀបចំដោយក្លឹប OFF ROAD គោព្រៃមណ្ឌលគិរី សហការជាមួយរដ្ឋបាលខេត្តមណ្ឌលគិរី គាំទ្រដោយក្លឹបមហាគ្រួសាររថយន្ត Off Road កម្ពុជា និងសហព័ន្ធកីឡាយានយន្តកម្ពុជាដែលគ្រោងធ្វើនាថ្ងៃទី១៣ ដល់ទី១៥ ខែមករា ឆ្នាំ២០២៣ ខាងមុខនេះ មានកីឡាករប្រណាំងរថយន្ត Off Road ជាតិ និងអន្តរជាតិចុះឈ្មោះចំនួន ៦៦នាក់មកពី ៤ប្រទេសមានប្រទេសថៃ វៀតណាម ឡាវ និងកម្ពុជាជាម្ចាស់ផ្ទះ។ នេះជាការបញ្ជាក់របស់លោក ព្រំ រស្មី ប្រធានគណៈកម្មការរៀបចំការប្រកួតប្រណាំងរថយន្ត Off Road សន្តិភាពឆ្នាំ២០២៣ នាទីលាន ១២ម៉ូទ័រផាកកាលពីពេលថ្មីៗនេះ។លោកបន្តថា គិតត្រឹមថ្ងៃទី៣០ ខែធ្នូ កីឡាករជាតិ និងអន្តរជាតិបានចុះឈ្មោះចំនួន ៦៦នាក់ស្មើនឹង៧០ ទៅ ៨០ នៃការរំពឹងទុកថានឹងទទួលបានពី ៨០ ទៅ ៩០រថយន្តចូលរួមមហាព្រឹត្តិការណ៍ប្រណាំងរថយន្ត Off Road សន្តិភាពឆ្នាំ២០២៣ ដើម្បីអបអរការសម្ពោធទីលានស្តង់ដារអន្តរជាតិធំជាងគេនៅកម្ពុជាគឺទីលាន ១២ម៉ូទ័រផាក ដែលសាងសង់លើផ្ទៃដីទំហំ ៩៣ហិចតានាខេត្តប៉ែកឦសាន្តនៃប្រទេសកម្ពុជា ជាមួយនឹងការប្រកួតកីឡាផ្សេងៗទៀតផងដែរ។ លោក ព្រំ រស្មី បន្ថែមថា ការប្រកួតរថយន្ត Off Road នេះចែកចេញជា ៣ Class មាន Class A សម្រាប់កីឡាករជំនាញ (Hard core),Class B កីឡាករមធ្យម (light core) និង Class C សម្រាប់កីឡាករចូលរួមដំបូង (Overland)។ ហើយសម្រាប់ Class A អ្នករៀបចំរូបនេះភ្ញាក់ផ្ញើលដោយមានអ្នកចុះឈ្មោះច្រើនរហូតជាង ៣០រថយន្ត រីឯ Class B និង C មានជាង ១០រថយន្តប៉ុណ្ណោះ។ជាមួយគ្នានេះលោក ព្រំ រស្មី បានបញ្ជាក់ថា ១២ម៉ូទ័រផាកគឺជាទីលានធំជាងគេ និងលេខ១ នៅកម្ពុជា មានផ្លូវប្រណាំងបែបធម្មជាតិ និងផ្លូវបែបកែច្នៃ និងមានផ្លូវជាង ១០ខ្សែដែលអាចប្រណាំងបាន មានគ្រប់ស្ថានភាពផ្លូវ គ្រប់រស់ជាតិ ថ្ម ទឹក ភក់ជាដើម ដែលអ្នកជំនាញប្រណាំងរថយន្ត Off Road រូបនេះធ្លាប់ឆ្លងកាត់ប្រណាំងជាច្រើនប្រទេសក្នុងតំបន់អាស៊ាន។ លោក ព្រំ រស្មី ក៏បានស្នើអោយគ្រួសាររថយន្ត Off Road ទាំងអស់ចូលរួមអោយបានគ្រប់ៗគ្នា ទៅតាមប្រភេទរថយន្ត និង Class ដែលគណៈកម្មការរៀបចំ កុំអោយមានការបារម្ភ រថយន្តធម្មតាមិនទាន់កែច្នៃក៏អាចប្រណាំងបាននៅ Class C , ចំនែកឯរថយន្តកែច្នៃកម្រិតមធ្យមប្រណាំងនៅ Class B កម្រិតមធ្យមដូចគ្នា រីឯកីឡាករខ្លាំងៗប្រណាំងជាមួយកីឡាករកម្រិតអន្តរជាតិនៅ Class A ដើម្បីប្រជែងយកពានរង្វាន់ការប្រណាំងរថយន្ត Off Road សន្តិភាពឆ្នាំ២០២៣។សូមបញ្ជាក់ថា ព្រឹត្តិការណ៍ប្រណាំងរថយន្ត Off Road សន្តិភាពឆ្នាំ២០២៣ នៅទីលាន ១២ម៉ូទ័រផាកក៏មានការប្រណាំងម៉ូតូ Super Cross និងប្រណាំងរថយន្ត Rally។ អ្វីដែលកាន់តែពិសេសទៀតនោះ កីឡាករដែលទទួលបានជយលាភីលេខ១ ទាំងអស់នឹងក្លាយជាអគ្គរាជទូតសុច្ឆន្ទៈរបស់ទីលាន ១២ម៉ូទ័រផាក ជាមួយនឹងប្រាក់ឧបត្ថម្ភប្រចាំ អមនឹងពានរង្វាន់១ និងប្រាក់លើកទឹកចិត្ត ដើម្បីអបអរពិធីសម្ពោធទីលានស្តង់ដារអន្តរជាតិធំជាងគេនៅកម្ពុជាផងដែរ៕

ប្រធាន FIFA គ្រោងស្នើឱ្យគ្រប់ប្រទេសទាំង ២១១ ដាក់ឈ្មោះកីឡដ្ឋានតាមវីរបុរសបាល់ទាត់ប្រេស៊ីល Pele

បាល់ទាត់៖ ប្រធាន FIFA លោក Gianni Infantino និងប្រធានសហព័ន្ធបាល់ទាត់អាមេរិកឡាទីន CONMEBOL លោក Alejandro Dominguez បានជួបពិភាក្សាគ្នា មុនចូលរួមពិធីបុណ្យសពវីរបុរសបាល់ទាត់ប្រេស៊ីលនៅថ្ងៃចន្ទម្សិលមិញ។ លោក Gianni Infantino បាននិយាយប្រាប់អ្នកសារព័ត៌មានថា ពួកយើងនាំគ្នាកាន់ទុក្ខមរណភាពលោក Pele លោកចង់ស្នើឱ្យគ្រប់សហព័ន្ធបាល់ទាត់ទាំងអស់ មានការគោរពវិញ្ញាណក្ខន្ធមួយនាទីមុនការប្រកួតរបស់ពួកគេ ហើយលោកក៏នឹងស្នើសុំគ្រប់ប្រទេសទាំង ២១១ គួរតែដាក់ឈ្មោះកីឡដ្ឋានណាមួយរបស់ពួកគេតាមឈ្មោះលោក Pele។ មនុស្សរាប់ពាន់នាក់បានជួបជុំគ្នានៅកីឡដ្ឋាន Vila Belmiro នៅទីក្រុង Santos ដែលជាស្រុកកំណើតរបស់លោក Pele។ មឈូសដាក់សាកសពលោក Pele ត្រូវបានគេតម្កល់នៅកណ្ដាលទីលានបាល់ទាត់នៃកីឡដ្ឋានរបស់ក្លិប Santos ដែលជាក្លិបលោក Pele ចំណាយពេលក្នុងអាជីពបាល់ទាត់របស់គាត់ចាប់ពីឆ្នាំ១៩៥៦ ដល់ ១៩៧៤។ វីរបុសប្រេស៊ីលលោក Pele ដែលបានទទួលមរណភាពក្នុងវ័យ ៨២ឆ្នាំកាលពីយប់ថ្ងៃព្រហស្បតិ៍សប្តាហ៍មុន ត្រូវបានគេចាត់ទុកថាជាកំពូលកីឡាករបាល់ទាត់នៅក្នុងប្រវត្តិសាស្ត្របាល់ទាត់។ លោក Pele បានស៊ុតបញ្ចូលទីសរុប ១២៨១គ្រាប់ ក្នុងការបង្ហាញខ្លួន ១៣៦៣ប្រកួតកាន់កំណត់ត្រាពិភពលោក និងឈ្នះពានសំខាន់ៗជាច្រើនក្នុងអាជីព ២១ឆ្នាំជាកីឡាករបាល់ទាត់។ ស្នាដៃដែលមិនអាចបំភ្លេចបាននៅក្នុងប្រវត្តិសាស្ត្របាល់ទាត់របស់លោក Pele នោះគឺលោកបានជួយក្រុមជម្រើសជាតិប្រេស៊ីលឈ្នះពានជើងឯកពិភពលោក ៣លើកនៅឆ្នាំ១៩៥៨ ១៩៦២ និង ១៩៧០៕អត្ថបទ៖នាង សុភាវុធ

ឆ្នាំ២០២២ វិស័យកីឡាជាតិបានបង្ហាញភាពលេចត្រដែត ទាំងលើឆាកជាតិ និងអន្ដរជាតិ

កីឡាជាតិ៖ ឆ្នាំ២០២២ បានបញ្ចប់ទៅដោយបន្សល់នូវសមិទ្ធផល និងអនុស្សាវរីយ៍ជាច្រើនសម្រាប់វិស័យកីឡាកម្ពុជា មុនផ្លាស់ប្ដូរចូលឆ្នាំ២០២៣ ជាឆ្នាំប្រវត្តិសាស្ត្រ ដែលប្រជាពលរដ្ឋកំពុងទន្ទឹងរង់ចាំធ្វើម្ចាស់ផ្ទះព្រឹត្តិការណ៍ដ៏អស្ចារ្យ គឺការប្រកួតកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣។ ជាមួយគ្នា ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា និងជាអគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ បានចាត់ទុកឆ្នាំ២០២២ គឺជាឆ្នាំមួយដ៏ជោគជ័យ បន្ទាប់ពីកម្ពុជាបានសម្រេចសមិទ្ធផលជាបន្ដបន្ទាប់ ដែលបានបង្ហាញនូវភាពលេចត្រដែតរបស់វិស័យកីឡាកម្ពុជា ទាំងលើឆាកជាតិ និងអន្ដរជាតិ។ សមិទ្ធផលសំខាន់ៗដែលប្រតិបត្តិករកីឡាឆ្នើមរបស់កម្ពុជាបានលើកឡើង ដូចជាការដណ្ដើមបានមេដាយដ៏ច្រើនក្នុងស៊ីហ្គេមលើកទី៣១ នៅវៀតណាម, ការរៀបចំកីឡាជាតិលើកទី៣ និងកីឡាជាតិជនពិការលើកទី១ ដោយជោគជ័យ ក៏ដូចជាការរៀបចំមហាសន្និបាតក្រុមប្រឹក្សាកីឡាអូឡាំពិកអាស៊ី(OCA) ដែលមានការចូលរួមពីថ្នាក់ដឹកនាំកីឡាជុំវិញពិភពលោក ដែលបានសម្ដែងការភ្ញាក់ផ្អើលជាខ្លាំងចំពោះភាពពិតរបស់កម្ពុជា។ យ៉ាងណាក្ដីក្នុងដំណាលកាលចុងក្រោយ នៃការផ្លាស់ឆ្នាំចាស់ ផ្លាស់ចូលឆ្នាំថ្មី ឆ្នាំ២០២៣ នេះ ឯកឧត្តម វ៉ាត់ ចំរើន បានជំរុញឲ្យគ្រប់ភាគីពាក់ព័ន្ធ ត្រូវបន្ដការខិតខំប្រឹងប្រែងកាន់តែខ្លាំងបន្ថែមទៀត ពិសេសកីឡាករ-កីឡាការិនី ទាំងជនមានពិការភាព និងជនមិនពិការដើម្បីឈានដល់គោលដៅ និងឆ្ពោះទៅរកភាពជោគជ័យ ប្រកបដោយឧត្តមភាព និងកិត្តិយសជាតិក្នុងនាមម្ចាស់ផ្ទះស៊ីហ្គេម និងអាស៊ានប៉ារ៉ាហ្គេមឆ្នាំ២០២៣។ គិតត្រឹមថ្ងៃទី០៣ ខែមករារហូតដល់ថ្ងៃទី០៥ ខែឧសភា ឆ្នាំ២០២៣ ដែលជាពេលវេលាប្រារព្ធពិធីបើកការប្រកួតកីឡាស៊ីហ្គេមលើកទី៣២ ផ្លូវការ គឺកម្ពុជានៅសល់ពេលតែ ១២២ថ្ងៃទៀតប៉ុណ្ណោះ។ សម្រាប់រយៈពេលនេះត្រូវបានឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រៃយ៍គណៈកម្មាធិការជាតិរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ ចាត់ទុកជាពេលវេលាដ៏សំខាន់ ដែលគ្រប់ភាគីពាក់ព័ន្ធត្រូវតែពង្រឹងការអនុវត្ត និងប្រសិទ្ធភាពការងារបន្ថែម ដើម្បីឆ្ពោះទៅរកភាពជោគជ័យដ៏ត្រចះត្រចង់តាមផែនការមេ សម្រាប់ព្រឹត្តិការណ៍ប្រវត្តិសាស្ដ្រលើកដំបូង ដែលកម្ពុជារង់ចាំអស់រយៈពេល ៦៤ឆ្នាំនេះ៕ អត្ថបទ៖ លី ឈុនឡា

ព្រឹទ្ធាចារ្យបាល់ទាត់កម្ពុជាសោកស្ដាយ និងរំលឹកអនុស្សាវរីយ៍ជាមួយ Pele

បាល់ទាត់៖ លោក ប៉ែន ផាត ព្រឹទ្ធាចារ្យបាល់ទាត់កម្ពុជាបានសម្ដែងការសោកស្ដាយជាខ្លាំង ចំពោះការបាត់បង់លោក Pele ដែលបានទទួលមរណភាពកាលពីថ្មីៗក្នុងវ័យ ៨២ឆ្នាំ ហើយលោកក៏បានរំលឹកនូវអនុស្សាវរីយ៍មួយចំនួន ជាមួយវីរបុរសបាល់ទាត់ប្រេស៊ីល និងពិភពលោកនេះផងដែរ។ ក្នុងនាមអតីតកីឡាករកម្ពុជាតែម្នាក់គត់ដែលធ្លាប់បានលេងទល់នឹងក្រុមប្រេស៊ីល ក៏ដូចជាលោក Pele ផ្ទាល់កាលពីកំឡុងឆ្នាំ១៩៧២ លោកព្រឹទ្ធាចារ្យរូបនេះបានលើកឡើងថា លោក Pele គឺជាវីរបុរសរបស់ពិភពលោក ហើយលោកគិតថា គ្មានកីឡាករណាមួយធ្វើបានល្អដូចគាត់ឡើយ ទាំងបច្ចេកទេស ស្មារតី និងអារម្មណ៍ គឺហ្នឹងន៎ ពិសេសពេលលោក Pele មានបាល់នៅមុខប្រអប់ទីចម្ងាយខ្ទង់ ១៦ម៉ែត្រលោកត្រូវតែស៊ុតចូលជាមិនខាន។ អ្វីដែលពិសេស បើមានបាល់នៅនឹងជើងហើយ លោកអាចធ្វើអ្វីៗបានគ្រប់បែបយ៉ាង។ ដូច្នេះលោក ប៉ែន ផាត បានចាត់ទុកជាសំណាងមួយដ៏ធំ បន្ទាប់ពីចប់ការប្រកួតមិត្តភាពកាលពីឆ្នាំ១៩៧២ នៅទីក្រុងបាងកក មានអ្នកសារព័ត៌មានបានសួរលោក Pele ថា តើកីឡាករថៃទាំងអស់ក្នុងការប្រកួតនេះ តើមានកីឡាករណាលេងល្អទេ។ ពេលនោះវីរបុរសបាល់ទាត់ពិភពលោកនេះថា មានកីឡាករម្នាក់ពាក់អាវលេខ៧ គឺលោក ប៉ែន ផាត ផ្ទាល់តែម្ដង។ គ្រាដែលនោះបានធ្វើឲ្យលោក ប៉ែន ផាត មានការសប្បាយចិត្តជាខ្លាំង ហើយក៏ជាពេលវេលាដែលមិត្តរួមអាជីព ក៏ដូចជាប្រទេសថៃមិនអាចបំផុសអតីតវីរបុរសបាល់ទាត់កម្ពុជារូបនេះឡើយ។ ដោយសារអនុស្សាវរីយ៍ទាំងអស់នេះ បានធ្វើឲ្យលោកមានការសោកស្ដាយចំពោះមរណភាពលោក Pele ដ្បិតលោកបានរៀនធ្វើតាមបុរសជនជាតិប្រេស៊ីលរូបនេះជាច្រើន ទាំងចង្វាក់លេង និងបណ្ដើរបាល់។ យ៉ាងណាក្ដីលោក ប៉ែន ផាត បានជូនពរឲ្យវិញ្ញាណក្ខន្ធរបស់លោក Pele បានទៅកាន់ស្ងប់សុខ ហើយប្រជាជនលើពិភពលោកនឹងចងចាំនូវស្នាដៃ និងវីរភាពរបស់លោកក្នុងវិស័យកីឡាមួយនេះ។សូមរំលឹកថា ព្រឹទ្ធាចារ្យ ប៉ែន ផាត គឺជាអតីតកីឡាករបាល់ទាត់ជម្រើសជាតិកម្ពុជា កំឡុងទសវត្សរ៍ទី៦០ និង ៧០។ ហើយកាលដែលលោកមានឱកាសលេងផ្ទាល់ជាមួយ Pele ស្របពេលលោកប្រកបអាជីពនៅថៃជាមួយក្លិប Rajpracha FC។ បន្ទាប់មកក៏មានការរៀបចំជំនួបមិត្តភាពអន្ដរជាតិកាលពីឆ្នាំ១៩៧២ រវាងក្រុម All Stars ថៃ និងក្លិប Santos របស់លោក Pele នៅទីក្រុងបាងកក ក្នុងនោះក៏មានវត្តមានវីរបុរសបាល់ទាត់កម្ពុជាលោក ប៉ែន ផាត ផងដែរ ទើបធ្វើឲ្យលោកទទួលបានឱកាសលេងជាមួយ Pele និងបន្សល់នូវអនុស្សាវរីយ៍ជាច្រើនក្នុងអាជីពរបស់លោក មុនចូលនិវត្តន៍៕ អត្ថបទ៖ លី ឈុនឡា

AFF៖ កម្ពុជាបានត្រឹមឈរលេខ៣ ក្នុងពូល A ក្រោយចាញ់ថៃ ៣-១

បាល់ទាត់៖ ក្រុមជម្រើសជាតិកម្ពុជាបានបញ្ចប់យុទ្ធនាការប្រកួតបាល់ទាត់ជើងឯកអាស៊ីអាគ្នេយ៍ AFF Mitsubishi Electric Cup 2022 ហើយ ដោយបានឈរត្រឹមចំណាត់ថ្នាក់លេខ៣ ក្នុងពូល A ក្រោយរងបរាជ័យក្រោមថ្វីជើងក្រុមជម្រើសជាតិថៃក្នុងលទ្ធផល ៣-១ នៅកីឡដ្ឋាន Thammasat កាលពីយប់មិញ។ សម្រាប់ជំនួបបញ្ចប់ពូល A លើទឹកដីថៃនេះ ក្រុមម្ចាស់ផ្ទះមានឱកាសរកបានគ្រាប់បាល់នាំមុខ ១គ្រាប់មុននៅចុងវគ្គទី១ ដែលធ្វើសម្រេចដោយការទាត់បាល់ពិន័យ ១១ម៉ែត្ររបស់ខ្សែប្រយុទ្ធ Teerasil Dangda នៅនាទី៤៥+២ ក្រោយអាជ្ញាកណ្ដាលកីឡាករ យ៉ើ មូស្លីម ដែលបង្កកំហុសក្នុងប្រអប់គ្រោះថ្នាក់។ ចូលវគ្គទី២ បន្ទាប់ពីអាជ្ញាកណ្ដាលផ្លុំកញ្ចែបញ្ជាការប្រកួតបាន ៥នាទី ថៃក៏បានបន្ថែមគ្រាប់ទី២ ដោយកីឡាករ Sumanya Purisai នៅនាទី៥០។ យ៉ាងណាក្ដីក្រុមគោព្រៃកម្ពុជានៅតែព្យាយាមទប់ និងវាយបកជាមួយការបង្កើតឱកាសមួយចំនួន ជាក់ស្ដែងកីឡាករ សៀង ចន្ធា បានស៊ុតបញ្ចប់ទីគ្រាប់បាល់វាយបក ១គ្រាប់ឲ្យកម្ពុជាវិញ ក្រោយការញាក់ និងបញ្ជូនដ៏ល្អពីមិត្តរួមក្រុម សារ ទី នៅនាទី៦៨ មុនកីឡាករ Teerasil Dangda បន្ថែមគ្រាប់ទី៣ ឲ្យថៃនៅនាទី៩០ ហើយបានរក្សាដល់ចប់ការប្រកួតតែម្ដង។ ជាមួយលទ្ធផលនេះដែរបានធ្វើឲ្យក្រុមជម្រើសជាតិកម្ពុជា បញ្ចប់បេសកកម្មក្នុងពានរង្វាន់ប្រចាំតំបន់នេះត្រឹមឈរចំណាត់ថ្នាក់លេខ៣ ក្នុងពូល A ដោយរកបាន ៦ពិន្ទុជាមួយលទ្ធផល ៤ប្រកួតឈ្នះ ២ និងចាញ់ ២ ស្របពេលក្រុមជើងឯក ៦សម័យថៃ និងក្រុមជើងឯករង ៦សម័យឥណ្ឌូនេស៊ីបានដឹកដៃគ្នាឡើងវគ្គពាក់កណ្ដាលផ្ដាច់ព្រ័ត្រ ក្រោយរកបាន ១០ពិន្ទុស្មើគ្នា ខណៈប្រកួតចុងក្រោយរបស់ឥណ្ឌូនេស៊ីគឺបានយកឈ្នះហ្វីលីពីន ២-១ ដំណាលគ្នាកាលពីយប់មិញ៕ អត្ថបទ៖ លី ឈុនឡា

Club Brugge តែងតាំងអតីតគ្រូបង្វឹក Bournemouth, Scott Parker ជាគ្រូបង្វឹកថ្មី

បាល់ទាត់៖ ក្លិបប៊ែលហ្ស៊ិក Club Brugge បានប្រកាសតែងតាំងគ្រូបង្វឹកថ្មីលោក Scott Parker ដែលធ្លាប់ដឹកនាំក្លិបអង់គ្លេស Bournemouth។ Scott Parker អតីតកីឡាករជម្រើសជាតិអង់គ្លេសត្រូវបានបណ្តេញចេញពីតំណែង Bournemouth កាលពីថ្ងៃសីហា ប៉ុន្មានខែបន្ទាប់ពីដឹកនាំក្រុមឡើងមកកាន់ English Premier League។ មុនដឹកនាំ Bournemouth លោក Parker ក៏ធ្លាប់ដឹកនាំ Fulham ផងដែរ។ Scott Parker មកដល់ Club Brugge បន្តតំណែងពីលោក Carl Hoefkens ដែលត្រូវបានដកតំណែងកាលពីសប្តាហ៍មុន ទោះបីបានដឹកនាំក្រុមឡើងវគ្គ ១៦ក្រុមចុងក្រោយ UEFA Champions League ជាលើកដំបូងក្នុងប្រវត្តិសាស្ត្រក្លិបក៏ដោយ។ ការសំរេចបណ្តេញលោក Carl Hoefkens ចេញពីតំណែងត្រូវបានប្រកាសដោយក្លិបប៊ែលហ្ស៊ិកមួយនេះ បន្ទាប់ពីទំរង់លេងធ្លាក់ចុះខ្លាំងនៅលីគក្នុងស្រុក បូករួមទាំងបរាជ័យចុងក្រោយ ៤-១ ក្នុងផ្ទះខ្លួនឯងក្រោមស្នាដៃ St. Truiden នៅពានរង្វាន់ប៊ែលហ្ស៊ិកខាប់សប្តាហ៍មុន និងស្មើគ្នា ១-១ ក្នុងដីខ្លួនឯងទល់នឹង OH Leuven ក្នុងលីគកាលពីថ្ងៃអង្គារ។លោក Carl Hoefkens បានដឹកនាំ Club Brugge ឈ្នះ ៣ប្រកួតដំបូងក្នុងពូលនៅ UCL និងកក់កៅអីវគ្គ ១៦ក្រុមមុនគេមុនឯង មុនពេលដែលបញ្ចប់ការប្រកួតក្នុងពូលជាក្រុមលេខ២ នៅពីក្រោម Porto ទំលាក់ Leverkusen និង Atletico Madrid។ ការងាររបស់លោក Scott Parker គឺដឹកនាំ Club Brugge ទៅទឹកដី Genk នៅថ្ងៃទី៨ ខែមករាខាងមុខនេះ ហើយត្រូវជួប Benfica នៅខែកុម្ភៈវគ្គ ១៦ក្រុមចុងក្រោយ UCL៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

អ្នកវិភាគ៖ កិច្ចព្រមព្រៀងណាមួយលុះត្រាតែអ៊ីរ៉ង់ប្រកាសជាផ្លូវការថាខ្លួននឹងបញ្ឈប់ការវាយប្រហារលើនាវាស៊ីវិលអព្យាក្រឹត

លោក Netanyahu៖ អ៊ីស្រាអែលមិនយល់ស្របផែនការរបស់ក្រុមប្រឹក្សាសន្តិភាពក្នុងការរំសាយអាវុធក្រុមហាម៉ាសទេ

គិតត្រឹមសប្តាហ៍ទី៣០ ក្នុងឆ្នាំ២០២៦ ជំងឺគ្រុនឈាមនៅទូទាំងប្រទេស កើតមាន ៤០,៩១៥ករណី និងបណ្តាលឱ្យមានអ្នកស្លាប់ ៥៨នាក់

កាកបាទក្រហមជំរុញឲ្យមានជំនួយអន្តរជាតិកាន់តែច្រើន ខណៈវិបត្តិស៊ូដង់កាន់តែធ្ងន់ធ្ងរ

អាមេរិក សំឡឹងមើលកិច្ចព្រមព្រៀងច្រកសមុទ្រ Hormuz នៅថ្ងៃនេះ ឬថ្ងៃស្អែកខណៈនាវាលិចនៅសមុទ្រក្រហម

កាតានិយាយថា ក្រុមអ្នកសម្របសម្រួលបង្កើតវឌ្ឍនភាពក្នុងកិច្ចខិតខំប្រឹងប្រែងដើម្បីបញ្ចប់សង្គ្រាមអាមេរិក-អ៊ីរ៉ង់

ប្រធានសហភាពអឺរ៉ុបរិះគន់ផែនការអន្តោប្រវេសន៍របស់អេស្ប៉ាញបន្ទាប់ពីកិច្ចប្រជុំស្ដីពីវិបត្តិតំបន់សេអ៊ូតា

តម្លៃប្រេងធ្លាក់ចុះ ភាគហ៊ុនឈានដល់កំណត់ត្រាខ្ពស់ថ្មីជុំវិញក្តីសង្ឃឹមនៃការបើកច្រកសមុទ្រ Hormuz

ផ្លូវជនបទស្ថិតក្រោមក្របខណ្ឌក្រសួងអភិវឌ្ឍន៍ជនបទ កំពុងលើកកម្ពស់ដល់ការរស់នៅប្រជាពលរដ្ឋ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ជើងចាស់ Venus Williams ចាប់ផ្តើមរដូវកាលទី៣០ នៃអាជីពជាមួយជ័យជំនះ

Nadal ចាញ់ការប្រកួតទី៦ នៃ ៧ប្រកួតចុងក្រោយមុនចូលរួម Australian Open

Brighton សង្ឃឹមអាចរក្សាខ្សែបម្រើជើងឯកពិភពលោក Mac Allister មិនឲ្យចាកចេញក្នុងខែមករានេះ

Romelu Lukaku សង្ឃឹមបន្តស្នាក់នៅជាមួយ Inter Milan មិនត្រលប់ទៅ Chelsea វិញ

គិតត្រឹមពេលនេះមានអ្នកចុះឈ្មោះប្រណាំងរថយន្តសន្តិភាពជិត ១០០នាក់ហើយ

ប្រធាន FIFA គ្រោងស្នើឱ្យគ្រប់ប្រទេសទាំង ២១១ ដាក់ឈ្មោះកីឡដ្ឋានតាមវីរបុរសបាល់ទាត់ប្រេស៊ីល Pele

ឆ្នាំ២០២២ វិស័យកីឡាជាតិបានបង្ហាញភាពលេចត្រដែត ទាំងលើឆាកជាតិ និងអន្ដរជាតិ

ព្រឹទ្ធាចារ្យបាល់ទាត់កម្ពុជាសោកស្ដាយ និងរំលឹកអនុស្សាវរីយ៍ជាមួយ Pele

AFF៖ កម្ពុជាបានត្រឹមឈរលេខ៣ ក្នុងពូល A ក្រោយចាញ់ថៃ ៣-១

Club Brugge តែងតាំងអតីតគ្រូបង្វឹក Bournemouth, Scott Parker ជាគ្រូបង្វឹកថ្មី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ជើងចាស់ Venus Williams ចាប់ផ្តើម​រដូវ​កាល​ទី​៣០ នៃ​អាជីព​ជាមួយ​ជ័យជំនះ​

Nadal ចាញ់​ការប្រកួត​ទី៦ នៃ ៧ប្រកួត​ចុងក្រោយ​មុន​ចូលរួម Australian Open

Brighton សង្ឃឹម​អាច​រក្សា​ខ្សែបម្រើ​ជើងឯក​ពិភពលោក Mac Allister មិនឲ្យចាកចេញ​ក្នុង​ខែមករា​នេះ

Romelu Lukaku សង្ឃឹម​បន្ត​ស្នាក់នៅ​ជាមួយ Inter Milan មិន​ត្រលប់​ទៅ Chelsea វិញ

គិត​ត្រឹម​ពេលនេះ​មាន​អ្នក​ចុះឈ្មោះ​ប្រណាំង​រថយន្ត​សន្តិភាព​ជិត ១០០​នាក់​ហើយ​

ប្រធាន FIFA គ្រោង​ស្នើឱ្យ​គ្រប់​ប្រទេស​ទាំង ២១១ ដាក់ឈ្មោះ​កីឡដ្ឋាន​តាម​វីរបុរស​បាល់ទាត់​ប្រេ​ស៊ី​ល Pele

ឆ្នាំ​២០២២ វិស័យ​កីឡា​ជាតិ​បាន​បង្ហាញ​ភាព​លេច​ត្រដែត ទាំង​លើ​ឆាក​ជាតិ និង​អន្ដរជាតិ​

ព្រឹទ្ធាចារ្យ​បាល់ទាត់​កម្ពុជា​សោកស្ដាយ និង​រំលឹក​អនុស្សាវរីយ៍​ជាមួយ​ Pele

AFF៖ កម្ពុជា​បាន​ត្រឹម​ឈរ​លេខ​៣ ក្នុង​ពូ​ល​ A ​ក្រោយ​ចាញ់​ថៃ ៣-១

Club Brugge តែងតាំង​អតីត​គ្រូបង្វឹក Bournemouth, Scott Parker ជា​គ្រូបង្វឹក​ថ្មី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ជើងចាស់ Venus Williams ចាប់ផ្តើមរដូវកាលទី៣០ នៃអាជីពជាមួយជ័យជំនះ

Nadal ចាញ់ការប្រកួតទី៦ នៃ ៧ប្រកួតចុងក្រោយមុនចូលរួម Australian Open

Brighton សង្ឃឹមអាចរក្សាខ្សែបម្រើជើងឯកពិភពលោក Mac Allister មិនឲ្យចាកចេញក្នុងខែមករានេះ

Romelu Lukaku សង្ឃឹមបន្តស្នាក់នៅជាមួយ Inter Milan មិនត្រលប់ទៅ Chelsea វិញ

គិតត្រឹមពេលនេះមានអ្នកចុះឈ្មោះប្រណាំងរថយន្តសន្តិភាពជិត ១០០នាក់ហើយ

ប្រធាន FIFA គ្រោងស្នើឱ្យគ្រប់ប្រទេសទាំង ២១១ ដាក់ឈ្មោះកីឡដ្ឋានតាមវីរបុរសបាល់ទាត់ប្រេស៊ីល Pele

ឆ្នាំ២០២២ វិស័យកីឡាជាតិបានបង្ហាញភាពលេចត្រដែត ទាំងលើឆាកជាតិ និងអន្ដរជាតិ

ព្រឹទ្ធាចារ្យបាល់ទាត់កម្ពុជាសោកស្ដាយ និងរំលឹកអនុស្សាវរីយ៍ជាមួយ Pele

AFF៖ កម្ពុជាបានត្រឹមឈរលេខ៣ ក្នុងពូល A ក្រោយចាញ់ថៃ ៣-១

Club Brugge តែងតាំងអតីតគ្រូបង្វឹក Bournemouth, Scott Parker ជាគ្រូបង្វឹកថ្មី