BTV NEWS

ពេជ្រ សម្បត្តិ និងឡៅ ចិត្រា ឡើងសង្វៀនកម្មវិធីពិសេសប្រចាំឆ្នាំរបស់គូបូតា ក្នុងថ្ងៃតែមួយ ថ្ងៃសុក្រនេះ

កម្ពុជាទទួលបានការគាំទ្រឱ្យធ្វើជាម្ចាស់ផ្ទះកីឡាតេក្វាន់ដូអាយ-ធីអែហ្វជើងឯកអាស៊ី២០២៨

មន្ដ្រីកីឡាជាន់ខ្ពស់ខេត្តយូណាន សរសើរ និងរៀនសូត្រពីភាពអស្ចារ្យព្រឹត្ដិការណ៍ម៉ារ៉ាតុងចក្រភពអង្គរ

ធារី ចន្ថាប៊ីន ចាត់ទុកពាន CJ Summer League ជាវេទិកាសម្រាប់អភិវឌ្ឍយុវជន

ព័ត៌មានកីឡា

Newcastle កោះហៅអ្នកចាំទី Dubravka ដែល Manchester United ខ្ចីត្រលប់មកវិញ

បាល់ទាត់៖ ក្រុមសារិកាព្រៃ Newcastle បានកោះហៅអ្នកចាំទី Martin Dubravka ដែល Manchester United ខ្ចីជើងត្រលប់មកវិញ។ អ្នកចាំទីជម្រើសជាតិស្លូវ៉ាគីរូបនេះបានផ្លាស់ទៅកាន់ទឹកដី Old Trafford កាលពីខែកញ្ញាក្នុងកិច្ចសន្យាខ្ចីជើងពេញមួយរដូវកាល អមដោយលក្ខខណ្ឌទិញផ្តាច់។ តែកីឡាករវ័យ ៣៣ឆ្នាំរូបនេះបង្ហាញខ្លួនបានត្រឹម ២ប្រកួតប៉ុណ្ណោះក្រោមការដឹកនាំរបស់លោក Erik ten Hag ហើយពីរប្រកួតនោះសុទ្ធតែនៅពាន Carabao Cup។ Martin Dubravka បានផ្លាស់ទៅកាន់ Newcastle កាលពីឆ្នាំ២០១៨ បង្ហាញខ្លួនសរុប ១៣០ប្រកួតបិទសំណាញ់ទីបាន ៣៧លើកនៅ English Premier League។ Newcastle កំពុងឈរលេខ៣ នៅ Premier League ៩ពិន្ទុតាមពីក្រោយក្រុមកំពូលតារាង Arsenal៕អត្ថបទ៖នាង សុភាវុធ

Vinicius Jr រិះគន់ La Liga ថា ចាត់ការរឿងរើសអើងជាតិសាសន៍មិនចេញ

បាល់ទាត់៖ ខ្សែប្រយុទ្ធប្រេស៊ីលរបស់ Real Madrid, Vinicius Jr ចុងសប្តាហ៍កន្លងទៅបាននិយាយរិះគន់លីគបាល់ទាត់អេស្ប៉ាញ La Liga ថា ធ្វើមិនចេញរឿងរើសអើងជាតិសាសន៍ បន្ទាប់ពីមានវីដេអូឃ្លីបនៅលើបណ្តាញសង្គមបង្ហាញពីការរើសអើស របស់អ្នកគាំទ្រមកលើខ្លួនអំឡុងការប្រកួត។ La Liga ក្រោយមកបានចេញថ្លែងការថ្កោលទោសទង្វើអសីលធម៌ទាំងនេះ តែមិនមានចំណាត់ការអ្វីលើសពីនេះ ដែលធ្វើឱ្យកីឡាករវ័យ ២២ឆ្នាំប្រេស៊ីលមិនសប្បាយចិត្ត។ Vinicius Junior ត្រូវបានគេឃើញទទួលការរើសអើងអំឡុងការប្រកួតនៅទឹកដី Real Valladolid កាលពីចុងសប្តាហ៍កន្លងទៅ នៅពេលដើរចេញពីទីលានការប្រកួតដែល Real Madrid យកឈ្នះ ២-០។ មិនមែនជាលើកដំបូងឡើយ ដែលមានការរើសអើងពីសំណាក់អ្នកគាំទ្រមកកាន់កីឡាករប្រេស៊ីលរូបនេះ ពោលគឺកាលពីខែកញ្ញាអ្នកគាំទ្រ Atletico Madrid មួយចំនួនបានបង្ហោះវីដេអូរើសអើងចំៗមកលើរូបគេនៅខាងក្រៅកីឡដ្ឋាន Wanda Metropolitano មុនការប្រកួតទល់នឹងម្ចាស់ផ្ទះ Atletico Madrid៕អត្ថបទ៖នាង សុភាវុធ

Luis Suarez សម្រេចផ្លាស់ទៅកាន់ក្លិបប្រេស៊ីល Gremio

បាល់ទាត់៖ ខ្សែប្រយុទ្ធជើងចាស់អ៊ុយរូហ្កាយ Luis Suarez បានសម្រេចផ្លាស់ទៅកាន់ក្លិបប្រេស៊ីល Gremio ដោយគ្មានតម្លៃផ្ទេរ ខណៈទទួលបានកិច្ចសន្យា ២ឆ្នាំ។ Suarez បានលាក្លិបដែលខ្លួនចាប់ផ្តើមអាជីព Nacional កាលពីខែតុលា បន្ទាប់ពីចំណាយពេលនៅក្លិបក្នុងស្រុកកំណើត ៣ខែស៊ុតបញ្ចូលទីបាន ៨គ្រាប់ក្នុងការបង្ហាញខ្លួន ១៦ ឈ្នះជើងឯកលីគកំពូលអ៊ុយរូហ្កាយមុនចាកចេញ។ កីឡាករវ័យ ៣៥ឆ្នាំរូបនេះបានចំណាយពេលដ៏ជោគជ័យក្នុងអាជីពរបស់ខ្លួននៅអឺរ៉ុប ជាមួយក្លិបហូឡង់ Ajax Amsterdam, នៅអង់គ្លេសជាមួយ Liverpool និងនៅអេស្ប៉ាញជាមួយ Barcelona និង Atletico Madrid។ Luis Suarez មុននេះបានចំណាយពេលវិស្សមកាលរបស់ខ្លួននៅទឹកដីអាហ្សង់ទីនក្នុងទីក្រុង Rosario ជាមួយ Lionel Messi ដែលទើបឈ្នះជើងឯក World Cup ជាមួយក្រុមជម្រើសជាតិអាហ្សង់ទីន។ Gremio នឹងចាប់ផ្តើមរដូវកាល ២០២៣ ដោយនឹងត្រូវជួបជាមួយ Sao Luiz នៅថ្ងៃទី១៧ ខែមករាពានរង្វាន់ Recopa Gaucha Super Cup៕អត្ថបទ៖នាង សុភាវុធ

PSG ចាញ់ក្នុងលីគលើកដំបូងរាប់តាំងពីខែមីនា

បាល់ទាត់៖ ក្រុមបាល់ទាត់បារាំង Paris Saint Germain បានស្គាល់បរាជ័យជាលើកដំបូងនៅក្នុងលីគរាប់តាំងពីខែមីនា ឆ្នាំ២០២២ ក្រោយចាញ់ក្រុមកំពុងមានទម្រង់លេងល្អ RC Lens ៣-១។ ក្រុមលេខ២ RC Lens ចាញ់តែមួយប្រកួតប៉ុណ្ណោះក្នុងចំណោម ១៧ប្រកួតរដូវកាលនេះ ហើយនៅពេលនេះតាមពីក្រោយ PSG តែ ៤ពិន្ទុប៉ុណ្ណោះ។ ក្រុមម្ចាស់ផ្ទះ Lens បើកការនាំមុខតាំងពីនាទីទី៥ ដោយ Frankowski តែ PSG តាមស្មើវិញ ៣នាទីបន្ទាប់ដោយ Hugo Ekitike។ PSG មិនមានវត្តមានខ្សែប្រយុទ្ធប្រេស៊ីល Neymar ឡើយដោយសារជាប់ពិន័យកាតក្រហមប្រកួតមុន ខណៈដែល Lionel Messi នៅបន្តសម្រាកក្រោយចប់ World Cup។ Lens បានបើកការនាំមុខសាជាថ្មីនៅនាទីទី២៨ ដោយ Lois Openda មុនពេលដែល Alexis Claude-Maurice ជាអ្នកធានាជ័យជំនះឱ្យ Lens យកឈ្នះ PSG ៣-១។ Lens ស្មើការប្រកួតទល់នឹង Nice សប្តាហ៍មុនក្រោយ World Cup តែមុន World Cup ក្រុមរបស់លោក Franck Haise ឈ្នះ ៦ ក្នុងចំណោម ៨ប្រកួតចុងក្រោយក្នុងលីគ និងឈ្នះរាល់ការប្រកួតក្នុងផ្ទះរបស់ខ្លួន ៩ប្រកួត។ ចំណែក PSG ចាញ់ប្រកួតដំបូងបំផុតតាំងពីខែមីនា ឆ្នាំ២០២២ ក្រោមស្នាដៃ Monaco ៣-០៕អត្ថបទ៖នាង សុភាវុធ

ឯកឧត្តម ថោង ខុន ជំរុញយុទ្ធនាការកម្ពុជាស្អាត ដើម្បីត្រៀមស្វាគមន៍ស៊ីហ្គេមឆ្នាំ២០២៣

ស៊ីហ្គេម៖ ឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រៃយ៍នៃគណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) បានជំរុញឲ្យថ្នាក់ដឹកនាំ ប្រជាពលរដ្ឋ និងយុវជនគ្រប់ស្រទាប់វណ្ណៈចូលរួមយុទ្ធនាការ “កម្ពុជាស្អាត” ទាំងអស់គ្នា ដើម្បីត្រៀមស្វាគមន៍ព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេមឆ្នាំ២០២៣។ ការជំរុញនេះ បន្ទាប់ពីគណៈកម្មាធិការជាតិ CAMSOC បានរៀបចំយុទ្ធនាការមួយ ដើម្បីសម្អាតក្នុងបរិវេណពហុកីឡដ្ឋានជាតិមរតកតេជោគឺយុទ្ធនាការ “ទីលានកីឡាស្អាត និងបៃតង” នៅថ្ងៃចុងក្រោយនៃឆ្នាំ២០២២ មុនផ្លាស់ប្ដូរឆ្នាំថ្មី ឆ្នាំ២០២៣ ដែលជាឆ្នាំប្រវត្តិសាស្ដ្រសម្រាប់កម្ពុជា ត្រៀមទទួលធ្វើម្ចាស់ផ្ទះព្រឹត្តិការណ៍កីឡាប្រចាំតំបន់លើកដំបូង ដែលនៅសល់រយៈពេល ១២៣ថ្ងៃទៀតប៉ុណ្ណោះ។ ឯកឧត្តមរដ្ឋមន្ដ្រីមានប្រសាសន៍ថា ការរៀបចំយុទ្ធនាការនេះ ស្របពេលទៅនឹងយុទ្ធនាការទាំង ៤ ដែល CAMSOC បានដាក់ចេញរួមមាន៖ យុទ្ធនាការកម្ពុជាស្អាត, ប្រជាជនម្នាក់លេងកីឡាមួយមុខ, កីឡារស់ក្នុងសន្ដិភាព និងយុទ្ធនាការកាត់បន្ថយគ្រោះថ្នាក់ចរាចរណ៍ កាត់បន្ថយឥទ្ធិពលគ្រឿងញៀន ដើម្បីជំរុញការត្រៀមលក្ខណៈទទួលធ្វើម្ចាស់ផ្ទះស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ឲ្យទទួលបានជោគជ័យត្រចះត្រង់ប្រកបដោយឧត្តមភាពតាមផែនការមេ។ឯកឧត្តមបណ្ឌិត ថោង ខុន បញ្ជាក់ថា ការរៀបចំព្រឹត្តិការណ៍កីឡាដ៏ធំនេះគឺជាឱកាសមួយ សម្រាប់កម្ពុជាក្នុងនាមម្ចាស់ផ្ទះ ធ្វើយ៉ាងណាឲ្យស័ក្ខិសមនឹងអ្វីដែលជាការទុកចិត្ត ការជឿជាក់របស់ភ្ញៀវ ក៏ដូចជាការជឿជាក់នៃសាធារណមតិរបស់ប្រជាពលរដ្ឋ។ ហើយរាល់ការដាក់ចេញនូវយុទ្ធនាការទាំងអស់ត្រូវបានដឹងលឺ និងសាទរពីគណៈកម្មាធិការអូឡាំពិកអន្ដរជាតិ ក៏ដូចជាក្រុមប្រឹក្សាកីឡាអូឡាំពិកអាស៊ី ដែលជាកម្លាំងដ៏ធំណាស់សម្រាប់គ្រប់ប្រតិភូកីឡាដែលនឹងមកចូលរួម ដោយគ្មានការព្រួយបារម្ភអ្វីឡើយ។ យ៉ាងណាក្ដីយុទ្ធនាការនេះមិនមែនធ្វើតែមួយថ្ងៃនោះទេគឺធ្វើជាយូរមកហើយ តែចំពោះមុខស្របពេលកម្ពុជាដល់ពេលត្រឹមតែជាង ១២០ថ្ងៃនេះ ប្រជាពលរដ្ឋគ្រប់ស្រទាប់វណ្ណៈត្រូវរួមគ្នាធ្វើយ៉ាងម៉េច ជំរុញយុទ្ធនាការនេះឲ្យបានខ្លាំងថែមទៀត ព្រោះភាពស្អាតគឺជាភាពទាក់ទាញមួយ មិនត្រឹមតែផ្ដល់នូវសុខភាពនោះទេ តែក្នុងជ្រុងនៃទេសចរណ៍ ភាពស្អាតគឺមានភាពទាក់ទាញណាស់។ ដូច្នេះបើសិនមានភាពស្អាត មានគ្រប់ទីកន្លែង វានឹងបង្កើតភាពទាក់ទាញ អ្នកណាក៏ចង់មកលេងកម្ពុជា ហើយក្នុងនាមម្ចាស់ផ្ទះ ប្រជាពលរដ្ឋគ្រប់រូបក៏មានមោទនភាពសម្រាប់ខ្លួនឯង និងប្រទេសជាតិផងដែរ។តាមរយៈនេះ អនុប្រធានអចិន្ដ្រៃយ៍ CAMSOC ដដែលសង្ឃឹមថា ប្រជាពលរដ្ឋគ្រប់រូបនេះនឹងចូលរួមជាមួយយុទ្ធនាការទាំងអស់នេះឲ្យបានគ្រប់គ្នា និងគ្រប់ទីកន្លែង ដើម្បីកម្ពុជាស្អាត និងកិត្តិយសជាតិ ឲ្យស័ក្ដិសមនឹងការយកចិត្តទុកដាក់របស់រាជរដ្ឋាភិបាល និងការជឿជាក់ទុកចិត្តរបស់អន្ដរជាតិ ពិសេសដើម្បីទទួលបានជោគជ័យក្នុងព្រឹត្តិការណ៍ជាប្រវត្តិសាស្ដ្រស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ដែលកម្ពុជារង់ចាំអស់រយៈពេល ៦៤ឆ្នាំទាំងអស់គ្នា៕ អត្ថបទ៖ លី ឈុនឡា

AFF៖ កម្ពុជានឹងព្យាយាមបង្កើតអ្វីមួយក្នុងជំនួបជាមួយម្ចាស់ផ្ទះថៃយប់នេះ

បាល់ទាត់៖ ក្រុមជម្រើសជាតិកម្ពុជានឹងត្រូវប្រកួតបញ្ចប់ពូល A នៃពានរង្វាន់បាល់ទាត់ជើងឯកអាស៊ីអាគ្នេយ៍ AFF Mitsubishi Electric Cup 2022 ដោយត្រូវជួបក្រុមម្ចាស់ផ្ទះថៃនាវេលាម៉ោង ៧៖៣០នាទីយប់នេះនៅកីឡដ្ឋាន Thammasat ។ ថ្លែងក្នុងសន្និសីទសារព័ត៌មានមុនការប្រកួត គ្រូបង្វឹកក្រុមទាំងពីរសុទ្ធតែបានចាត់ទុកការប្រកួតនេះគឺជាជំនួបដ៏សំខាន់ ដើម្បីប្រជែងកៅអីវគ្គពាក់កណ្ដាលផ្ដាច់ព្រ័ត្រនៃព្រឹត្តិការណ៍ប្រចាំតំបន់នេះ ស្របពេលលោក Ryu Hirose គ្រូបង្វឹកក្រុមគោព្រៃកម្ពុជាថា នឹងព្យាយាមបង្កើតអ្វីមួយក្នុងជំនួបដ៏ធំនេះ។ គ្រូបង្វឹកជនជាតិជប៉ុនរូបនេះបានទទួលស្គាល់ថា បើក្រឡេកមើលតារាងចំណាត់ថ្នាក់ពិភពលោក ឬ FIFA Ranking ក៏ដូចជាបទពិសោធន៍កន្លងមក គឺក្រុមជម្រើសជាតិថៃធ្វើបានល្អជាងកម្ពុជា។ តែយ៉ាងណាលោកថា វានឹងក្លាយជាការប្រកួតមួយដ៏សំខាន់សម្រាប់ក្រុមទាំងពីរ។ អ្វីដែលពិសេសលោក Ryu Hirose បានសង្កត់ធ្ងន់ថា លោកមិនចង់ឲ្យគ្រប់គ្នាគិតថា វានឹងជាការប្រកួតដ៏ងាយស្រួលសម្រាប់ក្រុមឡើយ ស្របពេលក្រុមគោព្រៃប្ដេជ្ញានឹងព្យាយាមធ្វើឲ្យមួយឲ្យកើតឡើង ក្នុងការប្រកួតដ៏សំខាន់នេះ។ ចំណែកលោក Alexandre Polking គ្រូបង្វឹកក្រុមដំរីសឹកថៃវិញបានលើកឡើងថា ទោះបីក្រុមទាំងមូលក៏ដូចជាកូនក្រុម បានដាក់គោលដៅឈ្នះក្នុងការប្រកួតដ៏សំខាន់នេះ តែលោកក៏មានក្ដីបារម្ភខ្លះដែរ ដ្បិតក្រោយជួបក្រុមម្ចាស់ផ្ទះឥណ្ឌូនេស៊ី ពួកគេមានពេលហាត់ពេញបានតែ ២ថ្ងៃប៉ុណ្ណោះ។ ដូច្នេះលោកចង់ផ្លាស់ប្ដូរកីឡាករមួយចំនួន ដើម្បីលេងជាមួយកម្ពុជា។ ក្នុងការប្រកួតជាមួយក្រុមម្ចាស់ផ្ទះថៃនេះដែរ សម្រាប់បងប្អូនអ្នកគាំទ្រដែលមានបំណងចង់ចូលរួមទស្សនា និងលើកទឹកចិត្តក្រុមគោព្រៃកម្ពុជាផ្ទាល់ សហព័ន្ធកីឡាបាល់ទាត់កម្ពុជាក៏មានរៀបចំសំបុត្រចូលទស្សនាផងដែរ ដោយគ្រាន់តែ Comment ដើម្បីក្រុមការងារសហព័ន្ធធ្វើការទាក់ទង និងផ្ដល់សំបុត្រចូលទស្សនាដោយឥតគិតថ្លៃតែម្ដង។សូមបញ្ជាក់ថា បច្ចុប្បន្នកម្ពុជាកំពុងឈរលេខ៣ ក្នុងពូល A ដោយមាន ៦ពិន្ទុចាញ់ប្រៀបក្រុមថៃ និងឥណ្ឌូនេស៊ី ១ពិន្ទុ ខណៈក្រុមនីមួយៗនៅសល់ ១ប្រកួតក្នុងដៃដែលត្រូវប្រកួតចុងក្រោយថ្ងៃនេះ។ ដូច្នេះការជួបថៃយប់នេះកម្ពុជាត្រូវការឈ្នះដាច់ខាត ដើម្បីមានឱកាឡើងទៅវគ្គពាក់កណ្ដាលផ្ដាច់ព្រ័ត្រនៃពានរង្វាន់ AFF Mitsubishi Electric Cup 2022។ ការប្រកួតនេះក៏នឹងមានផ្សាយបន្ដផ្ទាល់លើកញ្ចក់ទូរទស្សន៍បាយ័នផងដែរ៕អត្ថបទ៖ លី ឈុនឡា

បាត់ដំណឹងពីការរៀបចំប្រណាំង F1 នៅប្រទេសវៀតណាម

ប្រណាំងរថយន្ត៖ របងបិទជិតពោរពេញដោយកាកសំណល់ប្លាស្ទិក ទីលានប្រណាំង F1 នៅទីក្រុងហាណូយប្រទេសវៀតណាមត្រូវបានគេបោះបង់ចោល ខណៈដែលក្តីសង្ឃឹមចង់រៀបចំ F1 លើកដំបូងនៅកណ្តាលរដ្ឋធានីនៃប្រទេសវៀតណាម ត្រូវរលាយសាបសូន្យបាត់ដំណឹងសូន្យឈឹង។ ទីក្រុងហាណូយគ្រោងនឹងធ្វើជាម្ចាស់ផ្ទះរៀបចំការប្រណាំង F1 ជាលើកដំបូងក្នុងប្រវត្តិសាស្ត្រកាលពីឆ្នាំ២០២០ តែក៏ត្រូវបានលុបចោលវិញដោយសារវិបត្តិនៃជំងឺរាតត្បាតជាសកលកូវីដ-១៩ ហើយតាំងពីពេលនោះមកក៏គេមិនដែលបានដឹងពីដំណឹងនៃការរៀបចំ F1 នៅទៀតឡើយ។ មកទល់ពេលនេះ កន្លែងអង្គុយទស្សនាជុំវិញទីលានត្រូវបានគេយកចេញ ហើយក៏មានសំរាមខ្លះដែលចោលដោយមនុស្សដែលចូលតាមរបងចំហ។ បើតាមគម្រោងទីលាន F1 នៅទីក្រុងហាណូយប្រទេសវៀតណាម គឺត្រូវប្រណាំងនៅលើផ្លូវសាធារណតែម្តង ដែលរួមមានផ្លូវបត់ 22 ចំងាយមួយជុំ 5.565km នឹងក្លាយជាទីលាន F1 លើផ្លូវសាធារណៈទីបួនបន្ទាប់ពីម៉ូណាកូ សិង្ហបុរី និងអាស៊ែបៃសង់។ ការរចនាទីលាននេះធ្វើឡើងដោយលោក Hermann Tilke ដែលនឹងមានផ្លូវត្រង់ 1.5km ដែលនឹងឃើញរថយន្តប្រើល្បឿនអតិបរមាដល់ទៅ 335km/h។ ព្រឹត្តិការណ៍ F1 នៅប្រទេសវៀតណាមនឹងក្លាយជា Grand Prix ទីបីនៅលើទឹកដីអាស៊ីអាគ្នេយ៍បន្ទាប់ពីសិង្ហបុរី និងម៉ាឡេស៊ី៕អត្ថបទ៖នាង សុភាវុធ

បុគ្គលបាល់ទាត់សំខាន់ៗនៅលើពិភពលោកផ្ញើសាររំលែកទុក្ខមរណភាពរបស់លោក Pele

បាល់ទាត់៖ ពិភពលោកបានបាត់បង់បុគ្គលសំខាន់ មនុស្សដែលគេចាត់ទុកថាជាកំពូលកីឡាករបាល់ទាត់គឺលោក Pele ដែលបានទទួលមរណភាពកាលពីយប់មិញនៅក្នុងវ័យ ៨២ឆ្នាំ។ ស្នាដៃរាប់មិនអស់ដែលសាងនៅក្នុងអាជីពរបស់ខ្លួន កិត្តិយសដែលបានផ្តល់ជូនជាតិរបស់ខ្លួន និងស្នាដៃដែលរកអ្នកផ្ទឹមពុំបានលោក Pele ត្រូវបានគេចាត់ទុកថាជាកំពូលកីឡាករបាល់ទាត់ និងជាវីរបុរសបាល់ទាត់នៅក្នុងប្រវត្តិសាស្ត្របាល់ទាត់។ មរណភាពរបស់លោក Pele មិនត្រឹមតែជាការបាត់បង់សមាជិកនៅក្នុងក្រុមគ្រួសាររបស់លោក តែជាការបាត់បង់បុគ្គលសំខាន់របស់ពិភពលោកទាំងមូល។ "យើងក្រឡេកទៅមើលប្រតិកម្មរបស់តារាបាល់ទាត់ល្បីៗនៅលើពិភពលោកវិញ សមាគមបាល់ទាត់ទ្វីបអឺរ៉ុប UEFA បានបង្ហោះសាររំលែកទុក្ខថា “យើងចូលរួមជាមួយអ្នកគាំទ្រជុំវិញពិភពលោកក្នុងការកាន់ទុក្ខ Pele ដែលជាកីឡាករដ៏អស្ចារ្យបំផុតក្នុងប្រវត្តិសាស្ត្របាល់ទាត់ ដែលបានដើរតួនាទីត្រួសត្រាយធ្វើឱ្យកីឡាបាល់ទាត់ក្លាយជាកីឡាដ៏ពេញនិយមបំផុតរបស់ពិភពលោក។" ខ្សែប្រយុទ្ធប្រេស៊ីល Neymar បានបង្ហោះថា លោក Pele បានកែប្រែគ្រប់យ៉ាងមិនត្រឹមតែបាល់ទាត់ លោកបានចាកចេញទៅហើយ តែស្នាដៃដែលបន្សល់ទុក គ្រប់គ្នាមិនអាចបំភ្លេចបានឡើយ។ ខ្សែប្រយុទ្ធព័រទុយហ្កាល់ Cristiano Ronaldo បានបង្ហោះនៅលើ Instagram របស់ខ្លួនថា សូមចូលរួមរំលែកទុក្ខដល់ប្រជាជាតិប្រេស៊ីលទាំងមូល និងក្រុមគ្រួសារ។ ទេពកោសល្យរបស់ Pele បានជំរុញទឹកចិត្តកីឡាករបាល់ទាត់ មនុស្សជុំវិញពិភពលោក។ ចំណែកឯខ្សែប្រយុទ្ធបារាំង Kylian Mbappe ដែលតែងទទួលការកោតសរសើរផ្ទាល់មាត់ពីលោក Pele នោះបានសរសេរថា ស្តេចបាល់ទាត់បានចាកចេញហើយ តែស្នាដៃរបស់គាត់នៅដិតដាមមិនអាចបំភ្លេចបាន។ រីឯនៅប្រទេសប្រេស៊ីលវិញ រដ្ឋាភិបាលប្រេស៊ីលបានប្រកាសពីការកាន់ទុក្ខមរណភាពរបស់លោក Pele រយៈពេល ៣ថ្ងៃផងដែរ៕អត្ថបទ៖នាង សុភាវុធ

ស្នាដៃមិនអាចបំភ្លេចបានរបស់លោក Pele ក្នុងប្រវត្តិសាស្ត្របាល់ទាត់

បាល់ទាត់៖ វីរបុរសប្រេស៊ីលលោក Pele ដែលបានទទួលមរណភាពក្នុងវ័យ ៨២ឆ្នាំកាលពីយប់ថ្ងៃព្រហស្បតិ៍ ត្រូវបានគេចាត់ទុកថាជាកំពូលកីឡាករបាល់ទាត់នៅក្នុងប្រវត្តិសាស្ត្របាល់ទាត់។ លោក Pele បានស៊ុតបញ្ចូលទីសរុប ១២៨១គ្រាប់ក្នុងការបង្ហាញខ្លួន ១៣៦៣ប្រកួតកាន់កំណត់ត្រាពិភពលោក និងឈ្នះពានសំខាន់ៗជាច្រើនក្នុងអាជីព ២១ឆ្នាំជាកីឡាករបាល់ទាត់។ Pele បានចាប់ផ្តើមលេងបាល់ក្នុងក្រុមយុវជន Bauru FC នៅរដ្ឋ Sao Paulo ប្រេស៊ីល មុនពេលផ្លាស់មកកាន់ក្រុមយុវជន Santos ហើយក៏មិនចំណាយពេលយូរដែរក្នុងការឡើងមកលេងក្រុមធំក្នុងវ័យ ១៥ឆ្នាំនៅថ្ងៃទី៧ ខែកញ្ញា ឆ្នាំ១៩៥៦ និងបានស៊ុតបញ្ចូលទីគ្រាប់ដំបូងបំផុតក្នុងអាជីពនៅពេលយកឈ្នះ Corinthians Santo Andre ៧-១។ ជាមួយក្លិបអាជីព Santos លោក Pele បានជួយក្រុមឈ្នះជើងឯក Copa Libertadores ដែលជាពានដូចគ្នានឹង UEFA Champions League នៅអឺរ៉ុបក្នុងឆ្នាំ១៩៦២ និង ១៩៦៣។ ជាមួយគ្នានោះដែរលោក Pele ក៏បានជួយក្រុម Santos ឈ្នះពានលីគកំពូលប្រេស៊ីលសរុប ៦លើក, Intercontinental Cup ២លើក, Intercontinental Supercup ១លើក, Campeonato Paulista ១០លើក និង Torneio Rio-Sao Paulo ៤លើក។ បន្ទាប់ពីចាកចេញពី Santos នៅឆ្នាំ១៩៧៤ លោក Pele ក៏បានសំរេចចិត្តផ្លាស់ទៅក្លិបអាមេរិក New York Cosmos នៅឆ្នាំ១៩៧៥ ហើយក៏បន្តឈ្នះជើងឯក ២លើកទៀតនៅលីគអាមេរិក។ ស្នាដៃដែលមិនអាចបំភ្លេចបាននៅក្នុងប្រវត្តិសាស្ត្របាល់ទាត់របស់លោក Pele នោះគឺលោកបានជួយក្រុមជម្រើសជាតិប្រេស៊ីលឈ្នះពានជើងឯកពិភពលោក ៣លើកនៅឆ្នាំ១៩៥៨ ១៩៦២ និង ១៩៧០។ Edson Arantes do Nascimento ដែលគេស្គាល់ថា Pele បានជួយប្រេស៊ីលឈ្នះជើងឯកបាល់ទាត់ពិភពលោកនៅ ១៩៥៨ នៅប្រទេសស៊ុយអែតនៅក្នុងវ័យ ១៧ឆ្នាំប៉ុណ្ណោះ។ លោកបានស៊ុតបញ្ចូលទី ១គ្រាប់ក្នុងជ័យជំនះលើវែល ១-០ នៅវគ្គ ៨ក្រុមចុងក្រោយ ស៊ុតបញ្ចូលទី ៣គ្រាប់ទល់នឹងបារាំងនៅវគ្គពាក់កណ្តាលផ្តាច់ព្រ័ត្រ និងស៊ុតបញ្ចូលទី ២គ្រាប់ទៀតនៅវគ្គផ្តាច់ព្រ័ត្រក្នុងជ័យជំនះ ៥-២ លើម្ចាស់ផ្ទះស៊ុយអែត។ ឆ្នាំ១៩៦២ ប្រេស៊ីលក្លាយជាប្រទេសដំបូងដែលអាចការពារតំណែងជើងឯកបាល់ទាត់ពិភពលោកបាន ខណៈលោក Pele នៅតែជាសមាជិកសំខាន់ដែលរួមចំណែកឱ្យប្រេស៊ីលឈ្នះជើងឯកនៅពេលនោះ។ ឆ្នាំ១៩៧០ បាល់ទាត់ពិភពលោកនៅប្រទេសម៉ិកស៊ិកលោក Pele បានស៊ុតបញ្ចូលទី ១គ្រាប់ក្នុងជ័យជំនះ ៤-១ លើអ៊ីតាលីនៅវគ្គផ្តាច់ព្រ័ត្រ។ សរុបអាជីពជាមួយក្រុមជម្រើសជាតិពីឆ្នាំ១៩៥៧ ដល់ ១៩៧១ លោក Pele បង្ហាញខ្លួនបាន ៩២លើករកបាន ៧៧គ្រាប់ ក្នុងនោះមាន ១២គ្រាប់នៅក្នុងព្រឹត្តិការណ៍បាល់ទាត់ពិភពលោកសរុប ៤លើកដែលលោកបានចូលរួម។ នេះជាស្នាដៃដែលលោកបានជួយក្លិបអាជីព និងក្រុមជម្រើសជាតិដែលធ្វើឱ្យគ្រប់គ្នាមិនអាចបំភ្លេចបាន ជាពិសេសគឺការឈ្នះជើងឯកបាល់ទាត់ពិភពលោកដល់ទៅ ៣លើក។ ចំណែកស្នាដៃឯកជនរបស់លោក Pele វិញច្រើនរាប់មិនអស់ឡើយ៕អត្ថបទ៖នាង សុភាវុធ

ក្រសួងមហាផ្ទៃដណ្ដើមបានមេដាយច្រើនជាងគេក្នុងជើងឯកប្រដាល់សកលថ្នាក់ជាតិឆ្នាំ២០២២

ប្រដាល់សកល៖ ក្រុមកីឡាប្រដាល់សកលក្រសួងមហាផ្ទៃបានឈ្នះមេដាយច្រើនជាងគេ ក្នុងការប្រកួតជ្រើសរើសជើងឯកថ្នាក់ជាតិឆ្នាំ២០២២ បន្ទាប់ពីដំណើរការប្រកួតអស់រយៈពេល ៤ថ្ងៃកន្លងទៅចាប់ពីថ្ងៃទី២៦ ដល់ថ្ងៃទី២៩ ខែធ្នូ នៅពហុកីឡដ្ឋានជាតិ។ ពិធីបិទការប្រកួតបានធ្វើឡើងក្រោមវត្តមានលោកសាស្ដ្រាចារ្យវេជ្ជបណ្ឌិត ឆឹង យ៉ៅយ៉េន ប្រធានសហព័ន្ធកីឡាប្រដាល់សកលកម្ពុជា។ លោក ប៊ុយ សុភ័ណ្ឌ បានឲ្យដឹងថា ជើងឯកប្រដាល់សកលថ្នាក់ជាតិឆ្នាំនេះមានកីឡាករ-កីឡាការិនីចូលរួមសរុប ៩១នាក់មកពី ១៦សមាគម/ក្លិប រាជធានី-ខេត្ត និងក្រសួងចូលរួម។ ជាលទ្ធផលក្រសួងមហាផ្ទៃឈរកំពូលតារាងមេដាយ ដណ្ដើមបានមេដាយសរុប ៩គ្រឿង (មាស ៣ ប្រាក់ ៤ និងសំរឹទ្ធ ២) គ្រាដែលក្លិបប្រដាល់អារុណរៈខេត្តកណ្ដាលឈរលេខ២ ឈ្នះមេដាយសរុប ៨គ្រឿង (មាស ២ ប្រាក់ ៤ និងសំរឹទ្ធ២)។ ចំណែករាជធានីភ្នំពេញ និងក្រសួងសេដ្ឋកិច្ច និងហិរញ្ញវត្ថុដណ្ដើមបានមេដាយមាស ២គ្រឿងស្មើគ្នាឈរលេខ៣ និងលេខ៤ ខណៈក្លិបសរសីកីឡាឈ្នះមេដាយមាស ១ និងសំរឹទ្ធ ១ ឈរលេខ៥ និងក្រសួងការពារជាតិដណ្ដើមបានមេដាយមាស ១ ឈរលេខ៦ ។ ក្រៅពីនេះក៏មានក្លិបមួយចំនួនទៀតដណ្ដើមបានមេដាយប្រាក់ និងសំរឹទ្ធក្នុងចំណោម ១១វិញ្ញាសាដែលសហព័ន្ធបានរៀបចំក្នុងការប្រកួតប្រចាំឆ្នាំនេះផងដែរ។ អគ្គលេខាធិការសហព័ន្ធដដែលបន្ដថា ឆ្លងកាត់ការប្រកួត ៤ថ្ងៃកន្លងមក សហព័ន្ធបានវាយតម្លៃខ្ពស់ចំពោះសមត្ថភាពរបស់កីឡាករ-កីឡាការិនីចូលរួម ដែលមានការប្រកួតប្រជែងដ៏ស្វិតស្វាញ ស្របតាមយុទ្ធសាស្ដ្រអភិវឌ្ឍន៍ធនធានកីឡាករ-កីឡាការិនី ដើម្បីឈ្ពោះទៅរកភាពជោគជ័យសម្រាប់ការប្រកួតកីឡាស៊ីហ្គេមឆ្នាំ២០២៣ នាពេលដ៏ខ្លីខាងមុខ។ រីឯការបំពេញតួនាទីភារកិច្ចរបស់មន្ដ្រីបច្ចេកទេសអាជ្ញាកណ្ដាល-ចៅក្រមក៏មានលក្ខណៈល្អប្រសើរផងដែរ។ ជាមួយគ្នានោះ ប្រមុខសហព័ន្ធលោកសាស្ដ្រាចារ្យវេជ្ជបណ្ឌិត ឆឹង យ៉ៅយ៉េន បានថ្លែងអំណរគុណក្រសួងអប់រំ យុវជន និងកីឡា ក៏ដូចជាគ្រប់ភាគីពាក់ព័ន្ធដែលតែងគាំទ្រ និងចូលរួមព្រឹត្តិការណ៍ប្រចាំឆ្នាំនេះក្នុងន័យដើម្បីដកស្រង់ វាស់ស្ទង់ និងបង្កើនសមត្ថភាព បច្ចេកទេសរបស់កីឡាករ-កីឡាការិនី ពិសេសក្រុមជម្រើសជាតិឆ្ពោះទៅរកការអភិវឌ្ឍសមត្ថភាពកម្រិតខ្ពស់ និងត្រៀមព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជានាឆ្នាំ២០២៣ ខាងមុខ៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

កោះតៃវ៉ាន់ បានចាប់ផ្តើមល្បែងសង្គ្រាមដ៏ធំបំផុតប្រចាំឆ្នាំ ខណៈសម្ពាធពីប្រទេសចិនកើនឡើង

ប្រទេសស្រីលង្កា បិទសាលារៀនខណៈទឹកជំនន់ និងបំណាក់ដីបណ្តាលឲ្យមនុស្សច្រើននាក់ស្លាប់

កម្ពុជាបើកកិច្ចប្រជុំពិភាក្សា លើវឌ្ឍនភាពនៃការវិនិយោគលើវិស័យផលិតខ្សែភ្លើងក្នុងរថយន្ត

ប្រធាន IDI៖ កម្ពុជានឹងបន្តស្រូបយកការវិនិយោគបន្ថែម ខណៈក្រុមហ៊ុនជាច្រើនកំពុងចាប់អារម្មណ៍ការធ្វើធុរកិច្ចនៅកម្ពុជា

ការចិញ្ចឹមមាន់សាច់នៅកម្ពុជាកំពុងរីកចម្រើន ខណៈផលិតកម្មក្នុងស្រុកអាចបំពេញតម្រូវការទីផ្សារ និងកាត់បន្ថយការពឹងផ្អែកលើការនាំចូល

របាយការណ៍៖ អាមេរិក បានប្រើប្រាស់ស្ទើរតែទាំងអស់នៃមីស៊ីលស៊ីបគោលដៅរយៈចម្ងាយឆ្ងាយរបស់ខ្លួន

អ្នកវិភាគ៖ កិច្ចព្រមព្រៀងណាមួយលុះត្រាតែអ៊ីរ៉ង់ប្រកាសជាផ្លូវការថាខ្លួននឹងបញ្ឈប់ការវាយប្រហារលើនាវាស៊ីវិលអព្យាក្រឹត

លោក Netanyahu៖ អ៊ីស្រាអែលមិនយល់ស្របផែនការរបស់ក្រុមប្រឹក្សាសន្តិភាពក្នុងការរំសាយអាវុធក្រុមហាម៉ាសទេ

គិតត្រឹមសប្តាហ៍ទី៣០ ក្នុងឆ្នាំ២០២៦ ជំងឺគ្រុនឈាមនៅទូទាំងប្រទេស កើតមាន ៤០,៩១៥ករណី និងបណ្តាលឱ្យមានអ្នកស្លាប់ ៥៨នាក់

កាកបាទក្រហមជំរុញឲ្យមានជំនួយអន្តរជាតិកាន់តែច្រើន ខណៈវិបត្តិស៊ូដង់កាន់តែធ្ងន់ធ្ងរ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Newcastle កោះហៅអ្នកចាំទី Dubravka ដែល Manchester United ខ្ចីត្រលប់មកវិញ

Vinicius Jr រិះគន់ La Liga ថា ចាត់ការរឿងរើសអើងជាតិសាសន៍មិនចេញ

Luis Suarez សម្រេចផ្លាស់ទៅកាន់ក្លិបប្រេស៊ីល Gremio

PSG ចាញ់ក្នុងលីគលើកដំបូងរាប់តាំងពីខែមីនា

ឯកឧត្តម ថោង ខុន ជំរុញយុទ្ធនាការកម្ពុជាស្អាត ដើម្បីត្រៀមស្វាគមន៍ស៊ីហ្គេមឆ្នាំ២០២៣

AFF៖ កម្ពុជានឹងព្យាយាមបង្កើតអ្វីមួយក្នុងជំនួបជាមួយម្ចាស់ផ្ទះថៃយប់នេះ

បាត់ដំណឹងពីការរៀបចំប្រណាំង F1 នៅប្រទេសវៀតណាម

បុគ្គលបាល់ទាត់សំខាន់ៗនៅលើពិភពលោកផ្ញើសាររំលែកទុក្ខមរណភាពរបស់លោក Pele

ស្នាដៃមិនអាចបំភ្លេចបានរបស់លោក Pele ក្នុងប្រវត្តិសាស្ត្របាល់ទាត់

ក្រសួងមហាផ្ទៃដណ្ដើមបានមេដាយច្រើនជាងគេក្នុងជើងឯកប្រដាល់សកលថ្នាក់ជាតិឆ្នាំ២០២២

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Newcastle កោះហៅ​អ្នកចាំទី Dubravka ដែល Manchester United ខ្ចី​ត្រលប់​មកវិញ

Vinicius Jr រិះគន់ La Liga ថា ​ចាត់ការ​រឿង​រើសអើង​ជាតិ​សាសន៍​មិន​ចេញ​

Luis Suarez សម្រេច​ផ្លាស់​ទៅកាន់​ក្លិប​ប្រេ​ស៊ី​ល Gremio

PSG ចាញ់​ក្នុង​លី​គ​លើកដំបូង​រាប់​តាំងពី​ខែមីនា​

ឯកឧត្តម ថោង ខុន ជំរុញ​យុទ្ធនាការ​កម្ពុជា​ស្អាត ដើម្បី​ត្រៀម​ស្វាគមន៍​ស៊ី​ហ្គេមឆ្នាំ​២០២៣

AFF៖ កម្ពុជា​នឹង​ព្យាយាម​បង្កើត​អ្វីមួយ​ក្នុង​ជំនួប​ជាមួយ​ម្ចាស់ផ្ទះ​ថៃ​យប់​នេះ​

បាត់​ដំណឹង​ពី​ការរៀបចំ​ប្រណាំង F1 នៅ​ប្រទេស​វៀតណាម​

បុគ្គល​បាល់ទាត់​សំខាន់ៗ​នៅលើ​ពិភពលោក​ផ្ញើ​សារ​រំលែក​ទុក្ខ​មរណភាព​របស់លោក Pele

ស្នាដៃ​មិនអាច​បំភ្លេចបាន​របស់លោក Pele ក្នុង​ប្រវត្តិសាស្ត្រ​បាល់ទាត់

ក្រសួងមហាផ្ទៃ​ដណ្ដើម​បាន​មេដាយ​ច្រើន​ជាង​គេ​ក្នុង​ជើងឯក​ប្រដាល់​សកល​ថ្នាក់​ជាតិ​ឆ្នាំ​២០២២

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Newcastle កោះហៅអ្នកចាំទី Dubravka ដែល Manchester United ខ្ចីត្រលប់មកវិញ

Vinicius Jr រិះគន់ La Liga ថា ចាត់ការរឿងរើសអើងជាតិសាសន៍មិនចេញ

Luis Suarez សម្រេចផ្លាស់ទៅកាន់ក្លិបប្រេស៊ីល Gremio

PSG ចាញ់ក្នុងលីគលើកដំបូងរាប់តាំងពីខែមីនា

ឯកឧត្តម ថោង ខុន ជំរុញយុទ្ធនាការកម្ពុជាស្អាត ដើម្បីត្រៀមស្វាគមន៍ស៊ីហ្គេមឆ្នាំ២០២៣

AFF៖ កម្ពុជានឹងព្យាយាមបង្កើតអ្វីមួយក្នុងជំនួបជាមួយម្ចាស់ផ្ទះថៃយប់នេះ

បាត់ដំណឹងពីការរៀបចំប្រណាំង F1 នៅប្រទេសវៀតណាម

បុគ្គលបាល់ទាត់សំខាន់ៗនៅលើពិភពលោកផ្ញើសាររំលែកទុក្ខមរណភាពរបស់លោក Pele

ស្នាដៃមិនអាចបំភ្លេចបានរបស់លោក Pele ក្នុងប្រវត្តិសាស្ត្របាល់ទាត់

ក្រសួងមហាផ្ទៃដណ្ដើមបានមេដាយច្រើនជាងគេក្នុងជើងឯកប្រដាល់សកលថ្នាក់ជាតិឆ្នាំ២០២២