BTV NEWS

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

កីឡាករ កីឡាការិនីហាប់គីដូកម្ពុជាទៅចូលរួមការប្រកួតនៅហុងកុងភាគច្រើនត្រូវចំណាយថវិការផ្ទាល់ខ្លួន

ព័ត៌មានកីឡា

Gabriel Jesus វះកាត់ជង្គង់រួចរាល់ និងមិនអាចត្រលប់មកជួយប្រេស៊ីលវិញឡើយនៅ World Cup

បាល់ទាត់៖ ខ្សែប្រយុទ្ធក្រុមកាំភ្លើងធំ Arsenal, Gabriel Jesus បានទទួលការវះកាត់ជង្គង់ដោយជោគជ័យហើយ តែនឹងមិនអាចត្រលប់មកជួយក្រុមជម្រើសជាតិប្រេស៊ីលនៅ World Cup វិញបានឡើយ។ កីឡាករវ័យ ២៥ឆ្នាំរូបនេះរួមជាមួយមិត្តរួមក្រុម Alex Telles បានទទួលរងរបួសជង្គង់ដូចគ្នា អំឡុងការប្រកួតចុងក្រោយក្នុងពូលដែលប្រេស៊ីលចាញ់កាមេរូន ១-០។ ការប្រកួតកាលពីថ្ងៃសុក្រនោះគឺជាប្រកួតដំបូងដែល Jesus ចាប់ផ្តើម ១១នាក់ដំបូងនៅ World Cup បន្ទាប់ពីពីរប្រកួតដំបូងបានត្រឹមជាកីឡាករបម្រុងដូរចូល។ ជុំវិញរបួសនេះក្លិបកាំភ្លើងធំ Arsenal មិនបានបញ្ជាក់ថា រយៈពេលដែល Gabriel Jesus ត្រូវសម្រាកឡើយ។Gabriel Jesus រកបានប្រាំគ្រាប់ឱ្យ Arsenal នៅ Premier League រដូវកាលនេះតាំងពីផ្លាស់ពី Manchester City កាលពីដើមរដូវកាល។ ប្រេស៊ីលនឹងត្រូវជួបជាមួយក្រូអាស៊ីវគ្គ ៨ក្រុមចុងក្រោយ World Cup នៅថ្ងៃសុក្រនេះបន្ទាប់ពីយកឈ្នះកូរ៉េ ៤-១ នៅវគ្គ ១៦ក្រុមចុងក្រោយ៕អត្ថបទ៖នាង សុភាវុធ

គ្រូពេទ្យប្រេស៊ីលបញ្ជាក់ថា ស្ថានភាពសុខភាពរបស់លោក Pele ល្អប្រសើរជាងមុន

បាល់ទាត់៖ វីរបុរសបាល់ទាត់ប្រេស៊ីលលោក Pele កំពុងបង្ហាញពីភាពប្រសើរឡើងវិញនៃសុខភាពរបស់ខ្លួន បន្ទាប់ពីបុរសអាយុ ៨២ឆ្នាំរូបនេះត្រូវបានបញ្ជូនទៅមន្ទីរពេទ្យកាលពីសប្តាហ៍មុន ដើម្បីវាយតម្លៃឡើងវិញនូវការព្យាបាលរបស់គាត់ចំពោះជំងឺមហារីកពោះវៀន នេះបើយោងតាមរបាយការណ៍វេជ្ជសាស្ត្រចេញផ្សាយកាលពីថ្ងៃអង្គារ។ បុគ្គលិកពេទ្យនៅមន្ទីរពេទ្យ Albert Einstein នៃទីក្រុង Sao Paulo បានប្រាប់អ្នកយកព័ត៌មានថា Pele ក៏កំពុងត្រូវបានព្យាបាលការឆ្លងមេរោគផ្លូវដង្ហើម ស្នាក់នៅក្នុងបន្ទប់មន្ទីរពេទ្យធម្មតាជាមួយនឹងសញ្ញាសំខាន់ៗ និងដឹងខ្លួន។ លោក Pele ធ្លាប់បានវះយកដុំសាច់ចេញពីពោះវៀនធំរបស់គាត់កាលពីខែកញ្ញាឆ្នាំមុន ហើយបានទទួលការថែទាំសុខភាពសម្រាប់ជំងឺនេះជាប្រចាំ។ វេជ្ជបណ្ឌិតបាននិយាយនៅក្នុងសេចក្តីថ្លែងការណ៍មួយថា "អ្នកជំងឺនៅតែបន្តបង្ហាញភាពប្រសើរឡើងជាលំដាប់នៅក្នុងស្ថានភាពទូទៅរបស់គាត់ ជាពិសេសការឆ្លងមេរោគផ្លូវដង្ហើម"។ កាលពីថ្ងៃចន្ទលោក Pele បានប្រើប្រព័ន្ធផ្សព្វផ្សាយសង្គម ដើម្បីបង្ហាញពីការគាំទ្ររបស់គាត់ចំពោះក្រុមជម្រើសជាតិប្រេស៊ីល ក្នុងការប្រកួត World Cup ក្នុងពេលដែលប្រេស៊ីលយកឈ្នះកូរ៉េ ៤-១ នៅវគ្គ ១៦ក្រុមចុងក្រោយដោយលោកទស្សនាការប្រកួតនេះពីមន្ទីរពេទ្យ។អំឡុងពេលប្រកួតកីឡាកររបស់ប្រេស៊ីលបានលាតផ្ទាំងបដានៅលើទីលាន ជាមួយនឹងរូបថតបាល់ទាត់ដ៏អស្ចារ្យអំឡុងពេលការឈ្នះពានរង្វាន់បាល់ទាត់ពិភពលោកឆ្នាំ១៩៧០ របស់លោក Pele។ អតីតខ្សែប្រយុទ្ធរូបនេះបានលេងឱ្យក្រុមប្រេស៊ីល និងក្លឹប Santos និង New York Cosmos ដោយបានជួយដឹកនាំប្រទេសរបស់គាត់ឱ្យឈ្នះជើងឯក World Cup ចំនួនបីក្នុងឆ្នាំ១៩៥៨, ១៩៦២ និង ១៩៧០ ដែលជាស្នាដៃគ្មានកីឡាករណាផ្សេងទៀតសម្រេចបានឡើយ៕អត្ថបទ៖នាង សុភាវុធ

Ronaldo ច្រានចោលព័ត៌មានថា ខ្លួនព្រមផ្លាស់ទៅក្លិបអារ៉ាប៊ីសាអ៊ូឌីត Al-Nassr

បាល់ទាត់៖ ខ្សែប្រយុទ្ធព័រទុយហ្កាល់ Cristiano Ronaldo ថ្វីបើមានវ័យខិតជិតចូល ៣៨ឆ្នាំក្តីត្រូវបានក្លិបបាល់ទាត់អារ៉ាប៊ីសាអ៊ូឌីត Al-Nassr ហ៊ានដាក់សំណើដែលមានតម្លៃខ្ពស់បំផុតមិនធ្លាប់មាន។ បើតាមសារព័ត៌មានជាច្រើនបានចុះផ្សាយថា Al-Nassr ហ៊ានផ្តល់ប្រាក់ឈ្នួលដល់ទៅប្រមាណជា ២០០លានដុល្លារអាមេរិកក្នុងមួយឆ្នាំ ជាមួយនឹងកិច្ចសន្យាបីឆ្នាំក្នុងសំណើរបស់ខ្លួនទៅកាន់អតីតខ្សែប្រយុទ្ធ Manchester United រូបនេះ។ ធ្លាប់ផ្តល់កិច្ចសម្ភាសន៍ពីមុន Ronaldo ធ្លាប់លើកឡើងថា បានបដិសេធសំណើ ៣០៥លានផោនពីក្លិបអារ៉ាប៊ីសាអ៊ូឌីតមួយនេះកាលពីរដូវក្តៅកន្លងទៅ ហើយជាថ្មីម្តងទៀតកីឡាករវ័យ ៣៧ឆ្នាំរូបនេះក៏បានច្រានចោលព័ត៌មានដែលបានចុះផ្សាយព្រោងព្រាតពីអនាគតរបស់ខ្លួន និងច្រានចោលថានេះជាព័ត៌មានមិនពិត ហើយចាត់ទុកជារឿងអត់ប្រយោជន៍។Cristiano Ronaldo នៅតែរក្សាគោលជំហររបស់ខ្លួនមិនគិតពីអ្វីទាំងអស់ ក្រៅពីផ្តោតអារម្មណ៍ជួយក្រុមជម្រើសជាតិព័រទុយហ្កាល់នៅ World Cup។ យ៉ាងណាក្តីការប្រកួតកាលពីយប់ថ្ងៃអង្គារកន្លងទៅ Cristiano Ronaldo ត្រូវបានគ្រូបង្វឹក Fernando Santos ដាក់ឱ្យបម្រុងក្នុងការប្រកួតដែលព័រទុហ្កាល់យកឈ្នះស្វ៊ីស ៦-១ ឡើងវគ្គ ៨ក្រុមចុងក្រោយ៕អត្ថបទ៖នាង សុភាវុធ

ម្ចាស់មេដាយកីឡាកាយសម្ព័ន្ធជើងឯកអាស៊ីទទួលបានប្រាក់រង្វាន់ពីរាជរដ្ឋាភិបាលសរុប ២៣៦លានរៀល

កាយសម្ព័ន្ធ៖ កីឡាករ-កីឡាការិនីកាយសម្ព័ន្ធដែលដណ្ដើមបានជ័យលាភី នៃការប្រកួតជើងឯកអាស៊ីកីឡាកាយសម្ព័ន្ធអាអេរ៉ូប៊ិកលើកទី៧ (Aerobic Gymnastics Asian Championship 2022) នៅប៉ាតាយ៉ា ប្រទេសថៃកាលពីថ្មីៗ បានទទួលប្រាក់រង្វាន់លើកទឹកចិត្តពីរាជរដ្ឋាភិបាលកម្ពុជាហើយ ដែលមានទឹកប្រាក់សរុប ២៣៦លានរៀល។ ពិធីប្រគល់ប្រាក់រង្វាន់រាជរដ្ឋាភិបាលនេះបានធ្វើឡើង នៅទីស្នាក់ការគណៈកម្មាធិការជាតិអូឡាំពិកកម្ពុជាកាលពីល្ងាចថ្ងៃទី០៦ ខែធ្នូ ឆ្នាំ២០២២ ក្រោមវត្តមានឯកឧត្តម វ៉ាត់ ចំរើន តំណាងឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ អនុប្រធានអចិន្ដ្រៃយ៍គណៈកម្មាធិការជាតិ CAMSOC ប្រធានគណៈកម្មាធិការជាតិអូឡាំពិកកម្ពុជា និងជាប្រធានសហព័ន្ធកីឡាកាយសម្ព័ន្ធកម្ពុជា។ លោក ណយ ផាណា អគ្គលេខាធិការសហព័ន្ធបានបញ្ជាក់ថា ជើងឯកអាស៊ីកីឡាកាយសម្ព័ន្ធអាអេរ៉ូប៊ិកលើកទី៧ ដែលប្រកួតនៅថៃកាលពីថ្ងៃទី៣១ ខែសីហា ដល់ថ្ងៃទី០៦ ខែកញ្ញា ឆ្នាំ២០២២ កន្លងទៅ សហព័ន្ធបានបញ្ចូនប្រតិភូ គ្រូបង្វឹក និងកីឡាករ-កីឡាការិនី ១៨នាក់ចូលរួម ក្រោយមានការអនុញ្ញាតដ៏ខ្ពង់ខ្ពស់ពីសម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធានគណៈកម្មាធិការជាតិ CAMSOC។ចំពោះលទ្ធផលកម្ពុជាដណ្ដើមបានមេដាយលើ ៣វិញ្ញាសារួមមានមេដាយប្រាក់ ២ ទី១- មេដាយប្រាក់លើវិញ្ញាសាគូ មានកីឡាករ ស្រ៊ាន វួចទ្រី និងកីឡាការិនី ឈួន ស្រីនាត ស្មើនឹង ២គ្រឿង និងទី២-មេដាយប្រាក់លើវិញ្ញាសាអាអេរ៉ូប៊ិកជាក្រុម ៥នាក់មានកីឡាការិនី ឌឹម អ៊នធីតា, សួស ស្រីពៅ, ឈួន សុវណ្ណបញ្ញា, ស៊ីវ ចន្ថា និងកីឡាការិនី ណេម សុខហេង ស្មើនឹង ៥គ្រឿង។ មួយទៀតគឺមេដាយសំរឹទ្ធ ១ លើវិញ្ញាសាទ្រីយ៉ូជាក្រុមមានកីឡាករ ស្រ៊ាន វួចទ្រី, កីឡាការិនី ច្រឹង ចាន់ត្រា និងកីឡាការិនី ឈួន ស្រីនាត ស្មើនឹង ៣គ្រឿង។ យោងតាមគោលការណ៍របស់រាជរដ្ឋាភិបាល សម្រាប់ការប្រកួតជើងឯកអាស៊ីនេះ សម្រាប់មេដាយប្រាក់ក្នុង ១គ្រឿងទទួលបាន ២០លានរៀល ខណៈមេដាយសំរឹទ្ធក្នុង ១គ្រឿង ១៦លានរៀល។ ចំណែកគ្រូបង្វឹកទទួលបានប្រាក់រង្វាន់លើកទឹកចិត្ត ១០០% ស្មើនឹងមេដាយខ្ពស់បំផុតរបស់កីឡាករ-កីឡាការិនី និងគ្រូជំនួយក៏ទទួលបាន ៧០% នៃមេដាយរបស់កីឡាករ-កីឡាការិនីផងដែរ។ ដូច្នេះប្រាក់រង្វាន់ដែលរាជរដ្ឋាភិបាល់ជូនជ័យលាភី ជើងឯកអាស៊ីកីឡាកាយសម្ព័ន្ធអាអេរ៉ូប៊ិកលើកទី៧ សរុបមានចំនួន ២៣៦លានរៀល។ឆ្លៀតឱកាសនោះក្នុងនាមអាជ្ញាធរកីឡា ឯកឧត្តម វ៉ាត់ ចំរើន អគ្គលេខាធិការ CAMSOC និង NOCC បានថ្លែងអំណរគុណយ៉ាងជ្រាលជ្រៅចំពោះរាជរដ្ឋាភិបាលកម្ពុជា ពិសេសក្រោមការដឹកនាំរបស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ដែលតែងគិតគូរ និងយកចិត្តទុកដាក់វិស័យកីឡាគ្រប់សហព័ន្ធកីឡាជាតិ ដែលជាការផ្ដល់នូវភាពកក់ក្ដៅ និងការជំរុញលើកទឹកចិត្តដ៏សំខាន់ សម្រាប់កីឡាករ-កីឡាការិនីខិតខំប្រឹងប្រែង និងធ្វើការប្រកួតប្រជែងដណ្ដើមមេដាយជូនជាតិពីព្រឹត្តិការណ៍អន្ដរជាតិនានា។ បន្ថែមលើនេះ ឯកឧត្តមបានជំរុញឲ្យកីឡាករ-កីឡាការិនីទាំងអស់បន្ដការខិតខំប្រឹងប្រែងកាន់តែខ្លាំងបន្ថែមទៀត ពិសេសកីឡាកាយសម្ព័ន្ធដែលកំពុងមានសន្ទុះរីកចម្រើនគួរឲ្យកត់សម្គាល់ ដើម្បីធានាបាននូវគុណផលកម្រិតខ្ពស់ ឆ្ពោះទៅរកមេដាយឲ្យកាន់តែល្អប្រសើរជាងស៊ីហ្គេមលើកទី៣១ នៅទីក្រុងហាណូយ ពោលគឺការស្វែងមេដាយមាសយ៉ាងតិច ១គ្រឿង ស្របតាមសន្ទស្សន៍មេដាយដែលគណៈកម្មាធិការជាតិ CAMSOC បានដាក់ចេញនៅក្នុងព្រឹត្តិការណ៍ប្រវត្តិសាស្ដ្រស៊ីហ្គេមឆ្នាំ២០២៣ ខាងមុខ៕អត្ថបទ៖ លី ឈុនឡា

ព័រទុយហ្កាល់ឡើងវគ្គ ៨ក្រុមចុងក្រោយលើកដំបូងក្នុងរយៈពេល ១៦ឆ្នាំ

បាល់ទាត់៖ ក្រុមបាល់ទាត់ជម្រើសជាតិព័រទុយហ្កាល់បានកក់កៅអីនៅវគ្គ ៨ក្រុមចុងក្រោយ World Cup ជាលើកដំបូងក្នុងរយៈពេល ១៦ឆ្នាំបន្ទាប់ពីជ័យជំនះធំធេង ៦-១ លើស្វ៊ីស។ គ្រូបង្វឹកព័រទុយហ្កាល់លោក Fernando Santos បានសំរេចដាក់ឱ្យ Ronaldo បម្រុងជំនួសដោយខ្សែប្រយុទ្ធវ័យ ២១ឆ្នាំ Goncalo Ramos ចាប់ផ្តើម ១១នាក់ដំបូងជាលើកដំបូងឱ្យក្រុមជម្រើសជាតិ។ មិនឱ្យគ្រូខកបំណងឡើយខ្សែប្រយុទ្ធ Benfica រូបនេះរកបានបីគ្រាប់ម្នាក់ឯងក្នុងការប្រកួត និងបានក្លាយជាកីឡាករទី១ នៅ World Cup 2022 នៅកាតានេះដែលស៊ុតបញ្ចូលទីបីគ្រាប់ម្នាក់ (Hat-Trick)។ គ្រាប់ដំបូង Ramos ធ្វើបាននៅនាទីទី១៧ ខណៈខ្សែការពារ Pepe ជាអ្នករកបានគ្រាប់ទីពីរនាំមុខ ២-០ ក្នុងវគ្គទី១។ វគ្គទី២ Ramos ក៏រកបានគ្រាប់ទីពីររបស់ខ្លួននៅនាទីទី៥១ មុនពេលដែល Raphael Guerrero បន្ថែមគ្រាប់នាំមុខ ៤-០ នៅនាទីទី៥៥។ ខ្សែការពារ Man City, Manuel Akanji ក៏តបមួយគ្រាប់វិញឱ្យស្វ៊ីសតែ Goncalo Ramos ក៏រកបានគ្រាប់ទីបីរបស់ខ្លួននៅនាទីទី៦៧ មុនពេលដែលខ្សែប្រយុទ្ធ AC Milan, Rafael Leao បន្ថែមគ្រាប់ចុងក្រោយនាទីទី៩០+២ ឱ្យព័រទុយហ្កាល់យកឈ្នះស្វ៊ីស ៦-១ ឡើងវគ្គ ៨ក្រុមចុងក្រោយ។អ្នកគាំទ្រព័រទុយហ្កាល់បានដើរចេញពីកីឡដ្ឋានពេញដោយភាពរីករាយ ហ៊ោរកញ្ជ្រៀវ ខណៈអ្នកគាំទ្រមួយចំនួននៅតែបង្ហាញក្តីគោរពស្រលាញ់លើ Cristiano Ronaldo ដែលមិនបានចូលលេង ១១នាក់ដំបូង និងលើកសរសើរ Goncalo Ramos ថាជាវិរៈបុរសរបស់ពួកគេ។ ព័រទុយហ្កាល់នឹងបន្តជួបម៉ារ៉ុក ដើម្បីកៅអីវគ្គពាក់កណ្តាលផ្តាច់ព្រ័ត្រនៅថ្ងៃសៅរ៍ចុងសប្តាហ៍នេះ៕អត្ថបទ៖នាង សុភាវុធ

ម៉ារ៉ុកក្លាយជាប្រទេសអារ៉ាប់ទីមួយឡើងវគ្គ ៨ក្រុមចុងក្រោយ World Cup

បាល់ទាត់៖ ក្រុមបាល់ទាត់ជម្រើសជាតិម៉ារ៉ុកបានបន្តដំណើរជោគជ័យរបស់ខ្លួន និងការបង្កើតប្រវត្តិសាស្ត្រនៅ World Cup បន្ទាប់ពីយកឈ្នះអេស្ប៉ាញដោយបាល់ ១១ម៉ែត្រកាត់សេចក្តីឡើងវគ្គ ៨ក្រុមចុងក្រោយ World Cup ជាលើកដំបូង។ ការប្រកួត ៩០នាទីពេញគ្មានក្រុមណារកគ្រាប់បាល់បាន ហើយថែម ១៥នាទីពីរដងទៀតនៅតែរកមិនបាន។ អ្វីៗត្រូវសម្រេចដោយបាល់ ១១ម៉ែត្រ តែអេស្ប៉ាញក៏ជាន់ដាមបរាជ័យ ដូចពេលចាញ់អ៊ីតាលីនៅវគ្គពាក់កណ្តាលផ្តាច់ព្រ័ត្រ Euro 2020 ដោយបាល់ ១១ម៉ែត្រកាត់សេចក្តីនេះដែរ។ កីឡាករបីនាក់របស់អេស្ប៉ាញរួមមាន Pablo Sarabia, Carlos Soler និង Sergio Busquet សុទ្ធតែស៊ុតមិនចូលបីគ្រាប់ដំបូង ខណៈម៉ារ៉ុកគ្មានបញ្ហាឡើយដោយបញ្ចប់គ្រាប់ចុងក្រោយដោយខ្សែការពារ PSG, Achraf Hakimi។ អ្នកចាំទី Sevilla, Yassine Bounou គឺជាអ្នកសង្គ្រោះគ្រាប់បាល់របស់ Soler និង Busquet ខណៈ Sarabi ស៊ុតបុករបាទី។គ្រូបង្វឹកអេស្ប៉ាញ Luis Enrique បាននិយាយថា លោកទទួលខុសត្រូវទាំងស្រុងសម្រាប់បរាជ័យនេះ ពីព្រោះលោកគឺជាអ្នករើសកីឡាករឱ្យស៊ុត ហើយសូមសរសើរ Yassine Bounou គាត់ធ្វើបានល្អណាស់ថ្ងៃនេះ។ ជ័យជំនះនេះធ្វើឱ្យម៉ារ៉ុកបានឈានឡើងវគ្គ ៨ក្រុមចុងក្រោយជាលើកដំបូងនៅ World Cup បន្ទាប់ពីធ្លាប់ឡើងត្រឹមវគ្គ ១៦ក្រុមចុងក្រោយនៅឆ្នាំ១៩៨៦ ហើយក៏ក្លាយជាប្រទេសអារ៉ាប់ទីមួយផងដែរដែលឡើងដល់វគ្គ ៨ក្រុមចុងក្រោយ។ ក្រឡេកទៅមើលរដ្ឋធានី Casablanca អ្នកគាំទ្រម៉ារ៉ុកបាននាំគ្នាអបអរសាទរ ចំពោះជ័យជំនះលើក្រុមជើងឯកពិភពលោកឆ្នាំ២០១០ អេស្ប៉ាញ ខណៈនៅតាមដងផ្លូវពេញដោយសំឡេងហ៊ោរកញ្ជ្រៀវ។ ម៉ារ៉ុកគឺជាប្រទេសអាហ្វ្រិកតែមួយគត់ដែលនៅសល់នៅ World Cup ឆ្នាំនេះ ខណៈការបង្ហាញខ្លួននៅវគ្គ ៨ក្រុមចុងក្រោយនឹងជាប្រទេសអាហ្វ្រិកទី១ ដែរឡើងដល់វគ្គនេះក្នុងរយៈពេល ១២ឆ្នាំ បន្ទាប់ពីហ្កាណាធ្វើបានដូចគ្នានេះកាលពីឆ្នាំ២០១០ នៅអាហ្វ្រិកខាងត្បូង៕អត្ថបទ៖នាង សុភាវុធ

CAMSOC ជំរុញការត្រៀមខ្លួនគ្រប់ជ្រុងជ្រោយ មុនពេល ១០០ថ្ងៃនៃស៊ីហ្គេមឆ្នាំ២០២៣

ស៊ីហ្គេម៖ គណៈអចិន្ត្រៃយ៍នៃគណៈកម្មាធិការជាតិ រៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣(CAMSOC) នៅថ្ងៃទី០៦ ខែធ្នូ ឆ្នាំ២០២២ បានបើកកិច្ចប្រជុំប្រចាំសប្ដាហ៍របស់ខ្លួនជាមួយគណៈកម្មការជំនាញនានា ក្នុងការត្រៀមលក្ខណៈសម្បត្តិឲ្យបានគ្រប់ជ្រុងជ្រោយ មុនពេល ១០០ថ្ងៃចូលមកដល់នៃដំណើរឆ្ពោះទៅទទួលរៀបចំធ្វើម្ចាស់ផ្ទះកីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣។ ឯកឧត្តម វ៉ា់ត់ ចំរើន អគ្គលេខាធិការ គណៈកម្មាធិការជាតិ CAMSOC មានប្រសាសន៍ថា កិច្ចប្រជុំនេះមានលទ្ធផលល្អប្រសើរ ដោយគណៈកម្មការជំនាញក្រោមឱវាទរបស់ខ្លួន បានជ្រាបច្បាស់អំពីតួនាទី ភារកិច្ចរៀងៗខ្លួន ដើម្បីពន្លឿនផែនការត្រៀមឆ្ពោះទៅធ្វើម្ចាស់ផ្ទះស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ ឲ្យមានដំណើរការដោយរលូន មុនពេលមកដល់ ១០០ថ្ងៃនាថ្ងៃទី២៥ ខែមករា ឆ្នាំ២០២៣ ខាងមុខដែលនឹងមានការងារថ្មីៗជាច្រើនទៀតត្រូវធ្វើ។ ជុំវិញកិច្ចប្រជុំនេះ ឯកឧត្តមបានសង្កត់ធ្ងន់លើ ២ចំណុចសំខាន់ៗ ទី១. យកចិត្តទុកដាក់លើកិច្ចការរដ្ឋបាល និងការទទួលខុសត្រូវលើធនធានមនុស្ស ដោយត្រៀមប្រមូលផ្តុំធ្វើការនៅមជ្ឈមណ្ឌលប្រតិបត្តិការរួម និងទី២ គឺការត្រួតពិនិត្យឡើងវិញនូវកិច្ចការដែលបានធ្វើ និងអ្វីដែលមិនទាន់បានធ្វើ ហើយអ្វីដែលមិនទាន់បានបំពេញនឹងត្រូវជំរុញឲ្យបំពេញបន្ថែមលើកិច្ចការទាំងនោះឲ្យបានទាន់ពេលវេលា និងឲ្យបានរួចរាល់មុនថ្ងៃទី២៥ ខែមករា ឆ្នាំ២០២៣ ដែលជាការរាប់ថយក្រោយ ១០០ថ្ងៃនៃដំណើរឆ្ពោះទៅស៊ីហ្គេម-អាស៊ានប៉ារ៉ាហ្គេម ២០២៣។រដ្ឋលេខាធិការក្រសួងទេសចរណ៍ដដែលបានគូសបញ្ជាក់ថា សម្រាប់រយៈពេលនៅសល់នេះត្រូវតែមានសក្តានុពលអំពីការត្រៀមលក្ខណៈឲ្យបានគ្រប់ជ្រុងជ្រោយ ដើម្បីបញ្ជ្រាបការផ្សព្វផ្សាយជូនដល់ប្រជាពលរដ្ឋជាម្ចាស់ផ្ទះ និងបណ្តាប្រទេសនានានៃអាស៊ាន ដែលត្រៀមមកចូលរួមប្រកកួតប្រជែងមេដាយនាស៊ីហ្គេម ២០២៣។ ក្នុងអំឡុងរយៈពេលសល់ ១០០ថ្ងៃ គណៈកម្មាធិការជាតិ CAMSOC នឹងរៀបចំផ្សព្វផ្សាយឲ្យបានខ្លាំងក្លានូវកម្មវិធីសំខាន់ៗទាំងអស់ជាមួយនឹងកម្មវិធីប្រារព្ធពិធី ១០០ថ្ងៃ បូកជាមួយនឹងកិច្ចប្រជុំនាយបេសកកម្មស៊ីហ្គេមនៃ ១១ប្រទេសក្នុងអាស៊ានជាដើម។ គួរបញ្ជាក់ថា ស៊ីហ្គេមលើកទី៣២ ដែលកម្ពុជាធ្វើម្ចាស់ផ្ទះនឹងប្រារព្ធពិធីបើកការប្រកួតនាថ្ងៃទី០៥ ខែឧសភា និងបិទនាថ្ងៃទី១៧ ខែឧសភា ឆ្នាំ២០២៣ ដែលគិតត្រឹមថ្ងៃនេះនៅសល់រយៈពេល ១៤៩ថ្ងៃទៀតប៉ុណ្ណោះ។ បន្ទាប់មកកម្ពុជានឹងបន្ដរៀបចំការប្រកួតកីឡាអាស៊ានប៉ារ៉ាហ្គេមលើកទី១២ ពីថ្ងៃទី០៣-០៩ ខែមិថុនា ឆ្នាំ២០២៣ បន្ដទៀត៕អត្ថបទ៖ លី ឈុនឡា

គោព្រៃកម្ពុជាចាប់ផ្ដើមហ្វឹកហាត់ត្រៀមជួបម៉ាឡេស៊ី និងលេងពាន AFF Mitsubishi Electric Cup 2022

បាល់ទាត់៖ ក្រុមបាល់ទាត់ជម្រើសជាតិកម្ពុជាបានចាប់ផ្ដើមប្រមូលផ្ដុំហ្វឹកហាត់ហើយ បន្ទាប់ពីបង្ហាញបញ្ជីឈ្មោះកីឡាករ ២៤នាក់។ ការហ្វឹកហាត់ថ្ងៃដំបូងនេះបានធ្វើឡើងនៅទីលានហ្វឹកហាត់ក្លិបព្រះខ័នរាជស្វាយរៀង ជិតពហុកីឡដ្ឋានជាតិមរតកតេជោ តែអ្វីដែលគួរឲ្យកត់សម្គាល់គឺពុំមានវត្តមានអ្នកចាត់ការទូទៅក្រុមជម្រើសជាតិលោក Keisuke Honda នោះទេ។ ការប្រមូលផ្ដុំហ្វឹកហាត់នេះធ្វើឡើង ១ថ្ងៃមុនក្រុមគោព្រៃកម្ពុជាត្រូវធ្វើដំណើរទៅប្រទេសម៉ាឡេស៊ី ដែលគ្រោងចាកចេញពីមាតុភូមិនារាត្រីថ្ងៃទី០៧ ខែធ្នូនេះ ដើម្បីធ្វើការប្រកួតមិត្តភាពជាមួយក្រុមជម្រើសជាតិម៉ាឡេស៊ីនាថ្ងៃទី០៩ ខែធ្នូខាងមុខ ដើម្បីដកស្រង់បទពិសោធន៍ និងបច្ចេកទេសត្រៀមការប្រកួតពានរង្វាន់ជើងឯកអាស៊ីអាគ្នេយ៍ AFF Mitsubishi Electric Cup 2022។ សូមបញ្ជាក់ថា កីឡាករ ២៤រូបដែលត្រូវបានកោះហៅប្រមូលផ្ដុំហ្វឹកហាត់ត្រៀមការប្រកួតមិត្តភាព និងពានរង្វាន់ជើងឯកអាស៊ានឆ្នាំនេះ រួមមានសមាជិកក្លិបភ្នំពេញក្រោន ៥រូប, ព្រះខ័នរាជស្វាយរៀង ២រូប, បឹងកេត ៤រូប, វិសាខា ១០រូប, ក្លិបណាហ្គាវើលដ៏ម្នាក់ រួមជាមួយកីឡាករប្រកបអាជីពក្រៅស្រុក ២រូបគឺកីឡាករខ្មែរ-បារាំង កុក បូរីស លេងនៅក្លិបម៉ាឡេស៊ី Sarawak United និងកីឡាករខ្មែរ-អាមេរិក ថេឡរ នីកូឡា ឌឿង លេងនៅក្លិបអាមេរិក Orlando City។សម្រាប់បេសកកម្មប្រកួតពានរង្វាន់ AFF Mitsubishi Electric Cup 2022 កម្ពុជាគឺស្ថិតក្នុងពូល A ខណៈកម្មវិធីប្រកួត រួមមានថ្ងៃទី២០ ខែធ្នូ កម្ពុជាត្រូវបើកទ្វារផ្ទះទទួលហ្វីលីពីនមុនគេ មុនជួបឥណ្ឌូនេស៊ីក្រៅដីនាថ្ងៃទី២៣ ខែធ្នូខាងមុខ ។ បន្ទាប់មកនៅថ្ងៃទី២៩ ខែធ្នូ កម្ពុជានឹងត្រូវបើកទ្វារពហុកីឡដ្ឋានជាតិមរតកតេជោជាថ្មី ទទួលក្រុមប្រ៊ុយណេវិញម្ដង មុនការប្រកួតបញ្ចប់ជាមួយក្រុមម្ចាស់ផ្ទះថៃនាថ្ងៃទី០២ ខែមករា ឆ្នាំ២០២៣ ខាងមុខ។ ចំពោះការប្រកួតក្នុងដីរបស់ក្រុមគោព្រៃកម្ពុជា អគ្គនាយកដ្ឋានវិទ្យុ និងទូរទស្សន៍បាយ័ន និងទូរទស្សន៍ BTV-News បានទទួលសិទ្ធធ្វើការផ្សាយផ្ទាល់ ពីវិមានកីឡដ្ឋាននៃពហុកីឡដ្ឋានជាតិមរតកតេជោ ជូនដល់បងប្អូនប្រជាពលរដ្ឋបានទស្សនា។ កុំភ្លេចចូលរួមទស្សនា និងគាំទ្រក្រុមជម្រើសជាតិកម្ពុជាឲ្យបានច្រើនកុះករ៕អត្ថបទ៖ លី ឈុនឡា

អារ៉ាប៊ីសាអ៊ូឌីតនឹងជាម្ចាស់ផ្ទះបាល់ទាត់ជើងឯកអាស៊ីឆ្នាំ២០២៧ ក្រោយឥណ្ឌាដកខ្លួន

បាល់ទាត់៖ ប្រទេសអារ៉ាប៊ីសាអ៊ូឌីតនឹងត្រូវប្រកាសជាម្ចាស់ផ្ទះ ព្រឹត្តិការណ៍បាល់ទាត់ជើងឯកអាស៊ីឆ្នាំ២០២៧ AFC Asian Cup 2027 បន្ទាប់ពីបេក្ខភាពប្រជែងគឺប្រទេសឥណ្ឌាប្រកាសដកខ្លួន នេះបើតាមការបញ្ជាក់របស់សហព័ន្ធបាល់ទាត់ទ្វីបអាស៊ី AFC កាលពីថ្ងៃចន្ទ។ គណៈកម្មាធិការប្រតិបត្តិរបស់ AFC បានទទួលពាក្យដេញថ្លៃធ្វើម្ចាស់ផ្ទះ AFC Asian Cup 2027 ពីប្រទេសឥណ្ឌា និងអារ៉ាប៊ូសាអ៊ូឌីតកាលពីខែតុលា បន្ទាប់ពីកាតាប្រកាសដកខ្លួនមករៀបចំ AFC Asian Cup 2023 ជំនួសចិនវិញ។ ការដេញថ្លៃរបស់អារ៉ាប៊ីសាអ៊ូឌីតមកកាន់ AFC គឺជាបេក្ខភាពតែមួយគត់ដែលនឹងធ្វើបទបង្ហាញមកកាន់ AFC ក្នុងសមាជរបស់ AFC នៅខែកុម្ភៈឆ្នាំក្រោយនៅលើទឹកដីបារ៉ែន។ រំលឹកថា អារ៉ាប៊ីសាអ៊ូឌីតធ្លាប់ឈ្នះជើងឯកអាស៊ី ៣លើកតែមិនធ្លាប់ធ្វើម្ចាស់ផ្ទះឡើយ។ កាលពីដើមឆ្នាំសហព័ន្ធបាល់ទាត់អារ៉ាប៊ីសាអ៊ូឌីត ក៏បានដាក់ពាក្យដេញថ្លៃធ្វើម្ចាស់ផ្ទះបាល់ទាត់ស្ត្រីជើងឯកអាស៊ីឆ្នាំ២០២៦ ផងដែរ៕អត្ថបទ៖នាង សុភាវុធ

កាតានឹងរុះរើកីឡដ្ឋាន 974 បន្ទាប់ពីទទួលប្រកួតចុងក្រោយនៅ World Cup យប់មិញ

បាល់ទាត់៖ កីឡដ្ឋានបាល់ទាត់ 974 នឹងត្រូវរុះរើចេញក្រោយទទួលការប្រកួតចុងក្រោយនៅ World Cup កាលពីយប់មិញក្នុងជំនួបដែលប្រេស៊ីលយកឈ្នះកូរ៉េ 4-1។ កីឡដ្ឋាន 974 ត្រូវបានសាងសង់ឡើងដោយការផ្គុំចូលគ្នានូវទូកុងតឺន័រចំនួន 974ប្រអប់។ ដូចដែលបានលើកឡើងពេលសាងសង់ កីឡដ្ឋានមួយនេះនឹងត្រូវបានរុះរើចេញវិញ និងយកគ្រឿងបរិក្ខាទាំងអស់នោះផ្តល់ជូនទៅប្រទេសដែលត្រូវការ ក្នុងការសាងសង់ហេដ្ឋារចនាសម្ព័ន្ធផ្សេងៗ។ សូមបញ្ជាក់ថា កីឡដ្ឋាន 974 ជាកីឡដ្ឋានតែមួយគត់នៅកាតាដែលមិនបានបំពាក់ម៉ាស៊ីនត្រជាក់ ហើយរាល់ការប្រកួតនៅកីឡដ្ឋានមួយនេះតែងតែធ្វើឡើងនៅពេលយប់ស្មើនឹងម៉ោង ២ រំលងអាធ្រាត្រនៅកម្ពុជាដោយសារសីតុណ្ហភាពក្តៅនៅកាតា។ រំលឹកថា កីឡដ្ឋាន 974 បានទទួលការប្រកួតសរុប ៧ប្រកួតនៅ World Cup។ កីឡដ្ឋានមួយនេះអាចផ្ទុកទស្សនិកជនបាន ៤៤០៨៩នាក់មានទីតាំងនៅតំបន់ Ras Abu Aboud ទីក្រុងដូហាប្រទេសកាតា៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

លោក Trump ប្រាប់ថា មិនអាចឱ្យចិនយកឈ្នះអាមេរិក លើវិស័យ AI និងគ្រីបតូទេ

មនុស្ស ៣នាក់ស្លាប់ និង ២៣នាក់រងរបួស អំឡុងកុបកម្មនៅពន្ធនាគាររបស់ស្រីលង្កា

សហភាពអឺរ៉ុបអនុម័តទណ្ឌកម្មថ្មីពាក់ព័ន្ធនឹងបណ្ដាញវិស័យឧស្សាហកម្មយោធារបស់រុស្ស៊ី

ទីក្រុងប៉េកាំងមានភ្លៀងធ្លាក់ខ្លាំង ខណៈចិនកំពុងត្រៀមប្រឈមព្យុះទីហ្វុង Dolphin

អារ៉ាប៊ីសាអ៊ូឌីត ប៉ាគីស្ថាន និងទួរគី ចុះហត្ថលេខាលើកិច្ចព្រមព្រៀងការពារជាតិរួមគ្នា នៅទីក្រុង Mecca

លោក Trump បញ្ជាក់ថា អ៊ីរ៉ង់ចង់ដោះស្រាយជាមួយសហរដ្ឋអាមេរិក និងមិនចង់រងការវាយប្រហារទេ

ទិន្នន័យ៖ ការផ្ទុះឡើងនៃជំងឺអេបូឡានៅកុងហ្គោ លើសពី ៤.០០០ករណី

កុមារជាង ១០នាក់ បាត់ខ្លួន បន្ទាប់ពីលិចទូកនៅសាធារណរដ្ឋប្រជាធិបតេយ្យកុងហ្គោ

បែលហ្ស៊ិកនឹងដាក់ពង្រាយកងទ័ពនៅកោះ Greenland ជាផ្នែកមួយនៃបេសកកម្មរបស់អង្គការណាតូ

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Gabriel Jesus វះកាត់ជង្គង់រួចរាល់ និងមិនអាចត្រលប់មកជួយប្រេស៊ីលវិញឡើយនៅ World Cup

គ្រូពេទ្យប្រេស៊ីលបញ្ជាក់ថា ស្ថានភាពសុខភាពរបស់លោក Pele ល្អប្រសើរជាងមុន

Ronaldo ច្រានចោលព័ត៌មានថា ខ្លួនព្រមផ្លាស់ទៅក្លិបអារ៉ាប៊ីសាអ៊ូឌីត Al-Nassr

ម្ចាស់មេដាយកីឡាកាយសម្ព័ន្ធជើងឯកអាស៊ីទទួលបានប្រាក់រង្វាន់ពីរាជរដ្ឋាភិបាលសរុប ២៣៦លានរៀល

ព័រទុយហ្កាល់ឡើងវគ្គ ៨ក្រុមចុងក្រោយលើកដំបូងក្នុងរយៈពេល ១៦ឆ្នាំ

ម៉ារ៉ុកក្លាយជាប្រទេសអារ៉ាប់ទីមួយឡើងវគ្គ ៨ក្រុមចុងក្រោយ World Cup

CAMSOC ជំរុញការត្រៀមខ្លួនគ្រប់ជ្រុងជ្រោយ មុនពេល ១០០ថ្ងៃនៃស៊ីហ្គេមឆ្នាំ២០២៣

គោព្រៃកម្ពុជាចាប់ផ្ដើមហ្វឹកហាត់ត្រៀមជួបម៉ាឡេស៊ី និងលេងពាន AFF Mitsubishi Electric Cup 2022

អារ៉ាប៊ីសាអ៊ូឌីតនឹងជាម្ចាស់ផ្ទះបាល់ទាត់ជើងឯកអាស៊ីឆ្នាំ២០២៧ ក្រោយឥណ្ឌាដកខ្លួន

កាតានឹងរុះរើកីឡដ្ឋាន 974 បន្ទាប់ពីទទួលប្រកួតចុងក្រោយនៅ World Cup យប់មិញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Gabriel Jesus វះកាត់​ជង្គង់​រួចរាល់ ​និង​មិនអាច​ត្រលប់មក​ជួយ​ប្រេ​ស៊ី​ល​វិញ​ឡើយ​នៅ World Cup

គ្រូពេទ្យ​ប្រេ​ស៊ី​ល​បញ្ជាក់ថា ​ស្ថានភាព​សុខភាព​របស់លោក Pele ល្អប្រសើរ​ជាង​មុន

Ronaldo ច្រានចោល​ព័ត៌មាន​ថា ​ខ្លួន​ព្រម​ផ្លាស់​ទៅ​ក្លិប​អារ៉ាប៊ីសាអ៊ូឌីត Al-Nassr

ម្ចាស់​មេដាយ​កីឡា​កាយសម្ព័ន្ធ​ជើងឯក​អាស៊ីទទួលបាន​ប្រាក់រង្វាន់​ពី​រាជរដ្ឋាភិបាល​សរុប ២៣៦​លាន​រៀល​

ព័រទុយហ្កាល់​ឡើង​វគ្គ ៨ក្រុម​ចុងក្រោយ​លើកដំបូង​ក្នុង​រយៈពេល ១៦ឆ្នាំ

ម៉ា​រ៉ុ​ក​ក្លាយជា​ប្រទេស​អារ៉ាប់​ទីមួយ​ឡើង​វគ្គ ៨ក្រុម​ចុងក្រោយ World Cup

CAMSOC ​ជំរុញ​ការត្រៀមខ្លួន​គ្រប់​ជ្រុងជ្រោយ មុនពេល ១០០​ថ្ងៃ​នៃ​ស៊ី​ហ្គេម​ឆ្នាំ​២០២៣

គោព្រៃ​កម្ពុជាចាប់ផ្ដើម​ហ្វឹកហាត់​ត្រៀម​ជួប​ម៉ាឡេស៊ី និង​លេង​ពាន​ AFF Mitsubishi Electric Cup 2022

អារ៉ាប៊ីសាអ៊ូឌីត​នឹង​ជា​ម្ចាស់ផ្ទះ​បាល់ទាត់​ជើងឯក​អាស៊ី​ឆ្នាំ​២០២៧ ក្រោយ​ឥណ្ឌា​ដក​ខ្លួន​

កាតា​នឹង​រុះរើ​កីឡដ្ឋាន 974 បន្ទាប់ពី​ទទួល​ប្រកួត​ចុងក្រោយ​នៅ World Cup យប់មិញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Gabriel Jesus វះកាត់ជង្គង់រួចរាល់ និងមិនអាចត្រលប់មកជួយប្រេស៊ីលវិញឡើយនៅ World Cup

គ្រូពេទ្យប្រេស៊ីលបញ្ជាក់ថា ស្ថានភាពសុខភាពរបស់លោក Pele ល្អប្រសើរជាងមុន

Ronaldo ច្រានចោលព័ត៌មានថា ខ្លួនព្រមផ្លាស់ទៅក្លិបអារ៉ាប៊ីសាអ៊ូឌីត Al-Nassr

ម្ចាស់មេដាយកីឡាកាយសម្ព័ន្ធជើងឯកអាស៊ីទទួលបានប្រាក់រង្វាន់ពីរាជរដ្ឋាភិបាលសរុប ២៣៦លានរៀល

ព័រទុយហ្កាល់ឡើងវគ្គ ៨ក្រុមចុងក្រោយលើកដំបូងក្នុងរយៈពេល ១៦ឆ្នាំ

ម៉ារ៉ុកក្លាយជាប្រទេសអារ៉ាប់ទីមួយឡើងវគ្គ ៨ក្រុមចុងក្រោយ World Cup

CAMSOC ជំរុញការត្រៀមខ្លួនគ្រប់ជ្រុងជ្រោយ មុនពេល ១០០ថ្ងៃនៃស៊ីហ្គេមឆ្នាំ២០២៣

គោព្រៃកម្ពុជាចាប់ផ្ដើមហ្វឹកហាត់ត្រៀមជួបម៉ាឡេស៊ី និងលេងពាន AFF Mitsubishi Electric Cup 2022

អារ៉ាប៊ីសាអ៊ូឌីតនឹងជាម្ចាស់ផ្ទះបាល់ទាត់ជើងឯកអាស៊ីឆ្នាំ២០២៧ ក្រោយឥណ្ឌាដកខ្លួន

កាតានឹងរុះរើកីឡដ្ឋាន 974 បន្ទាប់ពីទទួលប្រកួតចុងក្រោយនៅ World Cup យប់មិញ