BTV NEWS

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

កីឡាករ កីឡាការិនីហាប់គីដូកម្ពុជាទៅចូលរួមការប្រកួតនៅហុងកុងភាគច្រើនត្រូវចំណាយថវិការផ្ទាល់ខ្លួន

ព័ត៌មានកីឡា

បារាំងឡើងវគ្គ ៨ក្រុម ខណៈ Giroud ក្លាយជាកីឡាករស៊ុតបញ្ចូលទីឱ្យក្រុមជម្រើសជាតិបារាំងច្រើនជាងគេ

បាល់ទាត់៖ ក្រុមការពារតំណែងជើងឯកបារាំងបានកក់កៅអីនៅវគ្គ ៨ក្រុមចុងក្រោយហើយនៃព្រឹត្តិការណ៍បាល់ទាត់ពិភពលោក FIFA World Cup បន្ទាប់ពីយកឈ្នះក្រុមប៉ូឡូញ ៣-១។ ខ្សែប្រយុទ្ធ AC Milan, Olivier Giroud គឺអ្នករកបានគ្រាប់នាំមុខឱ្យបារាំងនៅនាទីទី៤៤ មុនចប់វគ្គទី១ ដែលមួយគ្រាប់នេះធ្វើឱ្យកីឡាករវ័យ ៣៦ឆ្នាំរូបនេះមានគ្រាប់បាល់ស៊ុតបញ្ចូលទីឱ្យបារាំងសរុប ៥២គ្រាប់ច្រើនជាងគេឡើងពីលើ Thierry Henry ដែលមានសរុប ៥១គ្រាប់។ ក្រុមរបស់លោក Didier Deschamps មើលទៅមិនមានការលំបាកខ្លាំងឡើយនៅពេលជួបប៉ូឡូញនៅវគ្គនេះ បន្ទាប់ពីខ្សែប្រយុទ្ធ PSG, Kylian Mbappe ស៊ុតបញ្ចូលទីពីរគ្រាប់ម្នាក់ឯងបន្ថែមទៀតនៅនាទីទី៧៤ និង ៩០+១។Kylian Mbappe នៅពេលនេះមានគ្រាប់បាល់នៅ World Cup សរុប ៧គ្រាប់បូកពី World Cup 2018 នៅរុស្ស៊ី ធ្វើឱ្យគេក្លាយជាកីឡាករទី១ ដែលរកបាន ៧គ្រាប់នៅ World Cup មុនអាយុ ២៤ឆ្នាំបំបែកកំណត់ត្រារបស់ Pele។ ក្រុមប៉ូឡូញក៏តបបានមួយគ្រាប់ដែរដោយបាល់ពិន័យ ១១ម៉ែត្ររបស់ Robert Lewandowski នាទីទី៩០+៧ តែមិនគ្រប់គ្រាន់ឡើយ។ បារាំងបន្តដំណើរឡើងវគ្គ ៨ក្រុមចុងក្រោយ World Cup ដោយនឹងជួបជាមួយអង់គ្លេសនៅថ្ងៃសៅរ៍ចុងសប្តាហ៍នេះ៕អត្ថបទ៖នាង សុភាវុធ

កីឡាករខ្មែរ-ជប៉ុនប្រមាណ ៥០នាក់នឹងចូលរួមប្រណាំងម៉ូតូលើវាលរាបចុងសប្ដាហ៍នេះ

ប្រណាំងម៉ូតូ៖ កីឡាករប្រណាំងម៉ូតូកម្ពុជា និងជប៉ុនប្រមាណ ៥០នាក់នឹងចូលរួមព្រឹត្តិការណ៍ប្រណាំងម៉ូតូលើវាលរាប elf Cup Race Endurance ឆ្នាំ២០២២ នៅទីលាន Yamamoto Circuit Cambodia ខេត្តកំពង់ស្ពឺចាប់ពីថ្ងៃទី០៩ ដល់ថ្ងៃទី១១ ខែធ្នូ ឆ្នាំ២០២២ ចុងសប្ដាហ៍នេះ។ នេះបើតាមការបញ្ជាក់របស់លោក ពៅ តិចឡេង អគ្គនាយកក្រុមហ៊ុនភ្នាក់ងាររៀបចំការ៉ាកម្ពុជា (KARA) ថ្លែងក្នុងសន្និសីទសារព័ត៌មានកាលពីចុងសប្ដាហ៍កន្លងទៅ នៅទីស្នាក់ការគណៈកម្មាធិការជាតិអូឡាំពិកកម្ពុជា (NOCC) បន្ទាប់ពី KARA សម្រេចរៀបចំព្រឹត្តិការណ៍នេះឡើងវិញ ក្រោយខកខាន ៣ឆ្នាំដោយសារវិបត្តិកូវីដ-១៩។ លោកថា ការប្រកួតនេះនឹងមានការចូលរួមប្រកួតពីកីឡាករខ្មែរ ៤៧នាក់ និងកីឡាករជប៉ុនម្នាក់សរុប ៤៨នាក់ដោយចែកចេញជា ៥កម្រិតលើចម្ងាយផ្លូវ ១៦០០ម៉ែត្រក្នុងនោះមានផ្លូវបត់កាច់កោងសរុប ១៣។ សម្រាប់កម្រិត A មានកីឡាករចូលរួមប្រកួតប្រជែង ៩នាក់, កម្រិត B ២៩នាក់, កម្រិត C ១០នាក់ និងកម្រិត D ខណៈផ្នែក Endurance មានកីឡាករចូលរួមសរុប ២០នាក់ស្មើនឹង ១០ក្រុម។ ចំពោះក្រុមបច្ចេកទេសមានចំនួន ៤៣នាក់។សម្រាប់ប្រាក់រង្វាន់ជយលាភីផ្នែក Endurance ម្ចាស់ជ័យលាភីជើងឯកទទួលបាន ៤លានរៀល, លេខ២ ទទួលបាន ៣លានរៀល និងលេខ៣ ទទួលបាន ២លានរៀល។ ចំណែកប្រាក់រង្វាន់សម្រាប់កម្រិត A B C D នឹងទទួលបានប្រាក់រង្វាន់លេខ១ ចំនួន ២លានរៀល, លេខ២ ចំនួន ១លាន ២សែនរៀល និងលេខ៣ ទទួលបាន ៨០ម៉ឺនរៀល។ លោក ពៅ តិចឡេង បានអំពាវនាវដល់កីឡាករ និងអ្នកគាំទ្រវិស័យកីឡាយានយន្ត សូមបន្តចូលរួមលើកស្ទួយវិស័យកីឡានៅកម្ពុជាឱ្យកាន់តែរីកចម្រើនបន្ថែមទៀត បន្ទាប់ពីព្រឹត្តិការណ៍កីឡាប្រណាំងម៉ូតូលើវាលរាបបានខកខានចំនួន ២ឆ្នាំ ដោយសារវិបត្តិជំងឺកូវីដ-១៩។ នៅឆ្នាំក្រោយ KARA ប្តេជ្ញារៀបចំព្រឹត្តិការណ៍ដូចគ្នានេះឱ្យបាន ២ដងក្នុង ១ឆ្នាំដើម្បីជំរុញឱ្យជំនាញកីឡាមួយនេះកាន់តែមាន ការអភិវឌ្ឍឱ្យកាន់តែល្អប្រសើរបន្ថែមទៀត៕អត្ថបទ៖ លី ឈុនឡា

កម្ពុជាបង្ហាញកីឡាករត្រៀមជួបម៉ាឡេស៊ី និងលេងពាន AFF ខណៈទូរទស្សន៍ BTV និងបាយ័នផ្សាយផ្ទាល់

បាល់ទាត់៖ សហព័ន្ធកីឡាបាល់ទាត់កម្ពុជាបានបង្ហាញបញ្ជីឈ្មោះកីឡាករ នៃក្រុមជម្រើសជាតិកម្ពុជាផ្លូវការហើយដោយមានបេក្ខភាព ២៤រូបសម្រាប់ធ្វើការប្រមូលផ្ដុំហ្វឹកហាត់ត្រៀមការប្រកួតមិត្តភាពអន្តរជាតិ ជាមួយក្រុមជម្រើសជាតិម៉ាឡេស៊ីនាថ្ងៃទី០៩ ខែធ្នូ និងត្រៀមការប្រកួតពានរង្វាន់ជើងឯកអាស៊ីអាគ្នេយ៍ AFF Mitsubishi Electric Cup 2022 ចាប់ពីថ្ងៃទី២០ ខែធ្នូ ឆ្នាំ២០២២ ដល់ថ្ងៃទី១៦ ខែមករា ឆ្នាំ២០២៣ ខាងមុខ។ សម្រាប់កីឡាករ ២៤រូបដែលត្រូវបានសម្រេច និងជ្រើសរើសដោយអ្នកចាត់ការទូទៅលោក Keisuke Honda នេះ រួមមានសមាជិកក្លិបភ្នំពេញក្រោន ៥រូបគឺកីឡាករ ជួន ចាន់ចាវ, សឿត បារាំង, យ៉ើ ម៊ូស្លីម, អ៊ន ចាន់ប៉ូលីន និង លឹម ពិសុទ្ធ។ សមាជិកវិសាខា ១០រូបគឺមាន កែវ សុខសិលា, វីរៈ ដារ៉ា, ឆេង ម៉េង, ទេស សម្បត្តិ, អ៊ុក សុវណ្ណ, អ៊ិន សូដាវីដ, ធារី ចន្ថាប៊ីន, កែវ សុខផេង, សារ ទី និង រ៉ឹង ប៊ុនហៀង។ សមាជិកក្លិបព្រះខ័នរាជស្វាយរៀង ២រូបគឺខ្សែការពារ សារ៉េត គ្រីយ៉ា និង សឿយ វិសាល។ សមាជិកក្រុមបឹងកេត ៤រូបគឺមាន ហ៊ុល គឹមហ៊ុយ, តាំង ប៊ុនឆៃ, ម៉ាត់ នូរុណ និង សៀយ ចន្ធា។ សមាជិកក្លិបណាហ្គាវើលដ៏ម្នាក់គឺកីឡាករ សុះ ស៊ូហាណា និងកីឡាករប្រកបអាជីពក្រៅស្រុក ២រូបគឺកីឡាករខ្មែរ-បារាំង កុក បូរីស លេងនៅក្លិបម៉ាឡេស៊ី Sarawak United និងកីឡាករខ្មែរ-អាមេរិក ថេឡរ នីកូឡា ឌឿង លេងនៅក្លិបអាមេរិក Orlando City។បន្ទាប់ពីការបង្ហាញបញ្ជីឈ្មោះនេះ ក្រុមគោព្រៃកម្ពុជាគ្រោងនឹងធ្វើការប្រមូលផ្ដុំហ្វឹកហាត់នៅដើមសប្ដាហ៍នេះ ដើម្បីធ្វើការប្រកួតមិត្តភាពអន្ដរជាតិ និងដកស្រង់បច្ចេកទេសជាមួយក្រុមជម្រើសជាតិម៉ាឡេស៊ី នៅទឹកដីម៉ាឡេស៊ីនាថ្ងៃទី០៩ ខែធ្នូខាងមុខ ដែលជាការប្រកួតដកស្រង់បច្ចេកទេសត្រៀមឆ្ពោះទៅរកការប្រកួតពានរង្វាន់ AFF Mitsubishi Electric Cup 2022 រវាងក្រុមទាំងពីរ។ សម្រាប់បេសកកម្មប្រកួតបាល់ទាត់ជើងឯកអាស៊ីអាគ្នេយ៍វិញកម្ពុជាគឺស្ថិតក្នុងពូល A ខណៈកម្មវិធីប្រកួតរួមមានថ្ងៃទី២០ ខែធ្នូ កម្ពុជាត្រូវបើកទ្វារផ្ទះទទួលហ្វីលីពីនមុនគេ មុនជួបឥណ្ឌូនេស៊ីក្រៅដីនាថ្ងៃទី២៣ ខែធ្នូខាងមុខ។ បន្ទាប់មកនៅថ្ងៃទី២៩ ខែធ្នូ កម្ពុជានឹងត្រូវបើកទ្វារពហុកីឡដ្ឋានជាតិមរតកតេជោជាថ្មីទទួលក្រុមប្រ៊ុយណេវិញម្ដង មុនការប្រកួតបញ្ចប់ជាមួយក្រុមម្ចាស់ផ្ទះថៃនាថ្ងៃទី០២ ខែមករា ឆ្នាំ២០២៣ ខាងមុខ។ គួរដឹងថា សម្រាប់ការប្រកួតក្នុងដីរបស់ក្រុមគោព្រៃកម្ពុជា គឺអគ្គនាយកដ្ឋានវិទ្យុ និងទូរទស្សន៍បាយ័ន និងទូរទស្សន៍ BTV-News បានទទួលសិទ្ធធ្វើការផ្សាយផ្ទាល់ ពីវិមានកីឡដ្ឋាននៃពហុកីឡដ្ឋានជាតិមរតកតេជោជូនដល់បងប្អូនប្រជាពលរដ្ឋបានទស្សនា។ កុំភ្លេចចូលរួមទស្សនា និងគាំទ្រក្រុមជម្រើសជាតិកម្ពុជាឲ្យបានច្រើនកុះករ៕អត្ថបទ៖ លី ឈុនឡា

ការរត់ម៉ារ៉ាតុង និងជិះកង់កម្សាន្តក្រោមម្លប់សន្តិភាព សម្រាប់អបអសាទរពិធីអុំទូក នៅក្រុងកំពង់ឆ្នាំង

កំពង់ឆ្នាំង ៖ នៅព្រឹកថ្ងៃទី០២ ខែធ្នូ ឆ្នាំ២០២២នេះ គឺជាព្រឹត្តិការណ៍ដែលពុំធ្លាប់មាននៅខេត្តកំពង់ឆ្នាំង ដែលរដ្ឋបាលខេត្តបានរៀបចំពិធីអុំទូក បាញ់កាំជ្រួច ហើយនៅថ្ងៃដំបូង នៃពិធីគឺការជិះកង់ និងរត់កម្សាន្តក្រោមម្លប់សុខសន្តិភាព និងមានការចេញដំណើរពីសាលាខេត្ត ទៅតាមផ្លូវទៅផ្សារក្រោម សង្កាត់ផ្សារឆ្នាំង ក្រុងកំពង់ឆ្នាំង និងវិលមកទីតាំអសាលាខេត្តវិញ ដោយមានយុវជនចូលរួមប្រមាណជាង ៥០០នាក់។ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំងបានថ្លែងថា៖ ថ្ងៃនេះ គឺជាព្រឹត្តិការណ៍ដែលពុំធ្លាប់មាននៅខេត្តកំពង់ឆ្នាំងយើង បន្ទាប់ពីរាជរដ្ឋាភិបាលបានអនុញ្ញាតឱ្យរាជធានីខេត្តទាំងអស់ ប្រារព្ធពិធី អុំទូក បាញ់កាំជ្រួចនៅតាមខេត្តរៀងៗខ្លួន។ ក្នុងនោះក៏មានទូកមកពីតាមខេត្តមួយចំនួនជុំវិញបឹងទន្លេសាប បានមកចូលរួមប្រណាំងរួមមានខេត្តកែប កំពង់ចាម កំពង់ស្ពឺ ស្វាយរៀង ពោធិ៍សាត់ បន្ទាយមានជ័យ កំពង់ធំ និងខេត្តកណ្តាល ។តំណាងយុវជនក្នុងខេត្តបានបញ្ជាក់ថា៖ នេះគឺជាវប្បធម៌ថ្មីមួយរវាងខេត្ត និងខេត្ត ដើម្បីរក្សាវប្បធម៌ប្រពៃណីខ្មែរ ក្រោមម្លប់សុខសន្តិភាព ធ្វើយ៉ាងណាអោយប្រជាពលរដ្ឋមានភាពសប្បាយរីករាយ ក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានធ្វើឲ្យប្រទេសជាតិយើងមាន សុខសន្តិភាព ស្ថេរភាពនយោបាយ និងការអភិវឌ្ឍន៍លើគ្រប់វិស័យ រីឯប្រជាពលរដ្ឋរស់នៅមានសុខសាន្តគ្រប់គ្នា ។ នៅក្នុងព្រឹត្តិការណ៍អុំទូករយៈពេល២ថ្ងៃនេះ មានការប្រណាំងទូក រត់ម៉ារ៉ាតង់ ប្រណាំងកង់ ប្រដាល់សេរី ល្បុកក្តតោ ពិសេសគឺតំបន់ត្រជាក់ ស្តង់លក់ទំនិញគ្រប់ប្រភេទ កន្លែងសម្រាប់កម្សាន្តសប្បាយជាច្រើនទៀត និងមានការប្រគុំតន្រ្តីចំនួន៤ទីតាំងធំៗផងដែរ ៕ ហុង វាស្នា

Massimiliano Allegri នឹងបន្តដឹកនាំ Juventus ទោះមានការរុះរើក្បាលដំបូលក្លិបទាំងស្រុង

បាល់ទាត់៖ លោក Massimiliano Allegri នឹងនៅតែបន្តតំណែងអ្នកចាត់ការក្លិបសេះបង្កង់ Juventus ដដែលទោះបីក្លិបយក្សអ៊ីតាលីមួយនេះ មានការរុះរើក្បាលដំបូលក្លិបគួរឱ្យភ្ញាក់ផ្អើលកាលពីថ្ងៃចន្ទក៏ដោយ។ តំណែងប្រធានក្លិបរបស់លោក Andrea Agnelli នឹងត្រូវជំនួសដោយលោក John Elkann ហើយប្រធានក្លិបថ្មីរូបនេះគឺជាធានាអះអាងតំណែងរបស់លោក Allegri។ កាលពីថ្ងៃចន្ទក្លិបយក្សអ៊ីតាលីមួយនេះ បានប្រកាសពីការលាលែងតំណែងគួរឱ្យភ្ញាក់ផ្អើលរបស់ជួរថ្នាក់ដឹកនាំក្លិប ដែលរួមមានប្រធានក្លិបលោក Andrea Agnelli, អនុប្រធានក្លិបលោក Pavel Nedved និងនាយកប្រតិបត្តិ Maurizio Arrivabene ជាដើម។ ការលាលែងតំណែងជាក្រុមនេះត្រូវបានគេដឹងថា ពាក់ព័ន្ធនឹងការខាតបង់ប្រាក់ចំណូលដល់ទៅជាង ២០០លានផោន នៅពេលដែល Juventus បញ្ចប់រដូវកាលនៅចំណាត់ថ្នាក់លេខ ៤ ក្របខណ្ឌកំពូលអ៊ីតាលី Serie A។រំលឹកថា លោក Massimiliano Allegri ធ្លាប់ឈ្នះជើងឯក Serie A ៥លើកជាមួយសេះបង្កង់ Juventus បូករួមទាំង Italian Cup ៤លើក, Italian Super Cup ២លើក និងឡើងវគ្គផ្តាច់ព្រ័ត្រ UEFA Champions League ២លើក។ Juventus បច្ចុប្បន្នកំពុងឈរលេខ ៣ នៅ Serie A ក្រោយឈ្នះ ៦ប្រកួតជាប់គ្នាមុន World Cup នេះនៅពីលើក្រុមលេខ ៤ Lazio ១ពិន្ទុ តែតាមពីក្រោយក្រុមកំពូលតារាង Napoli ១០ពិន្ទុ៕អត្ថបទ៖នាង សុភាវុធ

មន្ត្រីអាជ្ញាកណ្តាលស្ត្រីមួយក្រុមនឹងដឹកនាំការប្រកួតនៅ World Cup ជាលើកដំបូងយប់នេះ

បាល់ទាត់៖ អាជ្ញាកណ្តាលជាស្ត្រីមួយក្រុមនឹងដឹកនាំការប្រកួតបុរសនៅ World Cup ជាលើកដំបូងយប់ថ្ងៃព្រហស្បតិ៍នេះក្នុងជំនួបរវាងកូស្តារីកាទល់នឹងអាល្លឺម៉ង់។ លោកស្រី Stephanie Frappart នឹងជាអាជ្ញាកណ្តាលស្ត្រីទី១ ដែលនឹងដឹកនាំការប្រកួតបុរសនៅ World Cup ផងដែរ។ អាជ្ញាកណ្តាលស្ត្រីសញ្ជាតិបារាំងរូបនេះក៏បានក្លាយជាមន្ត្រីអាជ្ញាកណ្តាលស្ត្រីទី១ ផងដែរដែលមានឈ្មោះជាមន្ត្រីទី៤ ក្នុងការប្រកួត World Cup ក្នុងជំនួបរវាងម៉ិកស៊ិក និងប៉ូឡូញកាលពីថ្ងៃអង្គារសប្តាហ៍មុនផងដែរ។ សម្រាប់ការប្រកួតរវាងអាល្លឺម៉ង់ និងកូស្តារីកាយប់នេះលោកស្ត្រី Stephanie Frappart នឹងត្រូវដឹកនាំការប្រកួតជាមួយអាជ្ញាកណ្តាលស្ត្រីបីនាក់ទៀតរួមមាន Neuza Back សញ្ជាតិប្រេស៊ីល និង Karen Diaz Medina សញ្ជាតិម៉ិកស៊ិក។រំលឹកថា លោកស្រី Frappart គឺជាអាជ្ញាកណ្តាលស្ត្រីទី១ ដែលដឹកនាំការប្រកួតបុរសក្របខណ្ឌ UEFA Champions League កាលពីឆ្នាំ២០២០។ ក្រៅពីអាជ្ញាកណ្តាលស្ត្រី ៣នាក់ខាងលើក៏មានអាជ្ញាកណ្តាលស្ត្រី ២នាក់ទៀតរួមមានលោកស្រី Salima Mukansangga សញ្ជាតិរ៉ូវ៉ាន់ដា និង Yoshimi Yamashita ផងដែរក្នុងចំណោមមន្ត្រីអាជ្ញាកណ្តាល ៣៦ ដែលមានឈ្មោះដឹកនាំការប្រកួតនៅ World Cup 2022 នៅប្រទេសកាតានេះ៕អត្ថបទ៖នាង សុភាវុធ

អូស្ត្រាលីឈ្នះដាណឺម៉ាកឡើងវគ្គ ១៦ក្រុម ខណៈទុយនេស៊ីឈ្នះបារាំងតែអត់បានឡើង

បាល់ទាត់៖ ក្រុមជម្រើសជាតិអូស្ត្រាលីបានឈានឡើងវគ្គ ១៦ក្រុមចុងក្រោយ World Cup ជាលើកដំបូងក្នុងរយៈពេល ១៦ឆ្នាំ បន្ទាប់ពីយកឈ្នះដាណឺម៉ាកប្រកួតចុងក្រោយក្នុងពូលគួរឱ្យភ្ញាក់ផ្អើល ១-០។ ដាណឺម៉ាកត្រូវការជ័យជំនះដាច់ខាតដើម្បីឡើងវគ្គបន្ត តែអូស្ត្រាលីធ្វើឱ្យអ្នកគាំទ្រដាណឺម៉ាកគាំងបាត់មាត់ តាមរយៈគ្រាប់បាល់ជ័យជំនះរបស់អូស្ត្រាលីនៅនាទីទី៦០ ដោយ Mathew Leckie។ អូស្ត្រាលីត្រូវបានគេមើលឃើញថាជាក្រុមលំដាប់ទាបជាងគេនៅក្នុងពូល D នេះមុន World Cup ចាប់ផ្តើម។ អូស្ត្រាលីឡើងវគ្គខ្វែងចុងក្រោយបំផុតតាំងពីឆ្នាំ២០០៦ World Cup នៅអាល្លឺម៉ង់ ជំនាន់របស់ Harry Kewell និង Tim Cahill តែធ្លាក់នៅវគ្គ ១៦ក្រុមក្រោមស្នាដៃរបស់អ៊ីតាលីនៅពេលនោះ។ នៅវគ្គ ១៦ក្រុមចុងក្រោយនៅកាតានេះ អូស្ត្រាលីនឹងឡើងជួបជាមួយអាហ្សង់ទីន។ងាកមកមួយក្រុមទៀតទុយនេស៊ីបានយកឈ្នះបារាំង ១-០ ផងដែរតែក្រុមមកពីអាហ្វ្រិកមួយនេះមិនបានឡើងវគ្គ ១៦ក្រុមចុងក្រោយឡើយ។ មួយគ្រាប់ជ័យជំនះរបស់ទុយនេស៊ីសំរេចបានដោយប្រធានក្រុម Wahbi Khazi នៅនាទីទី៥៨ ខណៈបារាំងមានគ្រាប់បាល់តាមស្មើវិញនៅចុងម៉ោងដោយ Antoine Griezmann តែអាជ្ញាកណ្តាលមិនឱ្យក្រោយមើល VAR។ ជ័យជំនះនេះធ្វើឱ្យបារាំងឡើងវគ្គ ១៦ក្រុមចុងក្រោយដោយនឹងត្រូវជួបជាមួយប៉ូឡូញ។ ពូល D នេះបារាំងឈរលើគេក្នុងពូលមាន ៦ពិន្ទុស្មើគ្នានឹងអូស្ត្រាលី ខណៈទុយនេស៊ីមាន ៤ពិន្ទុ និងដាណឺម៉ាកមានត្រឹម ១ពិន្ទុ៕អត្ថបទ៖នាង សុភាវុធ

អាហ្សង់ទីនឈ្នះប៉ូឡូញ តែក្រុមទាំងពីរឡើងវគ្គ ១៦ក្រុមចុងក្រោយ

បាល់ទាត់៖ ក្រុមជម្រើសជាតិអាហ្សង់ទីនទីបំផុតបានកែប្រែពីបរាជ័យប្រកួតដំបូងក្នុងពូល រហូតយកឈ្នះពីរប្រកួតចុងក្រោយដើម្បីឡើងវគ្គ ១៦ក្រុមចុងក្រោយនៅព្រឹត្តិការណ៍បាល់ទាត់ពិភពលោក FIFA World Cup 2022 នៅកាតា។ ប្រកួតកាត់សេចក្តីនៅយប់ថ្ងៃពុធម្សិលមិញ អាហ្សង់ទីនបានយកឈ្នះប៉ូឡូញ ២-០ ដើម្បីបញ្ចប់ការប្រកួតក្នុងពូលជាក្រុមលេខ ១ ដោយមាន ៦ពិន្ទុ។ Lionel Messi ត្រូវបានគេចាត់ទុកថា ជាតួអង្គសំខាន់ក្នុងការត្រួសត្រាយផ្លូវអាហ្សង់ទីនត្រលប់មកកាន់ជ័យជំនះ វិញតែខ្សែប្រយុទ្ធរបស់ PSG រូបនេះបែជាស៊ុតបាល់ពិន័យ ១១ម៉ែត្រមិនចូលនៅនាទីទី៣៩។ យ៉ាងណាក្តីអាហ្សង់ទីននៅតែមានប្រៀបលើប៉ូឡូញ ទាំងការគ្រប់គ្រងបាល់ និងឱកាសស៊ុតបញ្ចូលទីរហូតរកបានគ្រាប់នាំមុខនៅដើមវគ្គទី២ ដោយខ្សែបម្រើរបស់ Brighton, Alexis MacAllister នៅនាទីទី៤៦ និងខ្សែប្រយុទ្ធ Man City, Julian Alvarez នៅនាទីទី៦៧។ ជ័យជំនះនេះគ្រប់គ្រាន់សម្រាប់អាហ្សង់ទីនដើម្បីឡើងវគ្គបន្តជួបជាមួយអូស្ត្រាលី តែប៉ូឡូញក៏មិនធ្លាក់ដែរដោយមាន ៤ពិន្ទុឈរលេខ ២ ឈ្នះគ្រាប់បាល់ចំណេញលើម៉ិកស៊ិក។មួយគូទៀតក្នុងពូលនេះម៉ិកស៊ិកបានយកឈ្នះអារ៉ាប៊ីសាអ៊ូឌីត ២-១ ដើម្បីមាន ៤ពិន្ទុស្មើជាមួយប៉ូឡូញតែមិនអាចឡើងវគ្គបន្តបាន។ ម៉ិកស៊ិកបាននាំមុខ ២គ្រាប់មុនដោយ Henry Martin នាទីទី៤៧ និងមួយគ្រាប់ទៀតដោយ Luis Chavez។ គិតត្រឹម ២-០ នាំមុខនេះ ម៉ិកស៊ិកមានគ្រាប់បាល់ចំណេញស្មើគ្នានឹងប៉ូឡូញ តែនៅតែចាញ់ប៉ូឡូញបើគិតពីគោលការវិន័យ ដោយម៉ិកស៊ិកមានកាតលឿងតិចជាងម៉ិកស៊ិក។ យ៉ាងណាក្តីចុងក្រោយអារ៉ាប៊ីសាអ៊ូឌីតក៏រកបានគ្រាប់តាមពីក្រោយ ១-២ ដោយបាល់ពិន័យ ១១ម៉ែត្ររបស់ Salem Al Dawsari នាទីទី៩០+៥ មានន័យថា ម៉ិកស៊ិកមានគ្រាប់បាល់ចំណេញចាញ់ប៉ូឡូញ ១គ្រាប់។ ប៉ូឡូញនឹងត្រូវជួបជាមួយក្រុមការពារជើងឯកបារាំងនៅវគ្គ ១៦ក្រុមចុងក្រោយ៕អត្ថបទ៖នាង សុភាវុធ

កីឡាវាយកូនឃ្លីលើតុមានមន្ដ្រីបច្ចេកទេសគ្រប់គ្រាន់ត្រៀមស៊ីហ្គេម តែបារម្ភរឿងប្រជែងមេដាយ

កីឡាជាតិ៖ លោក ស៊ុន សុទ្ធារិទ្ធ អគ្គលេខាធិការសហព័ន្ធកីឡាវាយកូនឃ្លីលើតុកម្ពុជា បានវាយតម្លៃខ្ពស់ចំពោះដំណើរការរៀបចំការប្រកួតកីឡាជាតិលើកទី៣ ដែលដំណើរការដោយរលូន និងទទួលបានជោគជ័យ។ តាមរយៈនេះ លោកថា សហព័ន្ធមានធនធានមន្ដ្រីបច្ចេកទេសគ្រប់គ្រាន់ ទាំងអាជ្ញាកណ្ដាល-ចៅក្រម សម្រាប់ត្រៀមស៊ីហ្គេមឆ្នាំ២០២៣ តែអ្វីដែលសហព័ន្ធបារម្ភនោះគឺការប្រជែងមេដាយជូនជាតិ។ ការលើកឡើងនេះ បន្ទាប់ពីកីឡាវាយកូនឃ្លីលើតុបានបញ្ចប់ការប្រកួតក្នុងព្រឹត្តិការណ៍កីឡាជាតិលើកទី៣ ក្រោយដំណើរការប្រកួតរយៈពេល ៥ថ្ងៃចាប់ពីថ្ងៃទី២៥ ដល់ថ្ងៃទី២៩ ខែវិច្ឆិកា ឆ្នាំ២០២២ នៅពហុកីឡដ្ឋានជាតិ។ ពិធីបិទការប្រកួតកីឡាវាយកូនឃ្លីលើតុនេះ បានធ្វើឡើងក្រោមអធិបតីភាពឯកឧត្តមនាយឧត្តមសេនីយ៍ គៀត ច័ន្ទថារិទ្ធ ប្រធានសហព័ន្ធកីឡាវាយកូនឃ្លីលើតុកម្ពុជា។ អគ្គលេខាធិការសហព័ន្ធដដែលបន្ដថា ដោយមានការយកចិត្តទុកដាក់របស់ប្រធានសហព័ន្ធ បានឧបត្ថម្ភគាំទ្រឲ្យមានការបើកវគ្គបណ្ដុះបណ្ដាលអាជ្ញាកណ្ដាល ចៅក្រម ថ្នាក់ជាតិ និងអន្ដរជាតិជាបន្ដបន្ទាប់ រហូតថ្មីៗទើបសហព័ន្ធបានបញ្ចូនទៅប្រឡងជាប់អាជ្ញាកណ្ដាល ចៅក្រមអន្ដរជាតិ ៦រូប។ ដូច្នេះសហព័ន្ធមិនមានការបារម្ភរឿងមន្ដ្រីបច្ចេកទេសនោះទេ អ្វីបារម្ភគឺកម្រិតបច្ចេកទេសកីឡាករ-កីឡាការិនីដែលត្រូវប្រជែងមេដាយ។គួរដឹងថា កីឡាវាយកូនឃ្លីលើតុនៃកីឡាជាតិលើកទី៣ នេះមានប្រតិភូ គ្រូបង្វឹក និងកីឡាករ-កីឡាការិនីចូលរួមសរុប ៣៩រូបមកពី ៧ក្រសួង និងរាជធានី-ខេត្ត។ រីឯផ្នែកកីឡាវាយកូនឃ្លីលើតុជនពិការគឺមានប្រតិភូ គ្រូបង្វឹក និងកីឡាករ-កីឡាការិនីចូលរួមសរុប ១៤នាក់។ ចំពោះលទ្ធផលកីឡាកូនឃ្លីលើតុ (ជនមិនមានពិការភាព) ក្រសួងមហាផ្ទៃឈ្នះមេដាយច្រើនជាងគេរួមមានមេដាយមាស ៣ និងប្រាក់ ២ និងខេត្តប៉ៃលិនឈ្នះមេដាយមាស ១ និងប្រាក់ ២ ឈរលេខ២។ ចំណែកលទ្ធផលកីឡាវាយកូនឃ្លីលើតុជនពិការ គឺខេត្តព្រៃវែងឈ្នះមេដាយច្រើនជាងគេរួមមានមេដាយមាស ៣ និងប្រាក់ ១៕អត្ថបទ៖ លី ឈុនឡា

កីឡាប៊ីយ៉ា និងស្នូកឃ័របញ្ចប់ការប្រកួតក្នុងកីឡាជាតិលើកទី៣ ដោយជោគជ័យ

កីឡាជាតិ៖ ការប្រកួតកីឡាប៊ីយ៉ា និងស្នូកឃ័រក្នុងព្រឹត្តិការណ៍កីឡាជាតិលើកទី៣ ឆ្នាំ២០២២ បានបញ្ចប់ដោយជោគជ័យ ក្រោយដំណើរការប្រកួតរយៈ ៤ថ្ងៃចាប់ពីថ្ងៃទី២៦ ដល់ថ្ងៃទី២៩ ខែវិច្ឆិកាកន្លងទៅ។ លោក ម៉ារ៉ា សុជាតិ អគ្គលេខាធិការសហព័ន្ធបានបញ្ជាក់ថា ការបង្ហាញខ្លួនលើកដំបូងក្នុងកីឡាជាតិរបស់កីឡាប៊ីយ៉ា និងស្នូកឃ័រនេះគឺមានកីឡាករ ២៥រូបមកពី ៦ក្រសួង និងខេត្តចូលរួមដែលធ្វើការប្រកួតលើ ៦វិញ្ញាសា។ ចំពោះការប្រកួតបានដំណើរការរៀបចំយ៉ាងរលូន ទាំងមន្ដ្រីបច្ចេកទេសរៀបចំ អាជ្ញាកណ្ដាល ចៅក្រម កាត់សេចក្ដី និងការបង្ហាញសមត្ថភាពរបស់កីឡាករ ដែលសបញ្ជាក់ឲ្យឃើញភាពរីកចម្រើនថ្មីមួយទៀត សម្រាប់សហព័ន្ធត្រៀមឆ្ពោះទៅស៊ីហ្គេមឆ្នាំ២០២៣។សម្រាប់លទ្ធផលបច្ចេកទេសក្នុងការប្រកួតនេះ ក្រសួងមហាផ្ទៃដណ្ដើមបានមេដាយច្រើនជាងគេរួមមានមេដាយមាស ៣ ប្រាក់ ១ និងសំរឹទ្ធ ១ ខណៈខេត្តប៉ៃលិនឈរលេខ២ ឈ្នះមេដាយមាស ២ និងសំរឹទ្ធ ២ និងខេត្តកំពង់ចាមឈ្នះមេដាយមាស ១ និងសំរឹទ្ធ ១ ឈរលេខរៀងទី៣៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

មន្ទីរបញ្ចកោណ នឹងវិនិយោគ ៤០០លានដុល្លារ ក្នុងការរុករករ៉ែកម្ររបស់អូស្ត្រាលី

អ្នកនាំពាក្យក្រសួងព័ត៌មាន អំពាវនាវឱ្យយុវជននៅសមរភូមិក្រោយ បង្កើនស្មារតីប្រុងប្រយ័ត្នខ្ពស់ និងភាពម្ចាស់ការដើម្បីទប់ទល់នឹងសង្គ្រាមសតិអារម្មណ៍

សមាជិកព្រឹទ្ធសភាបក្សសាធារណរដ្ឋអនុម័តតែងតាំងលោក Todd Blanche ជារដ្ឋមន្ត្រីយុត្តិធម៌អាមេរិក

ឧទ្ធម្ភាគចក្រពន្លត់អគ្គិភ័យ ធ្លាក់នៅជិតចំហេះព្រៃរបស់អាមេរិក ដោយមានមនុស្ស ២នាក់នៅខាងក្នុង

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញមកដោយផ្ទាល់ដើម្បីប្រគល់ផ្ទះថ្មី ចំនួន ៦ខ្នង ជូនក្រុមគ្រួសាររបស់វីរកងទ័ពពលី

ជប៉ុនសម្លឹងការចំណាយការពារជាតិខ្ពស់បំផុត ៥៦ពាន់លានដុល្លារ ស្របពេលបារម្ភពីសន្តិសុខក្នុងតំបន់

កូរ៉េខាងត្បូងត្រៀមប្រឈមនឹងកម្ដៅក្ដៅខ្លាំង ខណៈជំងឺទាក់ទងនឹងកម្ដៅកើនឡើង

ប្រធានាធិបតីអ៊ុយក្រែន លោក Zelenskyy បំពេញទស្សនកិច្ចនៅស៊ែប៊ីដែលជាសម្ព័ន្ធមិត្តរុស្ស៊ី

ព្យុះទីហ្វុង Dolphin ធ្វើឱ្យមានអ្នករបួស ៥នាក់ នៅខេត្ត Okinawa របស់ជប៉ុន ខណៈចិនបិទកំពង់ផែ មុនព្យុះទៅដល់

មេដឹកនាំកោះតៃវ៉ាន់ត្រួតពិនិត្យការហ្វឹកហ្វឺនវាយប្រហារតាមឆ្នេរសមុទ្រ អំឡុងសមយុទ្ធប្រចាំឆ្នាំ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

បារាំងឡើងវគ្គ ៨ក្រុម ខណៈ Giroud ក្លាយជាកីឡាករស៊ុតបញ្ចូលទីឱ្យក្រុមជម្រើសជាតិបារាំងច្រើនជាងគេ

កីឡាករខ្មែរ-ជប៉ុនប្រមាណ ៥០នាក់នឹងចូលរួមប្រណាំងម៉ូតូលើវាលរាបចុងសប្ដាហ៍នេះ

កម្ពុជាបង្ហាញកីឡាករត្រៀមជួបម៉ាឡេស៊ី និងលេងពាន AFF ខណៈទូរទស្សន៍ BTV និងបាយ័នផ្សាយផ្ទាល់

ការរត់ម៉ារ៉ាតុង និងជិះកង់កម្សាន្តក្រោមម្លប់សន្តិភាព សម្រាប់អបអសាទរពិធីអុំទូក នៅក្រុងកំពង់ឆ្នាំង

Massimiliano Allegri នឹងបន្តដឹកនាំ Juventus ទោះមានការរុះរើក្បាលដំបូលក្លិបទាំងស្រុង

មន្ត្រីអាជ្ញាកណ្តាលស្ត្រីមួយក្រុមនឹងដឹកនាំការប្រកួតនៅ World Cup ជាលើកដំបូងយប់នេះ

អូស្ត្រាលីឈ្នះដាណឺម៉ាកឡើងវគ្គ ១៦ក្រុម ខណៈទុយនេស៊ីឈ្នះបារាំងតែអត់បានឡើង

អាហ្សង់ទីនឈ្នះប៉ូឡូញ តែក្រុមទាំងពីរឡើងវគ្គ ១៦ក្រុមចុងក្រោយ

កីឡាវាយកូនឃ្លីលើតុមានមន្ដ្រីបច្ចេកទេសគ្រប់គ្រាន់ត្រៀមស៊ីហ្គេម តែបារម្ភរឿងប្រជែងមេដាយ

កីឡាប៊ីយ៉ា និងស្នូកឃ័របញ្ចប់ការប្រកួតក្នុងកីឡាជាតិលើកទី៣ ដោយជោគជ័យ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡាករ​ខ្មែរ​-​ជប៉ុន​ប្រមាណ ៥០​នាក់​នឹងចូលរួម​ប្រណាំង​ម៉ូតូ​លើ​វាលរាប​ចុង​សប្ដាហ៍​នេះ​

កម្ពុជា​បង្ហាញ​កីឡាករ​ត្រៀម​ជួប​ម៉ាឡេស៊ី និង​លេង​ពាន​ AFF ​ខណៈ​ទូរទស្សន៍​ BTV ​និង​បាយ័នផ្សាយ​ផ្ទាល់​

ការរត់ម៉ារ៉ាតុង និងជិះកង់កម្សាន្តក្រោមម្លប់សន្តិភាព សម្រាប់អបអសាទរពិធីអុំទូក នៅក្រុងកំពង់ឆ្នាំង

Massimiliano Allegri នឹង​បន្ត​ដឹកនាំ Juventus ទោះ​មានការ​រុះរើ​ក្បាល​ដំបូល​ក្លិប​ទាំងស្រុង

មន្ត្រី​អាជ្ញាកណ្តាល​ស្ត្រី​មួយក្រុម​នឹង​ដឹកនាំ​ការប្រកួត​នៅ World Cup ជា​លើកដំបូង​យប់​នេះ​

អូស្ត្រាលី​ឈ្នះ​ដា​ណឺ​ម៉ាក​ឡើង​វគ្គ ១៦​ក្រុម ​ខណៈ​ទុយ​នេ​ស៊ី​ឈ្នះ​បារាំង​តែ​អត់​បាន​ឡើង

អា​ហ្ស​ង់​ទីន​ឈ្នះ​ប៉ូឡូញ​ តែ​ក្រុម​ទាំងពីរ​ឡើង​វគ្គ ១៦​ក្រុម​ចុងក្រោយ

កីឡាវាយកូនឃ្លីលើតុ​មាន​មន្ដ្រី​បច្ចេកទេស​គ្រប់គ្រាន់​ត្រៀម​ស៊ី​ហ្គេម តែ​បារម្ភ​រឿង​ប្រជែង​មេដាយ​

កីឡា​ប៊ីយ៉ា និង​ស្នូកឃ័រ​បញ្ចប់​ការប្រកួត​ក្នុង​កីឡា​ជាតិ​លើក​ទី​៣ ដោយ​ជោគជ័យ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាករខ្មែរ-ជប៉ុនប្រមាណ ៥០នាក់នឹងចូលរួមប្រណាំងម៉ូតូលើវាលរាបចុងសប្ដាហ៍នេះ

កម្ពុជាបង្ហាញកីឡាករត្រៀមជួបម៉ាឡេស៊ី និងលេងពាន AFF ខណៈទូរទស្សន៍ BTV និងបាយ័នផ្សាយផ្ទាល់

Massimiliano Allegri នឹងបន្តដឹកនាំ Juventus ទោះមានការរុះរើក្បាលដំបូលក្លិបទាំងស្រុង

មន្ត្រីអាជ្ញាកណ្តាលស្ត្រីមួយក្រុមនឹងដឹកនាំការប្រកួតនៅ World Cup ជាលើកដំបូងយប់នេះ

អូស្ត្រាលីឈ្នះដាណឺម៉ាកឡើងវគ្គ ១៦ក្រុម ខណៈទុយនេស៊ីឈ្នះបារាំងតែអត់បានឡើង

អាហ្សង់ទីនឈ្នះប៉ូឡូញ តែក្រុមទាំងពីរឡើងវគ្គ ១៦ក្រុមចុងក្រោយ

កីឡាវាយកូនឃ្លីលើតុមានមន្ដ្រីបច្ចេកទេសគ្រប់គ្រាន់ត្រៀមស៊ីហ្គេម តែបារម្ភរឿងប្រជែងមេដាយ

កីឡាប៊ីយ៉ា និងស្នូកឃ័របញ្ចប់ការប្រកួតក្នុងកីឡាជាតិលើកទី៣ ដោយជោគជ័យ