BTV NEWS

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

កីឡាករ កីឡាការិនីហាប់គីដូកម្ពុជាទៅចូលរួមការប្រកួតនៅហុងកុងភាគច្រើនត្រូវចំណាយថវិការផ្ទាល់ខ្លួន

ព័ត៌មានកីឡា

ប្រធានសហព័ន្ធកីឡាវាយសីជំរុញគ្រប់ភាគីពាក់ព័ន្ធបន្ដខំប្រឹង ដើម្បីរួមគ្នាសាងប្រវត្តិសាស្ត្រថ្មីនៅស៊ីហ្គេម

កីឡាជាតិ៖ ឯកឧត្តម លី កុសល ប្រធានសហព័ន្ធកីឡាវាយសីកម្ពុជាបានជំរុញគ្រប់ភាគីពាក់ព័ន្ធ ទាំងមន្ដ្រីបច្ចេកទេស គ្រូបង្វឹក និងកីឡាករ-កីឡាការិនីត្រូវបន្ដខិតខំប្រឹងប្រែង និងដុសខាតសមត្ថភាពឲ្យបានគ្រប់ជ្រុងជ្រោយ ដើម្បីរួមគ្នាសាងប្រវត្តិសាស្ដ្រថ្មី នៅពេលកម្ពុជាធ្វើម្ចាស់ផ្ទះការប្រកួតកីឡាស៊ីហ្គេមលើកទី៣២ នាឆ្នាំ២០២៣។ ការលើកឡើងនេះ បន្ទាប់ពីសហព័ន្ធបានបញ្ចប់ការប្រកួតរបស់ខ្លួនដោយជោគជ័យ ក្នុងព្រឹត្តិការណ៍កីឡាជាតិលើកទី៣ កាលពីថ្ងៃទី២៩ ខែវិច្ឆិកា។ ពិធីបិទនេះក៏មានការចូលរួមពីឯកឧត្តម វ៉ា ស៊ិនភីរម្យ ទីប្រឹក្សាជាន់ខ្ពស់គណៈកម្មាធិការជាតិអូឡាំពិកកម្ពុជា ទទួលបន្ទុកបេសកម្មពិសេស និងជាទីប្រឹក្សាជាន់ខ្ពស់សហព័ន្ធកីឡាវាយសីកម្ពុជា ហើយឯកឧត្តមក៏បានឧបត្ថម្ភថវិកា ១ពាន់ដុល្លារដល់សហព័ន្ធសម្រាប់ប្រើប្រាស់ក្នុងការប្រកួតនេះផងដែរ។ ឯកឧត្តម លី កុសល បានកោតសរសើរ និងវាយតម្លៃខ្ពស់ចំពោះការខិតខំរៀបចំរបស់គណៈកម្មការបច្ចេកទេស ក៏ដូចជាការចូលរួមរបស់ប្រតិភូ គ្រូបង្វឹក និងកីឡាករ-កីឡាការិនីទាំងអស់ ទាំងកីឡាជនមិនមានពិការភាព និងជនពិការ។ លទ្ធផលទាំងនេះបានបង្ហាញពីភាពរីកចម្រើននៃវិស័យកីឡាវាយសីនៅកម្ពុជា ប៉ុន្ដែឯកឧត្តមបានផ្តាំផ្ញើដល់កីឡាករជ័យលាភី និងអ្នកមិនទាន់ដណ្តើមបានមេដាយកុំបាក់ទឹកចិត្ត ហើយត្រូវខិតខំជាប្រចាំដើម្បីអភិវឌ្ឍខ្លួនឲ្យក្លាយជាកីឡាករមានសិទ្ធផលខ្ពស់ទាំងកីឡាករ គ្រូបង្វឹក និងចៅក្រុមអាជ្ញាកណ្តាល ដើម្បីមានលទ្ធភាពគ្រប់គ្រាន់ រួមគ្នាសាងប្រវត្តិសាស្ត្រថ្មីក្នុងព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេមនាឆ្នាំ២០២៣ និងការប្រកួតអន្ដរជាតិផ្សេងៗទៀត។ឯកឧត្តម ជាម សុភា អគ្គលេខាធិការសហព័ន្ធបានបញ្ជាក់ថា ឆ្លងកាត់ការរៀបចំ ៥ថ្ងៃលើប្រភេទកីឡាវាយសីគឺបានដំណើរការដោយរលូន ពិសេសគឺជាឱកាសល្អមួយសម្រាប់កីឡាករ-កីឡាការិនីវ័យក្មេង បន្ទាប់ពីក្រុមជម្រើសជាតិខកខានចូលរួមដោយសារការបោះជំរំហ្វឹកហាត់នៅចិន។ អ្វីដែលពិសេសគឺការអនុវត្តការងាររបស់មន្ដ្រីបច្ចេកទេសរៀបចំ និងដឹកនាំការប្រកួតតែម្ដង។ គួរបញ្ជាក់ថា កីឡាវាយសីបានចាប់ផ្ដើមការប្រកួតពីថ្ងៃទី២៥ ដល់ថ្ងៃទី២៩ ខែវិច្ឆិកា ដោយមានប្រតិភូ គ្រូបង្វឹក និងកីឡាករ-កីឡាការិនីចូលរួមសរុប ១៤៩នាក់មកពី ១១ក្រសួង និងរាជធានី-ខេត្ត។ ជាលទ្ធផលគឺក្រសួងមហាផ្ទៃដណ្ដើមបានមេដាយច្រើនជាងគេគឺឈ្នះមេដាយមាស ៣គ្រឿង ខណៈក្រសួងសេដ្ឋកិច្ច និងហិរញ្ញវត្ថុឈ្នះមេដាយមាស ២ និងប្រាក់ ៤ ឈរលេខ២ និងខេត្តកណ្ដាលឈ្នះមេដាយមាស ២ ប្រាក់ ២ និងសំរឹទ្ធ ២ ឈរលេខ៣៕អត្ថបទ៖ លី ឈុនឡា

កីឡាករ-កីឡាការិនីការ៉ាតេឆ្នើមក្នុងកីឡាជាតិអាចមានឱកាសជាប់ជម្រើសជាតិ

កីឡាជាតិ៖ កីឡាករ-កីឡាការិនីការ៉ាតេឆ្នើមៗ ដែលធ្វើបានល្អក្នុងការប្រកួតកីឡាជាតិលើកទី៣ អាចនឹងមានឱកាសជាប់ជម្រើសជាតិ។ នេះបើយោងតាមរបាយការណ៍គណៈកម្មការរៀបចំការប្រកួត លោក ដែក ភារៈ ដែលជាគ្រូបង្វឹកក្រុមជម្រើសជាតិកម្ពុជាក្នុងពិធីបិទការប្រកួត ដែលធ្វើឡើងក្រោមអធិបតីភាពឯកឧត្តម សាមឺឌី ស៊ីវឌ្ឍនា អនុប្រធានសហព័ន្ធកាលពីល្ងាចថ្ងៃទី២៩ ខែវិច្ឆិកា ឆ្នាំ២០២២ ម្សិលមិញ។ បន្ទាប់ពីបញ្ចប់ការប្រកួតកីឡាជាតិ ថ្នាក់ដឹកនាំគណៈកម្មការរៀបចំការប្រកួត បានធ្វើការវាយតម្លៃខ្ពស់ចំពោះដំណើរការដោយរលូន កំឡុងការប្រកួតរយៈពេល ៤ថ្ងៃកន្លងមក ពិសេសគឺកម្រិតបច្ចេកទេសកីឡាករ-កីឡាការិនីចូលរួមភាគច្រើនមានការរីកចម្រើនជាងមុន ទាំងលើផ្នែកកាតា និងប្រយុទ្ធ ហើយគណៈកម្មការរៀបចំបានសហការគ្នាយ៉ាងល្អ ក្នុងការកាត់សេចក្ដីប្រកបដោយវីជ្ជាជីវៈ និងយុត្ដិធម៌។ តាមរយៈនេះ មន្ដ្រីជំនាញបានធ្វើការស្នើសុំថ្នាក់ដឹកនាំសហព័ន្ធ ដើម្បីជ្រើសរើសកីឡាករ-កីឡាការិនីដែលមានសមត្ថភាព និងមានឆន្ទៈខ្ពស់ចូលរួមក្នុងជម្រើសជាតិ ពិសេសចូលរួមជាមួយវិញ្ញាសាដែលត្រូវបានដាក់បញ្ចូលក្នុងស៊ីហ្គេម ដើម្បីត្រៀមលក្ខណៈឲ្យបានកាន់តែល្អប្រសើរ សម្រាប់ការប្រកួតព្រឹត្តិការណ៍ជាប្រវត្តិសាស្ដ្រ ដែលកម្ពុជានឹងធ្វើជាម្ចាស់ផ្ទះនាឆ្នាំ២០២៣។ ដូច្នេះនេះគឺជាឱកាសល្អមួយសម្រាប់កីឡាករ-កីឡាការិនីដែលធ្វើបានល្អក្នុងការប្រកួតកីឡាជាតិឆ្នាំនេះ។សូមបញ្ជាក់ថា ការប្រកួតកីឡាការ៉ាតេក្នុងកីឡាជាតិលើកទី៣ នេះគឺមានប្រតិភូ គ្រូបង្វឹក និងកីឡាករ-កីឡាការិនីចូលរួមសរុប ១០២នាក់មកពី ៦ក្រសួង និងរាជធានី-ខេត្ត ដែលបានចាប់ផ្ដើមដំណើរការប្រកួតកាលពីថ្ងៃទី២៦ ដល់ថ្ងៃទី២៩ ខែវិច្ឆិកា នៅសាលដំបូលទូកនៃសាកលវិទ្យាល័យភូមិន្ទភ្នំពេញ។ ជាលទ្ធផលអត្តពលិកមកពីក្រសួងសេដ្ឋកិច្ច និងហិរញ្ញវត្ថុ ដណ្ដើមបានមេដាយច្រើនជាងគេមានមេដាយមាស ៧ ប្រាក់ ១ និងសំរឹទ្ធ ៤ ខណៈខេត្តកំពង់ស្ពឺឈរលេខ២ ឈ្នះមេដាយមាស ២ ប្រាក់ ៤ និងសំរឹទ្ធ ២ គ្រាដែលក្រសួងការពារជាតិឈរលេខ៣ ឈ្នះមេដាយមាស ២ ប្រាក់ ២ និងសំរឹទ្ធ ៥ និងក្រសួងមហាផ្ទៃឈ្នះមេដាយមាស ១ ប្រាក់ ២ និងសំរឹទ្ធ ៣ ឈរលេខ៤៕អត្ថបទ លី ឈុនឡា

ការត្រៀមបានល្អរបស់ប្រដាល់គុនខ្មែរធ្វើឲ្យដំណើរការប្រកួតកីឡាជាតិបញ្ចប់ដោយជោគជ័យ

កីឡាជាតិ៖ ឯកឧត្តម តែម ម៉ឺន ប្រធានសហព័ន្ធកីឡាប្រដាល់គុនខ្មែរ បានវាយតម្លៃខ្ពស់ចំពោះការប្រកួតកីឡាជាតិលើកទី៣ ដែលដំណើរការដោយរលូន និងទទួលបានជោគជ័យ ដោយសារការត្រៀមខ្លួនបានយ៉ាងល្អរបស់សហព័ន្ធ ទាំងមន្ដ្រីបច្ចេកទេស អាជ្ញាកណ្ដាល ចៅក្រម និងកីឡាករ-កីឡាការិនីចូលរួម។ការបង្ហាញសុទិដ្ឋិនិយមនេះ បន្ទាប់ពីប្រដាល់គុនខ្មែរបានដំណើរការប្រកួតដោយជោគជ័យ ក្នុងព្រឹត្តិការណ៍ជាតិលើកទី៣ កាលពីថ្ងៃទី៣០ ខែវិច្ឆិកា ឆ្នាំ២០២២ បន្ទាប់ពីដំណើរការប្រកួតជាង ១សប្ដាហ៍កន្លងមក នៅវិមានកីឡដ្ឋាននៃពហុកីឡដ្ឋានកងយោធពលខេមរភូមិន្ទ(ស្ដាតចាស់)។ ឯកឧត្តមបន្ដថា ការប្រកួតកីឡាជាតិនេះគឺជាការផ្តល់ឱកាសដល់កីឡាករ-កីឡាការិនីបានបញ្ចេញទេពកោសល្យ សមត្ថភាព ក៏ដូចជាការវាស់ស្ទង់បច្ចេកទេស កីឡាករ-កីឡាការិនីម្នាក់ៗដែលបានហ្វឹកហាត់កន្លងមក ដើម្បីត្រៀមឆ្ពោះទៅប្រជែងមេដាយជូនជាតិ ក្នុងព្រឹត្តិការណ៍កីឡាស៊ីហ្គេមលើកទី៣២ ឆ្នាំ២០២៣ នៅកម្ពុជា ហើយក៏ជាការពង្រឹងសមត្ថភាពមន្ដ្រីបច្ចេកទេសត្រៀមដឹកនាំ និងរៀបចំព្រឹត្តិការណ៍ជាប្រវត្តិសាស្ដ្រនេះផងដែរ។ការប្រកូតកីឡាប្រដាល់គុនខ្មែរនៃកីឡាជាតិលើកទី៣ បានចាប់ផ្ដើមដំណើរការប្រកួតកាលពីថ្ងៃទី២៦ ខែវិច្ឆិកា ដោយមានប្រតិភូ គ្រូបង្វឹក និងកីឡាករ-កីឡាការិនីចូលរួមសរុប ១៧៤នាក់មកពី ១៣ក្រសួង និងរាជធានី-ខេត្ត។ ចំពោះលទ្ធផលបច្ចេកទេសគឺក្រសួងការពារជាតិឈរនៅចំណាត់ថ្នាក់លេខ១ ដណ្តើមបានមេដាយសរុប ១០គ្រឿងមានមេដាយមាស ៧ ប្រាក់២ និងសំរឹទ្ធ១។ ចំណែកក្រសួងមហាផ្ទៃឈរលេខ២ ដណ្ដើមបានមេដាយសរុប ៧គ្រឿងមានមេដាយមាស៤ ប្រាក់១ និងសំរឹទ្ធ២ ខណៈលេខ៣ ខេត្តកែបឈ្នះមេដាយប្រាក់៣ និងសំរឹទ្ធ ២៕អត្ថបទ៖ លី ឈុនឡា

មហាផ្ទៃឈ្នះមេដាយមាស ៦គ្រឿងលើ ៧វិញ្ញាសាក្នុងការប្រកួតសូហ្វតិន្នីសនៃកីឡាជាតិលើកទី៣

សូហ្វតិន្នីស៖ ការប្រកួតកីឡាសូហ្វតិន្នីសនៃកីឡាជាតិលើកទី៣ បានបញ្ចប់ដោយជោគជ័យ ដោយក្រុមអត្តពលិកក្រសួងមហាផ្ទៃដណ្ដើមបានមេដាយមាសស្ទើរគ្រប់វិញ្ញាសា ពោលគឺឈ្នះមេដាយមាស ៦គ្រឿងលើ ៧វិញ្ញាសាឈរចំណាត់ថ្នាក់លេខ១។ យោងតាមរបាយការណ៍សហព័ន្ធកីឡាសូហ្វតិន្នីសកម្ពុជា ការប្រកួតនេះមានប្រតិភូ គ្រូបង្វឹក និងកីឡាករ-កីឡាការិនីចូលរួមសរុប ៨១នាក់មកពី ៧ក្រសួង និងខេត្តដែលធ្វើការប្រកួតរយៈពេល ៥ថ្ងៃពីថ្ងៃទី២៣ ដល់ថ្ងៃទី២៧ ខែវិច្ឆិកានៅទីលានកីឡាសូហ្វតិន្នីសនៃពហុកីឡដ្ឋានជាតិ។ ជាលទ្ធផលក្រសួងមហាផ្ទៃដណ្ដើមបានមេដាយច្រើនជាងគេ រួមមានមេដាយមាស ៦ និងសំរឹទ្ធ ១ ខណៈខេត្តត្បូងឃ្មុំឈ្នះមេដាយមាស ១ និងសំរឹទ្ធ ២ ឈរលេខ២។ រីឯខេត្តកណ្ដាលឈ្នះមេដាយប្រាក់ ៣ និងសំរឹទ្ធ ១ ឈរលេខ៣, ក្រសួងការពារជាតិឈ្នះមេដាយប្រាក់ ២ ឈរលេខ៤, ខេត្តកំពង់ស្ពឺឈ្នះមេដាយប្រាក់ ១ និងសំរឹទ្ធ ២ ឈរលេខ៥, ខេត្តព្រៃវែងឈ្នះមេដាយប្រាក់ ១ ឈរលេខ៦ និងខេត្តកំពង់ឆ្នាំងឈ្នះមេដាយសំរឹទ្ធ ១ ឈរលេខ៧។ឯកឧត្តម សរ សិទ្ធ អនុរដ្ឋលេខាធិការក្រសួងមហាផ្ទៃ ទទួលជួយការងារដឹកនាំអគ្គលេខាធិការដ្ឋាននៃក្រុមប្រឹក្សាកីឡាក្រសួងមហាផ្ទៃ បានវាយតម្លៃខ្ពស់ចំពោះដំណើរការប្រកួតរយៈពេល ៥ថ្ងៃកន្លងមក ហើយឯកឧត្តមបានជំរុញ និងលើកទឹកចិត្តថ្នាក់ដឹកនាំ មន្ដ្រីបច្ចេកទេស និងកីឡាករ-កីឡាការិនីទាំងអស់ត្រូវបន្ដការខិតខំប្រឹងប្រែងបន្ថែមទៀត ដើម្បីដំណើរឆ្ពោះទៅរកភាពជោគជ័យនៃស៊ីហ្គេមឆ្នាំ២០២៣ ខាងមុខ៕ អត្ថបទ៖ លី ឈុនឡា

កីឡាជាតិ៖ កីឡាប៊ីយ៉ា និងស្នូកឃ័រកម្ពុជា ចាប់ផ្ដើមដំណើរការប្រកួតរបស់ខ្លួននៅថ្ងៃនេះ

ភ្នំពេញ៖ កីឡាប៊ីយ៉ា និងស្នូកឃ័រកម្ពុជា ចាប់ផ្ដើមដំណើរការប្រកួតរបស់ខ្លួន នៅក្នុងព្រឹត្តិការណ៍កីឡាជាតិ លើកទី៣ ដោយមានកីឡាករ ២៥រូប មកពី ៦ក្រសួង និងខេត្តចូលរួមប្រកួតលើ ៦វិញ្ញាសា។ ការប្រកួតគ្រោងធ្វើឡើង ៥ថ្ងៃ ចាប់ពីថ្ងៃទី២៦ ដល់ថ្ងៃទី៣០ ខែវិច្ឆិកា ឆ្នាំ២០២២។

កីឡាជាតិ៖ កីឡាវាយកូនឃ្លីលើតុ ចាប់ផ្ដើមប្រកួតនៅថ្ងៃនេះ

ភ្នំពេញ៖ នៅថ្ងៃទី២៦ ខែវិច្ឆិកា ឆ្នាំ២០២២ ការប្រកួតកីឡាវាយកូនឃ្លីលើតុ បានចាប់ផ្ដើមដំណើរការប្រកួតក្នុងកីឡាជាតិ លើកទី៣ និងកីឡាជាតិជនពិការ លើកទី១។ផ្នែកកីឡាវាយកូនឃ្លីលើតុ (ជនមិនមានពិការភាព) មានប្រតិភូ គ្រូបង្វឹក និងកីឡាករ-កីឡាការិនី ៥៥នាក់ មកពី ៧រាជធានី-ខេត្ត ។ រីឯកីឡាវាយកូនឃ្លីលើតុជនពិការ មានប្រតិភូ គ្រូបង្វឹក និងកីឡាករ-កីឡាការិនីចូលរួមសរុប ២៥នាក់មកពី ៥រាជធានី-ខេត្ត។ សូមជម្រាបជូនថា ការប្រកួតកីឡាវាយកូនឃ្លីលើតុ រៀបចំធ្វើឡើងរយៈពេល ៤ថ្ងៃ ពីថ្ងៃទី២៦-២៩ ខែវិច្ឆិកា ឆ្នាំ២០២២ នៅពហុកីឡដ្ឋានជាតិ ។

កើតនៅកាមេរូនរស់នៅស្វីស និងជាអ្នកស៊ុតបញ្ចូលទីឱ្យស្វីសយកឈ្នះកាមេរូននៅ World Cup

បាល់ទាត់៖ ក្រុមស្វ៊ីសបានចាប់ផ្តើម World Cup 2022 របស់ខ្លួនជាមួយនឹងជ័យជំនះ ១-០ លើក្រុមមកពីទ្វីបអាហ្វ្រិកកាមេរូន ១-០ នៅក្នុងពូល G។ គ្រាប់បាល់ជ័យជំនះរបស់ស្វ៊ីសសម្រេចបានដោយខ្សែប្រយុទ្ធ Monaco, Breel Embolo នៅនាទីទី៤៨ តែមិនមានការអបអរសាទរគ្រាប់បាល់របស់ខ្លួនឡើយ។ កីឡាករវ័យ ២៥ឆ្នាំរូបនេះមានដើមកំណើតនៅទឹកដីកាមេរូន តែក៏បានផ្លាស់មករស់នៅទឹកដីស្វ៊ីសតាំងពីអាយុ ៦ឆ្នាំជាមួយក្រុមគ្រួសារ និងទទួលបានសញ្ជាតិស្វ៊ីសនៅឆ្នាំ២០១៤។ នេះជាបីពិន្ទុដ៏មានសារសំខាន់សម្រាប់ស្វ៊ីសនៅក្នុងពូល G នេះ ខណៈដែលគ្រូបង្វឹកស្វ៊ីសលោក Murat Yakin ធ្លាប់បានប្រាប់ Embolo មុនការប្រកួតថាមិត្តភាពគឺមិត្តភាព តែការប្រកួតពួកគេគឺជាគូប្រកួតរបស់យើង ហើយក្រោយចប់ការប្រកួតលោក Yakin បានបង្ហាញអារម្មណ៍រីករាយដែល Embolo ធ្វើបាន។ចំណែកគ្រូបង្វឹកកាមេរូនលោក Rigobert Song បាននិយាយក្រោយចប់ការប្រកួតផងដែរថា លោកចង់បាន Embolo មករួមក្រុមណាស់ តែថ្វីបើចាញ់លោកពិតជាមានមោទនភាពចំពោះ Embolo និងចំពោះប្រជាជនកាមេរូនផងដែរ ចំពោះកាយវិការដ៏ល្អ និងគួរឱ្យគោរពរបស់ Embolo នៅចំពោះមុខអ្នកគាំទ្រក្រុមទាំងសងខាង៕អត្ថបទ៖នាង សុភាវុធ

កីឡាជាតិ៖ ក្រុមបាល់បោះនារីក្រសួងសេដ្ឋកិច្ច ឡើងទៅវគ្គផ្ដាច់ព្រ័ត្រ ក្រោយឈ្នះខេត្តសៀមរាប

ភ្នំពេញ៖ ក្រុមបាល់បោះនារីក្រសួងសេដ្ឋកិច្ច និងហិរញ្ញវត្ថុ ឡើងទៅវគ្គផ្តាច់ព្រ័ត្រ ក្រោយឈ្នះក្រុមបាល់បោះនារីខេត្តសៀមដែលជាម្ចាស់មេដាយមាស២០១៨ ក្នុងពិន្ទុ ៤៣ទល់នឹង៤១ ហើយត្រូវជួបក្រុមបាល់បោះនារីក្រសួងមហាផ្ទៃ ដែលបានយកឈ្នះខេត្តត្បូងឃ្មុំ។ វគ្គផ្តាច់ព្រ័ត្រលេងនៅថ្ងៃទី២៨ ខែវិច្ឆិកា ខាងមុខនេះ។

កូរ៉េ និងអ៊ុយរូហ្កាយចែកពិន្ទុគ្នាក្រោយស្មើ ០-០ តែជាការប្រកួតជក់ចិត្ត

បាល់ទាត់៖ គ្មានក្រុមណាអាចបំប៉ោងសំណាញ់បានឡើយរវាងក្រុមបាល់ទាត់កូរ៉េ និងអ៊ុយរូហ្កាយនៃជំនួបក្នុងពូល H នៅ World Cup 2022 កាតា។ ក្រោមក្រសែភ្នែកទស្សនិជនពេញកីឡដ្ឋាន Education City Stadium កូរ៉េត្រូវបានអ៊ុយរូហ្កាយបិទជាប់ បើទោះជាបានបង្កើតឱកាស និងគ្រប់គ្រងបាល់បានច្រើនជាងក្រុមជើងឯកពិភពលោក ២សម័យក៏ដោយ។ ឱកាសល្អបំផុតរបស់កូរ៉េគឺ Hwang Ui-jo មានឱកាសស៊ុតនៅមុខទីរបស់អ៊ុយរូហ្កាយតែបានត្រឹមរំលងរបាទី មុនពេលដែល Diego Godin មានឱកាសតែតឱ្យអ៊ុយរូហ្កាយនាំមុខដែរតែបុកបង្គោលទី។ វគ្គទី២ ក្រុមទាំងពីរមានឱកាសវាយសម្រុកគ្នាទៅវិញទៅមក ហើយអ៊ុយរូហ្កាយស្ទើតែរកបានគ្រាប់នាំមុខទៅហើយ តែឱកាសរបស់ខ្សែប្រយុទ្ធ Real Madrid, Federico Valverde ស៊ុតពីចំងាយបុកបង្គោលទី។ចុងក្រោយបំផុតខ្សែប្រយុទ្ធ Spurs, Heung-min Son មានឱកាសដែរតែស៊ុតមិនចំគោលដៅ ធ្វើឱ្យអ្នកគាំទ្រអ៊ុយរូហ្កាយធូរទ្រូង។ លទ្ធផលនេះធ្វើឱ្យក្រុមទាំងពីរចែកពិន្ទុគ្នាមាន ១ពិន្ទុដូចគ្នាឈរលេខ២ និងលេខ៣ ខណៈព័រទុយហ្កាយមានបីពិន្ទុលើគេ។ ប្រកួតបន្ទាប់ក្នុងពូល H នេះកូរ៉េត្រូវជួបហ្កាណា ឯអ៊ុយរូហ្កាយជួបព័រទុយហ្កាល់៕អត្ថបទ៖នាង សុភាវុធ

Cristiano Ronaldo ក្លាយជាកីឡាករទី១ ស៊ុតបញ្ចូលទីនៅ ៥ព្រឹត្តិការណ៍ World Cup ផ្សេងគ្នា

បាល់ទាត់៖ ខ្សែប្រយុទ្ធ Cristiano Ronaldo បានក្លាយជាកីឡាករទី១ ដែលស៊ុតបញ្ចូលទីនៅ ៥ព្រឹត្តិការណ៍ World Cup ផ្សេងគ្នាស្របពេលដែលព័រទុយហ្កាល់យកឈ្នះហ្កាណា ៣-២ នៃការប្រកួតដំបូងក្នុងពូល H។ នេះជាការចូលលេងលើកដំបូងសម្រាប់ Ronaldo បន្ទាប់ពីមានរឿងចម្រូងចម្រាសជាមួយក្លិបបិសាចក្រហម Manchester United តាមរយៈការធ្វើកិច្ចសម្ភាសន៍ជាមួយលោក Piers Morgan។ កីឡាករវ័យ ៣៧ឆ្នាំរូបនេះបានស៊ុតបញ្ចូលទីគ្រាប់នាំមុខនៅនាទីទី៦៥ ដែលជាបាល់ពិន័យ ១១ម៉ែត្របន្ទាប់ពីការប្រកួតវគ្គទី១ គ្មានក្រុមណាស៊ុតបញ្ចូលទី។ Andre Ayew ៨នាទីក្រោយមកក៏តាមស្មើវិញឱ្យហ្កាណា តែព័រទុយហ្កាល់ក៏នាំមុខសាជាថ្មីដោយ Joao Felix មុនពេលដែល Rafael Leao ស៊ុតធានាជ័យជំនះនៅនាទីទី៨០។ ហ្កាណាក៏តាមបានមួយគ្រាប់វិញដែរនៅចុងម៉ោងនាទីទី៨៩ ដោយ Osman Bukari។ ជ័យជំនះនេះធ្វើឱ្យព័រទុយហ្កាល់ទទួលបានបីពិន្ទុឈរលើគេក្នុងពូល H នេះ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

មន្ទីរបញ្ចកោណ នឹងវិនិយោគ ៤០០លានដុល្លារ ក្នុងការរុករករ៉ែកម្ររបស់អូស្ត្រាលី

អ្នកនាំពាក្យក្រសួងព័ត៌មាន អំពាវនាវឱ្យយុវជននៅសមរភូមិក្រោយ បង្កើនស្មារតីប្រុងប្រយ័ត្នខ្ពស់ និងភាពម្ចាស់ការដើម្បីទប់ទល់នឹងសង្គ្រាមសតិអារម្មណ៍

សមាជិកព្រឹទ្ធសភាបក្សសាធារណរដ្ឋអនុម័តតែងតាំងលោក Todd Blanche ជារដ្ឋមន្ត្រីយុត្តិធម៌អាមេរិក

ឧទ្ធម្ភាគចក្រពន្លត់អគ្គិភ័យ ធ្លាក់នៅជិតចំហេះព្រៃរបស់អាមេរិក ដោយមានមនុស្ស ២នាក់នៅខាងក្នុង

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញមកដោយផ្ទាល់ដើម្បីប្រគល់ផ្ទះថ្មី ចំនួន ៦ខ្នង ជូនក្រុមគ្រួសាររបស់វីរកងទ័ពពលី

ជប៉ុនសម្លឹងការចំណាយការពារជាតិខ្ពស់បំផុត ៥៦ពាន់លានដុល្លារ ស្របពេលបារម្ភពីសន្តិសុខក្នុងតំបន់

កូរ៉េខាងត្បូងត្រៀមប្រឈមនឹងកម្ដៅក្ដៅខ្លាំង ខណៈជំងឺទាក់ទងនឹងកម្ដៅកើនឡើង

ប្រធានាធិបតីអ៊ុយក្រែន លោក Zelenskyy បំពេញទស្សនកិច្ចនៅស៊ែប៊ីដែលជាសម្ព័ន្ធមិត្តរុស្ស៊ី

ព្យុះទីហ្វុង Dolphin ធ្វើឱ្យមានអ្នករបួស ៥នាក់ នៅខេត្ត Okinawa របស់ជប៉ុន ខណៈចិនបិទកំពង់ផែ មុនព្យុះទៅដល់

មេដឹកនាំកោះតៃវ៉ាន់ត្រួតពិនិត្យការហ្វឹកហ្វឺនវាយប្រហារតាមឆ្នេរសមុទ្រ អំឡុងសមយុទ្ធប្រចាំឆ្នាំ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡាករ-កីឡាការិនីការ៉ាតេឆ្នើមក្នុងកីឡាជាតិអាចមានឱកាសជាប់ជម្រើសជាតិ

ការត្រៀមបានល្អរបស់ប្រដាល់គុនខ្មែរធ្វើឲ្យដំណើរការប្រកួតកីឡាជាតិបញ្ចប់ដោយជោគជ័យ

មហាផ្ទៃឈ្នះមេដាយមាស ៦គ្រឿងលើ ៧វិញ្ញាសាក្នុងការប្រកួតសូហ្វតិន្នីសនៃកីឡាជាតិលើកទី៣

កីឡាជាតិ៖ កីឡាប៊ីយ៉ា និងស្នូកឃ័រកម្ពុជា ចាប់ផ្ដើមដំណើរការប្រកួតរបស់ខ្លួននៅថ្ងៃនេះ

កីឡាជាតិ៖ កីឡាវាយកូនឃ្លីលើតុ ចាប់ផ្ដើមប្រកួតនៅថ្ងៃនេះ

កើតនៅកាមេរូនរស់នៅស្វីស និងជាអ្នកស៊ុតបញ្ចូលទីឱ្យស្វីសយកឈ្នះកាមេរូននៅ World Cup

កីឡាជាតិ៖ ក្រុមបាល់បោះនារីក្រសួងសេដ្ឋកិច្ច ឡើងទៅវគ្គផ្ដាច់ព្រ័ត្រ ក្រោយឈ្នះខេត្តសៀមរាប

កូរ៉េ និងអ៊ុយរូហ្កាយចែកពិន្ទុគ្នាក្រោយស្មើ ០-០ តែជាការប្រកួតជក់ចិត្ត

Cristiano Ronaldo ក្លាយជាកីឡាករទី១ ស៊ុតបញ្ចូលទីនៅ ៥ព្រឹត្តិការណ៍ World Cup ផ្សេងគ្នា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡាករ​-​កីឡាការិនី​កា​រ៉ា​តេ​ឆ្នើម​ក្នុង​កីឡា​ជាតិ​អាច​មាន​ឱកាស​ជាប់​ជម្រើសជាតិ

ការត្រៀម​បានល្អ​របស់​ប្រដាល់​គុន​ខ្មែរធ្វើ​ឲ្យ​ដំណើរការ​ប្រកួត​កីឡា​ជាតិ​បញ្ចប់​ដោយ​ជោគជ័យ​

មហាផ្ទៃ​ឈ្នះ​មេដាយមាស ៦​គ្រឿងលើ ៧​វិញ្ញាសា​ក្នុង​ការ​ប្រកួត​សូ​ហ្វ​តិ​ន្នី​ស​នៃ​កីឡា​ជាតិ​លើក​ទី​៣

កីឡាជាតិ៖ កីឡាប៊ីយ៉ា និងស្នូកឃ័រកម្ពុជា ចាប់ផ្ដើមដំណើរការប្រកួតរបស់ខ្លួននៅថ្ងៃនេះ

កីឡាជាតិ៖ កីឡាវាយកូនឃ្លីលើតុ ចាប់ផ្ដើមប្រកួតនៅថ្ងៃនេះ

កើត​នៅ​កាមេរូន​រស់នៅ​ស្វីស និង​ជា​អ្នក​ស៊ុត​បញ្ចូល​ទី​ឱ្យ​ស្វីស​យកឈ្នះ​កា​មេ​រូ​ន​នៅ World Cup

កីឡាជាតិ៖ ក្រុមបាល់បោះនារីក្រសួងសេដ្ឋកិច្ច ឡើងទៅវគ្គផ្ដាច់ព្រ័ត្រ ក្រោយឈ្នះខេត្តសៀមរាប

កូរ៉េ និង​អ៊ុយ​រូ​ហ្កា​យ​ចែក​ពិន្ទុ​គ្នា​ក្រោយ​ស្មើ ០-០ តែ​ជាការ​ប្រកួត​ជក់ចិត្ត

Cristiano Ronaldo ក្លាយជា​កីឡា​ករទី១ ស៊ុត​បញ្ចូល​ទី​នៅ ៥ព្រឹត្តិការណ៍ World Cup ផ្សេងគ្នា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាករ-កីឡាការិនីការ៉ាតេឆ្នើមក្នុងកីឡាជាតិអាចមានឱកាសជាប់ជម្រើសជាតិ

ការត្រៀមបានល្អរបស់ប្រដាល់គុនខ្មែរធ្វើឲ្យដំណើរការប្រកួតកីឡាជាតិបញ្ចប់ដោយជោគជ័យ

មហាផ្ទៃឈ្នះមេដាយមាស ៦គ្រឿងលើ ៧វិញ្ញាសាក្នុងការប្រកួតសូហ្វតិន្នីសនៃកីឡាជាតិលើកទី៣

កើតនៅកាមេរូនរស់នៅស្វីស និងជាអ្នកស៊ុតបញ្ចូលទីឱ្យស្វីសយកឈ្នះកាមេរូននៅ World Cup

កូរ៉េ និងអ៊ុយរូហ្កាយចែកពិន្ទុគ្នាក្រោយស្មើ ០-០ តែជាការប្រកួតជក់ចិត្ត

Cristiano Ronaldo ក្លាយជាកីឡាករទី១ ស៊ុតបញ្ចូលទីនៅ ៥ព្រឹត្តិការណ៍ World Cup ផ្សេងគ្នា