BTV NEWS

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

កីឡាករ កីឡាការិនីហាប់គីដូកម្ពុជាទៅចូលរួមការប្រកួតនៅហុងកុងភាគច្រើនត្រូវចំណាយថវិការផ្ទាល់ខ្លួន

ព័ត៌មានកីឡា

បាល់ទះឆ្នេរខ្សាច់ចាប់ផ្ដើមប្រកួតក្នុងកីឡាជាតិ ខណៈព្រះសីហនុឈ្នះការពារជាតិទាំងលំបាក

បាល់ទះ៖ សហព័ន្ធកីឡាបាល់ទះកម្ពុជា បានចាប់ផ្ដើមដំណើរការប្រកួតកីឡាបាល់ទះឆ្នេរខ្សាច់ នៅក្នុងព្រឹត្តិការណ៍កីឡាជាតិលើកទី៣ ហើយកាលពីថ្ងៃទី២៤ ខែវិច្ឆិកា ឆ្នាំ២០២២ គ្រាដែលប្រកួតដំបូងខេត្តព្រះសីហនុបានយកឈ្នះក្រសួងការពារជាតិទាំងលំបាក។ សម្រាប់បាល់ទះឆ្នេរខ្សាច់នេះខុសពីបាល់ទះក្នុងសាល ដោយតម្រូវឲ្យក្រសួង និងរាជធានី-ខេត្តចូលរួមនីមួយៗត្រូវមាន ២ក្រុម មានន័យថា បែងចែកជាក្រុម “ក” និងក្រុម “ខ” ដើម្បីធ្វើការប្រកួតប្រជែង ហើយក្រសួង ឬរាជធានី-ខេត្ត ដែលឈ្នះការប្រកួតទាំង ២ក្រុមនេះទើបទទួលបានជ័យជម្នះតែម្ដង។ តែបើឈ្នះ ១ក្រុមម្នាក់ ក្រុមនោះនឹងត្រូវឈានដល់ការប្រកួតកាត់សេចក្ដីបន្ថែមដែលហៅថា Golden Match។ ជាក់ស្ដែងការប្រកួតរវាងខេត្តព្រះសីហនុ និងក្រសួងការពារជាតិសម្រាប់ជំនួបក្រុម “ក” និងក្រុម “ក” ព្រះសីហនុបានយកឈ្នះ ២-០សិត តែក្រុម “ខ” និងក្រុម “ខ” ក្រសួងការពារជាតិបានវាយបកឈ្នះ ២-១សិតវិញ។ តាមរយៈនេះការប្រកួបានឈានដល់ Golden Match ហើយខេត្តព្រះសីហនុបានយកឈ្នះក្រសួងការពារជាតិ ២-០ ក្នុងពិន្ទុ ២១-១១ និង ២១-១៦ ដើម្បីធានាជ័យជម្នះរបស់ខ្លួនក្នុងជំនួបបើកឆាកពូល A តែម្ដង។ក្រឡេកទៅមើលការប្រកួតបើកឆាកពូល B និងពូល C វិញ ខេត្តកំពង់ធំ និងខេត្តស្ទឹងត្រែងធ្វើបានយ៉ាងល្អក្នុងនោះទាំងក្រុម “ក” និងក្រុម “ខ” របស់ខេត្តកំពង់ធំសុទ្ធតែទទួលបានជ័យជម្នះ ២-០សិតដូចគ្នាលើខេត្តមណ្ឌលគិរី ក្នុងជំនួបពូល B ខណៈក្រុម “ក” និងក្រុម “ខ” របស់ខេត្តស្ទឹងត្រែងបានយកឈ្នះលើក្រុមទាំង២ របស់ខេត្តកំពង់ឆ្នាំងដោយលទ្ធផល ២-០សិតដូចគ្នាដើម្បីធានាជ័យជម្នះរបស់ខ្លួនក្នុងពូល C។ យ៉ាងណាមិញការប្រកួតបាល់ទះឆ្នេរខ្សាច់នៅបន្ដទៀត ដើម្បីឈានទៅរកបេក្ខភាពឡើងវគ្គបន្ដក៏ដូចជាក្រុមជ័យលាភី ខណៈវិញ្ញាសាមួយនេះគ្រោងនឹងត្រូវបញ្ចប់ការប្រកួតនាថ្ងៃទី៣០ ខែវិច្ឆិកាខាងមុខ ត្រូវនឹងថ្ងៃប្រារព្ធពិធីបិទការប្រកួតកីឡាជាតិលើកទី៣ និងកីឡាជនពិការជាតិលើកទី១ ឆ្នាំ២០២២ នេះតែម្ដង៕អត្ថបទ៖ លី ឈុនឡា

Richarlison ស៊ុតពីរគ្រាប់ឱ្យប្រេស៊ីលឈ្នះស៊ែប តែ Neymar របួសកជើង

បាល់ទាត់៖ ក្រុមជើងឯកបាល់ទាត់ពិភពលោក ៥សម័យសាំបាប្រេស៊ីលបានចាប់ផ្តើមដំណើរស្វែងរកជើងឯកទី៦ របស់ខ្លួនបានយ៉ាងល្អជាមួយនឹងជ័យជំនះ ២-០ លើក្រុមអឺរ៉ុបស៊ែបនៅក្នុងពូល G។ ក្រុមអឺរ៉ុបស៊ែបបានធ្វើឱ្យប្រេស៊ីលតឹងចិត្តនៅវគ្គទី១ ដោយរារាំងឱកាសជាច្រើនរបស់ប្រេស៊ីលដែលធ្វើមិនបានសំរេចនៅមុខទី។ ក្រុមរបស់លោក Tite ត្រូវរង់ចាំដល់ ៤៥នាទីវគ្គទី២ ទើបអាចរកគ្រាប់បាល់បាននៅនាទីទី៦២ ដោយខ្សែប្រយុទ្ធ Spurs, Richarlison។ ចង្វាក់ប្រយុទ្ធរបស់ប្រេស៊ីលកាន់តែល្អ រហូតរកបានគ្រាប់ធានាបីពិន្ទុបានសំរេចនៅនាទីទី៧៣ តាមរយៈការប៉ះបញ្ជូនរបស់ខ្សែប្រយុទ្ធ Real Madrid, Vinicius Junior យ៉ាងល្អទៅកាន់ Richarlison ស៊ុតគ្រាប់បាល់យ៉ាងអស្ចារ្យ និងអាចនិយាយបានថា ជាគ្រាប់អស្ចារ្យបំផុតប្រចាំព្រឹត្តិការណ៍។យ៉ាងណាក្តីប្រេស៊ីលក៏មានក្តីបារម្ភចំពោះមុខដែរគឺខ្សែប្រយុទ្ធ PSG, Neymar បានរងរបួសកជើង និងត្រូវបានផ្លាស់ប្តូរចេញនៅនាទីទី៧៩។ គេមិនទាន់ដឹងថា របួសក៏ជើងនេះធ្ងន់កម្រិតណាឡើយ ខណៈការស្កេនពិនិត្យមើលធ្វើឡើងនៅថ្ងៃនេះ។ បីពិន្ទុនេះធ្វើឱ្យប្រេស៊ីលឈរលើគេបណ្តោះអាសន្នមាន ៣ពិន្ទុស្មើជាមួយស្វីស។ ប្រកួតបន្ទាប់ប្រេស៊ីលត្រូវជួបស្វីស ខណៈស៊ែបជួបកាមេរូននៅថ្ងៃចន្ទដើមសប្តាហ៍ក្រោយ៕អត្ថបទ៖នាង សុភាវុធ

កីឡាជាតិ៖ កីឡាអត្តពលកម្ម ចាប់ផ្ដើមការប្រកួតនៅថ្ងៃនេះ នៅទីតាំងសំខាន់ៗចំនួន២

នៅថ្ងៃទី២៥ ខែវិច្ឆិកា ឆ្នាំ២០២២នេះ កីឡាអត្តពលកម្ម ចាប់ផ្ដើមការប្រកួតនៅក្នុងព្រឹត្តិការណ៍កីឡាជាតិ លើកទី៣ និងកីឡាជនពិការជាតិ លើកទី១ ឆ្នាំ២០២២ ។ការប្រកួតគ្រោងធ្វើឡើងរយៈពេល ៦ថ្ងៃ ចាប់ពីថ្ងៃទី២៥-៣០ ខែវិច្ឆិកា ដោយមានការប្រកួតនៅទីតាំងសំខាន់ៗ ២ ទី១-នៅពហុកីឡដ្ឋានជាតិ(ស្ដាតអូឡាំពិក) និងទី២-នៅវិទ្យាស្ថានជាតិអប់រំកាយ និងកីឡា ។ សម្រាប់កីឡាករ-កីឡាការិនី ទាំងប្រភេទអូឡាំពិក និងប៉ារ៉ាឡាំពិកចូលរួមសរុបជិត ៣០០នាក់។

រដ្ឋមន្ត្រីក្រសួងព័ត៌មានបង្ហាញសុទិដ្ឋិនិយមចំពោះកីឡារាំ ក្រោយបញ្ចប់ការប្រកួតក្នុងកីឡាជាតិ

កីឡារាំ៖ ឯកឧត្តម ខៀវ កាញារីទ្ធ រដ្ឋមន្ត្រីក្រសួង និងជាអនុប្រធានគណៈកម្មាធិការជាតិ CAMSOC បានអញ្ជើញចូលរួមពិធីបិទការប្រកួតកីឡារាំនៅក្នុងកីឡាជាតិលើកទី៣ ក្រោយដំណើរការប្រកួត ២ថ្ងៃកាលពីថ្ងៃទី២៣ និងថ្ងៃទី២៤ ខែវិច្ឆិកាកន្លងទៅ នៅមជ្ឈមណ្ឌលកិច្ចសហប្រតិបត្តិការកម្ពុជា-ជប៉ុន ដោយឯកឧត្តមបានឧបត្ថម្ភគាំទ្រ និងមានសុទិដ្ឋិនិយមខ្ពស់ចំពោះកីឡានេះ បន្ទាប់ពីត្រូវបានក្រសួងអប់រំ យុវជន និងកីឡាដាក់បញ្ចូលក្នុងការប្រកួតកីឡាជាតិលើកដំបូង។ ឯកឧត្តមរដ្ឋមន្ដ្រីមានប្រសាសន៍ថា ព្រឹត្តិការណ៍កីឡាជាតិមិនត្រឹមតែជាព្រឹត្តិការណ៍ដ៏សំខាន់ប៉ុណ្ណោះទេ ប៉ុន្តែជាការកសាងសមត្ថភាពទេពកោសល្យ និងជំនាញវិជ្ជាជីវៈរបស់កីឡាករ-កីឡាការិនីកម្ពុជាដើម្បីត្រៀមខ្លួនជាស្រេច សម្រាប់ដំណើរឆ្ពោះទៅទទួលរៀបចំធ្វើម្ចាស់ផ្ទះកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ក្រោយការទន្ទឹងរង់ចាំអស់រយៈពេល ៦៤ឆ្នាំក្នុងនោះក៏មានកីឡារាំផងដែរ ដោយឯកឧត្តមរំពឹងថា កីឡាករ-កីឡាការិនីរាំកម្ពុជានឹងទទួលបានលទ្ធផលល្អប្រសើរក្នុងព្រឹត្តិការណ៍ជាប្រវត្តិសាស្ដ្រនេះ។ ដើម្បីឲ្យការធ្វើកំណែទម្រង់នេះទទួលបានជោគជ័យ ឯកឧត្តមបានសំណូមពរដល់អង្គការរដ្ឋកីឡា និងអង្គការសង្គមកីឡាឲ្យខិតខំប្រឹងប្រែងរួមគ្នាបន្ថែមទៀត ដោយយកអស់ស្មារតី កម្លាំងកាយ និងលទ្ធភាពបំពេញភារកិច្ចទៅតាមតួនាទីរៀងៗខ្លួន ប្រកបដោយការទទួលខុសត្រូវខ្ពស់។ បន្ថែមលើនេះ ឯកឧត្តមបានអំពាវនាវដល់វិស័យឯកជន សប្បុរសជន និងប្រជាជនចូលរួមឧបត្ថម្ភគាំទ្រជាស្មារតី សម្ភារ ថវិកា ដើម្បីរួមចំណែកអភិវឌ្ឍវិស័យកីឡាជាតិឲ្យកាន់តែរីកចម្រើន ក្រោមពាក្យស្លោក «រួមគ្នាធ្វើអ្វីៗទាំងអស់គ្នា ដើម្បីកីឡាឆ្ពោះទៅជោគជ័យនៅស៊ីហ្គេមឆ្នាំ២០២៣»។ឆ្លៀតឱកាសនោះ ឯកឧត្តម ខៀវ កាញារីទ្ធ ក៏បានឧបត្ថម្ភថវិកាសរុបចំនួន ៦ពាន់ដុល្លារដល់សហព័ន្ធ សម្រាប់ប្រើប្រាស់លើការងារអភិវឌ្ឍន៍វិស័យកីឡារាំកម្ពុជា ពិសេសការទិញនូវឯកសណ្ឋានកីឡារាំដែលមានតម្លៃថ្លៃផ្ដល់ជូនដល់កីឡាករ-កីឡាការិនីជម្រើសជាតិកម្ពុជា តបតាមការអំពាវនាវរបស់លោកជំទាវ ញ៉ែម មរកត ប្រធានសហព័ន្ធកីឡារាំកម្ពុជាទៀតផង។ សូមបញ្ជាក់ថា សម្រាប់ការបង្ហាញខ្លួនលើកដំបូងរបស់កីឡារាំ ក្នុងព្រឹត្តិការណ៍កីឡាជាតិឆ្នាំនេះមានប្រតិភូកីឡាករ-កីឡាការិនីចូលរួមសរុប ៣៩នាក់មកពី ៤ក្រសួង-ខេត្ត ដោយប្រកួតលើ ៤វិញ្ញាសា។ ជាលទ្ធផលបច្ចេកទេសសរុបក្រោយប្រកួត ២ថ្ងៃគឺអត្តពលិកខេត្តកំពង់ចាមដណ្ដើមបានមេដាយច្រើនជាងគេ រួមមានមេដាយមាស ២ និងប្រាក់ ១, ក្រសួងមហាផ្ទៃឈរលេខ២ ឈ្នះមេដាយមាស ១ និងប្រាក់ ២, ក្រសួងការពារជាតិឈរលេខ៣ ឈ្នះមេដាយមាស ១ និងសំរឹទ្ធ ២ និងខេត្តកណ្ដាលឈ្នះមេដាយប្រាក់ ១ និងសំរឹទ្ធ ២ ឈរលេខ៤៕អត្ថបទ៖ លី ឈុនឡា

កីឡាម៉ូតូទឹកផ្ដោតលើគោលបំណងធំៗ ៣ ក្នុងការប្រកួតកីឡាជាតិលើកទី៣

ម៉ូតូទឹក៖ សហព័ន្ធកីឡាម៉ូតូទឹកកម្ពុជា បានចាប់ផ្ដើមការប្រកួតរបស់ខ្លួននៅក្នុងព្រឹត្តិការណ៍កីឡាជាតិលើកទី៣ ហើយ កាលពីថ្ងៃទី២៤ ខែវិច្ឆិកាម្សិលមិញនៅឆ្នេរអូរឈើទាល ខេត្តព្រះសីហនុ ខណៈប្រធានសហព័ន្ធបានគូសបញ្ជាក់ពីគោលបំណងសំខាន់ៗ ៣ ដើម្បីត្រៀមដំណើរឆ្ពោះទៅស៊ីហ្គេមឆ្នាំ២០២៣។ឯកឧត្តម ណុះ ស្លេះ រដ្ឋលេខាធិការក្រសួងអប់រំយុវជន និងកីឡា និងជាប្រធានសហព័ន្ធបានបញ្ជាក់ថា គោលបំណងសំខាន់នៃការប្រកួតកីឡាម៉ូតូទឹកក្នុងកីឡាជាតិនេះ ទី១-ដើម្បីវាស់ស្ទង់សមត្ថភាព និងគុណផលកីឡារបស់កីឡាករ, ទី២-វាស់ស្ទង់សមត្ថភាពរបស់មន្ដ្រីបច្ចេកទេសរៀបចំការប្រកួត និងទី៣-ចូលរួមចំណែកលើកកម្ពស់វិស័យទេសចរណ៍ផងដែរ។ ឯកឧត្តម ឯម ភាព អភិបាលរងនៃគណៈអភិបាលខេត្ដព្រះសីហនុថ្លែងថា ព្រឹត្តិការណ៍ប្រកួតកីឡាម៉ូតូទឹកកម្រិតជាតិក្នុងឱកាសនេះនឹងជួយជំរុញលើកកម្ពស់ឧត្តមភាព និងកិត្យានុភាពជាតិរបស់ប្រទេសកម្ពុជាឱ្យកាន់តែមានកេរ្តិ៍ឈ្មោះល្បីរន្ទឺថែមទៀតនៅក្នុងតំបន់ និងលើឆាកអន្តរជាតិ តាមរយៈការអនុញ្ញាតឱ្យកីឡាករ-កីឡាការិនីបានចូលរួមប្រកួតប្រជែង បង្ហាញ និងពង្រឹងសមត្ថភាពត្រៀមឆ្ពោះទៅស៊ីហ្គេមឆ្នាំក្រោយ។ក្នុងនាមអាជ្ញាធរខេត្ត ឯកឧត្តមបានបង្ហាញការគាំទ្រពេញទំហឹង ចំពោះការជ្រើសរើសខេត្តព្រះសីហនុដើម្បីរៀបចំការប្រកួតកីឡាម៉ូតូទឹកក្នុងកីឡាជាតិលើកទី៣ ពិសេសការទទួលធ្វើម្ចាស់ផ្ទះការប្រកួតកីឡាស៊ីហ្គេមនាឆ្នាំ២០២៣ លើប្រភេទកីឡាម៉ូតូទឹកនេះផ្ទាល់តែម្ដង។ តាមរយៈនេះ ឯកឧត្ដមបានត្រៀមខ្លួនជាស្រេចដើម្បីសហការជាមួយសហព័ន្ធ ដើម្បីរួមចំណែកជំរុញព្រឹត្តិការណ៍ដ៏ធំនេះឲ្យប្រព្រឹត្តទៅដោយរលូន និងទទួលបានជោគជ័យ៕អត្ថបទ៖ គង់ ប៊ុនថា

កីឡាជនពិការជាតិ៖ កីឡាបូស្យា ចាប់ផ្ដើមការប្រកួតហើយនៅថ្ងៃនេះ

នៅថ្ងៃទី២៥ ខែវិច្ឆិកា ឆ្នាំ២០២២នេះ កីឡាបូស្យា ចាប់ផ្ដើមការប្រកួតក្នុងកីឡាជនពិការជាតិ លើកទី១ ដោយមានកីឡាករ-កីឡាការិនី ១០រូប ចូលរួមប្រកួតលើវិញ្ញាសាឯកត្តជនបុរស-នារី ។ កីឡាជនពិការប្រភេទនេះ គ្រោងដំណើរការប្រកួតរយៈពេល ២ថ្ងៃ នៅថ្ងៃទី២៥-២៦ ខែវិច្ឆិកានេះ នៅទីលានមជ្ឈមណ្ឌលជាតិនៃជនពិការ តេជោសែន ។

បាល់ទាត់រកឃើញបេក្ខភាពវគ្គ ១/២ ផ្ដាច់ព្រ័ត្រទាំងបុរស-នារីក្នុងកីឡាជាតិលើកទី៣

បាល់ទាត់៖ ការប្រកួតកីឡាបាល់ទាត់នៃកីឡាជាតិលើកទី៣ ឆ្នាំ២០២២ បានរកឃើញបេក្ខភាពឡើងវគ្គពាក់កណ្ដាលផ្ដាច់ព្រ័ត្រហើយ បន្ទាប់ពីដំណើរការប្រកួតជិត ១សប្ដាហ៍ចាប់ពីថ្ងៃទី១៩ ដល់ថ្ងៃទី២៤ ខែវិច្ឆិកា។ សម្រាប់បាល់ទាត់បុរស និងនារីគឺមានបេក្ខភាព ១១ក្រុមចូលរួមដូចគ្នា ហើយបែងចែកជា ៣ពូលដើម្បីធ្វើការប្រកួតវិលជុំ ដោយក្រុមមានពិន្ទុខ្ពស់ជាងគេតាមពូលនីមួយៗ រួមជាមួយក្រុមលេខ២ ល្អជាងគេ ១ក្រុមនឹងត្រូវឡើងវគ្គពាក់កណ្ដាលផ្ដាច់ព្រ័ត្រ។ ជាលទ្ធផលផ្នែកបាល់ទាត់បុរស បេក្ខភាពវគ្គពាក់កណ្ដាលផ្ដាច់ព្រ័ត្រ រួមមានក្រសួងការពារជាតិឈរលេខ១ ពូល A, ខេត្តកោះកុងឈរលេខ១ ពូល B និងខេត្តព្រៃវែងឈរលេខ១ ពូល C។ រីឯក្រុមលេខ២ ល្អជាងគេបានទៅខេត្តកំពង់ឆ្នាំងនៃពូល A។ចំណែកលទ្ធផលផ្នែកបាល់ទាត់នារីវិញ គឺមានខេត្តកំពង់ស្ពឺឈរលេខ១ ពូល A, ខេត្តស្វាយរៀងឈរលេខ១ ពូល B និងខេត្តសៀមរាបឈរលេខ១ ពូល C គ្រាដែលក្រុមលេខ២ ល្អជាងគេបានទៅខេត្តបាត់ដំបងនៃពូល A ដែលក្រុមទាំង ៤ នឹងត្រូវជួបគ្នានាវគ្គពាក់កណ្ដាលផ្ដាច់ព្រ័ត្រ។ សម្រាប់ការប្រកួតវគ្គពាក់កណ្ដាលផ្ដាច់ព្រ័ត្របាល់ទាត់បុរស និងនារីក្នុងព្រឹត្តិការណ៍កីឡាជាតិនេះគ្រោងនឹងធ្វើឡើងនាថ្ងៃទី២៦ ខែវិច្ឆិកាចុងសប្ដាហ៍នេះដើម្បីស្វែងរកក្រុមជ័យជម្នះឡើងទៅវគ្គផ្ដាច់ព្រ័ត្រនាពេលខាងមុខ៕អត្ថបទ៖ លី ឈុនឡា

អេស្ប៉ាញឈ្នះកូស្តារីកា ៧ទល់នឹង០ ការប្រកួត World Cup 2022 ពូល E

បាល់ទាត់៖ ក្រុមជើងឯកពិភពលោកឆ្នាំ២០១០ អេស្ប៉ាញបានបំបាក់ក្រុមមកពីអាមេរិកកណ្តាលកូស្តារីកាចាស់ដៃដោយលទ្ធផល ៧-០ ដើម្បីឈរលើគេក្នុងពូល E។ បន្ទាប់ពីជប៉ុនធ្វើឱ្យអាល្លឺម៉ង់បាត់បង់ ៣ពិន្ទុ អេស្ប៉ាញមិនអាចបង្អង់ដៃបានធ្វើយ៉ាងណារក ៣ពិន្ទុឱ្យបាន ខណៈដែល Dani Olmo បើកការនាំមុខតាំងពីនាទីទី៧ មុនពេលដែល Marco Asensio និង Ferran Torres រកបានម្នាក់មួយគ្រាប់មុនចប់វគ្គទី១។ ឈានចូលវគ្គទី២ អេស្ប៉ាញបានរកបន្ថែម ៤គ្រាប់ទៀតដោយបាល់ ១១ម៉ែត្ររបស់ Ferran Torres មុនពេលដែលកីឡាករក្មេងបំផុតរបស់អេស្ប៉ាញ Gavi ស៊ុតបាល់វ៉ូឡេឱ្យអេស្ប៉ាញនាំមុខ ៥-០ ត្រឹមនាទីទី៧៤។ មិនទាន់អស់នៅឡើយ Carlos Soler និង Alvaro Morata រកបានម្នាក់មួយគ្រាប់ផងដែរនៅនាទី៩០+។ក្នុងចំណោម ៧គ្រាប់នោះ Gavi បានក្លាយជាកីឡាករក្មេងបំផុតដែលស៊ុតបញ្ចូលទីនៅ World Cup ក្នុងវ័យ ១៨ឆ្នាំ ១១០ថ្ងៃចាប់តាំងពី Pele នៅឆ្នាំ១៩៥៨។ សរុបពិន្ទុក្នុងពូល E នេះ អេស្ប៉ាញនាំមុខគេតាមពីក្រោយជប៉ុនមាន ៣ពិន្ទុដូចគ្នា ខណៈអាល្លឺម៉ង់ និងកូស្តារីកាមាន ០ពិន្ទុ៕អត្ថបទ៖នាង សុភាវុធ

ម៉ារ៉ុក និងជើងឯករងក្រូអាស៊ីបានត្រឹមស្មើគ្នា ០ទល់នឹង០ ការប្រកួត World Cup 2022

បាល់ទាត់៖ ក្រុមជើងឯករងឆ្នាំ២០១៨ ក្រូអាស៊ីមិនអាចធ្វើអ្វីក្រុមមកពីអាហ្វ្រិកម៉ារ៉ុកបានឡើយ ដោយបានបញ្ចប់ត្រឹមលទ្ធផល ០-០ នៅក្នុងពូល F។ ក្រុមក្រូអាស៊ីដែលរងបរាជ័យនៅវគ្គផ្តាច់ព្រ័ត្រកាលពីឆ្នាំ២០១៨ នៅរុស្ស៊ីដែលចាញ់បារាំងនោះសង្ឃឹមថាឆ្នាំនឹងធ្វើបានល្អជាងមុខមួយកម្រិត តែការចាប់ផ្តើមរបស់ពួកគេមិនសមបំណងឡើយ។ អ្នកចាំទីម៉ារ៉ុក Yassine Bounou បានដើរតួយ៉ាងសំខាន់ក្នុងការជួយក្រុមរបស់ខ្លួនបាន ១ពិន្ទុពីការប្រកួតនេះ តាមរយៈការជួយសង្គ្រោះគ្រាប់បាល់សំខាន់ជាច្រើន ដូចជាឱកាសរបស់ Nikola Vlasic ជាដើម។ ម៉ារ៉ុកមានឱកាសស៊ុតបាល់ Free Kick ចំគោលមួយដោយខ្សែការពារ PSG, Achraf Hakimi តែជួយបានដោយអ្នកចាំទីក្រូអាស៊ី Livakovic។ ការប្រកួតបញ្ចប់ ៩០នាទីក្រុមទាំងពីរបានត្រឹមចែកគ្នាម្នាក់មួយពិន្ទុឈរលេខ២ និងលេខ៣ ក្នុងពូល F នេះ ខណៈប៊ែលហ្ស៊ិកឈរលេខ១ មាន ៣ពិន្ទុ។ ប្រកួតបន្ទាប់ម៉ារ៉ុកត្រូវជួបប៊ែលហ្ស៊ិក ខណៈក្រូអាស៊ីជួបកាណាដា៕អត្ថបទ៖នាង សុភាវុធ

កាណាដាភ្លាត់បាល់ ១១ម៉ែត្រ ខណៈប៊ែលហ្ស៊ិកយកឈ្នះ ១-០ នៅក្នុងពូល F

បាល់ទាត់៖ ក្រុមបិសាចក្រហមអឺរ៉ុបជម្រើសជាតិប៊ែលហ្ស៊ិក បានបើកទំព័របាល់ទាត់ពិភពលោក ២០២២ របស់ខ្លួនជាមួយនឹងជ័យជំនះ ១-០ លើក្រុមចំណូលថ្មីកាណាដានៅក្នុងពូល F។ ថ្វីបើជាក្រុមថ្មីមែន កាណាដាមានឱកាសគ្រប់គ្រងបាល់ច្រើនក្នុងការប្រកួតនេះ តែពួកគេខ្ជះខ្ជាយនៅខាងមុខទី។ មិនត្រឹមតែប៉ុណ្ណោះ កាណាដាក៏មានឱកាសទាត់បាល់ ១១ម៉ែត្រទៀតផងក្រោយកំហុសបាល់ប៉ះដៃ តែកីឡាកររបស់ Bayern Munich, Alphonso Davies ស៊ុតបាល់ ១១ម៉ែត្រនោះមិនចូលនៅនាទីទី១០។ ផ្ទុយទៅវិញក្រុមរបស់លោក Roberto Martinez ក៏អាចរកបានគ្រាប់នាំមុខបានសម្រេចទៅវិញនៅនាទីទី៤៤ មុនចប់វគ្គទី១ ដោយ Michy Batshuayi និងជាគ្រាប់ជ័យជំនះរបស់ប៊ែលហ្ស៊ិកតែម្តង។ទោះបីជាទទួលបានជ័យជំនះក៏ពិតមែន គ្រូបង្វឹកប៊ែលហ្ស៊ិក Roberto Martinez មិនពេញចិត្តនឹងទំរង់លេងក្រុមរបស់លោកឡើយដែលបានបង្កើតឱកាសស៊ុតត្រឹម ៩លើក ខណៈកាណាដាមានដល់ទៅ ២១លើក។ ដោយឡែកសម្រាប់កាណាដាដែលធ្លាប់លេង World Cup ម្តងគត់កាលពីឆ្នាំ១៩៨៦ នៅប្រទេសម៉ិកស៊ិកនោះធ្លាប់ចាញ់ការប្រកួតទាំង ៣ របស់ខ្លួននៅក្នុងពូលនៅពេលនេះ តែតាមរយៈទម្រង់លេងនៅពេលនេះត្រូវបានគេជឿថា កាណាដានឹងមិនមានប្រវត្តិដូចមុនឡើយ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ឯកឧត្តម គន់ គីម នឹងលើកគម្រោងជួយជួសជុលផ្ទះអតីតយុទ្ធជនទ្រុឌទ្រោម ក្នុងខេត្តរតនគិរី

មន្ទីរបញ្ចកោណ នឹងវិនិយោគ ៤០០លានដុល្លារ ក្នុងការរុករករ៉ែកម្ររបស់អូស្ត្រាលី

អ្នកនាំពាក្យក្រសួងព័ត៌មាន អំពាវនាវឱ្យយុវជននៅសមរភូមិក្រោយ បង្កើនស្មារតីប្រុងប្រយ័ត្នខ្ពស់ និងភាពម្ចាស់ការដើម្បីទប់ទល់នឹងសង្គ្រាមសតិអារម្មណ៍

សមាជិកព្រឹទ្ធសភាបក្សសាធារណរដ្ឋអនុម័តតែងតាំងលោក Todd Blanche ជារដ្ឋមន្ត្រីយុត្តិធម៌អាមេរិក

ឧទ្ធម្ភាគចក្រពន្លត់អគ្គិភ័យ ធ្លាក់នៅជិតចំហេះព្រៃរបស់អាមេរិក ដោយមានមនុស្ស ២នាក់នៅខាងក្នុង

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញមកដោយផ្ទាល់ដើម្បីប្រគល់ផ្ទះថ្មី ចំនួន ៦ខ្នង ជូនក្រុមគ្រួសាររបស់វីរកងទ័ពពលី

ជប៉ុនសម្លឹងការចំណាយការពារជាតិខ្ពស់បំផុត ៥៦ពាន់លានដុល្លារ ស្របពេលបារម្ភពីសន្តិសុខក្នុងតំបន់

កូរ៉េខាងត្បូងត្រៀមប្រឈមនឹងកម្ដៅក្ដៅខ្លាំង ខណៈជំងឺទាក់ទងនឹងកម្ដៅកើនឡើង

ប្រធានាធិបតីអ៊ុយក្រែន លោក Zelenskyy បំពេញទស្សនកិច្ចនៅស៊ែប៊ីដែលជាសម្ព័ន្ធមិត្តរុស្ស៊ី

ព្យុះទីហ្វុង Dolphin ធ្វើឱ្យមានអ្នករបួស ៥នាក់ នៅខេត្ត Okinawa របស់ជប៉ុន ខណៈចិនបិទកំពង់ផែ មុនព្យុះទៅដល់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

បាល់ទះឆ្នេរខ្សាច់ចាប់ផ្ដើមប្រកួតក្នុងកីឡាជាតិ ខណៈព្រះសីហនុឈ្នះការពារជាតិទាំងលំបាក

Richarlison ស៊ុតពីរគ្រាប់ឱ្យប្រេស៊ីលឈ្នះស៊ែប តែ Neymar របួសកជើង

កីឡាជាតិ៖ កីឡាអត្តពលកម្ម ចាប់ផ្ដើមការប្រកួតនៅថ្ងៃនេះ នៅទីតាំងសំខាន់ៗចំនួន២

រដ្ឋមន្ត្រីក្រសួងព័ត៌មានបង្ហាញសុទិដ្ឋិនិយមចំពោះកីឡារាំ ក្រោយបញ្ចប់ការប្រកួតក្នុងកីឡាជាតិ

កីឡាម៉ូតូទឹកផ្ដោតលើគោលបំណងធំៗ ៣ ក្នុងការប្រកួតកីឡាជាតិលើកទី៣

កីឡាជនពិការជាតិ៖ កីឡាបូស្យា ចាប់ផ្ដើមការប្រកួតហើយនៅថ្ងៃនេះ

បាល់ទាត់រកឃើញបេក្ខភាពវគ្គ ១/២ ផ្ដាច់ព្រ័ត្រទាំងបុរស-នារីក្នុងកីឡាជាតិលើកទី៣

អេស្ប៉ាញឈ្នះកូស្តារីកា ៧ទល់នឹង០ ការប្រកួត World Cup 2022 ពូល E

ម៉ារ៉ុក និងជើងឯករងក្រូអាស៊ីបានត្រឹមស្មើគ្នា ០ទល់នឹង០ ការប្រកួត World Cup 2022

កាណាដាភ្លាត់បាល់ ១១ម៉ែត្រ ខណៈប៊ែលហ្ស៊ិកយកឈ្នះ ១-០ នៅក្នុងពូល F

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

បាល់ទះ​ឆ្នេរ​ខ្សាច់​ចាប់ផ្ដើម​ប្រកួត​ក្នុង​កីឡា​ជាតិ ខណៈ​ព្រះសីហនុ​ឈ្នះ​ការពារ​ជាតិ​ទាំង​លំបាក

Richarlison ស៊ុត​ពីរ​គ្រាប់​ឱ្យ​ប្រេ​ស៊ី​ល​ឈ្នះ​ស៊ែ​ប​ តែ Neymar របួស​កជើង​

កីឡាជាតិ៖ កីឡាអត្តពលកម្ម ចាប់ផ្ដើមការប្រកួតនៅថ្ងៃនេះ នៅទីតាំងសំខាន់ៗចំនួន២

រដ្ឋមន្ត្រី​ក្រសួង​ព័ត៌មាន​បង្ហាញ​សុទិដ្ឋិនិយម​ចំពោះ​កីឡា​រាំ ក្រោយ​បញ្ចប់​ការប្រកួត​ក្នុង​កីឡា​ជាតិ

កីឡា​ម៉ូតូ​ទឹក​ផ្ដោតលើ​គោលបំណង​ធំៗ ៣ ក្នុងការ​ប្រកួត​កីឡា​ជាតិលើក​ទី​៣

កីឡាជនពិការជាតិ៖ កីឡាបូស្យា ចាប់ផ្ដើមការប្រកួតហើយនៅថ្ងៃនេះ

បាល់ទាត់​រកឃើញ​បេក្ខភាព​វគ្គ ១/២ ផ្ដាច់ព្រ័ត្រ​ទាំង​បុរស​-​នារី​ក្នុង​កីឡា​ជាតិ​លើក​ទី​៣

អេ​ស្ប៉ា​ញ​ឈ្នះ​កូ​ស្តា​រី​កា ៧​ទល់នឹង​០ ការប្រកួត ​World Cup 2022 ពូ​ល E

ម៉ា​រ៉ុ​ក និង​ជើងឯក​រងក្រូ​អាស៊ីបាន​ត្រឹម​ស្មើគ្នា ០​ទល់នឹង​០ ការ​ប្រកួត World Cup 2022

កាណាដា​ភ្លាត់​បាល់ ១១​ម៉ែត្រ ​ខណៈ​ប៊ែ​ល​ហ្ស៊ិ​ក​យកឈ្នះ ១-០ នៅក្នុង​ពូ​ល F

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

បាល់ទះឆ្នេរខ្សាច់ចាប់ផ្ដើមប្រកួតក្នុងកីឡាជាតិ ខណៈព្រះសីហនុឈ្នះការពារជាតិទាំងលំបាក

Richarlison ស៊ុតពីរគ្រាប់ឱ្យប្រេស៊ីលឈ្នះស៊ែប តែ Neymar របួសកជើង

រដ្ឋមន្ត្រីក្រសួងព័ត៌មានបង្ហាញសុទិដ្ឋិនិយមចំពោះកីឡារាំ ក្រោយបញ្ចប់ការប្រកួតក្នុងកីឡាជាតិ

កីឡាម៉ូតូទឹកផ្ដោតលើគោលបំណងធំៗ ៣ ក្នុងការប្រកួតកីឡាជាតិលើកទី៣

បាល់ទាត់រកឃើញបេក្ខភាពវគ្គ ១/២ ផ្ដាច់ព្រ័ត្រទាំងបុរស-នារីក្នុងកីឡាជាតិលើកទី៣

អេស្ប៉ាញឈ្នះកូស្តារីកា ៧ទល់នឹង០ ការប្រកួត World Cup 2022 ពូល E

ម៉ារ៉ុក និងជើងឯករងក្រូអាស៊ីបានត្រឹមស្មើគ្នា ០ទល់នឹង០ ការប្រកួត World Cup 2022

កាណាដាភ្លាត់បាល់ ១១ម៉ែត្រ ខណៈប៊ែលហ្ស៊ិកយកឈ្នះ ១-០ នៅក្នុងពូល F