BTV NEWS

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

កីឡាករ កីឡាការិនីហាប់គីដូកម្ពុជាទៅចូលរួមការប្រកួតនៅហុងកុងភាគច្រើនត្រូវចំណាយថវិការផ្ទាល់ខ្លួន

ព័ត៌មានកីឡា

ជប៉ុនវាយបកតាមពីក្រោយយកឈ្នះអាល្លឺម៉ង់ ២ទល់នឹង១ ការប្រកួត World Cup 2022

បាល់ទាត់៖ បន្ទាប់ពីអារ៉ាប៊ីសាអ៊ូឌីត ក្រុមបាល់ទាត់អាស៊ីមួយទៀតបានធ្វើឱ្យពិភពលោកភ្ញាក់ផ្អើល គឺក្រុមសាមូរ៉ៃជប៉ុនបានវាយបកយកឈ្នះក្រុមជើងឯកពិភពលោក ៤សម័យអាល្លឺម៉ង់ ២-១ នៅក្នុងពូល E។ ការចាប់ផ្តើមនៅក្នុងវគ្គទី១ គេឃើញពីការគ្រប់គ្រង និងការបង្កើតឱកាសជាច្រើនរបស់ក្រុមអាល្លឺម៉ង់ រហូតរកបានគ្រាប់បាល់នាំមុខដែលជាបាល់ពិន័យ ១១ម៉ែត្រធ្វើសំរេចដោយខ្សែបម្រើ Manchester City, Ilkay Gundogan។ តែវគ្គទី២ ស្ថានភាពខុសគ្នាដាច់សម្រាប់ក្រុមជប៉ុនដែលបានផ្លាស់ប្តូរទម្រង់ និងយុទ្ធសាស្ត្រក្រោមការដឹកនាំរបស់គ្រូបង្វឹក Hajime Moriyasu ដែលឈានដល់ការបង្កើតបានជ័យជំនះជាប្រវត្តិសាស្ត្រមួយនេះ។ កីឡាករបម្រុងពីរនាក់គឺជាអ្នករកបានគ្រាប់តាមស្មើ និងជ័យជំនះគឺ Ritsu Doan នៅនាទីទី៧៥ និង Takuma Asano នាទីទី៨៣។ ប្រកួតបន្ទាប់ជប៉ុនត្រូវជួបកូស្តារីការ ខណៈអាល្លឺម៉ង់ត្រូវជួបអេស្ប៉ាញ៕អត្ថបទ៖នាង សុភាវុធ

កីឡាជាតិ៖ មហាផ្ទៃដណ្ដើមបានមេដាយច្រើនជាងគេលើប្រភេទកីឡាតេក្វាន់ដូ ITF

តេក្វាន់ដូ៖ ការប្រកួតកីឡាតេក្វាន់ដូ ITF ក្នុងព្រឹត្តិការណ៍កីឡាជាតិលើកទី៣ បានបញ្ចប់ដោយជោគជ័យ បន្ទាប់ពីដំណើរការប្រកួតរយៈពេល ៥ថ្ងៃចាប់ពីថ្ងៃទី១៩ ដល់ថ្ងៃទី២៣ ខែវិច្ឆិកា ឆ្នាំ២០២២ ដោយក្រសួងមហាផ្ទៃដណ្ដើមបានមេដាយច្រើនជាងគេ រួមមានមេដាយមាស ១១ ប្រាក់ ៣ និងសំរឹទ្ធ ៤គ្រឿង។ ពិធីបិទការប្រកួតនេះបានធ្វើឡើងក្រោមវត្តមានឯកឧត្តម កែវ រ៉េមី ប្រធានសហព័ន្ធកីឡាតេក្វាន់ដូ ITF កម្ពុជា។ ការប្រកួតនេះមានប្រតិភូ គ្រូបង្វឹក និងកីឡាករ-កីឡាការិនីចូលរួមសរុប ១៤៨នាក់ដែលធ្វើការប្រកួតលើ ៤ផ្នែកស្មើនឹង ២៨វិញ្ញាសា។ ជាលទ្ធផលបច្ចេកទេស ក្រៅពីក្រសួងមហាផ្ទៃដែលដណ្ដើមបានមេដាយច្រើនជាងគេ គឺមានក្រសួងសេដ្ឋកិច្ច និងហិរញ្ញវត្ថុឈរលេខ២ ឈ្នះមេដាយមាស ៧ ប្រាក់ ៨ និងសំរឹទ្ធ ៤ ខណៈខេត្តប៉ៃលិនឈរលេខ៣ ឈ្នះមេដាយមាស ២ ប្រាក់ ៤ និងសំរឹទ្ធ ៤ ស្របពេលខេត្តតាកែវឈរលេខ៤ ឈ្នះមេដាយមាស ២គ្រឿង និងរាជធានីភ្នំពេញឈរលេខ៥ ឈ្នះមេដាយមាស ១ និងសំរឹទ្ធ ៤គ្រឿង។ក្រោយបញ្ចប់ការប្រកួតថ្នាក់ដឹកនាំសហព័ន្ធ បានធ្វើការវាយតម្លៃខ្ពស់ចំពោះដំណើរការប្រកួត ពិសេសការបង្ហាញសមត្ថភាពរបស់កីឡាករ-កីឡាការិនីរយៈពេល ៥ថ្ងៃកន្លងមកគឺមានភាពស្វិតស្វាញខ្លាំង សរបញ្ជាក់ឲ្យឃើញភាពរីកចម្រើន និងការត្រៀមខ្លួនបានយ៉ាងល្អរបស់ក្រសួង និងរាជធានី-ខេត្តទាំងអស់ដែលបានបញ្ចូលកីឡាករ-កីឡាការិនីមកចូលរួមប្រកួតកីឡាជាតិលើកទី៣ ឆ្នាំ២០២២ នេះ។ ទោះបីមិនមានវត្តមានក្នុងការប្រកួតកីឡាស៊ីហ្គេមឆ្នាំ២០២៣ ក៏ពិតមែន តែថ្នាក់ដឹកនាំសហព័ន្ធបានជំរុញដល់កីឡាករ-កីឡាការិនីត្រូវបន្ដការខិតខំប្រឹងប្រែងបន្ថែមទៀត ដើម្បីត្រៀមចូលរួមការប្រកួតអន្ដរជាតិផ្សេងៗទៀតនាពេលខាងមុខ ហើយឈានទៅដណ្ដើមមេដាយ និងកិត្តិយសជូនជាតិ ដូចប្រភេទកីឡាផ្សេងៗទៀតដែរ៕អត្ថបទ៖ លី ឈុនឡា

ព្រៃវែង និងកំពតឈ្នះមេដាយច្រើនជាងគេលើកីឡាហែលទឹកនៃកីឡាជាតិ និងកីឡាជនពិការជាតិ

ហែលទឹក៖ សហព័ន្ធខ្មែរកីឡាហែលទឹក ក្រោមកិច្ចសហការជាមួយគណៈកម្មាធិការជាតិប៉ារ៉ាឡាំពិកម្ពុជា បានបញ្ចប់ការប្រកួតកីឡាជាតិលើកទី៣ និងកីឡាជនពិការជាតិលើកទី១ ដោយជោគជ័យ ក្រោយដំណើរការប្រកួត ៤ថ្ងៃពីថ្ងៃទី២០-២៣ ខែវិច្ឆិកានៅអាងហែលទឹកនៃពហុកីឡដ្ឋានជាតិ។ សម្រាប់លទ្ធផលនៃការប្រកួតកីឡាហែលទឹក (មិនពិការភាព) ក្នុងចំណោម ២៤វិញ្ញាសាគឺអត្តពលិកមកពីខេត្តព្រៃវែង ដណ្ដើមបានមេដាយច្រើនជាងគេរួមមានមេដាយមាស ៧ ប្រាក់ ៥ និងសំរឹទ្ធ ២ ស្របពេលក្រសួងមហាផ្ទៃឈរលេខ២ ឈ្នះមេដាយមាស ៤ ប្រាក់ ៥ និងសំរឹទ្ធ ៣ និងរាជធានីភ្នំពេញឈរលេខ៣ ឈ្នះមេដាយមាស ៤ ប្រាក់ ១ និងសំរឹទ្ធ ១។ រីឯខេត្តកណ្ដាលឈរលេខ៤ ឈ្នះមេដាយមាស ៣ ប្រាក់ ៣ និងសំរឹទ្ធ ៤ គ្រាដែលខេត្តបាត់ដំបងឈរលេខ៥ ឈ្នះមេដាយមាស ៣ ប្រាក់ ៣ និងសំរឹទ្ធ ២។ ក្រសួងសេដ្ឋកិច្ច និងហិរញ្ញវត្ថុឈរលេខ៦ ឈ្នះមេដាយមាស ២ ប្រាក់ ៣ និងសំរឹទ្ធ ៧ និងខេត្តកោះកុងឈ្នះមេដាយមាស ១ ប្រាក់ ២ និងសំរឹទ្ធ ១។ដោយឡែកការប្រកួតកីឡាហែលជនពិការវិញ គឺខេត្តកំពតដណ្ដើមបានមេដាយច្រើនជាងគេក្នុងចំណោម ៩វិញ្ញាសា ដោយឈ្នះមេដាយមាស ៣ និងប្រាក់ ១ តាមពីក្រោយដោយខេត្តកំពង់ចាមឈ្នះមេដាយមាស ២ និងសំរឹទ្ធ ៣។ ចំណែករាជធានីភ្នំពេញ និងខេត្តកំពង់ឆ្នាំងឈរលេខ៣ និងលេខ៤ ឈ្នះមេដាយមាស ១ ប្រាក់ ១ និងសំរឹទ្ធ ១ ដូចគ្នា។ ឯខេត្តកណ្ដាលឈរលេខ៥ ឈ្នះមេដាយមាស ១ និងសំរឹទ្ធ ២ និងខេត្តកែបឈ្នះមេដាយមាស ១ និងសំរឹទ្ធ ១ ឈរលេខ៦។លោក ហែម គិរី អគ្គលេខាធិការសហព័ន្ធ បានវាយតម្លៃខ្ពស់ចំពោះដំណើរការប្រកួតកីឡាជាតិ និងកីឡាជនពិការជាតិឆ្នាំ២០២២ ទោះបីការដឹកនាំ និងរៀបចំការប្រកួតផ្នែកជនពិការនៅមានចំណុចខ្វះខាត តែជារួម ទាំងបច្ចេកទេសប្រកួតប្រជែងរបស់កីឡាករ-កីឡាការិនីគឺមានលក្ខណៈល្អប្រសើរ។ អ្វីដែលគួរឲ្យកត់សម្គាល់គឺក្រុមអត្តពលិកមកពីបណ្ដាខេត្ត ដណ្ដើមបានមេដាយច្រើនតែម្ដង។ គួរបញ្ជាក់ថា មកទល់ពេលនេះមានកីឡាមួយចំនួនបានបញ្ចប់ការប្រកួតជាបណ្ដើរៗហើយ ខណៈកីឡាមួយចំនួយធំនៅបន្ដ និងត្រៀមការប្រកួតជាបន្ដបន្ទាប់ទៀតរហូតដល់ថ្ងៃទី៣០ ខែវិច្ឆិកា ឆ្នាំ២០២២ ខាងមុខ៕ អត្ថបទ៖ លី ឈុនឡា

ឃីកបុកស៊ីងបញ្ចប់ការប្រកួតកីឡាជាតិដោយជោគជ័យ ខណៈក្រសួងមហាផ្ទៃឈ្នះមេដាយច្រើនជាងគេ

ឃីកបុកស៊ីង៖ ការប្រកួតកីឡាឃីកបុកស៊ីងនៃកីឡាជាតិលើកទី៣ បានបញ្ចប់ការប្រកួតរបស់ខ្លួនហើយ ក្រោយដំណើរការប្រកួតរយៈពេល ៥ថ្ងៃពីថ្ងៃទី១៩ ដល់ថ្ងៃទី២៣ ខែវិច្ឆិកា ឆ្នាំ២០២២ នៅមជ្ឈមណ្ឌលកីឡាកងយោធពលខេមរភូមិន្ទ ដោយក្លិបក្រសួងមហាផ្ទៃដណ្ដើមបានមេដាយច្រើនជាងគេសរុប ៩គ្រឿង។ ថ្លែងក្នុងពិធីបិទការប្រកួតឯកឧត្តម ហេង សុខឃន ប្រធានសហព័ន្ធកីឡាឃីកបុកស៊ីងកម្ពុជា បានចាត់ទុកការប្រកួតកីឡាជាតិនេះគឺជាឱកាសវាស់ស្ទង់សម្រាប់មន្ដ្រីបច្ចេកទេសសហព័ន្ធ ក៏ដូចជាកីឡាករ-កីឡាការិនីដើម្បីត្រៀមដំណើរឆ្ពោះទៅស៊ីហ្គេមឆ្នាំ២០២៣ ដែលកម្ពុជាទទួលបានសិទ្ធធ្វើម្ចាស់ផ្ទះ។ ឯកឧត្តមបន្ដថា សមិទ្ធផលទទួលបានក្នុងការប្រកួតនេះ ស្ដែងចេញឲ្យឃើញពីការខិតខំប្រឹងប្រែងពីគ្រប់ភាគីពាក់ព័ន្ធ ពិសេសកីឡាករ-កីឡាការិនីដែលបានខិតខំតស៊ូហ្វឹកហាត់ និងគោរពវិន័យ។ សហព័ន្ធសង្ឃឹមថា បទពិសោធន៍នៃការរៀបចំការប្រកួតកីឡាជាតិនេះ នឹងជំរុញការត្រៀមខ្លួនធ្វើម្ចាស់ផ្ទះស៊ីហ្គេមកាន់តែប្រសើរថែមទៀត។សូមបញ្ជាក់ថា កីឡាឃីកបុកស៊ីងបានរៀបចំការប្រកួតលើ ១២វិញ្ញាសា។ ជាលទ្ធផលក្លិបក្រសួងមហាផ្ទៃឈ្នះមេដាយច្រើនជាងគេ រួមមានមេដាយមាស ៦ ប្រាក់១ និងសំរឹទ្ធ ២។ លេខ២ ក្រសួងការពារជាតិដណ្ដើមបានមេដាយមាស ៥ និងប្រាក់ ១។ រីឯខេត្តស្វាយរៀងឈរលេខ៣ ឈ្នះមេដាយមាស ១ ប្រាក់ ៣ និងសំរឹទ្ធ ២ និងខេត្តបាត់ដំបងឈរលេខ៤ ឈ្នះមេដាយប្រាក់ ៤ និងសំរឹទ្ធ ២៕ អត្ថបទ៖ លី ឈុនឡា

ថ្នាក់ដឹកនាំកីឡាវាយកូនបាល់ចាប់អារម្មណ៍វិញ្ញាសាឯកត្ដជនបុរស-នារីក្នុងការប្រកួតកីឡាជាតិ

វាយកូនបាល់៖ ការប្រកួតកីឡាវាយកូនបាល់នៃកីឡាជាតិលើកទី៣ បានបញ្ចប់ហើយ ក្រោយដំណើរការប្រកួត ៥ថ្ងៃ ពីថ្ងៃទី១៩ ដល់ថ្ងៃទី២៣ ខែវិច្ឆិកា ឆ្នាំ២០២២ នៅពហុកីឡដ្ឋានជាតិ ខណៈលោក ជា ពៅ អគ្គលេខាធិការរងសហព័ន្ធកីឡាវាយកូនបាល់កម្ពុជា បានចាប់អារម្មណ៍វិញ្ញាសាឯកត្តជនបុរស-នារី ដែលកីឡាករ-កីឡាការិនីកម្ពុជាសុទ្ធតែធ្វើបានល្អ។ ថ្លែងក្រោយបិទការប្រកួតលោក ជា ពៅ បានបញ្ជាក់ថា គ្រប់វិញ្ញាសាកីឡាករ-កីឡាការិនីសុទ្ធតែធ្វើបានល្អ ពិសេសវិញ្ញាសាឯកត្តជនទាំងបុរស និងនារី ដោយលោកកត់សម្គាល់ឃើញថា កម្រិតបច្ចេកទេសរបស់កីឡាករ-កីឡាការិនីមានការកើនឡើងគួរឲ្យកត់សម្គាល់ ដែលជាក្ដីសង្ឃឹមសម្រាប់ត្រៀមការប្រកួតអន្ដរជាតិនាពេលខាងមុខ ពិសេសស៊ីហ្គេមឆ្នាំ២០២៣ តែម្ដង។សម្រាប់លទ្ធផលបច្ចេកទេសការប្រកួតកីឡាវាយកូនបាល់នៃកីឡាជាតិលើកទី៣ ក្នុងចំណោម ៤វិញ្ញាសាគឺខេត្តសៀមរាបដណ្ដើមបានមេដាយច្រើនជាងគេ រួមមានមេដាយមាស ២ ប្រាក់ ១ និងសំរឹទ្ធ ១ ខណៈក្រសួងការពារជាតិ ឈរលេខ២ ឈ្នះមេដាយមាស ១ ប្រាក់ ២ និងសំរឹទ្ធ ១ និងក្រសួងសេដ្ឋកិច្ច និងហិរញ្ញវត្ថុឈ្នះមេដាយមាស ១ ប្រាក់ ១ និងសំរឹទ្ធ ២ ឈរលេខរៀងទី៣៕ អត្ថបទ៖ លី ឈុនឡាទស្សនការរូបភាព នៃការប្រកួត៖

Lydia Ko គ្រងជើងឯកវាយកូនគោល CME Group Tour និងជាពាន LPGA លើកទី១៩ ក្នុងអាជីព

វាយកូនគោល៖ កីឡាការិនី Lydia Ko បានប្រជែងឈ្នះជើងឯកនៃព្រឹត្តិការណ៍វាយកូនគោលកម្មវិធី CME Group Tour ដែលជាជើងឯកនៅក្នុងក្របខណ្ឌ LPGA Tour លើកទី១៩ ក្នុងអាជីព។ កីឡាការិនីសញ្ជាតិនូវែហ្សេឡង់រូបនេះធ្វើបានសរុប ១៧អាន់ឌើផាក្នុងការប្រកួតដែលរៀបចំនៅរដ្ឋ Florida សហរដ្ឋអាមេរិកនេះ ដោយបានយកឈ្នះអ្នកលេខ២ កីឡាការិនីអៀកឡង់ Leona Maguire ២ស្ត្រូកដើម្បីក្លាយជាកីឡាការិនីឆ្នើមបំផុតរបស់ LPGA ប្រចាំឆ្នាំ។ ជើងឯកពានរង្វាន់ CME Group នេះ Lydia Ko ទទួលបានប្រាក់រង្វាន់ ២លានដុល្លារអាមេរិក។ លេខ៣ ក្នុងការប្រកួតបានទៅកីឡាការិនីស៊ុយអែត Anna Nordqvist ដោយធ្វើបានសរុប ១៤អាន់ឌើផា៕អត្ថបទ៖នាង សុភាវុធ

Novak Djokovic លើកពាន ATP Finals តាមស្មើកំណត់ត្រា Federer

វាយកូនបាល់៖ អតីតកីឡាករលំដាប់លេខ ១ ពិភពលោក Novak Djokovic បានក្លាយជាម្ចាស់ជើងឯក ATP Finals ក្រោយយកឈ្នះ Casper Ruud នៅវគ្គផ្តាច់ព្រ័ត្រតាមស្មើកំណត់ត្រារបស់ Roger Federer។ កីឡាករស៊ែបវ័យ ៣៥ឆ្នាំរូបនេះបានយកឈ្នះកីឡាករន័រវេស Casper Ruud ដោយលទ្ធផល ៧-៥ និង ៦-៣ នៅទីក្រុង Turin ប្រទេសអ៊ីតាលីម្សិលមិញនេះ។ ជ័យជំនះនៅក្នុងកម្មវិធីចុងក្រោយរបស់ ATP ប្រចាំឆ្នាំមួយនេះគឺជាជើងឯក ATP Finals លើកដំបូងរាប់ពីឆ្នាំ២០១៥ សំរាប់ Novak Djokovic និងជាពាន ATP Finals លើកទី៦ ក្នុងអាជីពដូចគ្នានឹងកីឡាករស្វីស Roger Federer ដែលចូលនិវត្តន៍ទៅហើយ។ ជ័យជំនះនេះដែរ Djokovic បានទទួលប្រាក់រង្វាន់ដល់ទៅជិត ៤លានដុល្លារតាមរយៈការឈ្នះពាន ហើយមិនដែលចាញ់ក្នុងកម្មវិធី៕អត្ថបទ៖នាង សុភាវុធ

Jon Rahm ឈ្នះការប្រកួត DP World Tour នៅឌូបៃ តែ McIlroy បញ្ចប់ឆ្នាំជាកីឡាករលេខ ១ នៅអឺរ៉ុប

វាយកូនគោល៖ កីឡាករវាយកូនគោលអៀកឡង់ខាងជើង Rory McIlroy បានបញ្ចប់រដូវកាល ២០២២ ជាកីឡាករលេខ ១ ប្រចាំទ្វីបអឺរ៉ុប បើទោះបីជាកីឡាករអេស្ប៉ាញ Jon Rahm គ្រងជើងឯកព្រឹត្តិការណ៍វាយកូនគោល DP World Tour Championship នៅទីក្រុងឌូបៃប្រទេសអារ៉ាប់រួមក្តី។Jon Rahm ធ្វើបាន ៥អាន់ឌើផានៅថ្ងៃចុងក្រោយ និងសរុបរួម ២០អាន់ឌើផាយកឈ្នះអ្នកលេខ២ កីឡាករអង់គ្លេស Tyrrell Hatton និងកីឡាករស៊ុយអែត Alex Noren ២ស្ត្រូក។ កីឡាករលំដាប់លេខ ១ ពិភពលោក Rory McIlroy បានបញ្ចប់ការប្រកួតនៅឌូបៃនេះចំណាត់ថ្នាក់លេខ៤ ធ្វើបានសរុប ១៧អាន់ឌើផា បន្ទាប់ពីថ្ងៃចុងក្រោយធ្វើបាន ៤អាន់ឌើផា។ Rory McIlroy បានក្លាយជាកីឡាករវាយកូនគោលទី២ ប៉ុណ្ណោះដែលឈ្នះទាំងជើងឯក FedEx Cup និង Race to Dubai នេះក្នុងរដូវកាលតែមួយ៕អត្ថបទ៖នាង សុភាវុធ

Mark Allen គ្រងជើងឯកស្នូកឃ័រពានរង្វាន់ UK Championship ក្រោយឈ្នះ Ding Junhui

ស្នូកឃ័រ៖ កីឡាករស្នូកឃ័រអៀកឡង់ខាងជើង Mark Allen បានធ្វើការវាយបកមិនគួរឱ្យជឿនៅវគ្គផ្តាច់ព្រ័ត្រយកឈ្នះកីឡាករចិន Ding Junhui ដើម្បីគ្រងជើងឯក UK Championship ជាលើកដំបូងក្នុងអាជីព។កីឡាករវ័យ ៣៥ឆ្នាំ Ding Junhui ធ្វើបានយ៉ាងល្អក្នុងដំណាក់កាល ៧ហ្វ្រេមដំបូងតាមរយៈការវាយមួយឈើបានលើសពី ១០០ពិន្ទុដល់ទៅ ៣លើកដើម្បីនាំមុខ ៦-១ហ្វ្រេម។ យ៉ាងណាក្តី Mark Allen បានធ្វើការវាយបកយ៉ាងអស្ចារ្យនៅដំណាក់កាលទី២ តាមរយៈការយកឈ្នះ ៦ហ្វ្រេមជាប់គ្នាធ្វើឱ្យការប្រកួតវិលមកប្រដេញគ្នាវិញ។ Ding Junhui ព្យាយាមត្រលប់មកវិញដែរដោយយកឈ្នះនៅហ្វ្រេមទី១៥ ដោយវាយបាន ១០៥ពិន្ទុ តែ Allen យកឈ្នះហ្វ្រេមទី១៧ ដើម្បីយកឈ្នះការប្រកួតដោយលទ្ធផលសរុប ១០-៧ហ្វ្រេម។ នេះជាការប្រកួតដែលប្រើពេលយូរបំផុតមួយនៅពានរង្វាន់ UK Championship នេះក្នុងរយៈពេល ៤៥ឆ្នាំ៕អត្ថបទ៖នាង សុភាវុធ

គុនល្បុក្កតោកម្ពុជាឈ្នះមេដាយ ៥គ្រឿងពីព្រឹត្តិការណ៍កីឡាយុទ្ធសិល្ប៍ក្បាច់គុនពិភពលោកនៅកូរ៉េ

ល្បុក្កតោ៖ ក្រុមកីឡាករ-កីឡាការិនីគុនល្បុក្កតោកម្ពុជាបានឈ្នះមេដាយចំនួន ៥គ្រឿងរួមមានមេដាយមាស ១ និងប្រាក់ ៤ នៅក្នុងការប្រកួតកីឡាយុទ្ធសិល្ប៍ក្បាច់គុនពិភពលោកប្រចាំឆ្នាំ២០២២ (International martial arts contest 2022) កាលពីថ្ងៃទី១៨ ដល់ថ្ងៃទី២០ ខែវិច្ឆិកាកន្លងទៅនៅសាធារណរដ្ឋកូរ៉េ។ លោក អ៊ួ តារា អគ្គលេខាធិការសហព័ន្ធកីឡាគុនល្បុក្កតោកម្ពុជាបានឲ្យដឹងថា ឆ្នាំនេះសម្ព័ន្ធកីឡាយុទ្ធសិល្ប៍ពិភពលោក (world martial art union) បានសម្រេចរៀបចំការប្រកួតផ្ទាល់ឡើងវិញ ក្រោយស្ងប់ស្ងាត់ជំងឺរាតត្បាតកូវីដ-១៩ បន្ទាប់ពីរៀបចំការប្រកួតតាម Online កាលពីឆ្នាំ២០២១ កន្លងទៅ។ ការប្រកួតនេះមាន ១០ប្រទេសចូលរួម រួមមានកម្ពុជា អូបេគីស្ថាន វៀតណាម ឡាវ សិង្ហបុរី ឥណ្ឌា ហ្គាណា ហ្វីលីពីន អ៊ីរ៉ង់ និងម្ចាស់ផ្ទះកូរ៉េ។ កម្ពុជាបានបញ្ជូនអត្តពលិក ១០ចូលរួម ក្នុងនោះមានគ្រូដឹកនាំ ២រូប តាមរយៈការឧបត្ថម្ភគាំទ្ររបស់គណៈកម្មាធិការជាតិ រៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC)។ជាលទ្ធផលកការប្រកួតក្រុមកីឡាគុនល្បុក្កតោកម្ពុជា ដណ្ដើមបានមេដាយ ៥គ្រឿងរួមមាន៖ កីឡាការិនី ពិធី ច័ន្ទឆវី ឈ្នះមេដាយមាស ១ លើវិញ្ញាសាទ្វារមេគុនអាវុធ។ រីឯមេដាយប្រាក់ ៤គ្រឿងទៀតដណ្ដើមបានលើវិញ្ញាសាទ្វារមេគុនអាវុធ, វិញ្ញាសាទ្វារមេគុនដៃក្រុម, វិញ្ញាសាទ្វារមេគុនអាវុធក្រុម និងវិញ្ញាសាសម្ដែងជាក្រុម។ តាមរយៈលទ្ធផលនេះ ត្រូវបានលោក អ៊ួ តារា ចាត់ទុកជាពន្លឺថ្មីមួយសម្រាប់កីឡាករ-កីឡាការិនីគុនល្បុក្កតោកម្ពុជា ដែលធ្វើបានល្អក្នុងការប្រកួតលក្ខណៈអន្ដរជាតិ មុនឈានដល់ការប្រកួតកីឡាស៊ីហ្គេមលើកទី៣២ ឆ្នាំ២០២៣ ដែលកម្ពុជានឹងធ្វើជាម្ចាស់ផ្ទះ៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

ឯកឧត្តមឧបនាយករដ្ឋមន្ត្រី ហ៊ុន ម៉ានី អញ្ជើញសម្ពោធអគារសិក្សាថ្មី ២ខ្នង នៅខេត្តតាកែវ ដែលជាអំណោយរបស់សម្តេចធិបតី

បេក្ខជនមកពិនិត្យលេខបន្ទប់ លេខតុ មុនការប្រឡងបាកើឌុបចាប់ផ្ដើមទី ១០សីហា ស្អែកនេះ

ឯកឧត្តម គន់ គីម នឹងលើកគម្រោងជួយជួសជុលផ្ទះអតីតយុទ្ធជនទ្រុឌទ្រោម ក្នុងខេត្តរតនគិរី

មន្ទីរបញ្ចកោណ នឹងវិនិយោគ ៤០០លានដុល្លារ ក្នុងការរុករករ៉ែកម្ររបស់អូស្ត្រាលី

អ្នកនាំពាក្យក្រសួងព័ត៌មាន អំពាវនាវឱ្យយុវជននៅសមរភូមិក្រោយ បង្កើនស្មារតីប្រុងប្រយ័ត្នខ្ពស់ និងភាពម្ចាស់ការដើម្បីទប់ទល់នឹងសង្គ្រាមសតិអារម្មណ៍

សមាជិកព្រឹទ្ធសភាបក្សសាធារណរដ្ឋអនុម័តតែងតាំងលោក Todd Blanche ជារដ្ឋមន្ត្រីយុត្តិធម៌អាមេរិក

ឧទ្ធម្ភាគចក្រពន្លត់អគ្គិភ័យ ធ្លាក់នៅជិតចំហេះព្រៃរបស់អាមេរិក ដោយមានមនុស្ស ២នាក់នៅខាងក្នុង

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញមកដោយផ្ទាល់ដើម្បីប្រគល់ផ្ទះថ្មី ចំនួន ៦ខ្នង ជូនក្រុមគ្រួសាររបស់វីរកងទ័ពពលី

ជប៉ុនសម្លឹងការចំណាយការពារជាតិខ្ពស់បំផុត ៥៦ពាន់លានដុល្លារ ស្របពេលបារម្ភពីសន្តិសុខក្នុងតំបន់

កូរ៉េខាងត្បូងត្រៀមប្រឈមនឹងកម្ដៅក្ដៅខ្លាំង ខណៈជំងឺទាក់ទងនឹងកម្ដៅកើនឡើង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ជប៉ុនវាយបកតាមពីក្រោយយកឈ្នះអាល្លឺម៉ង់ ២ទល់នឹង១ ការប្រកួត World Cup 2022

កីឡាជាតិ៖ មហាផ្ទៃដណ្ដើមបានមេដាយច្រើនជាងគេលើប្រភេទកីឡាតេក្វាន់ដូ ITF

ព្រៃវែង និងកំពតឈ្នះមេដាយច្រើនជាងគេលើកីឡាហែលទឹកនៃកីឡាជាតិ និងកីឡាជនពិការជាតិ

ឃីកបុកស៊ីងបញ្ចប់ការប្រកួតកីឡាជាតិដោយជោគជ័យ ខណៈក្រសួងមហាផ្ទៃឈ្នះមេដាយច្រើនជាងគេ

ថ្នាក់ដឹកនាំកីឡាវាយកូនបាល់ចាប់អារម្មណ៍វិញ្ញាសាឯកត្ដជនបុរស-នារីក្នុងការប្រកួតកីឡាជាតិ

Lydia Ko គ្រងជើងឯកវាយកូនគោល CME Group Tour និងជាពាន LPGA លើកទី១៩ ក្នុងអាជីព

Novak Djokovic លើកពាន ATP Finals តាមស្មើកំណត់ត្រា Federer

Jon Rahm ឈ្នះការប្រកួត DP World Tour នៅឌូបៃ តែ McIlroy បញ្ចប់ឆ្នាំជាកីឡាករលេខ ១ នៅអឺរ៉ុប

Mark Allen គ្រងជើងឯកស្នូកឃ័រពានរង្វាន់ UK Championship ក្រោយឈ្នះ Ding Junhui

គុនល្បុក្កតោកម្ពុជាឈ្នះមេដាយ ៥គ្រឿងពីព្រឹត្តិការណ៍កីឡាយុទ្ធសិល្ប៍ក្បាច់គុនពិភពលោកនៅកូរ៉េ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ជប៉ុន​វាយបក​តាម​ពីក្រោយ​យកឈ្នះ​អាល្លឺម៉ង់ ២​ទល់នឹង​១ ការប្រកួត​ World Cup 2022

កីឡា​ជាតិ​៖ មហាផ្ទៃ​ដណ្ដើម​បាន​មេដាយ​ច្រើន​ជាង​គេ​លើ​ប្រភេទ​កីឡា​តេ​ក្វាន់​ដូ​ ITF

ព្រៃវែង និង​កំពត​ឈ្នះ​មេដាយ​ច្រើនជាងគេ​លើ​កីឡាហែលទឹក​នៃ​កីឡា​ជាតិ និង​កីឡា​ជន​ពិការ​ជាតិ

ឃីកបុកស៊ីង​បញ្ចប់​ការប្រកួត​កីឡា​ជាតិ​ដោយ​ជោគជ័យ ខណៈ​ក្រសួងមហាផ្ទៃ​ឈ្នះ​មេដាយ​ច្រើនជាងគេ

ថ្នាក់ដឹកនាំកីឡាវាយកូនបាល់ចាប់អារម្មណ៍វិញ្ញាសាឯកត្ដជនបុរស-នារីក្នុងការប្រកួតកីឡាជាតិ

Lydia Ko គ្រង​ជើងឯក​វាយកូនគោល CME Group Tour និង​ជា​ពាន LPGA លើក​ទី​១៩ ក្នុង​អាជីព​

Novak Djokovic លើក​ពាន ATP Finals តាម​ស្មើ​កំណត់ត្រា Federer

Jon Rahm ឈ្នះ​ការប្រកួត DP World Tour នៅ​ឌូ​បៃ ​តែ McIlroy បញ្ចប់​ឆ្នាំ​ជា​កីឡា​ករលេខ ១ នៅ​អឺរ៉ុប​

Mark Allen គ្រង​ជើងឯក​ស្នូកឃ័រ​ពានរង្វាន់ UK Championship ក្រោយ​ឈ្នះ Ding Junhui

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ជប៉ុនវាយបកតាមពីក្រោយយកឈ្នះអាល្លឺម៉ង់ ២ទល់នឹង១ ការប្រកួត World Cup 2022

កីឡាជាតិ៖ មហាផ្ទៃដណ្ដើមបានមេដាយច្រើនជាងគេលើប្រភេទកីឡាតេក្វាន់ដូ ITF

ព្រៃវែង និងកំពតឈ្នះមេដាយច្រើនជាងគេលើកីឡាហែលទឹកនៃកីឡាជាតិ និងកីឡាជនពិការជាតិ

ឃីកបុកស៊ីងបញ្ចប់ការប្រកួតកីឡាជាតិដោយជោគជ័យ ខណៈក្រសួងមហាផ្ទៃឈ្នះមេដាយច្រើនជាងគេ

Lydia Ko គ្រងជើងឯកវាយកូនគោល CME Group Tour និងជាពាន LPGA លើកទី១៩ ក្នុងអាជីព

Novak Djokovic លើកពាន ATP Finals តាមស្មើកំណត់ត្រា Federer

Jon Rahm ឈ្នះការប្រកួត DP World Tour នៅឌូបៃ តែ McIlroy បញ្ចប់ឆ្នាំជាកីឡាករលេខ ១ នៅអឺរ៉ុប

Mark Allen គ្រងជើងឯកស្នូកឃ័រពានរង្វាន់ UK Championship ក្រោយឈ្នះ Ding Junhui