BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

អតីតកីឡាករ-កីឡាការិនី និងម្ចាស់មេដាយមាសស៊ីហ្គេមជាច្រើននឹងចូលរួមរត់ភ្លើងគប់ពិធីបើកកីឡាជាតិលើកទី៣

កីឡាជាតិ៖ ការប្រកួតកីឡាជាតិលើកទី៣ និងកីឡាប៉ារ៉ាហ្គេមជាតិលើកទី១ នឹងប្រារព្ធពិធីបើកការប្រកួតផ្លូវការនាល្ងាចថ្ងៃទី២១ ខែវិច្ឆិកាខាងមុខនៅពហុកីឡដ្ឋានជាតិមរតកតេជោ ក្រោមអធិបតីតភាពដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន។ ស្រដៀងនឹងការរៀបចំ ២លើកមុនដែរ ពិធីបើក-បិទព្រឹត្តិការណ៍កីឡាថ្នាក់ជាតិដ៏ធំនេះនឹងមានកម្មវិធីជាច្រើន ដើម្បីអបអរសាទរ តែឆ្នាំនេះ គ្រោងនឹងមានរៀបចំនូវកម្មវិធីកាន់តែអស្ចារ្យថែមទៀត ដើម្បីជាពិសោធន៍ឆ្ពោះទៅធ្វើម្ចាស់ផ្ទះព្រឹត្តិការណ៍ប្រវត្តិសាស្ដ្រស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ក្នុងនោះក៏មានពិធីរត់ភ្លើងគប់ផងដែរ ដែលនឹងត្រូវរត់ពីវិមានឈ្នះឈ្នះចូលទៅវិមានកីឡដ្ឋាននៃពហុកីឡដ្ឋានជាតិមរតកតេជោ។ យោងតាមគណៈកម្មការរៀបចំពិធីបើក-បិទបានរៀបចំនូវព្រឹទ្ធាចារ្យ អតីតកីឡាករ-កីឡាការិនី និងម្ចាស់មេដាយមាសកីឡាស៊ីហ្គេម-អាស៊ានប៉ារ៉ាហ្គេមជាច្រើនដើម្បីរត់ភ្លើងគប់ ក៏ដូចជាកាន់ទង់ និងដង្ហែទង់កីឡាជាតិឆ្ពោះទៅពិធីបើកព្រឹត្តិការណ៍កីឡាជាតិលើកទី៣ និងកីឡាប៉ារ៉ាហ្គេមជាតិលើកទី១ នាដើមសប្ដាហ៍ក្រោយ។សម្រាប់ព្រឹទ្ធាចារ្យ និងកីឡាករ-កីឡាការិនីដែលត្រូវរត់ភ្លើងគប់រួមមាន៖១. វីរកីឡាករ សាលី អ៊ូមើត ម្ចាស់មេដាយមាសកីឡាម៉ូតូទឹកនៃព្រឹត្តិការណ៍កីឡាអាស៊ីឆ្នាំ២០១៨។ អ៊ូមើតគឺជាកីឡាករឆ្នើមមួយរូបដែលធ្លាប់ដណ្ដើមបានមេដាយ និងពានរង្វាន់ជាច្រើនទៀត ទាំងការប្រកួតថ្នាក់តំបន់ អាស៊ី និងពិភពលោក។២. កីឡាករគុនខ្មែរ ប៉ោ ភារិទ្ធ ដែលជាម្ចាស់មេដាយមាសកីឡាស៊ីហ្គេមឆ្នាំ២០២២ នៅប្រទេសវៀតណាម។ កីឡាករជម្រើសជាតិប្រដាល់គុនខ្មែររូបនេះ បានបើកទំព័រប្រវត្តិសាស្ដ្រដណ្ដើមបានមេដាយមាសស៊ីហ្គេមលើកដំបូងក្នុងអាជីពរបស់ខ្លួន បន្ទាប់ពីទទួលបានជោគជ័យជាបន្ដបន្ទាប់ពីការប្រកួតក្នុងស្រុក។៣. វីរកីឡាការិនី កែ ឡេង ម្ចាស់មេដាយមាសកីឡាប៉េតង់ជើងឯកពិភពលោក ៤សម័យជាប់គ្នា និងជាកីឡាករដំបូងលើពិភពលោកដែលធ្វើបានកំណត់ត្រាដ៏អស្ចារ្យនេះ។ លើសពីនេះលោកស្រីក៏ធ្លាប់ដណ្ដើមមេដាយមាសស៊ីហ្គេម និងជើងឯកអាស៊ីជាច្រើនផងដែរ។៤. កីឡាករជនពិការ ហៀ ហុក ម្ចាស់មេដាយមាសប្រណាំងរទេះនៃកីឡាអាស៊ានប៉ារ៉ាហ្គេមឆ្នាំ២០២២ នៅឥណ្ឌូនេស៊ី ។៥. កីឡាការិនី ប៉ាល់ ឆរស្ម៊ី ម្ចាស់មេដាយមាសកីឡាវ៉ូវីណាមនៃកីឡាស៊ីហ្គេមឆ្នាំ២០២២ នៅវៀតណាម។ ប៉ាល់ ឆរស្ម៊ី ក៏ជាម្ចាស់មេដាយមាសស៊ីហ្គេម ៣សម័យជាប់គ្នា ហើយក៏ធ្លាប់ឈ្នះមេដាយមាសកីឡាវ៉ូវីណាមជើងឯកពិភពលោក និងព្រឹត្តិការណ៍អន្ដរជាតិធំៗជាច្រើនទៀត ទាំងលើកីឡាវ៉ូវីណាម និងកីឡាតេក្វាន់ដូ ITF ផងដែរ។៦. ព្រឹទ្ធាចារ្យកីឡាបាល់ទាត់ ប៉ែន ផាត អតីតកីឡាករបាល់ទាត់ជម្រើសជាតិទសវត្សរ៍ទី៦០។៧. កីឡាការិនីជនពិការ វ៉ិន ចាន់ថា ម្ចាស់មេដាយមាសលោតចម្ងាយ និងរត់ ៤០០ម៉ែត្រនៃព្រឹត្តិការណ៍កីឡាអាស៊ានប៉ារ៉ាហ្គេមឆ្នាំ២០២២ នៅឥណ្ឌូនេស៊ី។៨. វីរកីឡាការិនី ស៊ន សៀវម៉ី ម្ចាស់មេដាយមាសតេក្វាន់ដូកីឡាអាស៊ីឆ្នាំ២០១៤ នៅសាធារណរដ្ឋកូរ៉េ។ លើសពីនេះ សៀវម៉ី ក៏ជាម្ចាស់មេដាយមាសស៊ីហ្គេម ៣សម័យ រួមទាំងការដណ្ដើមបានសមិទ្ធផលធំៗជាច្រើនលើឆាកអន្ដរជាតិជូនជាតិផងដែរ។ចំណែកកីឡាករ-កីឡាការិនីត្រូវកាន់ទង់ និងដង្ហែទង់កីឡាជាតិ អមពិធីរត់ភ្លើងគប់វិញរួមមាន៖១. កីឡាករ ទូច រ៉ាឆាន់ ម្ចាស់មេដាយមាសកីឡាឃីកបុកស៊ីងស៊ីហ្គេមឆ្នាំ២០២២ នៅវៀតណាម។២. កីឡាការិនី វង ចន្ថា និងកីឡាករ ស៊ីន វង់ ម្ចាស់មេដាយមាសកីឡាប៉េតង់លើវិញ្ញាសាវាយគូចម្រុះនារី នៃការប្រកួតកីឡាស៊ីហ្គេមឆ្នាំ២០២២ នៅវៀតណាម។៣. កីឡាករ វ៉ា មិថុនា ម្ចាស់មេដាយមាសកីឡាតេក្វាន់ដូ WT នៃការប្រកួតកីឡាស៊ីហ្គេមឆ្នាំ២០២២ នៅវៀតណាម៤. កីឡាការិនី ពៅ សុខា ម្ចាស់មេដាយមាសកីឡាវ៉ូវីណាមពិភពលោកឆ្នាំ២០១៩។៥. កីឡាករ លី បូរ៉ាមី ម្ចាស់មេដាយមាសកីឡាវ៉ូវីណាមនៃការប្រកួតកីឡាស៊ីហ្គេមឆ្នាំ២០២២ នៅវៀតណាម។សូមបញ្ជាក់ថា ក្រៅពីនេះក៏មាននូវកម្មវិធីជាច្រើន ទាំងការសម្ដែងចលនាសមស្រប ការសម្ដែងក្បាច់គុនល្បុក្ក ការសម្ដែងសិល្បៈបុរស-សម័យ និងការបាញ់គាំជ្រួចដ៏អស្ចារ្យ និងកម្មវិធីជាច្រើនទៀត ដើម្បីអបអរសាទរពិធីបើក-បិទកីឡាជាតិ និងកីឡាប៉ារ៉ាហ្គេមឆ្នាំ២០២២ នេះផងដែរ៕អត្ថបទ៖ លី ឈុនឡា

ជំនាញការជប៉ុនសរសើរវគ្គបណ្ដុះបណ្ដាលអាជ្ញាកណ្ដាល-ចៅក្រម និងការប្រកួតប្រដាល់សកលអាជីពនៅកម្ពុជា

ប្រដាល់សកល៖ វគ្គបណ្ដុះបណ្ដាលអាជ្ញាកណ្ដាល-ចៅក្រមប្រដាល់សកលអាជីព និងការប្រកួតប្រដាល់សកលអាជីព Ultimate Pro Boxing 2022 ដែលរៀបចំដោយអង្គភាពចំណុះរបស់សហព័ន្ធកីឡាប្រដាល់សកលកម្ពុជា គឺគណៈកម្មការប្រដាល់សកលអាជីពកម្ពុជា បានទទួលការសរសើរពីជំនាញការជប៉ុនលោក YASUKOCHI Tsuyoshi បន្ទាប់ពីលោកបានបង្រៀន និងពិនិត្យនូវការអនុវត្តផ្ទាល់រយៈពេល ២ថ្ងៃកន្លងមក។ លោក ប៊ុយ សុភ័ណ្ឌ ប្រធានគណៈកម្មការប្រដាល់សកលអាជីពកម្ពុជា និងជាអគ្គលេខាធិការសហព័ន្ធបានបញ្ជាក់ថា ឆ្លងកាត់ការរៀបចំវគ្គបណ្ដុះបណ្ដាលអាជ្ញាកណ្ដាល-ចៅក្រមប្រដាល់សកលអាជីពកាលពីថ្ងៃទី១៦ និងថ្ងៃទី១៧ ខែវិច្ឆិកា ក៏ដូចជាការរៀបចំការប្រកួតប្រដាល់សកលអាជីពនៅថ្ងៃចុងក្រោយឃើញថា សិក្ខាកាមទាំងអស់បានអនុវត្តយ៉ាងល្អពាក់ព័ន្ធនឹងការវិនិច្ឆ័យ ក៏ដូចជាការកាត់សេចក្ដីលើសង្វៀនជាដើម។ តាមរយៈនេះលោក YASUKOCHI Tsuyoshi បានធ្វើការវាយតម្លៃខ្ពស់ ចំពោះការអនុវត្តនូវតួនាទីភារកិច្ចរបស់អាជ្ញាកណ្ដាល-ចៅក្រមកម្ពុជាដែលលោកអាចទទួលយកបាន ហើយក៏ជាការបំពេញនូវលក្ខខណ្ឌមួយ នៃស្ថាប័នកីឡាប្រដាល់សកលអាជីពអន្ដរជាតិ(WBC)។ ចំពោះការបង្ហាញសមត្ថភាពរបស់កីឡាករវិញ ក៏បានបង្ហាញនូវលក្ខណៈបច្ចេកទេសខ្ពស់គួរឲ្យកត់សម្គាល់ ដើម្បីចូលរួមការប្រកួតលក្ខណៈអន្ដរជាតិផងដែរ។អគ្គលេខាធិការសហព័ន្ធដដែលបន្ដថា យ៉ាងណាក្ដីដើម្បីជំរុញវិស័យកីឡាមួយនេះឲ្យរីកចម្រើនទាំងព្រម សហព័ន្ធនឹងបន្ដអនុវត្តការសំខាន់ៗជាបន្ដបន្ទាប់ទៀត ទី១-ការបើកវគ្គបណ្ដុះបណ្ដាលអាជ្ញាកណ្ដាល-ចៅក្រម និងទី២-ការរៀបចំការប្រកួតប្រចាំសប្ដាហ៍របស់សហព័ន្ធ ក៏ដូចជាការបញ្ជូនក្រុមជម្រើសជាតិទៅហ្វឹកហាត់ និងចូលរួមប្រកួតនៅក្រៅប្រទេសជាដើម ដើម្បីធានាបាននូវគុណផលកីឡាកម្រិតខ្ពស់ត្រៀមការប្រកួតអន្ដរជាតិនានា ពិសេសសម្រាប់កីឡាករ-កីឡាការិនីត្រៀមស៊ីហ្គេមឆ្នាំ២០២៣ តែម្ដង៕អត្ថបទ៖ លី ឈុនឡា

កីឡាជាតិនឹងដំណើរការប្រកួតចុងសប្ដាហ៍នេះ ខណៈពិធីបើកនឹងធ្វើឡើងក្រោមអធិបតីភាពសម្ដេចតេជោ

កីឡាជាតិ៖ ព្រឹត្តិការណ៍កីឡាជាតិលើកទី៣ និងកីឡាប៉ារ៉ាហ្គេមលើកទី១ ដែលរៀបចំដោយក្រសួងអប់រំ យុវជន និងកីឡា សហការជាមួយគណៈកម្មាធិការជាតិ CAMSOC គណៈកម្មាធិការជាតិអូឡាំពិកកម្ពុជា និងសហព័ន្ធកីឡាជាតិ ក្រោមការគាំទ្ររបស់រាជរដ្ឋាភិបាលនឹងដំណើរការប្រកួតនាចុងសប្ដាហ៍នេះ ជាមួយការជួបជុំ និងប្រជុំបច្ចេកទេសផ្សេងៗនៅថ្ងៃទី១៩-វិច្ឆិកា និងចាប់ផ្ដើមការប្រកួតនៅថ្ងៃទី២០-វិច្ឆិកា មុនពិធីបើកផ្លូវការនាល្ងាចថ្ងៃទី២១ ខែវិច្ឆិកា ដែលនឹងធ្វើឡើងក្រោមអធិបតីភាពដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន។ នេះគឺជាព្រឹត្តិការណ៍កីឡាដ៏ធំដែលនឹងត្រូវរៀបចំក្នុងក្របខណ្ឌទូទៅប្រទេស បន្ទាប់ពីខកខានរៀបចំកាលពីឆ្នាំ២០២២ ដោយសារជំងឺរាតត្បាតជាសកលកូវីដ-១៩។ អ្វីដែលពិសេស ការត្រឡប់មកវិញនៃកីឡាជាតិលើកទី៣ និងកីឡាប៉ារ៉ាហ្គេមលើកទី១ នេះនឹងត្រូវរៀបចំតាមទម្រង់ស៊ីហ្គេម និងអាស៊ានប៉ារ៉ាហ្គេម ដើម្បីជាការតេស្ដសាកល្បងដំណើរឆ្ពោះទៅព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជា គឺការប្រកួតកីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ នាឆ្នាំ២០២៣ ខាងមុខ។ ជាការពិតសម្រាប់កីឡាជាតិត្រូវបានរៀបចំការប្រកួតលើ ៣៨ប្រភេទកីឡា ដូចទៅនឹងប្រភេទកីឡាដែលបានអនុម័តដាក់ក្នុងការប្រកួតស៊ីហ្គេមឆ្នាំ២០២៣ នៅកម្ពុជាដែរ។ មិនតែប៉ុណ្ណោះ ការប្រកួតនៃប្រភេទកីឡានីមួយៗនឹងត្រូវរៀបចំទៅតាមទីតាំងនៃរាជធានី-ខេត្ត ដែលត្រូវរៀបចំការប្រកួតស៊ីហ្គេមទៀតផង ដូចជារាជធានីភ្នំពេញ ខេត្តសៀមរាប ខេត្តព្រះសីហនុ ខេត្តកំពត និងខេត្តកែប។ រីឯកីឡាប៉ារ៉ាហ្គេមវិញនឹងត្រូវរៀបចំលើ ៧ប្រភេទកីឡាដោយរៀបចំតាមទម្រង់នៃការប្រកួតកីឡាអាស៊ានប៉ារ៉ាហ្គេមដូចគ្នា។មន្ដ្រីជាន់ខ្ពស់នៃក្រសួងអប់រំ យុវជន និងកីឡាបានឲ្យដឹងថា គោលបំណងសំខាន់នៃកីឡាជាតិ ក៏ដូចជាកីឡាប៉ារ៉ាហ្គេមឆ្នាំ២០២២ នេះគឺដើម្បីសាកល្បងឲ្យសហព័ន្ធកីឡាជាតិនីមួយៗមានម្ចាស់ការក្នុងការរៀប ពិសេសគណៈកម្មការរៀបចំការប្រកួតឲ្យមានភាពបន្សាំ និងស្វែងយល់ពីចំនុចខ្វះខាត ដើម្បីកែលម្អត្រៀមស៊ីហ្គេម-អាស៊ានប៉ារ៉ាហ្គេមឆ្នាំក្រោយ។ មួយវិញទៀត ដោយសារអត្តពលិកជម្រើសជាតិមួយចំនួនធំបានចេញ និងត្រៀមចេញទៅហ្វឹកហាត់នៅក្រៅប្រទេសបន្ថែមនាពេលខាងមុខ ដូច្នេះក៏ជាការផ្តល់ឱកាសឲ្យកីឡាករ-កីឡាការិនីជាយុវជន និងថ្នាល តំណាងសហព័ន្ធកីឡាជាតិនីមួយៗបានដុសខាត់សមត្ថភាព និងបង្កើនសិទ្ធផល ជាពិសេសបន្សាំខ្លួនឲ្យបានល្អផងដែរ។ឯកឧត្តម អ៊ុក សិទ្ធីជាតិ អគ្គនាយកនៃអគ្គនាយកដ្ឋានកីឡាបានបញ្ជាក់ថា កីឡាជាតិ និងកីឡាប៉ារ៉ាហ្គេមនេះមិនមែនធ្វើឡើងក្នុងគោលបំណងវាស់ស្ទង់សមត្ថភាពរបស់អត្តពលិកតែប៉ុណ្ណោះទេ ប៉ុន្តែធ្វើក្នុងគោលបំណងធំ៤ ទី១-ផ្តល់ឱកាសឲ្យមន្ត្រីដែលធ្លាប់បណ្តុះបណ្តាលហើយទាំង ៣៨ប្រភេទកីឡាបានអនុវត្តសម្រាប់ស៊ីហ្គេមឆ្នាំ២០២៣ ទាំងបរិមាណ និងគុណភាព ដើម្បីត្រៀមរៀបចំ និងកាត់សេចក្តីតាមប្រភេទកីឡានីមួយៗ។ ទី២- ពាក់ព័ន្ធនឹងទីតាំងប្រកួត ដោយយកទីតាំងទាំង៥ ត្រៀមប្រកួតកីឡាស៊ីហ្គេម ប្រកួតកីឡាជាតិ និងត្រួតពិនិត្យ និងវាយតម្លៃលើការរៀបចំពីចំនុចខ្វះខាត ដើម្បីកែលម្អឲ្យទាន់ពេលវេលាដោយសារនៅសល់ពេលច្រើន។ ទី៣- ដើម្បីផ្តល់ឱកាសឲ្យកីឡាករ កីឡាការិនីក្នុងប្រទេសបានវាស់ស្ទង់សមត្ថភាពរបស់ខ្លួន ដោយសារពួកគេមិនបានចេញទៅហ្វឹកហាត់ក្រៅប្រទេស ដូច្នេះពួកគេយកការប្រកួតក្នុងកីឡាជាតិលើកទី៣ ជាការដុសខាតសមត្ថភាព និងបង្កើនបទពិសោធន៍សម្រាប់ស៊ីហ្គេម និងទី៤- សហព័ន្ធកីឡាជាតិនីមួយៗគឺរៀបចំរចនាសម្ព័ន្ធរបស់ខ្លួនតាំងពី A ដល់ Z។ចំណុចនេះមានន័យថា តាំងពីការរៀបចំ ការកាត់សេចក្តី ដាក់មន្ត្រីបច្ចេកទេស អាជ្ញាកណ្តាល មើលទីតាំង និងសម្ភារទាំងអស់ដើម្បីទទួលបានបទពិសោធន៍ និងជឿជាក់ក្នុងការឈានទៅរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ ឲ្យទទួលបានជោគជ័យ។ គួរបញ្ជាក់ថា កីឡាជាតិលើកទី៣ និងកីឡាប៉ារ៉ាហ្គេមលើកទី១ គ្រោងនឹងដំណើរការប្រកួតពីថ្ងៃទី១៩ រហូតដល់ថ្ងៃទី៣០ ខែវិច្ឆិកាខាងមុខ។ សម្រាប់ពិធីបើក-បិទនឹងធ្វើឡើងនៅពហុកីឡដ្ឋានជាតិមរតកតតេជោ ដែលតាមគម្រោងនឹងមានអ្នកចូលរួមអបអរសាទរប្រមាណជាង ៤ម៉ឺននាក់។ នេះបើតាមការបញ្ជាក់របស់ឯកឧត្តម វ៉ាត់ ចំរើន អគ្គលេខាធិការ CAMSOC និងគណៈកម្មាធិការជាតិអូឡាំពិកកម្ពុជា៕អត្ថបទ៖ លី ឈុនឡា

Novak Djokovic ឡើងវគ្គពាក់កណ្តាលផ្តាច់ព្រ័ត្រ ATP Finals

វាយកូនបាល់៖ កីឡាករវាយកូនបាល់ស៊ែប Novak Djokovic បានបន្តដំណើរស្វែងរកពាន ATP Finals លើកទី៦ ក្នុងអាជីពរបស់ខ្លួន បន្ទាប់ពីយកឈ្នះកីឡាកររុស្ស៊ី Ruben Rublev ឡើងវគ្គពាក់កណ្តាលផ្តាច់ព្រ័ត្រ។ នេះជាជ័យជំនះទី២ សម្រាប់ Novak Djokovic នៅក្នុងពូលពណ៌ក្រហមនេះតាមរយៈលទ្ធផលឈ្នះ ៦-៤ និង ៦-១ នៅថ្ងៃពុធម្សិលមិញលើ Ruben Rublev នៅទីក្រុង Turin ប្រទេសអ៊ីតាលីបន្ទាប់ពីយកឈ្នះកីឡាករក្រិក Stefanos Tsitsipas នៅប្រកួតដំបូងក្នុងពូល។ Novak Djokovic ដែលលើកពាន ATP Finals ចុងក្រោយរបស់ខ្លួនតាំងពីឆ្នាំ២០១៥ នោះមិនទាន់អស់ការប្រកួតឡើយ ដោយនឹងត្រូវជួបជាមួយកីឡាកររុស្ស៊ីមួយរូបទៀត Daniil Medvedev ប្រកួតបិទបញ្ចប់ពូល។ងាកមកការប្រកួតដ៏តានតឹងមួយគូទៀតក្នុងពូលពណ៌ក្រហមនេះដែរ កីឡាករក្រិក Stefanos Tsitsipas បានយកឈ្នះអតីតកីឡាករលេខ ១ ពិភពលោក Daniil Medvedev យ៉ាងតានតឹងដោយលទ្ធផល ២ សិតទល់នឹង ១ ពិន្ទុ ៦-៣ ៦-៧(៩-១១) និង ៧-៦(៦-១)។ ជ័យជំនះនេះធ្វើឱ្យ Tsitsipas នៅសល់ឱ្យកាសចុងក្រោយដើម្បីឡើងវគ្គពាក់កណ្តាលផ្តាច់ព្រ័ត្រ ប្រសិនបើយកឈ្នះប្រកួតចុងក្រោយលើ Ruben Rublev បាន ខណៈដែល Rublev ក៏ត្រូវការជ័យជំនះដូចគ្នាដើម្បីឡើងវគ្គបន្ត។ សម្រាប់ថ្ងៃនេះជាការប្រកួតបិទបញ្ចប់ពូលពណ៌បៃតងដោយ Rafael Nadal ដែលធ្លាក់ទៅហើយនោះត្រូវជួបជាមួយកីឡាករន័រវេស Casper Ruud ដែលកក់កៅអីរួចហើយ ស្របពេលដែល Felix Auger-Aliasimme នឹងជួបជាមួយ Taylor Fritz ដើម្បីកៅអីវគ្គបន្ត៕អត្ថបទ៖នាង សុភាវុធ

Raphael Varane ថា រឿងរ៉ាវរបស់ Ronaldo ប៉ះពាល់ដល់កីឡាករដទៃទៀតក្នុងក្រុម

បាល់ទាត់៖ ខ្សែការពារបារាំង Raphael Varane បាននិយាយថា ស្ថានភាពទូទៅរបស់ក្រុមបិសាចក្រហម Manchester United ជុំវិញបញ្ហាជាមួយ Cristiano Ronaldo ពិតជាមានផលប៉ះពាល់ខ្លាំងដល់អារម្មណ៍កីឡាករផ្សេងទៀតនៅក្នុងក្រុមទាំងមូល។ នៅក្នុងកិច្ចសម្ភាសន៍ Ronaldo បាននិយាយថា ខ្លួនមានអារម្មណ៍ថាត្រូវក្លិបក្បត់ ហើយនឹងលែងគោរពដល់អ្នកចាត់ការ Erik ten Hag។ Manchester United ក្រោយមកក៏បានបញ្ជាក់ថា នឹងពិចារណាជុំវិញកិច្ចសម្ភាសន៍របស់ Ronaldo ដែលធ្វើឱ្យប៉ះពាល់ខ្លាំងដល់កិត្តិយសក្លិប។ ជុំវិញរឿងនេះមិត្តរួមក្រុមរបស់ Ronaldo ទាំងនៅ Real Madrid និង Manchester United, Raphael Varane បាននិយាយថា ពិតណាស់ថា រឿងនេះពាក់ព័ន្ធខ្លាំងដល់ពួកយើងជាមិត្តរួមក្រុម នេះមិនមែនជាការដោះស្រាយបញ្ហាដ៏ល្អឡើយ វាគួរតែជាការដោះស្រាយនៅក្រោយឆាក ប្រសើរជាងការដោះស្រាយនៅលើបណ្តាញសង្គមបែបនេះ។ Varane បានបន្តថា អ្វីដែលកីឡាករ មិត្តរួមក្រុមចង់បាននៅពេលនេះគឺដើម្បីក្រុម ដើម្បីក្លិប ដូច្នេះរាល់ការសំរេចចិត្តបែបនេះរបស់ក្លិប ក្នុងនាមជាកីឡាករត្រូវតែគោរព និងទទួលយក៕អត្ថបទ៖នាង សុភាវុធ

ខ្សែប្រយុទ្ធ Frankfurt, Randal Kolo Muani គឺជាអ្នកជំនួស Nkunku ដែលមានរបួស

បាល់ទាត់៖ ខ្សែប្រយុទ្ធក្លិបអាល្លឺម៉ង់ Randal Kolo Muani ត្រូវបានកោះហៅចូលក្រុមជម្រើសជាតិបារាំងដើម្បីជំនួស Christopher Nkunku ដែលមានរបួស។ ខ្សែប្រយុទ្ធរបស់ក្លិប RB Leipzig រូបនេះបានទទួលរងរបួសជើងអំឡុងការហ្វឹកហាត់ជាមួយក្រុមជម្រើសជាតិបារាំងកាលពីថ្ងៃអង្គារ នៅពេលប៉ះទង្គិចជាមួយខ្សែបម្រើ Real Madrid, Camavinga។ Kolo Muani របស់ Frankfurt បានស៊ុតបញ្ចូលទី ៨គ្រាប់ក្នុងការបង្ហាញខ្លួន ២៣ប្រកួតរដូវកាលនេះ។ កីឡាករវ័យ ២៣ឆ្នាំរូបនេះក៏ធ្លាប់ត្រូវបានកោះហៅចូលក្រុមជម្រើសជាតិបារាំងដែរ ដោយបានបង្ហាញខ្លួនពីរលើកជាកីឡាករបម្រុងផ្លាស់ប្តូរចូលអំឡុងការប្រកួតទល់នឹងអូទ្រីស និងដាណឺម៉ាកនៅក្របខណ្ឌ UEFA Nations League កាលពីខែកញ្ញា។ Christophe Nkunku គឺជាអ្នកស៊ុតបញ្ចូលទីច្រើនជាងគេនៅ Bundesliga រដូវកាលនេះសរុប ១២គ្រាប់ក្នុងការបង្ហាញខ្លួន ១៥ប្រកួតជាមួយក្លិប RB Leipzig។ Nkunku បានក្លាយជាកីឡាករដែលមានឈ្មោះបោះសំឡេងមួយរូបទៀត របស់ក្រុមជម្រើសជាតិបារាំងដែលខកខាន World Cup បន្ទាប់ពី Paul Pogba, N’Golo Kante និង Prisnel Kimbempe៕អត្ថបទ៖នាង សុភាវុធ

អតីតខ្សែការពារជម្រើសជាតិអង់គ្លេស Gary Cahill ចូលនិវត្តន៍ក្នុងវ័យ ៣៦ឆ្នាំ

បាល់ទាត់៖ អតីតខ្សែការពារក្រុមជម្រើសជាតិអង់គ្លេស និងតោខៀវ Chelsea, Gary Cahill បានសម្រេចចិត្តចូលនិវត្តន៍ពីអាជីពកីឡាករបាល់ទាត់ហើយនៅក្នុងវ័យ ៣៦ឆ្នាំ។ Gary Cahill ធ្លាប់ឈ្នះពានធំៗ ៨ ក្នុងរយៈពេល ៧ឆ្នាំនៅ Chelsea ដែលរួមមាន English Premier League ពីរលើក, FA Cup ពីរលើក និង UEFA Champions League មួយលើក។ Cahill បានចាប់ផ្តើមអាជីពបាល់ទាត់ដំបូងនៅ Aston Villa មុនបន្តដំណើរទៅ Bolton, Crystal Palace និង Bournemouth និងរួមមានការបង្ហាញខ្លួន ៦១ប្រកួតជាមួយក្រុមជម្រើសជាតិអង់គ្លេសផងដែរ។ ក្នុងចំណោម ៦១ប្រកួតនោះ Cahill បានបង្ហាញខ្លួននៅ World Cup ពីរលើកគឺនៅឆ្នាំ២០១៤ និង ២០១៨ ក៏ដូចជា Euro ២០១៦ ផងដែរ។ មុនប្រកាសចូលនិវត្តន៍នេះ Gary Cahill បានទំនេរពីអាជីពកីឡាកររបស់ខ្លួនតាំងពីចាកចេញពី Bournemouth ចុងរដូវកាលមុន៕អត្ថបទ៖នាង សុភាវុធ

Bruno Guimaraes និង Alex Telles រងរបួសក្នុងការហ្វឹកហាត់ជាមួយក្រុមប្រេស៊ីលមុនចេញទៅ World Cup

បាល់ទាត់៖ កីឡាករប្រេស៊ីលពីររូបរួមមាន Bruno Guimaraes និង Alex Telles បានរងរបួសអំឡុងការហ្វឹកហាត់នៅទីក្រុង Turin ប្រទេសអ៊ីតាលី មុនពេលក្រុមជើងឯកពិភពលោក ៥សម័យប្រេស៊ីលហោះហើរមកកាន់ទឹកដីកាតា។ កីឡាករវ័យ ២៥ឆ្នាំរបស់ក្លិប Newcastle, Bruno Guimaraes បានដើរចេញពីទីលានហ្វឹកហាត់ក្រោយប៉ះទង្គិចជាមួយមិត្តរួមជាតិ Rodrygo ស្របពេលដែលខ្សែការពារ Alex Telles បានប៉ះទង្គិចជាមួយ Neymar។ យ៉ាងណាក្តីគេមិនទាន់ដឹងពីស្ថានភាពរបួសរបស់កីឡាករទាំងពីរមានទំហំប៉ុណ្ណានៅឡើយ តែប្រេស៊ីលក៏បានស្វាគមន៍ការចូលហ្វឹកហាត់វិញលើកដំបូងរបស់ខ្សែការពារ Marquinhos ដែលអវត្តមានពីការប្រកួតចុងក្រោយជាមួយ PSG ចុងសប្តាហ៍កន្លងទៅ។ក្រុមបាល់ទាត់ជម្រើសជាតិប្រេស៊ីលបន្តស្នាក់នៅទីក្រុង Turin ប្រទេសអ៊ីតាលីរហូតដល់ថ្ងៃសៅរ៍ទើបហោះហើរមកកាន់ទឹកដីកាតា។ ប្រេស៊ីលស្ថិតក្នុងពូល G នៅ World Cup ដោយនឹងត្រូវជួបជាមួយស៊ែបនៅថ្ងៃទី២៤ ខែវិច្ឆិកា បន្តជួបជាមួយស្វ៊ីស និងកាមេរូន៕អត្ថបទ៖នាង សុភាវុធ

ប្រដាល់សកលអាជីពកម្ពុជាបើកវគ្គបណ្ដុះបណ្ដាលអាជ្ញាកណ្ដាល-ចៅក្រមដើម្បីឈានទៅរកការទទួលស្គាល់ពី WBC

ប្រដាល់សកល៖ គណៈកម្មការប្រដាល់សកលអាជីពកម្ពុជា ដែលជាអង្គភាពក្រោមចំណុះសហព័ន្ធកីឡាប្រដាល់សកលកម្ពុជា បានរៀបចំវគ្គបណ្ដុះបណ្ដាលអាជ្ញាកណ្ដាល-ចៅក្រមអាជីពរយៈពេល ២ថ្ងៃនៅថ្ងៃទី១៦-១៧ ខែវិច្ឆិកា ឆ្នាំ២០២២ ដើម្បីដុសខាតសមត្ថភាពមន្ដ្រីបច្ចេកទេសកម្ពុជា ឈានទៅរកការទទួលស្គាល់ពីស្ថាប័នកីឡាប្រដាល់សកលអាជីពអន្ដរជាតិ(WBC)។ លោក ប៊ុយ សុភ័ណ្ឌ ប្រធានគណៈកម្មការប្រដាល់អាជីពកម្ពុជាបានឲ្យដឹងថា វគ្គនេះមានសិក្ខាកាម ១០រូបចូលរួមក្រោមការបង្រៀនរបស់គ្រូឧទ្ទេសលោក SHOZO KATAYAMA មកពីស្ថាប័នប្រដាល់សកលអាជីពជប៉ុន។ លោកថា វគ្គនេះពិតជាមានសារៈសំខាន់ណាស់សម្រាប់អាជ្ញាកណ្ដាល-ចៅក្រមកម្ពុជា ក៏ដូចជាការបំពេញតម្រូវការរបស់ស្ថាប័នអន្ដរជាតិ ដើម្បីអាចចូលជាសមាជិក WBC នាថ្ងៃអនាគត។គួរដឹងថា វគ្គបណ្ដុះបណ្ដាលអាជ្ញាកណ្ដាល-ចៅក្រមប្រដាល់សកលអាជីពនេះគឺសិក្សាទាំងទ្រឹស្ដី និងការអនុវត្តផ្ទាល់ ជាក់ស្ដែងនៅល្ងាចថ្ងៃទី១៧ ខែវិច្ឆិកាស្អែកនេះក៏នឹងមានរៀបចំការប្រកួតប្រដាល់សកលអាជីព Ultimate Pro Boxing 2022 ដែលមានការចូលរួមពីកីឡាករជម្រើសជាតិ ក៏ដូចជាអ្នកប្រដាល់សកលអាជីពកម្ពុជា ដើម្បីផ្ដល់ឱកាសឲ្យសិក្ខាកាមបានអនុវត្តផ្ទាល់ក្នុងតួនាទីជាអាជ្ញាកណ្ដាល-ចៅក្រមរបស់ខ្លួនផងដែរ៕អត្ថបទ៖ លី ឈុនឡា

រូប Ronaldo នៅផ្ទាំងកញ្ចក់កីឡដ្ឋាន Old Trafford ត្រូវបកចេញ

បាល់ទាត់៖ តើពិតជាដល់ផ្លូវបំបែកប្រាកដហើយសម្រាប់ Cristiano Ronaldo និង Manchester United? នេះជាសំណួរដែលត្រូវបានចោទឡើងពីមជ្ឈដ្ឋានបាល់ទាត់ តែចម្លើយក៏ត្រូវបានគិតថាមិនពិបាកឆ្លើយដែរ គឺពិតប្រាកដណាស់ថា ខ្សែប្រយុទ្ធព័រទុយហ្កាល់រូបនេះនឹងមិនត្រលប់មកកាន់ក្លិប ដែលគេធ្លាប់ជោគជ័យពីមុនឡើយ។ រូបស្ទីកឃ័របិទទាំងផ្ទាំងនៅលើកញ្ចក់នៃកីឡដ្ឋាន Old Trafford ត្រូវបានបកចេញជាផ្លូវការដែលអាចបញ្ជាក់ច្បាស់ថា Ronaldo នឹងមិនត្រលប់មកកាន់ Old Trafford វិញឡើយបើទោះជាកិច្ចសន្យានៅសល់ដល់ដំណាច់រដូវកាលក្តី។ ផ្តល់កិច្ចសម្ភាសន៍ដល់អ្នកសារព័ត៌មាន អ្នកគាំទ្រក្រុមបិសាចក្រហម Manchester United មួយចំនួនបានបញ្ចេញមតិស្រដៀងគ្នាថា Ronaldo នឹងមិនត្រលប់មកវិញទេ ព្រោះគាត់បានធ្វើរឿងដែលមិនគួរធ្វើ អ្នកអាចរិះគន់នរណាម្នាក់ដែលអ្នកមិនពេញចិត្តបាន តែនេះគឺជាការរិះគន់ក្លិបទាំងមូល ដែលក្នុងគំនិតគាត់គ្មានអ្វីប្រសើរសោះសម្រាប់ក្លិបដែលគាត់ធ្លាប់រួមរស់។ ជាក់ស្តែងណាស់ Man United មិនត្រូវការគាត់ទៀតទេ អ្នកចាត់ការ Erik ten Hag កំពុងធ្វើអ្វីដែលត្រឹមត្រូវ និងបន្តដំណើរទៅមុខទៀតមិនអាចបកក្រោយ។ចំណែកឯអ្នកគាំទ្រម្នាក់ក្នុងចំណោមនោះបាននិយាយថា គាត់ជាអ្នកគាំទ្រ Ronaldo តែសង្កត់ធ្ងន់ថា Ronaldo គួរតែនិយាយរិះគន់ម្ចាស់ក្លិបគ្រួសារ Glazers គឺជារឿងត្រឹមត្រូវបំផុត តែអ្វីដែលគាត់បាននិយាយគឺប្រកាសសង្គ្រាមជាមួយក្លិបខ្លួនឯង ទាំងខ្លួនមិនទាន់ផុតកុងត្រានៅឡើយ។ រំលឹកថា កីឡាករវ័យ ៣៧ឆ្នាំរូបនេះបានផ្តល់កិច្ចសម្ភាសន៍ជាមួយលោក Piers Morgan ជាមួយនឹងការលាតត្រដាង បកអាក្រាតរឿងអវិជ្ជមានជាច្រើនរបស់ Manchester United ដែលរួមទាំងការរិះគន់អ្នកចាត់ការ Ralf Rangnink, Erik ten Hag ម្ចាស់ក្លិបគ្រួសារ Glazers ជាដើម៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

លោក Zelenskiy ៖ ហេដ្ឋារចនាសម្ព័ន្ធថាមពលរុស្ស៊ី ខាតបង់ប្រាក់រាប់សែនកោដិរូប្លិ៍

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

អតីតកីឡាករ-កីឡាការិនី និងម្ចាស់មេដាយមាសស៊ីហ្គេមជាច្រើននឹងចូលរួមរត់ភ្លើងគប់ពិធីបើកកីឡាជាតិលើកទី៣

ជំនាញការជប៉ុនសរសើរវគ្គបណ្ដុះបណ្ដាលអាជ្ញាកណ្ដាល-ចៅក្រម និងការប្រកួតប្រដាល់សកលអាជីពនៅកម្ពុជា

កីឡាជាតិនឹងដំណើរការប្រកួតចុងសប្ដាហ៍នេះ ខណៈពិធីបើកនឹងធ្វើឡើងក្រោមអធិបតីភាពសម្ដេចតេជោ

Novak Djokovic ឡើងវគ្គពាក់កណ្តាលផ្តាច់ព្រ័ត្រ ATP Finals

Raphael Varane ថា រឿងរ៉ាវរបស់ Ronaldo ប៉ះពាល់ដល់កីឡាករដទៃទៀតក្នុងក្រុម

ខ្សែប្រយុទ្ធ Frankfurt, Randal Kolo Muani គឺជាអ្នកជំនួស Nkunku ដែលមានរបួស

អតីតខ្សែការពារជម្រើសជាតិអង់គ្លេស Gary Cahill ចូលនិវត្តន៍ក្នុងវ័យ ៣៦ឆ្នាំ

Bruno Guimaraes និង Alex Telles រងរបួសក្នុងការហ្វឹកហាត់ជាមួយក្រុមប្រេស៊ីលមុនចេញទៅ World Cup

ប្រដាល់សកលអាជីពកម្ពុជាបើកវគ្គបណ្ដុះបណ្ដាលអាជ្ញាកណ្ដាល-ចៅក្រមដើម្បីឈានទៅរកការទទួលស្គាល់ពី WBC

រូប Ronaldo នៅផ្ទាំងកញ្ចក់កីឡដ្ឋាន Old Trafford ត្រូវបកចេញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Novak Djokovic ឡើង​វគ្គ​ពាក់កណ្តាល​ផ្តាច់ព្រ័ត្រ ATP Finals

Raphael Varane ថា​ រឿងរ៉ាវ​របស់ Ronaldo ប៉ះពាល់​ដល់​កីឡាករ​ដទៃ​ទៀត​ក្នុង​ក្រុម​

ខ្សែប្រយុទ្ធ Frankfurt, Randal Kolo Muani គឺជា​អ្នក​ជំនួស Nkunku ដែលមាន​របួស

អតីត​ខ្សែការពារ​ជម្រើសជាតិ​អង់គ្លេស Gary Cahill ចូលនិវត្តន៍​ក្នុង​វ័យ ៣៦​ឆ្នាំ​

Bruno Guimaraes និង Alex Telles រងរបួស​ក្នុងការ​ហ្វឹកហាត់​ជាមួយ​ក្រុម​ប្រេ​ស៊ី​ល​មុន​ចេញទៅ World Cup

ប្រដាល់សកល​អាជីព​កម្ពុជាបើក​វគ្គ​បណ្ដុះបណ្ដាល​អាជ្ញាកណ្ដាល​-​ចៅក្រមដើម្បី​ឈានទៅរក​ការទទួលស្គាល់​ពី​ WBC

រូប Ronaldo នៅ​ផ្ទាំង​កញ្ចក់​កីឡដ្ឋាន Old Trafford ត្រូវ​បក​ចេញ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Novak Djokovic ឡើងវគ្គពាក់កណ្តាលផ្តាច់ព្រ័ត្រ ATP Finals

Raphael Varane ថា រឿងរ៉ាវរបស់ Ronaldo ប៉ះពាល់ដល់កីឡាករដទៃទៀតក្នុងក្រុម

ខ្សែប្រយុទ្ធ Frankfurt, Randal Kolo Muani គឺជាអ្នកជំនួស Nkunku ដែលមានរបួស

អតីតខ្សែការពារជម្រើសជាតិអង់គ្លេស Gary Cahill ចូលនិវត្តន៍ក្នុងវ័យ ៣៦ឆ្នាំ

Bruno Guimaraes និង Alex Telles រងរបួសក្នុងការហ្វឹកហាត់ជាមួយក្រុមប្រេស៊ីលមុនចេញទៅ World Cup

ប្រដាល់សកលអាជីពកម្ពុជាបើកវគ្គបណ្ដុះបណ្ដាលអាជ្ញាកណ្ដាល-ចៅក្រមដើម្បីឈានទៅរកការទទួលស្គាល់ពី WBC

រូប Ronaldo នៅផ្ទាំងកញ្ចក់កីឡដ្ឋាន Old Trafford ត្រូវបកចេញ