BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

អតីតអ្នកប្រដាល់ អ៊ុត សុវណ្ណា បង្ហាញមោទនភាព ក្រោយកូនប្រុសជោគជ័យលើវិស័យកីឡាប៉េតង់

ប៉េតង់៖ លោក អ៊ុត សុវណ្ណា អតីតអ្នកប្រដាល់ជើងខ្លាំងមួយរូបកាលពីចន្លោះឆ្នាំ១៩៩៧-៩៨ បានបង្ហាញមោទនភាពជាខ្លាំង បន្ទាប់ពីកូនប្រុសរបស់ខ្លួន ២រូបដណ្ដើមបានមេដាយពីការប្រកួតកីឡាប៉េតង់ជើងឯកអាស៊ីលើកទី៤ នៅប្រទេសថៃកាលពីថ្មីៗ ពោលគឺម្នាក់ឈ្នះមេដាយមាស និងម្នាក់ឈ្នះមេដាយសំរឹទ្ធ។ ការលើកឡើងនេះ បន្ទាប់ពីលោក និងភរិយាបានទៅទទួសកូនប្រុស ដែលត្រឡប់មាតុភូមិវិញកាលពីដើមសប្ដាហ៍កន្លងទៅ បន្ទាប់ពីក្រុមកីឡាប៉េតង់កម្ពុជាដណ្ដើមបានមេដាយសរុប ៧គ្រឿងរួមមានមេដាយមាស ៣ ប្រាក់ ២ និងសំរឹទ្ធ ២ ក្នុងការប្រកួតជើងឯកអាស៊ីនេះ ដោយក្នុងនោះកូនប្រុសរបស់លោក អ៊ុត សុវណ្ណា ដណ្ដើមបានមេដាយ ២គ្រឿង គឺកីឡាករយុវជន អ៊ុត ដួងខែ ឈ្នះមេដាយមាសលើវិញ្ញាសាវាយកពិន្ទុយុវជន និងកីឡាករ អ៊ុត សុខជា ឈ្នះមេដាយសំរឹទ្ធលើវិញ្ញាសាយុវជន ៣នាក់ទល់ ៣នាក់។ លោក អ៊ុត សុវណ្ណា បានគូសបញ្ជាក់ថា ទោះបីគ្រួសារខ្លួនមានជីវភាពខ្វះខាតយ៉ាងណា ក៏លោករីករាយនឹងជំរុញកូនៗឲ្យលេងកីឡា ព្រោះឃើញពួកគេមានទេពកោសល្យផ្នែកកីឡាប៉េតង់ ហើយទីបំផុតក្ដីស្រម៉ៃរបស់លោកក៏ក្លាយជាការពិត បន្ទាប់ពីកូនប្រុសទាំងពីរដណ្ដើមបានមេដាយជូនជាតិ ក៏ដូចជាសហព័ន្ធ ដូចអ្វីដែលលោកប៉ង ហើយលោកសង្ឃឹមថា ពួកគេនឹងបន្ដការខិតខំប្រឹងប្រែងបន្ថែមទៀត ដើម្បីត្រៀមការប្រកួតប្រជែង និងដណ្ដើមមេដាយជូនជាតិ ពិសេសការប្រកួតស៊ីហ្គេមឆ្នាំ២០២៣ នៅកម្ពុជានាពេលខាងមុខ។ទន្ទឹមជាមួយគ្នាដែរ កីឡាករ អ៊ុត ដួងខែ ក៏បានសម្ដែងនូវសេចក្ដីរីករាយដែលខ្លួនអាចធ្វើបាន សម្រាប់ការបង្ហាញខ្លួនលើកដំបូងលើឆាកអន្ដរជាតិ។ ដួងខែ ទទួលស្គាល់ថា កំលុងពេលហ្វឹកហាត់ខ្លួនធ្វើពុំសូវបានល្អនោះទេ តែដោយសារការតាំងចិត្ត ពិសេសដោយមានការជំរុញពីអាណាព្យាបាល ថ្នាក់ដឹកនាំសហព័ន្ធ ក៏ដូចជាគ្រូបង្វឹក ទើបធ្វើឲ្យគេឈានទៅដណ្ដើមបានមេដាយលើសពីការរំពឹង។ យុវជនវ័យ ១៧ឆ្នាំរូបនេះប្ដេជ្ញានឹងបន្ដការខិតខំប្រឹងប្រែងបន្ថែមទៀត ដើម្បីឆ្ពោះទៅប្រជែងមេដាយនៅស៊ីហ្គេមឆ្នាំ២០២៣។ គួរដឹងថា បន្ទាប់ពីចំណាយពេលប្រមាណ ៤ឆ្នាំជាមួយកីឡាប៉េតង់ នេះជាលើកដំបូងហើយដែលយុវជន អ៊ុត ដួងខែ ត្រូវបានសហព័ន្ធផ្ដល់ឱកាសចេញទៅប្រកួតលើឆាកអន្ដរជាតិ ក្នុងការប្រកួតជើងឯកអាស៊ីលើកទី៤ នៅប្រទេសថៃ ដែលប្រព្រឹត្តទៅកាលពីថ្ងៃទី១០ ដល់ថ្ងៃទី១៤ ខែវិច្ឆិកាកន្លងទៅ។ ការដណ្ដើមបានមេដាយមាស ១គ្រឿងរបស់យុវជនមានដើមកំណើតពីខេត្តកណ្ដាលរូបនេះ បានធ្វើឲ្យកម្ពុជាក្លាយជាប្រទេសដណ្ដើមបានមេដាយមាសច្រើនជាងគេ ពោលគឺឈ្នះមេដាយមាស ៣ ក្នុងចំណោម ៦វិញ្ញាសា ខណៈម្ចាស់ផ្ទះថៃដណ្ដើមបានមេដាយមាស ២ និងវៀតណាមឈ្នះមេដាយមាស ១ ក្នុងចំណោមអត្តពលិក ១៥ប្រទេសដែលចូលរួមព្រឹត្តិការណ៍ប្រចាំទ្វីបអាស៊ីនេះ៕អត្ថបទ៖ លី ឈុនឡា

Djokovic យកឈ្នះ Tsitsipas ប្រកួតដំបូងនៅកម្មវិធី ATP Finals

វាយកូនបាល់៖ អតីតកីឡាករវាយកូនបាល់លេខ ១ ពិភពលោក Novak Djokovic បានយកឈ្នះកីឡាករក្រិក Stefanos Tsitsipas ក្នុងការប្រកួតដំបូងនៅព្រឹត្តិការណ៍វាយកូនបាល់ ATP Finals នៅទីក្រុង Turin ប្រទេសអ៊ីតាលី។ កីឡាករវ័យ ៣៥ឆ្នាំសញ្ជាតិស៊ែបរូបនេះបានយកឈ្នះកីឡាករក្រិកលំដាប់លេខ២ ដោយលទ្ធផលតានតឹង ៦-៤ និង ៧-៦(៧-៤)។ Novak Djokovic កំពុងស្ថិតក្នុងដំណើរស្វែងរកជើងឯក ATP Finals នេះលើកទី៦ ឱ្យស្មើនឹងកំណត់ត្រារបស់ Roger Federer ដែលបានប្រកាសចូលនិវត្តន៍ទៅហើយ។ ដោយឡែកប្រកួតផ្សេងទៀតនៅក្នុងពូលនេះដែរកីឡាកររុស្ស៊ី Ruben Rublev បានវាយបកពីបរាជ័យសិតដំបូង រហូតយកឈ្នះវិញលើកីឡាករមិត្តរួមជាតិ Daniil Medvedev ដោយលទ្ធផល ៦-៧(៧-៩) ៦-៣ និង ៧-៦(៧-៩)។ កាលពីថ្ងៃអាទិត្យ Rafael Nadal ក៏បានចាប់ផ្តើមប្រកួតដំបូងរបស់ខ្លួនដែរ តែបានត្រឹមបរាជ័យក្រោមស្នាដៃកីឡាករអាមេរិក Taylor Fritz៕អត្ថបទ៖នាង សុភាវុធ

ក្លិបនៅលីគទី៧ អង់គ្លេស Ashton United ដាក់សំណើខ្ចី Erling Haaland

បាល់ទាត់៖ ព្រឹត្តិការណ៍បាល់ទាត់ពិភពលោក FIFA World Cup 2022 នៅកាតាបានចោទជាបញ្ហាជាច្រើនសម្រាប់ក្រុមនៅលីគលំដាប់កំពូល។ ក្របខណ្ឌកំពូល Premier League នឹងត្រូវសម្រាក ៦សប្តាហ៍ដែលធ្វើឱ្យក្លិបជួបនឹងបញ្ហាលើកីឡាករដែលប្រទេសរបស់ខ្លួនមិនបានលេង World Cup រឺកីឡាករដែលមិនត្រូវបានកោះហៅដោយក្រុមជម្រើសជាតិពួកគេ ដែលធ្វើឱ្យរយៈពេល ៦សប្តាហ៍គ្មានការប្រកួត ហើយអាចនឹងបាត់បង់ទម្រង់លេងនៅពេលលីគចាប់ផ្តើមឡើងវិញនៅថ្ងៃទី២៦ ខែធ្នូ។ ជាមួយគ្នានោះដែរក្លិបបាល់ទាត់នៅលីគលំដាប់ទី៧ របស់អង់គ្លេស Ashton United FC នៅក្របខណ្ឌ Northern Premier League Division អាចដោះស្រាយបញ្ហានេះបានចំពោះខ្សែប្រយុទ្ធ Erling Haaland របស់ Manchester City ដែលទំនេរតាមរយៈការដាក់សំណើខ្ចីជើងរយៈពេល ២៨ថ្ងៃ។ គ្រូបង្វឹកក្លិប Ashton United លោក Michael Cregg និយាយថា ក្រុមរបស់លោកកំពុងស្វែងរកខ្សែប្រយុទ្ធស្រាប់ ដូច្នេះ Haaland នឹងអាចជួយក្រុមបានច្រើនដោយយ៉ាងហោចណាស់កីឡាករវ័យ ២២ឆ្នាំរូបនេះក៏អាចរកបានយ៉ាងតិច ៦គ្រាប់ដែរក្នុងចំណោម ៥ប្រកួតចំពោះមុខ។ក្លិប Ashton United មានចម្ងាយពីកីឡដ្ឋាន Etihad ត្រឹម ១០គីឡូម៉ែត្រប៉ុណ្ណោះ។ បើតាមការបញ្ជាក់របស់លោក Pep Guardiola នាពេលកន្លងទៅថា Erling Haaland នឹងចំណាយពេលសម្រាកលំហែរកាយនៅ Marbella ប្រទេសអេស្ប៉ាញ និងបន្តទៅជួបជុំក្រុមគ្រួសារនៅន័រវេស មុនត្រលប់មកហ្វឹកហាត់ជាមួយ Manchester City វិញ៕អត្ថបទ៖នាង សុភាវុធ

Ronaldo ដែលត្រូវគេក្បត់កំពុងហ្វឹកហាត់នៅទឹកដីព័រទុយហ្កាល់មុនចេញដំណើរទៅ World Cup

បាល់ទាត់៖ ក្រុមជម្រើសជាតិព័រទុយហ្កាល់បានប្រមូលផ្តុំហ្វឹកហាត់នៅក្នុងប្រទេសរបស់ខ្លួន មុនចេញដំណើរទៅកាន់ទឹកដីកាតាសម្រាប់ព្រឹត្តិការណ៍បាល់ទាត់ពិភពលោក។ កីឡាករទាំង ២៦នាក់សុទ្ធតែមានវត្តមាននៅទីលានហ្វឹកហាត់ ខណៈក្រសែភ្នែកអ្នកសារព័ត៌មានកំពុងផ្តោតលើ Cristiano Ronaldo ដែលទើបផ្តល់កិច្ចសម្ភាសន៍មួយសង្កត់ធ្ងន់ថា គេមានអារម្មណ៍ថាត្រូវក្លិបរបស់ខ្លួន Manchester United ក្បត់។ វីដេអូឃ្លីបនៃកិច្ចសម្ភាសន៍របស់ Ronaldo ជាមួយលោក Piers Morgan ត្រូវបានបញ្ចេញជាផ្នែកៗបន្តបន្ទាប់ ខណៈឃ្លីបសំខាន់មួយទៀតនោះគឺ Ronaldo សង្កត់ធ្ងន់ទៅលើម្ចាស់ក្លិបគ្រួសារត្រកូល Glazers ដែលមិនយកចិត្តទុកដាក់ពីមុខមាត់ក្លិប សំខាន់គិតតែរឿងរកលុយពីផលចំណេញ។នេះជារដូវកាលដ៏អាក្រក់មួយសម្រាប់កីឡាករវ័យ ៣៧ឆ្នាំរូបនេះមុនការបង្ហាញខ្លួននៅ World Cup ជាលើកចុងក្រោយនៃអាជីពរបស់ខ្លួន ដែលរួមមានបញ្ហាជាមួយក្លិប សតិអារម្មណ៍ដែលធ្វើឱ្យទម្រង់ធ្លាក់ចុះមិនធ្លាប់មានក្នុងអាជីព។ ក្រុមជើងឯកអឺរ៉ុបឆ្នាំ២០១៦ ព័រទុយហ្កាល់ស្ថិតក្នុងពូល H នៅ World Cup ឆ្នាំនេះដោយនឹងត្រូវជួបជាមួយហ្កាណា អ៊ុយរូហ្កាយ និងកូរ៉េ៕អត្ថបទ៖នាង សុភាវុធ

កីឡារាំសាងទំនុកចិត្តត្រៀមស៊ីហ្គេម ក្រោយឈ្នះមេដាយកម្រិតពិភពលោក ១៧គ្រឿងនៅវៀតណាម

កីឡារាំ៖ ក្រុមកីឡារាំជម្រើសជាតិកម្ពុជាបានត្រឡប់មកមាតុភូមិវិញហើយកាលពីរាត្រីថ្ងៃច័ន្ទកន្លងទៅ ក្រោយបញ្ចប់ការប្រកួតកីឡារាំជ្រើសរើសជើងឯកពិភពលោក WDSF SupeStar Championship 2022 នៅទីក្រុងហូជីមិញ ប្រទេសវៀតណាមដោយជោគជ័យ ដោយដណ្ដើមបានមេដាយសរុប ១៧គ្រឿងរួមមានមេដាយមាស ៤ ប្រាក់ ១០ និងសំរឹទ្ធ ៣។ បេសកកម្មនេះដឹកនាំដោយលោកជំទាវ ម៉ក់ វណ្ណស៊ីថា អនុប្រធានសហព័ន្ធ រួមជាមួយគ្រូបង្វឹក និងកីឡាករ-កីឡាការិនីសរុប ១៣នាក់។ សម្រាប់ដំណើរមកដល់កម្ពុជាអមជាមួយមេដាយដ៏ច្រើននេះ គឺមានការអញ្ជើញទទួលស្វាគមន៍ពីលោកជំទាវ ញ៉ែម មរកត អនុរដ្ឋលេខាធិការក្រសួងកិច្ចការនារី និងជាប្រធានសហព័ន្ធកីឡារាំកម្ពុជា រួមជាមួយថ្នាក់ដឹកនាំ និងអាណាព្យាបាលកីឡាករ-កីឡាការិនីជាច្រើនរូបផងដែរ។ លោកជំទាវ ម៉ក់ វណ្ណស៊ីថា ប្រធានប្រតិភូដឹកនាំបានឲ្យដឹងថា ការប្រកួតនេះមានរយៈពេល ៣ថ្ងៃកាលពីថ្ងៃទី១១ ដល់ថ្ងៃទី១៣ ខែវិច្ឆិកា ដោយមានអត្តពលិកមកពី ១៥ប្រទេសចូលរួមគឺមានកម្ពុជា អូស្ដ្រាលី ចិន អាល្លឺម៉ង់ អ៊ីតាលី ប៊ូឡូញ ឆាយនីសតៃប៉ិ ហុងកុង ម៉ុងហ្គោលី បារាំង កូរ៉េខាងត្បូង ម៉ាឡេស៊ី ឥណ្ឌូនេស៊ី សិង្ហបុរី និងម្ចាស់ផ្ទះវៀតណាម។ ជាលទ្ធផលគឺក្រុមកីឡារាំកម្ពុជា សម្រេចបានលទ្ធផលយ៉ាងល្អប្រសើរ ដោយឈ្នះមេដាយមាស ៤ ប្រាក់ ១០ និងសំរឹទ្ធ ៣។ចំណែកលោក ស៊ូវ តុង គ្រូបង្វឹកក្រុមកីឡារាំជម្រើសជាតិកម្ពុជា បានវាយតម្លៃខ្ពស់ចំពោះកីឡាករ-កីឡាការិនីកម្ពុជា បន្ទាប់ពីចប់ស៊ីហ្គេមលើកទី៣១ ពួកគេបានខិតខំប្រឹងប្រែងហ្វឹកហាត់ខ្លាំង រហូតកើនឡើងសមត្ថភាពគួរឲ្យកត់សម្គាល់ និងឈានទៅដណ្ដើមបានមេដាយជាច្រើនបែបនេះ។ រីឯកីឡាករ សេង សុគីម ដែលឈ្នះមេដាយមាស ១ ប្រាក់ ៤ និងសំរឹទ្ធ ១ លើវិញ្ញាសារាំគូ បានសម្ដែងនូវមោទនភាពចំពោះសមិទ្ធផលដែលខ្លួនធ្វើបាន ដោយគេបានចាត់ទុកនេះគឺជាកម្លាំងចិត្តថ្មីមួយទៀត ដើម្បីជំរុញឲ្យក្រុមជម្រើសជាតិកីឡារាំកម្ពុជាខិតខំប្រឹងប្រែង សម្រាប់ត្រៀមប្រជែងមេដាយស៊ីហ្គេមឆ្នាំ២០២៣។ដោយឡែកលោកជំទាវ ញ៉ែម មរកត បានសម្ដែងនូវសេចក្ដីរីករាយដែលកីឡាករ-កីឡាការិនីរាំកម្ពុជាបានអភិវឌ្ឍន៍សមត្ថភាពគួរឲ្យកត់សម្គាល់ រហូតធ្វើឲ្យស្ថាប័នអន្ដរជាតិមានការភ្ញាក់ផ្អើល និងកោតសរសើរចំពោះភាពរីកចម្រើនយ៉ាងឆាប់រហ័សរបស់កីឡារាំកម្ពុជា ដែលទើបកកើតក្រោយគេក៏ដោយ។ សូមបញ្ជាក់ថា ដើម្បីសម្រួចសមត្ថភាពត្រៀមស៊ីហ្គេមឆ្នាំ២០២៣ បន្ទាប់ពីបញ្ចប់បេសកកម្មប្រកួតជើងឯកកម្រិតពិភពលោកនេះ សហព័ន្ធកីឡារាំកម្ពុជាក៏គ្រោងបញ្ជូនក្រុមកីឡាករ-កីឡាការិនីជម្រើសជាតិរបស់ខ្លួនទៅបោះជុំរុំហ្វឹកហាត់រយៈពេលវែង ដើម្បីសម្រួចសមត្ថភាពឲ្យកាន់តែប្រសើរត្រៀមព្រឹត្តិការណ៍ជាប្រវត្តិសាស្ដ្រនៅកម្ពុជានេះផងដែរ៕អត្ថបទ៖ លី ឈុនឡា

ហ្កាណាប្រកាសបញ្ជីឈ្មោះកីឡាករ ២៦នាក់ទៅ World Cup ដោយមាន ២នាក់មិនធ្លាប់ជាប់ជម្រើសជាតិសោះ

បាល់ទាត់៖ សហព័ន្ធបាល់ទាត់ហ្កាណាបានប្រកាសបញ្ជីឈ្មោះកីឡាករចុងក្រោយរបស់ខ្លួនទាំង ២៦នាក់សម្រាប់ជម្រើសជាតិចេញដំណើរទៅកាន់ទឹកដីកាតាចូលរួមព្រឹត្តិការណ៍ World Cup ចុងសប្តាហ៍នេះជាមួយនឹងវត្តមានកីឡាករដែលមិនធ្លាប់ជាប់ជម្រើសជាតិសោះ ២នាក់។ Kamal Sowah មកពីក្លិបប៊ែលហ្ស៊ិក Club Bruges ត្រូវបានកោះហៅជាលើកដំបូង បន្ទាប់ពីកីឡាករវ័យ ២២ឆ្នាំរូបនេះមានទំរង់លេងគួរឱ្យភ្ញាក់ផ្អើលជាមួយក្លិបអាជីព ជាមួយនឹងការជួយ Club Bruges ឡើងវគ្គ ១៦ក្រុមចុងក្រោយ UEFA Champions League ជាលើកដំបូង។ កីឡាករម្នាក់ទៀតដែលមិនធ្លាប់កោះហៅចូលក្រុមជម្រើសជាតិហ្កាណាគឺ Salis Abdul Samed វ័យ ២២ឆ្នាំ បច្ចុប្បន្នកំពុងប្រកបអាជីពនៅក្លិបបារាំង Racing Lens ដែលកំពុងឈរលេខ២ នៅក្របខណ្ឌបារាំង Ligue 1។អតីតខ្សែប្រយុទ្ធអេស្ប៉ាញ Inaki Williams និងអតីតកីឡាករយុវជនអង់គ្លេសអាយុក្រោម ២១ឆ្នាំ Tariq Lamptey សុទ្ធតែត្រូវបានកោះហៅ តែហ្កាណាមិនអាចលួងលោមយកអតីតខ្សែប្រយុទ្ធក្រុមជម្រើសជាតិអង់គ្លេស Callum Hudson Odoi ឱ្យចូលរួមបានឡើយ។ ហ្កាណានៅតែកោះហៅប្រធានក្រុម Dede Ayew ដែលជាសមាជិកក្រុមហ្កាណាឡើងវគ្គ ៨ក្រុមុចុងក្រោយ World Cup 2010 នៅអាហ្វ្រិកខាងត្បូង។ ហ្កាណាស្ថិតក្នុងពូល H នៅ World Cup ដោយនឹងត្រូវជួបជាមួយព័រទុយហ្កាល់នៅថ្ងៃទី២៤ ខែវិច្ឆិកានេះមុនបន្តជួបជាមួយកូរ៉េ និងអ៊ុយរូហ្កាយ៕អត្ថបទ៖នាង សុភាវុធ

ម៉ិកស៊ិកប្រកាសបញ្ជីឈ្មោះកីឡាករ ២៦នាក់ទៅ World Cup មានវត្តមានខ្សែប្រយុទ្ធរបួស Raul Jimenez

បាល់ទាត់៖ គ្រូបង្វឹកក្រុមជម្រើសជាតិម៉ិកស៊ិកលោក Gerardo Martino បានបញ្ចេញបញ្ជីឈ្មោះកីឡាករទាំង ២៦របស់ខ្លួនសម្រាប់ព្រឹត្តិការណ៍បាល់ទាត់ពិភពលោក ២០២២ នៅកាតាហើយ ដែលគេឃើញមានវត្តមានខ្សែប្រយុទ្ធរបួស Raul Jimenez ផងដែរ។ កីឡាករវ័យ ៣១ឆ្នាំរូបនេះបានចូលលេងត្រឹម ៤ប្រកួតប៉ុណ្ណោះនៅ Premier League ជាមួយ Wolves រដូវកាលនេះបន្ទាប់ពីមានរបួសជង្គង់ និងក្រលៀន។ យ៉ាងណាក្តីលោក Martino មិនបានដាក់បញ្ចូលខ្សែប្រយុទ្ធស៊ុតបញ្ចូលទីច្រើនជាងគេឱ្យម៉ិកស៊ិក Javier Hernandez ឡើយរួមជាមួយខ្សែប្រយុទ្ធ Sevilla, Jesus Corona ដែលមានរបួសកជើង។ ខ្សែបម្រើ Real Betis, Andres Guardado នឹងដឹកនាំមិត្តរួមក្រុមក្នុងការបង្ហាញខ្លួននៅ World Cup ជាលើកទី៥ ក្នុងអាជីព ក្នុងនាមជាកីឡាករដែលបង្ហាញខ្លួនបានច្រើនប្រកួតជាងគេឱ្យម៉ិកស៊ិក។ ម៉ិកស៊ិកនឹងប្រកួតមិត្តភាពជាមួយស៊ុយអែតនៅថ្ងៃពុធស្អែកនេះ មុនពេលចេញដំណើរទៅ World Cup ដែលពួកគេស្ថិតក្នុងពូល C ជាមួយប៉ូឡូញ អាហ្សង់ទីន និងអារ៉ាប៊ីសាអ៊ូឌីត៕អត្ថបទ៖នាង សុភាវុធ

កូរ៉េធ្វើដំណើរដល់ទឹកដីកាតា ខណៈ World Cup កាន់តែខិតជិតចូលមកដល់

បាល់ទាត់៖ ក្រុមបាល់ទាត់កូរ៉េបានធ្វើដំណើរដល់ទឹកដីកាតាហើយ ដើម្បីត្រៀមលក្ខណៈក្នុងការបង្ហាញខ្លួននៅព្រឹត្តិការណ៍បាល់ទាត់ពិភពលោកជាលើកទី១១ ក្នុងប្រវត្តិសាស្ត្ររបស់ខ្លួន។ ក្រុមបាល់ទាត់ជម្រើសជាតិកូរ៉េខាងត្បូងបានបង្ហាញខ្លួននៅ World Cup លើកដំបូងនៅឆ្នាំ១៩៥៤ និងបានបង្ហាញខ្លួនទៀងទាត់ចាប់ពីឆ្នាំ១៩៨៦។ កូរ៉េមានប្រវត្តិល្អបំផុតនៅ World Cup គឺនៅឆ្នាំ២០០២ ក្នុងពេលជាម្ចាស់ផ្ទះជាមួយជប៉ុនដោយបានបញ្ចប់នៅចំណាត់ថ្នាក់លេខ ៤ នៅពេលនោះ ហើយក៏ជាក្រុមអាស៊ីតែមួយគត់ដែលធ្វើបានបែបនេះផងដែរ។ កូរ៉េគឺជាក្រុមដែលជោគជ័យនៅ World Cup បំផុត បើប្រៀបធៀបជាមួយក្រុមអាស៊ីផ្សេងទៀតតាមរយៈការបង្ហាញខ្លួន ១១លើកច្រើនជាងគេ។ កូរ៉េស្ថិតក្នុងពូល H នៅ World Cup ដោយនឹងត្រូវជួបជាមួយអ៊ុយរូហ្កាយ មុនពេលជួបហ្កាណា និងព័រទុយហ្កាល់៕អត្ថបទ៖នាង សុភាវុធ

ឯកឧត្តម ថោង ខុន៖ ពិធីបើក-បិទកីឡាជាតិត្រូវធានារៀបចំឲ្យរលូន និងជោគជ័យ ដើម្បីជាពិសោធន៍ត្រៀមស៊ីហ្គេម

កីឡាជាតិ៖ ឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ អនុប្រធានអចិន្ដ្រៃយ៍ CAMSOC-CAMAPGOC និងជាប្រធានគណៈកម្មាធិការជាតិអូឡាំពិកកម្ពុជា (NOCC) បានជំរុញគ្រប់ភាគីពាក់ព័ន្ធដែលត្រូវរៀបចំពិធីបើក-បិទការប្រកួតកីឡាជាតិលើកទី៣ និងកីឡាជនពិការជាតិលើកទី១ ត្រូវធានាការរៀបចំឲ្យដំណើរការរលូន និងទទួលបានជោគជ័យ ដើម្បីជាពិសោធន៍ត្រៀមរៀបចំព្រឹត្តិការណ៍ប្រវត្តិសាស្ដ្រស៊ីហ្គេម-អាស៊ានប៉ារ៉ាហ្គេមឆ្នាំ២០២៣។ ការចង្អុលបង្ហាញនេះ បន្ទាប់ពីឯកឧត្តមបានអញ្ជើញដឹកនាំកិច្ចប្រជុំពិភាក្សា និងត្រួតពិនិត្យវឌ្ឍនភាពការងារត្រៀមរៀបចំពិធីបើក-បិទការប្រកួតកីឡាជាតិលើកទី៣ និងកីឡាជនពិការជាតិលើកទី១ កាលពីថ្ងៃទី១៤ ខែវិច្ឆិកាម្សិលមិញ ខណៈព្រឹត្តិការណ៍នេះនឹងរៀបចំពិធីបើកនាថ្ងៃទី២១ ខែវិច្ឆិកា និងពិធីបិទនាថ្ងៃទី៣០ ខែវិច្ឆិកា ឆ្នាំ២០២២ ខាងមុខនៅពហុកីឡដ្ឋានជាតិមរតកតេជោ។ ឯកឧត្តម វ៉ាត់ ចំរើន អគ្គលេខាធិការ CAMSOC និង NOCC មានប្រសាសន៍ថា ពិធីបើកកីឡាជាតិ និងកីឡាជនពិការជាតិនេះនឹងប្រព្រឹត្តទៅ ក្រោមអធិបតីភាពដ៏ខ្ពង់ខ្ពស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន។ នេះគឺជាការផ្ដល់នូវកិត្តិយសដ៏ខ្ពង់ខ្ពស់ ហើយក៏ជាការជំរុញឲ្យគ្រប់ភាគីពាក់ព័ន្ធត្រូវយកចិត្តទុកដាក់ ដើម្បីជំរុញឲ្យការរៀបចំដំណើរការដោយរលូន និងទទួលបានជោគជ័យផងដែរ។ឯកឧត្តមបន្ដថា ការរៀបចំត្រូវមានសណ្ដាប់ធ្នាប់ និងសុវត្ថិភាព ហើយការចូលរួមត្រូវមានការចាត់តាំងត្រឹមត្រូវ ជាក់ស្ដែងមានសិស្សានុសិស្ស និងប្រជាពលរដ្ឋប្រមាណជាង ៤ម៉ឺននាក់នឹងត្រូវចូលរួមពិធីបើកខាងលើ។ ដូច្នេះការរៀបចំ ត្រូវមានភាពហ្មត់ចត់បំផុត។ រីឯការរៀបចំតុបតែងនូវប្រព័ន្ធភ្លើង តន្ដ្រី កាំជ្រួច ក៏ដូចជាការសម្ដែងកំពុងធ្វើការហាត់សមផងដែរ ដោយមានមនុស្សចូលរួមសម្ដែងប្រមាណជាង ២ពាន់នាក់ក្នុងនោះជាង ១ពាន់នាក់គឺជាកម្លាំងនាយកដ្ឋានអង្គរក្ស។ ជារួមឯកឧត្តមបណ្ឌិត ថោង ខុន បានធ្វើការណែនាំជាច្រើនក្នុងការរៀបចំពិធីបើក-បិទ ពិសេសគឺត្រូវរៀបចំប្រកបដោយសុវត្ថិភាព និងការធ្វើឲ្យទស្សនីយភាព មានលក្ខណៈពិសេស និងអស្ចារ្យនៅក្នុងព្រឹត្តិការណ៍ដ៏មានសារៈសំខាន់នេះ។ នេះបើតាមការបញ្ជាក់បន្ថែមរបស់ឯកឧត្តម វ៉ាត់ ចំរើន។ សូមបញ្ជាក់ថា ការប្រកួតកីឡាជាតិលើកទី៣ និងកីឡាជនពិការជាតិលើកទី១ នឹងធ្វើឡើងនាថ្ងៃទី២១ ដល់ថ្ងៃទី៣០ ខែវិច្ឆិកា ឆ្នាំ២០២២។ ប៉ុន្ដែមុនពិធីបើក ២ថ្ងៃក៏នឹងមានការរៀបចំនូវពិធីបើកសាកល្បងចំនួន ២លើកផងដែរនាថ្ងៃទី១៩ និងថ្ងៃទី២០ ខែវិច្ឆិកាខាងមុខនៅពហុកីឡដ្ឋានជាតិមរតកតេជោផ្ទាល់តែម្ដង៕អត្ថបទ៖ លី ឈុនឡា

ប្រធានសហព័ន្ធកីឡាប៉េតង់រំពឹងរក្សាបានភាពខ្លាំងនៅស៊ីហ្គេម ក្រោយជោគជ័យនៅជើងឯកអាស៊ី

ប៉េតង់៖ ឯកឧត្តម សុខ សូកាន ប្រធានសហព័ន្ធកីឡាប៊ូល និងប៉េតង់កម្ពុជាសង្ឃឹមថា កីឡាករ-កីឡាការិនីរបស់ខ្លួននឹងរក្សាបាននូវភាពខ្លាំងសម្រាប់ការប្រកួតកីឡាស៊ីហ្គេមឆ្នាំ២០២៣ នៅកម្ពុជា បន្ទាប់ពីទទួលបានជោគជ័យក្នុងការប្រកួតកីឡាប៉េតង់ជ្រើសរើសជើងឯកអាស៊ីលើកទី៤ ឆ្នាំ២០២២ នៅប្រទេសថៃកាលពីថ្មីៗ។ការលើកឡើងនេះ បន្ទាប់ពីឯកឧត្តមបានអញ្ជើញទទួលស្វាគមន៍ដំណើរមាតុភូមិនិវត្តន៍របស់ប្រតិភូ គ្រូបង្វឹក និងកីឡាករ-កីឡាការិនីនៃក្រុមជម្រើសជាតិប៉េតង់កម្ពុជាកាលពីល្ងាចថ្ងៃទី១៤ ខែវិច្ឆិកា បន្ទាប់ពីបញ្ចប់បេសកកម្មប្រកួតជើងឯកអាស៊ីដោយជោគជ័យជាមួយការដណ្ដើមបានមេដាយសរុប ៧គ្រឿងរួមមានមេដាយមាស ៣ ប្រាក់ ២ និងសំរឹទ្ធ ២ ព្រមទាំងពាន Nation Cup ១ ទៀតផង។ ឯកឧត្តម សុខ សូកាន បានបង្ហាញមោទនភាព និងអបអរសាទរ ចំពោះកីឡាករ-កីឡាការិនីប៉េតង់កម្ពុជា ដែលខិតខំប្រឹងប្រែងរហូតដណ្ដើមបានមេដាយជូនជាតិ។ ឯកឧត្តមរំពឹងថា សមិទ្ធផលនេះនឹងក្លាយជាកម្លាំងចលករជំរុញឲ្យកីឡាករ-កីឡាការិនីទាំងអស់ខិតខំហ្វឹកហាត់បន្ថែមទៀត ដើម្បីត្រៀមការប្រកួតប្រជែងអន្ដរជាតិ និងដណ្ដើមមេដាយជូនជាតិជាបន្ដបន្ទាប់ទៀត ពិសេសស៊ីហ្គេមឆ្នាំ២០២៣ តែម្ដង។សូមរំលឹកថា ការប្រកួតកីឡាប៉េតង់ជើងឯកអាស៊ីលើកទី៤ បានចាប់ផ្ដើមការប្រកួតពីថ្ងៃទី១០ ដល់ថ្ងៃទី១៤ ខែវិច្ឆិកា ដោយមានអត្តពលិក ១៥ប្រទេសចូលរួម ក្នុងនោះកម្ពុជាបានបញ្ជូនប្រតិភូ គ្រូបង្វឹក និងកីឡាករ-កីឡាការិនីចំនួន ២៧រូបចូលរួម។ ជាលទ្ធផលក្រុមកីឡាប៉េតង់កម្ពុជាបានឈរចំណាត់ថ្នាក់លេខ១ ក្នុងនាមក្រុមដណ្ដើមបានមេដាយមាសច្រើនជាងគេ ពោលគឺកម្ពុជាដណ្ដើមបានមេដាយមាស ៣ ក្នុងចំណោម ៦វិញ្ញាសា រួមជាមួយមេដាយប្រាក់ ២ និងសំរឹទ្ធ ២។ រីឯម្ចាស់ផ្ទះថៃឈ្នះមេដាយមាស ២ និងវៀតណាមឈ្នះមេដាយមាស ១៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

លោក Zelenskiy ៖ ហេដ្ឋារចនាសម្ព័ន្ធថាមពលរុស្ស៊ី ខាតបង់ប្រាក់រាប់សែនកោដិរូប្លិ៍

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

អតីតអ្នកប្រដាល់ អ៊ុត សុវណ្ណា បង្ហាញមោទនភាព ក្រោយកូនប្រុសជោគជ័យលើវិស័យកីឡាប៉េតង់

Djokovic យកឈ្នះ Tsitsipas ប្រកួតដំបូងនៅកម្មវិធី ATP Finals

ក្លិបនៅលីគទី៧ អង់គ្លេស Ashton United ដាក់សំណើខ្ចី Erling Haaland

Ronaldo ដែលត្រូវគេក្បត់កំពុងហ្វឹកហាត់នៅទឹកដីព័រទុយហ្កាល់មុនចេញដំណើរទៅ World Cup

កីឡារាំសាងទំនុកចិត្តត្រៀមស៊ីហ្គេម ក្រោយឈ្នះមេដាយកម្រិតពិភពលោក ១៧គ្រឿងនៅវៀតណាម

ហ្កាណាប្រកាសបញ្ជីឈ្មោះកីឡាករ ២៦នាក់ទៅ World Cup ដោយមាន ២នាក់មិនធ្លាប់ជាប់ជម្រើសជាតិសោះ

ម៉ិកស៊ិកប្រកាសបញ្ជីឈ្មោះកីឡាករ ២៦នាក់ទៅ World Cup មានវត្តមានខ្សែប្រយុទ្ធរបួស Raul Jimenez

កូរ៉េធ្វើដំណើរដល់ទឹកដីកាតា ខណៈ World Cup កាន់តែខិតជិតចូលមកដល់

ឯកឧត្តម ថោង ខុន៖ ពិធីបើក-បិទកីឡាជាតិត្រូវធានារៀបចំឲ្យរលូន និងជោគជ័យ ដើម្បីជាពិសោធន៍ត្រៀមស៊ីហ្គេម

ប្រធានសហព័ន្ធកីឡាប៉េតង់រំពឹងរក្សាបានភាពខ្លាំងនៅស៊ីហ្គេម ក្រោយជោគជ័យនៅជើងឯកអាស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

អតីត​អ្នក​ប្រដាល់ អ៊ុត សុ​វណ្ណា បង្ហាញ​មោទនភាព ក្រោយ​កូនប្រុស​ជោគជ័យ​លើ​វិស័យ​កីឡា​ប៉េតង់​

Djokovic យកឈ្នះ Tsitsipas ប្រកួត​ដំបូង​នៅ​កម្មវិធី ATP Finals

ក្លិប​នៅ​លី​គ​ទី​៧ អង់គ្លេស Ashton United ដាក់​សំណើ​ខ្ចី Erling Haaland

Ronaldo ដែល​ត្រូវ​គេ​ក្បត់​កំពុង​ហ្វឹកហាត់​នៅ​ទឹកដី​ព័រទុយហ្កាល់​មុន​ចេញដំណើរ​ទៅ World Cup

កីឡា​រាំ​សាង​ទំនុកចិត្ត​ត្រៀម​ស៊ី​ហ្គេម ក្រោយ​ឈ្នះ​មេដាយ​កម្រិត​ពិភពលោក ១៧​គ្រឿង​នៅ​វៀតណាម​

ហ្កា​ណា​ប្រកាស​បញ្ជី​ឈ្មោះ​កីឡាករ ២៦​នាក់​ទៅ World Cup ដោយមាន ២​នាក់​មិន​ធ្លាប់​ជាប់​ជម្រើស​ជាតិ​សោះ

ម៉ិ​ក​ស៊ិ​ក​ប្រកាស​បញ្ជី​ឈ្មោះកីឡាករ ២៦​នាក់​ទៅ World Cup មាន​វត្តមាន​ខ្សែប្រយុទ្ធ​របួស Raul Jimenez

កូរ៉េ​ធ្វើដំណើរ​ដល់​ទឹកដី​កាតា ​ខណៈ World Cup កាន់តែ​ខិតជិត​ចូលមក​ដល់

ប្រធាន​សហព័ន្ធ​កីឡា​ប៉េតង់​រំពឹង​រក្សា​បាន​ភាព​ខ្លាំង​នៅ​ស៊ី​ហ្គេម ក្រោយ​ជោគជ័យ​នៅ​ជើងឯក​អាស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អតីតអ្នកប្រដាល់ អ៊ុត សុវណ្ណា បង្ហាញមោទនភាព ក្រោយកូនប្រុសជោគជ័យលើវិស័យកីឡាប៉េតង់

Djokovic យកឈ្នះ Tsitsipas ប្រកួតដំបូងនៅកម្មវិធី ATP Finals

ក្លិបនៅលីគទី៧ អង់គ្លេស Ashton United ដាក់សំណើខ្ចី Erling Haaland

Ronaldo ដែលត្រូវគេក្បត់កំពុងហ្វឹកហាត់នៅទឹកដីព័រទុយហ្កាល់មុនចេញដំណើរទៅ World Cup

កីឡារាំសាងទំនុកចិត្តត្រៀមស៊ីហ្គេម ក្រោយឈ្នះមេដាយកម្រិតពិភពលោក ១៧គ្រឿងនៅវៀតណាម

ហ្កាណាប្រកាសបញ្ជីឈ្មោះកីឡាករ ២៦នាក់ទៅ World Cup ដោយមាន ២នាក់មិនធ្លាប់ជាប់ជម្រើសជាតិសោះ

ម៉ិកស៊ិកប្រកាសបញ្ជីឈ្មោះកីឡាករ ២៦នាក់ទៅ World Cup មានវត្តមានខ្សែប្រយុទ្ធរបួស Raul Jimenez

កូរ៉េធ្វើដំណើរដល់ទឹកដីកាតា ខណៈ World Cup កាន់តែខិតជិតចូលមកដល់

ប្រធានសហព័ន្ធកីឡាប៉េតង់រំពឹងរក្សាបានភាពខ្លាំងនៅស៊ីហ្គេម ក្រោយជោគជ័យនៅជើងឯកអាស៊ី