BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

Jimmy White និងអ្នកការពារជើងឯក Zhao Xintong ធ្លាក់ត្រឹមជុំទី១ UK Championship

ស្នូកឃ័រ៖ កីឡាករស្នូកឃ័រវ័យចំណាស់បំផុតនៅ UK Championship, Jimmy White បានធ្លាក់ត្រឹមជុំទី១ ក្រោយរងបរាជ័យក្រោមស្នាដៃកីឡាករ Ryan Day។ កីឡាករវ័យ ៦០ឆ្នាំ Jimmy White បានយកឈ្នះកីឡាករបួននាក់ទំរាំមានកៅអីនៅ UK Championship នេះ តែបានត្រឹមខកបំណងនៅជុំដំបូងក្រោមបរាជ័យ ៦-២ហ្វ្រេមដោយកីឡាករសញ្ជាតិវែល Ryan Day។ Ryan Day ជុំបន្តត្រូវជួបជាមួយកីឡាករអង់គ្លេស Sam Craigie។ Sam Craigie បានធ្វើឱ្យមានការភ្ញាក់ផ្អើលដោយទម្លាក់អ្នកការពារតំណែងជើងឯកកីឡាករចិន Zhao Xintong ដោយលទ្ធផល ៦-២ហ្វ្រេមដូចគ្នា។ចំណែកឯលទ្ធផលផ្សេងទៀតកីឡាករលំដាប់លេខ៧ ពិភពលោក Kyren Wilson បានយកឈ្នះ Matthew Selt ៦-៣ហ្វ្រេមដើម្បីបន្តជួបជាមួយកីឡាករអៀកឡង់ខាងជើងឯក Mark Allen។ Mark Allen បានយកឈ្នះមិត្តជិតស្និទ្ធរបស់ខ្លួនកីឡាករ Jordan Brown ដោយលទ្ធផល ៦-៤ហ្វ្រេមក្នុងជំនួបលើកដំបូងរវាងមិត្តភ័ក្ដិជិតដិតមួយគូនេះ៕អត្ថបទ៖នាង សុភាវុធ

George Russell សម្រក់ទឹកភ្នែកក្រោយឈ្នះការប្រណាំង F1 លើកដំបូងក្នុងអាជីព

ប្រណាំងរថយន្ត៖ កីឡាករអង់គ្លេស George Russell ទីបំផុតបានប្រជែងឈ្នះការប្រណាំង F1 ជាលើកដំបូងក្នុងអាជីពក្នុងការប្រកួតនៅលើទឹកដីប្រេស៊ីល។ កីឡាកររបស់ក្រុម Mercedes រូបនេះថែមទាំងឈ្នះការប្រកួត Sprint Race កាលពីថ្ងៃសៅរ៍ផងដែរដែលធ្វើឱ្យគេទទួលបានកៅអីជួរមុខ ក្នុងការចេញដំណើរការប្រកួតធំនៅថ្ងៃអាទិត្យម្សិលមិញ។ George Russell បានធ្វើការនាំមុខតាំងពីពេលចេញដំណើរ និងកាន់តែរក្សាការនាំមុខស្រួល បន្ទាប់ពីការប៉ះទង្គិចគ្នារវាង Lewis Hamilton និង Max Verstappen នៅជុំដំបូង។ Hamilton បានធ្លាក់ទៅដល់លេខ៩ ក្រោយការប៉ះទង្គិចនោះ តែនៅតែអាចបញ្ចប់ការប្រកួតនៅចំណាត់ថ្នាក់លេខ២ បាន។ លេខ៣ ក្នុងការប្រកួតគឺកីឡាករអេស្ប៉ាញ Carlos Sainz ខណៈលេខ៤ Charles Leclerc ទោះបីកីឡាករម៉ូណាកូរូបនេះមានការប៉ះទង្គិចជាមួយ Lando Norris ក្តី។ចំណែកជើងឯកពិភពលោក Max Verstappen បានបញ្ចប់នៅចំណាត់ថ្នាក់លេខ៦ ឈរពីក្រោយ Fernando Alonso។ ក្រឡេកទៅតារាងជើងឯកវិញនៅពីក្រោម Max Verstappen គឺ Charles Leclerc និង Sergio Perez កំពុងមាន ២៩០ពិន្ទុស្មើគ្នា រង់ចាំទីលានចុងក្រោយនៅអារ៉ាប់រួមចុងសប្តាហ៍នេះ ដើម្បីដឹងថានរណាជាជើងឯករង៕អត្ថបទ៖នាង សុភាវុធ

Alvaro Bautista គ្រងជើងឯកប្រណាំងម៉ូតូ Superbike ពិភពលោក

ប្រណាំងម៉ូតូ៖ កីឡាករអេស្ប៉ាញ Alvaro Bautista បានគ្រងតំណែងជើងឯកពិភពលោកប្រណាំងម៉ូតូ Superbike ទោះបានត្រឹមលេខ២ នៅប្រទេសឥណ្ឌូនេស៊ី។ Alvaro Bautista បានបញ្ចប់ការប្រកួតទី២ នៅអេស្ប៉ាញនៅចំណាត់ថ្នាក់លេខ២ ក៏ពិតមែនតែគ្រប់គ្រាន់ល្មមដើម្បីបង្គ្រប់ពិន្ទុគ្រងជើងឯកពិភពលោក ទោះបីនៅសល់ការប្រកួត ១ទីលានទៀតនៅទឹកដីអូស្ត្រាលីសប្តាហ៍នេះ ដោយ ដាច់អ្នកលេខ២ Toprak Razgatlioglu ដល់ ៦៦ពិន្ទុ។ Alvaro Bautista បានក្លាយជាកីឡាកររបស់ក្រុមប្រណាំង Ducati ទីមួយដែលឈ្នះជើងឯកពិភពលោកប្រណាំងម៉ូតូ Superbike ចាប់តាំងពីអ្នកឈ្នះចុងក្រោយគឺកីឡាករ Carlos Checa នៅឆ្នាំ២០១១។អតីតកីឡាករប្រណាំង MotoGP រូបនេះក៏បានក្លាយជាកីឡាករទី៣ មកពីក្រុមប្រណាំង ៣ផ្សេងគ្នាដែលឈ្នះជើងឯកក្នុងរយៈពេល ៣រដូវកាលចុងក្រោយនេះ បន្ទាប់ពីកីឡាករទួរគី Toprak Razgatlioglu ឈ្នះជាមួយក្រុម Yamaha នៅឆ្នាំ២០២១ និងកីឡាករអៀកឡង់ខាងជើង Jonathan Rea ឈ្នះជាមួយក្រុម Kawasaki នៅឆ្នាំ២០២០។ ជាមួយគ្នានេះដែរក៏ជាឆ្នាំដំបូងផងដែរដែលក្រុមប្រណាំង Ducati ឈ្នះទាំងជើងឯក World Superbike និង MotoGP ដែលគ្រងជើងឯកដោយកីឡាករអ៊ីតាលី Francesco Bagnaia៕អត្ថបទ៖នាង សុភាវុធ

មានឈ្មោះក្នុងបញ្ជី តែសេណេហ្កាល់ទៅដល់ទឹកដីកាតាដោយគ្មាន Sadio Mane

បាល់ទាត់៖ ក្រុមជម្រើសជាតិសេណេហ្កាល់បានធ្វើដំណើរទៅដល់ទឹកដីកាតាហើយ ដើម្បីចូលរួមព្រឹត្តិការណ៍បាល់ទាត់ពិភពលោក FIFA World Cup តែគេមិនឃើញមានវត្តមានខ្សែប្រយុទ្ធ Bayern Munich, Sadio Mane ឡើយ។ គ្រូបង្វឹកសេណេហ្កាល់លោក Aliou Cisse បានប្រកាសបញ្ជីឈ្មោះកីឡាករទាំង ២៦នាក់សម្រាប់ World Cup កាលពីថ្ងៃសុក្រដោយមានឈ្មោះ Sadio Mane ផងដែរបើទោះបីកីឡាករវ័យ ៣០ឆ្នាំរូបនេះមានរបួសក៏ដោយ។ ម្ចាស់ជ័យលាភីកីឡាករឆ្នើមប្រចាំទ្វីបអាហ្វ្រិក ២លើករូបនេះត្រូវបានផ្លាស់ប្តូរចេញត្រឹមនាទី២០ អំឡុងជ័យជំនះរបស់ Bayern Munich ៦-១ លើ Werder Bremen កាលពីថ្ងៃអង្គារសប្តាហ៍មុន។សារព័ត៌មានជាច្រើនបានចុះផ្សាយថា Sadio Mane នឹងមិនអាចជាទាន់ World Cup ឡើយតែគ្រូបង្វឹកសេណេហ្កាល់លោក Aliou Cisse នៅតែមានៈបញ្ចូលឈ្មោះ Mane ដោយគិតថា បើមិនបានលេងប្រកួតដំបូងក៏អាចជាទាន់ប្រកួតបន្ទាប់។ សេណេហ្កាល់ស្ថិតក្នុងពូល A នៅ World Cup ឆ្នាំនេះដោយត្រូវជួបហូឡង់នៅថ្ងៃទី២១ ខែវិច្ឆិកាខាងមុខនេះ៕អត្ថបទ៖នាង សុភាវុធ

គ្រូបង្វឹកធ្លាប់ដឹកនាំប្រេស៊ីលឈ្នះ World Cup, Luiz Felipe Scolari ប្រកាសចូលនិវត្តន៍ហើយ

បាល់ទាត់៖ លោក Luiz Felipe Scolari ដែលធ្លាប់ដឹកនាំក្រុមសាំបាប្រេស៊ីលឈ្នះជើងឯក FIFA World Cup ចុងក្រោយកាលពីឆ្នាំ២០០២ នោះបានប្រកាសចូលនិវត្តន៍ពីអាជីពគ្រូបង្វឹកហើយ។ បុរសវ័យ ៧៤ឆ្នាំរូបនេះបានលាអ្នកគាំទ្ររបស់ខ្លួនក្រោយដឹកនាំ Athletico Paranaense ឈ្នះ Botafogo ៣-០ ជុំចុងក្រោយនៃក្របខណ្ឌលីគកំពូលប្រេស៊ីលកាលពីថ្ងៃអាទិត្យ ខណៈដែល Athletico Paranaense បញ្ចប់នៅចំណាត់ថ្នាក់លេខ ៦ មានកៅអីនៅ Copa Libertadores ឆ្នាំក្រោយ។ លោក Scolari ធ្លាប់និយាយថានឹងអាចវិលមកកាន់ Athletico សារជាថ្មីឆ្នាំក្រោយក្នុងតួនាទីដឹកនាំណាមួយ តែបានលើកឡើងថានឹងបញ្ចប់អាជីពបាល់ទាត់ត្រឹមនេះ។ លោក Felipe Scolari គឺជាគ្រូបង្វឹកចុងក្រោយបំផុតរបស់ប្រេស៊ីលដែលឈ្នះជើងឯក World Cup កាលពីឆ្នាំ២០០២ នៅកូរ៉េ និងជប៉ុននៅពេលយកឈ្នះអាល្លឺម៉ង់នៅវគ្គផ្តាច់ព្រ័ត្រ។ ក្រោយមកលោក Scolari បានដឹកនាំក្រុមជម្រើសជាតិព័រទុយហ្កាល់ឡើងវគ្គផ្តាច់ព្រ័ត្រ Euro 2004 តែចាញ់ក្រិកនៅវគ្គផ្តាច់ព្រ័ត្រ។ជាមួយក្លិបអាជីពវិញលោក Scolari ក៏ធ្លាប់ដឹកនាំតោខៀវ Chelsea ផងដែរ ខណៈចុងក្រោយនៃអាជីពនោះគឺ Athletico Paranaense នេះឯងដោយលោកបានដឹកនាំក្រុមឡើងដល់វគ្គផ្តាច់ព្រ័ត្រ Copa Libertadores ថ្មីៗនេះតែចាញ់ Flamengo នៅវគ្គផ្តាច់ព្រ័ត្រកាលពីចុងខែតុលាកន្លងទៅ៕អត្ថបទ៖នាង សុភាវុធ

ក្រុមម្ចាស់ផ្ទះកាតាត្រលប់មកដល់ទឹកដីរបស់ខ្លួនវិញ ក្រោយបញ្ចប់ការបោះជំរំហ្វឹកហាត់នៅអេស្ប៉ាញ

បាល់ទាត់៖ ក្រមជម្រើសជាតិកាតាបានត្រលប់មកដល់ទឹកដីកំណើតរបស់ខ្លួនវិញ ៧ថ្ងៃមុនព្រឹត្តិការណ៍បាល់ទាត់ពិភពលោកចាប់ផ្តើម ក្រោយបញ្ចប់ការបោះជំរំហ្វឹកហាត់នៅទឹកដីអេស្ប៉ាញ។ ក្រុមកាតាបានទៅដល់ទឹកដី Marbella ប្រទេសអេស្ប៉ាញកាលពីដើមខែតុលា និងបានប្រកួតមិត្តភាពបួនប្រកួតនៅទីនោះទល់នឹងក្វាតេម៉ាឡា ហុងឌុយរ៉ាស ប៉ាណាម៉ា និងអាល់បានី។កាតាដែលដឹកនាំដោយគ្រូបង្វឹកសញ្ជាតិអេស្ប៉ាញលោក Felix Sanchez នឹងចាប់ផ្តើមប្រកួតមុនគេបង្អស់ក្នុងនាមជាម្ចាស់ផ្ទះទល់នឹងអេក្វាដ័រនៅកីឡដ្ឋាន Al Bayt នៅថ្ងៃទី២០ ខែវិច្ឆិកាចុងសប្តាហ៍នេះ។ លោក Felix Sanchez បានប្រកាសកីឡាករ ២៦នាក់របស់កាតាសម្រាប់ World Cup មុនគេបង្អស់ក្នុងការបង្ហាញខ្លួនលើកដំបូងរបស់ខ្លួនក្នុងព្រឹត្តិការណ៍។ ធ្លាប់ឈរនៅចំណាត់ថ្នាក់ពិភពលោកលេខ ១១៣ កាតានៅពេលនេះបានឡើងមកឈរលេខ ៥០ ក្នុងតារាង FIFA World Ranking។មុននឹងឈានមកដល់ World Cup កាតាបានឈ្នះជើងឯក AFC Asian Cup លើកដំបូងក្នុងប្រវត្តិសាស្ត្រកាលពីឆ្នាំ២០១៩ និងធ្លាប់ឡើងដល់វគ្គពាក់កណ្តាលផ្តាច់ព្រ័ត្រពានរង្វាន់ CONCACAF Gold Cup នៅទឹកដីអាមេរិកឆ្នាំ២០២១ បើទោះជាត្រឹមក្រុមដែលគេអញ្ជើញចូលរួម៕អត្ថបទ៖នាង សុភាវុធ

Ronaldo ថា ខ្លួនមានអារម្មណ៍ថាត្រូវគេក្បត់នៅ Manchester United

បាល់ទាត់៖ ខ្សែប្រយុទ្ធព័រទុយហ្កាល់ Cristiano Ronaldo មិនមានមុខឡើយក្នុងការប្រកួតដែល Manchester United យកឈ្នះនៅទឹកដី Fulham ២-១ យប់មិញ តែមានមុខក្នុងកិច្ចសម្ភាសន៍ផ្តាច់មុខមួយក្នុងកម្មវិធីរបស់លោក Piers Morgan។ Ronaldo ធ្លាប់មានរឿងចម្រូងចម្រាសមុនចាប់ផ្តើមរដូវកាលថ្មីតាមរយៈការចង់ចាកចេញ តែក្រោយមកក៏បានសន្យាជាមួយក្លិបពីការប្តេជ្ញាចិត្តរួមរស់ក្រោយការចាកចេញបរាជ័យ។ មកត្រឹមយប់ថ្ងៃអាទិត្យម្សិលមិញកីឡាករវ័យ ៣៧ឆ្នាំរូបនេះបានចេញមកបកស្រាយមិនលាក់លៀមថា រូបគេមានអារម្មណ៍ថាត្រូវគេក្បត់ មិនថាក្លិបទេ គឺថែមទាំងអ្នកចាត់ការ Erik ten Hag ផងដែរ ដោយចោទថាមានមនុស្សពីរបីនាក់ក្នុងក្លិប ព្យាយាមកំចាត់រូបគេឱ្យចាកចេញពីក្លិប។ Ronaldo បានបន្ថែមថា តាំងពីការចាកចេញរបស់ Sir Alex Ferguson Manchester United បានដើរថយក្រោយ និងគ្មានអ្វីអភិវឌ្ឍឡើយ។សូមបញ្ជាក់ថា Ronaldo មិនបានចូលលេងឡើយតាំងពីធ្វើជាប្រធានក្រុមពេល Manchester United ចាញ់នៅផ្ទះ Aston Villa ៣-១ កាលពីថ្ងៃទី៦ ខែវិច្ឆិកា ហើយនោះទំនងជាប្រកួតចុងក្រោយរបស់ Ronaldo ហើយនៅ Manchester United តាមរយៈកិច្ចសម្ភាសន៍ហែកហួរនេះ។ Cristiano Ronaldo នៅសល់កិច្ចសន្យារបស់ខ្លួនរហូតដល់ដំណាច់រដូវកាលនេះ តែត្រូវបានគេរំពឹងថា កីឡាករព័រទុយហ្កាល់រូបនេះនឹងមិនត្រលប់មករួមក្លិបវិញឡើយក្រោយ World Cup បញ្ចប់។ មិនមានការតបតឡើយពីក្លិបបិសាចក្រហម Manchester United មកទល់ពេលនេះក្រោយកិច្ចសម្ភាសន៍របស់ Cristiano Ronaldo ជាមួយលោក Piers Morgan កាលពីយប់មិញ៕អត្ថបទ៖នាង សុភាវុធ

ពានរង្វាន់បាល់ទាត់ពិភពលោកធ្វើដំណើរមកដល់ទឹកដីកាតាវិញ ១សប្តាហ៍មុន World Cup មកដល់

បាល់ទាត់៖ ពានរង្វាន់បាល់ទាត់ពិភពលោកបានធ្វើដំណើរមកដល់ទីក្រុងដូហាប្រទេសកាតាវិញហើយ ១សប្តាហ៍ប៉ុណ្ណោះមុនព្រឹត្តិការណ៍ FIFA World Cup 2022 ឈានចូលមកដល់នៅចុងសប្តាហ៍នេះ។ ពានរង្វាន់បាល់ទាត់ដ៏អស្ចារ្យមួយនេះបានធ្វើដំណើរឆ្លងកាត់ប្រទេសជាង ៥០ បូករួមទាំងព្រះរាជាណាចក្រកម្ពុជាផងដែរ។ ដំបូងពានបាល់ទាត់ពិភពលោកបានចេញដំណើរពីទីក្រុង Dubai អារ៉ាប់រួមកាលពីខែឧសភាឆ្លងកាត់ប្រទេសដែលមានកៅអីនៅ World Cup ទាំង ៣២ក្រុមដែលការធ្វើដំណើរទេសចរនេះចាប់ផ្តើមដំបូងតាំងពីឆ្នាំ២០០៦។ ការធ្វើដំណើររបស់ពានបាល់ទាត់ពិភពលោកនេះ គឺដើម្បីផ្តល់ឱកាសដល់អ្នកគាំទ្របាល់ទាត់ជុំវិញពិភពលោក បានឃើញផ្ទាល់ និងថតរូបអនុស្សាវរីយ៍ ជាពិសេសគឺការផ្សព្វផ្សាយឱ្យទូលំទូលាយ ដើម្បីជំរុញទឹកចិត្តយុវជនដើម្បីសម្រេចក្តីស្រមៃបាល់ទាត់របស់ខ្លួនផងដែរ។ យោងតាមច្បាប់របស់ FIFA មានតែអតីតជើងឯក និងប្រមុខថ្នាក់ដឹកនាំនៃប្រទេសនីមួយៗប៉ុណ្ណោះដែលមានសិទ្ធិប៉ះផ្ទាល់ ជាក់ស្តែងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាក៏បានចាប់កាន់ផ្ទាល់ផងដែរ។ពានរង្វាន់បាល់ទាត់ពិភពលោកត្រូវបានរក្សាទុកជាបណ្តោះអាសន្នដោយក្រុមជើងឯក ក្រោយមកអ្នកឈ្នះទទួលបានច្បាប់ចម្លងមាសពិសេសមួយ មុនពេលដែលពានរង្វាន់ដើមធ្វើពីមាសត្រូវប្រគល់ជូន FIFA វិញហើយ តាមច្បាប់ និងបទប្បញ្ញត្តិ។ ថ្វីត្បិតតែពានត្រូវបានប្រគល់ឱ្យក្រុមឈ្នះក៏ដោយ វានៅតែជាកម្មសិទ្ធិរបស់ FIFA។ ពាននេះធ្វើពីមាសសុទ្ធ និងមានទម្ងន់ ៦,១៤២គីឡូក្រាម ដោយការរចនាបច្ចុប្បន្នមានអាយុកាលតាំងពីឆ្នាំ១៩៧៤៕អត្ថបទ៖នាង សុភាវុធ

មន្ដ្រីជាន់ខ្ពស់ក្រសួងអប់រំចុះសួរសុខទុក្ខក្រុមជម្រើសជាតិកំពុងប្រមូលផ្ដុំហ្វឹកហាត់នៅពហុកីឡដ្ឋានជាតិមរតតេជោ

ស៊ីហ្គេម៖ ឯកឧត្តម ប៊ូ ជុំសេរី និងឯកឧត្តម សុខ សប្បាយណា អនុរដ្ឋលេខាធិការក្រសួងអប់រំ យុវជន និងកីឡា ព្រមទាំងមន្ដ្រីក្រោមឱវាទកាលពីចុងសប្ដាហ៍កន្លងទៅ បានចុះជួបសំណេះសំណាល និងសួរសុខទុក្ខក្រុមជម្រើសជាតិចំនួន ១០ប្រភេទកីឡាដែលកំពុងប្រមូលផ្ដុំហ្វឹកហាត់នៅពហុកីឡដ្ឋានជាតិមរតកតេជោ សម្រាប់ត្រៀមឆ្ពោះទៅស៊ីហ្គេមឆ្នាំ២០២៣ នៅកម្ពុជា។លោក ប៉ុន សុខ ប្រធានមជ្ឈមណ្ឌលជាតិហ្វឹកហ្វឺនកីឡាបានឲ្យដឹងថា ការចុះសួរសុខទុក្ខរបស់មន្ដ្រីជាន់ខ្ពស់របស់ក្រសួងអប់រំ យុវជន និងកីឡានេះ ស្របតាមការយកចិត្តទុកដាក់របស់ឯកឧត្តមបណ្ឌិតសភាចារ្យ ហង់ជួន ណារ៉ុន ដើម្បីជំរុញលើកទឹកចិត្ត ក៏ដូចជាដោះស្រាយបញ្ហាប្រឈមផ្សេងៗដល់កីលាករ-កីឡាការិនី ដើម្បីធានាបាននូវការប្រមូលផ្ដុំប្រកបដោយប្រសិទ្ធភាពត្រៀមព្រឹត្តិការណ៍ជាប្រវត្តិសាស្ដ្រនាឆ្នាំក្រោយ។គួរដឹងថា បច្ចុប្បន្នមានក្រុមជម្រើសជាតិ ១០ប្រភេទកីឡាកំពុងប្រមូលផ្ដុំហ្វឹកហាត់នៅពហុកីឡដ្ឋានជាតិមរតកតេជោ ហើយក្រុមជម្រើសជាតិមួយចំនួនធំទៀត បានត្រឡប់ទៅប្រមូលផ្ដុំហ្វឹកហាត់នៅពហុកីឡដ្ឋានជាតិ(ស្ដាតអូឡាំពិក)។ ដំណាលគ្នា ដោយមានការយកចិត្តទុកដាក់ពីថ្នាក់ដឹកនាំគណៈកម្មាធិការជាតិ CAMSOC ក៏មានការបញ្ជូនប្រភេទកីឡាមួយចំនួនធំទៅហ្វឹកហាត់រយៈពេលវែងនៅប្រទេសចិន និងតាមបណ្ដាប្រទេសជាមិត្តមួយចំនួន ដើម្បីសម្រួចសមត្ថភាពត្រៀមការប្រកួតស៊ីហ្គេមលើកទី៣២ ដែលកម្ពុជានឹងធ្វើជាម្ចាស់ផ្ទះនាឆ្នាំ២០២៣ ខាងមុខផងដែរ៕អត្ថបទ៖ លី ឈុនឡា

កីឡាប៉េតង់កម្ពុជាដណ្ដើមបានមេដាយសរុប ៧គ្រឿងក្នុងការប្រកួតជើងឯកអាស៊ីនៅថៃ

ប៉េតង់៖ ក្រុមកីឡាប៉េតង់ជម្រើសជាតិកម្ពុជាបានសម្រេចជោគជ័យយ៉ាងត្រចះត្រចង់ ក្នុងការប្រកួតជើងឯកអាស៊ីលើកទី៤ នៅប្រទេសថៃកាលពីសប្ដាហ៍កន្លងទៅ ដោយដណ្ដើមបានមេដាយសរុប ៧គ្រឿងលើ ៦វិញ្ញាសារួមមានមេដាយមាស ៣ ប្រាក់ ២ និងសំរឹទ្ធ ២ ព្រមទាំងពានមួយទៀតផង។ សហព័ន្ធកីឡាប៊ូល និងប៉េតង់កម្ពុជាបានបញ្ជូនប្រតិភូ គ្រូបង្វឹក និងកីឡាករ-កីឡាការិនី ទាំងក្រុមធំ និងយុវជនសរុប ២៧នាក់ចូលរួមព្រឹត្តិការណ៍កម្រិតទ្វីបនេះកាលពីថ្ងៃទី១០ រហូតល់ដ្ងៃទី១៤ ខែវិច្ឆិកា ឆ្នាំ២០២២ នេះ។ ជាលទ្ធផលក្រុមកីឡាប៉េតង់កម្ពុជាសម្រេចបានរួមមានមេដាយមាស ៣ ដណ្ដើមបានលើវិញ្ញាសាវាយយកពិន្ទុយុវជនអាយុក្រោម ១៨ឆ្នាំដោយកីឡាករ អ៊ុត ដួងខែ, វិញ្ញាសាវាយយកពិន្ទុផ្នែកបុរសដោយកីឡាករ ថោង ឈឿន និងវិញ្ញាសាបុរស ៣នាក់ទល់ ៣នាក់ ដោយក្រុម A របស់កម្ពុជាគឺមានកីឡាករ ថោងឈឿន, យឹម សុភ័ណ្ឌ, សៅ សុភារ៉ាន់ និង តិប នរ៉ា។ ចំណែកមេដាយប្រាក់ ២ ដណ្ដើមបានលើវិញ្ញាសាវាយយកពិន្ទុនារីដោយកីឡាការិនី អ៊ុន ស្រីយ៉ា និងវិញ្ញាសានារី ៣នាក់ទល់ ៣នាក់ រួមមានកីឡាការិនី អ៊ុក ស្រីមុំ, អ៊ុន ស្រីយ៉ា, ឃួន យ៉ារី និង អ៊ុំ ដាវីន។ រីឯមេដាយសំរឹទ្ធ ២ ដណ្ដើមបានលើវិញ្ញាសាយុវជនអាយុក្រោម ១៨ឆ្នាំ ៣នាក់ទល់ ៣នាក់ ដោយក្រុម B របស់កម្ពុជាដែលមាន ភាព ផាឃិន, អ៊ុត សុខជា, នូច សុខេមរៈ និងកីឡាការិនី ហាក់ ស្រីនុត និងវិញ្ញាសាបុរស ៣នាក់ទល់ ៣នាក់ ដោយក្រុម B របស់កម្ពុជា មានកីឡាករ ហេង ស៊ូមៀន, ស៊ីន វង់, ញ៉ែម បូរ៉ា និងកីឡាករ ពុធយ៉ុន ច័ន្ទដារ៉ា។មិនតែប៉ុណ្ណោះកម្ពុជាថែមទទួលបានពានរង្វាន់ Nation Cup មួយទៀត ដែលជាពានរង្វាន់លើកទឹកចិត្តដណ្ដើមបានលើវិញ្ញាសាយុវជនអាយុក្រោម ១៨ឆ្នាំ ៣នាក់ទល់ ៣នាក់ ដោយក្រុម A របស់កម្ពុជាដែលមានកីឡាករ អ៊ុត ដួងខែ, ម៉ុង វីរៈបុត្រ, នន់ រ៉ាវីន និងកីឡាករ ជា ហេងឧត្តមរស្មី ទៀតផង។ តាមរយៈជោគជ័យនេះគឺជាកម្លាំងចិត្តមួយដ៏សំខាន់ សម្រាប់ក្រុមកីឡាប៉េតង់កម្ពុជាក្នុងដំណើរឆ្ពោះទៅស៊ីហ្គេមឆ្នាំ២០២៣ និងព្រឹត្តិការណ៍អន្ដរជាតិផ្សេងៗទៀត ដ្បិតក្នុងបេសកកម្មលើកនេះ សហព័ន្ធក៏ពានផ្ដល់ឱកាសដល់ទំពាំងស្នងឬស្សីជំនាន់ថ្មីជាច្រើនរូប បានចូលរួមប្រកួតប្រជែង និងបង្ហាញពីសក្ដានុពលរបស់ខ្លួនលើឆាកអន្ដរជាតិផងដែរ៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

លោក Zelenskiy ៖ ហេដ្ឋារចនាសម្ព័ន្ធថាមពលរុស្ស៊ី ខាតបង់ប្រាក់រាប់សែនកោដិរូប្លិ៍

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Jimmy White និងអ្នកការពារជើងឯក Zhao Xintong ធ្លាក់ត្រឹមជុំទី១ UK Championship

George Russell សម្រក់ទឹកភ្នែកក្រោយឈ្នះការប្រណាំង F1 លើកដំបូងក្នុងអាជីព

Alvaro Bautista គ្រងជើងឯកប្រណាំងម៉ូតូ Superbike ពិភពលោក

មានឈ្មោះក្នុងបញ្ជី តែសេណេហ្កាល់ទៅដល់ទឹកដីកាតាដោយគ្មាន Sadio Mane

គ្រូបង្វឹកធ្លាប់ដឹកនាំប្រេស៊ីលឈ្នះ World Cup, Luiz Felipe Scolari ប្រកាសចូលនិវត្តន៍ហើយ

ក្រុមម្ចាស់ផ្ទះកាតាត្រលប់មកដល់ទឹកដីរបស់ខ្លួនវិញ ក្រោយបញ្ចប់ការបោះជំរំហ្វឹកហាត់នៅអេស្ប៉ាញ

Ronaldo ថា ខ្លួនមានអារម្មណ៍ថាត្រូវគេក្បត់នៅ Manchester United

ពានរង្វាន់បាល់ទាត់ពិភពលោកធ្វើដំណើរមកដល់ទឹកដីកាតាវិញ ១សប្តាហ៍មុន World Cup មកដល់

កីឡាប៉េតង់កម្ពុជាដណ្ដើមបានមេដាយសរុប ៧គ្រឿងក្នុងការប្រកួតជើងឯកអាស៊ីនៅថៃ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Jimmy White និង​អ្នកការពារ​ជើងឯក Zhao Xintong ធ្លាក់​ត្រឹម​ជុំ​ទី​១ UK Championship

George Russell សម្រក់​ទឹកភ្នែក​ក្រោយ​ឈ្នះ​ការប្រណាំង F1 លើកដំបូង​ក្នុង​អាជីព

Alvaro Bautista គ្រង​ជើងឯក​ប្រណាំង​ម៉ូតូ Superbike ពិភពលោក​

មានឈ្មោះ​ក្នុង​បញ្ជី​ តែ​សេ​ណេ​ហ្កា​ល់​ទៅដល់​ទឹកដី​កាតា​ដោយ​គ្មាន Sadio Mane

គ្រូបង្វឹក​ធ្លាប់​ដឹកនាំ​ប្រេ​ស៊ី​ល​ឈ្នះ World Cup, Luiz Felipe Scolari ប្រកាស​ចូលនិវត្តន៍​ហើយ

Ronaldo ថា ​ខ្លួន​មាន​អារម្មណ៍​ថា​ត្រូវ​គេ​ក្បត់​នៅ Manchester United

ពានរង្វាន់​បាល់ទាត់​ពិភពលោក​ធ្វើដំណើរ​មកដល់​ទឹកដី​កាតា​វិញ ១សប្តាហ៍​មុន World Cup មកដល់

កីឡា​ប៉េតង់​កម្ពុជា​ដណ្ដើមបាន​មេដាយ​សរុប ៧​គ្រឿង​ក្នុងការ​ប្រកួត​ជើងឯក​អាស៊ី​នៅ​ថៃ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Jimmy White និងអ្នកការពារជើងឯក Zhao Xintong ធ្លាក់ត្រឹមជុំទី១ UK Championship

George Russell សម្រក់ទឹកភ្នែកក្រោយឈ្នះការប្រណាំង F1 លើកដំបូងក្នុងអាជីព

Alvaro Bautista គ្រងជើងឯកប្រណាំងម៉ូតូ Superbike ពិភពលោក

មានឈ្មោះក្នុងបញ្ជី តែសេណេហ្កាល់ទៅដល់ទឹកដីកាតាដោយគ្មាន Sadio Mane

គ្រូបង្វឹកធ្លាប់ដឹកនាំប្រេស៊ីលឈ្នះ World Cup, Luiz Felipe Scolari ប្រកាសចូលនិវត្តន៍ហើយ

Ronaldo ថា ខ្លួនមានអារម្មណ៍ថាត្រូវគេក្បត់នៅ Manchester United

ពានរង្វាន់បាល់ទាត់ពិភពលោកធ្វើដំណើរមកដល់ទឹកដីកាតាវិញ ១សប្តាហ៍មុន World Cup មកដល់

កីឡាប៉េតង់កម្ពុជាដណ្ដើមបានមេដាយសរុប ៧គ្រឿងក្នុងការប្រកួតជើងឯកអាស៊ីនៅថៃ