BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

Novak Djokovic និង Carlos Alcaraz ឡើងវគ្គ ៨នាក់ចុងក្រោយ Paris Masters

វាយកូនបាល់៖ អតីតកីឡាករលំដាប់លេខ ១ ពិភពលោក Novak Djokovic បានបន្តដំណើរឡើងវគ្គ ៨នាក់ចុងក្រោយហើយនៃព្រឹត្តិការណ៍វាយកូនបាល់កម្មវិធី Paris Masters ក្រោយយកឈ្នះកីឡាកររុស្ស៊ី Karen Khachanov។ កីឡាករស៊ែបបច្ចុប្បន្នលំដាប់ថ្នាក់លេខ ៧ ពិភពលោករូបនេះបានយកឈ្នះដោយលទ្ធផល ២សិតផ្ទួនៗ ៦-៤ និង ៦-១ លើកីឡាកររុស្ស៊ី។ ម្ចាស់ជ័យលាភី Grand Slam ២១លើកវ័យ ៣៥ឆ្នាំរូបនេះនឹងបន្តដំណើរទៅជួបជាមួយកីឡាករដាណឺម៉ាក Casper Ruud រឺក៏កីឡាករអ៊ីតាលី Lorenzo Musetti ដើម្បីកៅអីវគ្គពាក់កណ្តាលផ្តាច់ព្រ័ត្រ។ ងាកមកការប្រកួតផ្សេងទៀត កីឡាករវ័យក្មេងអេស្ប៉ាញបច្ចុប្បន្នលំដាប់លេខ ១ ពិភពលោក Carlos Alcaraz ក៏បានបន្តដំណើរឡើងវគ្គ ៨នាក់ចុងក្រោយដែរក្រោយយកឈ្នះកីឡាករប៊ុលហ្ការី Grigo Dimitrov ៦-១ និង ៦-៣។ កីឡាករវ័យ ១៩ឆ្នាំអេស្ប៉ាញរូបនេះនឹងបន្តដំណើរជួបជាមួយកីឡាកររុស្ស៊ី Andrey Rublev រឺកីឡាករដាណឺម៉ាក Holger Rune នៅជុំបន្ត៕អត្ថបទ៖នាង សុភាវុធ

ខ្សែការពារអង់គ្លេសមួយរូបទៀត Ben Chilwell នឹងអវត្តមានពី World Cup ដោយសាររបួស

បាល់ទាត់៖ ខ្សែការពារអង់គ្លេសមួយរូបទៀត Ben Chilwell នឹងអវត្តមានពីក្រុមជម្រើសជាតិអង់គ្លេសនៅ World Cup ឆ្នាំនេះដោយសាររបួស។ កីឡាករវ័យ ២៥ឆ្នាំរូបនេះបានរងរបួសអំឡុងជ័យជំនះរបស់ Chelsea លើ Dinamo Zagreb ២-១ ហើយរបួសសរសៃពួរនេះនឹងត្រូវសម្រាកព្យាបាលរយៈពេល ៣ខែ។ Ben Chilwell បានក្លាយជាកីឡាករអង់គ្លេសមួយរូបទៀតដែលខកខាន World Cup ដោយសាររបួស បន្ទាប់ពីមិត្តរួមក្រុម Reece James និងកីឡាកររបស់ Manchester City ទាំងពីររូប Kyle Walker និង Kalvin Phillips។ Ben Ben Chilwell ធ្លាប់បង្ហាញខ្លួនសរុប ១៧លើកឱ្យក្រុមជម្រើសជាតិអង់គ្លេស និងជាសមាជិករបស់ក្រុមលោក Gareth Southgate នៅ Euro 2020 ដែរតែមិនបានចូលលេងឡើយ។ អង់គ្លេសនឹងប្រកាសបញ្ជីកីឡាករទាំង ២៦នាក់សម្រាប់ World Cup នៅសប្តាហ៍ក្រោយ។ អង់គ្លេសនឹងចាប់ផ្តើមយុទ្ធនាការ World Cup របស់ខ្លួនដោយនឹងត្រូវជួបក្រុមអ៊ីរ៉ង់នៅថ្ងៃទី២១ ខែវិច្ឆិកានេះ៕អត្ថបទ៖នាង សុភាវុធ

អឺរ៉ុបនឹងចាប់ផ្តើមរៀបចំពានរង្វាន់ UEFA Nations League ផ្នែកនារីនៅឆ្នាំ២០២៣

បាល់ទាត់៖ សមាគមបាល់ទាត់ទ្វីបអឺរ៉ុប UEFA បានប្រកាសពីការរៀបចំការប្រកួតព្រឹត្តិការណ៍ UEFA Nations League ផ្នែកនារីចាប់ពីឆ្នាំ២០២៣ តទៅ។ ការប្រកួត Nations League ផ្នែកបុរសត្រូវបានរៀបចំឡើងដំបូងនៅឆ្នាំ២០១៨ ដើម្បីជំនួសការប្រកួតមិត្តភាពអន្តរជាតិឱ្យមានការប្រកួតប្រជែង។ ប្រធាន UEFA លោក Aleksander Ceferin បាននិយាយថា នេះជាពេលវេលាសមស្របនៃការសម្លឹងឃើញពីការ អភិវឌ្ឍន៍បាល់ទាត់នារីឱ្យកាន់តែរីកចំរើននៅថ្ងៃអនាគត។ Women Nations League មានទម្រង់មិនខុសពីផ្នែកបុរសឡើយដោយនឹងបែងចែកលីគជាបីកម្រិត។ ក្រុមលេខ១ នៅលីគទី១ ទាំង ៤ពូលត្រូវឡើងលេងវគ្គខ្វែងពាក់កណ្តាលផ្តាច់ព្រ័ត្រ និងផ្តាច់ព្រ័ត្ររកជើងឯក ខណៈក្រុមដែលនៅក្រុមគេនៃពូលនីមួយៗត្រុវកាត់ចេញទៅលីគទី២ ហើយក្រុមលេខ១ នៃពូលនីមួយៗនៃលីគទី២ ត្រូវឡើងមកលេងលីគទី១។ការប្រកួត Nations League ក៏នឹងជាផ្នែកមួយនៃការប្រកួតជម្រុះបាល់ទាត់ស្ត្រីជើងឯកអឺរ៉ុបឆ្នាំ២០២៥ និងបាល់ទាត់ស្ត្រីពិភពលោកឆ្នាំ២០២៧ ផងដែរ។ ជារៀងរាល់ ៤ឆ្នាំ Nations League បួនក្រុមដែលឡើងវគ្គខ្វែងនឹងមាន ៣ក្រុមធានាបានកៅអីនៅអូឡាំពិក៕អត្ថបទ៖នាង សុភាវុធ

Carlos Tevez លាលែងពីតំណែងគ្រូបង្វឹកក្លិបអាហ្សង់ទីន Rosario Central

បាល់ទាត់៖ អតីតខ្សែប្រយុទ្ធអាហ្សង់ទីន Carlos Tevez បានសម្រេចចាកចេញពីតំណែងគ្រូបង្វឹកនៃក្លិបអាហ្សង់ទីន Rosario Central ហើយ ក្រោយដឹកនាំបានត្រឹម ៥ខែ។ អតីតខ្សែប្រយុទ្ធ Manchester City រូបនេះបានសម្រេចចិត្តបែបនេះនៅថ្ងៃព្រហស្បតិ៍ម្សិលមិញក្រោយ Rosario Central បញ្ចប់រដូវកាលលីគកំពូលអាហ្សង់ទីននៅលំដាប់លេខ២០ ក្នុងចំណោម ២៨ក្រុម។ បើតាមការឱ្យដឹងរបស់បុរសវ័យ ៣៨ឆ្នាំរូបនេះក្លិបបាល់ទាត់ Rosario Central នឹងបោះឆ្នោតជ្រើសរើសប្រធានក្លិបនៅថ្ងៃទី១៨ ខែធ្នូហើយ Tevez មិនសប្បាយចិត្តដែលការឃោសនា យកសំឡេងឆ្នោតប្រើប្រាស់ឈ្មោះរបស់ខ្លួន។ Rosario Central ជាក្លិបទី១ ដែលTevez ចាប់ផ្តើមអាជីពជាគ្រូបង្វឹករបស់ខ្លួន ក្រោយប្រកាសចូលនិវត្តន៍ពីអាជីពកីឡាករកាលពីខែមិថុនា។ Carlos Tevez ធ្លាប់ប្រកបបាល់ទាត់អាជីពជាមួយក្លិបជាច្រើនដូចជា Juventus, Corinthians, Shanghai Shenhua និងពីរលើកជាមួយ Boca Junior។ចំណែកនៅ Premier League វិញ Carlos Tevez បានរួមចំណែកយ៉ាងសំខាន់ក្នុងការជួយសង្គ្រោះ West Ham ពីការកាត់ចោលកាលពីឆ្នាំ២០០៧ មុនពេលផ្លាស់មកកាន់ Manchester United ឈ្នះពាន Premier League ពីរលើក និងបន្តទៅ Manchester City នៅឆ្នាំ២០០៩ និងឈ្នះពាន Premier League មួយលើកនៅឆ្នាំ២០១២។ សរុបរួមរយៈពេល ៧ឆ្នាំនៅទឹកដីអង់គ្លេស Tevez បង្ហាញខ្លួនសរុប ២០២ប្រកួតរកបាន ៨៤គ្រាប់។ Carlos Tevez ត្រូវបានកោះហៅចូលក្រុមជំរើសជាតិអាហ្សង់ទីននៅឆ្នាំ២០០៤ នៅពេលអាហ្សង់ទីនជួបអេក្វាដ័រ និងសរុបបង្ហាញខ្លួនបាន ៧៦លើក ស៊ុតបញ្ចូលទីបាន ១៣គ្រាប់៕អត្ថបទ៖នាង សុភាវុធ

Timo Werner រងរបួសត្រូវអវត្តមានពីក្រុមអាល្លឺម៉ង់នៅ World Cup

បាល់ទាត់៖ ខ្សែប្រយុទ្ធអាល្លឺម៉ង់ Timo Werner នឹងត្រូវអវត្តមានពីព្រឹត្តិការណ៍បាល់ទាត់ពិភពលោក FIFA World Cup នៅកាតាក្នុងខែនេះ ក្រោយរងរបួសកជើងដែលត្រូវសម្រាកដល់ឆ្នាំថ្មី។ កីឡាករវ័យ ២៦ឆ្នាំរូបនេះត្រូវបានផ្លាស់ចេញត្រឹមនាទីទី១៩ នៃការប្រកួតរបស់ RB Leipzig យកឈ្នះ Shakhtar Donetsk ៤-០ នៅក្របខណ្ឌ UEFA Champions League កាលពីយប់ថ្ងៃពុធ។ អតីតខ្សែប្រយុទ្ធ Chelsea ដែលវិលមកកាន់ក្លិបចាស់របស់ខ្លួនវិញកាលពីដើមរដូវកាលនោះ ធ្លាប់បានបង្ហាញខ្លួន ៥៥លើកជាមួយក្រុមជម្រើសជាតិអាល្លឺម៉ង់ស៊ុតបញ្ចូលទីបាន ២៤គ្រាប់។ Timo Werner ក៏ជាសមាជិករបស់ក្រុមអាល្លឺម៉ង់ផងដែរនៅ World Cup 2018 នៅរុស្ស៊ី និង Euro 2020 ឆ្នាំមុនមុន។ អាល្លឺម៉ង់ស្ថិតក្នុងពូល E ដែលនឹងត្រូវជួបជាមួយជប៉ុនមុនគេនៅថ្ងៃទី២៣ ខែវិច្ឆិកា មុនបន្តជួបជាមួយអេស្ប៉ាញ និងកូស្តារីកា៕អត្ថបទ៖នាង សុភាវុធ

Gerard Pique ប្រកាសចូលនិវត្តន៍ពីបាល់ទាត់មុនចប់រដូវកាល

បាល់ទាត់៖ ខ្សែការពារ Barcelona, Gerard Pique បានសម្រេចបញ្ចប់អាជីពកីឡាករបាល់ទាត់របស់ខ្លួនហើយ នៅមុនពេលដែល La Liga សម្រាកពីការប្រកួតត្រៀម World Cup។ កីឡាករវ័យ ៣៥ឆ្នាំរូបនេះបានសម្រេចបែបនេះនៅក្នុងវីដេអូឃ្លីប នៅលើបណ្តាញសង្គមរបស់ខ្លួននៅថ្ងៃព្រហស្បតិ៍ម្សិលមិញថា ការប្រកួតរបស់ Barcelona ទល់នឹង Almeria ថ្ងៃសៅរ៍នេះនឹងជាការប្រកួតចុងក្រោយរបស់ខ្លួននៅកីឡដ្ឋាន Camp Nou។ Pique បានបន្តថា ការសម្រេចចិត្តនេះដោយសារតែមិនសូវបានលេងទៀតទាត់រដូវកាលនេះ តែការរូបគេគ្មានបំណងផ្លាស់ទៅលេងឱ្យក្លិបផ្សេងដែរហើយ Barcelona គឺជាក្រុមចុងក្រោយនៃអាជីពកីឡាករ។ Gerard Pique ដែលជាសមាជិកនៃក្រុមយុវជនថ្នាលរបស់ Barcelona ដែរនោះបានប្រកាសចូលនិវត្តន៍ពីក្រុមជម្រើសជាតិអេស្ប៉ាញកាលពីឆ្នាំ ២០១៨។ Pique នៅសល់កិច្ចសន្យាជាមួយ Barcelona ដល់ឆ្នាំ២០២៤ ដែលមានន័យថា Barcelona នឹងកាត់បន្ថយការចំណាយមួយចំណែកទៀតតាមរយៈការចាកចេញរបស់ Pique។ រំលឹកថា Gerard Pique ធ្លាប់ឈ្នះជើងឯកលីគ ៩លើកនៅអេស្ប៉ាញ និងអង់គ្លេសក៏ដូចជា UEFA Champions League ៤លើក, World Cup មួយលើក និងជើងឯកអឺរ៉ុបមួយលើក៕អត្ថបទ៖នាង សុភាវុធ

Garnacho ស៊ុតគ្រាប់ជ័យជំនះឱ្យ Man United នៅដី Sociedad តែបានត្រឹមលេខ២ ក្នុងពូល

បាល់ទាត់៖ កីឡាករយុវជនរបស់ក្រុមបិសាចក្រហម Manchester United, Alejandro Garnacho បានស៊ុតបញ្ចូលទីគ្រាប់ជ័យជំនះតែមួយគ្រាប់គត់ឱ្យ Manchester United យកឈ្នះនៅទឹកដីអេស្ប៉ាញរបស់ Real Sociedad ១-០ តែនៅតែបញ្ចប់លេខ២ ក្នុងពូល។ ក្រុមរបស់លោក Erik ten Hag ត្រូវការឈ្នះនៅទឹកដីអេស្ប៉ាញលើសពី ២គ្រាប់ដើម្បីធានាបានកៅអីវគ្គ ១៦ក្រុមចុងក្រោយ Europa League។ ខ្សែប្រយុទ្ធព័រទុយហ្កាល់ Cristiano Ronaldo គឺជាអ្នកបញ្ជូនឱ្យកីឡាកររវ័យ ១៨ឆ្នាំ Garnacho ស៊ុតបញ្ចូលទីតាំងពីនាទីទី១៧ មុនពេលដែល Ronaldo មានឱកាស ១ ទល់ ១ ជាមួយអ្នកចាំទីតែធ្វើមិនបានសំរេច។ បីពិន្ទុនេះធ្វើឱ្យ Manchester United បញ្ចប់ការប្រកួតក្នុងពូល E មាន ១៥ពិន្ទុស្មើ Real Sociedad តែក្រុមអេស្ប៉ាញឈរលេខ១ ដោយផលសងគ្រាប់បាល់ចំណេញ។ Real Sociedad នឹងបន្តដំណើរទៅវគ្គ ១៦ក្រុមដោយស្វ័យប្រវត្តិតែ Manchester United ត្រូវលេងវគ្គ Play-Off ២ជើងនៅខែកុម្ភៈឆ្នាំក្រោយជួបជាមួយក្រុមដែលធ្លាក់ពី UEFA Champions League។ងាកមកលទ្ធផលផ្សេងទៀត ក្រុមកាំភ្លើងធំ Arsenal មិនឱ្យភ្លាត់បីពិន្ទុក្នុងផ្ទះឡើយពេលទទួលភ្ញៀវស្វ៊ីស FC Zurich តាមស្មើរយៈជ័យជំនះ ១-០ ដោយគ្រាប់បាល់របស់ Kieran Tierney នៅនាទីទី១៧។ បីពិន្ទុនេះធ្វើឱ្យក្រុមរបស់លោក Mikel Arteta បញ្ចប់ការប្រកួតក្នុងពូល A ជាក្រុមលេខ១ ខណៈលេខ២ ក្នុងពូលបានទៅក្រុមហូឡង់ PSV Eindhoven ដែលយកឈ្នះនៅទឹកដី Bodo/Glimt ២-១ យប់មិញផងដែរ។ ការចាប់ផ្តើមបែងចែកគូប្រកួតវគ្គ ១៦ក្រុមចុងក្រោយនឹងធ្វើឡើងថ្ងៃចន្ទដើមសប្តាហ៍ក្រោយ៕អត្ថបទ៖នាង សុភាវុធ

CAMSOC គ្រោងបើកទទួលចុះឈ្មោះអ្នកស្ម័គ្រចិត្តបម្រើដល់ស៊ីហ្គេម ក្រោយព្រះរាជពិធីបុណ្យអុំទូក

ស៊ីហ្គេម៖ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ រៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) បានឲ្យដឹងថា គណៈកម្មការអ្នកស្ម័គ្រចិត្តនឹងរៀបចំទទួលការចុះឈ្មោះអ្នកស្ម័គ្រចិត្ត សម្រាប់បម្រើដល់ការងារស៊ីហ្គេម-អាស៊ានប៉ារ៉ាហ្គេម ក្រោយព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នាពេលឆាប់ៗខាងមុខ។ ការគូសបញ្ជាក់នេះ បន្ទាប់ពីគណៈកម្មាធិការជាតិ CAMSOC បានកោះប្រជុំជាមួយគណៈកម្មការជំនាញ និងស្ថាប័នពាក់ព័ន្ធ រួមមានគណៈកម្មការអ្នកស្ម័គ្រចិត្ត គណៈកម្មការហ្គេមព័ត៌មានវិទ្យា និងក្រុមហ៊ុនដៃគូ Pathmazing ដើម្បីពន្លឿនការរៀបចំប្រព័ន្ធចុះឈ្មោះតាមអនឡាញ ហើយត្រូវចាប់ផ្ដើមដំណើរការទទួលការចុះឈ្មោះក្រោយពិធីបុណ្យជាតិគឺបុណ្យអុំទូកនាពេលខាងមុខ ដើម្បីឲ្យទាន់ពេលវេលាសម្រាប់រៀបចំអ្នកស្ម័គ្រចិត្តបម្រើការងារនៅស៊ីហ្គេម-អាស៊ានប៉ារ៉ាហ្គេមឆ្នាំ២០២៣។ គួរដឹងថា សម្រាប់ព្រឹត្តិការណ៍ប្រវត្តិសាស្ដ្រស៊ីហ្គេម-អាស៊ានប៉ារ៉ាហ្គេមឆ្នាំ២០២៣ គណៈកម្មាធិការជាតិ CAMSOC ត្រូវការកម្លាំងអ្នកស្ម័គ្រចិត្តខ្ទង់ម៉ឺននាក់ ដើម្បីសម្របសម្រួលដល់ការងារមួយចំនួន ក្នុងការដឹកនាំ បង្ហាញផ្លូវដល់ប្រតិភូ និងអត្តពលិកប្រមាណ ៧ពាន់នាក់ដែលនឹងមកធ្វើការប្រកួតនៅកម្ពុជា។ចំពោះស៊ីហ្គេមលើកទី៣២ មកទល់ពេលនេះនៅសល់រយៈពេលតែ ១៨២ថ្ងៃទៀតប៉ុណ្ណោះ បើគិតពីពេលនេះរហូតដល់ថ្ងៃទី០៥ ខែឧសភា ឆ្នាំ២០២៣ ដែលជាថ្ងៃប្រារព្ធពិធីបើកការប្រកួតផ្លូវការ និងបិទនៅថ្ងៃទី១៧ ខែឧសភាដដែល ។ រីឯការប្រកួតអាស៊ានប៉ារ៉ាហ្គេមលើកទី១២ គ្រោងធ្វើឡើងពីថ្ងៃទី០៣ ដល់ថ្ងៃទី០៩ ខែមិថុនា ឆ្នាំ២០២៣ ខាងមុខ៕អត្ថបទ៖ លី ឈុនឡា

Tsitsipas ឡើងជុំទី៣ តែ Medvedev ធ្លាក់ពី Paris Masters ត្រឹមជុំទី២

វាយកូនបាល់៖ កីឡាករវាយកូនបាល់ក្រិក Stefanos Tsitsipas បានបន្តដំណើរឡើងជុំទី៣ ហើយនៃព្រឹត្តិការណ៍ Paris Masters ក្រោយយកឈ្នះកីឡាករអង់គ្លេស Dan Evans។ កីឡាករលំដាប់លេខ៥ Tsitsipas បានយកឈ្នះដោយលទ្ធផល ២សិតផ្ទួនៗ ៦-៤ និង ៦-៣ ដែលជាជ័យជំនះលើកទី៤ ក្នុងជំនួបទល់នឹង Dan Evans។ កីឡាករក្រិក Tsitsipas ដែលធ្លាប់ឡើងដល់វគ្គផ្តាច់ព្រ័ត្រ Paris Masters នេះពីរលើកក្នុងការបង្ហាញខ្លួន ៣លើកចុងក្រោយ នឹងបន្តជួបជាមួយកីឡាករអង់គ្លេស Cameron Norrie រឺកីឡាករបារាំង Corentin Moutet នៅជុំទី៣។ ងាកមកកីឡាករលំដាប់លេខ៣ ពិភពលោកសញ្ជាតិរុស្ស៊ី Daniil Medvedev បានធ្លាក់ពីការប្រកួតត្រឹមជុំទី២ ក្រោយរងបរាជ័យក្រោមស្នាដៃកីឡាករអូស្ត្រាលី Alex de Minaur។ កីឡាករអូស្ត្រាលីលំដាប់លេខ ២៥ ពិភពលោក Alex de Minaur បានយកឈ្នះដោយលទ្ធផល ២សិតទល់នឹង ១ ពិន្ទុ ៦-៤ ២-៦ និង ៧-៥ ខណៈដែលកីឡាកររុស្ស៊ី Daniil Medvedev មួរម៉ៅដល់បោករ៉ាកែត ក្រោយធ្វើឱ្យមានកំហុសម្តងហើយម្តងទៀត។ សូមបញ្ជាក់ថា នេះជាជ័យជំនះដំបូងប៉ុណ្ណោះសម្រាប់ Alex de Minaur ក្នុងជំនួប ១៩លើកចុងក្រោយទល់នឹងកីឡាករដែលមានលំដាប់ថ្នាក់ពិភពលោក Top5៕អត្ថបទ៖នាង សុភាវុធ

របួសរបស់ Son ត្រូវវះកាត់ប្រឈមអវត្តមានពីក្រុមកូរ៉េនៅ World Cup

បាល់ទាត់៖ ខ្សែប្រយុទ្ធក្លិប Tottenham Hotspur, Heung-min Son ប្រឈមអវត្តមានពីក្រុមជម្រើសជាតិកូរ៉េនៅ World Cup 2022 កាតាដោយសាររបួស។ កីឡាករវ័យ ៣០ឆ្នាំរូបនេះបានរងរបួសក្បែររង្វង់ភ្នែក អំឡុងការប្រកួតដែល Spurs ឈ្នះនៅទឹកដី Marseille កាលពីយប់ថ្ងៃអង្គារ។ សេចក្តីប្រកាសរបស់ Spurs បានបញ្ជាក់ថា Son បានបែកឆ្អឹងក្បែររង្វង់ភ្នែកខាងឆ្វេងដែលទាមទាឱ្យមានការវះកាត់ ហើយក៏មិនទាន់អាចនិយាយបានដែរថា ក្រោយការវះកាត់នឹងត្រូវសម្រាករយៈពេលប៉ុន្មាននៅឡើយ។ ស្រដៀងគ្នានេះកាលពីឆ្នាំ២០២១ ខ្សែបម្រើ Manchester City, Kevin de Bruyne បានរងរបួសដល់បែកច្រមុះ និងឆ្អែងក្បែររង្វង់ភ្នែកដូច Son ដែរ តែអាចបង្ហាញខ្លួនឱ្យប៊ែលហ្ស៊ិកបាននៅ Euro។ Son គឺជាសមាជិកសំខាន់ម្នាក់របស់ក្រុមជម្រើសជាតិកូរ៉េ ដោយធ្លាប់បង្ហាញខ្លួនសរុប ១០៤លើកស៊ុតបញ្ចូលទីបាន ៣៥គ្រាប់។ កូរ៉េស្ថិតក្នុងពូល H នៅ World Cup 2022 ទឹកដីកាតាដោយនឹងត្រូវជួបអ៊ុយរូហ្កាយនៅថ្ងៃទី២៤ ខែវិច្ឆិកានេះ មុនបន្តជួបព័រទុយហ្កាល់ និងហ្កាណា៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

លោក Zelenskiy ៖ ហេដ្ឋារចនាសម្ព័ន្ធថាមពលរុស្ស៊ី ខាតបង់ប្រាក់រាប់សែនកោដិរូប្លិ៍

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Novak Djokovic និង Carlos Alcaraz ឡើងវគ្គ ៨នាក់ចុងក្រោយ Paris Masters

ខ្សែការពារអង់គ្លេសមួយរូបទៀត Ben Chilwell នឹងអវត្តមានពី World Cup ដោយសាររបួស

អឺរ៉ុបនឹងចាប់ផ្តើមរៀបចំពានរង្វាន់ UEFA Nations League ផ្នែកនារីនៅឆ្នាំ២០២៣

Carlos Tevez លាលែងពីតំណែងគ្រូបង្វឹកក្លិបអាហ្សង់ទីន Rosario Central

Timo Werner រងរបួសត្រូវអវត្តមានពីក្រុមអាល្លឺម៉ង់នៅ World Cup

Gerard Pique ប្រកាសចូលនិវត្តន៍ពីបាល់ទាត់មុនចប់រដូវកាល

Garnacho ស៊ុតគ្រាប់ជ័យជំនះឱ្យ Man United នៅដី Sociedad តែបានត្រឹមលេខ២ ក្នុងពូល

CAMSOC គ្រោងបើកទទួលចុះឈ្មោះអ្នកស្ម័គ្រចិត្តបម្រើដល់ស៊ីហ្គេម ក្រោយព្រះរាជពិធីបុណ្យអុំទូក

Tsitsipas ឡើងជុំទី៣ តែ Medvedev ធ្លាក់ពី Paris Masters ត្រឹមជុំទី២

របួសរបស់ Son ត្រូវវះកាត់ប្រឈមអវត្តមានពីក្រុមកូរ៉េនៅ World Cup

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Novak Djokovic និង Carlos Alcaraz ឡើង​វគ្គ ៨​នាក់​ចុងក្រោយ Paris Masters

ខ្សែការពារ​អង់គ្លេស​មួយរូប​ទៀត Ben Chilwell នឹង​អវត្តមាន​ពី World Cup ដោយសារ​របួស​

អឺរ៉ុប​នឹង​ចាប់ផ្តើម​រៀបចំ​ពានរង្វាន់ UEFA Nations League ផ្នែក​នារី​នៅ​ឆ្នាំ​២០២៣

Carlos Tevez លាលែង​ពី​តំណែង​គ្រូបង្វឹក​ក្លិប​អា​ហ្ស​ង់​ទីន Rosario Central

Timo Werner រងរបួស​ត្រូវ​អវត្តមាន​ពី​ក្រុម​អាល្លឺម៉ង់​នៅ World Cup

Gerard Pique ប្រកាស​ចូលនិវត្តន៍​ពី​បាល់ទាត់​មុន​ចប់​រដូវ​កាល

Garnacho ស៊ុត​គ្រាប់​ជ័យជំនះ​ឱ្យ Man United នៅ​ដី Sociedad តែ​បាន​ត្រឹម​លេខ​២ ក្នុង​ពូ​ល

CAMSOC ​គ្រោង​បើកទទួល​ចុះឈ្មោះ​អ្នកស្ម័គ្រចិត្ត​បម្រើ​ដល់​ស៊ី​ហ្គេម ក្រោយ​ព្រះរាជ​ពិធីបុណ្យ​អុំទូក​

Tsitsipas ឡើង​ជុំ​ទី៣ តែ Medvedev ធ្លាក់​ពី Paris Masters ត្រឹម​ជុំ​ទី២

របួស​របស់ Son ត្រូវ​វះកាត់​ប្រឈម​អវត្តមាន​ពី​ក្រុម​កូរ៉េ​នៅ World Cup

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Novak Djokovic និង Carlos Alcaraz ឡើងវគ្គ ៨នាក់ចុងក្រោយ Paris Masters

ខ្សែការពារអង់គ្លេសមួយរូបទៀត Ben Chilwell នឹងអវត្តមានពី World Cup ដោយសាររបួស

អឺរ៉ុបនឹងចាប់ផ្តើមរៀបចំពានរង្វាន់ UEFA Nations League ផ្នែកនារីនៅឆ្នាំ២០២៣

Carlos Tevez លាលែងពីតំណែងគ្រូបង្វឹកក្លិបអាហ្សង់ទីន Rosario Central

Timo Werner រងរបួសត្រូវអវត្តមានពីក្រុមអាល្លឺម៉ង់នៅ World Cup

Gerard Pique ប្រកាសចូលនិវត្តន៍ពីបាល់ទាត់មុនចប់រដូវកាល

Garnacho ស៊ុតគ្រាប់ជ័យជំនះឱ្យ Man United នៅដី Sociedad តែបានត្រឹមលេខ២ ក្នុងពូល

CAMSOC គ្រោងបើកទទួលចុះឈ្មោះអ្នកស្ម័គ្រចិត្តបម្រើដល់ស៊ីហ្គេម ក្រោយព្រះរាជពិធីបុណ្យអុំទូក

Tsitsipas ឡើងជុំទី៣ តែ Medvedev ធ្លាក់ពី Paris Masters ត្រឹមជុំទី២

របួសរបស់ Son ត្រូវវះកាត់ប្រឈមអវត្តមានពីក្រុមកូរ៉េនៅ World Cup