BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

ទៅដី Sociedad យប់នេះ Man United គ្មាន Antony, Sancho និង Martial

បាល់ទាត់៖ ក្រុមបិសាចក្រហម Manchester United នឹងមិនមានវត្តមានកីឡាករសំខាន់ៗបីរូបរួមមាន Antony, Jadon Sancho និង Anthony Martial ក្នុងជំនួបនៅទឹកដីអេស្ប៉ាញជួបក្រុមម្ចាស់ផ្ទះ Real Sociedad ប្រកួតក្នុងចុងក្រោយក្នុងពូល E ក្របខណ្ឌ UEFA Europa League។ Jadon Sancho ត្រូវបានគេដឹងថាកំពុងមានជំងឺ ខណៈ Anthony Martial អវត្តមានពីក្រុមតាំងពីថ្ងៃទី៩ ខែមុន ស្របពេលដែលកីឡាករប្រេស៊ីល Antony មិនទាន់ជាពីរបួស។ Manchester United នឹងអាចបញ្ចប់ពូលឈរលើគេ ប្រសិនឈ្នះនៅទឹកដី Real Sociedad លើសពី ២គ្រាប់។ ក្រុមលេខ១ ក្នុងពូលនឹងឡើងវគ្គ ១៦ក្រុមចុងក្រោយ តែក្រុមលេខ២ ក្នុងពូលត្រូវលេង Play-Off ពីរជើងជួបជាមួយក្រុមដែលធ្លាក់ពី UEFA Champions League។ អ្នកចាត់ការ Erik ten Hag ថា Cristiano Ronaldo ប្រហែលជាជម្រើស ១១ដំបូងសម្រាប់ Manchester United រាត្រីនេះស្របពេលដែល Casemiro ត្រលប់ទៅទឹកដីអេស្ប៉ាញលើកដំបូងតាំងពីផ្ទេរពី Real Madrid៕អត្ថបទ៖នាង សុភាវុធ

Benfica ស៊ុត ៦គ្រាប់នៅទឹកដីអ៊ីស្រាអែលទំលាក់ PSG ទៅលេខ២

បាល់ទាត់៖ ក្រុមព័រទុយហ្កាល់ Benfica ត្រូវការគ្រាប់បាល់ច្រើនដើម្បីបញ្ចប់ការប្រកួតក្នុងពូល H ឈរលើគេ ស្របពេលដែល PSG កំពុងមានគ្រាប់ចំណេញច្រើនជាង។ ការប៉ុនប៉ងពិតជាបានសំរេចទោះបីជាការប្រកួតក្រៅដីក៏ដោយ Benfica បានស៊ុតបញ្ចូលទីដល់ទៅ ៦គ្រាប់ ជាពិសេសគ្រាប់ចុងក្រោយនៅនាទីទី៩០+២ ដោយ Joao Mario គ្រប់គ្រាន់ឱ្យ Benfica បញ្ចប់ការប្រកួតក្នុងពូលជាក្រុមលេខ១ ពីលើ PSG វិញ។ ក្រុមជើងឯកបារាំង Paris Saint Germain ក៏បានយកឈ្នះនៅទឹកដីអ៊ីតាលីរបស់សេះបង្កង់ Juventus ដែរដោយលទ្ធផល ២-១។បើសរុបពិន្ទុនៅក្នុងពូល H នេះ Benfica និង PSG មាន ១៤ពិន្ទុដូចគ្នា និងមានផលសងគ្រាប់បាល់ ៩គ្រាប់បាល់ដូចគ្នា។ តែ Benifca ឈរលេខ១ បានដោយសារមានគ្រាប់បាល់ក្រៅដីសរុបជារួមច្រើនជាងគេសរុប ៩គ្រាប់ ខណៈ PSG មានត្រឹម ៦គ្រាប់។ ចំណែក Juventus បានត្រឹមលេខ៣ នៅសល់កៅអី Europa League៕អត្ថបទ៖នាង សុភាវុធ

Rico Lewis ក្លាយជាកីឡាករក្មេងបំផុតដែលស៊ុតបញ្ចូលទីបានក្នុងប្រកួតដំបូងនៃការបង្ហាញខ្លួននៅ UCL

បាល់ទាត់៖ កីឡាករវ័យក្មេងអង់គ្លេស Rico Lewis បានបំបែកកំណត់ត្រាកីឡាករក្មេងបំផុត ដែលស៊ុតបញ្ចូលទីបានក្នុងការបង្ហាញខ្លួនដំបូងនៅក្របខណ្ឌ UEFA Champions League ជួយឱ្យ Manchester City វាយបកពីក្រោយយកឈ្នះ Sevilla។ បន្ទាប់ពីការនាំមុខមុនរបស់ Sevilla ដោយអតីតខ្សែប្រយុទ្ធ Nottingham Forest, Rafael Mir នៅវគ្គទី១ ក្រុមម្ចាស់ផ្ទះក៏តាមស្មើវិញនៅនាទីទី៥២ ដោយ Rico Lewis។ មួយគ្រាប់នេះ Rico Lewis ដែលមានវ័យ ១៧ឆ្នាំ ៣៤៦ថ្ងៃបានបំបែកកំណត់ត្រារបស់ Karim Benzema ដែលធ្វើបានដូចគ្នានេះក្នុងវ័យ ១៧ឆ្នាំ ៣៥២ថ្ងៃពេលលេងឱ្យ Lyon យកឈ្នះ Rosenborg។ពីរគ្រាប់របស់ City សម្រេចបានដោយ Julian Alvarez និង Riyad Mahrez ធ្វើឱ្យ Manchester City បន្តស្ថិតិលេងមិនចាញ់ក្នុងដីនៅ UCL ២៣ប្រកួតជាប់គ្នា ទោះបីគ្មានវត្តមានកីឡាករសំខាន់ៗក៏ដោយ។ បីពិន្ទុនេះធ្វើឱ្យ Manchester City បញ្ចប់ការប្រកួតក្នុងពូលមាន ១៤ពិន្ទុឡើងវគ្គ ១៦ក្រុមចុងក្រោយជាមួយក្រុមលេខ២ Borussia Dortmund ដែលស្មើនៅទឹកដី Copenhagen ១-១។ ចំណែក Sevilla បានត្រឹមលេខ៣ ក្នុងពូលនៅសល់កៅអី UEFA Europa League៕អត្ថបទ៖នាង សុភាវុធ

Real Madrid បំបាក់ Celtic ដើម្បីបញ្ចប់វគ្គវិលជុំក្នុងពូល F ជាក្រុមលេខ១

បាល់ទាត់៖ ក្រុមការពារតំណែងជើងឯក Real Madrid បានបំបាក់ក្រុមភ្ញៀវស្កុតឡេន Glasgow Celtic ៥-១ ដើម្បីធានាបានតំណែងលេខ១ ក្នុងពូល F ឡើងវគ្គ ១៦ក្រុមចុងក្រោយ។ លេងបានត្រឹម ២១នាទី Celtic របូតពីរគ្រាប់បាត់ទៅហើយដោយបាល់ពិន័យ ១១ម៉ែត្រធ្វើបានដោយ Luka Modric និង Rodrygo ខណៈវគ្គទី២ Marco Asensio, Vinicius Junior និង Federico Valverde រកបានម្នាក់មួយគ្រាប់បន្ថែមទៀត មុនពេលដែល Celtic តបបានមួយគ្រាប់ដោយ Neves Filipe។ តាមរយៈជ័យជំនះក្រុមរបស់លោក Carlo Ancelotti បានឈ្នះរាល់ការប្រកួតក្នុងផ្ទះនៅក្នុងពូលជាលើកដំបូងរាប់ពីរដូវកាល ២០១៥-១៦ និងជាបីរដូវកាលជាប់គ្នាផងដែរដែល Real Madrid បញ្ចប់ការប្រកួតវិលក្នុងពូលជាក្រុមលេខ១។ស្ថិតក្នុងវ័យ ៣៧ឆ្នាំ ៥៤ថ្ងៃ Luka Modric បានក្លាយជាកីឡាករវ័យចំណាស់បំផុតដែលស៊ុតបញ្ចូលទីនៅ UEFA Champions League រាប់ពីឆ្នាំ២០១៤ ដែលធ្វើបានដោយ Francesco Totti ស៊ុតបញ្ចូលទីឱ្យ Roma លើ CSKA Moscow ក្នុងវ័យ ៣៨ឆ្នាំ ៥៩ថ្ងៃ។ ដោយឡែកសម្រាប់ក្រុមលេខ២ នៅក្នុងពូល F នេះគឺក្រុមអាល្លឺម៉ង់ RB Leipzig ដែលបានយកឈ្នះនៅទឹកដី Shakhtar Donetsk ៤-០ ខណៈក្រុមអ៊ុយក្រែនបញ្ចប់លេខ៣ ក្នុងពូលនៅសល់កៅអី Europa League៕អត្ថបទ៖នាង សុភាវុធ

Chelsea ឈ្នះ Dinamo Zagreb ធានាកៅអីលេខ១ ក្នុងពូលនៅ UCL

បាល់ទាត់៖ ក្រុមតាខៀវ Chelsea ដែលបានកក់កៅអីវគ្គ ១៦ក្រុមចុងក្រោយតាំងពីសប្តាហ៍មុននោះ បានបិទបញ្ចប់ការប្រកួតក្នុងពូល E នៅក្របខណ្ឌ UEFA Champions League ជាក្រុមលេខ១ ក្នុងពូលក្រោយយកឈ្នះក្រុមភ្ញៀវ Dinamo Zagreb ២-១ នៅ Stamford Bridge។ Dinamo Zagreb ដែលត្រូវការបីពិន្ទុដើម្បីឈរលេខ៣ មានឱកាសលេងនៅ Europa League នោះបានបើកការនាំមុខមុននៅនាទីទី៧ ដោយ Petkovic។ នៅក្នុងវគ្គទី១ ដដែល Chelsea ក៏បានវាយបកពីក្រោយពីរគ្រាប់នៅនាទីទី១៨ ដោយ Raheem Sterling និងនាទីទី៣០ ដោយ Denis Zakaria។ លទ្ធផលនេះបានរក្សាដល់ចប់ ៩០នាទីមានន័យថា Chelsea បិទបញ្ចប់ការប្រកួតក្នុងពូល E ជាក្រុមលេខ ១ នៅពីលើ AC Milan ៣ពិន្ទុ។ ក្រុមជើងឯកអ៊ីតាលី AC Milan ត្រូវរង់ចាំការប្រកួតចុងក្រោយនេះដើម្បីសម្រេចថា ឡើងជុំបន្តរឺអត់ ខណៈក្រុមភ្ញៀវ Red Bull Salzburg ក៏ត្រូវការឈ្នះដើម្បីឡើងវគ្គ ១៦ក្រុមចុងក្រោយផងដែរ។យ៉ាងណាក្តី AC Milan មិនភ្លាត់ឱ្យបរាជ័យក្នុងដីឡើយដោយបានបំបាក់ក្រុមភ្ញៀវ Salzburg ៤-០ ខណៈខ្សែប្រយុទ្ធវ័យចំណាស់បារាំង Olivier Giroud រកបានពីរគ្រាប់ម្នាក់ឯង។ ក្នុងវ័យ ៣៦ឆ្នាំ ៣៣ថ្ងៃ Olivier Giroud បានក្លាយជាកីឡាករដែលមានវ័យចំណាស់បំផុតដែលរកបាន ២គ្រាប់ក្នុងមួយប្រកួតនៅ UCL តាំងពី Filippo Inzaghi ធ្វើបានបែបនេះកាលពីខែវិច្ឆិកា ឆ្នាំ២០១០ ពេលជួប Real Madrid៕អត្ថបទ៖នាង សុភាវុធ

សៅ រង្សី ចាញ់អ៊ីរ៉ង់ទាំងប្រផិតប្រផើយនៃការប្រកួតប្រដាល់សកលជើងឯកអាស៊ីនៅហ្ស៊កដានី

ប្រដាល់សកល៖ កីឡាករប្រដាល់សកលជម្រើសជាតិកម្ពុជា សៅ រង្សី បានរងបរាជ័យទាំងប្រផិតប្រផើយក្រោមថ្វីដៃកីឡាករអ៊ីរ៉ង់ Mehdi Khosravi នៅក្នុងការប្រកួតកីឡាប្រដាល់សកលជ្រើសរើសជើងឯកអាស៊ី ASBC Asian Elite Men And Women Boxing Championship 2022 នៅប្រទេសហ្ស៊កដានីកាលពីរំលងអាធ្រាតុយប់មិញ។ ការប្រកួតនេះម្ចាស់មេដាយសំរឹទ្ធស៊ីហ្គេម សៅ រង្សី ធ្វើបានយ៉ាងល្អនៅក្នុងទឹកដី១ ដោយយកឈ្នះពិន្ទុលើកីឡាករ Mehdi Khosravi ហើយថែមទាំងវាយកីឡាករអ៊ីរ៉ង់រូបនេះឲ្យអាជ្ញាកណ្ដាលរាប់ទៀតផង។ តែសោកស្ដាយនៅក្នុងទឹកទី២ និងទឹកទី៣ ស្របពេល រង្សី មានបញ្ហាឈឺដៃ និងធ្លាក់ចុះកម្លាំងស៊ុះផងនោះ បាននាំឲ្យកីឡាករអ៊ីរ៉ង់មានប្រៀបដោយវាយយកឈ្នះពិន្ទុ ២ទឹកចុងក្រោយដើម្បីទទួលបានជ័យជម្នះក្នុងការប្រកួតនេះតែម្ដង។ ដោយឡែកនៅល្ងាចថ្ងៃទី០៣ ខែវិច្ឆិកានេះនឹងមានកីឡាករជម្រើសជាតិកម្ពុជា ២រូបទៀតត្រូវធ្វើការប្រកួត ក្នុងនោះមានកីឡាករកូនកាត់ខ្មែរ-អ៊ូបេគីស្ថាន រ៉ាចាពៅ អាប់ឌុលឡា ប្រកួតជាមួយកីឡាករកូរ៉េខាងត្បូង Haneul Jung ប្រភេទទម្ងន់ ៩២គីឡូក្រាម និងកីឡាករ ណាស្រេឌីនូវ អាន់វ៉ា ជួបកីឡាករថៃ Weerapon Jongjoho ក្នុងប្រភេទទម្ងន់ ៨០គីឡូក្រាម។គួរបញ្ជាក់ថា បេសកកម្មនេះសហព័ន្ធកីឡាប្រដាល់សកលកម្ពុជា បានបញ្ចូនកីឡាករជម្រើសជាតិ ៦រូបចូលរួមក្នុងនោះមានកីឡាករ ៤រូបចាកចេញពីកម្ពុជាគឺមានកីឡាករ សៅ រង្សី, នូវ សុខទី, ទូច ដេវីត និង វ៉ែន រដ្ឋា ខណៈ ២រូបទៀតបានធ្វើដំណើរមកពីប្រទេសអូបេគីស្ថានគឺមានកីឡាករ ណាស្រេឌីនូវ អាន់វ៉ា និងកីឡាករ រ៉ាចាពៅ អាប់ឌុលឡា បន្ទាប់ពីពួកគេសម្ងំហ្វឹកហាត់នៅទីនោះ។ លោក ប៊ុយ សុភ័ណ្ឌ អគ្គលេខាធិការ និងជាប្រធានប្រតិភូបានចាត់ទុកបេសកកម្មនេះគឺជាការធ្វើតេស្ដដ៏សំខាន់ សម្រាប់កីឡាករប្រដាល់សកលជម្រើសជាតិកម្ពុជា ដើម្បីត្រៀមឆ្ពោះទៅស៊ីហ្គេមឆ្នាំ២០២៣ ដែលជាការវាស់ស្ទង់សមត្ថភាពរបស់កីឡាករម្នាក់ៗ បន្ទាប់ពីការហ្វឹកហាត់ជាមួយគ្រូបង្វឹកជនជាតិកាហ្សាក់ស្ថានលោក Kassymkhanov Berikbol Amantayevich ដែលឧបត្ថម្ភគាំទ្រដោយគណៈកម្មាធិការជាតិ CAMSOC៕អត្ថបទ៖ លី ឈុនឡា

វីរកីឡាការិនី ខាន់ ចេសា ទទួលបានការសាទរជាថ្មី ក្រោយឈ្នះមេដាយមាសជើងឯកពិភពលោក

ជឺជីតស៊ូ៖ កីឡាការិនីជឺជីតស៊ូជម្រើសជាតិ ខាន់ ចេសា បាននាំមកនូវកិត្តិយសជូនជាតិជាថ្មី បន្ទាប់ពីដណ្ដើមបានមេដាយមាសក្នុងការប្រកួតជ្រើសរើសជើងឯកពិភពលោក Ju-Jitsu World Championship 2022 នៅទីក្រុងអាប៊ូដាប៊ី ប្រទេសអារ៉ាប់រួម ក្រោយយកឈ្នះកីឡាការិនីអេស្ប៉ាញ Matthews Martin Naiomi ក្នុងវគ្គផ្ដាច់ព្រ័ត្រកាលពីយប់មិញ។ អ្វីដែលពិសេសក្រោយទទួលបានជ័យជម្នះភ្លាមៗ សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា ក៏បានផ្ញើសារចូលរួមអបអរសាទរវីរកីឡាការិនី ខាន់ ចេសា ចំពោះការដណ្ដើមបានមេដាយមាសជូនជាតិមាតុភូមិនេះផងដែរ។ ម្ចាស់មេដាយមាសកីឡាអាស៊ីឆ្នាំ២០១៨ រូបនេះគឺជាអត្តពលិកកម្ពុជាម្នាក់ក្នុងចណោម ៣នាក់ដែលចូលរួមព្រឹត្តិការណ៍ពិភពលោកនេះដោយកញ្ញាបានប្រកួតលើវិញ្ញាសា Jiu Jitsu (Newaza) ទម្ងន់ក្រោម ៥២គីឡូក្រាម ។ វិញ្ញាសានេះមានបេក្ខភាពប្រកួតប្រជែង ១៧រូបដោយប្រើប្រព័ន្ធប្រកួតជម្រុះចាញ់ធ្លាក់ ខណៈ ចេសា បានយកឈ្នះគូប្រកួត ៥ប្រកួតៗគ្នាដើម្បីក្លាយជាម្ចាស់មេដាយមាស។ សម្រាប់លទ្ធផលការប្រកួតក្នុងនាមកីឡាការិនីដែលឈរចាំនៅជុំទី២ ឬវគ្គ ១៦នាក់ចុងក្រោយ ខាន់ ចេសា បានផ្ដួលដៃគូឲ្យបោះបង់ការប្រកួត ៣ប្រកួតជាប់គ្នា ក្នុងនោះជុំទី២ កញ្ញាបានផ្ដួលកីឡាការិនីហ្វីលីពីន Baluyot Ashley Jeraine ដោយប្រើពេលត្រឹម ២នាទី និង ២៣វិនាទី និងផ្ដួលកីឡាការិនីម្ចាស់ផ្ទះអារ៉ាប់រួម Shraim Maitha ដោយប្រើពេលត្រឹមតែ ៥៣វិនាទីនៅជុំទី៣ មុនបន្ដផ្ដួលកីឡាការិនីអ៊ីស្រាអ៊ែល Aronov Pnina ដោយប្រើពេល ៣នាទី និង ១៩វិនាទីនៅក្នុងវគ្គពាក់កណ្ដាលផ្ដាច់ព្រ័ត្រ។ឈានដល់វគ្គផ្ដាច់ព្រ័ត្រ សម្រាប់ការជួបជើងខ្លាំងមកពីតំបន់អឺរ៉ុប ទោះបី ចេសា មិនអាចផ្ដួលដៃគូឲ្យបោះបង់ការប្រកួតដូចកីឡាការិនីហ្វីលីពីន អារ៉ាប់រួម និងអ៊ីស្រាអ៊ែលយ៉ាងណាក្ដី តែកីឡាការិនីវ័យ ២១ឆ្នាំរូបនេះបានប្រើបច្ចេកទេសពិសេសរបស់ខ្លួនដោយចាប់ឃ្លេកីឡាការិនីអេស្ប៉ាញ Matthews Martin Naiomi រយៈពេល ៦នាទីពេញស្ទើររើមិនរួច ហើយជាលទ្ធផលអាជ្ញាកណ្ដាលបានផ្ដល់ជ័យជម្នះដោយពិន្ទុ ដល់កីឡាការិនីឆ្នើមរបស់កម្ពុជាដែលក្លាយជាម្ចាស់មេដាយមាសលើវិញ្ញាសាក្រោមទម្ងន់ ៥២គីឡូក្រាមតែម្ដង។ តាមរយៈជ័យជម្នះនេះក៏ទទួលបានការសាទរពីឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) និងអគ្គលេខាធិការគណៈកម្មាធិការជាតិអូឡាំពិកកម្ពុជា (NOCC) ផងដែរ ដោយឯកឧត្តមបានកោតសរសើរចំពោះការខិតខំប្រឹងប្រែងរបស់ ខាន់ ចេសា ហើយឯកឧត្តមរំពឹងថា មេដាយមាសនេះនឹងក្លាយជាកម្លាំងចលនាដ៏សំខាន់មួយទៀត សម្រាប់សហព័ន្ធក្នុងដំណើរឆ្ពោះទៅមេដាយខ្ពស់បំផុតនៅស៊ីហ្គេមឆ្នាំ២០២៣៕អត្ថបទ៖ លី ឈុនឡា

ជប៉ុនប្រកាសកីឡាករ ២៦នាក់មុនគេសម្រាប់ World Cup និងដាក់គោលដៅឡើងដល់វគ្គ ៨ក្រុម

បាល់ទាត់៖ ជប៉ុនបានក្លាយជាក្រុមបាល់ទាត់មុនគេបង្អស់ ដែលបង្ហាញបញ្ជីឈ្មោះកីឡាករទាំង ២៦នាក់សម្រាប់ World Cup 2022 នៅកាតាក្នុងខែនេះ និងបានដាក់គោលដៅឡើងដល់វគ្គ ៨ក្រុមចុងក្រោយ។ គ្រូបង្វឹកជប៉ុនលោក Hajime Moriyasu មិនបានកោះហៅខ្សែប្រយុទ្ធ Celtic, Kyogo Furuhashi និងខ្សែប្រយុទ្ធ Vissel Kobe, Yuya Osako ឡើយសំរាប់ជម្រើសកីឡាករទាំង ២៦នាក់នេះ។ ចំណែកឯខ្សែបម្រើក្រុម Union Berlin ដែលកំពុងនាំមុខគេនៅ Bundesliga, Genki Haraguchi ក៏មិនត្រូវបានកោះហៅផងដែរ។ ក្រុមបាល់ទាត់ជប៉ុនមិនដែលមានប្រវត្តិឆ្លងផុតវគ្គ ១៦ក្រុមចុងក្រោយឡើយនៅ World Cup តែលោក Hajime Moriyasu បានដាក់គោលដៅឡើងឱ្យដល់វគ្គ ៨ក្រុមចុងក្រោយនៅកាតាឆ្នាំនេះ បើទោះជាស្ថិតក្នុងពូលជាមួយក្រុមខ្លាំងដូចជាអេស្ប៉ាញ អាល្លឺម៉ង់ និងកូស្តារីកាក្តី។ ជប៉ុននឹងត្រូវចាប់ផ្តើមបេសកកម្មរបស់ខ្លួននៅ World Cup ឆ្នាំនេះដោយនឹងត្រូវជួបជាមួយក្រុមអាល្លឺម៉ង់នៅថ្ងៃទី២៣ ខែវិច្ឆិកានេះ៕អត្ថបទ៖នាង សុភាវុធ

Manchester City ទំនងដាក់កីឡាករក្មេងៗចូលលេងយប់នេះទល់នឹង Sevilla

បាល់ទាត់៖ ក្រុមអង់គ្លេស Manchester City ទំនងជានឹងដាក់កីឡាករក្មេងៗឱ្យចូលលេងរាត្រីនេះពេលទទួលភ្ញៀវ Sevilla ដែលជាការប្រកួតបង្គ្រប់កិច្ចក្នុងពូល G នៃក្របខណ្ឌ UEFA Champions League។ លោក Pep Guardiola បាននិយាយក្នុងសន្និសីទសារព័ត៌មានមុនការប្រកួតថា កីឡាករដែលមិនសូវបានលេងជាប់លាប់នឹងត្រូវដាក់ឱ្យចូលលេងយប់នេះ។ កីឡាករក្មេងៗរបស់ City ដូចជា Cole Palmer និង Rico Lewis ត្រូវបានគេរំពឹងថាចូលលេង ខណៈដែលខ្សែប្រយុទ្ធជួរមុខ Erling Haaland បន្តអវត្តមាន។ Erling Haaland ដែលបានស៊ុតបញ្ចូលទី ២២គ្រាប់ក្នុងការបង្ហាញខ្លួន ១៥ប្រកួតរដូវកាលនេះស្ថិតក្នុងស្ថានភាពស្រួលបួល ១០០% ហើយ តែនឹងអាចចូលលេងពេលជួប Fulham ចុងសប្តាហ៍នេះ។ ចំណាត់ថ្នាក់ក្រុមទាំង ៤ នៅក្នុងពូល D បានដឹងច្បាស់លាស់អស់ហើយ ថ្វីបើនៅសល់មួយប្រកួតយប់នេះក្តី ដោយ Manchester City ឈរលេខ១, Borussia Dortmund ឈរលេខ២, Seviila ឈរលេខ៣ មានកៅអីនៅ Europa League និងលេខ៤ FC Copenhagen៕អត្ថបទ៖នាង សុភាវុធ

Spurs ឡើងវគ្គ ១៦ក្រុមចុងក្រោយ UCL ក្រោយឈ្នះនៅទឹកដី Marseille

បាល់ទាត់៖ ក្រុម Tottenham Hotspur ទីបំផុតបានឈានឡើងវគ្គ ១៦ក្រុមចុងក្រោយ និងជាក្រុមលេខ១ ក្នុងពូល D ក្រោយយកឈ្នះនៅទឹកដីបារាំងរបស់ Olympique Marseille ដោយលទ្ធផល ២-១ ទាំងប្រផិតប្រផើយនៅចុងម៉ោង។ បួនក្រុមពូល D នេះសុទ្ធតែមានឱកាសឡើងវគ្គបន្តទាំងអស់ ដោយទាមទារជ័យជំនះរៀងខ្លួន។ ម្ចាស់ផ្ទះ Marseille បានបើកការនាំមុខមុននៅនាទីទី៤៥+២ ចុងវគ្គទី១ ដោយខ្សែការពារ Chancel Mbemba ដោយលទ្ធផលបណ្តោះអាសន្នត្រឹមវគ្គទី១ នោះមានន័យថា Spurs ឈរលេខ៣ ក្នុងពូល។ យ៉ាងណាក្តីនៅវគ្គទី២ លេងបាន ៩នាទី Clement Lenglet ជាអ្នកតាមស្មើវិញឱ្យ Spurs ហើយលទ្ធផលស្មើក៏អាចឱ្យ Spurs ទៅវគ្គបន្តផងដែរ។ក្រុមម្ចាស់ផ្ទះ Marseille បានព្យាយាមវាយសម្រុកខ្លាំង ដើម្បីរកគ្រាប់ជ័យជំនះតែមិនបានសម្រេច បែជារបូតគ្រាប់វិញនៅចុងម៉ោងនាទីទី៩០+៥ ដោយ Pierre-Emile Hojbjerg។ បីពិន្ទុនេះមិនត្រឹមធ្វើឱ្យ Spurs ឡើងវគ្គបន្តទេ តែថែមទាំងបញ្ចប់លេខ ១ ក្នុងពូល D ផងដែរ។ ចំណែកឯលេខ២ ក្នុងពូលគឺក្រុមជើងឯក Europa League រដូវកាលមុន Eintracht Frankfurt ដែលបានយកឈ្នះនៅទឹកដី Sporting Lisbon ២-១ ខណៈក្រុមព័រទុយហ្កាល់មួយនេះនៅសល់កៅអី Europa League ក្នុងនាមជាក្រុមលេខ៣ ក្នុងពូល៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

លោក Zelenskiy ៖ ហេដ្ឋារចនាសម្ព័ន្ធថាមពលរុស្ស៊ី ខាតបង់ប្រាក់រាប់សែនកោដិរូប្លិ៍

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ទៅដី Sociedad យប់នេះ Man United គ្មាន Antony, Sancho និង Martial

Benfica ស៊ុត ៦គ្រាប់នៅទឹកដីអ៊ីស្រាអែលទំលាក់ PSG ទៅលេខ២

Rico Lewis ក្លាយជាកីឡាករក្មេងបំផុតដែលស៊ុតបញ្ចូលទីបានក្នុងប្រកួតដំបូងនៃការបង្ហាញខ្លួននៅ UCL

Real Madrid បំបាក់ Celtic ដើម្បីបញ្ចប់វគ្គវិលជុំក្នុងពូល F ជាក្រុមលេខ១

Chelsea ឈ្នះ Dinamo Zagreb ធានាកៅអីលេខ១ ក្នុងពូលនៅ UCL

សៅ រង្សី ចាញ់អ៊ីរ៉ង់ទាំងប្រផិតប្រផើយនៃការប្រកួតប្រដាល់សកលជើងឯកអាស៊ីនៅហ្ស៊កដានី

វីរកីឡាការិនី ខាន់ ចេសា ទទួលបានការសាទរជាថ្មី ក្រោយឈ្នះមេដាយមាសជើងឯកពិភពលោក

ជប៉ុនប្រកាសកីឡាករ ២៦នាក់មុនគេសម្រាប់ World Cup និងដាក់គោលដៅឡើងដល់វគ្គ ៨ក្រុម

Manchester City ទំនងដាក់កីឡាករក្មេងៗចូលលេងយប់នេះទល់នឹង Sevilla

Spurs ឡើងវគ្គ ១៦ក្រុមចុងក្រោយ UCL ក្រោយឈ្នះនៅទឹកដី Marseille

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ទៅ​ដី Sociedad យប់​នេះ Man United គ្មាន Antony, Sancho និង Martial

Benfica ស៊ុត ៦គ្រាប់​នៅ​ទឹកដី​អ៊ីស្រាអែល​ទំលាក់ PSG ទៅ​លេខ២

Rico Lewis ក្លាយជា​កីឡាករ​ក្មេង​បំផុត​ដែល​ស៊ុត​បញ្ចូល​ទី​បាន​ក្នុង​ប្រកួត​ដំបូង​នៃ​ការ​បង្ហាញ​ខ្លួន​នៅ UCL

Real Madrid បំបាក់ Celtic ដើម្បី​បញ្ចប់​វគ្គ​វិលជុំ​ក្នុង​ពូ​ល F ជា​ក្រុម​លេខ១

Chelsea ឈ្នះ Dinamo Zagreb ធានា​កៅអី​លេខ​១ ក្នុង​ពូ​ល​នៅ UCL

សៅ រង្សី ចាញ់​អ៊ីរ៉ង់ទាំង​ប្រផិតប្រផើយ​នៃ​ការប្រកួត​ប្រដាល់​សកល​ជើងឯក​អាស៊ី​នៅ​ហ្ស៊​កដា​នី

វីរកីឡាការិនី ខាន់ ចេ​សា ទទួល​បានការ​សាទរ​ជាថ្មី ក្រោយ​ឈ្នះ​មេដាយមាស​ជើងឯក​ពិភពលោក​

ជប៉ុន​ប្រកាស​កីឡាករ ២៦​នាក់​មុនគេ​សម្រាប់ World Cup និង​ដាក់​គោលដៅ​ឡើង​ដល់​វគ្គ ៨​ក្រុម​

Manchester City ទំនង​ដាក់​កីឡាករ​ក្មេងៗ​ចូល​លេង​យប់​នេះ​ទល់នឹង Sevilla

Spurs ឡើង​វគ្គ ១៦​ក្រុម​ចុងក្រោយ UCL ក្រោយ​ឈ្នះ​នៅ​ទឹកដី Marseille

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ទៅដី Sociedad យប់នេះ Man United គ្មាន Antony, Sancho និង Martial

Benfica ស៊ុត ៦គ្រាប់នៅទឹកដីអ៊ីស្រាអែលទំលាក់ PSG ទៅលេខ២

Rico Lewis ក្លាយជាកីឡាករក្មេងបំផុតដែលស៊ុតបញ្ចូលទីបានក្នុងប្រកួតដំបូងនៃការបង្ហាញខ្លួននៅ UCL

Real Madrid បំបាក់ Celtic ដើម្បីបញ្ចប់វគ្គវិលជុំក្នុងពូល F ជាក្រុមលេខ១

Chelsea ឈ្នះ Dinamo Zagreb ធានាកៅអីលេខ១ ក្នុងពូលនៅ UCL

សៅ រង្សី ចាញ់អ៊ីរ៉ង់ទាំងប្រផិតប្រផើយនៃការប្រកួតប្រដាល់សកលជើងឯកអាស៊ីនៅហ្ស៊កដានី

វីរកីឡាការិនី ខាន់ ចេសា ទទួលបានការសាទរជាថ្មី ក្រោយឈ្នះមេដាយមាសជើងឯកពិភពលោក

ជប៉ុនប្រកាសកីឡាករ ២៦នាក់មុនគេសម្រាប់ World Cup និងដាក់គោលដៅឡើងដល់វគ្គ ៨ក្រុម

Manchester City ទំនងដាក់កីឡាករក្មេងៗចូលលេងយប់នេះទល់នឹង Sevilla

Spurs ឡើងវគ្គ ១៦ក្រុមចុងក្រោយ UCL ក្រោយឈ្នះនៅទឹកដី Marseille