BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

ព្រឹត្តិការណ៍វាយសី French Open បិទបញ្ចប់ដោយក្រុមវាយសីឥណ្ឌាបង្កើតប្រវត្តិសាស្ត្រ

វាយសី៖ ព្រឹត្តិការណ៍វាយសីជើងឯក French Open បានបិទបញ្ចប់នៅថ្ងៃអាទិត្យម្សិលមិញ ជាមួយនឹងការប្រកួតវិញ្ញាសាវាយគូបុរសចុងក្រោយគេ។ ក្រុមវាយសីឥណ្ឌាដែលមានកីឡាករ Satwiksairaj Rankireddy និង Chirag Shetty បានបង្កើតប្រវត្តិសាស្ត្រជាមួយនឹងការគ្រងជើងឯក French Open វិញ្ញាសាវាយគូបុរស និងក្លាយជាកីឡាករឥណ្ឌាទី១ ដែលឈ្នះជើងឯកវាយសីក្នុងក្របខណ្ឌ BMF 750 Series។ Satwiksairaj Rankireddy និង Chirag Shetty ដែលម្ចាស់មេដាយមាសនៅកីឡាករ Commonwealth នោះបានយកឈ្នះដៃគូកីឡាករឆៃនីសតៃប៉ិ Lu Ching-yao និង Yang Po-han ដោយលទ្ធផល ២១-១៣ និង ២១-១៩។ ងាកមកទស្សនាវិញ្ញាសាផ្សេងទៀតកីឡាការិនីចិន He Bingjiao បានគ្រងជើងឯកលើកទី២ របស់ខ្លួនក្រោយយកឈ្នះកីឡាការិនីអេស្ប៉ាញ Carolina Marin ១៦-២១ ២១-៩ និង ២២-២០ លើវិញ្ញាសាឯកត្តជននារី។ វិញ្ញាសាឯកត្តជនបុរសម្ចាស់មេដាយមាសអូឡាំពិកកីឡាករដាណឺម៉ាក Viktor Axelsen យកឈ្នះមិត្តរួមជាតិ Rasmus Gemke ដើម្បីឈ្នះជើងឯកទី៧ ក្នុងឆ្នាំ២០២២ នេះ។វិញ្ញាសាវាយគូនារីជ័យជំនះបានទៅក្រុមម៉ាឡេស៊ីដែលមានកីឡាការិនី Pearly Tan និង Thinaah Muralitharan ដែលបានយកឈ្នះក្រុមកីឡាការិនីជប៉ុនលំដាប់លេខ៤ ពិភពលោក Mayu Matsumoto និង Waken Nagahara។ ចុងក្រោយវិញ្ញាសាវាយគូបុរសនារី ជើងឯកពិភពលោក ៣សម័យ Zheng Siwei និង Huang Yaqiong យកឈ្នះក្រុមហូឡង់ដែលមាន Robin Tabeling និង Selena Piek នៅវគ្គផ្តាច់ព្រ័ត្រ៕អត្ថបទ៖នាង សុភាវុធ

ឯកឧត្តម នេត សាវឿន បង្ហាញសុទិដ្ឋិនិយមក្នុងការប្រជែងមេដាយមាសស៊ីហ្គេម ក្រោយចប់ពានសម្ដេចតេជោ

បាល់ទះ៖ ឯកឧត្តមនាយឧត្ដមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ និងជាប្រធានសហព័ន្ធកីឡាបាល់ទះកម្ពុជា បានធ្វើការវាយតម្លៃខ្ពស់ចំពោះការរៀបចំការប្រកួតបាល់ទះ ដណ្ដើមពានរង្វាន់សម្ដេចអគ្គមហាសេនាបតីតេជោ ហ៊ុន សែន ឆ្នាំ២០២២ ដែលបញ្ចប់ដោយជោគជ័យ ហើយបានចាត់ទុកជាសញ្ញាណវិជ្ជមានឆ្ពោះទៅដណ្ដើមមេដាយមាសស៊ីហ្គេមលើកទី៣២ ឆ្នាំ២០២៣ នៅកម្ពុជាទៀតផង។ នេះបើតាមការបញ្ជាក់ក្នុងពិធីបិទការប្រកួត នៅសាលទីលានបាល់ទះនៃកីឡដ្ឋានព្រីនស៍កាលពីល្ងាចថ្ងៃទី៣០ ខែតុលា បន្ទាប់ពីព្រឹត្តិការណ៍ដ៏ធំនេះបានដំណើរការប្រកួតដ៏ស្វិតស្វាញ អស់រយៈពេលកន្លះខែកន្លងទៅ ដោយក្រុមបាល់ទះវិសាខាបានគ្រងតំណែងជើងឯក បន្ទាប់ពីយកឈ្នះក្រុមក្រសួងមហាផ្ទៃដោយលទ្ធផល ៣-០សិតក្នុងវគ្គផ្ដាច់ព្រ័ត្រជាមួយពិន្ទុ ២៥-១៧, ២៥-១៨ និង ២៥-១៧ពិន្ទុ។ ឯកឧត្តមសន្ដិតបណ្ឌិតមានប្រសាសន៍ថា ការរៀបចំពានរង្វាន់សម្ដេចតេជោនាយករដ្ឋមន្ដ្រីផ្ដោតលើគោលបំណងសំខាន់ៗរួមមាន៖ ១-ជាផែនការមួយក្នុងការធ្វើឲ្យកីឡាបាល់ទះកម្ពុជាកាន់តែមានគុណភាពខ្ពស់ និងឈានទៅរកស្ដង់ដារកម្រិតពិភពលោក។ ២-ពង្រឹងវិស័យបាល់ទះឲ្យមានសក្ដានុពល និងឲ្យកីឡាបាល់ទះជ្រាបចូលក្នុងក្រអៅបេះដូងរបស់យុវជន រួមចំណែកធ្វើឲ្យប្រជាជនកម្ពុជាមានសុខភាពល្អ និងចៀសឆ្ងាយពីអំពើអបាយមុខផ្សេងៗក្នុងសង្គម។ ៣-បង្កើនកម្រិតសមត្ថភាពឲ្យកាន់តែប្រសើរឡើង សម្រាប់ត្រៀមការប្រកួតសំខាន់ៗនាពេលខាងមុខ ពិសេសជ្រើសរើសកីឡាករ និងចូលជម្រើសជាតិសម្រាប់ត្រៀមស៊ីហ្គេមឆ្នាំ២០២៣។ ៤-ពង្រឹងក្រុមជម្រើសជាតិឆ្ពោះទៅឈ្នះមេដាយមាសស៊ីហ្គេមឆ្នាំ២០២៣ និងប្រកួតអន្ដរជាតិនានា។ក្នុងនាមប្រធានសហព័ន្ធ ឯកឧត្តមនាយឧត្តមសេនីយ៍សន្តិបណ្ឌិត នេត សាវឿន បានបង្ហាញសេចក្ដីរីករាយចំពោះលទ្ធផលទាំងអស់នេះ ក៏ដូចជាអបអរដល់ក្រុមជ័យលាភី ពិសេសក្រុមជម្រើសជាតិកម្ពុជាដែលបានយកឈ្នះក្រុមជម្រើសជាតិគុយបា និងសិង្ហបុរីក្នុងជំនួបមិត្តភាពអន្ដរជាតិ ដើម្បីអបអរសាទរព្រឹត្តិការណ៍នេះ។ ជ័យជម្នះនេះបានបង្ហាញពីសមត្ថភាពក្រុមជម្រើសជាតិកម្ពុជា និងធ្វើឲ្យឯកឧត្តមមានជំនឿយ៉ាងមុតមាំថា កម្ពុជានឹងធ្វើបានល្អ អាចមានឱកាសឈានទៅដណ្ដើមមេដាយមាសកីឡាស៊ីហ្គេមឆ្នាំ២០២៣។ លោកបណ្ឌិត អាំង សិរីពិសិដ្ឋ អគ្គលេខាធិការបានបញ្ជាក់ថា ការប្រកួតនេះពិតជាទទួលបានជោគជ័យយ៉ាងត្រចះត្រចង់ ហើយក៏ជាកម្លាំងចលនាដ៏សំខាន់ សម្រាប់សហព័ន្ធ ដើម្បីឆ្ពោះទៅរករៀបចំព្រឹត្តិការណ៍ធំៗជាបន្ដបន្ទាប់ទៀត ក្នុងន័យជំរុញការអភិវឌ្ឍវិស័យកីឡាបាល់ទះកម្ពុជាឲ្យកាន់តែរីកចម្រើនផងដែរ។គួរដឹងថា ការប្រកួតបាល់ទះពានរង្វាន់សម្ដេចតេជោ ហ៊ុន សែន ឆ្នាំ២០២២ គឺមាន ១២ក្រុមចូលរួមដែលបានដំណើរការប្រកួតកាលពីថ្ងៃទី១៥ ខែតុលាកន្លងទៅ។ បន្ទាប់ពីដំណើរការប្រកួតកន្លះខែទើបរកឃើញក្រុមជ័យលាភី ដោយក្រុមវិសាខាបានគ្រងជើងឯក អមប្រាក់រង្វាន់ ១ម៉ឺនដុល្លារ ខណៈក្រសួងមហាផ្ទៃទទួលបានចំណាត់ថ្នាក់លេខ២ អមប្រាក់រង្វាន់ ៥ពាន់ដុល្លារ និងលេខ៣ បានទៅក្រុមបញ្ជាការដ្ឋានអង្គរក្សដែលទទួលបានប្រាក់រង្វាន់ ៣ពាន់ដុល្លារ បន្ទាប់ពីយកឈ្នះក្រុមកងពលធំអន្តរាគមន៍លេខ៣ ដោយលទ្ធផល ៣-១សិត៕អត្ថបទ៖ លី ឈុនឡា

ស្ថាបនិកព្រឹត្តិការណ៍ Enduro Cross តស៊ូរៀបចំវគ្គទី២ ដោយជោគជ័យ ទោះបីខ្វះខាតការគាំទ្រ

ប្រណាំងម៉ូតូ៖ ព្រឹត្តិការណ៍ប្រណាំងម៉ូតូត្រៃដណ្ដើមជើងឯកឆ្នាំ២០២២ វគ្គទី២ ឬ Enduro Cross Challenge Championship Round 2 Series 2022 បានបញ្ចប់ដោយជោគជ័យកាលពីថ្ងៃទី២៩ ខែតុលាចុងសប្ដាហ៍កន្លងទៅ នៅទីលានសន្ដិភាពក្បែរគល់ស្ពានព្រែកព្នៅ ដោយកីឡាករ-កីឡាការិនីចូលរួមសរុប ១៣០នាក់។ លោក ពេជ្រ សុខា អ្នកផ្ដួចផ្ដើមគំនិតរៀបចំព្រឹត្តិការណ៍នេះបានឲ្យដឹងថា ព្រឹត្តិការណ៍ប្រណាំងម៉ូតូត្រៃឆ្លងកាត់ឧបសគ្គវគ្គទី២ ពិតជាមានភាពជក់ចិត្ត បន្ទាប់ពីគណៈកម្មការបានបន្ថែមនូវឧបសគ្គមួយចំនួន ក្នុងន័យជំរុញសមត្ថភាពកីឡាករចូលរួមឲ្យកាន់តែប្រសើរ។ យ៉ាងណាក្ដី លោកបានបង្ហាញពីការតស៊ូរៀបចំព្រឹត្តិការណ៍នេះរហូតទទួលបានជោគជ័យ ទោះបីខ្វះខាតការឧបត្ថម្ភគាំទ្រពីដៃគូសហការ ក៏ដូចជាការធ្លាក់បន្ដិចបន្ដួចនៃចំនួនកីឡាករចូលរួម បើធៀបនឹងកាលពីវគ្គទី១ ក៏ដោយ។ ដោយឡែកលោក ម៉ៅ វណ្ណៈ តំណាងគណៈកម្មការរៀបចំការប្រកួតដដែល បានសម្ដែងនូវសេចក្ដីរីករាយដែលបានរួមចំណែករៀបចំព្រឹត្តិការណ៍ Enduro Cross Challenge Championship Round 2 Series 2022 រហូតទទួលបានផ្លែផ្កា ទោះបីមានឧបត្ថម្ភក្នុងដំណើរការរៀបចំមួយចំនួនក្ដី។តាមរយៈនេះ លោកបានអំពាវនាវដល់វិស័យឯកជនបន្ដចូលរួមគាំទ្របន្ថែមទៀត ដើម្បីឲ្យគណៈកម្មការរបស់ខ្លួនមានទឹកចិត្តរៀបចំជាបន្ដបន្ទាប់ និងជំរុញវិស័យកីឡាម៉ូតូត្រៃកម្ពុជាកាន់តែរីកចម្រើន។ គួរដឹងថា ពិធីបិទការប្រកួតម៉ូតូត្រៃជើងឯកឆ្នាំ២០២២ វគ្គទី២ នេះបានធ្វើឡើងក្រោមវត្តមានលោក សុឃុន វីរៈ អនុប្រធានសហព័ន្ធកីឡាយានយន្ដកម្ពុជា។ ចំពោះការប្រកួតនេះដែរគឺបានបែងចែកជា ៦ផ្នែកផ្សេងគ្នាក្នុងនោះការប្រកួតកម្រិត A ខ្ពស់ជាងគេ បន្ទាប់មកមានការប្រកួតកម្រិត B, កម្រិត C, ការប្រកួតកម្រិត VIP, ការប្រកួតផ្នែកកីឡាការិនី និងចុងក្រោយគឺការប្រកួតកម្រិតយុវជន៕អត្ថបទ៖ លី ឈុនឡា

កៃ វ៉ាន់ស៊ីដែន ចាត់ទុក សាលី អ៊ូមើត គឺជាផ្នែកមួយនៃជោគជ័យរបស់ខ្លួនលើទឹកដីអាមេរិក

ម៉ូតូទឹក៖ កីឡាករម៉ូតូទឹកជម្រើសជាតិកម្ពុជា កៃ វ៉ាន់ស៊ីដែន បានសម្ដែងការសប្បាយចិត្តជាខ្លាំងដែលដណ្ដើមបានមេដាយមាស ក្នុងការប្រកួតជើងឯកពិភពលោក Jet Ski World Series Season 2022 ជុំទី២ នៅរដ្ឋ Arizona សហរដ្ឋអាមេរិកកាលពីថ្មីៗ។ ក្នុងនោះរូបគេបានបង្ហើបពីបុគ្គលសំខាន់ម្នាក់ ដែលស្ថិតនៅពីក្រោយនៃភាពជោគជ័យលើកដំបូងក្នុងអាជីពនេះគឺសិស្សច្បង សាលី អ៊ូមើត។ ការលើកឡើងនេះ ស្របពេល កៃ វ៉ាន់ស៊ីដែន បានធ្វើដំណើរមកដល់កម្ពុជាកាលពីថ្ងៃទី៣០ ខែតុលា ឆ្នាំ២០២២ ដោយមានការអញ្ជើញទទួលស្វាគមន៍យ៉ាងកក់ក្ដៅពីឯកឧត្តម ណុះ ស្លេះ ប្រធានសហព័ន្ធកីឡាម៉ូតូទឹកកម្ពុជាផងដែរ។ ឈាមថ្មីនៃវិស័យម៉ូតូទឹកកម្ពុជាដដែលបានគូសបញ្ជាក់ថា ការដណ្ដើមបានមេដាយមាសកម្រិតពិភពលោកនេះគឺជាជោគជ័យមួយដ៏ធំ តែក្នុងនោះក៏ខ្លួនមិនភ្លេចវីរៈកីឡាករ សាលី អ៊ូមើត ដែលតែងតែដឹកនាំ បង្ហាត់បង្រៀន និងគាំទ្រគ្រប់បែបយ៉ាងបន្ថែមលើប្រធានក្លិប Flamingo លោក Karl Heinrich Knauf ទើបជំរុញឲ្យខ្លួនសម្រេចសមិទ្ធផលល្អដូច្នេះ។ទន្ទឹមជាមួយគ្នា ឯកឧត្តម ណុះ ស្លេះ បានសម្ដែងការអបអរសាទរចំពោះកីឡាករវ័យក្មេង កៃ វ៉ាន់ស៊ីដែន ដែលបានសាងកំណត់ត្រាថ្មីសម្រាប់ខ្លួនឯង និងធ្វើឲ្យពិភពលោកមានការភ្ញាក់ផ្អើល ចំពោះសមត្ថភាពរបស់កីឡាករកម្ពុជា។ ឯកឧត្តមថា កន្លងមកធ្លាប់តែមាន សាលី អ៊ូមើត ក៏ដូចជា ម៉ីន មូស្ដាន តែងបង្កក្ដីបារម្ភដល់គូប្រជែង តែពេលកម្ពុជា មានយុវជនជំនាន់ថ្មីបន្ថែមទៀត ដើម្បីធ្វើការប្រកួតប្រជែងដោយស្មើមុខមាត់លើឆាកអន្ដរជាតិ ហើយក៏ជាសញ្ញាណវិជ្ជមានសម្រាប់ស៊ីហ្គេមឆ្នាំ២០២៣ នៅកម្ពុជាបន្ថែមទៀតផងដែរ។ គួរដឹងថា ព្រឹត្តិការណ៍ Jet Ski World Series Season 2022 ជុំទី២ នៅអាមេរិកកាលពីដើមខែតុលាកន្លងទៅ កម្ពុជាបានបញ្ជូនកីឡាករ ៥រូបចូលរួម រួមមានកីឡាករ សាលី អ៊ូមើត ជាប្រធានក្រុម, កីឡាករ សាលី ហ្វីលីន, ម៉ីន មូស្ដាន, មីន អូស្មាន់ និងកីឡាករ កៃ វ៉ាន់ស៊ីដែន។ ជាលទ្ធផលកីឡាករ កៃ វ៉ាន់ស៊ីដែន ដណ្ដើមបានមេដាយមាសលើវិញ្ញាសា Novice ski stock ខណៈកីឡាករផ្សេងៗស្ថិតក្នុងចំណោមបេក្ខភាព Top-10 ក្នុងចំណោមកីឡាករខ្លាំងៗលើពិភពលោកចូលរួម៕អត្ថបទ៖ លី ឈុនឡា

ប្រដាល់សកលបញ្ជូនកីឡាករ ៦រូបចូលរួមប្រកួតជើងឯកអាស៊ី ដើម្បីវាស់ស្ទង់សមត្ថភាពត្រៀមស៊ីហ្គេម

ប្រដាល់៖ សហព័ន្ធកីឡាប្រដាល់សកលកម្ពុជាបានបញ្ជូនកីឡាករ ៦រូបទៅចូលរួមប្រកួតជើងឯកអាស៊ី ASBC Asian Elite Men And Women Boxing Championship ឆ្នាំ២០២២ នៅប្រទេសហ្ស៊កដានី ចាប់ពីថ្ងៃទី៣០ ខែតុលារហូតដល់ថ្ងៃទី១៣ ខែវិច្ឆិកា ឆ្នាំ២០២២។ ប្រតិភូ គ្រូបង្វឹក និងកីឡាករប្រដាល់សកលកម្ពុជាបានចាកចេញពីមាតុភូមិកាលពីចុងសប្ដាហ៍កន្លងទៅ ក្រោមការដឹកនាំរបស់លោក ប៊ុយ សុភ័ណ្ឌ អគ្គលេខាធិការសហព័ន្ធ ក្នុងនោះមានកីឡាករ ៤រូបចាកចេញពីកម្ពុជាគឺមានកីឡាករ សៅ រង្សី, នូវ សុខទី, ទូច ដេវីត និង វ៉ែន រដ្ឋា ខណៈ ២រូបទៀតដែលហ្វឹកហាត់ និងធ្វើដំណើរពីប្រទេសអូបេគីស្ថានគឺមានកីឡាករ ណាស្រេឌីនូវ អាន់វ៉ា និងកីឡាករ រ៉ាចាពៅ អាប់ឌុលឡា។ លោក ប៊ុយ សុភ័ណ្ឌ បានបញ្ជាក់ថា បេសកកម្មនេះគឺជាការធ្វើតេស្ដដ៏សំខាន់ សម្រាប់កីឡាករប្រដាល់សកលជម្រើសជាតិកម្ពុជា ដើម្បីត្រៀមឆ្ពោះទៅស៊ីហ្គេមឆ្នាំ២០២៣ ដែលជាការវាស់ស្ទង់សមត្ថភាពរបស់កីឡាករម្នាក់ៗថា ពួកគេឈានដល់កម្រិតណា បន្ទាប់ពីការហ្វឹកហាត់ជាមួយគ្រូបង្វឹកជនជាតិកាហ្សាក់ស្ថានលោក Kassymkhanov Berikbol Amantayevich ដែលឧបត្ថម្ភគាំទ្រដោយគណៈកម្មាធិការជាតិ CAMSOC។លោកថា កីឡាករជម្រើសជាតិប្រដាល់សកលកម្ពុជាពុំសូវមានឱកាសប្រកួតច្រើន ទាំងថ្នាក់ជាតិ និងអន្ដរជាតិ ហេតុនេះទើបសហព័ន្ធជំរុញ និងផ្ដល់ឱកាសឲ្យពួកគេបានចូលរួមប្រកួតលក្ខណៈអន្ដរជាតិ ដែលជាយុទ្ធសាស្ដ្រមួយដ៏សំខាន់ក្នុងការពង្រឹងបច្ចេកទេស ក៏ដូចជាវាស់ស្ទង់នូវកម្រិតរបស់ពួកពួកគេ ថាតើពួកគេឈានដល់កម្រិតណា ដើម្បីឲ្យពួកគេត្រៀមលក្ខណៈបន្ថែមឆ្ពោះទៅដណ្ដើមមេដាយមាសស៊ីហ្គេមឆ្នាំ២០២៣។ អគ្គលេខាធិការសហព័ន្ធដដែល បានបង្ហាញសុទិដ្ឋិនិយមថា ការប្រកួតលើកនេះ កីឡាករប្រដាល់សកលកម្ពុជានឹងអាចធ្វើបានល្អជាងការប្រកួតជើងឯកអាស៊ីលើកមុនៗ ដោយលោកជឿជាក់ពួកគេនឹងអាចយកឈ្នះលើគូប្រកួតរបស់ខ្លួន ដែលមានកម្រិតបច្ចេកទេសប្រហាក់ប្រហែលគ្នាដើម្បីកែប្រែប្រវត្តិសាស្ដ្ររបស់ខ្លួន ដ្បិតកន្លងមកកីឡាប្រដាល់សកលកម្ពុជាពុំធ្លាប់ទទួលបានមេដាយកម្រិតអាស៊ីនោះទេ៕អត្ថបទ៖ លី ឈុនឡា

ម៉ិកស៊ិកចុះកិច្ចព្រមព្រៀងថ្មីរៀបចំ F1 ដល់ឆ្នាំ២០២៥

ប្រណាំងរថយន្ត៖ ទីក្រុង Mexico City ប្រទេសម៉ិកស៊ិកនឹងបន្តរៀបចំព្រឹត្តិការណ៍ F1 ពិភពលោកដល់ឆ្នាំ២០២៥ បន្ទាប់ពីភាគីទាំងពីរម៉ិកស៊ិក និង F1 បានចុះកិច្ចព្រមព្រៀង។ កាលវិភាគមិនខុសពីឆ្នាំនេះឡើយ Mexican Grand Prix ក្នុងកិច្ចព្រមព្រៀងថ្មីចាប់ពីឆ្នាំក្រោយក៏នឹងបន្តរៀបចំនៅក្នុងខែតុលានេះដែរពីថ្ងៃទី២៧ ដល់ ២៩ ខែតុលា ឆ្នាំ២០២៣។ ម៉ិកស៊ិកបានត្រលប់មករៀបចំ F1 សាជាថ្មីកាលពីឆ្នាំ២០១៥ បន្ទាប់ពីខកខានតាំងពីឆ្នាំ១៩៩២។ ជាធម្មតា F1 នៅម៉ិកស៊ិកតែងតែស្ថិតក្នុងសប្តាហ៍ បន្ទាប់ពីការប្រកួតនៅទីក្រុងតិចសាសសហរដ្ឋអាមេរិក។ F1 ចុងសប្តាហ៍នេះនៅលើទឹកដីម៉ិកស៊ិកមិនមែនជាការប្រកួតដ៏តានតឹងអ្វីទៀតឡើយ បន្ទាប់ពីអ្នកបើកបរជើងឯកពិភពលោកបានរកឃើញហើយគឺ Max Verstappen ខណៈក្រុមស្ថាបនិកជើងឯកពិភពលោករកឃើញសប្តាហ៍មុន នៅទឹកដីអាមេរិកគឺក្រុមប្រណាំង Red Bull៕អត្ថបទ៖នាង សុភាវុធ

Park Hang-seo ថានឹងមិនដឹកនាំនៅវៀតណាម រឺកូរ៉េឡើយក្រោយចាកចេញពីក្រុមជម្រើសជាតិ

បាល់ទាត់៖ គ្រូបង្វឹកក្រុមជំរើសជាតិវៀតណាមដែលជោគជ័យបំផុតលោក Park Hang-seo បានប្រកាសកាលពីសប្តាហ៍មុនពីគម្រោងចាកចេញពីតំណែង នៅក្រោយចប់ព្រឹត្តិការណ៍បាល់ទាត់ជើងឯកអាស៊ីអាគ្នេយ៍ AFF Championship។ ជាមួយនឹងការចាកចេញនេះ និយាយក្នុងកិច្ចសម្ភាសន៍មួយជាមួយសារព័ត៌មាន CBS របស់កូរ៉េលោក Park បានបង្ហើបថា លោកនឹងអាចដឹកនាំក្រុមផ្សេងៗ តែមិនមែនក្លិបនៅវៀតណាម រឺកូរ៉េខាងឡើយ។ លោកបានបន្តថា នេះគ្រាន់តែជាគំរោងនៃការគិតរបស់លោកប៉ុណ្ណោះ តែបច្ចុប្បន្នគ្មានផែនការជាក់លាក់ បន្ទាប់ពីចាកចេញពីក្រុមវៀតណាមនោះឡើយ ពោលគឺផ្តោតអារម្មណ៍ដឹកនាំក្រុមជម្រើសជាតិវៀតណាម ឱ្យជោគជ័យនៅព្រឹត្តិការណ៍ AFF Championship សិន។គ្រូបង្វឹកសញ្ជាតិកូរ៉េរូបនេះបានដឹកនាំក្រុមជម្រើសជាតិវៀតណាមលើកពាន AFF Championship ឆ្នាំ២០១៨, ឡើងវគ្គ ៨ក្រុមចុងក្រោយ AFC Asian Cup ២០១៩ និងដឹកនាំក្រុមវៀតណាមឡើងដល់ជុំទី៣ នៃវគ្គជម្រុះបាល់ទាត់ពិភពលោកតំបន់អាស៊ីជាលើកដំបូងក្នុងប្រវត្តិសាស្ត្របាល់ទាត់វៀតណាម។ លោក Park Hang-seo ដែលជាគ្រូបង្វឹកដែលមានប្រជាប្រិយភាពមួយនៅវៀតណាមនោះ ក៏បានដឹកនាំវៀតណាមឈ្នះមេដាយមាសស៊ីហ្គេម ២លើកផងដែរក្នុងការដឹកនាំក្រុមអាយុក្រោម ២៣ឆ្នាំ។ ព្រឹត្តិការណ៍បាល់ទាត់ជើងឯកអាស៊ីអាគ្នេយ៍ AFF Championship ២០២២ នឹងចាប់ផ្តើមនៅថ្ងៃទី២០ ខែធ្នូបញ្ចប់នៅថ្ងៃទី១៦ ខែមករា ឆ្នាំ២០២៣៕អត្ថបទ៖នាង សុភាវុធ

របួសកីឡាករ Arsenal ម្នាក់ និងស្លាប់ម្នាក់ក្នុងហេតុការណ៍អុកឡុកដោយជនមានបញ្ហាផ្លូវចិត្តនៅទីក្រុង Milan

បាល់ទាត់៖ មនុស្សម្នាក់ស្លាប់ និងរបួសមួយចំនួនក្នុងហេតុការណ៍អុកឡុក ដោយបុរសម្នាក់នៅផ្សារទំនើបមួយក្នុងទីក្រុង Milan ប្រទេសអ៊ីតាលី។ របាយការណ៍ព័ត៌មានក្នុងស្រុកឱ្យដឹងថា បុរសវ័យ ៣០ឆ្នាំជាអ្នកគិតលុយក្នុងផ្សារទំនើបបានបាត់បង់ជីវិត នៅពេលបុរសម្នាក់ចាប់ផ្តើមអុកឡុកក្នុងផ្សារទំនើប Carrefour នៅទីក្រុង Milan។ ក្នុងចំណោមអ្នកដែលមានរបួសនោះក៏មានកីឡាករ Pablo Mari ដែលជាកីឡាកររបស់ Arsenal ខ្ចីជើងលេងឱ្យក្លិបអ៊ីតាលី Monza។ កីឡាករវ័យ ២៩ឆ្នាំខ្សែការពារសញ្ជាតិអេស្ប៉ាញរូបនេះមិនមានរបួសអ្វីធ្ងន់ធ្ងរឡើយ គ្រាន់តែមានស្នាមកាំបិតនៅខ្នង។ Pablo Mari និងភរិយារួមជាមួយនឹងកូនបានស្ថិតក្នុងផ្សារទំនើបនោះ អំឡុងពេលកើតហេតុ។ ជនដៃដល់វ័យ ៤៦ឆ្នាំត្រូវបានគេឱ្យដឹងថា មានបញ្ហាផ្លូវចិត្តត្រូវបានប្រជាជននៅទីនោះចាប់ឃាត់ខ្លួន និងប្រគល់ជូនសមត្ថកិច្ច៕អត្ថបទ៖នាង សុភាវុធ

អារ៉ាប៊ីសាអ៊ូឌីតនឹងជាម្ចាស់ផ្ទះរៀបចំការប្រកួត Spanish Super Cup លើកទី៣ នៅខែមករាខាងមុខ

បាល់ទាត់៖ ការប្រកួតពានរង្វាន់ Spanish Super Cup នឹងរៀបចំនៅប្រទេសអារ៉ាប៊ីសាអ៊ូឌីតសាជាថ្មីនៅខែមករា ឆ្នាំ២០២៣ ខាងមុខ នេះបើសេចក្តីប្រកាសរបស់សហព័ន្ធបាល់ទាត់អេស្ប៉ាញនៅថ្ងៃព្រហស្បតិ៍ម្សិលមិញ។ រដ្ឋធានី Riyadh ប្រទេសអារ៉ាប៊ីសាអ៊ូឌីតនឹងទទួលស្វាគមន៍ក្លិបអេស្ប៉ាញចំនួន ៤ រួមមាន Real Madrid, Valencia, Real Betis និង Barcelona ក្នុងការប្រកួតដណ្តើមជើងឯក។ នេះជាលើកទី៣ ហើយដែលអារ៉ាប៊ីសាអ៊ូឌីតទទួលរៀបចំការប្រកួតពានរង្វាន់ Spanish Super Cup នេះក្រោមកិច្ចព្រមព្រៀងដែលមានរយៈពេលដល់ឆ្នាំ២០២៩។ Real Madrid គឺជាក្រុមការពារតំណែងជើងឯកបន្ទាប់ពីយកឈ្នះ Athletic Bilbao ២-០ កាលពីដើមឆ្នាំ២០២២ នេះ។ Real Madrid នឹងត្រូវជួបជាមួយ Valencia ខណៈ Real Betis ជួប Barcelona ដើម្បីរកក្រុមឡើងវគ្គផ្តាច់ព្រ័ត្រដែលគ្រោងធ្វើឡើងនៅថ្ងៃទី១៥ ខែមករា ឆ្នាំ២០២៣ ខាងមុខនេះ៕អត្ថបទ៖នាង សុភាវុធ

ឯកឧត្តម ថោង ខុន ជំរុញកីឡាកាយសម្ព័ន្ធចូលរួមប្រកួតអន្ដរជាតិ ដើម្បីសម្រេចសន្ទស្សន៍មេដាយមាសស៊ីហ្គេម

កាយសម្ព័ន្ធ៖ ឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាប្រធានសហព័ន្ធកីឡាកាយសម្ព័ន្ធកម្ពុជា បានជំរុញកីឡាករ-កីឡាការិនីកាយសម្ព័ន្ធចូលរួមប្រកួតលក្ខណៈអន្ដរជាតិឲ្យបានច្រើន មុនឈានដល់ការប្រកួតកីឡាស៊ីហ្គេមឆ្នាំ២០២៣ ដើម្បីឈានទៅសម្រេចសន្ទស្សន៍មេដាយមាសយ៉ាងតិច ១គ្រឿងក្នុងព្រឹត្តិការណ៍ជាប្រវត្តិសាស្ដ្រ។ នេះបើយោងតាមប្រសាសន៍របស់ឯកឧត្តម នៅពិធីបិទការប្រកួតកីឡាកាយសម្ព័ន្ធជ្រើសរើសជើងឯកថ្នាក់ជាតិ និងពានរង្វាន់ឯកឧត្តមបណ្ឌិត ថោង ខុន លើកទី៦ ឆ្នាំ២០២២ កាលល្ងាចថ្ងៃទី២៧ ខែតុលានេះ បន្ទាប់ពីដំណើរការប្រកួតយ៉ាងស្វិតស្វាញអស់រយៈពេលជិត ១សប្ដាហ៍កន្លងទៅនៅពហុកីឡដ្ឋានជាតិ ដោយមានកីឡាករ-កីឡាការិនីចំនួន ៦៤នាក់មកពី ៥ក្រសួង និងខេត្តចូលរួម។ ឆ្លៀតឱកាសនោះ ឯកឧត្តមរដ្ឋមន្ដ្រីបានផ្ដល់អនុសាសន៍ ៥ចំណុច ដើម្បីជំរុញការអភិវឌ្ឍវិស័យមួយនេះ ឆ្ពោះទៅរកភាពរីកចម្រើនទាំងបរិមាណ និងគុណភាព ពិសេសដើម្បីសម្រេចសន្ទស្សន៍មេដាយមាសយ៉ាងតិច ១គ្រឿងក្នុងការប្រកួតកីឡាស៊ីហ្គេមឆ្នាំ២០២៣ ដែលដាក់ចេញដោយគណៈកម្មាធិការជាតិ CAMSOC ក្នុងនោះឯកឧត្តមបានសង្កត់ធ្ងន់ ពាក់ព័ន្ធការបញ្ជូនកីឡាករ-កីឡាការិនីចូលរួមប្រកួតអន្ដរជាតិតែម្ដង។ឯកឧត្តមបណ្ឌិត ថោង ខុន បញ្ជាក់ថា កីឡាករ-កីឡាការិនីត្រូវបញ្ចូនចូលរួមប្រកួតលក្ខណៈអន្ដរជាតិឲ្យបានច្រើន ដើម្បីពង្រឹងសមត្ថភាព បច្ចេកទេស និងបទពិសោធន៍មុនស៊ីហ្គេមកដល់ ពិសេសគឺដកស្រង់បទពិសោធន៍ដែលកីឡាកាយសម្ព័ន្ធកម្ពុជា សម្រេចបានក្នុងការប្រកួតស៊ីហ្គេមនៅវៀតណាម និងការប្រកួតជើងឯកអាស៊ីនៅថៃនាពេលកន្លងមក ដើម្បីឆ្ពោះទៅសម្រេចគោលដៅដែលសហព័ន្ធបានដាក់នាឆ្នាំ២០២៣។ ក្នុងអនុសាសន៍ដដែល ឯកឧត្តមក៏បានជំរុញឲ្យពង្រឹងសមត្ថភាពអាជ្ញាកណ្ដាល ចៅក្រម មន្ដ្រីបច្ចេកទេសឲ្យកាន់តែប្រសើរ ទាំងបរិមាណ និងគុណភាព តាមរយៈការបញ្ជូនចូលរួមព្រឹត្តិការណ៍ជាតិ និងអន្ដរជាតិនានា ដើម្បីបង្កើតនសមត្ថភាពត្រៀមរៀបចំការប្រកួតកីឡាស៊ីហ្គេមនៅកម្ពុជា ឲ្យទទួលបានជោគជ័យផងដែរ។លោក ណយ ផាណា អគ្គលេខាធិការសហព័ន្ធបានបញ្ជាក់ថា ពាក់ព័ន្ធនឹងការប្រកួតអន្ដរជាតិ សហព័ន្ធពុំមានបំណងរៀបចំការប្រកួតក្នុងស្រុកនោះទេ តែសហព័ន្ធបានប្ដេជ្ញាបញ្ជូនកីឡាករ-កីឡាការិនីចូលរួមប្រកួតអន្ដរជាតិនៅក្រៅស្រុកឲ្យបានច្រើនបំផុត រាល់ពេលមានការប្រកួតនានា ដើម្បីធានាបាននូវការពង្រឹងសមត្ថភាព បច្ចេកទេស និងគុណផលកីឡាកម្រិតខ្ពស់ ដើម្បីឆ្ពោះទៅដណ្ដើមមេដាយមាសស៊ីហ្គេមឆ្នាំ២០២៣។ ដោយឡែកពាក់ព័ន្ធការប្រកួតជើងឯកថ្នាក់ជាតិ និងពានរង្វាន់ឯកឧត្តមបណ្ឌិត ថោង ខុន ឆ្នាំនេះគឺបានធ្វើការប្រកួតលើ ១៣វិញ្ញាសាដែលជាផែនការមួយឆ្ពោះទៅស៊ីហ្គេម។ ជាលទ្ធផលក្រុមកីឡាកាយសម្ព័ន្ធមកពីក្លិបក្រសួងមហាផ្ទៃ ដណ្ដើមបានមេដាយច្រើនជាងគេសរុប ១០គ្រឿង (មាស ៥ ប្រាក់ ៣ និងសំរឹទ្ធ ២), ខេត្ដក្រចេះឈរលេខ២ ដណ្ដើមបានមេដាយសរុប ១១គ្រឿង (មាស ៤ ប្រាក់ ៣ និងសំរឹទ្ធ ៤) និងខេត្តកំពង់ឆ្នាំងឈរលេខ៣ ដណ្ដើមបានមេដាយសរុប ១២គ្រឿង (មាស ៣, ប្រាក់ ៧ និងសំរឹទ្ធ ២)៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ព្រឹត្តិការណ៍វាយសី French Open បិទបញ្ចប់ដោយក្រុមវាយសីឥណ្ឌាបង្កើតប្រវត្តិសាស្ត្រ

ឯកឧត្តម នេត សាវឿន បង្ហាញសុទិដ្ឋិនិយមក្នុងការប្រជែងមេដាយមាសស៊ីហ្គេម ក្រោយចប់ពានសម្ដេចតេជោ

ស្ថាបនិកព្រឹត្តិការណ៍ Enduro Cross តស៊ូរៀបចំវគ្គទី២ ដោយជោគជ័យ ទោះបីខ្វះខាតការគាំទ្រ

កៃ វ៉ាន់ស៊ីដែន ចាត់ទុក សាលី អ៊ូមើត គឺជាផ្នែកមួយនៃជោគជ័យរបស់ខ្លួនលើទឹកដីអាមេរិក

ប្រដាល់សកលបញ្ជូនកីឡាករ ៦រូបចូលរួមប្រកួតជើងឯកអាស៊ី ដើម្បីវាស់ស្ទង់សមត្ថភាពត្រៀមស៊ីហ្គេម

ម៉ិកស៊ិកចុះកិច្ចព្រមព្រៀងថ្មីរៀបចំ F1 ដល់ឆ្នាំ២០២៥

Park Hang-seo ថានឹងមិនដឹកនាំនៅវៀតណាម រឺកូរ៉េឡើយក្រោយចាកចេញពីក្រុមជម្រើសជាតិ

របួសកីឡាករ Arsenal ម្នាក់ និងស្លាប់ម្នាក់ក្នុងហេតុការណ៍អុកឡុកដោយជនមានបញ្ហាផ្លូវចិត្តនៅទីក្រុង Milan

អារ៉ាប៊ីសាអ៊ូឌីតនឹងជាម្ចាស់ផ្ទះរៀបចំការប្រកួត Spanish Super Cup លើកទី៣ នៅខែមករាខាងមុខ

ឯកឧត្តម ថោង ខុន ជំរុញកីឡាកាយសម្ព័ន្ធចូលរួមប្រកួតអន្ដរជាតិ ដើម្បីសម្រេចសន្ទស្សន៍មេដាយមាសស៊ីហ្គេម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ព្រឹត្តិការណ៍​វាយ​សី French Open បិទ​បញ្ចប់​ដោយ​ក្រុម​វាយ​សី​ឥណ្ឌា​បង្កើត​ប្រវត្តិសាស្ត្រ

ស្ថាបនិក​ព្រឹត្តិការណ៍​ Enduro Cross ​តស៊ូ​រៀបចំ​វគ្គ​ទី​២ ដោយ​ជោគជ័យ ទោះបី​ខ្វះខាត​ការគាំទ្រ​

កៃ វ៉ាន់​ស៊ី​ដែន ចាត់​ទុក សាលី អ៊ូ​មើ​ត គឺជា​ផ្នែក​មួយ​នៃ​ជោគជ័យ​របស់​ខ្លួន​លើ​ទឹកដី​អាមេរិក

ប្រដាល់សកល​បញ្ជូន​កីឡាករ ៦​រូប​ចូលរួម​ប្រកួត​ជើងឯក​អាស៊ី ដើម្បី​វាស់​ស្ទង់​សមត្ថភាព​ត្រៀម​ស៊ី​ហ្គេម

ម៉ិ​ក​ស៊ិ​ក​ចុះ​កិច្ចព្រមព្រៀង​ថ្មី​រៀបចំ F1 ដល់​ឆ្នាំ​២០២៥

Park Hang-seo ថា​នឹងមិន​ដឹកនាំ​នៅ​វៀតណាម ​រឺ​កូរ៉េ​ឡើយ​ក្រោយ​ចាក​ចេញពី​ក្រុម​ជម្រើសជាតិ​

អារ៉ាប៊ីសាអ៊ូឌីត​នឹង​ជា​ម្ចាស់ផ្ទះ​រៀបចំ​ការប្រកួត Spanish Super Cup លើក​ទី​៣ នៅ​ខែមករា​ខាងមុខ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព្រឹត្តិការណ៍វាយសី French Open បិទបញ្ចប់ដោយក្រុមវាយសីឥណ្ឌាបង្កើតប្រវត្តិសាស្ត្រ

ស្ថាបនិកព្រឹត្តិការណ៍ Enduro Cross តស៊ូរៀបចំវគ្គទី២ ដោយជោគជ័យ ទោះបីខ្វះខាតការគាំទ្រ

កៃ វ៉ាន់ស៊ីដែន ចាត់ទុក សាលី អ៊ូមើត គឺជាផ្នែកមួយនៃជោគជ័យរបស់ខ្លួនលើទឹកដីអាមេរិក

ប្រដាល់សកលបញ្ជូនកីឡាករ ៦រូបចូលរួមប្រកួតជើងឯកអាស៊ី ដើម្បីវាស់ស្ទង់សមត្ថភាពត្រៀមស៊ីហ្គេម

ម៉ិកស៊ិកចុះកិច្ចព្រមព្រៀងថ្មីរៀបចំ F1 ដល់ឆ្នាំ២០២៥

Park Hang-seo ថានឹងមិនដឹកនាំនៅវៀតណាម រឺកូរ៉េឡើយក្រោយចាកចេញពីក្រុមជម្រើសជាតិ

អារ៉ាប៊ីសាអ៊ូឌីតនឹងជាម្ចាស់ផ្ទះរៀបចំការប្រកួត Spanish Super Cup លើកទី៣ នៅខែមករាខាងមុខ