BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

Ronaldo ស៊ុតគ្រាប់ទី៧០១ ជាមួយក្លិបអាជីព ខណៈ Man Utd ឈ្នះ Sheriff Tiraspol នៅ Europa League

បាល់ទាត់៖ ខ្សែប្រយុទ្ធព័រទុយហ្កាល់ Cristiano Ronaldo បានត្រលប់មកចាប់ផ្តើម ១១នាក់ដំបូងជាមួយក្រុមបិសាចក្រហម Manchester United ឡើងវិញ និងរកបានគ្រាប់ទី៧០១ ជាមួយក្លិបអាជីពក្នុងជ័យជំនះ ៣-០ លើ Sheriff Tiraspol នៅក្របខណ្ឌ UEFA Europa League។ បន្ទាប់ពីត្រូវបានកាត់ចេញពីបញ្ជីឈ្មោះពេល Manchester United ស្មើនៅទឹកដី Chelsea សប្តាហ៍មុន ជាមួយនឹងមួយសប្តាហ៍ដែលពេញដោយបញ្ហានោះ Cristiano Ronaldo មានឱកាសជាច្រើនតែមិនមានសំណាង។ Diogo Dalot និង Marcus Rashford រកបានម្នាក់មួយក្នុងមុនពេលដែលកីឡាករវ័យ ៣៧ឆ្នាំ Cristiano Ronaldo ស៊ុតបញ្ចូលទីបានសំរេចនៅនាទីទី៨១ ដោយការបញ្ជូនពី Bruno Fernandes។ លទ្ធផលនេះធ្វើឱ្យ Manchester United បន្តឈរលេខ២ ក្នុងពូល E តាមពីក្រោយ Real Sociedad ៣ពិន្ទុ មានន័យថា ក្រុមទាំងពីរនឹងត្រូវសម្រេចថាក្រុមណាឈរលេខ១ នៅពេលជួបគ្នាសប្តាហ៍ក្រោយនៅទឹកដីអេស្ប៉ាញ។Manchester United ត្រូវការឈ្នះនៅទឹកដីអេស្ប៉ាញលើសពី ២គ្រាប់ដើម្បីឈរលេខ១ ក្នុងពូល បើមិនដូច្នោះទេនឹងបញ្ចប់ពូលឈរលេខ២ ដែលនឹងត្រូវលេង Play-Off ជាមួយក្រុមដែលធ្លាក់ពី UEFA Champions League។ ងាកមកក្រុមកាំភ្លើងធំ Arsenal វិញបានរងបរាជ័យនៅទឹកដីហូឡង់ PSV Eindhoven ២-០ ដែលធ្វើឱ្យ Arsenal ខកខានធានាកៅអីលេខ១ ក្នុងពូល។ Arsenal កំពុងនាំមុខគេក្នុងពូល A នេះនាំមុខក្រុមលេខ២ PSV ២ពិន្ទុមានន័យថា Arsenal ត្រូវការឈ្នះពេលទទួលក្រុមស្វីស FC Zurich សប្តាហ៍ក្រោយនៅ Emirate Stadium៕អត្ថបទ៖នាង សុភាវុធ

ក្រសួងអប់រំជំរុញការអនុវត្តន៍ម៉ោងអប់រំកាយ និងកីឡាឲ្យបាន ២ម៉ោងក្នុងមួយសប្ដាហ៍

កីឡា៖ ក្រសួងអប់រំ យុវជន និងកីឡាបានជំរុញទាំងថ្នាក់ជាតិ និងថ្នាក់ក្រោមជាតិមានមន្ទីរអប់រំ យុវជន និងកីឡា គ្រប់រាជធានី-ខេត្តទាំង ២៥ និងថ្នាក់ក្រុង ស្រុក ខណ្ឌ ត្រូវអនុវត្តន៍ម៉ោងអប់រំកាយ និងកីឡាឲ្យបាន ២ម៉ោងក្នុងមួយសប្ដាហ៍ ដើម្បីជំរុញឲ្យសកម្មភាពអប់រំកាយ និងកីឡានៅតាមគ្រឹះស្ថានសិក្សាចំណេះទូទៅ និងឧត្តមសិក្សាកាន់តែមានការរីកចម្រើន និងប្រសិទ្ធភាពខ្ពស់។ នេះបើតាមការបញ្ជាក់របសលោក ដួង មាសចំរើន អគ្គនាយករងនៃអគ្គនាយកដ្ឋានកីឡា ថ្លែងក្នុងពិធីបិទសិក្ខាសាលាស្ដីពីការរៀបចំចងក្រងទិន្នន័យតេស្ដកាយសម្បទាអាស៊ានពីអាយុ ៧ ដល់ ២៤ឆ្នាំនៅគ្រឹះស្ថានសិក្សាចំណេះទូទៅ និងឧត្តមសិក្សាកាលពីថ្ងៃទី២៧ ខែតុលា ឆ្នាំ២០២២ បន្ទាប់ពីដំណើរការរយៈពេល ២ថ្ងៃនៅពហុកីឡដ្ឋានជាតិ ក្រោមការៀបចំរបស់នាយកដ្ឋានអប់រំកាយ និងកីឡា។ ក្នុងនាមក្រសួងអប់រំ លោកបានវាយតម្លៃខ្ពស់ចំពោះការរៀបចំសិក្ខាសាលានេះឡើង ដើម្បីផ្សព្វផ្សាយដល់មន្ដ្រីទទួលបន្ទុកអប់រំកាយ និងកីឡាថ្នាក់ក្រោមជាតិឲ្យបានយល់ពីគុណតម្លៃ នៃមុខវិជ្ជាអប់រំកាយ និងកីឡា និងការរៀបចំចងក្រងទិន្នន័យតេស្ដកាយសម្បទាអាស៊ាន ឲ្យបានត្រឹមត្រូវស្របតាមស្ដង់ដាររបស់អាស៊ានឲ្យមានប្រសិទ្ធភាពខ្ពស់ និងគ្រប់ជ្រុងជ្រោយនៅតាមគ្រឹះស្ថានសិក្សាទាំងបីកម្រិត។លោកបានបញ្ជាក់ថា ក្រសួងរៀបចំវគ្គសិក្ខាសាលានេះតែមួយលើកគត់ដល់ថ្នាក់ក្រោមជាតិ ដោយមន្ទីរអប់រំ យុវជន និងកីឡារាជធានី-ខេត្ត ត្រូវអនុវត្តបន្ដពីក្រសួងឲ្យមានប្រសិទ្ធភាពខ្ពស់ ដោយអនុវត្តតាមការណែនាំដូចជា៖១-ត្រូវជ្រើសរើសគ្រូឧទ្ទេសថ្នាក់រាជធានី ខេត្ត ដោយជ្រើសរើចេញពីសាលាកម្រងមួយ ដែលនាយក នាយិកា មានការគ្រប់គ្រងល្អ ទទួលខុសត្រូវខ្ពស់លើការងារអប់រំកាយ និងកីឡា ព្រមទាំងគ្រូគ្រប់កម្រិតដែលមានឧបនិស្ស័យមកបំប៉ន ដើម្បីក្លាយជាគ្រូឧទ្ទេសថ្នាក់ក្រុង ស្រុករបស់ខ្លួន។២-គ្រូឧទ្ទេសមុខវិជ្ជាអប់រំកាយ និងកីឡាថ្នាក់ក្រុង ស្រុក ខណ្ឌ មានភារកិច្ចបង្រៀនបន្ដទៅសាលាកម្រងដែលមាននៅក្នុងក្រុង ស្រុក ខណ្ឌរបស់ខ្លួន ដោយឲ្យពួកគាត់ក្លាយជាគ្រូឧទ្ទេសថ្នាក់ក្រង បន្ទាប់មកពួកគាត់យកចំណេះដឹងនេះ ទៅបង្រៀនដល់លោកគ្រូ-អ្នកគ្រូនៅសាលាកម្រងរបស់គាត់ផ្ទាល់។៣-គ្រូឧទ្ទេសថ្នាក់កម្រងមានភារកិច្ចកោះហៅសាលាឧបសម្ព័ន្ធ មកបំប៉នឲ្យពួកគាត់ក្លាយជាគ្រូឧទ្ទេសថ្នាក់សាលាសម្ព័ន្ធ បន្ទាប់មកពួកគាត់យកចំណេះដឹងនេះទៅបង្រៀនដល់លោកគ្រូ អ្នកគ្រូ នៅសាលាសម្ព័ន្ធរបស់គាត់ផ្ទាល់។៤-ខេត្តដែលមានគ្រូឧទ្ទេសភូមិភាគ ដែលជ្រើសរើសដោយគ្រូឧទ្ទេសថ្នាក់ជាតិ សហការជាមួយអង្គការបេះដូងមាស ឲ្យពួកគាត់ជាអ្នកសម្របសម្រួល ឬជាគ្រូឧទ្ទេសសហការជាមួយគ្រូឧទ្ទេសថ្នាក់ក្រុង ស្រុក អនុវត្តន៍ការងារនេះ ។៥-ការពិនិត្យតាមដាន និងវាយតម្លៃ ក្រសួងសហការជាមួយមន្ទីររាជធានី-ខេត្តចុះពិនិត្យសកម្មភាពបង្រៀនរបស់គ្រូ និងការរៀនរបស់សិស្សជាប្រចាំ រៀបចំចងក្រងទិន្នន័យតេស្ដជារៀងរាល់ដើមឆ្នាំសិក្សាឲ្យបានរួចរាល់ បញ្ជូនទិន្នន័យនោះមកការិយាល័យអប់រំ យុវជន និងកីឡាក្រុង ស្រុក ខណ្ឌ ចំណែកក្រុង ស្រុក ខណ្ឌ ធ្វើការពិនិត្យរួចរាល់បញ្ជូនទិន្នន័យនោះមកការិយាល័យជំនាញមន្ទីរ។ភារកិច្ចទាំងអស់នេះត្រូវអនុវត្តន៍ជាប្រព័ន្ធ ហើយគ្រប់មន្ទីរអប់រំ យុវជន និងកីឡាគ្រប់រាជធានី-ខេត្តត្រូវបន្ដការងារនេះពីក្រសួង ដោយតម្រូវឲ្យអនុវត្តន៍ឲ្យទទួលបានជោគជ័យ ដោយលើកយកយុទ្ធសាស្ដ្រទាំងអស់នេះទៅអនុវត្តន៍នៅក្នុងគ្រឹះស្ថានបឋមសិក្សា មធ្យមសិក្សាចំណេះទូទៅ និងឧត្តមសិក្សា។ នេះបើតាមការបញ្ជាក់បន្ថែមរបស់លោក ដួង មាសចំរើន៕អត្ថបទ៖ លី ឈុនឡា

កីឡាវាយសីបើកវគ្គបណ្ដុះបណ្ដាលអាជ្ញាកណ្ដាល-ចៅក្រមអន្ដរជាតិ ដើម្បីបង្កើនសមត្ថភាពត្រៀមស៊ីហ្គេម

កីឡាវាយសី៖ សហព័ន្ធកីឡាវាយសីកម្ពុជាបានរៀបចំវគ្គបណ្ដុះបណ្ដាលអាជ្ញាកណ្ដាល ចៅក្រមកម្រិតអន្ដរជាតិឆ្នាំ២០២២ ដើម្បីជំរុញ និងបង្កើនសមត្ថភាពមន្ដ្រីបច្ចេកទេសកម្ពុជា ឆ្ពោះទៅរកការរៀបចំការប្រកួតអន្ដរជាតិ ពិសេសការប្រកួតកីឡាស៊ីហ្គេមឆ្នាំ២០២៣ នៅកម្ពុជានាពេលដ៏ខ្លីខាងមុខ។ឯកឧត្តម ជាម សុភា អគ្គលេខាថិការសហព័ន្ធបានបញ្ជាក់ថា នេះជាលើកទី២ ហើយដែលសហព័ន្ធបានរៀបចំវគ្គបណ្ដុះបណ្ដាលកម្រិតអន្ដរជាតិនេះឡើង ក្នុងគោលបំណងជំរុញអាជ្ញាកណ្ដាល ចៅក្រមកីឡាវាយសីកម្ពុជាបោះជំហានទៅកាន់អន្ដរជាតិ ពិសេសត្រៀមចូលរួមកាត់សេចក្ដី អំឡុងពេលកម្ពុជាធ្វើម្ចាស់ផ្ទះការប្រកួតកីឡាស៊ីហ្គេមនាឆ្នាំ២០២៣។សូមបញ្ជាក់ថា វគ្គបណ្តុះបណ្តាលអជ្ញាកណ្ដាល ចៅក្រម កីឡាវាយសីកម្រិតអន្តរជាតិដែលរៀបចំដោយសហព័ន្ធកីឡាវាយសីកម្ពុជាមានរយៈពេល ៥ថ្ងៃចាប់ពីថ្ងៃទី២៧ ដល់ថ្ងៃទី៣១ ខែតុលា ឆ្នាំ២០២២ នៅទីស្នាក់ការគណៈកម្មាធិការជាតិអូឡាំពិកកម្ពុជា ដោយមានសិក្ខាកាមចូលរួមសរុប ៤៨នាក់ សិក្សាទ្រឹស្តី និងការអនុវត្តផ្ទាល់ ដែលបង្រៀនដោយគ្រូឧទ្ទេសលោកស្រី YAU LIN NA មកពីសហព័ន្ធកីឡាវាយសីអាស៊ី៕អត្ថបទ៖ លី ឈុនឡា

កាតាប្រកាសលុបចោលការធ្វើតេស្តរកកូវីដ-១៩ មុនធ្វើដំណើរទៅ World Cup

បាល់ទាត់៖ ក្រសួងសុខាភិបាលកាតាបានបញ្ជាក់កាលពីថ្ងៃពុធថា សម្រេចលុបចោលការធ្វើតេស្តរកកូវីដ-១៩ មុនធ្វើដំណើរចូលប្រទេសសម្រាប់ព្រឹត្តិការណ៍បាល់ទាត់ពិភពលោក FIFA World Cup 2022 នេះ។ ការបន្ធូរបន្ថយចុងក្រោយបំផុតក្នុងវិធានការប្រឆាំង COVID នឹងចូលជាធរមាននៅថ្ងៃទី១ ខែវិច្ឆិកា ១៩ថ្ងៃមុនពេលការប្រកួតបាល់ទាត់ពិភពលោកលើកដំបូងនៅលើទឹកដីអារ៉ាប់ចាប់ផ្តើមនៅថ្ងៃទី២០ ខែវិច្ឆិកា។ អ្នកគាំទ្រ កីឡាករ មន្ត្រី បុគ្គលិក និងប្រព័ន្ធផ្សព្វផ្សាយគឺជាលំហូរដ៏ធំបំផុតនៃអ្នកទស្សនា ដែលនឹងមកដល់ក្នុងប្រទេសកាតាដ៏តូចដែលមានប្រជាជនត្រឹមតែ ២.៩លាននាក់ប៉ុណ្ណោះ។ សេចក្តីថ្លែងការណ៍មួយបាននិយាយថា "អ្នកទស្សនាមិនត្រូវបានតម្រូវឱ្យបង្ហាញលទ្ធផលអវិជ្ជមាននៃ COVID-19 ពីការធ្វើតេស្តដោយ PCR ឬការធ្វើតេស្តរហ័សមុនពេលធ្វើដំណើរទៅប្រទេសកាតាទៀតទេ"។ ក្រសួងសុខាភិបាលកាតាបានបន្ថែមថា ប្រជាពលរដ្ឋ និងអ្នករស់នៅប្រទេសកាតាក៏នឹងលែងត្រូវការធ្វើតេស្ត PCR ឬតេស្តរហ័សទៀតដែរ។ការប្រកួតរយៈពេល ២៩ថ្ងៃនឹងក្លាយជាព្រឹត្តិការណ៍កីឡាពិភពលោកដ៏ធំលើកដំបូង ដែលមានអ្នកគាំទ្រចាប់តាំងពីជំងឺរាតត្បាត COVID-19 បានផ្ទុះឡើងក្នុងខែធ្នូ ឆ្នាំ២០១៩ ដែលបានសម្លាប់មនុស្សជាង ៦លាននាក់។ រំលឹកថា ការពន្យារពេលកាលពីឆ្នាំមុននៃព្រឹត្តិការណ៍អូឡាំពិកទីក្រុងតូក្យូឆ្នាំ២០២០ ត្រូវបានរៀបចំឡើងភាគច្រើនដោយបិទទ្វារ ហើយការប្រកួតកីឡាអូឡាំពិករដូវរងានៅទីក្រុងប៉េកាំងឆ្នាំ២០២២ ត្រូវបានប្រារព្ធឡើងក្នុងវិធានការសុខាភិបាលយ៉ាងតឹងរ៉ឹងបំផុត៕អត្ថបទ៖នាង សុភាវុធ

Varane នឹងបន្តអវត្តមានដល់ World Cup ខណៈ Ronaldo ស្ថិតបញ្ជីត្រៀមប្រកួតយប់នេះ

បាល់ទាត់៖ ខ្សែការពារកណ្តាលរបស់ក្រុមជម្រើសជាតិបារាំង Raphael Varane នឹងបន្តអវត្តមានពីក្រុមបិសាចក្រហម Manchester United ដល់ World Cup ខណៈ Cristiano Ronaldo ត្រលប់មកហ្វឹកហាត់វិញ និងស្ថិតក្នុងបញ្ជីឈ្មោះត្រៀមប្រកួតរាត្រីនៅក្របខណ្ឌ UEFA Europa League។ Raphael Varane បានទទួលរងរបួសជើងអំឡុងការប្រកួតដែល Manchester United ស្មើនៅទឹកដី Chelsea សប្តាហ៍មុន ខណៈ Ronaldo ត្រូវបានលោក Erik ten Hag កាត់ឈ្មោះចេញ។ លោក Erik ten Hag បានបញ្ជាក់ពីស្ថានភាពរបួសរបស់ Varane ថា កីឡាករបារាំងរូបនេះនឹងមិនអាចចូលបានឡើយក្នុងរយៈពេលនេះដល់ World Cup តែជុំវិញសំណួរថា តើគេអាចមានមុខនៅ World Cup រឺអត់គឺត្រូវចាំមើលស្ថានភាពវិវឌ្ឍនៃការជាសះស្បើយជាក់ស្តែង។ កីឡាករវ័យ ២៩ឆ្នាំរូបនេះបានទទួលរងរបួសនេះនៅពេលដណ្តើមបាល់ជាមួយ Aubameyang។ងាកមក Cristiano Ronaldo វិញស្ថានភាពហាក់បានប្រសើរឡើងវិញ បន្ទាប់ពីសប្តាហ៍នៃភាពតានតឹងកន្លងមក។ កីឡាករវ័យ ៣៧រូបនេះក្រោយមកក៏បានសុំទោសនូវសកម្មភាពរបស់ខ្លួន និងមិនបន្ទោសអ្នកណាទាំងអស់ តែបន្ទោសទៅលើបរិយាសកាសជុំវិញខ្លួនដែលឈានការធ្វើទង្វើបែបនេះ។ រំលឹកថា កីឡាករវ័យ ៣៧ឆ្នាំរូបនេះបានបដិសេធមិនផ្លាស់ប្តូរចូលនៅចុងម៉ោងពេល Manchester United យកឈ្នះ Tottenham Hotspur កាលពីថ្ងៃពុធសប្តាហ៍មុន ហើយក្រោយមកក៏ត្រូវបានដកឈ្មោះពីបញ្ជីក្រុមពេលស្មើនៅទឹកដី Chelsea កាលពីថ្ងៃសៅរ៍។ Ronaldo ត្រូវបានគេរំពឹងថានឹងចូលលេងវិញពេល Manchester United ទទួល Sheriff Tiraspol នៅថ្ងៃព្រហស្បតិ៍នេះនៃក្របខណ្ឌ UEFA Europa League៕អត្ថបទ៖នាង សុភាវុធ

VAR រារាំងគ្រាប់បាល់ជ័យជំនះរបស់ Spurs លើ Sporting Lisbon

បាល់ទាត់៖ ក្រុម Tottenham Hotspur ត្រូវរង់ចាំដល់ប្រកួតចុងក្រោយក្នុងពូល D ដើម្បីដឹងថា ឡើងជុំបន្តរឺអត់បន្ទាប់ពីស្មើគ្នា ១-១ ក្នុងទឹកដីរបស់ខ្លួនទល់នឹងក្រុមភ្ញៀវ Sporting Lisbon យប់មិញ។ ជ័យជំនះប្រកួតនេះ Spurs នឹងធានាបានកៅអីជុំបន្តតែ Sporting Lisbon បាននាំមុខមុននៅនាទីទី២២ ដោយ Marcus Edward ដែលជាអតីតកីឡាករយុវជនរបស់ Spurs។ ក្រុមរបស់លោក Antonio Conte ត្រូវរង់ចាំដល់នាទីទី៨០ ទើបអាចរកបានគ្រាប់តាមស្មើវិញដោយ Rodrigo Bentancur។ ជាថ្មីម្តងទៀតរឿងហេតុចម្រូងចម្រាសកើតឡើងនៅចុងម៉ោង បន្ទាប់ពី Harry Kane ស៊ុតគ្រាប់ជ័យជំនះឱ្យ Spurs នៅនាទីចុងក្រោយឡើងទៅជុំបន្តនោះ VAR មើលឃើញថា បាល់នេះស្ថិតក្នុងជំហរក្រៅល្បែងទៅវិញ។ អ្នកចាត់ការ Spurs លោក Antonio Conte បានហៅការសម្រេចរបស់អាជ្ញាកណ្តាលតាមរយៈ VAR នេះបានបំផ្លាញអ្វីៗគ្រប់យ៉ាងរបស់ក្លិប។ អ្នកវិភាគការប្រកួតនេះលោក Chris Sutton ដែលអតីតកីឡាកររបស់ Blackburn និង Chelsea និយាយថា លោកមើលម្តងហើយម្តងទៀតកាន់តែឃើញថា បាល់នេះមិនស្ថិតក្នុងជំហរក្រៅល្បែង ដែលនេះជាមូលហេតុដែល VAR ត្រូវប្រើពេលយូរទម្រាំផ្តល់ព័ត៌មានឱ្យអាជ្ញាកណ្តាលសម្រេច ខណៈកីឡាករ គ្រូបង្វឹក និងអ្នកគាំទ្រ Spurs បានអបអរសាទររួចទៅហើយ។ លទ្ធផលនេះធ្វើឱ្យក្រុមទាំងអស់ក្នុងពូល D នេះត្រូវរង់ចាំដល់ប្រកួតចុងក្រោយដើម្បីដឹងថា ក្រុមណាឡើងក្រុមណាធ្លាក់ បន្ទាប់ពីប្រកួតក្នុងពូលនេះដែរ Frankfurt យកឈ្នះ Marseille ២-១។ Spurs លេខ១ ក្នុងពូលមាន ៨ពិន្ទុតាមពីក្រោយដោយ Sporting និង Frankfurt មាន ៧ពិន្ទុដូចគ្នា និង Marseille ៦ពិន្ទុ៕អត្ថបទ៖នាង សុភាវុធ

Bayern Munich និង Inter Milan ដឹកដៃគ្នាឡើងវគ្គបន្ត ខណៈ Barcelona ធ្លាក់ត្រឹមវគ្គវិលជុំ

បាល់ទាត់៖ ក្រុមអេស្ប៉ាញ FC Barcelona បានធ្លាក់ត្រឹមវគ្គវិលជុំក្នុងពូលនៃក្របខណ្ឌ UEFA Champions League ក្រោយបរាជ័យក្នុងទឹកដីខ្លួនឯងក្រោមស្នាដៃក្រុមជើងឯកអាល្លឺម៉ង់ Bayern Munich។ តាមពិតទៅ Barcelona ដឹងខ្លួនថាធ្លាក់តាំងពីមិនទាន់ប្រកួតម្ល៉េះដោយសារតែ Inter Milan បញ្ចប់ការប្រកួតមុនដោយយកឈ្នះ Viktoria Plzen ៤-០ ធានាបានកៅអីលេខ២ ក្នុងពូល។ ជំនួបបង្គ្រប់កិច្ចនៅទឹកដី Camp Nou ក្រុមភ្ញៀវ Bayern Munich ក៏មិនបង្អង់ដៃដែរ ខណៈកីឡាករបីនាក់ Sadio Mane, Choupo-Moting និង Benjamin Pavard រកបានម្នាក់មួយគ្រាប់។ បរាជ័យនេះធ្វើឱ្យ Barcelona បានត្រឹមធានាកៅអីលេខ៣ ក្នុងពូល C នេះមាន ៤ពិន្ទុនៅសល់ឱកាសធ្លាក់ទៅលេងក្របខណ្ឌ Europa League។ ចំណែក Inter Milan ដែលប្រកួតមុននៅទឹកដីអ៊ីតាលីនោះដឹងច្បាស់ថា ជ័យជំនះនឹងធានាឱ្យពួកគេឡើងវគ្គបន្ត ហើយក៏មិនធ្វើឱ្យឱកាសបាត់បង់ដែរ។អតីតកីឡាកររបស់ក្រុមនៅទីក្រុង Manchester ទាំងអស់បានស៊ុតបញ្ចូលទី ៤គ្រាប់នៃជ័យជំនះរបស់ Inter Milan រួមមានអតីតកីឡាកររបស់ Manchester United, Henrikh Mkhitaryan និង Romelu Lukaku រកបានម្នាក់មួយគ្រាប់ និងអតីតខ្សែប្រយុទ្ធ Manchester City, Edin Dzeko រកបានពីរគ្រាប់ម្នាក់ឯង។ បីពិន្ទុនេះធ្វើឱ្យ Inter Milan ធានាបានកៅអីឡើងវគ្គ ១៦ក្រុមចុងក្រោយបន្ទាប់ពីដាច់ Barcelona ដល់ទៅ ៦ពិន្ទុ ខណៈនៅសល់មួយប្រកួតទៀតបញ្ចប់វគ្គវិលជុំក្នុងពូល៕អត្ថបទ៖នាង សុភាវុធ

Atletico Madrid ភ្លាត់បាល់ ១១ម៉ែត្រចុងម៉ោងបានត្រឹមស្មើជាមួយ Leverkusen ដឹកដៃគ្នាធ្លាក់ពី UCL

បាល់ទាត់៖ ក្រុមអេស្ប៉ាញ Atletico Madrid បានធ្លាក់ចេញពីក្របខណ្ឌ UEFA Champions League ហើយក្រោយស្មើជាមួយក្រុមភ្ញៀវអាល្លឺម៉ង់ Bayer Leverkusen ២-២ ដឹកដៃគ្នាធ្លាក់ទាំងពីរ។ ក្រុមទាំងពីរសុទ្ធតែមានឱកាសអ៊ុតប្រកួតចុងក្រោយទាំងអស់មុនការប្រកួតនេះ តែត្រូវការឈ្នះរៀងខ្លួន។ Moussa Diaby បើកការនាំមុខមុនឱ្យ Leverkusen មុនពេលដែល Yannick Carrasco តាមស្មើវិញត្រឹមនាទីទី២២។ Leverkusen ដែលដឹកនាំដោយ Xabi Alonso ក៏បាននាំមុខសាជាថ្មីដោយខ្សែប្រយុទ្ធអង់គ្លេស Callum Hudson-Odoi តែ Atletico Madrid ក៏តាមស្មើម្តងទៀតនៅដើមវគ្គទី២ ដោយ Rodrigo de Paul។ ក្រុមរបស់លោក Diego Simeone គួរតែឈ្នះការប្រកួតនេះទៅហើយ តែរឿងមិនគួរឱ្យជឿនៅចុងម៉ោងនោះគឺបាល់ប៉ះដៃនៅចុងម៉ោង អាជ្ញាកណ្តាលផ្តល់បាល់ ១១ម៉ែត្រឱ្យ Atletico Madrid តែ Yannick Carrasco ដដែលស៊ុតមិនចូល ខណៈដែល Saul Niguez តែតបន្ថែមបុករបាទីទៅទៀត។លទ្ធផលនេះធ្វើឱ្យក្រុមទាំងពីរអស់ឱកាសទៅវគ្គបន្តដោយ Atletico Madrid ឈរលេខ៣ មាន ៥ពិន្ទុ ខណៈដែល Leverkusen មាន ៤ពិន្ទុសល់ឱកាសប្រជែងគ្នាមួយប្រកួតចុងក្រោយដើម្បីកៅអី Europa League។ ចំណែកឯមួយប្រកួតទៀតក្នុងពូលនេះដែរ Club Bruges ដែលធានាកៅអីជុំបន្តទៅហើយនោះចាញ់ក្រុមភ្ញៀវ Porto ៤-០ តែក្រុមទាំងពីរដឹកដៃគ្នាឡើងជុំបន្ត៕អត្ថបទ៖នាង សុភាវុធ

លោក Keisuke Honda មានផែនការ ២ ត្រៀមស៊ីហ្គេម តែថាពិបាករើសកីឡាករប្រកួតជើងឯកអាស៊ាន

បាល់ទាត់៖ លោក Keisuke Honda អ្នកចាត់ការទូទៅក្រុមបាល់ទាត់ជម្រើសជាតិកម្ពុជា បានបង្ហាញផែនការសំខាន់ៗ ២ សម្រាប់ត្រៀមការប្រកួតកីឡាស៊ីហ្គេមឆ្នាំ២០២៣ នៅកម្ពុជា ទី១-ការបោះជំរំហ្វឹកហាត់ និងទី២-ការប្រើប្រាស់កីឡាករលើសអាយុដូចបណ្ដាប្រទេសមួយចំនួនធ្លាប់ធ្វើកន្លងមក។ ការលើកឡើងនេះ បន្ទាប់ពីសហព័ន្ធបានរៀបចំនូវកម្មវិធីជួបសំណេះសំណាលតាម Online មួយកាលពីរសៀលថ្ងៃទី២៦ ខែតុលា រវាងលោក Keisuke Honda ជាមួយមហាជន ពិសេសអ្នកគាំទ្រក្រុមគោព្រៃកម្ពុជា ដែលបើកឲ្យមានការចោទសួរជាច្រើនពាក់ព័ន្ធការងារក្រុមជម្រើសជាតិ ក៏ដូចជាការងារមួយចំនួន។ លោក Honda បានឆ្លើយតបនឹងចម្ងល់ពាក់ព័ន្ធនឹងការត្រៀមលក្ខណៈការប្រកួតកីឡាស៊ីហ្គេមឆ្នាំ២០២៣ ថា ទី១-នឹងមានការប្រមូលផ្ដុំ ទាំងក្នុងស្រុក និងក្រៅស្រុកមួយចំនួន ដើម្បីពេលវេលាគ្រប់គ្រាន់ក្នុងការធ្វើការងារជាមួយគ្នា ក៏ដូចជាធ្វើការអភិវឌ្ឍន៍កីឡាករ ទាំងផ្នែកបច្ចេកទេស កល្បិច និងកាយសម្បទាជាដើម សម្រាប់ត្រៀមព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជា។ចំណែកផែនការទី២ ពាក់ព័ន្ធជាមួយការប្រើប្រាស់កីឡាករលើសអាយុ តែលោកមិនបញ្ជាក់អត្តសញ្ញាណកីឡាកររូបណាខ្លះទេ គ្រាន់តែកីឡាករលើសអាយុដែលនឹងមានឱកាសចូលរួម ការប្រកួតកីឡាស៊ីហ្គេមឆ្នាំក្រោយនេះ ត្រូវជាកីឡាករដែលមានលក្ខណៈពិសេសអាចជួយក្រុមបាន ដែលក្រុមការងាររបស់ខ្លួនកំពុងធ្វើការងារនេះជាបណ្ដើរៗផងដែរ។ទោះបីការត្រៀមស៊ីហ្គេមហាក់មានពេលវេលាគ្រប់គ្រាន់ តែក្រឡេកមកចាប់អារម្មណ៍ការប្រកួតជើងឯកអាស៊ីអាគ្នេយ៍ AFF Mitsubishi Electric Cup 2022 នាចុងឆ្នាំនេះវិញ អ្នកចាត់ការទូទៅដដែលហាក់មានកង្វល់ក្នុងការជ្រើសរើសកីឡាករ ដ្បិតមិនសូវមានពេលវេលាច្រើន ពិសេសពិបាកជ្រើសរើសកីឡាករ ៤ក្រុមក្រោមគេនៃក្របខណ្ឌលីគកំពូលតែម្ដង។ លោក Keisuke Honda បានគូសបញ្ជាក់ថា ដោយសារលីគបានបញ្ចប់ការប្រកួត ៣ជុំធ្វើឲ្យ ៤ក្រុមបាតតារាងត្រូវផ្អាកសកម្មភាពប្រកួត។ ដូច្នេះការជ្រើសរើសកីឡាករក៏ជួបការលំបាកដែរ។ អាស្រ័យហេតុនេះលោកនឹងផ្ដោតសំខាន់លើកីឡាករនៃបេក្ខភាព ៤ក្រុមចុងក្រោយក្នុងក្របខណ្ឌលីគកំពូល ដើម្បីជ្រើសរើសពួកគេចូលរួមប្រកួតជើងឯកអាស៊ីនាចុងឆ្នាំនេះ។ អតីតកីឡាករជម្រើសជាតិជប៉ុនរូបនេះបានបន្ថែមថា ពាក់ព័ន្ធនឹងការជ្រើសរើសកីឡាករត្រៀមប្រកួតជើងឯកអាស៊ាននឹងផ្ដោតលើកីឡាករក្រុមធំ តែក៏មានកីឡាករវ័យក្មេងមួយចំនួនដែរដើម្បីជាការបន្សាំពួកគេឲ្យកាន់តែប្រសើរ សម្រាប់ត្រៀមការប្រកួតកីឡាស៊ីហ្គេមឆ្នាំ២០២៣ ដែលបានកំណត់វិញ្ញាសាបាល់ទាត់ផ្នែកបុរសគឺក្រុមយុវជនអាយុក្រោម ២២ឆ្នាំ៕អត្ថបទ៖ លី ឈុនឡា

Liverpool ឡើងវគ្គ ១៦ក្រុម ខណៈ Napoli បន្តឈ្នះ ៥ប្រកួតផ្ទួនៗនៅ UCL

បាល់ទាត់៖ ក្រុមជើងឯករង UEFA Champions League ហង្សក្រហម Liverpool បានកក់កៅអីនៅវគ្គ ១៦ក្រុមចុងក្រោយហើយក្រោយយកឈ្នះនៅទឹកដី Ajax Amsterdam ៣-០។ Liverpool បានទុកស្ថិតិអាក្រក់នៅលីគក្នុងស្រុកមួយឡែក និងបើកការនាំមុខនៅទឹកដីហូឡង់នៅនាទីទី៤២ ដោយ Mohamed Salah។ វគ្គទី២ Liverpool កាន់តែលេងបានល្អជាងវគ្គទី១ ទៅទៀតតាមរយៈការគ្រប់គ្រងបាល់ និងបង្កើតឱកាសជាច្រើនរហូតរកបានពីរគ្រាប់បន្ថែមដោយ Darwin Nunez និង Harvey Elliott។ បីពិន្ទុនេះបានធានាឱ្យក្រុមរបស់លោក Jurgen Klopp ឡើងវគ្គ ១៦ក្រុមចុងក្រោយដោយមាន ១២ពិន្ទុពីការប្រកួត ៥លើក។ងាកមកក្រុមនាំមុខគេក្នុងពូល A នេះ Napoli ដែលកក់កៅអីជុំបន្តទៅហើយនោះ មិនបង្អង់ដៃឡើយដោយបានយកឈ្នះក្រុមភ្ញៀវស្កុតឡេន Rangers ៣-០ ទៀត។ Giovanni Simeone រកបានពីរគ្រាប់ម្នាក់ឯង និង Leo Ostigard មួយគ្រាប់។ ជ័យជំនះនេះធ្វើឱ្យ Napoli ក្លាយជាក្រុមអ៊ីតាលីទី១ ដែលឈ្នះ ៥ប្រកួតដំបូងក្នុងពូលរាប់តាំងពីឆ្នាំ២០០៥ ដែលធ្វើបានដោយ Juventus៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Ronaldo ស៊ុតគ្រាប់ទី៧០១ ជាមួយក្លិបអាជីព ខណៈ Man Utd ឈ្នះ Sheriff Tiraspol នៅ Europa League

ក្រសួងអប់រំជំរុញការអនុវត្តន៍ម៉ោងអប់រំកាយ និងកីឡាឲ្យបាន ២ម៉ោងក្នុងមួយសប្ដាហ៍

កីឡាវាយសីបើកវគ្គបណ្ដុះបណ្ដាលអាជ្ញាកណ្ដាល-ចៅក្រមអន្ដរជាតិ ដើម្បីបង្កើនសមត្ថភាពត្រៀមស៊ីហ្គេម

កាតាប្រកាសលុបចោលការធ្វើតេស្តរកកូវីដ-១៩ មុនធ្វើដំណើរទៅ World Cup

Varane នឹងបន្តអវត្តមានដល់ World Cup ខណៈ Ronaldo ស្ថិតបញ្ជីត្រៀមប្រកួតយប់នេះ

VAR រារាំងគ្រាប់បាល់ជ័យជំនះរបស់ Spurs លើ Sporting Lisbon

Bayern Munich និង Inter Milan ដឹកដៃគ្នាឡើងវគ្គបន្ត ខណៈ Barcelona ធ្លាក់ត្រឹមវគ្គវិលជុំ

Atletico Madrid ភ្លាត់បាល់ ១១ម៉ែត្រចុងម៉ោងបានត្រឹមស្មើជាមួយ Leverkusen ដឹកដៃគ្នាធ្លាក់ពី UCL

លោក Keisuke Honda មានផែនការ ២ ត្រៀមស៊ីហ្គេម តែថាពិបាករើសកីឡាករប្រកួតជើងឯកអាស៊ាន

Liverpool ឡើងវគ្គ ១៦ក្រុម ខណៈ Napoli បន្តឈ្នះ ៥ប្រកួតផ្ទួនៗនៅ UCL

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Ronaldo ស៊ុត​គ្រាប់​ទី​៧០១ ជាមួយ​ក្លិប​អាជីព ​ខណៈ Man Utd ឈ្នះ Sheriff Tiraspol នៅ Europa League

ក្រសួង​អប់រំ​ជំរុញ​ការ​អនុវត្តន៍​ម៉ោង​អប់រំ​កាយ និង​កីឡា​ឲ្យ​បាន ២​ម៉ោង​ក្នុង​មួយ​សប្ដាហ៍​

កាតា​ប្រកាស​លុបចោល​ការធ្វើ​តេស្ត​រក​កូ​វីដ​-១៩ មុន​ធ្វើដំណើរ​ទៅ World Cup

Varane នឹង​បន្ត​អវត្តមាន​ដល់ World Cup ខណៈ Ronaldo ស្ថិត​បញ្ជី​ត្រៀម​ប្រកួត​យប់​នេះ​

VAR រារាំង​គ្រាប់​បាល់​ជ័យជំនះ​របស់ Spurs លើ Sporting Lisbon

Bayern Munich និង Inter Milan ដឹក​ដៃ​គ្នា​ឡើង​វគ្គ​បន្ត​ ខណៈ Barcelona ធ្លាក់​ត្រឹម​វគ្គ​វិលជុំ

Atletico Madrid ភ្លាត់​បាល់ ១១​ម៉ែត្រ​ចុង​ម៉ោង​បាន​ត្រឹម​ស្មើ​ជាមួយ Leverkusen ដឹក​ដៃ​គ្នា​ធ្លាក់​ពី UCL

លោក Keisuke Honda មាន​ផែនការ ២​ ត្រៀម​ស៊ី​ហ្គេម តែ​ថា​ពិបាក​រើស​កីឡាករ​ប្រកួត​ជើងឯក​អាស៊ាន​

Liverpool ឡើង​វគ្គ ១៦​ក្រុម ​ខណៈ Napoli បន្ត​ឈ្នះ ៥​ប្រកួត​ផ្ទួនៗ​នៅ UCL

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Ronaldo ស៊ុតគ្រាប់ទី៧០១ ជាមួយក្លិបអាជីព ខណៈ Man Utd ឈ្នះ Sheriff Tiraspol នៅ Europa League

ក្រសួងអប់រំជំរុញការអនុវត្តន៍ម៉ោងអប់រំកាយ និងកីឡាឲ្យបាន ២ម៉ោងក្នុងមួយសប្ដាហ៍

កាតាប្រកាសលុបចោលការធ្វើតេស្តរកកូវីដ-១៩ មុនធ្វើដំណើរទៅ World Cup

Varane នឹងបន្តអវត្តមានដល់ World Cup ខណៈ Ronaldo ស្ថិតបញ្ជីត្រៀមប្រកួតយប់នេះ

VAR រារាំងគ្រាប់បាល់ជ័យជំនះរបស់ Spurs លើ Sporting Lisbon

Bayern Munich និង Inter Milan ដឹកដៃគ្នាឡើងវគ្គបន្ត ខណៈ Barcelona ធ្លាក់ត្រឹមវគ្គវិលជុំ

Atletico Madrid ភ្លាត់បាល់ ១១ម៉ែត្រចុងម៉ោងបានត្រឹមស្មើជាមួយ Leverkusen ដឹកដៃគ្នាធ្លាក់ពី UCL

លោក Keisuke Honda មានផែនការ ២ ត្រៀមស៊ីហ្គេម តែថាពិបាករើសកីឡាករប្រកួតជើងឯកអាស៊ាន

Liverpool ឡើងវគ្គ ១៦ក្រុម ខណៈ Napoli បន្តឈ្នះ ៥ប្រកួតផ្ទួនៗនៅ UCL