BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

Chelsea ស្គាល់ជ័យជំនះនៅ UCL រដូវកាលនេះក្រោយឈ្នះ AC Milan

បាល់ទាត់៖ ក្រុមជើងឯកឆ្នាំ២០២១ តោខៀវ Chelsea ទីបំផុតរកបានជ័យជំនះដំបូងរបស់ខ្លួនក្នុងរដូវកាលនេះនៅក្របខណ្ឌ UEFA Champions League ក្រោយយកឈ្នះក្រុមជើងឯកអ៊ីតាលី AC Milan នៅ Stamford Bridge ៣-០។ នេះជាជ័យជំនះដំបូងផងដែរនៅ UCL ក្នុងអាជីពរបស់អ្នកចាត់ការថ្មី Graham Potter។ ខ្សែការពារតម្លៃថ្លៃ Wesley Fofana រកបានគ្រាប់ដំបូងរបស់ខ្លួននៅ Chelsea ខណៈ Pierre-Emerick Aubameyang និង Reece James រកបានម្នាក់មួយគ្រាប់ផងដែរ។ ខ្សែការពារតម្លៃ ៧០លានផោន Wesley Fofana ក្រោយមកក៏មានរបួស និងត្រូវផ្លាស់ចេញត្រឹមនាទីទី៣៨។ ជ័យជំនះនេះធ្វើឱ្យ Chelsea ឡើងមកលេខ២ ក្នុងពូល E មាន ៤ពិន្ទុស្មើ AC Milan។ ក្រុមឈរលើគេក្នុងពូលគឺ Red Bull Salzburg ដែលបានយកឈ្នះ Dinamo Zagreb ១-០៕អត្ថបទ៖នាង សុភាវុធ

ប្រមុខតេក្វាន់ដូ ITF កម្ពុជាប្រាប់កីឡាករ-កីឡាការិនីកុំបាក់ទឹកចិត្ត ទោះបរាជ័យចូលស៊ីហ្គេមឆ្នាំ២០២៣

តេក្វាន់ដូ៖ ឯកឧត្តម កែវ រ៉េមី ប្រធានសហព័ន្ធកីឡាតេក្វាន់ដូ ITF កម្ពុជាបានប្រកាសថា ការបញ្ចូលប្រភេទកីឡារបស់ខ្លួនចូលក្នុងស៊ីហ្គេមឆ្នាំ២០២៣ ត្រូវបានបរាជ័យ បន្ទាប់ពីមានការរារាំងពីប្រទេសមួយដែលឯកឧត្តមិនបានបញ្ជាក់ឈ្មោះ មិនឲ្យបណ្ដាប្រទេសអាស៊ានចូលរួម។ យ៉ាងណាក្ដីឯកឧត្តមបានប្រាប់កីឡាករ-កីឡាការិនីរបស់ខ្លួនកុំឲ្យបាក់ទឹកចិត្ត ត្រូវខិតខំប្រឹងប្រែងបន្ថែមដើម្បីត្រៀមការប្រកួតអន្ដរជាតិនានា។ ថ្លែងក្នុងពិធីបិទការប្រកួតជើងឯកថ្នាក់ជាតិកាលពីថ្មីៗ ឯកឧត្តមបានគូសបញ្ជាក់ថា ដោយសារតេក្វាន់ដូ ITF កម្ពុជាខ្លាំងពេក ទើបត្រូវប្រទេសមួយដើរខ្ទប់បណ្ដាប្រទេសអាស៊ានមិនឲ្យបញ្ជូនតេក្វាន់ដូ ITF មកប្រកួតស៊ីហ្គេមឆ្នាំ២០២២។ ទោះបែបនេះ ក៏ឯកឧត្តមថ្លែងនូវអំណរគុណចំពោះសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ដែលបានជំរុញឲ្យគណៈកម្មាធិការជាតិ CAMSOC ក៏ដូចជាក្រសួងអប់រំ យុវជន និងកីឡា ដាក់បញ្ចូលតេក្វាន់ដូ ITF ចូលក្នុងស៊ីហ្គេមឆ្នាំ២០២៣ ទោះបីត្រូវបរាជ័យយ៉ាងណាក៏ដោយ។ ប្រមុខសហព័ន្ធដដែល បានរំលេចថា កីឡាតេក្វាន់ដូ ITF កម្ពុជា តាំងពីគេមិនស្គាល់ អត់មានអ្នកស្គាល់ថា តេក្វាន់ដូ ITF ម៉េច រហូតត្រូវបានគេស្គាល់ ស្គាល់ដល់អន្ដរជាតិ ហើយឯកឧត្តមផ្ទាល់បានក្លាយជាប្រធានសហព័ន្ធតេក្វាន់ដូ ITF អាស៊ីអាគ្នេយ៍ និងជាអនុប្រធានសហព័ន្ធអន្ដរជាតិ ពិសេសត្រូវបានថ្នាក់ដឹកនាំកំពូលប្រទេសកម្ពុជា គឺសម្ដេចតេជោនាយករដ្ឋមន្ដ្រីទទួលស្គាល់ ITF ថា ជាប្រភេទកីឡាតេក្វាន់ដូខ្លាំង។ ក៏ប៉ុន្ដែដោយសារខ្លាំងពេក ទើបគេបិទខ្ទប់ ដោយយកបញ្ហានយោបាយ ជាឬសគល់នៃការរារាំងនេះ។ឯកឧត្តម កែវ រ៉េមី បានពន្យល់បន្ថែមថា កីឡាមានសារៈសំខាន់ណាស់ ហើយការព្យាយាមដាក់តេក្វាន់ដូ ITF ក្នុងស៊ីហ្គេមឆ្នាំ២០២៣ ក៏ដើម្បីជំរុញឲ្យជាតិសាសន៍ ២ ដែលកំពុងបែកបាក់គ្នា មានការរួបរួមគ្នាឡើងវិញតាមរយៈកីឡា។ ប៉ុន្ដែផ្ទុយទៅវិញ ជាតិសាសន៍ ២ នោះដែលពុំត្រូវបានឯកឧត្តមបញ្ជាក់ឈ្មោះថា នៅតែប្រឆាំងគ្នាឥតឈប់ឈរ ទោះបីជាបងប្អូននឹងគ្នាក្ដី។ តាមរយៈការប្រឆាំងគ្នាឥតឈប់ឈរនេះ ឯកឧត្តមមើលឃើញថា ជាតិសាសន៍នេះ គ្មានថ្ងៃរួបរួមគ្នាគ្នាបានឡើយ ទោះបីសម្ដេចតេជោ ហ៊ុន សែន ក៏បានធ្វើបទបង្ហាញក្នុងវេទិការពិភពលោក ចង់ឃើញប្រទេសពីរនោះរួបរួមគ្នាដែរយ៉ាងណាក្ដី។ ឯកឧត្តមបានសម្ដែងនូវការសោកស្ដាយ ដែលការព្យាយាមដាក់តេក្វាន់ដូ ITF ចូលស៊ីហ្គេមឆ្នាំ២០២៣ ត្រូវបរាជ័យ។ តែយ៉ាងណាក្ដី ឯកឧត្តមបានក្រើនរំឮកដល់កីឡាករ-កីឡាការិនីកម្ពុជាថា កម្ពុជាគ្មានអ្វីត្រូវចាញ់នោះទេ ព្រោះកន្លងមកប្រភេទកីឡានេះក៏មិនធ្លាប់ចូលស៊ីហ្គេមដែរ ហើយបើបន្ដមិនចូលទៀតក៏មិនថ្វីដែរ។ ប៉ុន្ដែឯកឧត្តមបានដាស់ស្មារតីឲ្យកីឡាករ-កីឡាការិនីទាំងអស់ត្រូវបន្ដការខិតខំប្រឹងប្រែងទៀត ដើម្បីត្រៀមចូលរួមការប្រកួជើងឯកពិភពលោក និងព្រឹត្តិការណ៍អន្ដរជាតិនានាដើម្បីឈ្នះមេដាយ គឺពួកគេអាចលើកទង់ជាតិកម្ពុជាបានដូចគ្នា។ប្រធានសហព័ន្ធដដែលបានសង្កត់ធ្ងន់ថា យ៉ាងម៉េចក៏ដោយមិនត្រូវបាក់ទឹកចិត្តនោះទេ ព្រោះកម្ពុជាអត់ដែលចាញ់ គ្មានអ្វីត្រូវបាត់បង់ឡើយ។ តាំងពីងើបបាត់ដៃទទេរហូតដល់ហក់ចូលទៅស៊ីហ្គេម ត្រូវគេទប់ខ្វែងដៃខ្វៃជើងគឺជាជោគជ័យមួយទៅហើយ។ មានតែកម្ពុជាប៉ុណ្ណោះដែលបង្កើតប្រវត្តិសាស្ដ្របញ្ចូលតេក្វាន់ដូ ITF ចូលស៊ីហ្គេម សូម្បីតែនៅអឺរ៉ុប ពិភពលោកក៏គេទទួលស្គាល់ និងអបអរសាទរចំពោះស្នាដៃតេក្វាន់ដូ ITF របស់កម្ពុជាដែរ។ ក្នុងនាមសហព័ន្ធ ឯកឧត្ដមបានប្ដេជ្ញាបន្ដជំរុញតេក្វាន់ដូ ITF កម្ពុជាឲ្យកាន់តែខ្លាំង ហើយសង្ឃឹមថា ថ្ងៃណាមួយតេក្វាន់ដូ ITF កម្ពុជា នឹងចូលស៊ីហ្គេមឲ្យខានតែបាន៕អត្ថបទ៖ លី ឈុនឡា

បឹងកេត និងវិសាខាទទួលជ័យជម្នះរៀងខ្លួនក្នុងវគ្គ ១/២ ផ្ដាច់ព្រ័ត្រពានសម្ដេចតេជោជើងទី១

បាល់ទាត់៖ ក្រុមបាល់ទាត់បឹងកេត និងវិសាខាបានយកឈ្នះគូប្រកួតរៀងៗខ្លួន សម្រាប់ការប្រកួតវគ្គពាក់កណ្ដាលផ្ដាច់ព្រ័ត្រជើងទី១ នៃពានរង្វាន់សម្ដេចតេជោ ហ៊ុន សែន លើកទី១៦ (ថ្នាក់ជាតិ) កាលពីល្ងាចថ្ងៃទី០៥ ខែតុលា ឆ្នាំ២០២២។ ក្រុមនាគខៀវបឹងកេតបានយកឈ្នះក្រុមភ្ញៀវអគ្គិសនីកម្ពុជា ៣-០ នៅកីឡដ្ឋានខេមបូឌាអ៊ែរវ៉េរបស់ខ្លួន។ គ្រាប់បាល់ជ័យជម្នះរបស់អតីតក្រុមជើងឯកឆ្នាំ២០១៩ ធ្វើសម្រេចដោយកីឡាករ សេត រ៉ូស៊ីប នៅនាទី២២ និង ២គ្រាប់ទៀត រកបានដោយកីឡាករ ម៉ាត់ នូរុណ នៅនាទី២៥ និងនាទី៩០+៣។ រីឯក្រុមវិសាខាបានយកឈ្នះក្រុមម្ចាស់ផ្ទះភ្នំពេញក្រោនដោយលទ្ធផល ២-១។ ជំនួបដ៏តានតឹងក្រោមតំណក់ភ្លៀងនេះ វិសាខា ជាអ្នករកបាន ១គ្រាប់មុនដោយកីឡាករ អ៊ុក សុវណ្ណ នៅនាទីទី៦ តែត្រូវបានកីឡាករ យ៉ែម ដេវីត រកបានគ្រាប់តាមស្មើឲ្យក្រុមភ្នំពេញក្រោនវិញនៅនាទី១៦ ហើយការប្រកួតបានបន្ដរហូតដល់វគ្គទី២ នៅនាទី៥២ ទើបកីឡាករ រ៉ឹង ប៊ុនហៀង រកបាន ១គ្រាប់បន្ថែមឲ្យវិសាខា ដែលជាគ្រាប់បាល់ជ័យជម្នះតែម្ដង។យ៉ាងណាក្ដីការប្រកួតវគ្គពាក់កណ្ដាលផ្ដាច់ព្រ័ត្រ នៃពានរង្វាន់សម្ដេចតេជោនាយករដ្ឋមន្ដ្រីនេះនៅសល់ ១ជើងទៀត ដើម្បីកាត់សេចក្ដីរកបេក្ខភាពឡើងវគ្គផ្ដាច់ព្រ័ត្រផ្លូវការ ដែលការប្រកួតគ្រោងធ្វើឡើងនាថ្ងៃទី១២ ខែតុលាខាងមុខ ដោយក្រុមអគ្គិសនីកម្ពុជាត្រូវបើកទ្វារផ្ទះទទួលក្រុមបឹងកេតវិញម្ដង ខណៈភ្នំពេញក្រោនត្រូវធ្វើដំណើរទៅតតាំងជាមួយក្រុមការពារតំណែងជើងឯកវិសាខាដូចគ្នា៕អត្ថបទ៖ លី ឈុនឡា

បាល់ទាត់ពានរង្វាន់សម្តេចអគ្គមហាសេនាបតីតេជោ ហ៊ុន សែន ២០២២ ឈានដល់វគ្គពាក់កណ្ដាលផ្ដាច់ព្រ័ត្រថ្ងៃពុធនេះ

បាល់ទាត់៖ ការប្រកួតបាល់ទាត់ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៦ ឆ្នាំ២០២២ ថ្ងៃពុធទី៥ ខែតុលានេះ ជាថ្ងៃប្រកួតវគ្គពាក់កណ្តាលផ្តាច់ព្រ័ត្រដោយក្លិបខ្លាំងទាំង៤ រកឃើញហើយ។ នៅកីឡដ្ឋានខេមបូឌា អ៊ែរវ៉េ នាខណ្ឌច្បារអំពៅ ក្លិបបឹងកេតទទួលក្លិបដែលមិនប្រើកីឡាករបរទេសអគ្គិសនីកម្ពុជានៅម៉ោង ៣និង៣០នាទីរសៀល ហើយមានផ្សាយផ្ទាល់តាមទូរទស្សន៍ BTV News។ចំនែកនៅទឹកដី RSN ក្លិបភ្នំពេញក្រោនទទួលក្លិបម្ចាស់ពានវិសាខាម៉ោង ៦និង៣០នាទីល្ងាច។ ចំពោះមុខមុនការប្រកួតមកក្លិបទាំងអស់បានធ្វើហាត់ត្រៀមលក្ខណៈចុងក្រោយ ស្វែងរកកៅអីទៅកាន់វគ្គផ្តាច់ព្រ័ត្រចុងដើមខែក្រោយ។ លោក ហៅ សុជាតិ គ្រូបង្វឹកក្លិបបឹងកេតបានបញ្ជាក់ថា ក្រុមរបស់លោកបានត្រៀមលក្ខណៈរួចរាល់ហើយ។ នេះជាលើកទី៣ ដែលបឹងកេតឡើងវគ្គពាក់កណ្តាលផ្តាច់ព្រ័ត្រតាំងពីពានរង្វាន់សម្តេចតេជោ បង្កើតឡើងក្នុងឆ្នាំ២០០៧ ហើយមានតែឆ្នាំ២០១៩ មួយទេដែលបឹងកេតឡើងដល់វគ្គផ្តាច់ព្រ័ត្រ និងឈ្នះពានលើកដំបូង។ ដើម្បីឡើងមកដល់វគ្គនេះ បឹងកេតបានយកឈ្នះ ២ទល់នឹង០ ក្រៅដី និងស្មើ ៣ទល់នឹង៣ ក្នុងដី សរុបលទ្ធផលរួមបឹងកេតឈ្នះ ៥ទល់នឹង៣។នេះជាលើកទី២ ដែលអគ្គិសនីកម្ពុជាឡើងដល់វគ្គពាក់កណ្តាលផ្តាច់ព្រ័ត្រ ដោយលើកទី១ ធ្វើបាននៅឆ្នាំ២០១៧ តែធ្លាក់ក្រោមថ្វីបច្ចេកទេសរបស់ព្រះខ័នរាជស្វាយរៀង។ តែឆ្នាំនេះអគ្គិសនីកម្ពុជាទម្លាក់ម្ចាស់ពាន ៤សម័យវិញដើម្បីមកជួបបឹងកេត បន្ទាប់ពីជើងទី១ ស្មើគ្នា ១ទល់នឹង១ ក្នុងដី និងជើងទី២ ក្លិបអគ្គិសនីកម្ពុជាឈ្នះ ១ទល់នឹង៣ ក្រៅដី។ជើងទី២ វគ្គពាក់កណ្តាលផ្តាច់ព្រ័ត្រថ្ងៃទី១២ ខែតុលា អគ្គិសនីទទួលបឹងកេតនៅកីឡដ្ឋានអគ្គិសនី និងវិសាខាទទួលភ្នំពេញក្រោននៅពហុកីឡដ្ឋានព្រីនស៍។ សូមជម្រាបជូនថា តាមការគ្រោងទុកវគ្គផ្តាច់ព្រ័ត្រពានរង្វាន់សម្តេចអគ្គមហាសេនាបតីតេជោ ហ៊ុន សែន ឆ្នាំ២០២២ នឹងធ្វើនៅថ្ងៃទី៦ ខែវិច្ឆិកាខាងមុខ ប៉ុន្តែទីកន្លែងប្រកួតមិនទាន់កំណត់នៅឡើយ៕អត្ថបទ៖ គង់ ហួន

Middlesbrough បណ្ដេញអ្នកចាត់ការ Chris Wilder ចេញពីតំណែងក្រោយក្រុមធ្លាក់ដល់លេខ២២

បាល់ទាត់៖ ក្លិប Middlesbrough បានសម្រេចបណ្តេញអ្នកចាត់ការ Chris Wilder ចេញពីតំណែងហើយក្រោយក្លិបធ្លាក់ដល់លេខ២២ ក្នុងតារាងនៅក្របខណ្ឌទី២ League Championship។ Middlesbrough ឈ្នះតែ ២ប្រកួតគត់ក្នុង ១១ប្រកួតចុងក្រោយក្នុងលីគរដូវកាលនេះ ខណៈប្រកួតចុងក្រោយបំផុត Middlesbrough ចាញ់ Coventry City ១-០ កាលពីថ្ងៃសៅរ៍។ គ្រូបង្វឹកវ័យ ៥៥ឆ្នាំរូបនេះទើបតែបានដឹកនាំក្រុមបាន ១១ខែប៉ុណ្ណោះក្រោយទទួលតំណែងបន្តពីលោក Neil Warnock។ ក្នុងចំណោម ១១ខែក្នុងតំណែងលោក Chris Wilder ដឹកនាំក្រុមឈ្នះ ១៨ ក្នុងចំណោម ៤៥ប្រកួតបញ្ចប់រដូវកាលមុនលេខ៧ ក្នុងតារាង។ រដូវកាលមុននេះដែរក្រោមការដឹកនាំលោក Wilder, Middlesbrough ធ្លាប់បានយកឈ្នះ Manchester United និង Tottenham Hotspur នៅ FA Cup៕អត្ថបទ៖នាង សុភាវុធ

អ៊ុយក្រែនគ្រោងចូលរួមជាមួយអេស្ប៉ាញ និងព័រទុយហ្កាល់ដេញថ្លៃធ្វើម្ចាស់ផ្ទះ World Cup 2030

បាល់ទាត់៖ ថ្វីបើកំពុងស្ថិតក្នុងភ្នក់ភ្លើងសង្គ្រាមពីរុស្ស៊ី អ៊ុយក្រែនបានប្រកាសខ្លួនពីគម្រោងចូលរួមជាមយយអេស្ប៉ាញ និងព័រទុយហ្កាល់ក្នុងការដេញថ្លៃធ្វើម្ចាស់ផ្ទះរៀបចំព្រឹត្តិការណ៍បាល់ទាត់ពិភពលោក FIFA World Cup 2030 នេះបើតាមការចុះផ្សាយពីសារព័ត៌មាន The Time នៅថ្ងៃចន្ទម្សិលមិញ។ នៅក្នុងគម្រោងរបស់អ៊ុយក្រែន គឺចង់រួមចំនែកធ្វើជាម្ចាស់ផ្ទះរៀបចំការប្រកួតក្នុងពូលមួយចំនួន ដែលត្រូវបានគេដឹងថា នេះជាផែនការមួយរបស់ប្រធានាធិបតីអ៊ុយក្រែនបច្ចុប្បន្នលោក Volodymyr Zelenskiy។ របាយការណ៍ដដែលបន្ថែមថា សហព័ន្ធបាល់ទាត់អេស្ប៉ាញ និងព័រទុយហ្កាល់នឹងប្រកាសពីដៃគូសហការរបស់ខ្លួនផ្លូវការនៃការចូលរួមដេញថ្លៃនេះ ក្នុងសន្និសីទសារព័ត៌មានមួយនៅទីស្នាក់ការកណ្តាលរបស់ UEFA នៅថ្ងៃពុធស្អែកនេះ។ សូមបញ្ជាក់ថា បន្ទាប់ពី World Cup 2022 នៅកាតាដែលនឹងចាប់ផ្តើមនៅខែវិច្ឆិកាខាងមុខ World Cup បន្ទាប់នៅឆ្នាំ២០២៦ នឹងរៀបចំនៅសហរដ្ឋអាមេរិក កាណាដា និងម៉ិកស៊ិក៕អត្ថបទ៖នាង សុភាវុធ

Konate វិលចូលហ្វឹកហាត់វិញស្របពេល Liverpool ជួប Rangers យប់នេះ

បាល់ទាត់៖ ខ្សែការពារ Liverpool, Ibrahima Konate បានត្រលប់មកហ្វឹកហាត់ជាមួយក្រុមវិញហើយ ក្រោយសម្រាករយៈពេល ២ខែដោយសាររបួសសាច់ដុំ ស្របពេល Liverpool នឹងត្រូវទទួលស្វាគមន៍ក្រុមភ្ញៀវស្កុតឡេន Glasgow Rangers យប់នេះក្របខណ្ឌ UEFA Champions League។ Konate បានរងរបួសនេះតាំងពីការប្រកួតកំដៅសាច់ដុំមុនរដូវកាលថ្មីមកដល់ ពេលជួបជាមួយក្លិបបារាំង Strasbourg កាលពីចុងខែកក្កដា និងបានអវត្តមានពីការប្រកួតផ្លូវការទាំងស្រុងតាំងពីពេលនោះមក។ កីឡាករវ័យ ២៣ឆ្នាំរូបនេះត្រូវបាន Liverpool ទិញមកក្នុងតម្លៃ ៣៦លានផោនពី Leipzig កាលពីរដូវកាលមុន។ ការវិលត្រលប់មកវិញរបស់ Konate ក៏បានធ្វើឱ្យលោក Jurgen Klopp ធូរស្បើយអារម្មណ៍បន្តិចដែរ តែកីឡាករផ្សេងទៀតរួមមាន Alex Oxlade-Chamberlain និង Naby Keita នៅតែមិនទាន់ជាពីរបួសភ្លៅនៅឡើយ ស្របពេលដែលខ្សែការពារ Andy Robertson មានរបួសពេលលេងឱ្យស្កុតឡេន។Liverpool មាន ៣ពិន្ទុពីការប្រកួត ២លើករបស់ខ្លួននៅ UCL ក្នុងពូល A នេះដោយចាញ់ Napoli និងឈ្នះ Ajax ខណៈ Rangers ក្រោមគេចាញ់ទាំងពីរប្រកួត។ មួយគូទៀតក្នុងពូល A នេះ Ajax ទទួលក្រុមលេខ១ ក្នុងពូល Napoli៕អត្ថបទ៖នាង សុភាវុធ

Leicester City ស្គាល់ឈ្នះលើកដំបូងរដូវកាលនេះនៅ Premier League

បាល់ទាត់៖ ក្រុមជើងឯកឆ្នាំ២០១៥ Leicester City ទីបំផុតបានស្គាល់រសជាតិឈ្នះលើកដំបូងក្នុងរដូវកាលនេះនៅក្របខណ្ឌ English Premier League ក្រោយជ័យជំនះ ៤-០ លើក្រុមភ្ញៀវ Nottingham Forest យប់មិញ។ ខ្សែបម្រើកណ្តាលអង់គ្លេស James Maddison ស៊ុតបញ្ចូលទីពីរគ្រាប់ម្នាក់ឯង ដែលក្នុងមួយនោះមានមួយគ្រាប់ជាបាល់ Freekick ខណៈពីរគ្រាប់ទៀតសំរេចបានដោយ Harvey Barnes និង Patson Daka។ នេះជាជ័យជំនះក្នុងទឹកដីធំបំផុតសម្រាប់ Leicester City រាប់តាំងពីខែធ្នូ ឆ្នាំ២០២១។ ជ័យជំនះនេះធ្វើឱ្យ Leicester City ឡើងផុតពីបាតតារាងលេខ២០ មកលេខ១៩ ទំលាក់ Nottingham Forest ទៅលេខ២០ វិញតែក្រុមទាំងពីរមាន ៤ពិន្ទុដូចគ្នា។ បរាជ័យនេះដែរក៏បានដាក់សំពាធកាន់តែខ្លាំងដល់អ្នកចាត់ការ Nottingham Forest លោក Steve Cooper។ Nottingham Forest រដូវកាលនេះបានទិញកីឡាករសរុប ២៣នាក់បំបែកកំណត់ត្រាទិញកីឡាករច្រើនបំផុតក្នុងមួយរដូវកាលនៅ Premier League ខណៈនេះជាការបង្ហាញខ្លួននៅក្របខណ្ឌកំពូលលើកដំបូងក្នុងរយៈពេល ២៣ឆ្នាំ៕អត្ថបទ៖នាង សុភាវុធ

ខ្សែប្រយុទ្ធអាហ្សង់ទីន Gonzalo Higuain ប្រកាសចូលនិវត្តន៍ក្រោយចប់រដូវកាល ២០២២ នេះ

បាល់ទាត់៖ ខ្សែប្រយុទ្ធអាហ្សង់ទីន Gonzalo Higuain បានសំរេចចិត្តចូលនិវត្តន៍ពីអាជីពបាល់ទាត់នៅដំណាច់រដូវកាល ២០២២ នៃក្របខណ្ឌអាមេរិក Major League Soccer ជាមួយក្លិប Inter Miami។ កីឡាករវ័យ ៣៤ឆ្នាំរូបនេះបានផ្លាស់មកកាន់ Inter Miami កាលពីឆ្នាំ២០២០ និងសង្ឃឹមថាអាចជួយក្រុមឡើងដល់វគ្គ Play-Off ក្នុងរដូវកាលចុងក្រោយនៃអាជីពរបស់ខ្លួន។ Higuain ធ្លាប់ប្រកបអាជីពជាមួយក្លិបធំៗជាច្រើននៅអឺរ៉ុបដូចជា Real Madrid, Napoli និង Juventus ក៏ដូចជាធ្លាប់ចំណាយពេលខ្ចីជើងនៅ AC Milan និង Chelsea ផងដែរ។ Gonzalo Higuain បានប្រកាសពីគំរោងចូលនិវត្តន៍របស់ខ្លួនទាំងទឹកភ្នែក អំឡុងសន្និសីទសារព័ត៌មានមួយជាមួយ Inter Miami ដោយនិយាយថា វាដល់ពេលដែលត្រូវនិយាយពាក្យលាពីអាជីពមួយនេះហើយ រឿងអាក្រក់ រឿងល្អ បានកើតឡើងក្នុងរយៈពេលកន្លងមកដែលធ្វើឱ្យគេមិនអាចបំភ្លេចបាន និងអរគុណអ្នករាល់គ្នាសម្រាប់ការគាំទ្រ។សូមបញ្ជាក់ថា Gonzalo Higuain បានបង្ហាញខ្លួនសរុប ៧៥លើកឱ្យក្រុមជំរើសជាតិអាហ្សង់ទីនស៊ុតបញ្ចូលទីបាន ៣១គ្រាប់ ជួយក្រុមឡើងវគ្គផ្តាច់ព្រ័ត្រ World Cup 2014 នៅប្រេស៊ីលចាញ់អាល្លឺម៉ង់នៅវគ្គផ្តាច់ព្រ័ត្រ និងឡើងវគ្គ ផ្តាច់ព្រ័ត្រ Copa America នៅឆ្នាំ២០១៥។ ជាមួយក្លិបអាជីព Higuain ស៊ុតបញ្ចូលទីសរុប ៣៣៣គ្រាប់ ១១៣បាល់ បញ្ជូនក្នុងការបង្ហាញខ្លួនសរុប ៧០៧ប្រកួត ដោយក្នុងចំណោម ៣៣៣គ្រាប់នោះមាន ១២១គ្រាប់ជាមួយ Real Madrid នៃការបង្ហាញខ្លួន ២៦៤ប្រកួត៕អត្ថបទ៖នាង សុភាវុធ

កីឡាករស្នូកឃ័រ Ryan Day យកឈ្នះ Mark Allen គ្រងជើងឯកស្នូកឃ័រ British Open

ស្នូកឃ័រ៖ កីឡាករវែល Ryan Day បានក្លាយជាជើងឯកការប្រកួតកីឡាករស្នូកឃ័រពានរង្វាន់ British Open ក្រោយយកឈ្នះកីឡាករអៀកឡង់ខាងជើង Mark Allen នៅវគ្គផ្តាច់ព្រ័ត្រ។ នេះជាពានរង្វាន់លំដាប់ Ranking លើកទី៤ សំរាប់កីឡាករវ័យ ៤២ឆ្នាំ Ryan Day។ ការប្រកួតដ៏ស្វិតស្វាញនៅវគ្គផ្តាច់ព្រ័ត្រតាំងពីហ្វ្រេមដំបូងដល់ហ្វ្រេមទី១៤ កីឡាករទាំងពីរប្រដេញគ្នាស្មើគ្នា ៧-៧ហ្វ្រេម និងគ្មានអ្នកនាំមុខគ្នាដាច់លើសពីមួយហ្វ្រេមឡើយ មុនពេលដែល ៣ហ្វ្រេមចុងក្រោយ Ryan Day បានយកឈ្នះ ៣ហ្វ្រេមផ្ទួនៗគ្នា។ ក្នុងនាមជាជើងឯក British Open នេះ Ryan Day ទទួលបានប្រាក់រង្វាន់ ១០០.០០០ផោន និងទទួលបានកៅអីមួយនៅព្រឹត្តិការណ៍ Champion of Champions ដែលនឹងចាប់ផ្តើមនៅចុងខែតុលានេះ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Chelsea ស្គាល់ជ័យជំនះនៅ UCL រដូវកាលនេះក្រោយឈ្នះ AC Milan

ប្រមុខតេក្វាន់ដូ ITF កម្ពុជាប្រាប់កីឡាករ-កីឡាការិនីកុំបាក់ទឹកចិត្ត ទោះបរាជ័យចូលស៊ីហ្គេមឆ្នាំ២០២៣

បឹងកេត និងវិសាខាទទួលជ័យជម្នះរៀងខ្លួនក្នុងវគ្គ ១/២ ផ្ដាច់ព្រ័ត្រពានសម្ដេចតេជោជើងទី១

បាល់ទាត់ពានរង្វាន់សម្តេចអគ្គមហាសេនាបតីតេជោ ហ៊ុន សែន ២០២២ ឈានដល់វគ្គពាក់កណ្ដាលផ្ដាច់ព្រ័ត្រថ្ងៃពុធនេះ

Middlesbrough បណ្ដេញអ្នកចាត់ការ Chris Wilder ចេញពីតំណែងក្រោយក្រុមធ្លាក់ដល់លេខ២២

អ៊ុយក្រែនគ្រោងចូលរួមជាមួយអេស្ប៉ាញ និងព័រទុយហ្កាល់ដេញថ្លៃធ្វើម្ចាស់ផ្ទះ World Cup 2030

Konate វិលចូលហ្វឹកហាត់វិញស្របពេល Liverpool ជួប Rangers យប់នេះ

Leicester City ស្គាល់ឈ្នះលើកដំបូងរដូវកាលនេះនៅ Premier League

ខ្សែប្រយុទ្ធអាហ្សង់ទីន Gonzalo Higuain ប្រកាសចូលនិវត្តន៍ក្រោយចប់រដូវកាល ២០២២ នេះ

កីឡាករស្នូកឃ័រ Ryan Day យកឈ្នះ Mark Allen គ្រងជើងឯកស្នូកឃ័រ British Open

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Chelsea ស្គាល់​ជ័យជំនះ​នៅ UCL រដូវ​កាល​នេះ​ក្រោយ​ឈ្នះ AC Milan

បឹងកេត និង​វិសាខា​ទទួល​ជ័យជម្នះ​រៀងខ្លួន​ក្នុង​វគ្គ ១/២ ផ្ដាច់ព្រ័ត្រ​ពាន​សម្ដេច​តេ​ជោ​ជើង​ទី​១

Middlesbrough បណ្ដេញ​អ្នកចាត់ការ Chris Wilder ចេញពី​តំណែង​ក្រោយ​ក្រុម​ធ្លាក់​ដល់​លេខ២២

អ៊ុយ​ក្រែ​ន​គ្រោង​ចូលរួម​ជាមួយ​អេ​ស្ប៉ា​ញ និង​ព័រទុយហ្កាល់​ដេញថ្លៃ​ធ្វើ​ម្ចាស់ផ្ទះ World Cup 2030

Konate វិល​ចូល​ហ្វឹកហាត់​វិញ​ស្របពេល Liverpool ជួប Rangers យប់​នេះ

Leicester City ស្គាល់​ឈ្នះ​លើកដំបូង​រដូវ​កាល​នេះ​នៅ Premier League

ខ្សែប្រយុទ្ធ​អា​ហ្ស​ង់​ទីន Gonzalo Higuain ប្រកាស​ចូលនិវត្តន៍​ក្រោយ​ចប់​រដូវ​កាល ២០២២ នេះ​

កីឡាករ​ស្នូកឃ័រ Ryan Day យកឈ្នះ Mark Allen គ្រង​ជើងឯក​ស្នូកឃ័រ British Open

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Chelsea ស្គាល់ជ័យជំនះនៅ UCL រដូវកាលនេះក្រោយឈ្នះ AC Milan

បឹងកេត និងវិសាខាទទួលជ័យជម្នះរៀងខ្លួនក្នុងវគ្គ ១/២ ផ្ដាច់ព្រ័ត្រពានសម្ដេចតេជោជើងទី១

Middlesbrough បណ្ដេញអ្នកចាត់ការ Chris Wilder ចេញពីតំណែងក្រោយក្រុមធ្លាក់ដល់លេខ២២

អ៊ុយក្រែនគ្រោងចូលរួមជាមួយអេស្ប៉ាញ និងព័រទុយហ្កាល់ដេញថ្លៃធ្វើម្ចាស់ផ្ទះ World Cup 2030

Konate វិលចូលហ្វឹកហាត់វិញស្របពេល Liverpool ជួប Rangers យប់នេះ

Leicester City ស្គាល់ឈ្នះលើកដំបូងរដូវកាលនេះនៅ Premier League

ខ្សែប្រយុទ្ធអាហ្សង់ទីន Gonzalo Higuain ប្រកាសចូលនិវត្តន៍ក្រោយចប់រដូវកាល ២០២២ នេះ

កីឡាករស្នូកឃ័រ Ryan Day យកឈ្នះ Mark Allen គ្រងជើងឯកស្នូកឃ័រ British Open