BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

រដ្ឋមន្ត្រីក្រសួងអប់រំជួបសំណេះសំណាលជាមួយរដ្ឋមន្ត្រីកីឡាអារ៉ាប៊ីសាអូឌីត

ភ្នំពេញ៖ ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ដ្រីក្រសួងអប់រំ យុវជន និងកីឡា កាលពីល្ងាចថ្ងៃទី០៣ ខែតុលាម្សិលមិញបានជួបសំណេះសំណាល និងពិភាក្សាការងារជាមួយព្រះអង្គម្ចាស់ Abdulaziz Bin Turki Al Saud រដ្ឋមន្ត្រីក្រសួងកីឡានៃព្រះរាជាណាចក្រអារ៉ាប៊ីសាអូឌីតនៅសណ្ឋាគាររ៉េស៊ីដង់សុខាភ្នំពេញ។ ជំនួបនេះដែរធ្វើឡើងស្របពេលព្រះអង្គម្ចាស់ Abdulaziz Bin Turki Al Saud បានយាងមកចូលរួមមហាសន្និបាតក្រុមប្រឹក្សាកីឡាអូឡាំពិកអាស៊ីលើកទី៤១ នៅកម្ពុជា ក្នុងនោះក៏មានការចូលរួមពីឯកឧត្តម វ៉ាត់ ចំរើន រដ្ឋលេខាធិការក្រសួងទេសចរណ៍ អគ្គលេខាធិការគណៈកម្មាធិការជាតិអូឡាំពិកកម្ពុជា និងជាអគ្គលេខាធិការគណៈកម្មាធិការជាតិ CAMSOC ផងដែរ។ ឯកឧត្តម អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡាបានឲ្យដឹងថា ជំនួបរយៈពេលខ្លីនេះ ផ្ដោតសំខាន់ការសំណេះសំណាល និងការពិភាក្សាការងារមួយចំនួន អំឡុងពេលព្រះអង្គម្ចាស់ Abdulaziz Bin Turki Al Saud យាងមកចូលរួមមហាសន្និបាតក្រុមប្រឹក្សាកីឡាអូឡាំពិកអាស៊ីនៅកម្ពុជា ក៏ដូចជាដើម្បីរឹតចំណងមិត្តភាពរវាងប្រទេសទាំងពីរផងដែរ៕អត្ថបទ៖ លី ឈុនឡា

កីឡាករ-កីឡាការិនីស្ប៉េស្យាល់ជាង ២០០នាក់ចូលរួមប្រកួតថ្នាក់ជាតិឆ្នាំ២០២២

ស្ប៉េស្យាល់៖ គណៈកម្មាធិការជាតិស្ប៉េស្យាល់អូឡាំពិកកម្ពុជា កាលពីថ្ងៃទី០៣ ខែតុលាម្សិលមិញបានរៀបចំការប្រកួតកីឡាស្ប៉េស្យាល់អូឡាំពិកថ្នាក់ជាតិឆ្នាំ២០២២ និងកម្មវិធីអប់រំសុខភាពអាណាព្យបាលនៅទីលាន T Soccer ដោយមានអាណាព្យាបាល និងកីឡាករ-កីឡាការិនីជនពិការខ្សោយសតិបញ្ញាជាង ២០០នាក់ចូលរួម។ ការប្រកួតនេះបានធ្វើឡើងក្រោមវត្តមានឯកឧត្តម សែម សុខា រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិ សម្បទា និងជាអនុប្រធានគណៈកម្មាធិការជាតិស្ប៉េស្យាល់អូឡាំពិកកម្ពុជា ហើយឯកឧត្តមបានធ្វើការវាយតម្លៃខ្ពស់ចំពោះថ្នាក់ដឹកនាំក្រសួង-ស្ថាប័ន និងគ្រប់ភាគីពាក់ព័ន្ធដែលបានខិតខំបញ្ជូនកីឡាករ-កីឡាការិនីមកចូលរួមប្រកួតក្នុងព្រឹត្តិការណ៍ប្រចាំឆ្នាំនេះ។ ឯកឧត្តមបានគូសបញ្ជាក់ថា ការប្រកួតនេះឆ្លើយតបនឹងការយកចិត្តទុកដាក់របស់រាជរដ្ឋាភិបាល ពិសេសការលើកកម្ពស់ដល់ជនពិការ និងក្រុមគ្រួសារទទួលបាននូវគុណភាពជីវិតល្អប្រសើរ គ្មានការរើសអើង ទទួលបានសេវាសង្គម និងសេវាសាធារណៈប្រកបដោយគុណភាព រួមទាំងជំរុញឲ្យជនមានពិការភាពបានចូលរួមគ្រប់សកម្មភាពក្នុងសង្គមទៀតផង ពិសេសសកម្មភាពកីឡាផ្ទាល់តែម្ដង។ លោក ឃ្លាំង ចន្ធូ អគ្គលេខាធិការគណៈកម្មាធិការជាតិស្ប៉េស្យាល់អូឡាំពិកកម្ពុជា ការរៀបចំការប្រកួតកីឡាស្ប៉េស្យាល់អូឡាំពិកថ្នាក់ជាតិ និងកម្មវិធីអប់រំសុខភាពអាណាព្យបាលប្រចាំឆ្នាំ២០២២ នេះធ្វើឡើងក្នុងគោលបំណងផ្តល់ឱកាសឲ្យកីឡាករ-កីឡាការិនី មកពីគ្រប់រាជធានី-ខេត្តបានជួបជុំគ្នា លេងកីឡា ដើម្បីចែករំលែកបទពិសោធន៍ ភាពសប្បាយរីករាយរវាងកីឡាករ កីឡាការិនីខ្សោយបញ្ញា ជាពិសេសក៏មានលោកវេជ្ជបណ្ឌិតចូលរួមធ្វើការណែនាំអប់រំពីរបៀបតំហែទាំសុខភាព ក្នុងការរស់នៅប្រចាំថ្ងៃរបស់អាណាព្យាបាល និងកីឡាករ-កីឡាការិនីខ្សោយបញ្ញាទាំងអស់ផងដែរ។ចំពោះការប្រកួតរយៈពេល ១ថ្ងៃនេះគឺមានកីឡាករ-កីឡាការិនីស្ប៉េស្យាល់ និងអាណាព្យាបាលចូលរួមសរុប ២១៩នាក់មកពី ១៥រាជធានី-ខេត្តដែលធ្វើការប្រកួតលើ ៣ប្រភេទកីឡារួមមានកីឡាអត្តពលកម្ម ៣វិញ្ញាសា, កីឡាបាល់ទាត់ ៥នាក់ម្ខាង និងកីឡាប៉ូលមាន ២វិញ្ញាសាគឺ ១នាក់ទល់ ១នាក់ និង ២នាក់ទល់ ២នាក់។ លោក ឃ្លាំង ចន្ធូ បន្ថែមថា ការប្រកួតនេះមិនមែនដើម្បីជ័យជំនះតែម្យ៉ាងនោះទេ គឺដើម្បីមិត្តភាព សាមគ្គីភាព បំបាត់ការរើសអើង និងផ្តល់ឱកាសចូលរួមសកម្មភាពក្នុងសង្គម តាមរយៈវិស័យកីឡា ស្របតាមចលនាស្ប៉េស្យាល់អូឡាំពិកក្នុងតំបន់ និងពិភពលោក និងភាពរីកចម្រើនលើគ្រប់វិស័យរបស់កម្ពុជានាពេលបច្ចុប្បន្ន ពិសេសតាមគោលនយោបាយរបស់រាជរដ្ឋាភិបាល ក្នុងការលើកកម្ពស់សិទ្ធជនពិការ ក្នុងនោះវិស័យកីឡាជនពិការក៏ត្រូវបានរាជរដ្ឋាភិបាលយកចិត្តទុកដាក់ ជំរុញលើកស្ទួយឥតឈប់ឈរផងដែរ៕អត្ថបទ៖ លី ឈុនឡា

Miguel Oliveira ឈ្នះការប្រណាំង MotoGP នៅថៃ ខណៈ Bagnaia ដេញពិន្ទុជិតទាន់ Quartararo ក្នុងតារាងជើងឯក

ប្រណាំងម៉ូតូ៖ កីឡាករព័រទុយហ្កាល់ Miguel Oliveira បានប្រជែងឈ្នះការប្រណាំង MotoGP នៅលើទឹកដីថៃ ដែលជាជ័យជំនះដំបូងបំផុតក្នុងអាជីព។ ការប្រកួតនៅទីលាន Chang International Circuit នៅខេត្ត Buriram ប្រទេសថៃ កីឡាកររបស់ក្រុមប្រណាំង KTM រូបនេះបានជំនះលើស្ថានភាពផ្លូវសើមក្រោយពីមានភ្លៀងធ្លាក់ ដើម្បីមកដល់ទីព្រ័ត្រមុនគេនៅចំពោះមុខអ្នកលេខ២ កីឡាករអូស្ត្រាលី Jack Miller ០.៧៣វិនាទី ខណៈលេខ៣ គឺកីឡាកររបស់ក្រុម Ducati, Francesco Bagnaia។ ជ័យជំនះរបស់ Jack Miller ធ្វើឱ្យគេឡើងមកឈរលេខ៨ ក្នុងតារាងជើងឯកពិភពលោក តែអ្វីដែលជាការប្រែប្រួលគួរកត់សំគាល់នៅក្នុងតារាងជើងឯកនោះគឺអ្នកនាំមុខគេកីឡាករបារាំង Fabio Quartararo បានបញ្ចប់ការប្រកួតនៅទឹកដីថៃនេះត្រឹមចំណាត់ថ្នាក់លេខ ១៧ ធ្វើឱ្យការនាំមុខគេរបស់គេត្រូវកាត់មកត្រឹម ២ពិន្ទុប៉ុណ្ណោះដែលតាមពីក្រោយដោយកីឡាករអ៊ីតាលី Francesco Bagnaia។ MotoGP នៅសល់តែ ៣ទីលានទៀតប៉ុណ្ណោះនឹងបញ្ចប់រដូវកាល ២០២២ របស់ខ្លួនដោយជុំបន្តនឹងធ្វើនៅទឹកដីអូស្ត្រាលី ម៉ាឡេស៊ី និងចុងក្រោយនៅ Valencia ប្រទេសអេស្ប៉ាញ៕អត្ថបទ៖នាង សុភាវុធ

Sergio Perez ឈ្នះការប្រកួតនៅសិង្ហបុរី ខណៈ Max Verstappen ត្រូវរង់ចាំប្រកួតបន្ទាប់អ៊ុតមើលថាជាជើងឯករឺអត់

ប្រណាំងរថយន្ត៖ អ្នកនាំមុខគេក្នុងតារាងជើងឯកពិភពលោក Max Verstappen ត្រូវរង់ចាំនៅទីលានបន្ទាប់ដើម្បីដឹងថា អាចឈ្នះជើងឯកពិភពលោកលើកទី២ រឺអត់ បន្ទាប់ពីការប្រកួតមិនបានល្អនៅសិង្ហបុរី ដែលជ័យជំនះបានទៅមិត្តរួមក្រុម Red Bull, Sergio Perez។ ការប្រកួតដែលត្រូវបានពន្យាដោយសារភ្លៀងធ្លាក់ ក៏បានចាប់ផ្តើមដោយ Sergio Perez វ៉ា Charles Leclerc របស់ Ferrari តាំងពីពេលចេញដំណើររហូតដល់ទីព្រ័ត្រ។ Charles Leclerc ដែលជាគូប្រជែងម្នាក់គត់របស់ Verstappen ទទួលបានចំនាត់ថ្នាក់លេខ២ ក្នុងការប្រកួតនេះ និងលេខ៣ ក៏ជាកីឡាករ Ferrari មួយរូបទៀត Carlos Sainz។ ចំណែក Max Verstappen ដែលត្រូវការឈ្នះនៅសិង្ហបុរីនេះ ហើយ Charles Leclerc ត្រូវបញ្ចប់លើសពីលេខ៨ នោះ បានត្រឹមខកបំណង និងរង់ចាំនៅទីលានបន្ទាប់ ពោលគឺបញ្ចប់ការប្រកួតនៅសិង្ហបុរីនេះត្រឹមលេខ៧ ក្រោយប្រណាំងចេញពីផ្លូវ ២លើក។ពិន្ទុក្នុងតារាងជើងឯកនៅពេលនេះ Max Verstappen កំពុងនាំមុខ Charles Leclerc ១០៤ពិន្ទុ ខណៈនៅសល់ ៥ទីលានទៀតប៉ុណ្ណោះនឹងបញ្ចប់រដូវកាល។ Max Verstappen នៅតែមានឱកាសដល់ទៅ ៩០ភាគរយដើម្បីគ្រងជើងឯករដូវកាលនេះ ជាពិសេសនៅទីលានបន្ទាប់នៅប្រទេសជប៉ុនចុងសប្តាហ៍នេះ៕អត្ថបទ៖នាង សុភាវុធ

Wolves បញ្ចប់តំណែងអ្នកចាត់ការ Bruno Lage ក្រោយចាញ់ West Ham

បាល់ទាត់៖ ក្លិប Wolverhampton Wanderers បានសំរេចបញ្ចប់តំណែងអ្នកចាត់ការលោក Bruno Lage ហើយ ក្រោយបរាជ័យនៅទឹកដី West Ham កាលពីថ្ងៃសៅរ៍ធ្លាក់ទៅតំបន់គ្រោះថ្នាក់។ អ្នកចាត់ការសញ្ជាតិព័រទុយហ្កាល់រូបនេះបានមកកាន់តំណែងនេះបន្ទាប់ពីលោក Nuno Espirito Santo កាលពីដើមរដូវកាលមុន និងបានដឹកនាំ Wolves បានលេខ ១០ ក្នុងរដូវកាលដំបូងរបស់ខ្លួន។ យ៉ាងណាក្តី Wolves ឈ្នះតែ ១ប្រកួតគត់ ចាញ់ ៩ ក្នុងចំណោម ១៥ប្រកួតចុងក្រោយនៃក្របខណ្ឌ English Premier League រាប់ពីចុងរដូវកាលមុន។ ប្រធានក្លិប Wolves លោក Jeff Shi និយាយថា ទំរង់លេងអាក្រក់បែបនេះគ្មានជម្រើសអ្វីក្រៅពីនេះឡើយ តែជាការសម្រេចចិត្តដ៏លំបាកមួយ។ សូមបញ្ជាក់ថា Wolves ក៏បានចំណាយលុយទិញកីឡាករច្រើនដែរក្នុងរដូវកាលនេះដល់ទៅជាង ១០០លានផោនដែលមានដូចជាកីឡាករជម្រើសជាតិព័រទុយហ្កាល់ពីរនាក់ Goncalo Guedes និង Matheus Nunes ក្នុងតម្លៃ ៣៨លានផោនបំបែកកំណត់ត្រាក្លិប៕អត្ថបទ៖នាង សុភាវុធ

យុវជន ២រូបប្ដេជ្ញាចិត្តខ្ពស់ ក្រោយក្លិបអង្គរថាយហ្គឺរបញ្ជូនទៅហាត់នៅជប៉ុន

បាល់ទាត់៖ យុវជន ហាន់ ទី និង លី សូសៀ ជ្រើសរើសចេញពីក្នុងចំណោមយុវជនជាង ២,៥០០នាក់តាមរយៈកម្មវិធីធ្វើតេស្ដ Pocari Sweat Japan Youth Ream Challenge ដែលរៀបចំដោយក្លិបអង្គរថាយហ្គឺរសហការជាមួយភេសជ្ជៈ Pocari Sweat កាលពីថ្មីៗបានចេញទៅហ្វឹកហាត់នៅប្រទេសជប៉ុនហើយកាលពីរាត្រីថ្ងៃទី០១ ខែតុលាកន្លងទៅ ដោយពួកគេត្រូវហ្វឹកហាត់ជាមួយក្លិប Tokushima Vortis នៃក្របខណ្ឌលីគទី២ ជប៉ុន។ ដំណាលគ្នានឹងការចាកចេញពីមាតុភូមិទៅហ្វឹកហាត់នេះដែរ យុវជនទាំងពីរបានសម្ដែងនូវសេចក្ដីត្រេកអរ និងសប្បាយចិត្តជាខ្លាំងដែលក្ដីស្រម៉ៃរបស់ខ្លួនបានក្លាយជាការពិត ដោយពួកគេបានប្ដេជ្ញានឹងខិតខំយកចិត្តទុកដាក់ហ្វឹកហាត់ឲ្យបានខ្លាំង ទោះបីមានរយៈពេលខ្លីយ៉ាងណា ដើម្បីអភិវឌ្ឍន៍សមត្ថភាពឆ្ពោះទៅរកភាពជោគជ័យក្នុងអាជីពបាល់ទាត់ ពិសេសយកបទពិសោធន៍ទាំងអស់មកជួយក្លិបអង្គរថាយហ្គឺរវិញ។ ជាមួយគ្នាដែរ លោក អ៊ុំ ករុណា អគ្គលេខាធិការក្លិបអង្គរថាយហ្គឺរដែលបានដឹកនាំយុវជនទាំង ២រូបទៅហ្វឹកហាត់នៅជប៉ុន បានចាត់ទុកនេះគឺជាឱកាសមាសសម្រាប់ពួកគេ ក្នុងការសិក្សារៀនសូត្រ និងដកស្រង់បទពិសោធន៍ថ្មីៗលើទឹកដីជប៉ុន ដែលជាប្រទេសមួយមានការអភិវឌ្ឍខ្លាំងផ្នែកបាល់ទាត់។ លោកសង្ឃឹមថា ពេលពួកគេត្រឡប់មកវិញនឹងទទួលបាននូវបទពិសោធន៍ល្អៗ ដើម្បីបន្ដដុសខាត់សមត្ថភាព និងជួយក្លិបរបស់ខ្លួន។គួរដឹងថា កម្មវិធី Pocari Sweat Japan Youth Ream Challenge បានធ្វើឡើងកាលពីខែកក្កដា ដោយមានយុវជនអាយុក្រោម ១៥ឆ្នាំជាង ២,៥០០នាក់ចូលរួមមកពី ៣ទីតាំងធំៗគឺខេត្តបាត់ដំបង ខេត្តសៀមរាប និងរាជធានីភ្នំពេញ មុនចម្រាញ់បានយុវជនឆ្នើម ២រូបដើម្បីចេញទៅហ្វឹកហាត់ជាមួយក្លិប Tokushima Vortis ពេលនេះគឺកីឡាករ ហាន់ ទី និង លី សូសៀ។ ពួកគេនឹងត្រូវចំណាយពេល ២សប្ដាហ៍នៅទីនោះ ដើម្បីយល់ដឹងកាន់តែច្បាស់ពីតិចនិចលេងបាល់ ការហ្វឹកហាត់ របបអាហារ ការថែទាំរាង្គកាយ ក៏ដូចជាទំនៀមទម្លាប់ និងការរស់នៅរបស់ប្រជាជនជប៉ុនជាដើម។ មិនតែប៉ុណ្ណោះ ពួកគេក៏នឹងទទួលបានឱកាសទស្សនាផ្ទាល់រាល់ការប្រកួតរបស់ក្លិប Tokushima Vortis ដើម្បីសិក្សា និងដកស្រង់បទពិសោធន៍បន្ថែមទៀតផង៕អត្ថបទ៖ លី ឈុនឡា

ផ្ទុះអំពើហិង្សាក្រោយការប្រកួតបាល់ទាត់នៅឥណ្ឌូនេស៊ីរត់ជាន់គ្នាស្លាប់ជាង ១២០នាក់

បាល់ទាត់៖ អំពើហិង្សាមួយបានផ្ទុះឡើង ក្រោយការប្រកួតបាល់ទាត់មួយនៅប្រទេសឥណ្ឌូនេស៊ី ធ្វើឱ្យមន្ត្រីនគរបាលបង្ខំចិត្តបាញ់ឧស្ម័នបង្ហូរទឹកភ្នែក និងមានមនុស្សស្លាប់ដល់ទៅ ១២៥នាក់ដោយសាររត់ជាន់គ្នា។ មានការប៉ះទង្គិចរវាងអ្នកគាំទ្រក្រុមពីរជួបគ្នានៅកីឡដ្ឋាន Kanjuruhan នៅទីក្រុង Malang City ភាគខាងកើតខេត្ត Java ដែលបញ្ចប់ទៅដោយ Persebaya Surabaya យកឈ្នះ Arema Malang ៣-២ នៃការប្រកួតក្របខណ្ឌលីគ កំពូលឥណ្ឌូនេស៊ី Indonesian Premier League។ អំពើហិង្សាបានផ្ទុះឡើងភ្លាមៗក្រោយការប្រកួតបានបញ្ចប់កាលពីយប់ថ្ងៃសៅរ៍ ដែលធ្វើឱ្យមានការបាញ់ឧស្ម័នបង្ហូរទឹកភ្នែកពីមន្ត្រីនគរបាលដើម្បីបំបែក ហើយមនុស្សរាប់រយនាក់ព្យាយាមរកផ្លូវរត់ចេញពីកីឡដ្ឋាន ដែលបណ្តាលឱ្យមានការជាន់គ្នាស្លាប់ៗភ្លាមៗនៅនឹងកន្លែងចំនួន ៣៤នាក់។មនុស្សជាង ៣០០នាក់ត្រូវបានបញ្ជូនទៅមន្ទីរពេទ្យក្បែរកីឡដ្ឋាន តែអកុសលក៏មានអ្នកស្លាប់ជាបន្តបន្ទាប់ទៀតអំឡុងពេលដឹកជញ្ជូនទៅមន្ទីរពេទុ្យ និងនៅមន្ទីរពេទ្យសរុប ១២៥នាក់។ បើតាមការឱ្យដឹងពីមន្ត្រីនៅក្នុងតំបន់ថា ចំនួនអ្នកស្លាប់អាចនឹងមានការកើនឡើនបន្តបន្ទាប់ទៀតលើអ្នករងគ្រោះប្រមាណជា ១៨០នាក់ដែលភាគច្រើនស្ថិតក្នុងស្ថានភាពគ្រោះថ្នាក់៕អត្ថបទ៖នាង សុភាវុធ

Haaland ក្លាយជាកីឡាករទី១ ក្នុងប្រវត្តិសាស្ត្រ Premier League ស៊ុតបញ្ចូលទី ៣គ្រាប់ម្នាក់ឯង ៣ប្រកួតជាប់គ្នាក្នុងដី

បាល់ទាត់៖ ខ្សែប្រយុទ្ធន័រវេស Erling Haaland ជាថ្មីម្តងទៀតបានបង្កើតប្រវត្តិសាស្ត្រថ្មីនៅក្របខណ្ឌអង់គ្លេស Premier League គឺជាកីឡាករទី១ ក្នុងប្រវត្តិសាស្ត្រដែលស៊ុតបញ្ចូលទី ៣គ្រាប់ម្នាក់ឯង (Hat-Trick) បីប្រកួតជាប់គ្នានៅក្នុងដី។ បីគ្រាប់ម្នាក់ឯងក្នុងជំនួប Manchester Derby ម្សិលមិញ បូកនឹងបីគ្រាប់ម្នាក់ឯងរបស់កីឡាករអង់គ្លេស Phil Foden ធ្វើឱ្យ Manchester City យកឈ្នះ Manchester United ៦-៣។ បីគ្រាប់របស់ Manchester United ធ្វើបានដោយ Antony និងពីរគ្រាប់របស់ Anthony Martial ដែលដូរចូលនៅវគ្គទី២។ គិតមកដល់ពេលនេះ Haaland ស៊ុតបញ្ចូលទីបាន ១៧គ្រាប់ហើយក្នុងការបង្ហាញខ្លួន ១១ប្រកួតពោលគឺគិតជាមធ្យមភាគ ៥៤នាទី ១មួយគ្រាប់តាំងពីផ្លាស់ពី Borussia Dortmund។ លោក Pep Guardiola បានពណ៌នាពី Haaland ថា លោកមិនជឿនឹងភ្នែកខ្លួនឯងពីការស៊ុតបញ្ចូលទីរបស់ Haaland តែវាជាការពិត ហើយធ្លាប់កើតឡើងតាំងពីពេលនៅន័រវេស អូទ្រីស និងអាល្លឺម៉ង់។មួយទៀតលោកក៏សូមសរសើរកូនក្រុមទាំងអស់ ដែលរួមចំណែកសំខាន់ក្នុងការបញ្ជូនឱ្យ Haaland មានគ្រាប់បាល់ផងដែរ។ ជុំវិញការចូលលេងរាល់ការប្រកួតលោក Pep និយាយថា Man City មានសំណាងដែល Haaland មានអ្វីគ្រប់យ៉ាងនៅពេលនេះ មិនដូចពេលនៅ Dortmund ដែលមានការញាំញីដោយសាររបួស តែច្បាស់ណាស់ថា Haaland មានលទ្ធភាពអាចគ្រប់ ៩០នាទីរាល់ការប្រកួតទាំងអស់។ សូមបញ្ជាក់ថា ជ័យជំនះធ្វើឱ្យ Manchester City បន្តឈរលេខ២ ដេញពីក្រោយក្រុមកំពូលតារាង Arsenal ដែលឈ្នះ Spurs ៣-១ កាលពីថ្ងៃសៅរ៍ ១ពិន្ទុដដែល៕អត្ថបទ៖នាង សុភាវុធ

ពេជ្រ សម្បត្តិ ប្រើពេលត្រឹមមួយទឹកយកឈ្នះ ធន់ ផានិត ឡើងវគ្គផ្តាច់ព្រ័ត្រខ្សែក្រវាត់ខារ៉ាបាវរដូវកាលទី៨

គុនខ្មែរ៖ កំពូលកីឡាករគុនខ្មែររហ័សនាមក្របីព្រៃ ពេជ្រ សម្បត្តិ បានធ្វើឱ្យសង្វៀនស្ទូឌីយោស្ទឹងមានជ័យរបស់អគ្គនាយកដ្ឋានវិទ្យុ និងទូរទស្សន៍បាយ័នកក្រើកម្តងទៀត ក្រោយយកឈ្នះកីឡាករមិត្តរួមជាតិ ធន់ ផានិត ត្រឹមទឹកទី១ ដើម្បីឡើងវគ្គផ្តាច់ព្រ័ត្រ “ម្ចាស់ជើងឯកខ្សែក្រវាត់ខារ៉ាបាវ” រដូវកាលទី៨។ ជាការប្រកួតដែលអ្នកគាំទ្រគុនខ្មែរគ្រប់ទិសទីទន្ទឹងរង់ចាំចង់ដឹងថា កីឡាករទាំងពីរ ពេជ្រ សម្បត្តិ និងធន់ ផានិត ដែលសុទ្ធតែជាកីឡាករក្នុងចិត្តរបស់អ្នកគាំទ្រទាំងអស់ តែការប្រកួតបានត្រឹមមួយទឹកប៉ុណ្ណោះ បន្ទាប់ពីកូនសិស្សលោកគ្រូ ពេជ្រ សុផាន់ កីឡាករពេជ្រ សម្បត្តិ ប្រើកែងបុកចំក្រោមច្រមុះ ធន់ ផានិត បណ្តាលឱ្យបែកសន្លប់ ធ្វើឱ្យលោកអាជ្ញាកណ្តាល ម៉ី រតនៈ សំរេចចិត្តបញ្ឈប់ការប្រកួតភ្លាមៗ។ កីឡាករទាំងពីរឡើងមកកាន់វគ្គនេះសុទ្ធតែមាន ១០ពិន្ទុក្រោយឈ្នះ ៣ និងចាញ់ ១ ដូចគ្នា តែនៅពេលនេះមានតែម្នាក់ប៉ុណ្ណោះដើម្បីដណ្តើមខ្សែក្រវាត់ខារ៉ាបាវ លើសង្វៀនដែលមានការគាំទ្របំផុតនៅប្រទេសកម្ពុជា ដោយនឹងត្រូវជួបជាមួយកីឡាករថៃ។មួយគូដែលបានប្រកួតចប់មុន កីឡាករថៃពីររូបដែលមាន ១០ពិន្ទុដូចគ្នាក្នុងពូលដូចពូលកម្ពុជាដែរ ផាត់ថាណា ស៊ីតអាចានវីន បានយកឈ្នះមិត្តរួមជាតិថៃ ទួនប៉េ ស៊ីតសាមផាយ៉ាក ដោយពិន្ទុ។ ដូច្នេះការប្រកួតវគ្គផ្តាច់ព្រ័ត្រនឹងជាជំនួបរវាង ពេជ្រ សម្បត្តិ និង ផាត់ថាណា ស៊ីតអាចានវីន ដែលគ្រោងធ្វើឡើងនៅថ្ងៃទី២៣ ខែតុលានេះ។ ចំណែក ធន់ ផានិត និងទួនប៉េ ស៊ីតសាមផាយ៉ាក ក៏នឹងត្រូវជួបគ្នាម្តងទៀតនៅថ្ងៃជាមួយគ្នានោះដែរ ដើម្បីដណ្តើមចំណាតថ្នាក់លេខ៣៕អត្ថបទ៖នាង សុភាវុធ

ចិនចាត់ទុកមហាសន្និបាត និងការរត់កម្សាន្ដ OCA នៅកម្ពុជា ជាឱកាសផ្សព្វផ្សាយកីឡាអាស៊ី

កីឡាអាស៊ី៖ លោក Xu Jianfeng ប្រធានផ្នែកទំនាក់ទំនងការបរទេស នៃគណៈកម្មការរៀបចំការប្រកួតកីឡាអាស៊ី លើកទី១៩ នៅទីក្រុង Hangzhou (19th Asian Games Hangzhou 2022) បានចាត់ទុកមហាសន្និបាតក្រុមប្រឹក្សាកីឡាអូឡាំពិកអាស៊ី(OCA) និងកម្មវិធីរត់កម្សាន្ដ OCA Fun Run នៅកម្ពុជាគឺជាឱកាសផ្សព្វផ្សាយ និងបង្ហាញពីវឌ្ឍនភាពនៃដំណើរឆ្ពោះទៅការប្រកួតកីឡាអាស៊ីនៅប្រទេសចិន។ ការលើកឡើងនេះបន្ទាប់ពីក្រុមប្រឹក្សាកីឡាអូឡាំពិកអាស៊ី សហការជាមួយគណៈកម្មាធិការជាតិអូឡាំពិកកម្ពុជារៀបចំកម្មវិធី OCA Fun Run ដើម្បីអបអរសាទរដំណើរឆ្ពោះទៅកីឡាអាស៊ីលើកទី១៩ កាលពីថ្ងៃទី០២ ខែតុលាម្សិលមិញ ក្នុងគ្រាដែលកម្ពុជាកំពុងធ្វើម្ចាស់ផ្ទះរៀបចំមហាសន្និបាតក្រុមប្រឹក្សាកីឡាអូឡាំពិកអាស៊ីលើកទី៤១ ចាប់ពីថ្ងៃទី០១ ដល់ថ្ងៃទី០៥ ខែតុលា ឆ្នាំ២០២២។ លោក Xu Jianfeng បានសម្ដែងសេចក្ដីត្រេកអរដែលកម្ពុជាបានទទួលរៀបចំមហាសន្និបាត និងកម្មវិធីរត់កម្សាន្ដ OCA Fun Run ដែលជាការផ្ដល់នូវអត្ថប្រយោជន៍ជាច្រើនដល់គណៈកម្មការរបស់ខ្លួន ក៏ដូចជាមុខមាត់ប្រទេសចិន ដើម្បីផ្សាយផ្សាយពីការប្រកួតកីឡាអាស៊ីដល់មហាជន ពិសេសបណ្ដាប្រទេសសមាជិក OCA ដែលចូលរួមមហាសន្និបាតនៅកម្ពុជា ហើយក៏ជាឱកាសធ្វើបទបង្ហាញពីវឌ្ឍនភាព នៃការត្រៀមរៀបចំព្រឹត្តិការណ៍កីឡាប្រចាំទ្វីបអាស៊ី ៤ឆ្នាំម្ដង ដែលត្រូវបានលើកពេលទៅចុងឆ្នាំ២០២៣ នេះផងដែរ។រីឯមន្ដ្រី OCA លោក Wissan Trkmani បានបញ្ជាក់ថា គោលបំណងនៃការរៀបចំកម្មវិធីរត់កម្សាន្ដ ៣គីឡូម៉ែត្រ និង ៥គីឡូម៉ែត្រនេះគឺដើម្បីផ្សព្វផ្សាយពីកីឡាអាស៊ីនៅទីក្រុង Hangzhou និងលើកឡើងនូវប្រធានបទមួយដែល Asian Games ផ្ដោតសំខាន់គឺកីឡាដើម្បីទាំងអស់គ្នា មានន័យថា កីឡាសម្រាប់មហាជនគ្រប់ជាតិសាសន៍ មិនប្រកាន់ពណ៌សម្បុរ ភេទ អាយុ ឬនិន្នាការអ្វីឡើយ ជាក់ស្ដែងការរត់កម្សាន្ដនេះបើកឲ្យមហាជនទូទៅចូលរួម ដោយផ្ដោតលើគុណតម្លៃនៃកីឡាអូឡាំពិក មិនផ្ដោតលើការចាញ់-ឈ្នះនោះទេគឺផ្ដោតទៅលើការចូលរួម។ ជាថ្មីម្ដងទៀត ក្នុងនាម OCA លោកបានសម្ដែងការអរគុណដល់រាជរដ្ឋាភិបាលកម្ពុជា និង NOCC ដែលបានសហការយ៉ាងល្អជាមួយ OCA ដើម្បីរៀបចំនូវកម្មវិធីនេះ ពិសេសមហាសន្និបាតលើកទី៤១ ដែលមានលក្ខណៈល្អឥតខ្ចោះ ទាំងការទទួលបដិសណ្ឋារកិច្ច និងការស្នាក់នៅ-ហូបចុកជាដើម។លោកបានបង្ហាញសុទិដ្ឋិនិយមថា តាមរយៈការរៀបចំកម្មវិធីទាំងអស់នេះ គឺជាឱកាសកម្ពុជាបង្ហាញនូវភាពខ្លាំងរបស់ខ្លួន ហើយក៏ជាភាពល្អទៅកាន់ដៃគូជាម្ចាស់ផ្ទះកីឡាស៊ីហ្គេមឆ្នាំ២០២៣ ផងដែរ។ ដោយឡែកឯកឧត្តម វ៉ាត់ ចំរើន បានបង្ហាញការស្វាគមន៍យ៉ាងកក់ក្ដៅ ចំពោះការរៀបចំកម្មវិធីរត់កម្សាន្ដនេះ ហើយឯកឧត្ដមបានចាត់ទុកវេទិការនេះ គឺជាឱកាសហ្វឹកហាត់ និងជាបទពិសោធន៍ដ៏ល្អ ពោលគឺជាបទពិសោធន៍ផ្ទាល់ដែលត្រូវរៀនសូត្រ សម្រាប់ដំណើរឆ្ពោះទៅធ្វើម្ចាស់ផ្ទះការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ មានន័យថា ជាឱកាសដើម្បីហ្វឹកហាត់ការងារ ទាំងការងារទំនាក់ទំនង ទទួលបដិសណ្ឋារកិច្ច ការស្នាក់នៅ-ហូបចុក និងការរៀបចំកម្មវិធីផ្សេងៗទៀត។ សូមបញ្ជាក់ថា មហាសន្និបាត OCA លើកទី៤១ នឹងប្រារព្ធពិធីបើកនាព្រឹកថ្ងៃទី០៤ ខែតុលា ក្រោមអធិបតីភាពដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា ហើយសម្ដេចតេជោនាយករដ្ឋមន្ដ្រីនឹងថ្លែងសន្ទរកថាបើក និងសន្ទរកថាគន្លឹះ ដើម្បីស្វាគមន៍ចំពោះឥស្សរជនកីឡា និងថ្នាក់ដឹកនាំចលនាអូឡាំពិកអាស៊ី និងអន្ដរជាតិប្រមាណ ៤០០នាក់មកពីជាង ៥០ប្រទេសលើពិភពលោក ដែលនឹងចូលរួមព្រឹត្តិការណ៍ដ៏ធំនេះផងដែរ៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

លោក Netanyahu ច្រានចោលផែនការហ្កាហ្សា ជាការបែកបាក់ថ្មីពីលោក Trump

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

រដ្ឋមន្ត្រីក្រសួងអប់រំជួបសំណេះសំណាលជាមួយរដ្ឋមន្ត្រីកីឡាអារ៉ាប៊ីសាអូឌីត

កីឡាករ-កីឡាការិនីស្ប៉េស្យាល់ជាង ២០០នាក់ចូលរួមប្រកួតថ្នាក់ជាតិឆ្នាំ២០២២

Miguel Oliveira ឈ្នះការប្រណាំង MotoGP នៅថៃ ខណៈ Bagnaia ដេញពិន្ទុជិតទាន់ Quartararo ក្នុងតារាងជើងឯក

Sergio Perez ឈ្នះការប្រកួតនៅសិង្ហបុរី ខណៈ Max Verstappen ត្រូវរង់ចាំប្រកួតបន្ទាប់អ៊ុតមើលថាជាជើងឯករឺអត់

Wolves បញ្ចប់តំណែងអ្នកចាត់ការ Bruno Lage ក្រោយចាញ់ West Ham

យុវជន ២រូបប្ដេជ្ញាចិត្តខ្ពស់ ក្រោយក្លិបអង្គរថាយហ្គឺរបញ្ជូនទៅហាត់នៅជប៉ុន

ផ្ទុះអំពើហិង្សាក្រោយការប្រកួតបាល់ទាត់នៅឥណ្ឌូនេស៊ីរត់ជាន់គ្នាស្លាប់ជាង ១២០នាក់

Haaland ក្លាយជាកីឡាករទី១ ក្នុងប្រវត្តិសាស្ត្រ Premier League ស៊ុតបញ្ចូលទី ៣គ្រាប់ម្នាក់ឯង ៣ប្រកួតជាប់គ្នាក្នុងដី

ពេជ្រ សម្បត្តិ ប្រើពេលត្រឹមមួយទឹកយកឈ្នះ ធន់ ផានិត ឡើងវគ្គផ្តាច់ព្រ័ត្រខ្សែក្រវាត់ខារ៉ាបាវរដូវកាលទី៨

ចិនចាត់ទុកមហាសន្និបាត និងការរត់កម្សាន្ដ OCA នៅកម្ពុជា ជាឱកាសផ្សព្វផ្សាយកីឡាអាស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

រដ្ឋមន្ត្រី​ក្រសួង​អប់រំ​ជួប​សំណេះសំណាល​ជាមួយ​រដ្ឋមន្ត្រី​កីឡា​អា​រ៉ា​ប៊ី​សា​អូឌីត​

កីឡាករ​-​កីឡាការិនី​ស្ប៉េ​ស្យា​ល់​ជាង ២០០​នាក់​ចូលរួម​ប្រកួត​ថ្នាក់ជាតិ​ឆ្នាំ​២០២២

Miguel Oliveira ឈ្នះ​ការ​ប្រណាំង MotoGP នៅ​ថៃ​ ខណៈ Bagnaia ដេញ​ពិន្ទុ​ជិត​ទាន់ Quartararo ក្នុង​តារាង​ជើងឯក​

Sergio Perez ឈ្នះ​ការប្រកួត​នៅ​សិង្ហ​បុរី​ ខណៈ Max Verstappen ត្រូវ​រង់ចាំ​ប្រកួត​បន្ទាប់​អ៊ុត​មើល​ថា​ជា​ជើងឯក​រឺ​អត់

Wolves បញ្ចប់​តំណែង​អ្នកចាត់ការ Bruno Lage ក្រោយ​ចាញ់ West Ham

យុវជន ២​រូបប្ដេជ្ញា​ចិត្ត​ខ្ពស់ ក្រោយក្លិប​អង្គ​រថា​យ​ហ្គឺ​រ​បញ្ជូន​ទៅ​ហាត់​នៅ​ជប៉ុន​

ផ្ទុះ​អំពើ​ហិង្សា​ក្រោយ​ការប្រកួត​បាល់ទាត់​នៅ​ឥណ្ឌូនេស៊ី​រត់​ជាន់គ្នា​ស្លាប់ជាង ១២០​នាក់​

ចិន​ចាត់ទុក​មហាសន្និបាត និង​ការរត់​កម្សាន្ដ​ OCA ​នៅ​កម្ពុជា ជា​ឱកាស​ផ្សព្វផ្សាយ​កីឡា​អាស៊ី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រដ្ឋមន្ត្រីក្រសួងអប់រំជួបសំណេះសំណាលជាមួយរដ្ឋមន្ត្រីកីឡាអារ៉ាប៊ីសាអូឌីត

កីឡាករ-កីឡាការិនីស្ប៉េស្យាល់ជាង ២០០នាក់ចូលរួមប្រកួតថ្នាក់ជាតិឆ្នាំ២០២២

Miguel Oliveira ឈ្នះការប្រណាំង MotoGP នៅថៃ ខណៈ Bagnaia ដេញពិន្ទុជិតទាន់ Quartararo ក្នុងតារាងជើងឯក

Sergio Perez ឈ្នះការប្រកួតនៅសិង្ហបុរី ខណៈ Max Verstappen ត្រូវរង់ចាំប្រកួតបន្ទាប់អ៊ុតមើលថាជាជើងឯករឺអត់

Wolves បញ្ចប់តំណែងអ្នកចាត់ការ Bruno Lage ក្រោយចាញ់ West Ham

យុវជន ២រូបប្ដេជ្ញាចិត្តខ្ពស់ ក្រោយក្លិបអង្គរថាយហ្គឺរបញ្ជូនទៅហាត់នៅជប៉ុន

ផ្ទុះអំពើហិង្សាក្រោយការប្រកួតបាល់ទាត់នៅឥណ្ឌូនេស៊ីរត់ជាន់គ្នាស្លាប់ជាង ១២០នាក់

ចិនចាត់ទុកមហាសន្និបាត និងការរត់កម្សាន្ដ OCA នៅកម្ពុជា ជាឱកាសផ្សព្វផ្សាយកីឡាអាស៊ី