BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

ក្រសួងមហាផ្ទៃឈ្នះមេដាយច្រើនជាងគេនៃការប្រកួតតេក្វាន់ដូ ITF ជើងឯកជាតិឆ្នាំនេះ

តេក្វាន់ដូ៖ ក្រុមកីឡាករ-កីឡាការិនីតេក្វាន់ដូ ITF របស់ក្រសួងមហាផ្ទៃដណ្ដើមបានមេដាយច្រើនជាងគេ ក្នុងការប្រកួតជ្រើសរើសជើងឯកថ្នាក់ជាតិឆ្នាំ២០២២ បន្ទាប់ពីឆ្លងកាត់ការប្រកួតដ៏ស្វិតស្វាញកាលពីចុងសប្ដាហ៍កន្លងទៅ នៅសាលដំបូលទូកនៃសាកលវិទ្យាល័យភូមិន្ទភ្នំពេញ។ ពិធីបិទការប្រកួតនេះបានធ្វើឡើងក្រោមវត្តមានឯកឧត្តម កែវ រ៉េមី ប្រធានសហព័ន្ធកីឡាតេក្វាន់ដូ ITF កម្ពុជា និងជាប្រធានសហព័ន្ធកីឡាតេក្វាន់ដូ ITF អាស៊ីអាគ្នេយ៍។ ឯកឧត្តមបានវាយតម្លៃខ្ពស់ចំពោះការខិតខំរបស់កីឡាករ-កីឡាការិនី ក៏ដូចជាគណៈកម្មការបច្ចេកទេស ដែលស្ដែងឲ្យឃើញភាពរីកចម្រើនមួយកម្រិតទៀតរបស់កីឡាតេក្វាន់ដូ ITF កម្ពុជាបច្ចុប្បន្ន។ ឯកឧត្តម បួនហ៊ីង សុធីយ៉ា អគ្គលេខាធិការសហព័ន្ធបានឲ្យដឹងថា ជើងឯកថ្នាក់ជាតិឆ្នាំនេះមានកីឡាករ-កីឡាការិនីចូលរួមចំនួន ១៣៨នាក់មកពី ១៧សមាគម/ក្លិប។ ជាលទ្ធផលក្រសួងមហាផ្ទៃដណ្ដើមបានមេដាយច្រើនជាងគេសរុប ២០គ្រឿង (មាស ៨ ប្រាក់ ៤ និងសំរិទ្ធ ៨) ខណៈក្រសួងសេដ្ឋកិច្ច និងហិរញ្ញវត្ថុឈរលេខ២ ឈ្នះមេដាយសរុប ១៤គ្រឿង (មាស ២ ប្រាក់ ៤ និងសំរិទ្ធ ៨)។ចំណែកក្លិបយុវជនឈរលេខ៣ ឈ្នះមេដាយសរុប ៥គ្រឿង (មាស ២ និងប្រាក់ ៣)។ ក្លិប ស.ស.យ.ក ខេត្តកំពង់ស្ពឺ ឈ្នះមេដាយសរុប ៦គ្រឿង (មាស ២ ប្រាក់ ២ និងសំរិទ្ធ ២) ខណៈវិទ្យាស្ថានបច្ចេកវិទ្យាប្រាជ្ញាសាស្ត្រឈ្នះមេដាយសរុប ៦គ្រឿងដូចគ្នា (មាស ២ គ្រឿង ប្រាក់ ១ និងសំរិទ្ធ ៣)។ រីឯក្លិបសេរីភាពដណ្តើមបានមេដាយសរុប ៣គ្រឿង (មាស ២ និងប្រាក់ ១)។ ក្លិបមិត្តភាពដណ្ដើមបានមេដាយមាស ២ និងខេត្តកោះកុងដណ្តើមបានមេដាយសរុប ៦គ្រឿង (មាស ១ ប្រាក់ ១ និងសំរិទ្ធ ៤ គ្រឿង៕អត្ថបទ៖ លី ឈុនឡា

ឯកឧត្តម វ៉ាត់ ចំរើន ពន្យល់ពីការដាក់កីឡា Muay នៅស៊ីហ្គេម កុំឲ្យភាន់ច្រឡំរវាង គុនខ្មែរ និង Muay Thai

ភ្នំពេញ៖ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣ (CAMSOC) និងជាប្រធានសហព័ន្ធកីឡា Muay អាស៊ី បានពន្យល់ពីការកំណត់កីឡា Muay ដាក់ក្នុងការប្រកួតកីឡាស៊ីហ្គេម ដើម្បីចៀសវាងការភាន់ច្រឡំ រវាងប្រដាល់ «គុនខ្មែរ» និង «Muay Thai» បន្ដទៀត ។ការបកស្រាយរបស់ឯកឧត្តម បន្ទាប់ពីសង្កេតឃើញមានការយល់ច្រឡំអំពីកីឡាគុនខ្មែរ និង Muay Thai ដែលបានលើកឡើងលើបណ្ដាញសង្គមជាហូរហែនាពេលកន្លងមក ដោយឯកឧត្តម បានពន្យល់ថា ៖«នៅក្នុងធម្មនុញ្ញរបស់សហព័ន្ធកីឡាអាស៊ីអាគ្នេយ៍បានដាក់ពាក្យថា «កីឡា Muay» ជាគុនខ្មែរ ហើយពេលនេះ កម្ពុជាធ្វើម្ចាស់ផ្ទះ កម្ពុជាក៏ត្រូវប្រកួតកីឡា Muay ប៉ុន្ដែកម្ពុជាបានសុំការឯកភាពពីគេដាក់ថា គុនខ្មែរ ។ កម្ពុជា ចូលរួមក្នុងកីឡា Muay ក៏ប៉ុន្ដែជាគុនខ្មែរ មិនមែន Muay Thai ទេ។ Muay Thai គឺ Muay Thai ដូច្នេះកីឡា Muay គឺមិនមែន Muay Thai ទេ ។ឯកឧត្តម បានលើកឡើងថា ក្នុងនាមប្រធានសហព័ន្ធកីឡា Muay អាស៊ី គឺមិនមែន Muay Thai ហើយប្រធានរបស់សហព័ន្ធកីឡា Muay ពិភពលោក គឺជនជាតិឡាវ លោក Say Samone Sayasone ប៉ុន្តែក៏មិនមែន Muay Thai ដែរ។ កម្ពុជាក៏មិនចូលរួមជាសមាជិកក្នុងសមាគមមួយថៃអន្ដរជាតិ IFMA នោះ ប៉ុន្ដែបើជាសកម្មភាពកីឡាប្រកួត កម្ពុជាប្រកួតនៅក្រៅប្រទេស បើខាង Muay Thai អញ្ជើញ កម្ពុជាចូលរួមប្រកួតលក្ខណៈ Muay Thai ប៉ុន្ដែបើថៃ ឬប្រទេសផ្សេងមកស្រុកខ្មែរវិញ ពួកគេត្រូវចូលរួមប្រកួតជាលក្ខណៈ គុនខ្មែរ។ នេះគឺជាគោលការណ៍របស់គណៈកម្មាធិការជាតិអូឡាំពិកកម្ពុជា និងក្រសួងអប់រំ យុវជន និងកីឡា និងជាអនុសាសន៍ណែនាំរបស់ថ្នាក់ដឹកនាំ ដើម្បីរក្សាក្បាច់គុនអត្តសញ្ញាណជាតិខ្មែរ ។ តែកាលណាគេប្រកួតកីឡាប្រដាល់គុនខ្មែរ សូម្បី Muay Thai ក៏ដោយ នៅស្រុកខ្មែរ គឺត្រូវគោរពតាមឈ្មោះ គោលការណ៍ និងបទបញ្ជាប្រកួតរបស់ គុនខ្មែរ ហើយខ្មែរ ទៅប្រកួតក្រៅប្រទេស ដែល Muay Thai អញ្ជើញ គឺប្រកួតធម្មតា ដោយគ្មានការរើសអើងទេ ពោលគឺចូលរួមប្រកួត ដើម្បីបង្កើនសមត្ថភាព និងការងារបច្ចេកទេស តែមិនមែនបានន័យថា កម្ពុជា ជាសមាជិក Muay Thai នោះទេ គ្រាន់តែជាសមាជិករបស់កីឡា Muay ប៉ុណ្ណោះ ។ប្រតិបត្តិករកីឡាដ៏ឆ្នើមរបស់កម្ពុជាដដែល ពន្យល់បន្ថែមថា ពាក្យថា Muay ប្រទេសឡាវ ក៏ប្រើពាក្យហ្នឹង ថៃក៏ប្រើពាក្យហ្នឹង ពោលគឺប្រើរួមសម្រាប់ការប្រកួតក្នុងស៊ីហ្គេម ។ ប៉ុន្ដែកម្ពុជា បានធ្វើការតវ៉ា ក្នុងការរក្សាអត្តសញ្ញាណរបស់គុនខ្មែរ គ្រប់វេទិកាទាំងអស់ នៃការចរចាគ្នា ដោយគ្មានការគាំទ្រ ឬឯកភាពទៅលើពាក្យថា Muay Thai ដាក់នៅក្នុងការប្រកួតកីឡាស៊ីហ្គេមឡើយ ពោលគឺគាំទ្រដាក់ត្រឹមពាក្យថា Muay មានន័យថា ប្រដាល់ ដែលជាភាសារបស់ថៃ និងឡាវ ហៅដូចគ្នា ។ ប៉ុន្ដែក៏មានអង្គការគ្រប់គ្រងខុសគ្នាដែរ Muay Thai គឺគ្រប់គ្រងដោយសហព័ន្ធ Muay Thai អន្ដរជាតិ ។ រីឯកីឡា Muay នៅថៃ គេមានសហព័ន្ធកីឡា Muay ពិភពលោក មួយផ្សេងទៀត» ។ ឯកឧត្តម វ៉ាត់ ចំរើន បានសង្កត់ធ្ងន់ថា ការបង្កើតសហព័ន្ធកីឡា Muay ពិភពលោក និងសហព័ន្ធកីឡា Muay អាស៊ីនេះ គឺមានប្រទេសចូលរួមទាំងអស់ ហើយកម្ពុជាបានប្រកាន់យកពាក្យ Muay ជាមួយពាក្យថា គុនខ្មែរ ក្នុងរង្វង់នៃការការពារអត្តសញ្ញាណរបស់ខ្មែរ ។ រាល់ការប្រកួតនៅក្នុងស្រុក គឺត្រូវយកទម្រង់នៃការប្រកួតគុនខ្មែរ និងឈ្មោះ គុនខ្មែរ ដោយយកពាក្យក្នុងភាសាច្បាប់របស់ស៊ីហ្គេម ដែលគេដាក់ឈ្មោះថា កីឡា Muay» ។ ទន្ទឹមជាមួយគ្នា ឯកឧត្តមក៏បានឲ្យមតិសាធារណៈទាំងអស់ មេត្ដាយោគយល់ ហើយបន្ដនូវការគាំទ្រ ការការពារ និងថែរក្សាអត្តសញ្ញាណរបស់ជាតិនេះ ជារាងរហូត មិនឲ្យមានការប៉ះពាល់ទេ ។ លើសពីនេះ ឯកឧត្តមក៏ថ្លែងអំណរគុណ ដល់ការយកចិត្តទុកដាក់ និងការចូលរួមអភិរក្ស និងអភិវឌ្ឍន៍គុនខ្មែរទាំងអស់គ្នាផងដែរ ។ ឯកឧត្តមថា រួមគ្នាធ្វើការអភិរក្ស ដើម្បីការអភិវឌ្ឍ រួមគ្នាអភិវឌ្ឍន៍ ដើម្បីការអភិរក្ស រក្សាអត្ដសញ្ញាណក្បាច់គុនព្រលឹងជាតិ គឺគុនខ្មែរ ៕ អត្ថបទ៖ លី ឈុនឡា

ខ្សែបម្រើ Arsenal, Emile Smith Rowe ត្រូវអវត្តមានដល់ខែធ្នូដោយសាររបួស

បាល់ទាត់៖ ខ្សែបម្រើក្រុមកាំភ្លើងធំ Arsenal, Emile Smith Rowe បានទទួលការវះកាត់បញ្ហាក្រលៀនរបស់ខ្លួនដោយជោគជ័យ តែរំពឹងថានឹងត្រូវសម្រាកយ៉ាងហោចណាស់ដល់ខែធ្នូចុងឆ្នាំនេះ។ កីឡាករវ័យ ២២ឆ្នាំរូបនេះបានបង្ហាញខ្លួន ៤លើករដូវកាលនេះនៅ Premier League តែត្រឹមជាកីឡាករបម្រុងផ្លាស់ប្ដូរចូល។ ចុងក្រោយបំផុត Smith Rowe បានរងរបួសអំឡុងបរាជ័យនៅទឹកដី Manchester United ដែលជារបួសចាស់។ រំលឹកថា Smith Rowe មានរដូវកាលដ៏ល្អរបស់ខ្លួនកាលពីរដូវកាលមុនដោយរកបាន ១០គ្រាប់។ យ៉ាងណាក្តីរបស់គេនៅពេលនេះ គឺនឹងមិនប៉ះពាល់ដល់ការប្រកួតច្រើនពេលនោះទេដោយសារ Premier League នឹងសម្រាកនៅខែវិច្ឆិកាខាងមុន ខណៈក្រុមជំរើសជាតិនីមួយៗត្រៀមការប្រកួតនៅ World Cup ប្រទេសកាតា។ Arsenal នឹងត្រូវទទួលក្រុមរួមទីក្រុងឡុងដ៍ Tottenham Hotspur ថ្ងៃសៅរ៍នេះ៕អត្ថបទ៖នាង សុភាវុធ

Antonio Conte ស្នើឱ្យដាក់បម្រាមមួយជីវិតលើអ្នកគាំទ្រដែលចោលចេកមកលើ Richarlison

បាល់ទាត់៖ គ្រូបង្វឹក Spurs លោក Antonio Conte ស្នើឱ្យវែកមុខអ្នកចោលចេកមកលើ Richarlison អំឡុងការប្រកួតឱ្យក្រុមជម្រើសជាតិប្រេស៊ីលកាលពីថ្ងៃអង្គារនៅទីក្រុងប៉ារីស និងស្នើឱ្យដាក់ពិន័យដល់មួយជីវិតលើអ្នកគាំទ្រនោះ។ ខ្សែប្រយុទ្ធ Spurs, Richarlison ជាថ្មីម្តងទៀតបានរងគ្រោះក្នុងការរើសអើងពីអ្នកគាំទ្រ អំឡុងការប្រកួតដែលប្រេស៊ីលយកឈ្នះទុយនីស៊ី ៥-១ ក្នុងជំនួបមិត្តភាពអន្តរជាតិ។ Richarlison ជាអ្នកស៊ុតបញ្ចូលទីគ្រាប់នាំមុខ ២-០ បន្ទាប់ពីគ្រាប់ដំបូងធ្វើបានដោយ Raphinha តែការអបអរសាទរគ្រាប់បាល់របស់ Richarlison នោះ អ្នកគាំទ្របានចោលចេកមកលើទីលានដែលជាទង្វើររើសអើងមួយ។ សហព័ន្ធបាល់ទាត់ប្រេស៊ីល ក៏ដូចជាម្ចាស់ផ្ទះបារាំងបានថ្កោលទោស និងទទូចឱ្យរកមុខអ្នកគាំទ្រដែលមានទង្វើរអសីលធម៌នេះ។ថ្មីៗនេះដែរក្លិបបាល់ទាត់នៅ Premier League ទាំងអស់បានយល់ព្រមច្បាប់ដាក់ពិន័យលើអ្នកគាំទ្រណាដែលមានអាកប្បកិរិយាមិនសមរម្យ និងរើសអើងជាដើមនឹងត្រូវដាកបម្រាមយ៉ាងហោចណាស់មួយឆ្នាំ។ តែលោក Conte ថា មួយឆ្នាំមិនគ្រប់គ្រាន់ឡើយ ដាក់មួយជីវិតទើបសម។ Spurs នឹងត្រូវធ្វើដំណើរទៅទឹកដី Arsenal ចុងសប្តាហ៍នេះនៅក្របខណ្ឌ English Premier League៕អត្ថបទ៖នាង សុភាវុធ

ក្រុមហ៊ុន KAM Sports របស់អាមេរិកចាប់អារម្មណ៍ចង់ទិញក្លិប Everton

បាល់ទាត់៖ ក្រុមហ៊ុន KAM Sports ដែលមានមូលដ្ឋាននៅសហរដ្ឋអាមេរិក នៅតែចាប់អារម្មណ៍ក្នុងការទិញយកភាគហ៊ុនធំក្លិប Everton មកគ្រប់គ្រង នេះបើតាមការចុះផ្សាយរបសសារព័ត៌មានអង់គ្លេស BBC។ ក្រុមហ៊ុនមួយនេះធ្លាប់បានធ្វើទំនាក់ទំនងចរចាទិញ Everton ម្តងរួចមកហើយកាលពីដើមឆ្នាំ២០២២ នេះ តែម្ចាស់ក្លិប Everton បច្ចុប្បន្នលោក Farhad Moshiri មិនព្រមលក់។ KAM Sports គឺស្ថិតក្រោមការគ្រប់គ្រងរបស់ Kaminski Family ដែលមានមូលដ្ឋាន Minneapolis ដែលជាក្រុមហ៊ុនវិនិយោគអចលនទ្រព្យមួយនៅសហរដ្ឋអាមេរិក។ Kaminski Family ក៏ធ្លាប់ជាសមាជិករបស់លោក Peter Kenyon ដែរដែលធ្លាប់ចង់ទិញភាគហ៊ុនរបស់ Everton ផងដែរនាពេលកន្លងមក។ លោក Peter Kenyon គឺជាអតីតនាយកក្លិប Manchester United និង Chelsea កាលពីអតីតកាល។ដោយឡែកទោះបីមានការចង់បាន Everton ពីអ្នកវិនិយោគមួយចំនួនក្តី ម្ចាស់ក្លិបបច្ចុប្បន្នលោក Farhad Moshiri នៅតែប្រកាន់ជំហរមិនលក់ឡើយ។ តាំងពីកាន់កាប់ភាគហ៊ុនធំរបស់ Everton នៅឆ្នាំ២០១៦ លោក Moshiri បានចាយលុយវិនិយោគក្លិបជាច្រើនលានផោន ដូចជាការសាងសង់កីឡដ្ឋានថ្មីដែលមានកៅអីសរុប ៥៣,០០០ ដែលនឹងរួចរាល់នៅឆ្នាំ២០២៤។ យ៉ាងណាក្តី Everton ក៏មានការខាតបង់ជិត ៤០០លានផោនក្នុងរយៈពេល ៣រដូវកាលចុងក្រោយ ដែលមានការលំបាក និងប្រឈមនឹងការកាត់ចោល៕អត្ថបទ៖នាង សុភាវុធ

ការធ្វើតេស្ត Covid-19 នៅតែចាំបាច់សម្រាប់ការចូលរួមរបស់អ្នកគាំទ្រនៅ World Cup

បាល់ទាត់៖ អ្នកគាំទ្រដែលចូលរួមទស្សនាការប្រកួត World Cup 2022 នៅកាតាឆ្នាំនេះ នៅតែតម្រូវឱ្យធ្វើតេស្តរកមេរោគ Covid-19 ដដែល នេះបើតាមការប្រកាសផ្លូវការរបស់ម្ចាស់ផ្ទះកាតា។ អ្នកគាំទ្រទាំងអស់ចាប់ពីអាយុ ៦ឆ្នាំឡើងត្រូវបង្ហាញលទ្ធផលតេស្តអវិជ្ជមាន Covid-19 ដោយម៉ាស៊ីន PCR រយៈពេល ៤៨ម៉ោងក្រោយពេលចេញលទ្ធផលតេស្ត។ សម្រាប់ការធ្វើតេស្តរហ័សមិនត្រូវបានអនុញ្ញាតឡើយ តែនឹងមិនមានការធ្វើតេស្តបន្ថែមណាមួយទៀតឡើយ លើកលែងតែមានចេញអាការៈនៃមេរោគ Covid-19។ ជាមួយគ្នានោះដែរអ្នកគាំទ្រដែលមានអាយុ ១៨ឆ្នាំឡើងទៅគឺតម្រូវឱ្យទាញយកកម្មវិធី ដែលគ្រប់គ្រងដោយរដ្ឋាភិបាលកាតាដាក់ក្នុងទូរស័ព្ទដៃរបស់ខ្លួន ដើម្បីងាយស្រួលក្នុងការគ្រប់គ្រងការចល័តរបស់ភ្ញៀវទេសចរណ៍ដែលពាក់ព័ន្ធនឹងអ្នកជំងឺ Covid-19។អ្នកគាំទ្រទាំងអស់ត្រូវពាក់ម៉ាស់ជាប់ជានិច្ចនៅលើមធ្យោបាយធ្វើដំណើរសាធារណៈដូចជា រថយន្តក្រុង រឺតាក់ស៊ីជាដើម តែសម្រាប់អ្នកចាក់វ៉ាក់សាំង និងអ្នកមិនបានចាក់វ៉ាក់សាំងត្រូវបានអនុញ្ញាតឲ្យចូលទស្សនាបានដូចគ្នា។ សូមបញ្ជាក់ថា ប្រទេសកាតាមានអ្នកឆ្លងមេរោគ Covid-19 សរុប ៤៤០.០០០ករណី និងមានអ្នកស្លាប់សរុប ៦៩២នាក់តាំងពីការផ្ទុះឡើងនៃមេរោគ Covid-19។ កាតាមានប្រជាជនសរុបប្រមាណ ២.៨០០.០០០នាក់ដោយក្នុងនោះមានអ្នកចាក់វ៉ាក់សាំងសរុបជាង ៧លានដូសមកទល់ពេលនេះ៕អត្ថបទ៖នាង សុភាវុធ

Barcelona នៅតែឈរលើគេជាក្លិបដែលមានអ្នកទស្សនាច្រើនបំផុតក្នុងមួយប្រកួត

បាល់ទាត់៖ ក្លិបយក្សអេស្ប៉ាញ FC Barcelona នៅតែឈរលើគេដដែល ជាក្លិបដែលមានអ្នកគាំទ្រចូលរួមទស្សនាផ្ទាល់ច្រើនបំផុតក្នុងមួយប្រកួត។ បើតាមការចុះផ្សាយពីសារព័ត៌មាន Sport របស់អេស្ប៉ាញឱ្យដឹងថា Barcelona មានអ្នកគាំទ្រចូលទស្សនាការប្រកួតក្នុងដីជាមធ្យម ៨៣,៣៤៨នាក់ក្នុងរដូវកាល ២០២២ នេះ ដែលចំនួននេះគឺជាចំនួនច្រើនបំផុតបើប្រៀបធៀបនឹងក្លិបផ្សេងទៀតនៅតំបន់អឺរ៉ុប។Barcelona ជាក្លិបអេស្ប៉ាញតែមួយគត់ដែលឈរក្នុងលំដាប់ Top10 នេះ ខណៈក្លិបអាល្លឺម៉ង់ Borussia Dortmund ឈរលេខ២ មានអ្នកគាំទ្រទស្សនាមធ្យម ៨០,០០០នាក់នៅកីឡដ្ឋាន Signal Iduna Park។ ក្លិបផ្សេងទៀតដែលមានអ្នកគាំទ្រចូលទស្សនាចជាមធ្យមលើសពី ៧០,០០០នាក់មានដូចជា Bayern Munich, Manchester United, Inter Milan និង AC Milan។ ក្លិបដែលស្ថិតក្នុង Top10 ដែលតែមានមធ្យមភាគអ្នកចូលទស្សនាជាង ៥០,០០០នាក់មាន Tottenham Hotspur, Marseille, Schalke និង West Ham៕អត្ថបទ៖នាង សុភាវុធ

សហព័ន្ធបាល់ទះប្រកាសរៀបចំ និងទទួលពាក្យចូលរួមប្រកួតពានសម្ដេចតេជោ ហ៊ុន សែន

បាល់ទះ៖ សហព័ន្ធកីឡាបាល់ទះកម្ពុជាបានជូនដំណឹងជាផ្លូវការ ពីការរៀបចំការប្រកួតកីឡាបាល់ទះដណ្ដើមពានរង្វាន់ សម្ដេចអគ្គមហាសេនាបតីតេជោ ហ៊ុន សែន ឆ្នាំ២០២២ ដែលគ្រោងនឹងធ្វើការប្រកួតពីថ្ងៃទី១៥ រហូតដល់ថ្ងៃទី២៨ ខែតុលាខាងមុខនៅពហុកីឡដ្ឋានព្រីនស៍។ តាមរយៈសេចក្ដីជូនដំណឹងនេះដែរ សហព័ន្ធក៏បានអំពាវនាវដល់បណ្ដាក្លិបសមាជិកចំនួន ១២ រួមមានសមាគមបាល់ទះវិសាខា, ក្រសួងមហាផ្ទៃ, ក្លិបកងពលធំអន្ដរាគមន៍លេខ៣, ស្នងការដ្ឋាននគរបាលខេត្តស្វាយរៀង, ខេត្តសៀមរាប, ខេត្តព្រះសីហនុ, ខេត្តបាត់ដំបង, ខេត្តឧត្ដរមានជ័យ, ខេត្តតាកែវ, រាជធានីភ្នំពេញ, ខេត្តកំពង់ស្ពឺ និងក្លិបស្នងការដ្ឋាននគរបាលខេត្ដត្បូងឃ្មុំរួសរាន់ចុះឈ្មោះ ខណៈការទទួលពាក្យចាប់ផ្ដើមពីថ្ងៃជូនដំណឹងរហូតដល់ថ្ងៃទី០២ ខែតុលាខាងមុខនៅទីស្នាក់ការសហព័ន្ធស្ថិតនៅពហុកីឡដ្ឋានជាតិ។លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជាបានឲ្យដឹងកាលពីថ្មីៗថា ពានរង្វាន់សម្ដេចតេជោ ហ៊ុន សែន ធ្វើឡើងក្នុងគោលបំណងសំខាន់ដើម្បីបំផុសការចូលរួម និងជំរុញការអភិវឌ្ឍវិស័យកីឡាបាល់ទះជាតិ តាមរយៈការដុសខាតសមត្ថភាពកីឡាករ ពិសេសកីឡាករជម្រើសជាតិដើម្បីត្រៀមស្វាគមន៍ការប្រកួតកីឡាស៊ីហ្គេមលើកទី៣២ ឆ្នាំ២០២៣ ខាងមុខ។ អ្វីដែលពិសេសសហព័ន្ធក៏បានអញ្ជើញក្រុមជម្រើសជាតិសិង្ហបុរី មកប្រកួតមិត្ដភាពជាមួយក្រុមជម្រើសជាតិកម្ពុជា ដើម្បីអបអរសាទរពិធីបើកការប្រកួតព្រឹត្តិការណ៍ដ៏ធំនេះផងដែរ៕អត្ថបទ៖ លី ឈុនឡា

ប្រដាល់គុនខ្មែរ “ម្ចាស់ជើងឯកខ្សែក្រវាត់ខារ៉ាបាវ” រដូវកាលទី៨ ឈានដល់វគ្គពាក់កណ្តាលផ្តាច់ព្រ័ត្រអាទិត្យនេះ

គុនខ្មែរ៖ ព្រឹត្តិការណ៍ប្រដាល់គុនខ្មែរ “ម្ចាស់ជើងឯកខ្សែក្រវាត់ខារ៉ាបាវ” រដូវកាលទី៨ ក្នុងប្រភេទទំងន់ ៦០គីឡូក្រាមនឹងឈានដល់វគ្គពាក់កណ្តាលផ្តាច់ព្រ័ត្រថ្ងៃអាទិត្យចុងសប្តាហ៍នេះហើយ ក្រោយបញ្ចប់ការប្រកួតវិលចុំសន្សំពិន្ទុដែលចំណាយអស់ពេលប្រមាណជាបីខែ។ សម្រាប់ពូលកម្ពុជាកីឡាករគុនខ្មែរពីររូបរួមមាន ពេជ្រ សម្បត្តិ និង ធន់ ផានិត បានឡើងមកកាន់វគ្គពាក់កណ្តាលផ្តាច់ព្រ័ត្រនេះក្រោយឈ្នះបីប្រកួតចាញ់ ១ប្រកួតដូចគ្នា។ ចំណែកពូលថៃកីឡាករជើងចាស់ ទួនប៉េស៊ីត សាមផាយ៉ាក និង ផាត់ថាណា ស៊ីតអាចានវីន ក៏បានកក់កៅអីនៅវគ្គនេះដែរក្រោយមានសរុប ១០ពិន្ទុប្រកួតឈ្នះ ៣ ចាញ់ ១ ដូចគ្នា។ បើតាមលក្ខខណ្ឌដែលបានចងក្រងសម្រាប់រដូវកាលទី៨ នេះកីឡាករលេខ ១ និងលេខ ២ នៃពូលនីមួយនឹងត្រូវជួបគ្នាតែម្តង មិនខ្វែងដូចរដូវកាលមុនៗឡើយ។ មានន័យថា កូនសិស្សលោកគ្រូ ពេជ្រ សុផាន់ កីឡាករ ពេជ្រ សម្បត្តិ ត្រូវជួបជាមួយកូនសិស្សលោកគ្រូ ធន់ សុភា កីឡាករ ធន់ ផានិត ស្របពេលដែលអ្នកលេងគុនថៃឆ្លងដែនទាំងពីរនាក់ ទួនប៉េ និង ផាត់ថាណា នឹងត្រូវជួបគ្នាផងដែរ។អ្នកឈ្នះនឹងឡើងទៅជួបគ្នានៅវគ្គផ្តាច់ព្រ័ត្រដែលនឹងត្រូវធ្វើឡើងនៅចុងខែតុលាខាងមុខ រវាងកីឡាករគុនខ្មែរជួបជាមួយកីឡាករគុនថៃ។ ដូច្នេះកុំភ្លេចរង់ចាំតាមដានទស្សនាការប្រកួតដ៏កក្រើកនេះ នៅសង្វៀនស្ទូឌីយោស្ទឹងមានជ័យថ្ងៃអាទិត្យចុងសប្តាហ៍នេះវេលាម៉ោង ៦ល្ងាចតទៅ ផ្សាយផ្ទាល់ពីទូរទស្សន៍បាយ័ន និងផេកហ្វេសប៊ុកផ្លូវការ Bayon & BTV Boxing៕អត្ថបទ៖នាង សុភាវុធ

ប្រមុខអូឡាំពិកកម្ពុជា និងអ៊ីរ៉ង់គ្រោងចុះ MOU ដើម្បីពង្រឹងវិស័យកីឡា និងទេសចរណ៍រវាងប្រទេសទាំងពីរ

អូឡាំពិក៖ គណៈកម្មាធិការជាតិអូឡាំពិកកម្ពុជា (NOCC) និងគណៈកម្មាធិការជាតិអូឡាំពិកអ៊ីរ៉ង់ គ្រោងនឹងធ្វើការចុះអនុស្សារណៈយោគយល់គ្នា (MOU) នាពេលឆាប់ៗ ដើម្បីពង្រឹងកិច្ចសហប្រតិបត្តិការលើវិស័យកីឡាផង និងទេសចរណ៍ផងរវាងប្រទេសទាំងពីរ។ នេះបើតាមការបញ្ជាក់របស់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា បន្ទាប់ពីឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាប្រធាន NOCC បានអនុញ្ញាតឲ្យប្រធានគណៈកម្មាធិការជាតិអូឡាំពិកអ៊ីរ៉ង់លោក Mahmoud Khosravi Vafa ចូលជួបសម្ដែងការគួរសម និងពិភាក្សាការងារកាលពីថ្ងៃទី២៩ ខែកញ្ញា ឆ្នាំ២០២២ នៅសណ្ឋាគារសុខា។ ឯកឧត្តមមានប្រសាសន៍ថា កិច្ចសន្ទនានេះធ្វើឡើងស្របពេលប្រតិភូកីឡាជាន់ខ្ពស់អ៊ីរ៉ង់បានធ្វើដំណើរមកកម្ពុជា ដើម្បីចូលរួមមហាសន្និបាតក្រុមប្រឹក្សាកីឡាអូឡាំពិកអាស៊ីលើកទី៤១ ចាប់ពីថ្ងៃទី០១-០៥ ខែតុលាខាងមុខ ហើយបានស្នើសុំជួបជាមួយប្រមុខអូឡាំពិកកម្ពុជា ដើម្បីពិភាក្សាការងារ ពិសេសការរៀបចំនូវអនុស្សារណៈយោគយល់គ្នា ដែលផ្ដោតសំខាន់លើការអភិវឌ្ឍវិស័យកីឡា និងទេសចរណ៍។ក្រោយការផ្លាស់ប្ដូរយោបល់គ្នា ភាគីទាំងពីរបានឯកភាពលើការរៀបចំអនុស្សារណៈយោគយល់គ្នានេះ ដែលឯកឧត្តមបានចាត់ទុកជាសញ្ញាណវិជ្ជមានមួយសម្រាប់វិស័យកីឡាកម្ពុជា ក្នុងដំណាក់ការត្រៀមធ្វើម្ចាស់ផ្ទះការប្រកួតកីឡាស៊ីហ្គេមឆ្នាំ២០២៣។ ប៉ុន្ដែយ៉ាងណាការចុះ MOU នេះអាចកើតឡើងបានក៏ត្រូវឆ្លងកាត់ការស្នើសុំគោលការណ៍ និងការអនុញ្ញាតដ៏ខ្ពង់ខ្ពស់ពីសម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជាជាមុនសិនដែរ។ គួរបញ្ជាក់ថា កន្លងមកកម្ពុជា និងអ៊ីរ៉ង់ធ្លាប់មានកិច្ចសហប្រតិបត្តិលើការអភិវឌ្ឍវិស័យកីឡារួចមកហើយ ពិសេសក្នុងអំឡុងពេលកម្ពុជាត្រៀមធ្វើម្ចាស់ផ្ទះស៊ីហ្គេមឆ្នាំ២០២៣ អ៊ីរ៉ង់តែងផ្ដល់នូវការគាំទ្រផ្នែកបច្ចេកទេស និងអ្នកជំនាញកម្រិតខ្ពស់ជួយពង្រឹងដល់ប្រភេទកីឡាមួយចំនួន ជាក់ស្ដែងបច្ចុប្បន្នអ៊ីរ៉ង់បានផ្ដល់គ្រូបង្វឹកដែលមានគុណវុឌ្ឍខ្ពស់ ២រូបដែលកំពុងដឹកនាំក្រុមជម្រើសជាតិកីឡាការ៉ាតេ និងកីឡាចំបាប់ជាដើម ដើម្បីសមត្ថភាពឆ្ពោះទៅប្រកួតប្រជែងមេដាយ ក្នុងព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជានាឆ្នាំក្រោយ៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

ឆ្មាំអ៊ីរ៉ង់នឹងមិនបើកច្រកសមុទ្រ Hormuz ឡើងវិញទេ ប្រសិនបើអាមេរិកមិនបំពេញតាមការទាមទាររបស់ទីក្រុងតេអេរ៉ង់

នគរបាល៖ ជនជាប់ចោទបាញ់ប្រហារនៅសាលារៀនថៃបានមើលខ្លឹមសារអំពើហិង្សាតាមអ៊ីនធឺណិត

ក្រុមការងារចុះជួយមូលដ្ឋាន នំាយកអំណោយចែកជូនពលរដ្ឋមានជីវភាពខ្វះខាត២០គ្រួសារ រស់នៅក្នុងឃុំបាយដំរំា ខេត្តបាត់ដំបង

លោក Netanyahu ច្រានចោលផែនការហ្កាហ្សា ជាការបែកបាក់ថ្មីពីលោក Trump

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ក្រសួងមហាផ្ទៃ​ឈ្នះ​មេដាយ​ច្រើន​ជាង​គេនៃ​ការប្រកួត​តេ​ក្វាន់​ដូ​ ITF ​ជើងឯក​ជាតិ​ឆ្នាំនេះ​

ឯកឧត្តម វ៉ាត់ ចំរើន ពន្យល់ពីការដាក់កីឡា Muay នៅស៊ីហ្គេម កុំឲ្យភាន់ច្រឡំរវាង គុនខ្មែរ និង Muay Thai

ខ្សែបម្រើ Arsenal, Emile Smith Rowe ត្រូវ​អវត្តមាន​ដល់​ខែ​ធ្នូ​ដោយសារ​របួស​

Antonio Conte ស្នើឱ្យ​ដាក់​បម្រាម​មួយជីវិត​លើ​អ្នកគាំទ្រ​ដែល​ចោល​ចេក​មកលើ Richarlison

ក្រុមហ៊ុន KAM Sports របស់​អាមេរិក​ចាប់អារម្មណ៍​ចង់​ទិញ​ក្លិប Everton

ការធ្វើ​តេស្ត​ Covid-19 នៅតែ​ចាំបាច់​សម្រាប់​ការចូលរួម​របស់​អ្នកគាំទ្រ​នៅ World Cup

Barcelona នៅតែ​ឈរលើ​គេ​ជា​ក្លិប​ដែលមាន​អ្នកទស្សនា​ច្រើន​បំផុត​ក្នុង​មួយ​ប្រកួត

សហព័ន្ធ​បាល់ទះ​ប្រកាស​រៀបចំ និង​ទទួល​ពាក្យ​ចូលរួម​ប្រកួត​ពាន​សម្ដេច​តេ​ជោ ហ៊ុន សែន​