នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
កម្ពុជាភ្លាត់ចាញ់សិង្ហបុរីនៅនាទីទីចុងក្រោយ ក្នុងជំនួបបើកឆាកពានរង្វាន់បាល់​ទាត់តំបន់​អាស៊ី​អាគ្នេយ៍ ​(ASEAN Hyundai Cup 2026)
វ័យ ៤០ ឆ្នាំ Luka Modric បន្តកិច្ចសន្យាថ្មីជាមួយ AC Milan មួយឆ្នាំទៀត
Arsenal នាំយកខ្សែប្រយុទ្ធក្រិក Christos Tzolis ពី Club Brugge ក្នុងតម្លៃ ៣៤ លានផោន
មន្រ្តីជាន់ខ្ពស់ក្រសួងអប់រំ៖ ការប្រកួតកីឡាជាតិ-កីឡាជាតិជនពិការ ត្រូវរៀបចំតាមលំនាំហ្គេមស្តង់ដា លើប្រភេទកីឡានីមួយៗ

ព័ត៌មានកីឡា

ពានសម្ដេចតេជោ ហ៊ុន សែន នឹងរកឃើញបេក្ខភាពវគ្គផ្ដាច់ព្រ័ត្រ ១ក្រុមថ្ងៃពុធនេះ ខណៈ​បឹងកេត​ ត្រូវជួបព្រះខ័នរាជ

2026/04/28 07:40:20 pm        261
Facebook Telegram Linkin
ការប្រកួតបាល់ទាត់ពានរង្វាន់សម្ដេចអគ្គមហាសេនាបតីតេជោ ហ៊ុន សែន លើកទី១៩ (ថ្នាក់​ជាតិ​) ​ឆ្នាំ២០២៥/២៦ នឹងត្រូវរកឃើញបេក្ខភាពឡើងវគ្គផ្ដាច់ព្រ័ត្រ ១ក្រុម នាថ្ងៃទី២៩ ខែមេសា ឆ្នាំ​២០២៦នេះ រវាងក្រុមវិសាខា និងក្រុម ISI ដង្កោសែនជ័យ ស្របពេលក្រុមបឹងកេត នឹង​ត្រូវ​ជួប​ក្រុម​ព្រះខ័ន​រាជស្វាយរៀង ក្នុងវគ្គពាក់កណ្ដាលផ្ដាច់ព្រ័ត្រ-ជើងទី១ នៅ​ពហុ​កីឡ​ដ្ឋានជា​តិ​(អូឡាំពិក)។ជុំវិញ​ជំនួបដ៏សំខាន់នាថ្ងៃពុធសប្ដាហ៍នេះ ក្រុមដំរី​ជ័យ ​ISI​ ដង្កោ​សែន​ជ័យ ​នឹង​ត្រូវ​ជួប​ក្រុម​ភ្ញៀវ​វិសាខា ​ក្នុងជើងទី២ នៃវគ្គពាក់កណ្ដាលផ្ដាច់ព្រ័ត្រ បន្ទាប់ពីរងបរាជ័យ ៣-០ ក្រៅដី កាលពី​ជើង​ទី​១​។ បច្ចុប្បន្នវិសាខា កំពុងមានប្រៀប តែ ISI ថា លទ្ធផលជើងទី១ ពុំទាន់អាច​សម្រេច​ជោ​គ​វាសនា​ក្រុម​ឡើងវគ្គបន្ដឡើយ ។ ដូច្នេះចាំមើលជំនួបកាត់សេចក្ដីស្អែកនេះ តើក្រុមលោក ទុំ សារាយ អាចវាយបកឈ្នះវិសាខា វិញដែលឬទេ? ដ្បិតពួកគេត្រូវការលើសពី ៣គ្រាប់ ដើម្បីរារាំងដំណើរឡើងវគ្គផ្ដាច់ព្រ័ត្ររបស់វិសាខា។ក្រឡេកទៅជំនួបរវាងបឹងកេត និងព្រះខ័នរាជស្វាយរៀងវិញ ដំបូងឡើយក្រុមទាំងពីរ ត្រូវជួបគ្នានៅវគ្គពាក់កណ្ដាលផ្ដាច់ព្រ័ត្រ-ជើងទី១ ដំណាលគ្នានឹង ១ប្រកួតទៀតដែរ តែដោយសារព្រះខ័នរាជស្វាយរៀង ជាប់ភារកិច្ចប្រកួតបញ្ចប់ពូលB នៃជើងឯកក្លិបបាល់ទាត់អាស៊ីអាគ្នេយ៍ នៅប្រទេសវៀតណាម ភាគីពាក់ព័ន្ធក៏សម្រេចលើកពេល មកប្រកួតជើងទី១ នៅថ្ងៃទី២៩ ខែមេសាវិញ និងជើងទី២ ពន្យារពេលទៅប្រកួត រហូតដល់ថ្ងៃទី២០ ខែឧសភាខាងមុខ។ នេះគឺជាជំនួបដ៏ជក់ចិត្ត ដែលអ្នកគាំទ្រជាច្រើន កំពុងទន្ទឹងរង់ចាំទស្សនា។គួរដឹងថា ប្រសិនបើគ្មានការប្រែប្រួលទេនោះ បន្ទាប់ពីរកឃើញបេក្ខភាពវគ្គផ្ដាច់ព្រ័ត្រ ជំនួបកាត់សេចក្ដីស្វែងរកជើងឯកពានរង្វាន់សម្ដេចតេជោ ហ៊ុន សែន ឆ្នាំ២០២៥/២៦ គ្រោងនឹងធ្វើឡើងនាថ្ងៃទី២៤ ខែឧសភា ឆ្នាំ២០២៦៕អត្ថបទ លី ឈុនឡា 

ទួកគីនឹងទទួលរៀបចំការប្រណាំង Formula One វិញនៅឆ្នាំ២០២៧ ក្រោយអវត្តមាន ៦ឆ្នាំ

2026/04/28 07:28:54 pm        142
Facebook Telegram Linkin
ព្រឹត្តិការណ៍ប្រណាំងរថយន្ត Formula One នឹងវិលត្រលប់មកកាន់កាលវិភាគ F1 ពិភពលោកវិញនៅឆ្នាំ ២០២៧ ខាងមុខ ក្រោយអវត្តមាន ៦ ឆ្នាំ។ការប្រណាំងនឹងនៅតែបន្តរៀបចំនៅទីលាន Istanbul Park ក្នុងកិច្ចសន្យាដែលមានសុពលភាពដល់ឆ្នាំ ២០៣១។ Istanbul Park ជាទីលានដែលកីឡាករអង់គ្លេស Lewis Hamilton ឈ្នះជើងឯកពិភពលោកលើកទី ៧ ក្នុងអាជីពតាមស្មើកំណត់ត្រារបស់កីឡាករអាល្លឺម៉ង់ Michael Schumacher។ រំលឹកដែរថា ប្រទេសទួកគីបានទទួលរៀបចំការប្រណាំង F1 ដំបូងនៅឆ្នាំ ២០០៥ ដល់ ២០១១ ហើយក៏បានផ្អាករៀបចំដល់ឆ្នាំ ២០២០ និង ២០២១ ដែលទទួលពីរប្រកួតបំពេញកាលវិភាគ F1 នៅពេលពិភពលោករងគ្រោះដោយសារជម្ងឺរាតត្បាតកូវីដ-១៩។ ការវិលត្រលប់មកវិញរបស់ទួកគីមិនមែនបានន័យថា F1 នឹងមានការប្រណាំងលើសពី ២៤ ទីលានក្នុងមួយរដូវកាលនោះទេ ខណៈដែល F1 នឹងបញ្ចប់កិច្ចសន្យាជាមួយទីលានមួយចំនួនវិញ៕ អត្ថបទ៖នាង សុភាវុធ 

AFC ជូនដំណឹងកម្ពុជា មាន ២ក្លិបប៉ុណ្ណោះ ត្រូវលេងពានលំដាប់ទី២ ទ្វីបអាស៊ី ឆ្នាំ២០២៦/២៧

2026/04/28 05:12:20 pm        428
Facebook Telegram Linkin
សហព័ន្ធកីឡាបាល់ទាត់ទ្វីបអាស៊ី(AFC) បានជូនដំណឹងជាថ្មី ពីការ​កំណត់​កូតា​ក្លិប​តំណាង​កម្ពុជា ​ដែលទទួលបានកៅអីចូលរួមប្រកួតពានរង្វាន់ក្លិបបាល់ទាត់លំដាប់ទី២ ទ្វីបអាស៊ី AFC Champions League Two ឆ្នាំ២០២៦/២៧ មានតែ ២ក្លិបប៉ុណ្ណោះ។ នេះបើ​យោង​តាម​សេចក្ដី​បញ្ជាក់​របស់​សហព័ន្ធកីឡាបាល់ទាត់ទ្វីបអាស៊ី ដែលសហព័ន្ធកីឡាបាល់ទាត់កម្ពុជា ទទួល​បាន​តាម​រយៈ​សារ​អេឡិច​ត្រូនិក(អ៊ីម៉ែល) ហើយត្រូវបានក្រុមហ៊ុន​ខេមបូឌាន​ព្រីមៀរ​លីគ​(CPL)​ ផ្សព្វ​ផ្សាយ​កាលពីថ្ងៃទី២៧ ខែមេសា ឆ្នាំ២០២៦ កន្លងទៅ។ដោយទទួលបានការបញ្ជាក់បន្ថែមពីសហព័ន្ធកីឡាបាល់ទាត់ទ្វីបអាស៊ី សហព័ន្ធកីឡា​បាល់​ទាត់​កម្ពុជា ​បានធ្វើបច្ចុប្បន្នភាពនៃចំនួនកំណត់កូតាក្លិបបាល់ទាត់តំណាងជាតិ ដែលក​ម្ពុជា​ទទួល​បាន​ដើម្បី​ចូល​​រួម​ការ​ប្រកួត​ដែល​រៀបចំ​ដោយ​សហព័ន្ធ​កីឡា​បាល់ទាត់​ទ្វីប​អាស៊ី ​សម្រាប់​ឆ្នាំ២​០២៦​/២៧ ​មានចំនួន ២ក្លិប រួមមាន៖ ក្រុមត្រូវលេងវគ្គចែកពូលពានរង្វាន់ AFC Champions League​ Two ឬ Group Stage ចំនួន ១ក្លិប និងក្រុមត្រូវលេងវគ្គជម្រុះពានរង្វាន់ AFC Champions League Two ឬវគ្គ Play-off ចំនួន ១ក្លិប។បន្ថែម​សហព័ន្ធ ក៏បានបញ្ជាក់ ចំពោះការកំណត់គោលការណ៍ក្លិបបាល់ទាត់តំណាងជាតិ ចូលរួម​ការ​ប្រកួត​ពានរង្វាន់លំដាប់ទី២ ទ្វីបអាស៊ីនេះ នឹងត្រូវអនុវត្ត​ទៅ​តាម​លំដាប់​លំដោយ​ក្នុង​សេចក្តី​ជូន​ដំណឹង​លេខ ០៣៤/២៦ ស.ប.ក ចុះថ្ងៃទី២៨ ខែមករា ឆ្នាំ២០២៦ របស់សហព័ន្ធ ពោល​គឺ​ផ្អែក​សំខាន់​លើចំណាត់ថ្នាក់របស់ក្លិបបាល់ទាត់ ចូលរួមការប្រកួតជើងឯកលីគកំពូលកម្ពុជា និង​ពាន​រង្វាន់​សម្តេចអគ្គមហាសេនាបតីតេជោ ហ៊ុន សែន ឆ្នាំ២០២៥/២៦ ដែលបាន​បំពេញ​អាជ្ញា​បណ្ណ​ក្លិប​អន្តរជាតិ AFC Club Licensing ពេញលេញ តាមលំដាប់លំដោយ ដូចជា៖១. ក្លិប​ដែលទទួលបានជើងឯកលីគកំពូលកម្ពុជា ឆ្នាំ២០២៥/២៦ ដែលបានរកឃើញជាផ្លូវការ គឺ​ក្លិប​ព្រះខ័នរាជស្វាយរៀង។២. ក្លិបដែលទទួលបានចំណាត់ថ្នាក់លេខ២ នៃលីគកំពូលកម្ពុជា ឆ្នាំ២០២៥/២៦។៣. ក្លិបដែលទទួលបានជើងឯកពាននរង្វាន់សម្តេចអគ្គមហាសេនាបតីតេជោ ហ៊ុន សែន ឆ្នាំ២០២៥​/២៦។៤/. ក្លិបដែលទទួលបានចំណាត់លេខ៣ នៃលីគកំពូលកម្ពុជា ឆ្នាំ២០២៥/២៦។ត្រឡប់​ទៅចាប់អារម្មណ៍ក្លិបបាល់ទាត់កម្ពុជា ដែលទទួលបានអាជ្ញាប័ណ្ណ AFC Club License 2026/27 គឺមាន ៤ក្លិបប៉ុណ្ណោះ រួមមានក្លិបព្រះខ័នរាជស្វាយរៀង ភ្នំពេញក្រោន វិសាខា និង​បឹងកេត​។ នេះបើតាមការជូនដំណឹងរបស់ CPL កាលពីសប្ដាហ៍កន្លងទៅ៕ អត្ថបទ លី ឈុនឡា

អ្នកការពារជើងឯក Carlos Alcaraz នឹងអវត្តមានពី Grand Slam, French Open ខែក្រោយ

2026/04/27 08:52:36 pm        101
Facebook Telegram Linkin
ជើងឯកពីរសម័យ និងជាអ្នកការពារតំណែងជើងឯក Carlos Alcaraz នឹងអវត្តមានពីការប្រកួត Grand Slam, French Open ខែក្រោយដោយសាររបួសកដៃ។កីឡាករលំដាប់លេខពីរពិភពលោករូបនេះ បានដកខ្លួនពីការប្រកួត Barcelona Open សប្តាហ៍មុន បន្ទាប់ពីរងរបួសកដៃស្តាំងពេលយកឈ្នះការប្រកួតជុំទីមួយ។ កីឡាករវ័យ ២២ ឆ្នាំរូបនេះបានបង្ហាញអារម្មណ៍សោកស្តាយចំពោះបញ្ហារបួសរបស់ខ្លួន បន្ទាប់អវត្តមានតាំងពី Italian Open និង French Open ខែក្រោយ។ Carlos Alcaraz បានចាប់ផ្តើមឆ្នាំ ២០២៦ នេះជាមួយនឹងជ័យជំនះជើងឯក Australian Open ក្លាយជាកីឡាករវ័យក្មេងបំផុតឈ្នះជើងឯកគ្រប់ Grand Slam ទាំងបួនប្រចាំឆ្នាំ។​រំលឹកថា Alcaraz បានឈ្នះការប្រកួតនៅលើទីលានដីក្រហមបីកម្មវិធីរដូវកាលមុនរួមមាន Monte Carlos Masters, Rome Masters និង French Open៕ អត្ថបទ៖នាង សុភាវុធ

Mohamed Salah រងរបួសសៃពួរត្រូវអវត្តមានដល់ចប់រដូវកាល

2026/04/27 08:42:41 pm        107
Facebook Telegram Linkin
ខ្សែប្រយុទ្ធ Liverpool, Mohamed Salah នឹងត្រូវអវត្តមានដល់ចប់រដូវកាល បន្ទាប់ពីទទួលរងរបួសសរសៃពួរពេល Liverpool យកឈ្នះ Crystal Palace ៣-១ ចុងសប្តាហ៍កន្លងទៅ។ កីឡាករវ័យ ៣៣ ឆ្នាំដែលបានប្រកាសពីការចាកចេញពីក្រុមជើងឯក Premier League នៅដំណាច់រដូវកាលនេះ បានត្រឹមទះដៃជាមួយនឹងទឹកមុខក្រៀមក្រំទៅកាន់អ្នកគាំទ្រនៅពេលដើរចេញពីទីលាននៅនាទីទី ៦០។ បើតាមនាយកបច្ចេកទេសក្រុមជម្រើសជាតិអេស៊ីបលោក Ibrahim Hassan ឱ្យដឹងថា របួសសរសៃពួរនេះនឹងត្រូវសម្រាកយ៉ាងហោចណាស់ ៤ សប្តាហ៍ និងមានន័យថា Salah នឹងជាទាន់ World Cup។នេះជារដូវកាលដ៏លំបាកបំផុតសម្រាប់ Salah តាំងពីមកកាន់ Liverpool នៅឆ្នាំ ២០១៧ ដោយរកគ្រាប់បាល់បានត្រឹម ១០ គ្រាប់ប៉ុណ្ណោះក្នុងចំណោម ៣៤ ប្រកួតគ្រប់ក្របខណ្ឌមកដល់ពេលនេះ ដែលជាស្ថិតិទាបបំផុតក្នុងរយៈពេល ៩ ឆ្នាំរបស់គេនៅ Liverpool។រយៈពេល ៩ ឆ្នាំនេះខ្សែប្រយុទ្ធកំពូលដែលប្រជាជនអេហ្ស៊ីបហៅថា King of Egypt រូបនេះ បានរួមចំណែកយ៉ាងសំខាន់ក្នុងការផ្លាស់ប្តូរ Liverpool និងនាំភាពជោគជ័យមកកាន់ក្លិបជាច្រើន។ Liverpool បានឈ្នះជើងឯក Premier League ពីរដង Champions LeaguA, FIFA Club World Cup, UEFA Super Cup, FA Cup និង League Cup ក៏ដូចជា FA Community Shield ផងដែរ។សម្រាប់សមិទ្ធផលផ្ទាល់ខ្លួន Salah បានឈ្នះពានជ័យលាភីស្បែកជើងមាស ស៊ុតបញ្ចូលទីច្រើនជាងគេនៅ Premier League បួនលើក និងធ្លាប់ជាកីឡាករឆ្នើមបំផុតរបស់ Premier League បីលើកផងដែរ៕​អត្ថបទ៖នាង សុភាវុធ

អាជ្ញា​កណ្តាលអ៊ីតាលី Gianluca Rocchi ផ្អាកតួនាទីខ្លួនឯង ខណៈមាន​ការ​ស៊ើប​អង្កេត​អំពី​បទ​ក្លែង​បន្លំ​កីឡា

2026/04/27 07:02:57 pm        114
Facebook Telegram Linkin
លោក Gianluca Rocchi អ្នកទទួលបន្ទុកចាត់តាំងអាជ្ញាកណ្តាលក្នុងលីគកំពូលអ៊ីតាលី បាន​សម្រេច​ផ្អាក​ខ្លួនឯងពីតួនាទី បន្ទាប់ពីមានការរាយការណ៍អំពីការស៊ើបអង្កេតពាក់ព័ន្ធនឹងបទ “ក្លែង​បន្លំ​កីឡា”។យោងតាមទីភ្នាក់ងារព័ត៌មានអ៊ីតាលី AGI លោក Rocchi ដែលជាអតីតអាជ្ញាកណ្តាលអន្តរជាតិ កំពុង​ស្ថិតក្រោមការស៊ើបអង្កេតចំពោះ “ការចូលរួមសហការនៅក្នុងការក្លែងបន្លំកីឡា” ក្នុង​រដូវ​កាល ២០២៤-២៥ ហើយបានកំណត់ពេលសវនាការដំបូងនៅថ្ងៃព្រហស្បតិ៍ខាងមុខ។សមាគម​អាជ្ញា​កណ្តាលអ៊ីតាលី (AIA) ក៏បានចេញសេចក្តីថ្លែងការណ៍បញ្ជាក់ថា លោក Rocchi បានផ្អាកខ្លួនឯងពីតួនាទី បន្ទាប់ពីមានការចាប់ផ្តើមស៊ើបអង្កេតដោយការិយាល័យអយ្យការក្រុង Milan។អង្គភាពនេះក៏បានបញ្ជាក់ផងដែរថា លោក Andrea Gervasoni ដែលជាអ្នកគ្រប់គ្រង VAR សម្រាប់លីគកំពូលទាំងពីររបស់អ៊ីតាលី ក៏បានផ្អាកខ្លួនឯងដែរ បន្ទាប់ពីត្រូវបានដាក់ឲ្យស៊ើបអង្កេតដូចគ្នា។ក្នុងសេចក្តីថ្លែងការណ៍របស់ខ្លួន លោក Rocchi បាននិយាយថា ការសម្រេចផ្អាកខ្លួនឯងពីតួនាទីនៅពេលនេះគឺមានគោលបំណងអនុញ្ញាតឲ្យដំណើរការផ្លូវច្បាប់ប្រព្រឹត្តទៅដោយរលូន ហើយជឿជាក់ថា នឹងអាចបង្ហាញភាពស្អាតស្អំរបស់ខ្លួនបាន និងជាការទទួលខុសត្រូវលើតួនាទី ហើយក៏ចង់ការពារក្រុមអាជ្ញាកណ្តាលទាំងមូល មិនឲ្យរងផលប៉ះពាល់ដោយសារបញ្ហារបស់ខ្លួនតាមការចោទប្រកាន់ មានការសង្ស័យថា លោក Rocchi បានជ្រើសរើសអាជ្ញាកណ្តាលសម្រាប់ការប្រកួតរបស់ Inter Milan ដោយសារតែក្លិបចប់បាន។ លើសពីនេះ លោក Rocchi ត្រូវបានចោទថា បានដាក់សម្ពាធលើមន្រ្តី VAR ម្នាក់ ដើម្បីជំរុញឲ្យអាជ្ញាកណ្តាលពិនិត្យមើលសកម្មភាពប៉ះដៃក្នុងតំបន់ពិន័យ ក្នុងការប្រកួតដែល Udinese ឈ្នះ Parma ១-០ កាលពីខែមីនាឆ្នាំមុន។គួរបញ្ជាក់ថា បទល្មើស “ក្លែងបន្លំកីឡា” គឺជាបទល្មើសព្រហ្មទណ្ឌនៅប្រទេសអ៊ីតាលី ដែលអាចផ្តន្ទាទោសអតិបរមាជាប់ពន្ធនាគារដល់ទៅ ៦ ឆ្នាំ៕ អត្ថបទ៖នាង សុភាវុធ

លីគកំពូលកម្ពុជា កាន់តែទាក់ទាញការចាប់អារម្មណ៍ ខណៈសល់ ៣សប្ដាហ៍ទៀត នឹងបញ្ចប់

2026/04/27 06:52:17 pm        195
Facebook Telegram Linkin
ទោះបីក្រុមជើងឯក ត្រូវបានរកឃើញ តែការប្រកួតប្រជែងលីគកំពូលកម្ពុជា ឆ្នាំ២០២៥/២៦ នៅ​តែមានកម្រិតខ្ពស់ ជាទីទាក់ទាញកាន់តែខ្លាំងសម្រាប់អ្នកគាំទ្រ ពិសេសជំនួបរវាងបេក្ខភាព Top-6 ​ស្រប​ពេលនៅសល់ ៣សប្ដាហ៍ទៀតនឹងត្រូវបញ្ចប់រដូវកាល។អ្វីដែលគួរឲ្យចាប់អារម្មណ៍ គឺលទ្ធផលការសន្សំពិន្ទុ សប្ដាហ៍ទី១៩ នៃដំណាក់កាលទី២ កាល​ពី​ចុង​សប្ដាហ៍កន្លងទៅ ដោយក្រុម អឹមអាយអាយ កំពង់ដេវ៉ា បានយកឈ្នះភ្នំពេញក្រោន ១-០ គ្រា​ដែល​បឹងកេត ចាញ់អង្គរថាយហ្គឺរ ២-០ និងក្រុមជើងឯកព្រះខ័នរាជស្វាយរៀង វាយ​បក​ស្មើ​ណា​ហ្គាវើល​ដ៍ ១-១ នៅចុងម៉ោង។សម្រាប់ជំនួបដ៏ជក់ចិត្ត នៅកីឡដ្ឋានវិសាខា កីឡាករ សាន គឹមហេង បានរកគ្រាប់បាល់នាំមុខឲ្យ អឹមអូអាយ កំពង់ដេវ៉ា តាំងពីនាទីទី២០ ហើយលទ្ធផលនេះ បានរក្សាដល់ចប់ការប្រកួតពេញម៉ោង បន្ទាប់ពីភ្នំពេញក្រោន បានព្យាយាមវាយបកយ៉ាងខ្លាំង តែធ្វើមិនបានសម្រេច ដែលនាំឲ្យពួកគេរបូត ៣ពិន្ទុដ៏សំខាន់ ដើម្បីការពារតំណែងលេខ២ របស់ខ្លួន។ចំណែក្រុមបឹងកេត ដែលជាបេក្ខភាពទទួលបានអាជ្ញាបណ្ណក្លិបពី AFC សម្រាប់រដូវកាលថ្មី បានបរាជ័យក្រោមថ្វីជើងក្រុមម្ចាស់ផ្ទះអង្គរថាយហ្គឺរ ២-០ ។ ២គ្រាប់ ដែលជួយឲ្យក្រុមខ្លាទឹកក្រូច បង្កើតគម្លាត ៣ពិន្ទុពីបឹងកេត រកបានដោយកីឡាករ ទាំ មករា នៅនាទី៦០ និងកីឡាករ Mijland Guytho នៅនាទី៨៩។ដោយឡែកជំនួបនៅពហុកីឡដ្ឋានជាតិមរតកតេជោ ម្ចាស់ផ្ទះព្រះខ័នរាជស្វាយរៀង រកបានត្រឹម ១ពិន្ទុ ក្រោយវាយបកស្មើក្រុមណាហ្គាវើលដ៏  ១-១ បន្ទាប់ពីត្រូវក្រុមភ្ញៀវនាំមុខ នៅនាទី១៥ ដែលរកបានដោយកីឡាករ Weyderson រហូតដល់នាទី៨៩ ទើបកីឡាករ Peprah Kwame រកបានគ្រាប់តាមស្មើ មុនអាជ្ញាកណ្ដាលផ្លុំកញ្ចែបញ្ចប់ការប្រកួត។ផ្នែកលើលទ្ធផលនេះ បានធ្វើឲ្យលីគកំពូលកម្ពុជា នាចុងរដូវកាល កាន់តែរន្ថើន និងទាក់ទាញការចាប់អារម្មណ៍ពីអ្នកគាំទ្រដដែល ទោះបីក្រុមព្រះខ័នរាជស្វាយរៀង បានគ្រងជើងឯកជាផ្លូវការក្ដី ។ អ្វីដែលគួរឲ្យកត់សម្គាល់ គឺការប្រកួតចំណាត់ថ្នាក់លេខ២ ក្នុងលីគ ដើម្បីមានឱកាសលេងពានរង្វាន់អន្ដរជាតិ ពិសេសក្រុមដែលជាប់អាជ្ញាបណ្ឌក្លិបពីសហព័ន្ធកីឡាបាល់ទាត់អាស៊ីតែម្ដង។គិតត្រឹមសប្ដាហ៍ទី១៩ ក្រុមព្រះខ័នរាជស្វាយរៀង នៅតែបន្ដឈរកំពូលតារាង មាន ៦៦ពិន្ទុ គ្រាដែលភ្នំពេញក្រោន បន្ដឈរលេខ២ មាន ៥០ពិន្ទុ នាំមុខគូ ៣ពិន្ទុប៉ុណ្ណោះ លើក្រុមលេខ៣ អង្គរថាយហ្គឺរ ដែលមាន ៤៧ពិន្ទុ។ រីឯបឹងកេត រក្សាកៅអីលេខ៤ មាន ៤៤ពិន្ទុ លើណាហ្គាវើលដ៏ ឈរលេខ៥ មាន ៤៣ពិន្ទុ និងក្រុម អឹមអូអាយ កំពង់ដេវ៉ា ឈរលេខ៦ មាន ៣៧ពិន្ទុ៕ អត្ថបទ លី ឈុនឡា

Alex Marquez ឈ្នះការប្រណាំង MotoGP នៅអេស្ប៉ាញ ខណៈបងប្រុស Marc Marquez មិនអាចបញ្ចប់ទី

2026/04/27 06:31:27 pm        114
Facebook Telegram Linkin
កីឡាករប្រណាំងម៉ូតូអេស្ប៉ាញ Alex Marquez បានអបអរការចូលរួមប្រណាំង Grand Prix ទីលានទី ២៥០ ជាមួយនឹងជ័យជំនះនៅព្រឹត្តិការណ៍ MotoGP នៅប្រទេសអេស្ប៉ាញពីរឆ្នាំជាប់គ្នា។ ជ័យជំនះនេះ ក៏ជាការអបអរខួបកំណើតឈានចូលវ័យ ៣០ ឆ្នាំរបស់ Alex Marquez ផងដែរ ខណៈដែលកីឡាកររបស់ក្រុម Gresini Racing រូបនេះ ចាប់ផ្តើមទីពីលេខ ៥ រហូតទទួលបានជ័យជំនះ។ បងប្រុសរបស់គេ Marc Marquez ដែលឈ្នះការប្រណាំងយកទីចេញដំណើរនោះ បានដួលម៉ូតូនៅផ្លូវបត់ទី ១១ នៃជុំទី ២ នៅពេលប្រជែងជាមួយប្អូនប្រុសរបស់ខ្លួន ដែលធ្វើឱ្យអ្នកគាំទ្រមានការភ្ញាក់ផ្អើលជាខ្លាំង។ លេខពីរសម្រាប់ការប្រកួតនេះបានទៅកីឡាករអ៊ីតាលី Marco Bezzecchi ជិះឱ្យក្រុម Aprilia ខណៈកីឡាករអ៊ីតាលីមួយរូបទៀត Fabio di Giannantonio បានលេខ ៣។ នេះជាជ័យជំនះដំបូងសម្រាប់ Alex Marquez រដូវកាលនេះ និងធ្វើឱ្យគេឡើងមកឈរលេខ ៧ ក្នុងតារាងជើងឯក ស្របពេលដែល Marco Bezzecchi បន្តនាំមុខគេមាន ១០១ ពិន្ទុ តាមពីក្រោយដោយកីឡាករអេស្ប៉ាញ Jorge Martin មាន ៩០ ពិន្ទុ និងលេខបី Fabio di Giannantonio មាន ៧១​ ពិន្ទុ។ ទីលានទីប្រាំ MotoGP រដូវកាលនេះ នឹងបន្តទៅប្រទេសបារាំងនៅថ្ងៃទី ១០ ខែឧសភា៕អត្ថបទ៖នាង សុភាវុធ

ទោះឈ្នះកីឡាការិនីអ៊ីរ៉ង់ តែ ស្រីខួច មិនសូវពេញ​ចិត្តគុណ​ផល​ខ្លួន​លើ​សង្វៀន​ប្រដាល់​សកល​អាជីព

2026/04/27 06:02:26 pm        139
Facebook Telegram Linkin
ម្ចាស់មេដាយប្រាក់ស៊ីហ្គេម ឆ្នាំ២០២៣ វី ស្រីខួច បានបង្ហាញខ្លួនជាថ្មី លើ​សង្វៀន​ប្រដាល់​សកល​អាជីព​ប្រចាំ​ខែ ដែលរៀបចំដោយសហព័ន្ធកីឡាប្រដាល់សកលកម្ពុជា ដោយ​បាន​យក​ឈ្នះ​កីឡា​ការិនី​អ៊ីរ៉ង់ Sahel ដោយពិន្ទុ តែជ័យជម្នះនេះ ហាក់មិនសូវធ្វើ​ឲ្យ​កញ្ញា​​ពេញ​ចិត្ត​នឹង​គុណ​ផល​ខ្លួន​សម្រេចបានឡើយ ក្រោយខកខានប្រកួតយូរពេក។ស្រីខួច បានលើកឡើងថា បន្ទាប់ពីព្រឹត្តិការណ៍ស៊ីហ្គេម លើកទី៣២ ខ្លួនបាន​ខក​ខាន​ប្រកួត​ប្រដាល់​សកល ហើយការត្រឡប់មកវិញនេះ កញ្ញាសង្កេតឃើញកម្លាំងហាក់ថយចុះ ស្រប​ពេល​គូ​ប្រកួត​មាន​កាយសម្បទាល្អ សមត្ថភាព និងបច្ចេកទេសល្អផង បានធ្វើឲ្យកញ្ញារាងពិបាក។ តែ​យ៉ាង​ណា​បើមានឱកាស ស្រីខួច ប្ដេជ្ញាខំប្រឹងហ្វឹកហាត់ និងធ្វើឲ្យបានកាន់តែល្អជាងនេះ។គួរដឹងថា សហព័ន្ធបានរៀបចំកម្មវិធី Dragon the Golden Ring ​ដែល​ជា​ការ​ប្រកួត​កីឡា​ប្រដាល់​សកលកម្រិតអាជីពខែទី៣ នៅសាលកីឡាប្រដាល់សកលនាពហុកីឡដ្ឋានជាតិអូឡាំពិក កាល​ចុងសប្ដាហ៍កន្លងទៅ ដោយមានគូអន្ដរជាតិ ៣ប្រកួត និងគូមិត្តភាពជាតិថ្នាល ២ប្រកួត។ ការប្រកួតនេះ បានទាក់ទាញការគាំទ្រយ៉ាងច្រើនពីមហាជន ទាំងជាតិ និងអន្ដរជាតិ ពិសេស​ការ​ប្រកួត​គូអន្ដរជាតិតែម្ដង។សម្រាប់លទ្ធផលការប្រកួតប្រចាំខែទី៣ ត្រូវនឹងខែមេសានេះ ក្រៅពីកីឡាការិនី វី ស្រីខួច យ​ក​ឈ្នះ​ពិន្ទុ​លើកីឡាការិនីអ៊ីរ៉ង់ គឺកីឡាករ សៅ រង្សី បានស្មើកីឡាករមីយ៉ាន់ម៉ា Mya Lone Chaw ​ដោយ​ពិន្ទុ ក្នុងនាមគូឯកប្រចាំខែ គ្រាដែលកីឡាករ នា សុវណ្ណ ចាញ់ពិន្ទុកីឡាករមីយ៉ាន់ម៉ា Ritt Kyaw Zin។ ចំណែកគូប្រកួតថ្នាលយុវជន គឺកីឡាករ នូ ផាត ឈ្នះកីឡាករ ភឿន សម្ភព និង​កីឡាករ​ ឈុន ភារុន ឈ្នះកីឡាករ ខេង សួគីម ដោយពិន្ទុដូចគ្នា៕ អត្ថបទ លី ឈុនឡា

អត្តពលិកកេនយ៉ា Sebastian Sawe ក្លាយជាមនុស្សដំបូងរត់ម៉ារ៉ាតុងប្រើពេលក្រោមពីរម៉ោង

2026/04/27 05:52:32 pm        124
Facebook Telegram Linkin
អត្តពលិកសញ្ជាតិកេនយ៉ា Sebastian Sawe បានក្លាយជាបុរសដំបូងបំផុតដែលរត់ម៉ារ៉ាតុងប្រើពេលក្រោម ២ ម៉ោង នៅពេលយកឈ្នះនៅព្រឹត្តិការណ៍ម៉ារ៉ាតុងអន្តរជាតិទីក្រុងឡុងដ៍ចក្រភពអង់គ្លេស។បុរសវ័យ ៣១ ឆ្នាំរូបនេះ បានរត់បញ្ចប់ម៉ារ៉ាតុងដោយប្រើពេលថេរវេលា ១ ម៉ោង ៥៩ នាទី ៣០ វិនាទី បំបែកកំណត់ត្រាចាស់ Kelvin Kiptum ដែលធ្វើបានក្នុងថេរវេលា ២ ម៉ោង ៣៥ វិនាទី នៅពេលឈ្នះព្រឹត្តិការណ៍ម៉ារ៉ាតុងទីក្រុង Chicago សហរដ្ឋអាមេរិកកាលពីឆ្នាំ ២០២៣។ ជាអកុសល Kelvin Kiptum បានទទួលមរណភាពកាលពីឆ្នាំ ២០២៤ ក្នុងវ័យ ២៤ ឆ្នាំនៅប្រទេសកេនយ៉ាដោយសារគ្រោះថ្នាក់ចរាចរ។អតីតពលិកអេចូពី Yomif Kejelcha បានរក្សាការនាំមុខស្ទើរពេញមួយប្រកួតនៃចម្ងាយ ៤២.១៩៥ គីឡូម៉ែត្រ មុនពេលធ្លាក់ចុះល្បឿននៅចំនុចចុងក្រោយ ខណៈទៅដល់ទីព្រ័ត្រត្រឹមចំណាត់ថ្នាក់លេខពីរ ខណៈលេខបីបានទៅអត្តពលិកអ៊ូហ្កង់ដា Jacob Kiplimo។ផ្នែកនារីវិញ កីឡាការិនីអេចូពី Tigst Assefa ជាអ្នកឈ្នះជាមួយនឹងថេរវេលាបំបែកកំណត់ត្រាខ្លួនឯងជាមួយនឹងថេរវេលា ២ ម៉ោង ១៥ នាទី ៤១ វិនាទី ខណៈកំណត់ត្រាចាស់ ២ ម៉ោង ៥១ នាទី ៥០ វិនាទី។ លេខពីរបានទៅកីឡាការិនីកេនយ៉ា Hellen Obiri និងលេខបីកីឡាការិនីកេនយ៉ាមួយរូបទៀត Joyciline Jepkosgei៕ អត្ថបទ៖នាង សុភាវុធ 

បណ្ដាញសង្គម

ព័ត៌មានថ្មីៗ

លោក Zelenskiy ៖ រុស្ស៊ីចង់ជ្រើសរើសទាហាន ៣ម៉ឺននាក់ ពីកូរ៉េខាងជើង
07/26/2026 02:07 PM
Facebook Telegram Linkin
មន្ទីរសាធារណការខេត្តកំពង់ស្ពឺ កំពុង​ពន្លឿន​ជួសជុល និងថែទាំកំណាត់ផ្លូវដែលកំពុងរងការខូចខាតឱ្យប្រសើរឡើងវិញ
07/26/2026 02:07 PM
Facebook Telegram Linkin
គណៈកម្មាធិការគណបក្សប្រជាជនកម្ពុជាឃុំកណ្តឹងស្រុកបាទី ផ្សព្វផ្សាយសេចក្តីសម្រេចស្តីពីផែនការរួម ឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ ២០២៧
07/26/2026 02:07 PM
Facebook Telegram Linkin
គណៈកម្មាធិការគណបក្សប្រជាជាជនកម្ពុជារាជធានីភ្នំពេញ ប្រកាសបញ្ចូលជាសមាជិកថ្មីជិត ៣០០០នាក់នៅខណ្ឌព្រែកព្នៅ
07/26/2026 02:07 PM
Facebook Telegram Linkin
បណ្ដេញជនជាតិថៃ ៣៩នាក់ ចេញពីកម្ពុជាពាក់ព័ន្ធបទល្មើសចូលដោយទុច្ចរិតក្នុងទីលានយោធា និងលួចឆ្លងដែនដោយខុសច្បាប់
07/26/2026 02:07 PM
Facebook Telegram Linkin
ចំនួនមនុស្សស្លាប់ដោយសារជំងឺអេបូឡានៅប្រទេសកុងហ្គោកើនឡើងដល់ជាង ១.៣០០នាក់
07/26/2026 01:07 PM
Facebook Telegram Linkin
មនុស្សម្នាក់ស្លាប់ និង ១៥នាក់ រងរបួស ក្រោយរថយន្តមួយគ្រឿងបើកបុកហ្វូងមនុស្សនៅព្យុហយាត្រាឥន្ទធនូក្រុងប៊ែរឡាំង
07/26/2026 01:07 PM
Facebook Telegram Linkin
សមត្ថកិច្ចកម្ពុជាបណ្ដេញជនជាតិចិន ១៥៨នាក់ ចេញពីកម្ពុជាពាក់ព័ន្ធករណី Online Scams និងបទល្មើសផ្សេងៗ
07/26/2026 12:07 PM
Facebook Telegram Linkin
កម្ពុជាចូលរួមសន្និសីទជាន់ខ្ពស់នៃឧត្តមភាគីចុះកិច្ចព្រមព្រៀងនៃសន្ធិសញ្ញាមិត្តភាព និងសហប្រតិបត្តិការនៅតំបន់អាស៊ីអាគ្នេយ៍
07/26/2026 12:07 PM
Facebook Telegram Linkin
មនុស្សយ៉ាងហោច ២១នាក់ រងរបួស ក្នុងហេតុការណ៍អគ្គិភ័យនៅទីក្រុងញូវយ៉ក សហរដ្ឋអាមេរិក
07/26/2026 12:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.