នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
កម្ពុជាភ្លាត់ចាញ់សិង្ហបុរីនៅនាទីទីចុងក្រោយ ក្នុងជំនួបបើកឆាកពានរង្វាន់បាល់​ទាត់តំបន់​អាស៊ី​អាគ្នេយ៍ ​(ASEAN Hyundai Cup 2026)
វ័យ ៤០ ឆ្នាំ Luka Modric បន្តកិច្ចសន្យាថ្មីជាមួយ AC Milan មួយឆ្នាំទៀត
Arsenal នាំយកខ្សែប្រយុទ្ធក្រិក Christos Tzolis ពី Club Brugge ក្នុងតម្លៃ ៣៤ លានផោន
មន្រ្តីជាន់ខ្ពស់ក្រសួងអប់រំ៖ ការប្រកួតកីឡាជាតិ-កីឡាជាតិជនពិការ ត្រូវរៀបចំតាមលំនាំហ្គេមស្តង់ដា លើប្រភេទកីឡានីមួយៗ

ព័ត៌មានកីឡា

ISI ប្ដេជ្ញាចិត្តខ្ពស់យកឈ្នះភ្នំពេញក្រោន ឡើងវគ្គ ១/២ ផ្ដាច់ព្រ័ត្រពានសម្ដេចតេជោ ហ៊ុន សែន

2026/03/18 06:39:16 pm        169
Facebook Telegram Linkin
ក្រុម ISI ដង្កោសែនជ័យ នឹងត្រូវជួបក្រុមម្ចាស់ផ្ទះភ្នំពេញក្រោន នាល្ងាចថ្ងៃទី១៨ ខែមីនានេះ ក្នុង​ជំនួប​ជើង​ទី២ វគ្គ ៨ក្រុមចុងក្រោយ នៃពានរង្វាន់សម្ដេចអគ្គមហាសេនាបតីតេជោ ហ៊ុន សែន ឆ្នាំ​២០២៥​/២៦ (ថ្នាក់ជាតិ) ខណៈលោក ទុំ សារ៉ាយ គ្រូបង្វឹកក្រុមដំរីជ័យ បាន​បង្ហាញ​ការ​ប្ដេជ្ញា​ចិត្ត​ខ្ពស់​ ក្នុងការដណ្ដើមជ័យជម្នះពីការប្រកួតដ៏សំខាន់នេះ ដើម្បី​ឈាន​ទៅ​វគ្គ​ពាក់​កណ្ដាល​ផ្ដាច់​ព្រ័ត្រ​។លោក ទុំ សារ៉ាយ បានលើកឡើងថា ការប្រកួតនេះ ពិតជាសំខាន់ ដែលកីឡាករ និង​ថ្នាក់​ដឹក​នាំ​ក្រុម​បានតាំងចិត្តខ្ពស់ ធ្វើយ៉ាងណាខំប្រឹងស្វែងរកជ័យជម្នះ ដើម្បីឡើងទៅវគ្គបន្ដ។ យ៉ាង​ណាក្ដី​លោក​ទទួល​ស្គាល់ភ្នំពេញក្រោន គឺជាក្រុមខ្លាំង ដែលមានខ្សែប្រយុទ្ធល្អៗ តែលោក​នឹង​ព្យាយាម​ប្រើ​យុទ្ធ​សាស្ដ្រ ដើម្បីទប់ទល់ និងកាត់ផ្ដាច់ចង្វាក់លេង ហើយស្វែងរកគ្រាប់បាល់ និង​ជ័យ​ជម្នះ​ឲ្យ​ខាន​តែបាន។គួរដឹងថា កាលពីជើងទី២ ក្រុមទាំងពីរ បានស្មើគ្នា ២-២ នៅកីឡដ្ឋាន ISI Park ។ ដូច្នេះ​ជំនួប​ជើង​​ទី២ ល្ងាចនេះ ក្រុមទទួលបានជ័យជម្នះ នឹងត្រូវឡើងទៅវគ្គពាក់កណ្ដាលផ្ដាច់ព្រ័ត្រ នៃ​ពាន​រង្វាន់​សម្ដេចតេជោ ហ៊ុន សែន ឆ្នាំ២០២៥/២៦ ដោយត្រូវជួបក្រុមវិសាខា ដែលបាន​ទម្លាក់​ក្រុម​ណាហ្គា​វើលដ៏កាលពីថ្មីៗ៕ អត្ថបទ លី ឈុនឡា

Kylian Mbappe នឹងមានមុខពេល Real Madrid ទៅទឹកដី Man City តែ Bellingham បន្តអវត្តមានពីទីលាន

2026/03/17 07:18:58 pm        149
Facebook Telegram Linkin
ខ្សែប្រយុទ្ធបារាំង Kylian Mbappe នឹងមានមុខសម្រាប់ការប្រកួតជើងទីពីរវគ្គ ១៦ ក្រុមចុងក្រោយ Champions League ពេល Real Madrid ទៅទឹកដី Manchester City ខណៈ Jude Bellingham បន្តអវត្តមានតែរួមដំណើរជាមួយក្រុមទៅទឹកដីអង់គ្លេស។កីឡាករបាំរាំងវ័យ ២៧ ឆ្នាំ Mbappe មានបញ្ហាជង្គង់ឆ្វេង និងបានអវត្តមានពីការប្រកួតនានារបស់ Real Madrid តាំងពីចុងខែកុម្ភៈ។ ចំណែក Jude Bellingham មានបញ្ហាសរសៃរពួរក្រោយលេងបានត្រឹម ១០ នាទីទល់នឹង Rayo Vallecano តាំងពីដើមខែកុម្ភៈ។ កីឡាករវ័យ ២២ ឆ្នាំអង់គ្លេសរូបនេះត្រូវបានគេរំពឹងថានឹងអវត្តមាន ៤ សប្តាហ៍ តែក្រោយមករបួសត្រូវបានគេមើលឃើញថាត្រូវបន្តសម្រាកបន្ថែម។ Bellingham ក៏មានឈ្មោះក្នុងក្រុមដែរក្នុងដំណើរមកទឹកដីអង់គ្លេសនៅពេល Real Madrid ជួបម្ចាស់ផ្ទះ Manchester City យប់នេះ តែអ្នកចាត់ការលោក Alvaro Arbeloa ថាកីឡាករអង់គ្លេសរូបនេះមិនអាចចូលលេងបានទេ។Real Madrid កំពុងកាន់ ៣ គ្រាប់ចំណេញយ៉ាងកក់ក្តៅពីជ័យជំនះជើងទីមួយ ៣-០ ដែលធ្វើបានដោយ Federico Valverde ៣ គ្រាប់តែឯង៕ អត្ថបទ៖នាង សុភាវុធ 

Chelsea ទទួលរងការពិន័យពីការទិញដូរកីឡាករបិទបាំងតម្លៃផ្ទេរ តែគេចផុតពីការកាត់ពិន្ទុ

2026/03/17 07:08:47 pm        97
Facebook Telegram Linkin
ក្លិបបាល់ទាត់តោខៀវ Chelsea បានទទួលរងការពិន័យ ១០ លានផោន និងព្យួរការពិន័យមិនឱ្យទិញកីឡាករបន្ថែម ដោយសារការទិញដូរកីឡាករបិទបាំងតម្លៃផ្ទេរជាមួយនឹងភ្នាក់ងារមិនផ្លូវការចន្លោះឆ្នាំ ២០១១ ដល់ ២០១៨។ការពិន័យ ១០ លានផោនដោយ Premier League នេះ ជាការពិន័យជាទឹកប្រាក់ខ្ពស់បំផុតមួយ បន្ទាប់ពី Premier League ធ្លាប់ពិន័យ West Ham ៥.៥ លានផោនដែរជុំវិញការផ្ទេរចូល Javier Mascherano និង Carlos Tevez នៅឆ្នាំ ២០០៧។យ៉ាងណាក្តី Chelsea បានគេចផុតពីការពិន័យកាត់ពិន្ទុនៅ​ Premier League។ជាមួយគ្នានោះដែរ Chelsea នឹងត្រូវអនុវត្តពិន័យភ្លាមៗ ក្នុងការហាមប្រាមរយៈពេល ៩ ខែមិនឱ្យទិញដូរកីឡាករថ្នាលយុវជន និងពិន័យជាទឹកប្រាក់ ៧៥ ម៉ឺនផោនផ្សេងជុំវិញការចុះបញ្ជីកីឡាករយុវជនចន្លោះឆ្នាំ ២០១៩ ដល់ ២០២២។Premier League បានបង្ហាញរបាយការណ៍ជុំវិញការផ្ទេរដែលមិនមានការចុះបញ្ជីត្រឹមត្រូវ និងលាក់តម្លៃផ្ទេរផ្សេងៗរួមមាន Eden Hazard, Samuel Eto’O, Willian, Ramires, David Luiz, Andre Schurrle និង Nemanja Matic។ការទូទាត់ទៅឱ្យតំណាងកីឡាករបួននាក់ផ្សេងទៀតត្រូវបានរៀបរាប់លម្អិតដោយ Premier League ។ ប៉ុន្តែ​ឈ្មោះ​របស់​ពួកគេ​ត្រូវ​បាន​គេ​កែប្រែ​ក្នុង​របាយការណ៍។ មិន​ទាន់​មាន​ហេតុផល​ណា​មួយ​ត្រូវ​បាន​គេ​ផ្តល់​ឱ្យ​សម្រាប់​ពួក​គេ​ដែលត្រូវលាក់បាំង និងមិន​​បង្ហាញ​ជា​សាធារណៈ​ឡើយ។Chelsea បានទទួលយកការពិន័យនេះ ខណៈក្លិបនៅពេលនោះស្ថិតក្រោមការវិនិយោគរបស់សេដ្ឋីរុស្ស៊ីលោក Roman Abramovich។ រំលឹកថា Chelsea បានឈ្នះជើងឯក Premier League ពីរលើក FA Cup ពីរលើក Champions League មួយលើក Europa League មួយលើក និង League Cup មួយលើកអំឡុងឆ្នាំ ២០១១ ដល់ ២០១៨៕ អត្ថបទ៖នាង សុភាវុធ

ជើងឯកថ្នាក់ជាតិកីឡាគុនល្បុក្កតោ ជាការជួបជុំរបស់អ្នកជំនាន់ក្រោយបន្តកិច្ចការអភិរក្ស និងអភិវឌ្ឍន៍ក្បាច់គុនព្រលឹងវប្បធម៌ខ្មែរ

2026/03/17 06:34:38 pm        126
Facebook Telegram Linkin
ការប្រកួតកីឡាគុនល្បុក្កតោជ្រើសរើសជើងឯកថ្នាក់ជាតិ ប្រចាំឆ្នាំ២០២៥ ដែលធ្វើឡើងនៅសាលសាកលវិទ្យាល័យភូមិន្ទភ្នំពេញ រយៈពេល២ថ្ងៃពីថ្ងៃទី១៦-១៧ ខែមីនា ឆ្នាំ២០២៦ត្រូវបានអ្នកជំនាញគុនល្បុក្កតោចាត់ទុកថាជាការជួបជុំរបស់អ្នកជំនាន់ក្រោយនេះ ដើម្បីបន្តកិច្ចការអភិរក្ស និងអភិវឌ្ឍន៍នូវក្បាច់គុនព្រឹលឹងវប្បធម៌ខ្មែរមួយនេះឱ្យរស់នៅជានិច្ច។នេះជាការលើកឡើងរបស់អ្នកជំនាញ លោក អ៊ួ តារា អគ្គលេខាធិការរង សហព័ន្ធកីឡាគុនល្បុក្កតោកម្ពុជា នៅក្នុងពិធីបើកជាផ្លូវការ ការប្រកួតកីឡាគុនល្បុក្កតោ ជើងឯកថ្នាក់ជាតិ កាលពីល្ងាចថ្ងៃទី១៦ ខែមីនា ឆ្នាំ២០២៦ ក្រោមអធិបតីភាពលោកបណ្ឌិត សេង ប៊ុនសុង ប្រឹក្សាជាន់ខ្ពស់ គណៈកម្មាធិការជាតិអូឡាំពិក តំណាងដ៏ខ្ពង់ខ្ពស់ឯកឧត្ដមបណ្ឌិតសភាចារ្យ ច័ន្ទ សារុន ប្រធានសហព័ន្ធកីឡាគុនល្បុក្កតោកម្ពុជា នៅមជ្ឈមណ្ឌលហ្វឹកហ្វឺនការ៉ាតេ នៃសាកលវិទ្យាល័យភូមិន្ទភ្នំពេញ។លោក អ៊ួ តារា គូសបញ្ជាក់បន្ថែមថា ការជួបជុំគ្នា ក្នុងព្រឹត្តិការណ៍ប្រកួតថ្នាក់ជាតិនេះ គឺជាការជួបជុំរបស់អ្នកជំនាន់ក្រោយ ដែលទទួលបានការបំពាក់បំប៉នពីលោកគ្រូព្រឹទ្ធាចារ្យចាស់ៗក្នុងគោលជំហរទាំងគំនិតប្រាជ្ញាស្មារតី មនសិការ ឆន្ទៈគ្រប់បែបយ៉ាង ដើម្បីជំរុញឱ្យយើងបន្តកិច្ចការអភិរក្ស និងអភិវឌ្ឍន៍ក្បាច់គុនព្រលឹងវប្បធម៌ខ្មែរមួយនេះឱ្យរស់នៅជានិច្ច បើទោះបីជាចាស់ៗព្រឹទ្ធាចារ្យគុនល្បុក្កតោបានលាចាកលោកទៅហើយ ជាពិសេសលោកគ្រូតាក្រមាមាស សាន គឹមស៊ាន ស្ថាបនិកសហព័ន្ធកីឡាគុនល្បុក្កតោកម្ពុជា ដែលទើបទទួលមរណៈភាពកាលពីឆ្នាំ២០២៥។ជាមួយនេះដែរ លោកបណ្ឌិត សេង ប៊ុនសុង បានលើកទឹកចិត្តដល់គ្រូបង្វឹកនៅគ្រប់សាលាគុន កីឡាករ កីឡាការិនីគុនល្បុក្កតោទាំងអស់បន្តការខិតខំបង្វឹក និងហ្វឹកហាត់ឱ្យបានជាប់ជាប្រចាំ ដើម្បីបន្តដុសខាត់សមត្ថភាពគុណភាពបច្ចេកទេសក្បាច់គុនអត្តសញ្ញាណជាតិខ្មែរមួយនេះឱ្យកាន់តែល្អប្រសើរ ជាពិសេសត្រូវខិតខំបញ្ចេញឱ្យអស់ពីសមត្ថភាពក្នុងការប្រកួតជើងឯកថ្នាក់ជាតិនេះ ដើម្បីដណ្តើមមេដាយជូនសាលាគុន និងខ្លួនឯង។ ជាមួយគ្នានេះ លោកក៏បានជំរុញឱ្យកីឡាករ កីឡាការិនីគុនល្បុក្កតោរក្សា និងចូលរួមចំណែកអភិរក្ស និងអភិវឌ្ឍគុណតម្លៃនៃក្បាច់គុនដូនតាខ្មែរបន្សល់ទុកឱ្យកូនចៅជំនាន់ក្រោយៗបន្តទៅមុខទៀត។សូមបញ្ជាក់ថា ការប្រកួតកីឡាគុនល្បុក្កតោជ្រើសរើសជើងឯកថ្នាក់ជាតិ ប្រចាំឆ្នាំ២០២៥ ដំណើរការប្រកួតរយៈពេល២ថ្ងៃ ដោយរៀបចំប្រកួតលើ១២វិញ្ញាសា និងមានប្រតិភូ គ្រូបង្វឹក កីឡាករ កីឡាការិនីសរុប ២២៤នាក់ មកពី២៥សាលាគុននៃ៩រាជធានី-ខេត្ត៕ 

Neymar មិនមានឈ្មោះជាមួយប្រេស៊ីលសម្រាប់ការប្រកួតមិត្តភាពត្រៀម World Cup ទល់នឹងបារាំង

2026/03/17 06:06:55 pm        123
Facebook Telegram Linkin
គ្រូបង្គោលក្រុមជម្រើសជាតិប្រេស៊ីលលោក Carlo Ancelotti បានបញ្ជាក់ថា Neymar មិនត្រូវបានកោះហៅចូលក្រុមជម្រើសជាតិសម្រាប់ការប្រកួតមិត្តភាពកំដៅសាច់ដុំមុន World Cup ឡើយដោយសារមិនទាន់រឹងមាំ ១០០%។ប្រេស៊ីលនឹងត្រូវជួបបារាំងនៅថ្ងៃទី ២៦ ខែមីនានេះនៅទីក្រុង Boston សហរដ្ឋអាមេរិកមុនបន្តជួបក្រូអាស៊ីនៅថ្ងៃទី ៣១ នៅ Orlando ខណៈក្រុមជើងឯក ៥ សម័យប្រេស៊ីលកំពុងត្រៀមលក្ខណៈសម្រាប់ព្រឹត្តិការណ៍បាល់ទាត់ពិភពលោករដូវក្តៅនេះនៅអាមេរិក ម៉ិកស៊ិក និងកាណាដា។អតីតអ្នកចាត់ការ Real Madrid រូបនេះបានបន្តថា Neymar នៅតែអាចមានមុខនៅ World Cup ប្រសិនបើរូបគេ រឹងមាំ ជាពីរបួស ១០០% តែសម្រាប់ការប្រកួតមិត្តភាពចំពោះមុខនៅពេលនេះអតីតខ្សែប្រយុទ្ធ Barcelona និង PSG រូបនេះមិនអាចបង្ហាញខ្លួនបានឡើយ។ កីឡាករវ័យ ៣៤ ឆ្នាំរូបនេះក៏បានអវត្តមានពី Santos ដែរប៉ុន្មានប្រកួតចុងក្រោយដោយសារបញ្ហាសាច់ដុំ និងមិនដែលបង្ហាញខ្លួនឱ្យប្រេស៊ីលឡើយតាំងពីមានរបួសជង្គង់ធ្ងន់តាំងពីខែតុលាឆ្នាំ ២០២៣។សម្រាប់ការកោះហៅចូលក្រុមជម្រើសជាតិនៅពេលនេះលោក Ancelotti ក៏បានកោះហៅកីឡាករវ័យ ១៩ ឆ្នាំ Endrick ផងដែរ រួមជាមួយខ្សែប្រយុទ្ធ Brentford, Thiago និងខ្សែប្រយុទ្ធ Bournemouth, Rayan។ ប្រេស៊ីលនឹងត្រូវមានការប្រកួតមិត្តភាពចុងក្រោយមួយទៀតទល់នឹងអេហ្ស៊ីប នៅខែមិថុនាខាងមុខ មុនចាប់ផ្តើមយុទ្នាការ World Cup ពូល C ទល់នឹងម៉ារ៉ុកថ្ងៃទី ១៣ ខែមិថុនាដដែល៕ អត្ថបទ៖នាង សុភាវុធ 

គ្រូថ្មី Li Huanning មានបទពិសោធន៍ជាង ៣ទសវត្សរ៍ មុនមកដឹកនាំ​ក្រុមបាល់ទះ​ជម្រើសជាតិកម្ពុជា

2026/03/17 05:49:04 pm        149
Facebook Telegram Linkin
សហព័ន្ធកីឡាបាល់ទះកម្ពុជា បានសម្រេចតែងតាំងលោក Li Huanning ជាគ្រូបង្វឹកថ្មីរបស់ក្រុមបាល់ទះជម្រើសជាតិកម្ពុជា ក្រោយការចែកផ្លូវជាមួយលោក Li Jun កាលពីថ្មីៗ។ ជាមួយការផ្លាស់ប្ដូរគ្រូថ្មីនេះ បានធ្វើឲ្យមានការចាប់អារម្មណ៍ជាខ្លាំង ដ្បិតគ្រូមុន បានរួមចំណែកអភិវឌ្ឍន៍ និងកសាងនូវសមិទ្ធផលជាច្រើន សម្រាប់វិស័យកីឡាបាល់ទះកម្ពុជា។យ៉ាងណាការនាំចូលគ្រូបង្វឹកថ្មី ដែលគេស្គាល់បុគ្គលសម្បូរដោយបទពិសោធន៍ និងធ្លាប់ដឹកនាំក្រុមជាច្រើនក្នុងតំបន់អាស៊ាន នឹងអាចជួយអភិវឌ្ឍន៍ និងដឹកនាំក្រុមបាល់ទះជម្រើសជាតិកម្ពុជា ឆ្ពោះទៅសម្រេចនូវសមិទ្ធផលថ្មីៗបន្ថែមទៀត។យោងតាមប្រវត្តិបុរសជនជាតិចិនលោក Li Huanning ធ្លាប់ដឹកនាំក្រុមជាច្រើន ទាំងជម្រើសជាតិ និងក្លិប ដោយលោកបានផ្ដើមអាជីពដំបូង ដឹកនាំក្រុមយុវជនសៀងហៃ ពីឆ្នាំ១៩៩៣ ដល់ឆ្នាំ២០០៥ មុនដឹកនាំក្រុមយុវជនឆាយនីសតៃប៉ិ នៅឆ្នាំ២០០៦ ដល់ឆ្នាំ២០១០ ហើយកំឡុងឆ្នាំ២០០៨ លោក៏ធ្លាប់ដឹកនាំក្រុមធំឆាយនីសតៃប៉ិផងដែរ។លុះដល់ឆ្នាំ២០១២ គ្រូបង្វឹកវ័យ ៦២ឆ្នាំរូបនេះ បានចេញមកដឹកនាំក្រុមយុវជនវៀតណាម ខណៈដឹកនាំបាន ៤ឆ្នាំ លោកបានផ្លាស់ទៅដឹកនាំក្រុមបាល់ទះនារី Petroklmla នៅប្រទេសឥណ្ឌូណេស៊ី ពីឆ្នាំ ២០១៥ ដល់ឆ្នាំ២០១៧ និងដឹកនាំក្រុមបាល់ទះនារី Creamline របស់ហ្វីលីពីន នៅឆ្នាំ២០១៩ ខណៈចូលឆ្នាំ២០២០ លោកបានត្រឡប់ទៅប្រកបអាជីពនៅវៀតណាមវិញ ដោយដឹកនាំក្រុមជម្រើសជាតិវៀតណាម រហូតដល់ឆ្នាំ២០២៣ មុនត្រឡប់ទៅដឹកនាំក្រុមជម្រើសហុងកុង នៅឆ្នាំ២០២៣-២០២៤។ក្នុងអាជីពគ្រូបង្វឹកជាង ៣០ឆ្នាំនេះដែរ លោក Li Huanning ធ្លាប់ទទួលបានសមិទ្ធផលជាច្រើន តែភាគច្រើនជាពានក្នុងស្រុក កំឡុងពេលលោកដឹកនាំក្រុមយុវជនឆាយនីសតៃប៉ិ ។ ប៉ុន្ដែការមកដឹកនាំក្រុមជម្រើសជាតិកម្ពុជា ជំនួសតំណែងលោក Li Jun នឹងមានកាតព្វកិច្ចសំខាន់ៗជាច្រើន កំពុងរង់ចាំលោក Li Huanning ជាក់ស្ដែងការប្រកួតជើងឯកអាស៊ីអាគ្នេយ៍ SEA V.League ឆ្នាំ២០២៦ និងស៊ីហ្គេម លើកទី៣៤ នៅម៉ាឡេស៊ី នាឆ្នាំក្រោយជាដើម។គួរដឹងថា រយៈពេលជិត ១០ឆ្នាំ ក្រោមការដឹកនាំរបស់អតីតគ្រូបង្វឹកលោក Li Jun មុនជំនួសតំណែងដោយគ្រូបង្វឹកថ្មីលោក Li Huanning ពេលនេះ ក្រុមបាល់ទះជម្រើសជាតិកម្ពុជា បានសាងកំណត់ត្រាប្រវត្តិសាស្ដ្រជាច្រើន ដូចជាការឈ្នះមេដាយសំរឹទ្ធលើកដំបូង ក្នុងព្រឹត្តិការណ៍ស៊ីហ្គេម លើកទី៣១ នៅវៀតណាម មុនបន្ដឈ្នះមេដាយប្រាក់ ស៊ីហ្គេម លើកទី៣២ ឆ្នាំ២០២៣ នៅកម្ពុជា និងការឈ្នះជើងឯក SEA V. League Challenge ឆ្នាំ ២០២៤ ដើម្បីទទួលបានកៅអីលេងជើងឯកអាស៊ីអាគ្នេយ៍ ក៏ដូចជាការទទួលបានសិទ្ធចូលរួមប្រកួតកីឡាអាស៊ី និងពានរង្វាន់អន្ដរជាតិផ្សេងៗទៀត។ ដូច្នេះចាំមើលតើការផ្លាស់ប្ដូរគ្រូបង្វឹកថ្មី នឹងមានអ្វីប្រែប្រួលបន្ថែមទៀត សម្រាប់វិស័យបាល់ទះកម្ពុជា? អត្ថបទ លី ឈុនឡា 

AFC មិនទាន់បានទទួលការបញ្ជាក់ផ្លូវការនៅឡើយពីការដក់ខ្លួនពី World Cup របស់អ៊ីរ៉ង់

2026/03/17 05:12:39 pm        146
Facebook Telegram Linkin
សហព័ន្ធបាល់ទាត់ទ្វីបអាស៊ី AFC មិនទាន់ទទួលបានការបញ្ជាក់ផ្លូវការនៅឡើយពីអ៊ីរ៉ង់ ជុំវិញ​ការ​ដក​ខ្លួន​របស់ក្រុមជម្រើសជាតិនៅព្រឹត្តិការណ៍បាល់ទាត់ពិភពលោកឆ្នាំនេះ។អ៊ីរ៉ង់បាន​ឆ្លង​ផុតវគ្គជម្រុះ និងទទួលបានកៅអី World Cup ឆ្នាំនេះដែលមាន ៤៨ ក្រុមលើក​ដំបូង​រៀប​ចំនៅអាមេរិក ម៉ិកស៊ិក និងកាណាដា។ រដ្ឋមន្ត្រីកីឡារបស់​ប្រទេសអ៊ីរ៉ង់បាននិយាយថា វាមិនអាចទៅរួចទេសម្រាប់​កីឡាករ​ក្នុង​ការ​ចូល​រួម​ក្នុ​ង​ការ​ប្រកួតនេះ បន្ទាប់ពី​សហរដ្ឋអាមេរិកបា​ន​បើក​ការ​វាយ​ប្រហារ​តាម​អាកាស​ជា​មួយ​អ៊ីស្រាអែល​ប្រឆាំងនឹងទីក្រុងតេអេរ៉ង់ ដោយបានសម្លាប់មេដឹកនាំ​កំពូល​របស់​សាធារណ​រដ្ឋ​អ៊ីស្លាម​។ពេលចាប់ឆ្នោតកាលពីខែធ្នូកន្លងទៅនេះ ក្រុមបាល់ទាត់ជម្រើសជាតិអ៊ីរ៉ង ស្ថិតនៅក្នុងពូលជាមួយបែលហ្ស៊ិក អេហ្ស៊ីប និងនូវែលសេឡង់ ហើយទាំងបីប្រកួតក្នុងពូលG នេះត្រូវលេងនៅទីក្រុងពីររបស់អាមេរិក គឺ ឡូស អែនជឺឡេស និងស៊ីអាថល។អ៊ីរ៉ង់ ជាប្រទេសតែមួយគត់ដែលមិនបានចូលរួមជំនួបកំពូលផែនការសហព័ន្ធបាល់ទាត់អន្តរជាតិសម្រាប់ប្រទេសចូលរួមប្រកួតបាល់ទាត់ពិភពលោក សប្ដាហ៍មុននៅអាត្លង់តា សហរដ្ឋអាមេរិក។អ៊ីរ៉ង់បានកៅអីទៅលេងបានទាត់ពិភពលោក២០២៦ ចេញពីការប្រកួតជម្រុះតំបន់អាស៊ីជុំទី៣ បញ្ចូប់ចំណាត់ថ្នាក់លេខ១ក្នុងពូល A ក្រោយ១០ប្រកួត ឈ្នះ៧ប្រកួត ចាញ់២ប្រកួត និងស្មើ១ប្រកួត។ ដោយមិនគិតលើកនេះ អ៊ីរ៉ង់ធ្លាប់បង្ហាញខ្លួនក្នុងព្រឹត្តិការណ៍បាល់ទាត់ពិភពលោក៦ដងរួចមកហើយ (ឆ្នាំ១៩៧៨ ១៩៩៨ ២០០៦ ២០១៤ ២០១៨ និង២០២២)៕ អត្ថបទ៖នាង សុភាវុធ

កីឡដ្ឋានដែលអាចផ្ទុកអ្នកគាំទ្រជិត១០០០០នាក់ នឹងលេចរូបរាងនៅខេត្តព្រះសីហនុ

2026/03/17 04:54:49 pm        169
Facebook Telegram Linkin
ក្លឹបបាល់ទាត់ អឹមអូអាយ កំពង់ដេវ៉ា ថ្មីៗនេះបានរៀបចំពិធីបញ្ចុះបឋមសិលា បើក​ការដ្ឋាន​សាង​សង់ ​“កីឡដ្ឋាន កំពង់ដេវ៉ា អារេណា” ដែលមានទីតាំងស្ថិតនៅក្នុងខេត្តព្រះសីហនុ។យោង​តាមការបញ្ជាក់របស់ក្លឹបឱ្យដឹងថា ការរៀបចំ​ពិធី​នេះ​គឺ​ជា​ចំណុច​ចាប់​ផ្តើម​ដ៏​សំខាន់​ដែល​ជា​ប្រវត្តិសាស្ត្រ​សម្រាប់​ក្លឹប ក៏ដូចជាក្នុងការចូលរួម​អភិវឌ្ឍ​វិស័យ​បាល់ទាត់​នៅ​ព្រះរាជា​ណា​ចក្រ​កម្ពុជា​។គម្រោងសាងសង់ កីឡដ្ឋាន កំពង់ដេវ៉ា អារេណា នេះ គឺជាផ្នែក​មួយ​នៃ​ចក្ខុ​វិស័យ​វែង​ឆ្ងាយ​របស់​ថ្នាក់​ដឹក​នាំ​ក្លឹប ក្នុងការកសាងហេដ្ឋារចនាសម្ព័ន្ធក្លឹបដែលមានស្តង់ដារ និងបង្កើត​បរិយាកាស​ល្អ​សម្រាប់​ការ​ប្រកួត ការបណ្តុះបណ្តាលកីឡាករ ថ្នាលយុវជន។ ម្យ៉ាងវិញទៀត កីឡដ្ឋាន​ដ៏​ប្រណិត​នេះ​ក៏ជាទីតាំងកំសាន្តមួយដែលអាចទាក់ទាញអ្នកគាំទ្រ និងភ្ញៀវទេសចរជាតិ និង​អន្តរជាតិ​ មកទស្សនាការប្រកួត ដែលជួយលើកកម្ពស់សេដ្ឋកិច្ចក្នុងតំបន់ផងដែរ។ប្រធានក្លឹប លោក យិន ច័ន្ទធូរ៉ានូ លើកឡើងថា លោក​មាន​ក្ដី​រំពឹង​ខ្ពស់​ចំពោះ​កីឡដ្ឋាន​ថ្មី​ព្រោះវា​មិន​មែន​ត្រឹ​មតែជាកន្លែងបាល់ទាត់ប៉ុណ្ណោះទេ វាជាការប្រមូលផ្ដុំសម្រាប់សហគមន៍ជួបជុំ និង​លើក​ទឹក​ចិត្តក្នុងវិស័យកីឡាក្នុងប្រទេសកម្ពុជា។ កីឡដ្ឋាននេះ​នឹង​ជំរុញ​ក្នុង​ការ​អភិវឌ្ឍ​បាល់​ទាត់​ព្រះរាជា​ណាចក្រកម្ពុជា និងនៅក្នុងតំបន់ ជាពិសេសខេត្តព្រះសីហនុផ្ទាល់តែម្ដង។លោកបន្ដ​ថា​កីឡដ្ឋាននេះធ្វើក្នុងស្តង់ដាប្រកួតរបស់សហព័ន្ធបាល់ទាត់អាស៊ី (AFC) ដែល​មាន​ផ្ទុក​អ្នក​ទស្សនាជិត១០ ០០០នាក់ និងមានកន្លែងហ្វឹកហាត់ ប្រព័ន្ធភ្លើង​ប្រកួត​ពេល​យប់​តាម​ស្ដង់ដា ​AFC ទាំងអស់។ កន្លែងនេះនឹងក្លាយជាកន្លែងដ៏សំខាន់សម្រាប់យុវជនដែលមានក្ដីស្រម៉ៃក្នុងវិស័យបាល់ទាត់នាពេល​អនាគត។ នេះជាសញ្ញានៃការរីកចម្រើន និងចក្ខុវិស័យរយៈពេលវែងរបស់ក្លឹប។ កីឡដ្ឋាន​នឹង​បើក​ទទួល​ស្វាគមន៍ជានិច្ចសម្រាប់ក្រុមជម្រើសជាតិបាល់ទាត់កម្ពុជាសម្រាប់តម្រូវការណាមួយ ដូច​ជា​ការប្រកួតអន្តរជាតិ និងសម្រាប់ប្រមូលផ្តុំការហ្វឹកហាត់ ត្រៀមមុនការ​ប្រកួត​ពាន​រង្វាន់​ផ្សេង​ៗ​នាពេ​​លអនាគត"។សូមជម្រាបជូនដែរថាការសាងសង់កីឡដ្ឋានថ្មីរបស់ក្លឹប MOI កំពង់ដេវ៉ា គឺត្រូវ​ចំណាយ​ពេល​សាង​សង់​រយៈ​ពេលពីរឆ្នាំ ដោយជំហានដំបូង​នេះ​ក្លឹ​ប​ចាប់​ផ្តើម​សាង​សង់​ស្មៅ​ទីលាន​ប្រកួត​បាល់​ទាត់​ជា​មុន​សិន​៕

យុវជនជាង ៥០០នាក់ ចូលរួមធ្វើតេស្ដត្រៀមប្រជែងពានសហព័ន្ធជាមួយ ISI ដង្កោសែនជ័យ

2026/03/17 04:40:25 pm        134
Facebook Telegram Linkin
យុវជនអាយុក្រោម ១៦ឆ្នាំ ប្រមាណជាង ៥០០នាក់ បានចូលរួមធ្វើតេស្តសមត្ថភាព ដើម្បី​ស្វែង​រក​ឱកាស​ចូលរួម​ជាមួយ​ក្រុម​យុវជន​ថ្នាល​ក្លិប​បាល់​ទាត់​ ISI ​ដង្កោ​សែន​ជ័យ ​ក្នុង​គោល​បំណង​ត្រៀម​ខ្លួន​ សម្រាប់ការប្រកួតពានរង្វាន់កម្រិតយុវជនរៀបចំដោយសហព័ន្ធកីឡាបាល់ទាត់កម្ពុជា រដូវកាល​ថ្មី​ខាងមុខ។ការធ្វើតេស្ដនេះ ប្រព្រឹត្តទៅមានរយៈពេល ១ថ្ងៃពេញ ក្រោមការដឹកនាំរបស់លោក អ៊ុក សុធី ប្រធាន​អភិវឌ្ឍយុវជនរបស់ក្លិប នៅទីលានហ្វឹកហាត់ ISI Park II ដើម្បីចម្រាញ់យុវជនឆ្នើមៗ ទៅ​ធ្វើ​តេស្ដនៅដំណាក់ចុងក្រោយ។យោងតាមក្រុមការងារក្លិបមានមូលដ្ឋាននៅតំបន់វេងស្រេងនេះ បានឲ្យដឹងថា ការ​ធ្វើ​តេស្ដ​ដំណាក់​កាល​ទី១ មានយុវជនជាង ៥០០នាក់ចូលរួម និងជ្រើសរើសបាន ៣០ឆ្នាំ ដើម្បី​បន្ដ​ធ្វើ​តេស្ដ​ជាមួយ​យុវជនមានស្រាប់ នាថ្ងៃទី២៩ ខែមីនាខាងមុខ ។ បន្ទាប់មកទើប​ក្លិប​សម្រេច​ជ្រើស​រើស​យក​កីឡាករ​ ២៥ ទៅ ៣០នាក់ចុងក្រោយ សម្រាប់ប្រមូលផ្ដុំ​ហ្វឹក​ហាត់​ត្រៀម​លេង​ពាន​រង្វាន់​យុវជន​របស់​សហព័ន្ធតែម្ដង។គួរដឹងថា ISI ដង្កោសែនជ័យ គឺជាក្លិបមួយ តែងផ្ដោតការ​យក​ចិត្ត​ទុក​ដាក់​លើ​ការ​បណ្ដុះ​បណ្ដាល​យុវជន ​ចាប់ពីកម្មវិធីបាល់ទាត់សហគមន៍ រហូតដល់កម្រិតអាជីព ដើម្បីកសាង​នូវ​មូល​ដ្ឋាន​គ្រឹះ​ដ៏​រឹងមាំ ​ស​ម្រាប់អនាគតធនធានកីឡាករបន្ដវេនក្លិប ក៏ដូចជាជម្រើសជាតិ ជាក់ស្ដែង​ក្នុង​ក្រុម​ធំ​របស់​ខ្លួន​បច្ចុប្បន្ន ក៏មានកីឡាករមួយចំនួន កើតចេញពីថ្នាលយុវជន ដែលបណ្ដុះ​ចេញ​ដោ​យ​ក្លិប​ផ្ទាល់​ផង​ដែរ​៕ អត្ថបទ លី ឈុនឡា

ក្លឹបបាល់ទាត់អង្គរថាយហ្គឺរ ប្រកាសពិន័យលើកីឡាករ មុត សត្យា ក្រោយប្រើកែងពេលប្រកួត

2026/03/17 12:06:38 am        319
Facebook Telegram Linkin
ក្លឹបបាល់ទាត់អង្គរថាយហ្គឺរ ថ្ងៃទី១៦ ខែមីនា ឆ្នាំ២០២៦ បានចេញសេចក្ដីថ្លែងការណ៍​ផ្លូវការ​របស់​ខ្លួន​ជុំវិញការប្រកួតជាមួយក្លឹបបាល់ទាត់ព្រះខ័នរាជស្វាយរៀង កាលពីថ្ងៃទី១៥ ខែមីនា នៅ​ពហុកីឡដ្ឋានជាតិមរតកតេជោ បន្ទាប់ពីខ្សែការពារ មុត សត្យា បានធ្វើ​ឱ្យ​មាន​កំហុស​ប្រើ​កែង​ទៅ​លើ​កីឡាករ ព្រះខ័នរាជ Conor Jon Shield រហូតមានរបួសស្នាម។ក្នុងសេចក្ដីថ្លែងការណ៍ ប្រធានក្លឹបអង្គរថាយហ្គឺរ លោក អាគីហ៊ីរ៉ូ កាតុ បានធ្វើកា​រ​សុំ​ទោស​ចំពោះ​ទ​ង្វើដែលមិនអាចទទួលយកបានរបស់កីឡាករ មុត សត្យា ហើយ​បាន​សុំ​ការ​អភ័យ​ទោស​ដោយ​ស្មោះអ​ស់​ពីចិត្ត ទៅកាន់កីឡាករនៃក្លឹបព្រះខ័នរាជស្វាយរៀង មន្ត្រី និងអ្នកគាំទ្ររបស់ក្លឹប ក៏​ដូច​ជា​អ្នក​គាំទ្រ​ទំាងអស់របស់អង្គរថាយហ្គឺរ និងអ្នកសេ្នហា​វិស័យបាល់​ទាត់​ដែល​មាន​ការ​ខក​ចិត្ត​ជា​ខ្លាំង​ចំពោះ​ទង្វើដែលមិនអាចទទួលយកបានរបស់កីឡាការ មុត សត្យា។ប្រធានក្លឹបសញ្ជាតិជប៉ុនដែលស្រឡាញ់កម្ពុជាយ៉ាងខ្លាំងរូបនេះ បន្ថែមថា បន្ទាប់ពីការប្រកួត លោកបានជួបផ្ទាល់ជាមួយកីឡាករ សត្យា ព្រមទាំងបានពិភាក្សាជាមួយភាគីពាក់ព័ន្ធ។ សត្យា បានគ្រប់គ្រងអារម្មណ៍ឡើងវិញភ្លាមៗ និងបង្ហាញការសោកស្ដាយយ៉ាងខ្លាំងចំពោះសកម្មភាពរបស់ខ្លួន។ ព្រឹកថ្ងៃទី១៦ ខែមីនា នេះដែរ រូបគេបានផ្ញើសារសុំទោសផ្ទាល់ទៅកាន់ Conor Shield។ សេចក្តីថ្លែងការណ៍បន្តថាទោះយ៉ាងណាក៏ដោយក្នុងនាមក្លឹបអាជីព ក្លឹបអង្គរថាយហ្គឺរ សម្រេចមិនឱ្យចូលរូមប្រកួតដែលនៅសេសសល់ទាំងអស់សម្រាប់រដូវកាលនេះ ហាមឃាត់ការចូលរួមហ្វឹកហាត់ជាមួយក្រុមរហូតដាច់ខែនេះ ត្រូវចូលរួមក្នុងសកម្មភាពការងារស្មគ្រចិត្តក្នុងសហគមន៍ រួមទាំងការសម្អាតទីក្រុងអំឡុងពេលនៃការព្យួរការហ្វឹកហាត់ និងកាត់ប្រាក់បៀរវត្សរ៍មួយផ្នែករហូតចប់រដូវកាល។ទាក់ទងនឹងហេតុការណ៍នេះ អ្នកគាំទ្របាល់ទាត់បានកោតសរសើរដល់ក្រុមការងារ និងកីឡាករ របស់ព្រះខ័នរាជស្វាយរៀង ដែលអាចរក្សាភាពអត់ធ្មត់ និងមិនធ្វើឱ្យមានបញ្ហាខ្លាំងកើតឡើងនៅលើទីលាន៕

បណ្ដាញសង្គម

ព័ត៌មានថ្មីៗ

លោក Zelenskiy ៖ រុស្ស៊ីចង់ជ្រើសរើសទាហាន ៣ម៉ឺននាក់ ពីកូរ៉េខាងជើង
07/26/2026 02:07 PM
Facebook Telegram Linkin
មន្ទីរសាធារណការខេត្តកំពង់ស្ពឺ កំពុង​ពន្លឿន​ជួសជុល និងថែទាំកំណាត់ផ្លូវដែលកំពុងរងការខូចខាតឱ្យប្រសើរឡើងវិញ
07/26/2026 02:07 PM
Facebook Telegram Linkin
គណៈកម្មាធិការគណបក្សប្រជាជនកម្ពុជាឃុំកណ្តឹងស្រុកបាទី ផ្សព្វផ្សាយសេចក្តីសម្រេចស្តីពីផែនការរួម ឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ ២០២៧
07/26/2026 02:07 PM
Facebook Telegram Linkin
គណៈកម្មាធិការគណបក្សប្រជាជាជនកម្ពុជារាជធានីភ្នំពេញ ប្រកាសបញ្ចូលជាសមាជិកថ្មីជិត ៣០០០នាក់នៅខណ្ឌព្រែកព្នៅ
07/26/2026 02:07 PM
Facebook Telegram Linkin
បណ្ដេញជនជាតិថៃ ៣៩នាក់ ចេញពីកម្ពុជាពាក់ព័ន្ធបទល្មើសចូលដោយទុច្ចរិតក្នុងទីលានយោធា និងលួចឆ្លងដែនដោយខុសច្បាប់
07/26/2026 02:07 PM
Facebook Telegram Linkin
ចំនួនមនុស្សស្លាប់ដោយសារជំងឺអេបូឡានៅប្រទេសកុងហ្គោកើនឡើងដល់ជាង ១.៣០០នាក់
07/26/2026 01:07 PM
Facebook Telegram Linkin
មនុស្សម្នាក់ស្លាប់ និង ១៥នាក់ រងរបួស ក្រោយរថយន្តមួយគ្រឿងបើកបុកហ្វូងមនុស្សនៅព្យុហយាត្រាឥន្ទធនូក្រុងប៊ែរឡាំង
07/26/2026 01:07 PM
Facebook Telegram Linkin
សមត្ថកិច្ចកម្ពុជាបណ្ដេញជនជាតិចិន ១៥៨នាក់ ចេញពីកម្ពុជាពាក់ព័ន្ធករណី Online Scams និងបទល្មើសផ្សេងៗ
07/26/2026 12:07 PM
Facebook Telegram Linkin
កម្ពុជាចូលរួមសន្និសីទជាន់ខ្ពស់នៃឧត្តមភាគីចុះកិច្ចព្រមព្រៀងនៃសន្ធិសញ្ញាមិត្តភាព និងសហប្រតិបត្តិការនៅតំបន់អាស៊ីអាគ្នេយ៍
07/26/2026 12:07 PM
Facebook Telegram Linkin
មនុស្សយ៉ាងហោច ២១នាក់ រងរបួស ក្នុងហេតុការណ៍អគ្គិភ័យនៅទីក្រុងញូវយ៉ក សហរដ្ឋអាមេរិក
07/26/2026 12:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.