នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
Harry Kane ឈ្នះពាន Ballon d’Or បញ្ចប់ការរង់ចាំ ២៥ ឆ្នាំរបស់អង់គ្លេស
កម្ពុជាត្រៀម ១៣០វិញ្ញាសា ក្នុងការប្រកួតជើងឯកឃីកបុកស៊ីងទ្វីបអាស៊ី ខណៈអត្តពលិក ២៥ប្រទេសត្រៀមចូលរួម
បេក្ខភាពវគ្គផ្ដាច់ព្រ័ត្រពានសម្ដេចតេជោ ហ៊ុន សែន ថ្នាក់ខេត្ត នឹងរកឃើញនៅថ្ងៃពុធនេះ
ប្រតិភូប៉ាឡាំពិកកម្ពុជា ត្រឡប់មកដល់មាតុភូមិដោយមោទនភាព ជាមួយ​ការ​ស្វាគមន៍​ដ៏​កក់​ក្ដៅ​ពី​ឯកឧត្តម ហ៊ុន ម៉ានី

ព័ត៌មានកីឡា

តំណាងសិស្ស-និស្សិតនៅកូវ៉ែត រំពឹងវគ្គផ្ដាច់ព្រ័ត្រ ACGL នឹងធ្វើឲ្យពិភពអារ៉ប់ស្គាល់ច្បាស់ពីក្លិប និង​ប្រទេសកម្ពុជា

2026/05/06 08:48:01 pm        429
Facebook Telegram Linkin
យុវជន ម៉ាត់ ស៊ីនីន តំណាងសិស្ស-និស្សិសកម្ពុជា ដែលកំពុងសិក្សានៅប្រទេសកូវ៉ែត រំពឹង​ជំនួប​រវាង​ក្រុម​ព្រះខ័ន​រាជស្វាយរៀង របស់កម្ពុជា និងក្រុម Al Kuwait របស់កូវ៉ែត ក្នុងវគ្គផ្ដាច់​ព្រ័​ត្រ​ពាន​រង្វាន់​កម្រិតទី៣ ទ្វីបអាស៊ី AFC Challenge League (ACGL) 2025/26 ​នឹង​ធ្វើ​ឲ្យ​ពិភព​អារ៉ាប់​ស្គាល់កា​ន់តែច្បាស់ពីក្លិបបាល់ទាត់ និងប្រទេសកម្ពុជា។ការលើកឡើងនេះ ស្របពេលជំនួបវគ្គផ្ដាច់ព្រ័ត្រ រវាងក្រុមតំណាងប្រទេសទាំងពីរ នឹងមក​ដល់​នា​ថ្ងៃ​ទី១៣ ខែឧសភា ឆ្នាំ២០២៦ ខាងមុខ នៅពហុកីឡដ្ឋានជាតិ Jaber Al-Ahmad International ស្ថិតនៅរដ្ឋធានីកូវ៉ែត នៃរដ្ឋកូវ៉ែត។យុវជនខ្មែរ​រូប​នេះថា សិស្ស-និស្សិតកម្ពុជា ដែលកំពុងសិស្សានៅរដ្ឋកូវ៉ែត ពិតជារំភើប និងមាន​មោទន​ភាព ចំពោះព្រឹត្តិការណ៍ប្រវត្តិ និងកម្រ លើទឹកដីអារ៉ាប់នេះ ហើយតាម​រយៈ​ការ​ប្រកួត​វគ្គ​ផ្ដាច់​ព្រ័ត្រ​នាសប្ដាហ៍ក្រោយនេះ នឹងពាំនាំវិស័យកីឡាបាល់ទាត់កម្ពុជា ក៏ដូចជាឲ្យ​ពិភព​អារ៉ាប់​ស្គាល់​ពី​ប្រទេស​កម្ពុជាកាន់តែច្រើន។គួរដឹងថា ជំនួបវគ្គផ្ដាច់ព្រ័ត្រពានរង្វាន់កម្រិតទី៣ ទ្វីបអាស៊ី រវាងព្រះខ័នរាជស្វាយរៀង និង​ក្រុម​ម្ចាស់​ផ្ទះ ​Al Kuwait នឹងចាប់ផ្ដើមការប្រកួតនាវេលាម៉ោង ៧ និង ១៥នាទីយប់ សម្រាប់ម៉ោង​នៅ​រដ្ឋ​កូវ៉ែត​ ត្រូវនឹងម៉ោង ១១ និង ១៥នាទីយប់ សម្រាប់ម៉ោងនៅកម្ពុជា៕ អត្ថបទ លី ឈុនឡា

ព្រះខ័នរាជ ជួបបឹងកេតស្អែក មុនហោះទៅប្រកួតវគ្គផ្ដាច់ព្រ័ត្រ AFC Challenge League ​នៅ​កូវ៉ែត

2026/05/06 06:05:07 pm        265
Facebook Telegram Linkin
ក្រុមជើងឯក ព្រះខ័នរាជស្វាយរៀង នឹងត្រូវបើកទ្វារពហុកីឡដ្ឋានជាតិមរតកតេជោ ទទួល​ក្រុម​បឹង​កេត ក្នុងជំនួបសប្ដាហ៍ទី៣១ នៃលីគកំពូលកម្ពុជា ឆ្នាំ២០២៥/២៦ នាល្ងាចថ្ងៃទី៧ ខែឧសភា ឆ្នាំ​២០២៦ មុនចេញដំណើរទៅទឹកដីអារ៉ាប់ ដើម្បី​ត្រៀម​ការ​ប្រកួត​វគ្គ​ផ្ដាច់​ព្រ័ត្រ​ពាន​រង្វាន់​កម្រិត​ទី៣​ ទ្វីបអាស៊ី AFC Challenge League 2025/26 ទល់ក្រុមម្ចាស់ផ្ទះ Al Kuwait របស់កូវ៉ែត នាថ្ងៃទី១៣ ខែឧសភាខាងមុខ។ជំនួប​លើកទី៤ រវាងក្រុមទាំងពីរ នារដូវកាលនេះ ដំបូងឡើងត្រូវប្រកួតនៅថ្ងៃទី១០ ខែឧសភា តែ​ដោយ​សារកៀកថ្ងៃប្រកួតវគ្គផ្ដាច់ព្រ័ត្រពានកម្រិតទី៣ ទ្វីបអាស៊ី របស់ក្លិបព្រះខ័នរាជស្វាយរៀង ហើយ​ត្រូវប្រកួតក្រៅដីផងនោះ ភាគីពាក់ព័ន្ធ ទាំងក្លិបព្រះខ័នរាជស្វាយរៀង បឹងកេត ក៏ដូចជា​ក្រុម​ហ៊ុន​ខេមបូឌានព្រីមៀរលីគ ក៏បានសម្រេចលើកជំនួបសប្ដាហ៍ទី៣១ រវាងក្រុមទាំងពីរ មក​នៅ​ថ្ងៃ​ទី​៧ ខែឧសភាស្អែកនេះវិញ ដើម្បីទុកពេលឲ្យព្រះខ័នរាជស្វាយរៀង មានពេល​គ្រប់​គ្រាន់​សម្រាប់​ត្រៀម​លក្ខណៈប្រកួតប្រជែងពានកម្រិតទ្វីប ក្នុងនាមក្លិបតំណាងកម្ពុជា។ក្រឡេក​ទៅចាប់អារម្មណ៍ការប្រកួតនេះដែរ ឆ្លងកាត់ការជួបគ្នាក្នុងលីគ ៣លើកកន្លងមក ក្រុម​ទាំង​ពីរ​ បានឈ្នះម្ដងម្នាក់ និងស្នើគ្នាម្ដង ពោលគឺជួបលើកទី១ ព្រះខ័នរាជស្វាយរៀង ឈ្នះ ៣-០ ខណៈ​ជួបគ្នាលើកទី២ បឹងកេត ឈ្នះ ២-១ និងលើកទី៣ ស្មើគ្នា ០-០។ជំនួប​នា​ថ្ងៃព្រហស្បតិ៍នេះ អាចជាការប្រកួតធម្មតាសម្រាប់ព្រះខ័នរាជស្វាយរៀង ដែល​បាន​ក្លាយ​ជា​ជើង​ឯកផ្លូវការ តែគឺជាការប្រកួតដ៏សំខាន់មួយ សម្រាប់ក្រុមបឹងកេត ដែលកំពុងត្រូវការពិន្ទុ ដើម្បីមានឱកាសប្រជែងចំណាត់ថ្នាក់លេខ២ ជាមួយភ្នំពេញក្រោន និងអង្គរថាយហ្គឺរ ដែលកំពុងនាំមុខខ្លួន ៣ពិន្ទុ ដើម្បីមានឱកាសលេងពានរង្វាន់អន្ដរជាតិ នារដូវកាលឆ្នាំ២០២៦/២៧ ក្នុងនាមក្លិបតំណាងកម្ពុជាមួយ ដែលទទួលបានអាជ្ញាប័ណ្ណពី AFC នារដូវកាលថ្មី។បច្ចុប្បន្នព្រះខ័នរាជស្វាយរៀង មាន ៦៦ពិន្ទុ ឈរកំពូលតារាង តាមពីក្រោយដោយភ្នំពេញក្រោន ឈរលេខ២ និងអង្គរថាយហ្គឺរ ឈរលេខ៣ មាន ៥០ពិន្ទុស្មើគ្នា គ្រាដែលបឹងកេត មាន ៤៧ពិន្ទុ ឈរលេខ៤។ ដូច្នេះប្រសិនបើបឹងកេត អាចយកឈ្នះក្រុមជើងឯកព្រះខ័នរាជ នាថ្ងៃស្អែក ពួកគេនឹងមានពិន្ទុស្មើភ្នំពេញក្រោន និងអង្គរថាយហ្គឺរ ហើយក៏មានក្ដីសង្ឃឹមខ្ពស់ ដើម្បីប្រជែងចំណាត់ថ្នាក់លេខ២ នៃលីគកំពូលកម្ពុជា រដូវកាលនេះផងដែរ៕ អត្ថបទ លី ឈុនឡា

ភាពអស្ចារ្យនៃស៊ីហ្គេម-២០២៣ នៅដកជាប់ក្រអៅបេះដូងពលរដ្ឋខ្មែរជានិច្ច ដ្បិតកន្លងផុត ៣ឆ្នាំក្ដី

2026/05/06 05:41:44 pm        285
Facebook Telegram Linkin
ថ្ងៃទី៥ ខែឧសភា ឆ្នាំ២០២៦ គឺជាខួប ៣ឆ្នាំ នៃថ្ងៃបើកព្រឹត្តិការណ៍ប្រវត្តិសាស្ដ្រ ស៊ីហ្គេម លើក​ទី​៣២ ឆ្នាំ២០២៣ នៅកម្ពុជា ហើយក៏ជាព្រឹត្តិការណ៍ ដែលនៅតែ​ដក​ជាប់​ក្រអៅ​បេះដូង​ប្រជាពលរដ្ឋ​ខ្មែរ​គ្រប់វ័យជានិច្ច។ដើម្បីរំឮកខួប ៣ឆ្នាំ និងអបអរសាទរនូវមហាជោគជ័យដ៏អស្ចារ្យនេះ គណៈកម្មាធិការ​ជាតិ​អូឡាំពិ​ក​កម្ពុជា ក៏បានរៀបចំផ្សាយឡើងវិញ នូវកម្មវិធីបើកព្រឹត្តិការណ៍ស៊ីហ្គេម ឆ្នាំ២០២៣ ជូន​ដល់​ប្រជា​ពលរដ្ឋ​បាន​ចូលទស្សនានូវទស្សនីយភាព ដែលធ្វើឲ្យពិភពលោកមានការភ្ញាក់ផ្អើលនេះជាថ្មី នៅ​គ្រប់រោងភាពយន្ដ Legend Cinema និង Sabay Cinema ហើយបានទទួលការសាទរជាខ្លាំងពីប្រជាពលរដ្ឋ ដែលបង្ហាញ​ពី​ការ​ចងចាំ​មិន​ភ្លេច​ចំពោះ​ថ្ងៃ​ប្រវត្តិសាស្ដ្រនេះ។ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា(NOCC) មាន​ប្រសាសន៍​ថា ការចាក់ផ្សាយឡើងវិញនេះ គឺដើម្បីផ្ដល់ឱកាសដល់ប្រជាពលរដ្ឋ រួមទាំង​ក្រុម​ការងារ ដែលភាគច្រើនពុំបានចូលទស្សនាផ្ទាល់ បានរំលឹកឡើងវិញ ជាមួយ​ការ​ទស្សនា​ពិធី​បើក​មហា​ព្រឹត្តិការណ៍​ស៊ីហ្គេម ឆ្នាំ២០២៣ ។ បន្ថែមលើនេះ ក្រុមការងារក៏នឹង​មាន​រៀប​ចំ​នូវ​ការ​ចាប់​រង្វាន់​មេដាយ​មាសអនុស្សាវរីយ៍ស៊ីហ្គេម ជូនដល់អ្នកចូលរួមទស្សនារាល់ថ្ងៃ ចាប់ពីថ្ងៃទី៨ ខែ​ឧសភា ឆ្នាំ២០២៦ ខាងមុខផងដែរ។ទន្ទឹមជាមួយគ្នា ព្រឹទ្ធាចារ្យកីឡា ព្រមទាំងយុវជន-យុវតី ដែលបានចូលរួមការចាក់ផ្សាយឡើងវិញ បាន​បង្ហាញនូវមោទនភាពជាថ្មី ដ្បិតភាពអស្ចារ្យនៃស៊ីហ្គេម លើកទី៣២ នៅកម្ពុជា នៅ​តែ​ដក់​ជាប់​ក្រអៅ​បេះដូង និងចង់ទស្សនាម្ដាយហើយម្ដងទៀត ហើយសង្ឃឹមថា នៅថ្ងៃអនាគត នឹងបាន​ទស្សនា​នូវ​ព្រឹត្តិការណ៍កីឡាធំៗ និងអស្ចារ្យជាបន្ដបន្ទាប់ទៀត ក្រោមម្លប់នៃសន្ដិភាព និង​ការ​អភិវឌ្ឍ​លើ​គ្រប់វិស័យនៅកម្ពុជា។សូមបញ្ជាក់ថា បន្ទាប់ពីការចាក់ផ្សាយឡើងវិញ ដើម្បីអបអរសាទរខួប ៣ឆ្នាំ នៃម​ហា​ជោគ​ជ័យ​ព្រឹត្តិ​ការណ៍​ស៊ីហ្គេម ឆ្នាំ២០២៣ គណៈកម្មាធិការជាតិអូឡាំពិកកម្ពុជា ក្រោមកិ​ច្ច​សហការ​ជាមួយ​រោង​ភាព​យន្ដដៃគូ នឹងរៀបចំផ្សាយឡើងវិញ នៃពិធីបើកស៊ីហ្គេម ឆ្នាំ២០២៣ ចាប់ពីថ្ងៃទី៨ ខែ​ឧសភា ឆ្នាំ២០២៦ តទៅ ដោយការ​ចាក់​បញ្ចាំង​ទស្សនា​មាន​បរិច្ចាគ​ការ​ឧបត្ថម្ភ​ដល់​ក្រុម​អត្ត​ពលិក​ជម្រើសជាតិកម្ពុជា សម្រាប់ដំណើរឆ្ពោះទៅកីឡាអូឡាំពិក ឆ្នាំ២០២៨ នៅសហរដ្ឋអាមេរិក ចំនួន ១២,០០០រៀល និង ២ម៉ឺនរៀល ក្នុងមួយសំបុត្រ។គោលបំណងនៃការរៀបចំបញ្ចាំងឡើងវិញនេះដែរ គឺដើម្បី៖ ១-រំលឹកជោគជ័យជាប្រវត្តិសាស្ដ្រ ក្រោយរង់ចាំ ៦៤ឆ្នាំ សម្រាប់ស៊ីហ្គេម នៅកម្ពុជា, ២-ដាស់ស្មារតីចងចាំ “ខ្មែរធ្វើបាន ហើយធ្វើបានអស្ចារ្យថែមទៀត”, ៣-ចង់ឲ្យព្រឹត្តិការណ៍ជាតិដ៏អស្ចារ្យនេះ កើតឡើងម្ដងទៀត នាឆ្នាំ២០៣១, ៤-ផ្ដល់ការឧបត្ថម្ភដល់យុទ្ធនាការស្វែងរកជំនួយឧបត្ថម្ភដល់ក្រុមអត្តពលិកអូឡាំពិក ឆ្នាំ២០២៨ នៅសហរដ្ឋអាមេរិក និង ៥-រួមគ្នាដើម្បីក្រុមកីឡាអូឡាំពិកកម្ពុជា៕ អត្ថបទ លី ឈុនឡា  

កីឡាចំបាប់បឋមសិក្សាថ្នាក់ជាតិឆ្នាំនេះ បំបែកកំណត់ត្រាក្រុមចូលរួម ដែល​ជា​សញ្ញាណ​វិជ្ជមាន​នៃ​ភាព​រីកចម្រើន

2026/05/05 10:04:57 pm        204
Facebook Telegram Linkin
ការប្រកួតកីឡាចំបាប់ នៃព្រឹត្តិការណ៍កីឡាសិស្សបឋមសិក្សាថ្នាក់ជាតិឆ្នាំ២០២៦ បាន​ទាក់​ទាញ​ក្រុម​ចូល​រួម​រហូតដល់ ១០រាជធានី-ខេត្ត ដោយមានកុមារា-កុមារីជាង ៤០នាក់ចូលរួម ដែល​វិជ្ជមាន​ថ្មី​មួយ នៃភាពរីកចម្រើនរបស់វិស័យកីឡាចំបាប់នៅកម្ពុជា។លោក ខេស៊ី បាណេត អនុប្រធានសហព័ន្ធកីឡាចំបាប់កម្ពុជា បានបញ្ជាក់ថា កំណើនក្រុមចូលរួម ពិសេស​កំណើនកុមារតូចៗ ដែលបានហ្វឹកហាត់កីឡាចំបាប់នេះ គឺ​បង្ហាញ​ពី​ភាព​រីក​ចម្រើន​នៃ​ធន​ធាន​បន្ដ​វេន ស្របតាមការគិតគូរ និងយកចិត្តទុកដាក់របស់សហព័ន្ធ ក្នុងការពង្រីក និង​ជំរុញ​ការ​ហ្វឹក​ហាត់​តាមមូលដ្ឋានកាន់តែច្រើន ដើម្បីស្វែងរកធនធានកីឡាករ-កីឡាការិនីឆ្នើមត្រៀមបន្ដវេន សម្រាប់ការប្រកួតប្រជែង ទាំងថ្នាក់ជាតិ និងអន្ដរជាតិនាថ្ងៃអនាគត។សូមបញ្ជាក់ថា ការប្រកួតកីឡាចំបាប់ប្រចាំព្រឹត្តិការណ៍សិស្សបឋមសិក្សាថ្នាក់ជាតិ ឆ្នាំ២០២៦ បាន​ប្រព្រឹត្តទៅពីថ្ងៃទី១ ដល់ថ្ងៃទី៤ ខែឧសភា នាសាលកីឡា​ចំបាប់​នៃ​ពហុកីឡដ្ឋា​ន​ជាតិ​អូឡាំពិក ​ដោយមាន ៤ប្រភេទវិញ្ញាសា គឺចំបាប់សេរី កុមារា (-៣៥គីឡូក្រាម) និង (-៤១​គីឡូក្រាម) ចំបាប់សេរី កុមារី (-៣០គីឡូក្រាម) និង (-៣៨គីឡូក្រាម)។ ជាលទ្ធផល ក្រុម​កីឡា​ចំបាប់​រាជធានីភ្នំពេញឈរលើគេក្នុងតារាងមេដាយដោយទទួលបានមេដាយមាស២ និង សំរឹទ្ធ​១​៕ អត្ថបទ លី ឈុនឡា

Manchester City ស្មើនៅផ្ទះ Everton ៣-៣ ធ្វើឱ្យឱកាសប្រជែងពានធ្លាក់ទៅ Arsenal ខ្ពស់ជាង

2026/05/05 09:39:56 pm        192
Facebook Telegram Linkin
ការប្រជែងពាននៅក្របខណ្ឌអង់គ្លេស Premier League ហាក់ហុចឱ្យឱកាសទៅក្រុមកាំភ្លើងធំ Arsenal ខ្ពស់ជាង បន្ទាប់ក្រុមលេខពីរ Manchester City ស្មើនៅផ្ទះ Everton ៣-៣។ក្រុមរបស់លោក Pep Guardiola ត្រូវការឈ្នះរាល់ការប្រកួតដែលនៅសល់មុនការប្រកួតយប់មិញនេះដោយសារ Arsenal កំពុងនាំមុខ ៦ ពិន្ទុតែ City ប្រកួតយឺតជាង ២ ប្រកួត។ ការប្រកួតនៅកីឡដ្ឋានរបស់ Everton, Hill Dickinson ខ្សែបម្រើស្លាបប៊ែលហ្ស៊ិក Jeremy Doku រកបានគ្រាប់បាល់នាំមុខដ៏អស្ចារ្យនៅនាទីទី ៤៣។ ការប្រកួតនៅវគ្គទីពីរកំហុសបច្ចេកទេសរបស់ City រយៈពេល ១៣ នាទីចន្លោះពីនាទីទី ៦៨ ដល់ ៨១ ពួកគេភ្លាត់របូតគ្រាប់បាល់ដល់ទៅ ៣ គ្រាប់រួមមានខ្សែការពារ Marc Guehi បញ្ជូនបាល់ឱ្យអ្នកចាំទីមិនមើលក្រោយធ្វើឱ្យ Thierno Barry ស៊ុតតាមស្មើ ១-១ នាទីទី ៦៨ មុនពេល Jack O’Brien តែបញ្ចូលទីនាំមុខឱ្យ Everton នៅនាទីទី ៧៣ និង Barry ដដែលរកបានគ្រាប់ទីពីររបស់ខ្លួននៅនាទីទី ៨៣។ គិតថាចាញ់ទៅហើយសម្រាប់ City តែ Erling Haaland ស៊ុតតាមស្មើភ្លាមៗពេលកែបាល់ មុនពេលដែល Jeremy Doku មានគ្រាប់បាល់ដ៏អស្ចារ្យរបស់ខ្លួនមួយទៀតស៊ុតតាមស្មើចុងម៉ោងនាទីទី ៩០+៧។ ស្មើគ្នា ៣-៣ City យកបានត្រឹមមួយពិន្ទុប៉ុណ្ណោះពីទឹកដី Everton មានន័យថាពួកគេកាត់បន្ថយការនាំមុខរបស់ Arsenal មកត្រឹម ៥ ពិន្ទុ និងនៅសល់មួយប្រកួតក្នុងដៃ។ ប្រកួតបន្ទាប់ចុងសប្តាហ៍នេះ Manchester City ទទួល Brentford ខណៈ Arsenal ទៅទឹកដី West Ham។ Manchester City នឹងត្រូវទទួល Crystal Palace ផងដែរនៅពាក់កណ្តាលសប្តាហ៍ក្រោយ ជាការប្រកួតបង្គ្រប់៕ អត្ថបទ៖នាង សុភាវុធ 

បញ្ហាសិទ្ធិផ្សាយផ្ទាល់អាចធ្វើឱ្យមនុស្សរាប់លាននាក់ខកខានទស្សនា World Cup នៅចិន និងឥណ្ឌា

2026/05/05 09:19:41 pm        216
Facebook Telegram Linkin
ខណៈដែលការប្រកួតបាល់ទាត់ពិភពលោក FIFA World Cup 2026 កំពុងខិតជិតមកដល់ក្នុងរយៈពេលប៉ុន្មានសប្ដាហ៍ទៀត មានការព្រួយបារម្ភថា អ្នកគាំទ្របាល់ទាត់រាប់លាននាក់នៅប្រទេសមានប្រជាជនច្រើនបំផុតពីរនៅពិភពលោក អាចខកខានទស្សនាការប្រកួត។បញ្ហាសំខាន់គឺជាការជាប់គាំងលើសិទ្ធិផ្សាយនៅប្រទេសឥណ្ឌា និងការមិនទាន់មានសេចក្ដីសម្រេចផ្លូវការណាមួយជុំវិញការទិញសិទ្ធិផ្សាយនៅចិន។តាមប្រភពព័ត៌មានបានឲ្យដឹងថា នៅឥណ្ឌាក្រុមហ៊ុនរួម Reliance-Disney បានដាក់សំណើប្រមាណ ២០ លានដុល្លារ សម្រាប់ការទិញសិទ្ធិផ្សាយ World Cup ប៉ុន្តែចំនួននេះនៅតិចជាងការទាមទាររបស់ FIFA និងត្រូវបានបដិសេធ។នៅខាងប្រទេសចិនក៏មិនទាន់មានការប្រកាសកិច្ចព្រមព្រៀងណាមួយទេ ទោះបីជា FIFA បានបញ្ជាក់ថា ប្រទេសនេះធ្លាប់មានចំណែកដល់ជិត ៥០% នៃម៉ោងទស្សនាសរុបលើវេទិកាឌីជីថល និងបណ្តាញសង្គម កាលពីព្រឹត្តិការណ៍ World Cup 2022 នៅកាតាក៏ដោយ។អ្នកនាំពាក្យរបស់ FIFA បានបញ្ជាក់ថា ការចរចាសិទ្ធិផ្សាយសម្រាប់ប្រទេសទាំងពីរនេះនៅតែបន្ត ហើយព័ត៌មានទាក់ទងត្រូវរក្សាជាសម្ងាត់។គួរបញ្ជាក់ថា FIFA World Cup 2026 នឹងចាប់ផ្តើមនៅថ្ងៃទី ១១ ខែមិថុនា ដែលមានពេលតិចជាង ៥ សប្ដាហ៍សម្រាប់បញ្ចប់កិច្ចព្រមព្រៀង រៀបចំបណ្ដាញផ្សាយ និងលក់ការផ្សាយពាណិជ្ជកម្ម។បញ្ហានេះអាចប៉ះពាល់យ៉ាងខ្លាំងដល់អ្នកគាំទ្របាល់ទាត់ នៅប្រទេសដែលមានប្រជាជនច្រើនជាងគេទាំងពីរ ប្រសិនបើមិនអាចសម្រេចកិច្ចព្រមព្រៀងបានទាន់ពេល។មកទល់ពេលនេះ FIFA បានឲ្យដឹងថា ពួកគេបានឈានដល់កិច្ចព្រមព្រៀងជាមួយភ្នាក់ងារផ្សព្វផ្សាយនៅលើសពី ១៧៥ ប្រទេសជុំវិញពិភពលោករួចហើយ៕ អត្ថបទ៖នាង សុភាវុធ

រដ្ឋមន្ដ្រីទេសចរណ៍ ចាត់ទុកការជិះកង់ចម្ងាយ ១,២១២គីឡូម៉ែត្រ បង្ហាញពិភពលោកថា កម្ពុជាមានសន្ដិភាព សុវត្ថិភាព គ្រប់ពេល និងទីកន្លែង

2026/05/05 08:45:31 pm        218
Facebook Telegram Linkin
ព្រឹត្តិការណ៍ជិះកង់ចម្ងាយ ១,២១២គីឡូម៉ែត្រលើកដំបូងនៅកម្ពុជា ដែល​រៀប​ចំ​ដោយ​ក្លិប​កីឡា​ជិះ​កង់​អូដាក​កម្ពុជា បានបញ្ចប់ដោយជោគជ័យ ក្រោយចំណាយពេល ៣យប់ ៤ថ្ងៃ ឬប្រមាណ ៩០ម៉ោង ដោយឯកឧត្តម ហួត ហាក់ រដ្ឋមន្ដ្រីក្រសួងទេសចរណ៍ បានចាត់ទុកព្រឹត្តិការណ៍នេះ ជា​ការ​បង្ហាញ​ប្រាប់ពិភពលោកថា កម្ពុជាមានសន្ដិភាព សុវត្ថិភាព គ្រប់ពេលវេលា និងគ្រប់ទីកន្លែង សម្រាប់​ភ្ញៀវទេសចរក៏ដូចជាវិនិយោគិនជាតិ និងអន្ដរជាតិ។ការលើកឡើងនេះ បន្ទាប់ពីឯកឧត្តមរដ្ឋមន្ដ្រី បានអញ្ជើញបំពាក់មេដាយកិត្តិយស​សំណេះ​សំណាល ​និងផ្ដល់ការលើកទឹកចិត្តដល់កីឡាករ-កីឡាការិនី ដែលបានចូលរួម និង​ទទួល​បាន​ជ័យ​លាភី ​នៅទីស្ដីការក្រសួងទេសចរណ៍ នៅព្រឹកថ្ងៃទី៥ ខែឧសភានេះ បន្ទាប់ពីព្រឹត្តិការណ៍​ជិះ​កង់​ចម្ងាយ​ឆ្ងាយ​លើក​ដំបូងនេះ បានចាប់ផ្ដើមតាំងពីម៉ោង ៤ព្រឹកថ្ងៃទី១ រហូតដល់យប់ថ្ងៃទី៤ ខែ​ឧសភា ​ឆ្នាំ២០២៦ កន្លងទៅ ដោយបានឆ្លងកាត់ ១២រាជធានី-ខេត្តនៅកម្ពុជា។ឯកឧត្តម ហួត ហាក់ មានប្រសាសន៍ថា កីឡាក៏សំខាន់ ទេសចរណ៍ក៏សំខាន់ ហើយកីឡា បូក​ទេសចរណ៍ គឺជាការលើកកម្ពស់តម្លៃបន្ថែមសម្រាប់វិស័យទេសចរណ៍ ពិសេស​ក្នុង​ឱកាស​ដែល​កម្ពុជា ​ទើបបើកយុទ្ធនាការរដូវកាលបៃតង ឆ្នាំ២០២៦ ដើម្បីជាប្រយោជន៍រួម សម្រាប់​ប្រជា​ពលរដ្ឋ​ សេដ្ឋកិច្ច និងប្រទេសជាតិ ហើយតាមរយៈការជិះកង់ ទាំងថ្ងៃ ទាំងយប់នេះ ក៏បង្ហាញថា កម្ពុជា គឺមានសុខសន្ដិភាព និងសុវត្ថិភាពពេញលេញផងដែរ។ទន្ទឹមជាមួយកីឡាករជនជាតិឥណ្ឌា ឌីប៉ាក់ ដែលបានជិះកង់បញ្ចប់ទីចម្ងាយ ១,២១២គីឡូម៉ែត្រ បាន​បង្ហាញអារម្មណ៍ភ្ញាក់ផ្អើល ជាមួយមោទនភាព ដែលបានធ្វើដំណើរឆ្លងកាត់រាជធានី-ខេត្ត​ជា​ច្រើន ​ប្រកបដោយភាពកក់ក្ដៅ និងការស្វាគមន៍ពីប្រជាពលរដ្ឋតាមដងផ្លូវ ហើយ​លោក​ក៏​បាន​លើក​ទឹក​ចិត្តដល់អ្នកជិះកង់ ឬទេសចរណ៍បរទេស ដែលមិនទាន់បានមកលេងកម្ពុជា គួរ​មក​កម្សាន្ដ​នៅ​កម្ពុជា​ឲ្យ​បាន​ម្ដង​យ៉ាង​តិច​ក្នុង​មួយជីវិតទៀតផង។សូមបញ្ជាក់ថា ព្រឹត្តិការណ៍ជិះកង់ចម្ងាយ ១,២១២គីឡូម៉ែត្រ ដែលក្លិបកីឡាជិះកង់អូដាក បាន​រៀប​ចំ​នាដើ​មខែឧសភានេះ បានចាប់ផ្ដើមចេញដំណើរពីវិមានឯករាជ្យរាជធានីភ្នំពេញ ហើយ​ឆ្លង​កាត់ ​១១ខេត្តផ្សេងទៀត រួមមានខេត្តកណ្តាល ខេត្តព្រៃវែង ខេត្តត្បូងឃ្មុំ ខេត្ដក្រចេះ ខេត្តស្ទឹង​ត្រែង ​ខេត្តព្រះវិហារ ខេត្តសៀមរាប បន្ទាយមានជ័យ ខេត្តបាត់ដំបង ពោធិ៍សាត់ និងខេត្ត​កំពង់​ឆ្នាំង ​ក្រោមការដឹកនាំរបស់លោក ឈួន សុភ័ក្ដ្រ ប្រធានក្លិប ហើយមានការចូលរួមសម្របសម្រួល និង​ជិះ​ផ្ទាល់​ផងដែរ ពីឯកឧត្តម វ៉ាហេង ដាវុធ រដ្ឋលេខាធិក្រសួងទេសចរណ៍ ព្រមទាំងកីឡាករ-កីឡា​ការិនីជាតិ-អន្ដរជាតិសរុប ៧ប្រទេស ដែលបានចូលរួមព្រឹត្តិការណ៍នេះ៕ អត្ថបទ លី ឈុនឡា 

គំនូរនៅលើផ្លូវ និងជញ្ជាំងនៅទីក្រុង Rio បង្ហាញពីការគាំទ្រលើទឹកដីក្រុមជម្រើសជាតិប្រេស៊ីល

2026/05/05 07:51:24 pm        172
Facebook Telegram Linkin
ផ្លូវមួយខ្សែនៅទីក្រុង Rio បានរក្សាប្រពៃណីគំនូរនៅលើផ្លូវ និង​ជញ្ជាំង​ដើម្បី​បង្ហាញ​ការ​គាំទ្រ​ក្រុម​បាល់ទា​ត់ជ​ម្រើសជាតិប្រេស៊ីលមុនព្រឹត្តិការណ៍បាល់ទាត់ពិភពលោកឈានចូលមកដល់។នៅ​ទី​ក្រុង Rio de Janeiro ប្រទេសប្រេស៊ីលប្រជាពលរដ្ឋនៅផ្លូវ Pereira Nunes ក្នុងតំបន់ Vila Isabel បានបន្តប្រពៃណីគូរគំនូរនៅលើផ្លូវ និងជញ្ជាំង ដែលជាសកម្មភាពត្រូវបានអនុវត្តរៀងរាល់ ៤ ឆ្នាំម្តង អស់រយៈពេលជិត ៤៨ ឆ្នាំមកហើយ ដោយ​អ្នក​រស់​នៅ​ក្នុង​តំបន់​នាំ​គ្នា​ធ្វើ​គំនូរ​បើក​ចំហ​ដ៏​ស្រ​ស់ស្អា​ត បង្ហាញពីស្មារតីស្រឡាញ់បាល់ទាត់ និងការរួបរួមសង្គម។សម្រាប់​ឆ្នាំ​នេះ គំនូរមានការបន្ថែមទង់ជាតិរបស់បីប្រទេសម្ចាស់ផ្ទះរួមគ្នា រួមមានសហរដ្ឋអាមេរិក ម៉ិកស៊ិក និង កាណាដា ជាមួយពណ៌ជាតិរបស់ប្រេស៊ីល (លឿង បៃតង និងខៀវ) ពានរង្វាន់ World Cup និងរូបភាពតារាបាល់ទាត់ដ៏ល្បីៗ ដូចជា Vinicius Junior។អ្នករៀប​ចំ​បានបញ្ជាក់ថា គំនូរនេះមិនត្រឹមតែជាការគាំទ្រកីឡាប៉ុណ្ណោះទេ ប៉ុន្តែថែម​ទាំង​ផ្ញើ​សារ​អំពី​សន្តិភាព ការអធ្យាស្រ័យ និងការរួបរួមក្នុងសង្គមផងដែរ។គួររំលឹកថាក្រុមសាំបាប្រេស៊ីលបានឈ្នះពាន FIFA World Cup លើកចុងក្រោយនៅឆ្នាំ ២០០២ នៅ​ពេលកូរ៉េ និងជប៉ុនជាម្ចាស់ផ្ទះ។ FIFA World Cup លើកនេះក៏​ជាលើក​ដំបូង​ផង​ដែរ​ដែល​ប្រេស៊ីល​ស្ថិត​ក្រោម​ការ​ដឹក​នាំរ​បស់​គ្រូប​ង្វឹ​ក​អ៊ីតាលី Carlo Ancelotti៕ អត្ថបទ៖នាង សុភាវុធ

អ្នកចាំទីវ័យចំណាស់ដល់ ៧០ ឆ្នាំនៅតែអាចបង្ហាញខ្លួនការប្រកួតផ្លូវការបាននៅអេស្ប៉ាញ

2026/05/05 06:54:18 pm        192
Facebook Telegram Linkin
ក្លិបបាល់ទាត់ CD Colunga បានបង្កើតព្រឹត្តិការណ៍គួរឲ្យចាប់អារម្មណ៍មួយក្នុងពិភពបាល់ទាត់ បន្ទាប់ពីដាក់ឲ្យអ្នកចាំទីវ័យ ៧០ ឆ្នាំ Angel Mateos Gonzalez ចូលលេងក្នុងការប្រកួតលីគថ្នាក់ទី៥ កាលពីចុងសប្តាហ៍កន្លងទៅ។តាមសារព័ត៌មានក្នុងតំបន់ ការចូលលេងនេះអាចធ្វើឲ្យ Gonzalez ក្លាយជាកីឡាករវ័យចំណាស់បំផុតដែលបានបង្ហាញខ្លួនក្នុងការប្រកួតផ្លូវការនៅប្រទេសអេស្ប៉ាញ។Gonzalez ដែលបានចូលនិវត្តន៍ពីបាល់ទាត់តាំងពីអាយុ ៤៣ ឆ្នាំ បានត្រលប់មកជួយក្លិបក្នុងតំណែងអ្នកចាំទីរបស់ក្រុម CD Colunga ក្នុងរដូវកាលនេះ នៃការប្រកួត Tercera Federation (Group Two)។ក្នុងសេចក្ដីប្រកាសលើបណ្ដាញសង្គម Instagram ក្លិបបានបញ្ជាក់ថា ការដាក់ឲ្យគាត់ចូលលេងនេះ មិនមែនជាការបំបែកកំណត់ត្រា ឬអ្វីប្លែកទេ ប៉ុន្តែជាការសរសើរ និងគោរពចំពោះជីវិត និងការប្តេជ្ញារបស់គាត់ ដែលធ្លាប់ជាកម្មករជីករ៉ែតស៊ូក្នុងជីវិត។ក្នុងការប្រកួតនោះ CD Colunga បានចាញ់ CD Praviano ០-២ ដោយ Gonzalez បានចូលលេងប្រហែល ៣០ នាទី មុនត្រូវបានប្តូរចេញ។ទោះបីលទ្ធផលមិនបានឈ្នះក៏ដោយ ប៉ុន្តែការចូលលេងរបស់អ្នកចាំទីវ័យ ៧០ ឆ្នាំរូបនេះ បានក្លាយជារឿងដែលបង្ហាញពីតម្លៃនៃការលះបង់ សេចក្ដីស្រឡាញ់ទៅលើកីឡា និងផ្តល់ជាគម្រូសម្រាប់កីឡាករជំនាន់ក្រោយ៕ អត្ថបទ៖នាង សុភាវុធ

ខេត្តកណ្តាល និងកំពង់ស្ពឺរំពឹងឡើងវគ្គផ្តាច់ព្រ័ត្រកីឡាបាល់ទះកុមារា ក្នុងការប្រកួត​បឋម​សិក្សា​ថ្នាក់​ជាតិ​ឆ្នាំនេះ

2026/05/05 06:03:50 pm        177
Facebook Telegram Linkin
ការប្រកួតបឋមសិក្សាថ្នាក់ជាតិឆ្នាំ ២០២៦ បានចាប់ផ្តើម៤ថ្ងៃហើយ ក្នុងនោះ​ប្រភេទ​កីឡា​ជា​ច្រើន​បាន​ដំណើរ​ការ​ជា​បន្ត​បន្ទាប់។ ចំណែក​កីឡាបាល់​ទះ​កុមារា​បាន​ប្រកួតដ​ល់​វគ្គ​១៦​ក្រុម​ចុង​ក្រោយ​ហើយ ការប្រកួតនេះ ខេត្តកណ្តាលប និងកំពង់ស្ពឺបានដាក់គោលដៅរៀងៗខ្លួនថា នឹង​ឡើង​វគ្គផ្តាច់ព្រ័ត្រក្នុងការប្រកួតនេះ។ ដើម្បី​សម្រេចគោលដៅនេះ លោក ពេជ ណារ៉េត ប្រតិភូប្រភេទកីឡាបាល់ទះខេត្តកណ្តាល បាន​គូស​បញ្ជាក់​ថា ខេត្តកណ្តាលបានប្រកួត ២ប្រកួតហើយ ក្នុងនោះឈ្នះ១ និងចាញ់១ លេខ​២​ក្នុង​ពូល ​ឡើងទៅវគ្គបន្ត។ ចំណែកការប្រកួតបន្ត លោកនឹងខិតខំប្រឹងប្រែង​ព្យាយាម​ធ្វើ​យ៉ាង​ណា​ឡើង​​​ទៅវគ្គផ្តាច់ព្រ័ត្រ ព្រោះថាឆ្នាំមុនខេត្តកណ្តាលទទួលបានចំណាត់ថ្នាក់លេខ២ (មាដាយ​ប្រាក់​)ក្នុ​ង​ការប្រកួតបឋមសិក្សាថ្នាក់ជាតិ។ជាមួយគ្នានេះដែរ លោក សារ៉ាត់ ភារុណ គ្រូជំនួយ ក្រុមបាល់ទះកុមារា ខេត្តកំពង់ស្ពឺ បញ្ជាក់ថា ការ​ចូល​រួមការប្រកួតលើកនេះ ជាលើកដំបូងរបស់ក្រុម មានអារម្មណ៍ថា ភ័យ ផង អរផង ។ លោក​បាន​សរសើរ ខេត្តកណ្តាថា ជាក្រុមខ្លាំង ប៉ុន្តែការប្រកួតប៉ះជាមួយគ្នានេះ ជាសំណាងខ្លះដែរ ក្នុង​ការទទួលបានជ័យជំនះ។សូមជម្រាបផងដែរថា ការប្រកួតបឋមសិក្សាថ្នាក់ជាតិឆ្នាំ ២០២៥ ២០២៦ ធ្វើឡើងចាប់ផ្តើម ពីថ្ងៃ​ទី១ ដល់ថ្ងៃទី៩ ខែឧសភា។ មាន ប្រតិភូ គ្រូបង្វឹក និងកីឡាករ កីឡាការិនី ចូល​រួម​សរុប​ចំនួន ២៦៨៩នាក់ ប្រកួត១២ប្រភេទកីឡា លើវិញ្ញាសាសរុបចំនួន ៦២ វិញ្ញាសា ដោយ​ប្រើ​ប្រាស់​ទីលាន​ចំនួន ១០ទីតាំងផងដែរ៕

បណ្ដាញសង្គម

ព័ត៌មានថ្មីៗ

ក្រសួងឧស្សាហកម្ម ពិគ្រោះយោបល់លើសេចក្តីព្រាងវិសោធនកម្មច្បាប់ ស្តីពីការគ្រប់គ្រងពូជដំណាំ និងសិទ្ធិអ្នកបង្កាត់ពូជដំណាំ
10/27/2026 08:10 PM
Facebook Telegram Linkin
កម្ពុជា បារាំង ចង់បង្កើតនូវកិច្ចសហប្រតិបត្តិការ លើវិស័យសុខាភិបាល និងអាកាសចរស៊ីវិល បន្ថែមទៀត
10/27/2026 08:10 PM
Facebook Telegram Linkin
សម្ដេចតេជោ៖ ទំនាក់ទំនងស្នូលកម្ពុជា-ជប៉ុន មិនអាចខ្វះបានឡើយ នូវផ្នែកសេដ្ឋកិច្ច ពាណិជ្ជកម្ម និងវិនិយោគ
10/27/2026 07:10 PM
Facebook Telegram Linkin
មេដឹកនាំកំពូលរបស់អ៊ីរ៉ង់ អំពាវនាវឱ្យបំពេញតាម​លក្ខខណ្ឌរបស់ទីក្រុងតេអេរ៉ង់ ដើម្បីបញ្ចប់សង្គ្រាម
10/27/2026 07:10 PM
Facebook Telegram Linkin
អគ្គិភ័យឆាបឆេះឡើងនៅតំបន់ក្រីក្រ ស្ថិតក្នុងស្រុក Gangnam របស់ទីក្រុងសេអ៊ូល ប្រទេសកូរ៉េខាងត្បូង
10/27/2026 07:10 PM
Facebook Telegram Linkin
មនុស្សរាប់ម៉ឺននាក់ ជម្លៀសចេញពីតំបន់ឆ្នេរភាគខាងកើតឥណ្ឌា មុនការមកដល់របស់ព្យុះស៊ីក្លូន Arnab
10/27/2026 06:10 PM
Facebook Telegram Linkin
ការបោះឆ្នោត នៅអ៊ីស្រាអែល៖ ទីផ្សារភ្នាល់ បង្ហាញ​ពីបរាជ័យដ៏​គួរឱ្យភ្ញាក់ផ្អើលរបស់លោក Netanyahu
10/27/2026 06:10 PM
Facebook Telegram Linkin
ចិនអះអាងថា គ្មានគ្រោះមហន្តរាយបន្តបន្ទាប់នោះទេពីការរញ្ជួយដីនៅតំបន់ទីបេ
10/27/2026 06:10 PM
Facebook Telegram Linkin
ការ​ធូរស្រាល​នៃទំនាក់​ទំនង​ឥណ្ឌា-ចិន ត្រូវ​បាន​សាកល្បងដោយ​របាយ​ការណ៍ អំពីការប្រឈមមុខដាក់គ្នា នៅព្រំដែន
10/27/2026 06:10 PM
Facebook Telegram Linkin
មនុស្សជាច្រើននាក់ រងរបួស ក្នុងហេតុការណ៍រថយន្តបើកបុកហ្វូងមនុស្សនៅភាគខាងជើងអាល្លឺម៉ង់
10/27/2026 05:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.