នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
Kazuyoshi Miura កីឡាករបាល់ទាត់អាជីពវ័យចំណាស់បំផុតស៊ុតបញ្ចូលទីជាលើកដំបូងក្នុងរយៈពេលជិត ៤ឆ្នាំ នៅវ័យ ៥៩ឆ្នាំ
វីរបុរស World Cup របស់កាប់វែរ Vozinha ព្រមព្រៀងផ្ទេរទៅកាន់ក្លិប Colo-Colo របស់ស៊ីលី
សារដ៏ចម្រូងចម្រាស «The Malvinas are Argentine» ត្រូវបានបោះពុម្ពផ្សាយដោយឥតគិតថ្លៃនៅអាហ្សង់ទីន
ក្រុម ស.ស.យ.ក អលស្ដារ គ្រោងរៀបចំការប្រកួតសប្បុរសធម៌ នាចុងខែសីហា ក្រោយជំនួបមិត្តភាពផ្លូវការលើកដំបូង

ព័ត៌មានកីឡា

អ្នកវាយកូនគោលឆ្នើមបារាំងលោក Thomas Levet បង្ហាញអារម្មណ៍កក់ក្ដៅ ក្រោយមកដល់​កម្ពុជា​​លើកដំបូង

2025/11/27 08:06:57 pm        145
Facebook Telegram Linkin
លោក Thomas Levet អតីតកីឡាករវាយកូនគោលឆ្នើមមួយរូបរបស់បារាំង បានបង្ហាញអារម្មណ៍កក់ក្ដៅ ជាមួយការស្ងើចសរសើរ បន្ទាប់ពីធ្វើដំណើរមកដល់កម្ពុជាលើកដំបូង ដើម្បីចូលរួមការប្រកួតពានរង្វាន់ Vattanac Legends Championship Legacy Edition 2025 ដែលប្រព្រឹត្តទៅពីថ្ងៃទី២៦ ដល់ថ្ងៃទី២៨ ខែវិច្ឆិកា។បុរសវ័យ ៥៧ឆ្នាំរូបនេះ គឺជាកីឡាករអន្ដរជាតិ ១រូប ក្នុងចំណោម ៧រូប ដែលទើបមកដល់កម្ពុជា នាពេលថ្មីៗ ដើម្បីចូលរួមពានរង្វាន់កម្រិតពិភពលោក ដែលបានចាប់ផ្ដើមការប្រកួតវគ្គទី២ កាលពីថ្ងៃពុធម្សិលមិញ បន្ទាប់ពីពានរង្វាន់ Vattanac Legends Championship 2025 កាលពីសប្ដាហ៍មុន ដែលលោកមិនបានចូលរួមការប្រកួតឡើយ។លោក Thomas Levet បានបង្ហាញការចាប់អារម្មណ៍ ចំពោះប្រទេសកម្ពុជា គឺជាប្រទេសដ៏ទំនើប រីកចម្រើន ពិសេសការស្វាគមន៍យ៉ាងកក់ក្ដៅ ជាមួយស្នាមញញឹមដ៏រួសរាយរាក់ទាក់។ បន្ថែមលើនេះ ការរៀបចំព្រឹត្តិការណ៍ជើងឯកវឌ្ឍនៈលេជេនស៍ ទាំងពីរ ពិតជាលទ្ធផល ព្រមទាំងមានទីលានស្ដង់ដារដ៏ស្រស់ស្អាតថែមទៀត។ មិនតែប៉ុណ្ណោះ លោកក៏បានផ្សព្វផ្សាយសក្ដានុពលកម្ពុជាទាំងអស់នេះ ទៅដល់បងប្អូន និងមិត្តភ័ក្ដ្រ ហើយលោកក៏គ្រោងនឹងមានដំណើរកម្សាន្ដមកកម្ពុជាជាថ្មី នាពេលក្រោយទៀតផង។គួរដឹងថា ពានរង្វាន់ Vattanac Legends Championship Legacy Edition 2025 គឺមានការចូលរួមប្រកួតពីកីឡាករទាំងអស់ ដែលទើបបញ្ចប់ការប្រកួតពានរង្វាន់ Vattanac Legends Championship កាលពីសប្ដាហ៍ ព្រមទាំងកីឡាករអន្ដរជាតិថ្មីៗ ៧រូប ដើម្បីប្រជែងពាន អមប្រាក់រង្វាន់សរុបកាន់តែច្រើនថែមទៀត ក្រោមការរៀបចំរបស់ក្រុមហ៊ុនវឌ្ឍនៈគ្រុប។ឆ្លងកាត់ការប្រកួតថ្ងៃដំបូង គេឃើញកីឡាករស៊ុយអែត លោក Jarmo Sandelin កំពុងនាំមុខគេ ដោយរកបានពិន្ទុ ៧ អាន់ឌ័រផា(Under Par) ឈរលេខ១ បណ្ដោះអាសន្ន។ យ៉ាងណាការប្រកួតនៅសល់ ២ថ្ងៃទៀត ដើម្បីសរុបពិន្ទុស្វែងរកម្ចាស់ពានរង្វាន់កម្រិតពិភពលោក និងជាពានប្រវត្តិសាស្ដ្រលើទឹកដីកម្ពុជានេះ៕ អត្ថបទ លី ឈុនឡា 

ពានសម្ដេចតេជោ-ថ្នាក់ខេត្ត៖ ជើងទី១ នៃវគ្គ ១/២ សុទ្ធតែស្មើគ្នា តែគ្រូជំនួយសៀមរាប ហាក់មិនពេញចិត្តការលេងកូនក្រុម

2025/11/27 07:39:28 pm        159
Facebook Telegram Linkin
ពានរង្វាន់សម្ដេចអគ្គមហាសេនាបតីតេជោ ហ៊ុន សែន លើកទី១៩ (ថ្នាក់ខេត្ត) ឆ្នាំ២០២៥/២៦ បានបញ្ចប់ការប្រកួតវគ្គពាក់កណ្ដាលផ្ដាច់ព្រ័ត្រ ជើងទី១ ហើយ ដោយលទ្ធផលសុទ្ធតែស្មើគ្នា តែគ្រូជំនួយក្រុមឡាយអ៊ិនឃីងខេត្តសៀមរាបលោក ទុយ សំ ហាក់មិនពេញចិត្តការលេងរបស់កូនក្រុមឡើយ។សម្រាប់លទ្ធផលជើងទី១ នៃវគ្គ ៤ក្រុមចុងក្រោយនេះ គឺក្រុមម្ចាស់ផ្ទះឡាយអ៊ិនឃីងខេត្តសៀមរាប បានប្រកួតស្មើក្រុមភ្នំពេញហ្គាឡាក់ស៊ី ០-០ នៅកីឡដ្ឋានអាគីហ៊ីរ៉ូកាតុ និងក្រុមមន្ទីរអប់រំ យុវជន និងកីឡា ខេត្តកំពង់ចាម វាយបកស្មើក្រុមភ្ញៀវ សមាគមបាល់ទាត់ខេត្តត្បូងឃ្មុំ ០-០ នៅទីលានវិទ្យាល័យ ខេត្តព្រះសីហនុ។ក្រោយជំនួបលើទឹកដីខេត្តសៀមរាប គ្រូជំនួយក្រុមម្ចាស់ផ្ទះលោក ទុយ សំ បានលើកឡើងថា ការប្រកួតពិតជាតានតឹង តែសោកស្ដាយកូនក្រុមធ្វើមិនបានល្អតាមការរៀបចំ ទើបមិនអាចស្វែងរកគ្រាប់បាល់លើទឹកដីរបស់ខ្លួន។ បែបនេះ លោកនឹងព្យាយាមបំពេញនូវចំណុចខ្វះខាត ដើម្បីត្រៀមការប្រកួតជើងទី២ នាពេលខាងមុខ។ជាមួយគ្នាលោក ប៉ូ គីនណាក់ អ្នកចាត់ការទូទៅក្រុមភ្នំពេញហ្គាស៊ី បានចាត់ទុកជំនួបទល់ក្រុមខ្លាំងឡាយអ៊ិនឃីងខេត្តសៀមរាប គឺជាការប្រកួតមួយដ៏អស្ចារ្យ ដ្បិតគូប្រជែង គឺក្រុមកម្រិតខ្ពស់គួរសមមួយ តែលោកព្យាយាមខំប្រឹងពង្រឹងក្រុមឲ្យបានកាន់តែខ្លាំង នៅជើងទី២ ដើម្បីប្រជែងកៅអីវគ្គផ្ដាច់ព្រ័ត្រ។ក្រឡេកទៅចាប់អារម្មណ៍ជំនួបរវាងក្រុមជើងឯករងឆ្នាំចាស់ មន្ទីរអប់រំ យុវជន និងកីឡា ខេត្តកំពង់ចាម និងក្រុមការពារតំណែងជើងឯក សមាគមកីឡាបាល់ទាត់ ខេត្តត្បូងឃ្មុំ បានបញ្ចប់ដោយភាពតានតឹងដូចគ្នា ។ ជំនួបដ៏ជក់ចិត្តនេះ កីឡាករ មហាំម៉ាត់ មូស្ដាហ្វា បានរកគ្រាប់នាំមុខឲ្យត្បូងឃ្មុំ ១គ្រាប់មុន នៅនាទី២១ រហូតដល់នាទី៥៧ កីឡាករ កសឹម នារ៉ទីន ក៏រកបានគ្រាប់តាមស្មើឲ្យម្ចាស់ផ្ទះកំពង់ចាមវិញ ១-១ ហើយលទ្ធផលនេះ ក៏បានរក្សាដល់ចប់ការប្រកួតពេញម៉ោង។ក្រោយបញ្ចប់ការប្រកួត ដោយលទ្ធផលស្មើគ្នាបែបនេះ ក្រុមនីមួយៗ នឹងត្រូវរង់ចាំអ៊ុលទ្ធផលការប្រកួតកាត់សេចក្ដីជើងទី២ នៃវគ្គពាក់កណ្ដាលផ្ដាច់ព្រ័ត្រ នាថ្ងៃទី៣ ខែធ្នូខាងមុខ ដើម្បីកាត់សេចក្ដីរកក្រុមឈ្នះឡើងវគ្គផ្ដាច់ព្រ័ត្រ នៃពានរង្វាន់សម្ដេចតេជោ-ថ្នាក់ខេត្ត ដោយតម្រូវឲ្យផ្លាស់ប្ដូរទឹកដីគ្នា ក្នុងនោះក្រុមភ្នំពេញហ្គាឡាក់ស៊ី នឹងត្រូវបើកទ្វារផ្ទះទទួលក្រុមឡាយអ៊ិនឃីងខេត្តសៀមរាប ហើយសមាគមកីឡាបាល់ទាត់ខេត្តត្បូងឃ្មុំ នឹងត្រូវជួបក្រុមមន្ទីរអប់រំ យុវជន និងកីឡា ខេត្តកំពង់ចាមវិញម្ដង៕ អត្ថបទ៖ លី ឈុនឡា

ជើងឯកវឌ្ឍនៈលេជេនស៍ ២សប្ដាហ៍ បន្សល់មេរៀនថ្មីៗ និងអនុស្សាវរីយ៍ បំភ្លេច​មិន​បាន​សម្រាប់ Caddie

2025/11/27 07:14:46 pm        237
Facebook Telegram Linkin
ក្រុមជំនួយការភ្ញៀវ ឬ Caddie នៃទីលានវឌ្ឍនៈហ្គោលរីហ្សត បានសម្ដែង​សេចក្ដី​សោមនស្ស​រីករាយ​ជា​ខ្លាំង ក្រោយបានធ្វើការងារ​ផ្ទាល់​ជាមួយ​កីឡាករ​អាជីព​អន្ដរជាតិ​ល្បីៗ​មក​ពី​ជុំវិញ​​ពិភ​ព​លោក ​ដែលបានបន្សល់នូវបទពិសោធន៍ មេរៀនថ្មីៗ មិនធ្លាប់ជួប ព្រមទាំងអនុស្សាវរីយ៍ បំភ្លេច​មិន​បាន​ក្នុងការងាររបស់ខ្លួនទៀតផង។នេះបើតាមការបញ្ជាក់របស់កញ្ញា អឿន ធីតា និងកញ្ញា គង់ រដ្ឋា ក្រោយមាន​ឱកាស​ចូលរួម​ផ្ទាល់​ជាមួយ​កីឡាករល្បីៗ ក្នុងព្រឹត្តិការណ៍កីឡាវាយកូនគោលជើងឯកវឌ្ឍនៈលេជេនស៍ ដែល​កំពុង​ដំណើរ​ការប្រកួតវគ្គ២ នៃពានរង្វាន់ Vattanac Legends Championship Legacy Edition 2025 នៅទីលានវឌ្ឍនៈហ្គោលរីហ្សត។Caddie ទាំងពីរ បានលើកឡើងស្រដៀងគ្នា ក្រោយមានបទពិសោធន៍បំពេញការងារនេះច្រើនឆ្នាំ កន្លង​មកធ្លាប់បានជួប និងធ្វើការជាមួយថ្នាក់ដឹកនាំ ក៏ដូចជាកីឡាករជាតិ និងអន្ដរជាតិ តែ​ក្រោយ​ពី​បាន​ធ្វើ​ការជាមួយកីឡាករអាជីពអន្ដរជាតិ ពួកគេបានទទួលនូវបទពិសោធន៍ និងចំណេះ​ដឹង​ល្អ​ៗ ​ថ្មីៗជាច្រើន ដើម្បីអភិវឌ្ឍន៍សមត្ថភាព ហើយយកចំណេះដឹងទាំងនោះ ទៅចែក​រំលែក​ដល់​កីឡាករ​ចូល​រួមកម្មវិធីប្រកួតក្រោយៗ ក្នុងនាមជាជំនួយការភ្ញៀវនេះផងដែរ។គួរដឹងថា Caddie ឬជំនួយការភ្ញៀវ ក៏ជាផ្នែកមួយ នៃកីឡាករវាយកូនគោល ។ ពួកគេ​មិន​ត្រឹមតែ​ជួយ​សម្រួល​ផ្នែកសម្ភារពាក់ព័ន្ធផ្សេងៗ តែក៏អាចផ្ដល់យោបល់ ទៅលើការងារ​បច្ចេក​ទេស​ខ្លះ​ៗ​ផង​ដែរ ​ពិសេសសម្រាប់កីឡាករ ទើបចេះលេងថ្មីថ្មោង តែងសួរពីរបៀបវាយ ឬសណ្ឋាន​ទីលាន​ដើម្បី​ងាយ​ស្រួលវាយចូលឡូជាដើម។ ដូច្នេះកញ្ញា អឿន ធីតា និងកញ្ញា គង់ រដ្ឋា ដែលបាន​អរគុណ​ក្រុម​ហ៊ុនវឌ្ឍនៈគ្រុប ដែលបាននាំព្រឹត្តិការណ៍ដ៏អស្ចារ្យនេះ មករៀបចំនៅកម្ពុជា មិនត្រឹម​ផ្ដល់​អត្ថ​ប្រយោជន៍សម្រាប់សង្គមជាតិ តែក៏បានផ្ដល់នូវបទពិសោធន៍ និងចំណេះ​ដឹង​ជា​ច្រើន​ដល់​ខ្លួន​ផង​ដែរ៕ អត្ថបទ លី ឈុនឡា

កម្ពុជាសម្រេចកាត់បន្ថយកីឡា ៨ប្រភេទ ដើម្បីធានាចូលរួមផង និងសុវត្ថិភាពខ្ពស់ផង ក្នុងស៊ីហ្គេម នៅថៃ

2025/11/27 06:49:59 pm        121
Facebook Telegram Linkin
គណៈ​កម្មាធិការជាតិអូឡាំពិកកម្ពុជា(NOCC) និងក្រសួងអប់រំ យុវជន និងកីឡា បាន​ចេញ​សេចក្តី​ជូន​ដំណឹង ស្តីពីបច្ចុប្បន្នភាពនៃការចូលរួមប្រកួតកីឡាស៊ីហ្គេម លើកទី៣៣ ឆ្នាំ២០២៥ នៅ​ប្រទេសថៃ ដែលគ្រោងនឹងប្រព្រឹត្តទៅពីថ្ងៃទី៩ ដល់ថ្ងៃទី២០ ខែធ្នូខាងមុខ បន្ទាប់ពីកម្ពុជា សម្រេច​កាត់បន្ថយកីឡា ៨ប្រភេទ ដើម្បីធានាការចូលរួមផង និងសុវត្ថិភាព​ខ្ពស់​ដល់​ប្រតិភូ​កីឡា​របស់​ខ្លួន​ផង។យោងតាមសេចក្ដីជូនដំណឹងរួមនេះ បានបញ្ជាក់ថា ដោយសារ​ការ​គិតគូរ​ខ្ពស់​ពី​សុវត្ថិភា​ព​កីឡាករ​-​កីឡាការិនី ជាអាទិភាពចម្បងបំផុត និងធានា​បាន​ការ​ចូលរួម​ប្រកប​ដោយ​ការ​ទទួល​ខុស​ត្រូវ​ខ្ពស់​បំផុត​ ថ្នាក់ដឹកនាំគណកម្មាធិការជាតិអូឡាំពិកកម្ពុជា និងក្រសួងអប់រំ យុវជន និងកីឡា ពិសេស​ទទួល​បាន​អនុសសាន៍ណែនាំដ៏ខ្ពង់ខ្ពស់បំផុតពីប្រមុខរាជរដ្ឋាភិបាល បានសម្រេចជាចុងក្រោយ កាត់​បន្ថយហានិភ័យជាអតិប្បរមា ដោយរៀបចំកាត់បន្ថយចំនួនប្រភេទកីឡា ដែលប្រកួត​នៅ​ខេត្ត​សុងខ្លា ​តំបន់ទឹកជំនន់ចេញ និងកីឡាមួយចំនួនទៀត។ បច្ចុប្បន្នប្រតិភូកីឡាកម្ពុជាសរុបមានចំនួនតែ ១៥០នាក់ ក្នុង ១៣ប្រភេទកីឡាតែប៉ុណ្ណោះ។ប្រភព​ដដែលសង្កត់ធ្ងន់ថា នេះជាស្មារតីបុរេសកម្ម និងការសម្រេចចិត្តដ៏លំបាករបស់ថ្នាក់ដឹកនាំ ដើម្បី​ធានាឲ្យមានការចូលរួមផង និងធានាសុវត្ថិភាពខ្ពង់ដល់ប្រតិភូកីឡាកម្ពុជាផង ហើយ​សង្ឃឹម​ថា បងប្អូនជនរួមជាតិយោគយល់ អធ្យាស្រ័យខ្ពង់ចំពោះការសម្រេចចិត្តដ៏លំបាកនេះ។ចំពោះ​ប្រភេទកីឡា ត្រូវបានដកចេញ រួមមាន៖ បាល់ទាត់(បុរស និង នារី), យូដូ, ការ៉ាតេ, បញ្ចសីលា, ប៉េតង់, ចំបាប់, វូស៊ូ និង សីដក់ ហើយកីឡា ដែលកម្ពុជារក្សាបញ្ជូនទៅចូលរួម គឺមាន ១៣​ប្រភេទកីឡា រួមមានកីឡាហែលទឹក, អត្តពលកម្ម, គុនដាវ, បាល់ទះ, កាយសម្ព័ន, ជឺជីតស៊ូ, កីឡាអេឡិចត្រូនិក, ឃីកបុកស៊ី, តេក្វាន់ដូ WT, ជិះសេះ, ម៉ូតូទឹក, ទ្រីយ៉ាត្លុង និង​ទាត់​បាល់​លើតុ​៕ អត្ថបទ លី ឈុនឡា

Rally ពិភពលោកឈានដល់ប្រទេសចុងក្រោយអារ៉ាប៊ីសាអ៊ូឌីត ខណៈអ្នកប្រជែងជើង​ឯក​ខុសគ្នា​តែបីពិន្ទុ

2025/11/27 06:30:10 pm        132
Facebook Telegram Linkin
ព្រឹត្តិការណ៍ប្រណាំងរថយន្ត Rally ពិភពលោករដូវកាលនេះ នឹងឈាន​ដល់​ប្រទេស​ចុង​ក្រោយ​សប្តាហ៍​នេះ​នៅទឹកដីអារ៉ាប៊ីសាអ៊ូឌីត ខណៈអ្នកប្រជែងជើងឯកពីររូប Elfyn Evans និង Sebastien Ogier មានគម្លាតពីគ្នាត្រឹមបីពិន្ទុ។កីឡាករវែល Elfyn Evans បានឈរលើគេក្នុងតារាងជើងឯកពិភពលោកអស់រយៈពេលស្ទើពេញមួយរដូវកាលមកហើយ ទើបតែត្រូវកីឡាករបារាំង Sebastien Ogier ឆក់យកការនាំមុខវិញក្រោយឈ្នះបីក្នុងចំណោមបួនប្រទេសចុងក្រោយ ខណៈដែល Elfyn Evans តែងតែបញ្ចប់នៅលេខពីរពីក្រោយ Ogier។កីឡាករវ័យ ៣៦ ឆ្នាំវែល Elfyn Evans តែងតែជាជើងឯករងបួនរដូវកាលមកហើយក្នុងចំណោមប្រាំរដូវកាលចុងក្រោយនៃតារាងជើងឯកពិភពលោក តែមិនទាន់ស្គាល់ពាក្យថាជើងឯកនៅឡើយ ស្របពេលដែលកីឡាករបារាំង Sebastien Ogier កំពុងស្ថិតក្នុងដំណើរដណ្តើមយកជើងឯកពិភពលោកលើកទី ៩ និងជាលើកដំបូងតាំងពីឆ្នាំ ២០២១។មិនមែនមានតែកីឡាករពីររូបខាងលើកត្រូវប្រជែងគ្នានោះទេនៅប្រទេសចុងក្រោយនេះ កីឡាករហ្វាំងឡង់ Kalle Rovanpera ក៏មានឱកាសស្តួចស្តើងដែរដើម្បីគ្រងជើងឯក តែលុះត្រាតែ Evans និង Ogier សុទ្ធតែមិនអាចបញ្ចប់ការប្រកួតបាន។ សូមបញ្ជាក់ថា Rally នៅទឹកដីអារ៉ាប៊ីសាអ៊ូឌីតទើបតែមានវត្តមានប៉ុណ្ណោះក្នុងកាលវិភាគ WRC៕ អត្ថបទ៖នាង សុភាវុធ

កម្ពុជាឈ្នះមេដាយ ២គ្រឿង នៃការប្រកួតកីឡាសិស្សអាស៊ាន នៅប្រ៊ុយណេ

2025/11/27 05:57:35 pm        136
Facebook Telegram Linkin
កម្ពុជាបានទទួលមេដាយ ២គ្រឿង រួមមានមេដាយប្រាក់ ១ និងសំរឹទ្ធ ១ ដោយ​ក្រុម​កីឡា​បញ្ច​ស៊ីឡាត់ ក្នុងព្រឹត្តិការណ៍ប្រកួតកីឡាសិស្សអាស៊ីអាគ្នេយ៍ លើកទី១៤ ឆ្នាំ២០២៥ នៅប្រទេស​ប្រ៊ុយណេ ​ដែលបានចាប់ផ្ដើមកាលពីថ្ងៃទី២០ ហើយគ្រោងបញ្ចប់នាថ្ងៃទី២៩ ខែវិច្ឆិកាចុង​សប្ដាហ៍​នេះ​។អត្តពលិកដែលរកបានមេដាយជូនជាតិ កាលពីល្ងាចពុធកន្លងទៅ រួមមានកីឡាករ រ៉ៃយ៉ុង នួនមុន្នីរាជ ទទួលបានមេដាយប្រាក់ ១គ្រឿង លើវិញ្ញាសាបុរសទម្ងន់ក្រោម ៥១គីឡូក្រាម ក្រោយ​ចាញ់​ម្ចាស់ក្បាច់គុនឥណ្ឌូនេស៊ី នៅវគ្គផ្តាច់ព្រ័ត្រ គ្រាដែលមេដាយសំរឹទ្ធ រក​បាន​ដោយ​កីឡាករ ភុក ដានីញ៉ែល បន្ទាប់ពីចាញ់ត្រឹមវគ្គពាក់កណ្ដាលផ្ដាច់ព្រ័ត្រ ក្រោមថ្វី​ដៃ​កីឡាករ​ឥណ្ឌូនេ​ស៊ី​ដូចគ្នា។សូមបញ្ជាក់ថា ព្រឹត្តិការណ៍កីឡាសិស្សក្របខណ្ឌតំបន់អាស៊ាននេះ មានប្រតិភូកីឡាប្រមាណ ១,០៥៥នាក់ មកពី ១០ប្រទេសចូលរួម ខណៈកម្ពុជាក៏បានបញ្ជូនប្រតិភូ គ្រូបង្វឹក និងកីឡាករ-កីឡាការិនី​សិស្សចំនួន ២៨នាក់ ចូលរួមការប្រកួតនេះផងដែរ៕ អត្ថបទ លី ឈុនឡា

សម្ដេចពញាចក្រី ហេង សំរិន អញ្ជើញបើកការប្រកួតជើងឯកវឌ្ឍនៈលេជេនស៍ ឆ្នាំ២០២៥ ផ្លូវការ ដែលប្រមូលផ្ដុំដោយកីឡាករល្បីៗពិភពលោក

2025/11/19 06:56:20 pm        264
Facebook Telegram Linkin
ការប្រកួត​កីឡាវាយកូនគោលជើងឯកវឌ្ឍនៈលេជេនស៍ (Vattanac Legends Championship) ឆ្នាំ២០២៥ បានប្រារព្ធពិធីបើកការប្រកួតផ្លូវការហើយ នៅព្រឹកថ្ងៃទី១៩ ខែវិច្ឆិកា​នេះ ដោយទទួល​បាន​ការ​ផ្ដល់​កិត្តិយស​អញ្ជើញ​ជា​អធិបតី​ដ៏​ខ្ពង់ខ្ពស់​ពី​សម្តេច​អគ្គ​មហា​ពញា​ចក្រី ​ហេង សំរិន ប្រធានកិត្តិយស នៃឧត្តមប្រឹក្សាផ្ទាល់ព្រះមហាក្សត្រ នៃព្រះរាជា​ណា​ចក្រ​កម្ពុជា​។នៅលើទីលានស្ដង់ដារអន្ដរជាតិ Vattanac Golf Resort ​ដែល​ប្រជុំ​ដោយ​កីឡាករ​ល្បីៗលើ​ពិភព​លោក​នេះ ​ក៏មានវត្តមានឥស្សរជន និងថ្នាក់ដឹកនាំកំពូលៗ សម្តេចក្រឡាហោម ស ខេង សមាជិក​ឧត្តមប្រឹក្សាផ្ទាល់ព្រះមហាក្សត្រ, ឯកឧត្តម អ៊ុច បូរិទ្ធ អនុប្រធានទី១ នៃព្រឹទ្ធសភា, ឯកឧត្តម ជា សុផារ៉ា ឧត្តមប្រឹក្សាផ្ទាល់ព្រះមហាក្សត្រ, អ្នកឧកញ៉ា សំ អាង សហស្ថាបនិក​ក្រុម​ហ៊ុន ​វឌ្ឍនៈ គ្រុប ព្រមទាំងឯកអគ្គរាជទូត ឯកអគ្គរដ្ឋទូត និងគណៈប្រតិភូកីឡាករ The Legends Tour ភ្ញៀវជាតិ និងអន្តរជាតិជាច្រើនផងដែរ។ឆ្លៀតឱកាសនោះដែរ អ្នកឧកញ៉ា ឈុន លាង សហស្ថាបនិកវឌ្ឍនៈគ្រុប បាន​សម្ដែង​ការ​ស្វាគមន៍​យ៉ាង​កក់​ក្ដៅ ចំពោះការផ្ដល់កិត្តិយសអញ្ជើញចូលរួមរបស់ថ្នាក់ដឹកនាំ និងកីឡាករល្បីៗ​មក​ពី​ជុំវិញ​ពិភព​លោក សម្រាប់ការចូលរួមប្រកួតពានរង្វាន់ Vattanac Legends Championship​ របស់​ ​The Legends Tour ដែលរៀបចំជាលើកដំបូងនៅទីលានវាយកូនគោល វឌ្ឍនៈ ហ្គោល រីហ្សត​ នៃប្រទេសកម្ពុជា។ទន្ទឹមជា​មួយការនាំយកព្រឹត្តិការណ៍ពិភពលោកមកកម្ពុជានេះដែរ អ្នកឧកញ៉ា បានសម្ដែង​ការ​ដឹង​គុណ ​ចំពោះសម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃកម្ពុជា ដែលជា​ឥស្សរជន​ដ៏​កំពូលរបស់ជាតិ បានយកជីវិតជាដើមទុន និងបានលះបង់​ពេល​វេលា​ស្ទើរ​ពេញ​មួយ​ជីវិត​ដើម្បី​បុព្វហេតុ “សន្តិភាព និងការអភិវឌ្ឍ” របស់កម្ពុជា ហើយត្រូវបា​ន​បន្ដ​ដឹកនាំ​ប្រកប​ដោយ​ភាព​ស្វាហាប់ ទន់ភ្លន់ ម៉ឺងម៉ាត់ និងប្រាកដនិយមរបស់សម្ដេចមហាបវរធិបតី ហ៊ុន ម៉ាណែត នាយករដ្ឋ​មន្ដ្រីនៃកម្ពុជា។ តាមរយៈសន្តិភាព និងការអភិវឌ្ឍនេះហើយ ទើបព្រឹតិ្តការណ៍​ប្រកួត​កីឡា​វាយ​កូនគោលកម្រិតពិភពលោកដ៏ល្បីល្បាញរបស់ The Legends Tour អាចត្រូវ​បាន​រៀបចំ​ឡើង និងប្រព្រឹត្តទៅយ៉ាងរលូន។អ្នកឧកញ៉ាសង្កត់ធ្ងន់ថា នេះជាការបោះជំហានជាប្រវត្តិសាស្រ្តថ្មីមួយទៀតរបស់កម្ពុជា លើឆាក​អន្តរជាតិ ដោយបង្ហាញទៅកាន់ពិភពលោកឱ្យឃើញកាន់តែច្បាស់នូវភាពរីកចំរើនជឿនលឿន និង​ការអភិវឌ្ឍលើគ្រប់វិស័យរបស់កម្ពុជាក្រោមម្លប់នៃសន្តិភាពនាសម័យតេជោ-ធិបតី ដែល​កម្ពុជា​មាន​សមត្ថភាពនិងលទ្ធភាពគ្រប់គ្រាន់ក្នុងការទទួលរៀបចំកម្មវិធីប្រកួតកីឡាកម្រិតអន្តរជាតិ ហើយអាច​ធ្វើបដិសណ្ឋារកិច្ច​ស្វាគមន៍​ភ្ញៀវទេ​សចរ​មក​ពី​គ្រប់​ទិស​ទី​បាន​ប្រក​ប​ដោយ​ជំនាញ​វិជ្ជា​ជីវៈ​ និងភាពកក់ក្តៅបំផុត។ទន្ទឹមជាមួយគ្នា អតីតកីឡាករដ៏ល្បីរបស់នូវែលសេឡង់ លោក Michael Campbell​ ដែល​ជា​កីឡាករ​ដំបូង​ឈ្នះពាន Major Championship 2005 មុនបន្ដឈ្នះពាន US Open Championship ​បន្ទាប់ពីផ្ដួលតារាវាយកូនគោលពិភពលោក Tiger Woods បានសម្ដែង​ក្ដី​រីក​រាយ និងភ្ញាក់ផ្អើល ចំពោះការរៀបចំ និងទទួលបដិសណ្ឋារកិច្ចរបស់កម្ពុជា ពិសេសលោក​ពិត​ជា​សប្បាយ​រីករាយ និងទន្ទឹងរង់ចាំដំណើរទស្សនកិច្ចទៅកាន់ប្រាសាទអង្គរវត្ត ដែលលោក​បាន​ស្គាល់​តាំង​ពីក្មេងផងដែរ។អ្នកឧកញ៉ា ឈុន លាង បានបង្ហាញសុទិដ្ឋិនិយម ចំពោះកា​រ​ប្រមូលផ្ដុំ​ដោ​យ​កីឡាករ​ល្បីៗ​លំដាប់​ពិភព​លោក​នេះ នឹងទទួលបាននូវអារម្មណ៍ និងបទពិសោធន៍ថ្មីប្លែក ជាមួយនឹងបរិយាកាស​ប្រកួត​ដ៏​មនោរម្យបំផុត នៅលើទីលានស្តង់ដារអន្តរជាតិក្រាលដោយវាលស្មៅពណ៌បៃតងដ៏ស្រស់ស្អាត ដែល​រចនាឡើងដោយម្ចាស់ជើងឯក Major ៦សម័យកាល Sir Nick Faldo ​លាយ​ឡំ​ដោយ​ដើម​ឈើ​ធំៗ និង​រុក្ខជាតិប្លែកៗដ៏ស្រស់បំព្រង និងលំអរទៅដោ​យ​រូបច​ម្លាក់​បេតិកភណ្ឌ​វប្បធ​ម៌​ខ្មែរ​ជា​ច្រើន ​រួមទាំងប្រាសាទអង្គរវត្ត ប្រាសាទព្រះវិហារ ចម្លាក់ព្រហ្ម និងលានជល់ដំរី ជាដើម ដែល​សុទ្ធ​សឹង​ជា​សំណង់សិល្បៈហត្ថកម្មដ៏វិចិត្ររបស់កម្ពុជា ធ្វើឱ្យព្រឹតិ្តការណ៍​ប្រកួត​នេះ​កាន់​តែ​មាន​លក្ខណៈ​ពិសេសទាក់ទាញ និងបង្កប់នូវអត្ថន័យកាន់តែជ្រាលជ្រៅ ដែលអាចប្រសិទ្ធនាមបានថា ជា “ព្រឹត្តិការណ៍ប្រកួតកីឡាវាយកូនគោលមិត្តភាពអន្តរជាតិ ដើម្បីលើកកម្ពស់​សន្តិភាព និង​ការ​អភិវឌ្ឍ​, លើកស្ទួយវិស័យទេសចរណ៍, បណ្តុះស្មារតីកីឡា, រឹតចំណងសាមគ្គីភាព និងជំរុញ​កិច្ច​សហ​ប្រតិបត្តិការជាសកល សំដៅលើកកម្ពស់សុខដុមភាព និងវិបុលភាពទាំងក្នុងតំបន់ និង​សកលលោក” ។សម្រាប់ថ្ងៃដំបូង នៃពិធីបើកការប្រកួតពានរង្វាន់ Vattanac Legends Championship ​ឆ្នាំ២០២៥ ​នេះ ក៏មានការប្រកួត Pro-Am Tournament  រវាងឥស្សរជនជាន់ខ្ពស់ និង​ថ្នាក់​ដឹក​នាំ​កម្ពុជា​ជាច្រើន ប្រកួតជាមួយកីឡាករអាជីពអន្ដរជាតិផងដែរ។គួរដងឹថា ក្រោយពិធីបើក និងការប្រកួតលក្ខណៈទទួលស្វាគមន៍បណ្ដាប្រតិភូ និងកីឡាករ​អន្ដរជាតិ ​ពីសំណាក់ថ្នាក់ដឹកនាំកម្ពុជា កីឡាករវាយកូនគោលអាជីពល្បីៗប្រមាណ ៦០នាក់ ដែល​សុទ្ធសឹងជាជើងឯកពានរង្វាន់អន្តរជាតិធំៗ រួមទាំងប្រធានក្រុម Ryder Cup ម្ចាស់​ជើង​ឯក ​Major និងឥស្សរជនអន្តរជាតិល្បីៗជាច្រើន នឹងធ្វើការប្រកួតដណ្ដើមពានរង្វាន់ Vattanac Legends Championship ឆ្នាំ២០២៥​ ចាប់ពីថ្ងៃ​ទី២១ ដល់ថ្ងៃទី២៣ ខែវិច្ឆិកាខាងមុខ ដើម្បី​ឈានទៅរកម្ចាស់ជ័យលាភី អមប្រាក់រង្វាន់សរុបចំនួន ៥៥ម៉ឺនដុល្លារ៕ អត្ថបទ៖ លី ឈុនឡា

ពិធីរត់ប្រណាំងឆ្លងកាត់ឧបសគ្គ ក្នុងព្រឹត្តិការណ៍កីឡាទេសចរណ៍ នារដូវកាលបៃតង នៅក្រុងកោះរ៉ុង

2025/10/30 05:44:29 pm        244
Facebook Telegram Linkin
កាលពីថ្ងៃទី២៩ ខែតុលា ឆ្នាំ២០២៥ កម្មវិធីបើក និងការរត់ប្រណាំងឆ្លងកាត់ឧបសគ្គ ក្នុងព្រឹត្តិការណ៍កីឡាទេសចរណ៍នារដូវកាលបៃតង បានប្រព្រឹត្តឡើងនៅក្រុងកោះរ៉ុង ក្រោមអធិបតីភាព ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ និងមានការចូលរួមពីលោក អភិបាលរង នៃគណៈអភិបាលខេត្ត លោក លោកស្រី រដ្ឋបាលខេត្តព្រះសីហនុ មន្ទីរ អង្គភាពជុំវិញខេត្ត និងអាជីវករវិស័យទេសចរណ៍កោះរ៉ុង ភ្ញៀវទេសចរជាតិ និងអន្តរជាតិ យ៉ាងច្រើនកុះករចូលរួមក្នុងការរត់ប្រណាំង។ជាមួយគ្នានេះដែរក្នុងព្រឹត្តិការណ៍កីឡាទេសចរណ៍នារដូវកាលបៃតងនេះ បានប្រព្រឹត្តិទៅយ៉ាងរលូន រួមជាមួយនឹងទិដ្ឋភាពដ៏រីករាយ ទាំងភ្ញៀវជាតិ និងអន្តរជាតិដែលបានចូលរួមលេង និងអ្នកដែលបានទៅកម្សាន្តនៅទីនោះផងដែរ។

នាវិកកងទ័ពជើងទឹកកម្ពុជា និងអូស្រ្តាលី លេងកីឡារួមគ្នា ដើម្បីបង្កើនមិត្តភាពស្និទស្នាលជាមួយគ្នាបន្ថែម ទៀត

2025/10/11 09:24:42 pm        356
Facebook Telegram Linkin
នៅមូលដ្ឋានសមុទ្ររាម នាវិកកងទ័ពជើងទឹកកម្ពុជា និងនាវិកនៃនាវា HMAS Ballarat-FFH155 (Anzac Class FFH) កងទ័ពជើងទឹកអូស្ត្រាលីនាព្រឹកថ្ងៃទី១១ ខែ តុលា ឆ្នាំ២០២៥នេះ បានរៀបចំកម្មវិធីប្រកួតកីឡាបាល់ទះ កីឡាទាញព្រ័ត ជាលក្ខណៈមិត្តភាព ដើម្បីបង្កើនភាពស្និទ្ធស្នាលគ្នាបន្ថែមទៀត ហើយជាមួយគ្នានោះកងនាវិកនៃប្រទេសទាំងពីរក៏បានធ្វើសិក្ខាសាលាដោយគ្មានការត្រៀមទុកទាក់ទងនឹងដែនសមុទ្រ CUES ផងដែរ។សូមបញ្ជាក់ថា នាវាកងទ័ពជើងទឹកអូស្ត្រាលី HMAS Ballarat -FFH155 (Anzac Class FFH) បានធ្វើដំណើរមកបំពេញទស្សនកិច្ចនៅព្រះរាជាណាចក្រកម្ពុជារយៈពេល ៤ថ្ងៃ ចាប់ពីថ្ងៃទី១០ ដល់ថ្ងៃទី១៣ ខែតុលា ឆ្នាំ២០២៥ គឺដើម្បីពង្រឹង និងពង្រីកកិច្ចសហប្រតិបត្តិការ បង្កើនទំនាក់ទំនងចំណងមិត្តភាព សាមគ្គីភាពរវាងប្រទេសទាំងពីរ និងកងទ័ពទាំងពីរ (កម្ពុជា-អូស្ត្រាលី) ឱ្យកាន់តែល្អប្រសើរទ្វេឡើងថែមទៀត៕

កម្ពុជាទទួលបានការអញ្ជើញជាពិសេស ចូលរួមកិច្ចប្រជុំនាយបេសកកម្មត្រៀមកីឡាអាស៊ី លើកទី២០ នៅជប៉ុន

2025/09/25 10:29:43 pm        289
Facebook Telegram Linkin
គណៈកម្មាធិការជាតិអូឡាំពិកកម្ពុជា ត្រូវបានអញ្ជើញជាពិសេសពីគណៈកម្មការរៀបចំព្រឹត្តិការណ៍កីឡាអាស៊ី របស់ម្ចាស់ផ្ទះជប៉ុន ដើម្បីចូលរួមកិច្ចប្រជុំនាយបេសកកម្មសម្រាប់ត្រៀមចូលរួមការប្រកួតកីឡាអាស៊ី (Asian Games) លើកទី២០ នៅទីក្រុង Aichi និងទីក្រុង Nagoya ប្រទេសជប៉ុន ដែលគ្រោងនឹងប្រព្រឹត្តទៅពីថ្ងៃទី១៩ ខែកញ្ញា ដល់ថ្ងៃទី៤ ខែតុលា ឆ្នាំ២០២៦ ខាងមុខ។ឯកឧត្ដម ញ៉ាន សុខវិសាល ប្រតិភូគណៈកម្មាធិការជាតិអូឡាំពិកកម្ពុជា បានឲ្យដឹងថា ក្នុងកិច្ចប្រជុំនាយបេសកកម្មនេះ កម្ពុជា គឺជាប្រទេសមួយ ក្នុងចំណោម ៥ប្រទេសផ្សេងទៀត ដែលទទួលបានការអញ្ជើញជាពិសេសពីម្ចាស់ផ្ទះជប៉ុន ក្នុងការឡើងលើវេទិកាចំពោះមុខប្រតិភូនាយបេសកកម្មបណ្ដាប្រទេសជាច្រើនទៀត ដោយសារកម្ពុជា គឺជាប្រទេសមួយ ដែលត្រៀមធ្វើម្ចាស់ផ្ទះព្រឹត្តិការណ៍កីឡាកម្រិតទ្វីប នាពេលខាងមុខ គឺការប្រកួតកីឡាយុវជនអាស៊ី លើកទី៤ ឆ្នាំ២០២៩ ខាងមុខ។ចំពោះដំណើរការកិច្ចប្រជុំ បានប្រព្រឹត្តទៅដូចសព្វដង នៃការប្រកួតកីឡាអាស៊ីលើកមុនៗ គឺជាការជួបជុំនាយបេសកកម្មមកពី ៤៥ប្រទេសក្នុងទ្វីបអាស៊ី ដែលជាសមាជិក ដើម្បីស្ដាប់នូវរបាយការណ៍វឌ្ឍនភាពការងារត្រៀមរៀបចំធ្វើម្ចាស់ផ្ទះការប្រកួតកីឡាសអាស៊ី លើកទី២០ ឆ្នាំ២០២៦ របស់ម្ចាស់ផ្ទះជប៉ុន ក៏ដូចជាការត្រួតពិនិត្យទីលានប្រកួតតាមប្រភេទកីឡានីមួយៗ កន្លែងស្នាក់នៅ-ហូបចុករបស់អត្តពលិក និងទីតាំងត្រៀមប្រារព្ធពិធីបើក-បិទការប្រកួតជាដើម។ដូច្នេះតាមរយៈកិច្ចប្រជុំដ៏សំខាន់នេះ ក្រៅពីទទួលបាននូវព័ត៌មានសម្រាប់ការត្រៀមខ្លួនចូលរួមប្រកួត ក៏ជាកិត្តិយសមួយសម្រាប់កម្ពុជា ក្នុងការអញ្ជើញឡើងលើឆាក ដើម្បីបង្ហាញ ក៏ដូចជាផ្សព្វផ្សាយពីការត្រៀមលក្ខណៈធ្វើម្ចាស់ផ្ទះការប្រកួតកីឡាយុវជនអាស៊ី លើកទី៤ ឆ្នាំ២០២៩ នៅរាជធានីភ្នំពេញផងដែរ៕អត្ថបទ លី ឈុនឡា, រូបភាពពាក់ព័ន្ធ៕

បណ្ដាញសង្គម

ព័ត៌មានថ្មីៗ

ជនប៉ាឡេស្ទីនជម្លៀសខ្លួនស្វាគមន៍កងកម្លាំងអន្តរជាតិនៅហ្កាហ្សា និងអំពាវនាវឲ្យកសាងផ្ទះសម្បែងរបស់ពួកគេឡើងវិញ
07/27/2026 09:07 PM
Facebook Telegram Linkin
ពលរដ្ឋវិលត្រឡប់ទៅកាន់តំបន់ភាគខាងត្បូងលីបង់វិញ ក្រោយការដកទ័ពរបស់អ៊ីស្រាអែល
07/27/2026 08:07 PM
Facebook Telegram Linkin
ប្រធានាធិបតីហ្វីលីពីន លោក Marcos ប្រាប់​ថា ប្រហែលដល់ពេលត្រូវពិនិត្យ​ថាមពលនុយក្លេអ៊ែរ​ឡើង​វិញ​
07/27/2026 08:07 PM
Facebook Telegram Linkin
EU បញ្ចូន​យន្តហោះ និងអ្នកពន្លត់អគ្គិភ័យទៅជួយ​ទប់ទល់​ចំហេះ​ព្រៃ នៅបារាំង និងអេស្ប៉ាញ
07/27/2026 08:07 PM
Facebook Telegram Linkin
ប្រធានាធិបតីអ៊ុយក្រែន ធ្វើដំណើរទៅដល់អង់គ្លេស សម្រាប់ជំនួបជាមួយលោកនាយករដ្ឋមន្រ្តី Burnham
07/27/2026 08:07 PM
Facebook Telegram Linkin
ទីក្រុង​ប៉េកាំង​ជំរុញឱ្យសហរដ្ឋអាមេរិកឈប់​គំរាមកំហែងដាក់ទណ្ឌកម្ម លើ​ក្រុមហ៊ុន AI របស់ចិន
07/27/2026 08:07 PM
Facebook Telegram Linkin
កងកម្លាំងអ៊ីស្រាអែល វាយប្រហារទីក្រុងជាច្រើននៅតំបន់វ៉េសប៊ែង ខណៈអំពើហិង្សាកាន់តែអាក្រក់ទៅ
07/27/2026 08:07 PM
Facebook Telegram Linkin
អ្នកស្ម័គ្រចិត្តដំបូងទទួលវ៉ាក់សាំងបង្ការជំងឺអេបូឡា ជាផ្នែកមួយនៃការសាកល្បងរបស់សាកលវិទ្យាល័យ Oxford
07/27/2026 08:07 PM
Facebook Telegram Linkin
សម្តេចរដ្ឋសភាធិបតី ឃួន សុដារី អញ្ជើញបំពេញទស្សនកិច្ចផ្លូវការ និងមិត្តភាពនៅសាធារណរដ្ឋសង្គមនិយមវៀតណាម
07/27/2026 07:07 PM
Facebook Telegram Linkin
នគរបាល​ទីក្រុងប៊ែរឡាំង បាញ់សម្លាប់ជនសង្ស័យសំខាន់ ក្នុងការវាយប្រហារដ៏សាហាវ
07/27/2026 07:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.