នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ព្រះខ័នរាជ ត្រូវការពិន្ទុពី Tampines Rovers ដើម្បីរក្សាឱកាសប្រជែងកៅអីវគ្គបន្ដពានកម្រិតទី២ ទ្វីបអាស៊ី
Harry Kane ឈ្នះពាន Ballon d’Or បញ្ចប់ការរង់ចាំ ២៥ ឆ្នាំរបស់អង់គ្លេស
កម្ពុជាត្រៀម ១៣០វិញ្ញាសា ក្នុងការប្រកួតជើងឯកឃីកបុកស៊ីងទ្វីបអាស៊ី ខណៈអត្តពលិក ២៥ប្រទេសត្រៀមចូលរួម
បេក្ខភាពវគ្គផ្ដាច់ព្រ័ត្រពានសម្ដេចតេជោ ហ៊ុន សែន ថ្នាក់ខេត្ត នឹងរកឃើញនៅថ្ងៃពុធនេះ

ព័ត៌មានកីឡា

កីឡាករអុកចត្រង្គ ៨៨ រូប ចូលរួមជម្រុះការប្រកួតអុកចត្រង្គ នគរសង្រ្កាន ឆ្នាំ២០២៦ នៅរាជធានីភ្នំពេញ

2026/03/27 06:25:24 pm        137
Facebook Telegram Linkin
ការប្រកួតជម្រុះកីឡាអុកចត្រង្គ កម្រិតសាធារណជន និងកម្រិតកុមារ ដើម្បីចូលរួម ប្រកួត​ក្នុង​វគ្គ​ផ្តាច់​ព្រ័ត្រ នៃព្រឹត្តិការណ៍ នគរសង្ក្រាន្ត រាជធានីភ្នំពេញ មានកីឡាករ ១១៦ រូប មកពីទូទាំង​ប្រទេស​ចូល​រួមប្រកួតប្រជែងស្វែងរកបេក្ខភាពជើងខ្លាំង ឡើងទៅប្រកួតវគ្គផ្តាច់ព្រ័ត្រ ក្នុង​ព្រឹត្តិការណ៍​នគរសង្ក្រាន្ត ដែលធ្វើឡើង នៅថ្ងៃទី ២៥-២៩ ខែមីនា ឆ្នាំ២០២៦ ទីស្នាក់​ការ​គណៈ​កម្មាធិការជាតិ អូឡាំពិកកម្ពុជា (NOCC) ។ក្នុងពិធីបើកការប្រកួត ឯកឧត្តម លី ចាន់សុភក្តី អនុប្រធានក្រុមការងារ រៀបចំការប្រកួត អុកចត្រង្គនគរសង្ក្រាន បានមានប្រសាសន៍ថា ក្រោមអនុសាសន៍ របស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា (សសយក) បានជំរុញ និងលើកទឹកចិត្តឲ្យមានការចូលរួមប្រកួតកីឡាអុកចត្រង្គរបស់កុមារា កុមារី និងនិស្សិត សាធារណៈជនចូលរួមការប្រកួតអបអរសាទរពីធីបុណ្យចូលឆ្នាំប្រពៃណីជាតិ ។អនុប្រធានរូបនេះ បានបន្តថា ការប្រកួតនេះ គឺជាការរួមចំណែកមួយដ៏សំខាន់ ក្នុងការលើកកម្ពស់ ដល់វិស័យកីឡាអុកចត្រង្គ តាមរយៈការអភិរក្ស និងអភិវឌ្ឍប្រភេទកីឡាអត្តសញ្ញាញជាតិរបស់ខ្មែរ មួយនេះឲ្យកាន់តែរីកចម្រើនបន្ថែមទៀត។ជាមួយគ្នានេះដែរ លោក ហូយ សូណា អគ្គរង សហព័ន្ធកីឡាអុកចត្រង្គ បានឲ្តដឹងថា ការប្រកួតវគ្គជម្រុះនេះមានកីឡាករចូលរួមសរុប ៨៨នាក់ ដោយត្រូវប្រកួតចាញ់ធ្លាក់នៅវគ្គបឋម ជម្រុះបន្តរហូតជ្រើសរើសយកកីឡាករតែ៨នាក់ដើម្បីចូលរួមវគ្គផ្តាច់ព្រ័ត្រក្នុងកម្មវិធី ពានរង្វាន់អុកចត្រង្គនគរសង្ក្រាន។សូមជម្រាបថា ការប្រកួត កម្រិតសាធារណជន និងកម្រិតកុមារ គឺដើម្បីចូលរួមព្រឹត្តិការណ៍ នគរសង្ក្រាន្ត” នាពេលខាងមុខ និងដើម្បីអបអរសាទរពិធីបុណ្យចូលឆ្នាំថ្មី ប្រពៃណីជាតិខ្មែរ ដែលនឹងប្រព្រឹត្តទៅចាប់ពីថ្ងៃទី១៤ ដល់១៦ ខែមេសា ឆ្នាំ២០២៦ នៅរាជធានីភ្នំពេញ រៀបចំដោយសហភាព សហព័ន្ធយុវជនកម្ពុជា ក្រោមសហការរៀបចំគណៈកម្មាធិការជាតិអូឡាំពិកកម្ពុជា និង សហព័ន្ធកីឡាអុកចត្រង្គកម្ពុជា៕

អ៊ីរ៉ង់ហ្វឹកហាត់ត្រៀមការប្រកួតមិត្តភាព ទាំងលទ្ធភាពបង្ហាញខ្លួននៅ World Cup នៅមិនច្បាស់លាស់នៅឡើយ

2026/03/26 10:14:04 pm        293
Facebook Telegram Linkin
ក្រុមបាល់ទាត់បុរសរបស់ជម្រើសជាតិអ៊ីរ៉ង់ បានប្រមូលផ្តុំហ្វឹកហាត់នៅភាគខាងត្បូងប្រទេសទួកគី ត្រៀមការប្រកួតមិត្តភាព ស្របពេលដែលលទ្ធភាពបង្ហាញខ្លួននៅ World Cup នៅមិនទាន់ច្បាស់លាស់នៅឡើយដោយសារសង្រ្គាមរវាងសហរដ្ឋអាមេរិក និងអ៊ីស្រាអែលប្រឆាំងនឹងអ៊ីរ៉ង់។រដ្ឋមន្ត្រីកីឡារបស់ប្រទេសអ៊ីរ៉ង់បាននិយាយថា វាមិនអាចទៅរួចទេសម្រាប់កីឡាករក្នុងការចូលរួមក្នុងការប្រកួតនេះ បន្ទាប់ពីសហរដ្ឋអាមេរិកបានបើកការវាយប្រហារតាមអាកាសជាមួយអ៊ីស្រាអែលប្រឆាំងនឹងទីក្រុងតេអេរ៉ង់ ដោយបានសម្លាប់មេដឹកនាំកំពូលរបស់សាធារណរដ្ឋអ៊ីស្លាម។យ៉ាងណាក្តី សហព័ន្ធបាល់ទាត់ទ្វីបអាស៊ី AFC មិនទាន់ទទួលបានការបញ្ជាក់ផ្លូវការនៅឡើយពីអ៊ីរ៉ង់ ជុំវិញការដកខ្លួនរបស់ក្រុមជម្រើសជាតិនៅព្រឹត្តិការណ៍បាល់ទាត់ពិភពលោកឆ្នាំនេះ តែកន្លងមកប្រធានសហព័ន្ធបាល់ទាត់អ៊ីរ៉ង់បានលើកឡើងថា នឹងជួបពិភាក្សាជាមួយ FIFA ជុំវិញលទ្ធភាពលើកការប្រកួតរបស់អ៊ីរ៉ង់ទាំងអស់ទៅម៉ិកស៊ិក ពីកាលវិភាគចាស់ដែលប្រកួតនៅអាមេរិក។ អ៊ីរ៉ង់នឹងត្រូវមានការប្រកួតមិត្តភាពចំនួនពីរនៅលើទឹកដីទួកគីនេះ ទល់នឹងនីហ្សេរីយ៉ា និងកូស្តារីកា ដែលចាត់ទុកជាការប្រកួតមិត្តភាពចុងក្រោយមុន World Cup សម្រាប់អ៊ីរ៉ង់។ តាមពិតទៅការប្រកួតមិត្តភាពទាំងពីរនេះ គ្រោងរៀបចំនៅលើទឹកដីហ្សកដានី​ តែក៏បានផ្លាស់មកទួកគីវិញដោយសារសង្គ្រាមនៅមជ្ឈឹមបូព៌ា។ អ៊ីរ៉ង់ស្ថិតនៅក្នុងពូល G នៅ World Cup 2026 ដែលរៀបចំនៅអាមេរិក ម៉ិកស៊ិក និងកាណាដា ហើយនៅក្នុងពូលនោះរួមមាន នូវែលសេឡង់ ប៊ែលហ្ស៊ិក និងអេហ្ស៊ីប៕ អត្ថបទ៖ នាង សុភាវុធ 

កម្ពុជាត្រៀម ៨ប្រភេទកីឡាចូលរួមកីឡាសាកលវិទ្យាល័យអាស៊ាននៅម៉ាឡេស៊ីចុងឆ្នាំនេះ ខណៈកម្ពុជាធ្វើម្ចាស់ផ្ទះបន្តវេនឆ្នាំ២០២៨

2026/03/26 10:08:47 pm        302
Facebook Telegram Linkin
កម្ពុជាកំពុងត្រៀមកីឡាករ កីឡាការិនីជាសិស្ស-និស្សិតលើ៨ប្រភេទកីឡាត្រៀមចូលរួមប្រជែងមេដាយជូនជាតិ ក្នុងការប្រកួតកីឡាសាកលវិទ្យាល័យអាស៊ាន លើកទី២២ (The 22 ASEAN University Games) នាខែធ្នូ ឆ្នាំ២០២៦ នៅប្រទេសម៉ាឡេស៊ី ខណៈកម្ពុជាក៏ត្រៀមបញ្ជូនក្រុមប្រតិភូ អត្តពលិក សិល្បករ សិល្បការិនីចូលរួមប្រកួត និងសម្តែងបង្ហាញសិល្បៈវប្បធម៌ ក្នុងពិធីទទួលទង់បន្តវេនធ្វើម្ចាស់ផ្ទះ នៅកម្ពុជា នាឆ្នាំ២០២៨ខាងមុខ។នេះការគូសបញ្ជាក់របស់ឯកឧត្តម ប៉ុន សុខ អគ្គនាយកនៃអគ្គនាយកដ្ឋានកីឡា ក្រសួងអប់រំ យុវជន និងកីឡា និងជាអគ្គលេខាធិការ សហព័ន្ធកីឡាសិស្សនិស្សិតកម្ពុជា នៅក្នុងបទសម្ភាសន៍កាលពីពេលថ្មីៗនេះ។ឯកឧត្តមអគ្គនាយកកីឡារូបនេះ បានលើកឡើងបន្ថែមថា ការប្រកួតកីឡាសាកលវិទ្យាល័យអាស៊ានលើកទី២២ ឆ្នាំ២០២៦ នៅប្រទេសម៉ាឡេស៊ី គ្រោងនឹងប្រព្រឹត្តិទៅចាប់ពីថ្ងៃទី១០-១៩ ខែធ្នូ ឆ្នាំ២០២៦។ បច្ចុប្បន្ន កម្ពុជាកំពុងត្រៀមកីឡាករ កីឡាការរិនី៨ប្រភេទកីឡាហើយ ដើម្បីត្រៀមចូលរួមប្រកួតនេះ កម្ពុជាបានចុះឈ្មោះប្រភេទកីឡាដែលមានសក្តានុពល ដែលសហព័ន្ធកីឡាសិស្សនិស្សិតកម្ពុជាសហការជាមួយអង្គភាពពាក់ព័ន្ធ និងសហព័ន្ធកីឡាជាតិ។ឯកឧត្តម ប៉ុន សុខ នេះជាការប្រកួតចុងក្រោយ ហើយកម្ពុជាត្រូវចូលរួមពិធីទទួលទង់បន្តវេនឆ្ពោះមកធ្វើម្ចាស់ផ្ទះ ការប្រកួតកីឡាសាកលវិទ្យាល័យអាស៊ាន លើកទី២៣ នាឆ្នាំ២០២៨ខាងមុខ។ កម្ពុជាបានកំណត់នូវការត្រៀមប្រភេទកីឡាមួយចំនួនចំបាច់ និងសក្តានុពលផងដែរ ដែលកម្ពុជាគ្រោងនឹងត្រៀមប្រភេទកីឡាក្នុងរង្វង់ ១៥ ទៅ ១៨ប្រភេទកីឡា។ គួររម្លឹកថា ការប្រកួតកីឡាសាកលវិទ្យាល័យអាស៊ានត្រូវបានធ្វើឡើងរៀងរាល់២ឆ្នាំម្តង ហើយកាលពី លើកទី២១ នៅ Surabaya & Malang ប្រទេសឥណ្ឌូណេស៊ី ក្នុងខែកក្កដា ឆ្នាំ២០២៤ កន្លងទៅ គឺអត្តពលិកកម្ពុជាដណ្តើមបានមេដាយសរុប ៨គ្រឿង (មាស១ ប្រាក់៤ និងសំរឹទ្ធ៣) ឈ្នះលើ៤ប្រភេទកីឡា ក្នុងចំណោម៦ប្រភេទកីឡាដែលកម្ពុជាបញ្ជូនទៅចូលរួមប្រកួត៕

គ្រូបង្វឹកអ៊ីតាលី Gennaro Gattuso៖ ជំនួបទល់នឹងអៀកឡង់ខាងជើងវគ្គ Play-Off ជាការប្រកួតធំបំផុតក្នុងអាជីពរបស់លោក

2026/03/26 09:40:25 pm        278
Facebook Telegram Linkin
គ្រូបង្គោលក្រុមជម្រើសជាតិអ៊ីតាលីលោក Gennaro Gattuso បានហៅការប្រកួត Play-Off យកកៅអី World Cup ទល់នឹងអៀកឡង់ខាងជើងគឺជាការប្រកួតធំបំផុតក្នុងអាជីពដឹកនាំរបស់លោក។និយាយក្នុងសន្និសីតសារព័ត៌មាននៅថ្ងៃពុធម្សិលមិញ អតីតខ្សែបម្រើ AC Milan ដែលធ្លាប់លើកពាន World Cup ក្នុងនាមជាកីឡាករជាមួយអ៊ីតាលីនៅឆ្នាំ ២០០៦ នោះ បានជំរុញឱ្យកូនក្រុមរបស់លោកបំភ្លេចចោលដាមបរាជ័យរបស់អ៊ីតាលីនាពេលកន្លងមក។ អ៊ីតាលីបានខកខានបង្ហាញខ្លួននៅ World Cup ពីរព្រឹត្តិការណ៍ជាប់គ្នារួចមកហើយគឺឆ្នាំ ២០១៨ នៅរុស្ស៊ី និង ២០២២ នៅកាតា ខណៈលោក Gattuso ថា កីឡាកររបស់លោកត្រូវតែជំនះការលំបាក ជំនះការធ្លាក់ចុះនៃបាល់ទាត់អ៊ីតាលី និងជាពេលដែលត្រូវស្តាមុខមាត់ក្រុមជម្រើសជាតិឡើងវិញ។ បេសកកម្មរបស់ក្រុមអ៊ីតាលីមិនមែនបាំងតែអៀកឡង់ខាងជើងតែមួយទេ ពោលគឺពួកគេត្រូវការឈ្នះការប្រកួតនេះហើយ នឹងត្រូវជួបជាមួយក្រុមឈ្នះរវាងវែល រឺបូស្នៀ។ ក្រុមដែលឈ្នះពីវគ្គ Play-Off នេះនឹងត្រូវចូលទៅក្នុងពូល B នៅ World Cup ដែលមានម្ចាស់ផ្ទះកាណាដា កាតា និងស្វ៊ីស៕ អត្ថបទ៖នាង សុភាវុធ

ព្រះខ័នរាជ ដាក់លក់សំបុត្រវគ្គ ១/២ ពានទី៣ ទ្វីបអាស៊ី ដែលត្រូវជួបក្រុមហ្វីលីពីន Manila Digger ខែក្រោយ

2026/03/26 07:53:37 pm        319
Facebook Telegram Linkin
ក្លិបព្រះខ័នរាជស្វាយរៀង បានដាក់សំបុត្រទស្សនាការប្រកួតវគ្គពាក់កណ្ដាលផ្ដាច់ព្រ័ត្រ ជើងទី១ នៃពានរង្វាន់ក្លិបបាល់ទាត់កម្រិតទី៣ ទ្វីបអាស៊ី AFC Challenge League 2025/26 ដែលត្រូវជួបក្រុម Manilia Digger របស់ហ្វីលីពីន នាថ្ងៃទី៩ ខែមេសា ឆ្នាំ២០២៦ ខាងមុខហើយ ដោយរក្សាតម្លៃសំបុត្រធម្មតា ៨ពាន់រៀលដដែល។បន្ទាប់ពីយកឈ្នះក្រុមរួមជាតិភ្នំពេញក្រោន នៅវគ្គ ៨ក្រុមចុងក្រោយ ព្រះខ័នរាជស្វាយរៀង នឹងត្រូវជួប្រកួត ២ជើង ទល់នឹងក្រុម Manilia Digger ដើម្បីប្រជែងកៅអីវគ្គផ្ដាច់ព្រ័ត្រ ដោយជើងទី១ ត្រូវប្រកួតនៅទឹកដីកម្ពុជា នាពហុកីឡដ្ឋានជាតិមរតកតេជោ និងជើងទី២ ប្រកួតនៅប្រទេសហ្វីលីពីនវិញម្ដង នាថ្ងៃទី១៦ ខែមេសាខាងមុខ។នេះជាលើកទី២ ផងដែរ សម្រាប់ជំនួបរវាងព្រះខ័នរាជស្វាយរៀង និងក្រុម Manilia Digge ក្នុងពានរង្វាន់អន្ដរជាតិ នារដូវកាលនេះ បន្ទាប់ពីក្រុមទាំងពីរ ធ្លាប់ជួបគ្នាក្នុងពូលម្ដងរួចមកហើយ នៅពហុកីឡដ្ឋានជាតិមរតកតេជោ កាលពីដើមខែវិច្ឆិកា ឆ្នាំ២០២៥ ដែលបញ្ចប់ក្នុងលទ្ធផលស្មើគ្នា ២-២។លោក McConkey Matthew  គ្រូបង្វឹកព្រះខ័នរាជស្វាយរៀង រំពឹងថា ជំនួបវគ្គពាក់កណ្ដាលផ្ដាច់ព្រ័ត្រ នាខែក្រោយនេះ នឹងកាន់តែស្វិតស្វាញខ្លាំង ដ្បិតក្រុមទាំងពីរ សុទ្ធតែត្រៀមលក្ខណៈបានកាន់តែល្អប្រសើរ ជាមួយការនាំចូលកីឡាករថ្មីៗបន្ថែម ដែលនឹងជំរុញឲ្យការប្រកួតកាន់តែជក់ចិត្តជាងមុន។ដូច្នេះស្របពេលការប្រកួតជើងទី១ នៅសល់ ២សប្ដាហ៍ទៀត នឹងមកដល់ ក្នុងនាមក្រុមម្ចាស់ផ្ទះ ព្រះខ័នរាជស្វាយរៀង ក៏បានប្រកាសល់សំបុត្រចាប់ពីឥលូវតទៅ ដោយអ្នកគាំទ្រអាចរកទិញបានលើ App PKR Svay Rieng ក្នុងតម្លៃ ៨ពាន់រៀល ។ លើសពីនេះ ក៏មានការលក់សំបុត្រ VIP ឬបន្ទប់ឯកជន ដែលមានអាហារសម្រន់ និងភេសជ្ជៈជូនផងដែរ។គួរដឹងថា មុនឡើងមកវគ្គពាក់កណ្ដាលផ្ដាច់ព្រ័ត្រនៃពានកម្រិតទី៣ ទ្វីបអាស៊ីនេះ ព្រះខ័នរាជស្វាយរៀង បានយកឈ្នះភ្នំពេញក្រោន ទាំង ២ជើង ក្នុងលទ្ធផល ៦-២ គ្រាដែល Manila Digger បាយកឈ្នះក្រុមឥណ្ឌូនេស៊ី Dewa United ទាំង ២ជើង ដោយលទ្ធផល ៣-២៕ អត្ថបទ លី ឈុនឡា

Antoine Griezmann ព្រមព្រៀងផ្លាស់ទៅទឹកដីអាមេរិកក្រោយចប់រដូវកាលនេះ

2026/03/25 10:13:17 pm        193
Facebook Telegram Linkin
ខ្សែប្រយុទ្ធបារាំង Antoine Griezmann នឹងផ្លាស់ទៅប្រកបអាជីពនៅក្របខណ្ឌអាមេរិក Major League Soccer រដូវក្តៅខាងមុខជាមួយក្លិបបាល់ទាត់ Orlando City។កីឡាករវ័យ ៣៥ ឆ្នាំរូបនេះកំពុងប្រកបអាជីពជាលើកទីពីរជាមួយ Atletico Madrid និងកំពុងនាំមុខគេផងដែរក្នុងតារាងអ្នកស៊ុតបញ្ចូលទីច្រើនបំផុតរបស់ក្លិប។Antoine Griezmann បានចូលរួមជាមួយ Atletico Madrid លើកដំបូងនៅឆ្នាំ ២០១៤ ផ្ទេរពី Real Sociedad ឈ្នះជើងឯក Europa League នៅឆ្នាំ ២០១៨ តែក៏បានចាកចេញទៅ Barcelona ក្នុងពេលដែលក្លិបឈ្នះជើងឯក Europa League ម្តងទៀតនៅឆ្នាំ ២០២១។ Griezmann នៅពេលនេះស៊ុតបញ្ចូលទីឱ្យក្លិបអាជីពជិត ៣០០ គ្រាប់ហើយពោលគឺជាមួយ Real Sociedad ៤៦ គ្រាប់ Atletico Madrid ១៤១ គ្រាប់ និងជាមួយ Barcelona ២២ គ្រាប់។ សរុបសមិទ្ធផលជាមួយក្លិប Griezmann ឈ្នះជើងឯកលីគទីពីរអេស្ប៉ាញជាមួយ Real Sociedad នៅរដូវកាល ២០០៩-១០ នាំក្រុមឡើងមកលេខក្របខណ្ឌកំពូល La Liga មុនបន្តឈ្នះជើងឯក Europa League មួយលើកជាមួយ Atletico Madrid ឈ្នះជើងឯក UEFA Super Cup និងជាជើងឯករង Champions League រដូវកាល ២០១៥-១៦ ដែលចាញ់ Real Madrid ដោយបាល់ ១១ ម៉ែត្រកាត់សេចក្តី។  ជាមួយ Barcelona វិញគេបានឈ្នះជើងឯក Copa del Rey និង Spanish Super Cup។ ចំណែកអាជីពជាមួយក្រុមជម្រើសជាតិបារាំងដែលបង្ហាញខ្លួនសរុប ១៣៧ ប្រកួតគេរកបាន ៤៤ គ្រាប់ ជាសមាជិកសំខាន់របស់បារាំងដែលឈ្នះជើងឯកពិភពលោកឆ្នាំ ២០១៨ នៅរុស្ស៊ី និងជើងឯករងឆ្នាំ ២០២២ នៅកាតាដែលចាញ់អាហ្សង់ទីននៅវគ្គផ្តាច់ព្រ័ត្រ បាល់ ១១ ម៉ែត្រកាត់សេចក្តី។ ដោយឡែកសម្រាប់ Orlando City រដូវកាលថ្មីដែលទើបលេងបាន ៥ ប្រកួតកំពុងឈរលេខ ១៣ នៅភាគខាងកើត Eastern Conference៕ អត្ថបទ៖នាង សុភាវុធ

PSG ស្នើសុំលើកការប្រកួតក្នុងលីគមុនជួប Liverpool នៅវគ្គ ៨ ក្រុមចុងក្រោយ UCL

2026/03/25 09:56:22 pm        118
Facebook Telegram Linkin
ក្លិបបារាំង Paris Saint Germain បានស្នើសុំទៅកាន់ក្របខណ្ឌ Ligue1 ដើម្បីលើកការ​ប្រកួត​ទល់​នឹង​គូប្រជែង​ជើងឯក Lens ដើម្បីត្រៀមលក្ខណៈឱ្យបានល្អ មុនជួប Liverpool វគ្គ ៨ ក្រុម​ចុងក្រោយ UEFA Champions League។ជំនួបទល់នឹង Lens គ្រោងធ្វើនៅថ្ងៃទី ១១ ខែមេសាខាងមុខ ដែលកាលវិភាគនេះស្ថិតនៅចំចន្លោះកណ្តាលរវាងជើងទីមួយ និងជើងទីពីរទល់នឹង Liverpool។ ចំណែក Liverpool ក៏នឹងត្រូវទទួល Fulham ដែរនៅក្នុងថ្ងៃទី ១១ ខែមេសានោះ។ នៅក្នុងការឆ្លើយតបនឹងការស្នើសុំរបស់ PSG ទៅកាន់ Ligue1 ក្រុមគូប្រជែង Lens ដែលកំពុងស្វែងរកជើងឯកដំបូងតាំងពីឆ្នាំ ១៩៩៨ នោះ បានបដិសេដមិនយល់ព្រមដាច់ខាត តាមរយៈសេចក្តីថ្លែងការរបស់ខ្លួន។ ក្រុមលេខពីរ Lens បច្ចុប្បន្នកំពុងតាមពីក្រោយក្រុមនាំមុខ PSG តែមួយពិន្ទុប៉ុណ្ណោះ ស្របពេលដែលគ្រូបង្គោល Lens លោក Pierre Sage បាននិយាយក្រោយចប់ការប្រកួតជ័យជំនះលើ Angers ៥-១ កាលពីថ្ងៃអាទិត្យថា លោកមិនយល់ស្របដាច់ខាតចំពោះការលើកពេល។ យ៉ាងណាក្តី ការសម្រេចបែបនេះគឺស្ថិតនៅលើក្របខណ្ឌ Ligue1 ដែលបានទទួលការស្នើសុំដូចគ្នានេះដែរពីក្លិប Brest ដែលសុំលើកពេលប្រកួតក្នុងថ្ងៃជាមួយគ្នា ដើម្បីត្រៀមលក្ខណៈសម្រាប់ការប្រកួតនៅក្របខណ្ឌ Conference League ទល់នឹងក្លិបអាល្លឺម៉ង់ Mainz៕ អត្ថបទ៖នាង សុភាវុធ

Mohamed Salah ប្រកាសចាកចេញពី Liverpool នៅដំណាច់រដូវកាលនេះ​ក្រោយ​ចំណាយពេល ៩ឆ្នាំ

2026/03/25 09:32:08 pm        116
Facebook Telegram Linkin
ខ្សែប្រយុទ្ធ Liverpool, Mohamed Salah ទំបំផុតបានសម្រេចចិត្តប្រកាសចាកចេញពីក្លិបហើយនៅដំណាច់រដូវកាលនេះ ក្រោយចំណាយពេល ៩ ឆ្នាំ។កីឡាករវ័យ ៣៣ ឆ្នាំដែលមកកាន់ Anfield នៅឆ្នាំ ២០១៧ ផ្ទេរពីក្លិបអ៊ីតាលី AS Roma រូបនេះ បានប្រកាសការចាកចេញរបស់ខ្លួននៅក្នុងវីដេអូខ្លីមួយដែលបានបង្ហោះនៅលើបណ្តាញសង្គមផ្ទាល់ខ្លួន។Salah កាលពីឆ្នាំ ២០២៥ បានចុះហត្ថលេខាលើកិច្ចសន្យាបន្ត ២ ឆ្នាំ មានន័យថាការចាកចេញគឺមិនមានតម្លៃផ្ទេរឡើយ។នេះជារដូវកាលដ៏លំបាកបំផុតសម្រាប់ Salah តាំងពីមកកាន់ Liverpool នៅឆ្នាំ ២០១៧ ដោយរកគ្រាប់បាល់បានត្រឹម ១០ គ្រាប់ប៉ុណ្ណោះក្នុងចំណោម ៣៤ ប្រកួតគ្រប់ក្របខណ្ឌមកដល់ពេលនេះ ដែលជាស្ថិតិទាបបំផុតក្នុងរយៈពេល ៩ ឆ្នាំរបស់គេនៅ Liverpool។Salah បានឱ្យដឹងថា Liverpool ជាចំនុចដែលគេបានជួបរឿងជាច្រើនក្នុងជីវិតរបស់ខ្លួនដែលមិនអាចបំភ្លេចបាន ទាំងភាគជោគជ័យលើទីលាន ដំណើរជីវិត ឆ្លងកាត់ការលំបាកជាមួយក្លិបអំឡុងកូវីដ-១៩ និងភាពសោកសង្រែងនៃការបាត់បង់មិត្តរួមក្រុម Diogo Jota។ រយៈពេល ៩ ឆ្នាំនេះខ្សែប្រយុទ្ធកំពូលដែលប្រជាជនអេហ្ស៊ីបហៅថា King of Egypt រូបនេះ បានរួមចំណែកយ៉ាងសំខាន់ក្នុងការផ្លាស់ប្តូរ Liverpool និងនាំភាពជោគជ័យមកកាន់ក្លិបជាច្រើន។ Liverpool បានឈ្នះជើងឯក Premier League ពីរដង Champions LeaguA, FIFA Club World Cup, UEFA Super Cup, FA Cup និង League Cup ក៏ដូចជា FA Community Shield ផងដែរ។គិតត្រឹមពេលនេះ Salah បង្ហាញខ្លួនបាន ៤៣៥ ប្រកួតសម្រាប់ក្រុមដែលមានមូលដ្ឋាននៅ Merseyside មួយនេះ ស៊ុតបញ្ចូលទីបាន ២៥៥ គ្រាប់ ឈរលេខបីក្នុងចំណោមកីឡាករស៊ុតបញ្ចូលទីច្រើនបំផុតរបស់ Liverpool នៅពីក្រោម Ian Rush ដែលមាន ៣៤៦ គ្រាប់ និង Roger Hunt ដែលមាន ២៨៥ គ្រាប់។ សម្រាប់សមិទ្ធផលផ្ទាល់ខ្លួន Salah បានឈ្នះពានជ័យលាភីស្បែកជើងមាស ស៊ុតបញ្ចូលទីច្រើនជាងគេនៅ Premier League បួនលើក និងធ្លាប់ជាកីឡាករឆ្នើមបំផុតរបស់ Premier League បីលើកផងដែរ។ក្រុមការពារតំណែងជើងឯក Liverpool បច្ចុប្បន្នកំពុងឈរលេខ ៥ នៅ Premier League ខណៈនៅសល់ ៧ ប្រកួតទៀតចប់រដូវកាល ហើយក៏នឹងត្រូវជួប Paris Saint Germain នៅវគ្គ ៨ ក្រុមចុងក្រោយ Champions League ផងដែរនៅខែមេសាខាងមុខ៕ អត្ថបទ៖នាង សុភាវុធ

បាល់ទាត់យុវជនក្រោម១៨ឆ្នាំ ខេត្តកណ្តាលចាប់ផ្តើម ខណៈកីឡាករត្រូវភ្ជាប់មកជាមួយ​នូវ​អត្តសញ្ញាណប័ណ្ណ

2026/03/25 08:33:50 pm        172
Facebook Telegram Linkin
នាទីលានបាល់ទាត់ខេត្តកណ្តាលនៃពានរង្វាន់យុវជនអាយក្រោម១៨ឆ្នាំ ជ្រើស​រើស​ជើងឯកខេត្តកណ្តាល ប្រចាំឆ្នាំ២០២៦ បានចាប់ផ្តើមហើយ ខណៈកីឡាករទាំងអស់ត្រូវភ្ជាប់មកជាមួយនូវអត្តសញ្ញាណប័ណ្ណ កំណត់នៅអាយុត្រឹមត្រូវស្របតាមគណៈកម្មការបានកំណត់ក្រែងមានការបន្លំអាយុ។នេះជាបញ្ជាក់ពី លោក គួង លី ប្រធានអនុគណៈកម្មការរៀបចំការប្រកួតកីឡាបាល់ទាត់ពានរង្វាន់យុវជនក្រោម១៨ឆ្នាំ ក្នុងការចាប់ផ្តមដំណើរការប្រកួតប្រជែងជើងឯក ដោយមានចូលរួម៩ក្រុម ដោយចែកចេញជា៣ពូល ក្នុង១ពូលៗមាន៣ក្រុមស្មើគ្នា។ លោកបន្ថែមថា ដើម្បីជំរុញឱ្យការប្រកួតជម្រើសជើងឯកយុវជនក្រោម១៨ឆ្នាំដំណើរដោយរលូន តម្លាភាព និងស្របតាមគោលបំណងរបស់ថ្នាក់ដឹកនាំមន្ទីរអប់រំ យុវជន និងកីឡាខេត្តកណ្តាល គណៈកម្មការបានកំណត់ឱ្យគ្រប់កីឡាករទាំងអស់ដែលចូលរួមត្រូវ ភ្ជាប់មកជាមួយនូវអត្តសញ្ញាណប័ណ្ណ ជៀសវាងការបន្លំអាយុកីឡាករ។ចំពោះគោលបំណងចម្បងនៃការប្រកួតនេះ គឺស្របតាមផែនការប្រចាំឆ្នាំរបស់ការិយាល័យអប់រំកាយ និងកីឡានៃមន្ទីរអប់រំ យុវជន និងកីឡាខេត្តកណ្តាល ដើម្បីស្វែងរកធនធានយុវជនក្រោម១៨ឆ្នាំឆ្នើមៗប្រចាំឆ្នាំផង និងត្រៀមការប្រកួតថ្នាក់ខេត្តដ៏ធំមួយ ដែលគ្រោងនឹងធ្វើឡើងនាខែមិថុនា ឬខែកក្កដា ឆ្នាំ២០២៦។ ជាមួយគ្នានេះដែរ គ្រូជំនួយក្រុមបាល់ទាត់ SCV FC លោក ហង សុនូ បានបង្ហាញថាក្រុមបានចូលរួមជាលើកទី២ហើយនៃពានរង្វាន់នេះ ហើយកីឡាកររបស់លោក សុទ្អតែមានមូលដ្ឋាន នៅខេត្តកណ្តាល និងមានអាយុត្រឹមត្រូវស្រមតាមគណៈកម្មាធិការរៀបចំការប្រកួត។សូមបញ្ជាក់ថា ការប្រកួតកីឡាបាល់ទាត់ពានរង្វាន់យុវជនក្រោម១៨ឆ្នាំ ជើងឯកខេត្តកណ្តាល ប្រចាំឆ្នាំ២០២៦ មាន៩ក្រុមចូលរួម ដោយចែកចេញជា៣ពូល ក្នុង១ពូលៗមាន៣ក្រុមស្មើគ្នា។ ការប្រកួតវគ្គសន្សំពិន្ទុក្នុងពូល គឺក្រុមចំណាត់ថ្នាក់លេខ១ក្នុងពូលទាំង៣ និងចំណាត់ថ្នាក់លេខ២ល្អជាងគេ១ក្រុមដើម្បីឡើងទៅកាន់វគ្គពាក់កណ្តាលផ្តាច់ព្រ័ត្រ៕

កម្ពុជាចង់ឃើញកីឡាអាស៊ាន មានដៃគូអភិវឌ្ឍលើសពី ២ប្រទេស

2026/03/25 07:38:11 pm        198
Facebook Telegram Linkin
កម្ពុជាបានបង្ហាញបំណងចង់ឲ្យវិស័យកីឡាក្នុងតំបន់អាស៊ាន មានដៃគូអភិវឌ្ឍន៍ឲ្យបានច្រើនលើសពី ២ប្រទេស ដើម្បីជំរុញការរីកចម្រើន និងសាមគ្គីភាពកាន់តែខ្លាំងក្លា។នេះបើតាមប្រសាសន៍ឯកឧត្តម វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា ក្រោយដឹកនាំកិច្ចប្រជុំ ស្ដីពីការត្រៀមធ្វើម្ចាស់ផ្ទះរៀបចំកិច្ចប្រជុំឧត្តមមន្ដ្រីកីឡាអាស៊ាន នាខែតុលា ឆ្នាំ២០២៦ និងកិច្ចប្រជុំថ្នាក់រដ្ឋមន្ដ្រីកីឡាអាស៊ាន នាឆ្នាំ២០២៧ ខាងមុខ នៅខេត្តសៀមរាប។ក្នុងនាមម្ចាស់កិច្ចប្រជុំកំពូលកីឡាអាស៊ានទាំងពីរ កម្ពុជាបានត្រៀមធ្វើកិច្ចការជាច្រើន ដើម្បីជំរុញសកម្មភាពកីឡាក្នុងតំបន់ ហើយកម្ពុជាក៏ចង់ឃើញអាស៊ាន មានដៃគូអភិវឌ្ឍកាន់តែច្រើន ក្រៅពីដៃគូបច្ចុប្បន្ន រួមមានជប៉ុន និងចិន តួយ៉ាងការជំរុញឲ្យមានការចាប់ដៃគូជាមួយសាធារណៈរដ្ឋកូរ៉េ ដែលជាប្រទេសមានបទពិសោធន៍ច្រើន ក្នុងការការទូតកីឡា ក៏ដូចជាការបណ្ដុះបណ្ដាល នៃការអភិវឌ្ឍ និងស្រាវជ្រាវយុទ្ធគុនបុរាណជាដើម។គួរដឹងថា មុនឈានដល់កិច្ចប្រជុំឧត្ដមមន្ដ្រីកីឡាអាស៊ាន និងរដ្ឋមន្ដ្រីកីឡាអាស៊ាន កម្ពុជានឹងត្រូវរៀបចំសិក្ខាសាលាកម្រិតតំបន់ចំនួន ២ ដើម្បីបំបេញលក្ខខណ្ឌ ក៏ដូចជាការបង្ហាញពីការត្រៀមលក្ខណៈធ្វើម្ចាស់ផ្ទះរួចរាល់ រួមមានសិក្ខាសាលាស្តីពីសកម្មភាពកីឡាអាស៊ាន-ជប៉ុន លើសមភាពយេនឌ័រ នៅខេត្តសៀមរាប កាលពីខែមករា និងសិក្ខាសាលាស្ដីពីការរៀបចំផែនការមេអាស៊ានកីឡា ឆ្នាំ២០២៦-២០៣០ ដែលគ្រោងរៀបចំនាថ្ងៃទី៣១ ខែមីនា និងថ្ងៃទី១ ខែមេសា ឆ្នាំ២០២៦ ខាងមុខ នៅរាជធានីភ្នំពេញ៕ អត្ថបទ លី ឈុនឡា

បណ្ដាញសង្គម

ព័ត៌មានថ្មីៗ

សង្គ្រាមថ្មីលើអ៊ីរ៉ង់ អាចផ្លាស់ប្តូរពេលវេលានៃការបង្កើតរដ្ឋាភិបាលអ៊ីស្រាអែល
10/28/2026 05:10 PM
Facebook Telegram Linkin
មេបក្សប្រឆាំងអ៊ីស្រាអែល ប្រាប់​ថា អាជីពនយោបាយរបស់លោក Netanyahu ដល់ទី​បញ្ចប់ហើយ
10/28/2026 04:10 PM
Facebook Telegram Linkin
ចិនទម្លាក់​កម្រិតប្រេសិត​ទៅ​ចូល​រួម​កិច្ច​ប្រជុំ នៅអាស៊ីអាគ្នេយ៍ បន្ទាប់ពី​មានជម្លោះដែន​សមុទ្រ
10/28/2026 04:10 PM
Facebook Telegram Linkin
មូលនិធិកសិកម្ម UN ព្រមានថា វិបត្តិស្បៀងអាហារ «កំពុងខិតជិតមកដល់» បន្ទាប់ពីមានវិបត្តិថាមពលសកល
10/28/2026 04:10 PM
Facebook Telegram Linkin
ប្រធានាធិបតីចិន លោក Xi អំពាវនាវឱ្យជប៉ុនការពារមូលដ្ឋានគ្រឹះ​ផ្នែក​នយោបាយនៃទំនាក់ទំនង
10/28/2026 04:10 PM
Facebook Telegram Linkin
អ៊ីរ៉ង់ថា នាវា Sinokor ប្រឈមនឹងចំណាត់ការផ្លូវច្បាប់ ខណៈម្ចាស់នាវាកូរ៉េខាងត្បូងបដិសេធការពាក់ព័ន្ធ
10/28/2026 04:10 PM
Facebook Telegram Linkin
ក្រសួងការងារ និងអង្គការអន្តរជាតិទេសន្តរប្រវេសន៍ (IOM) បើកសិក្ខាសាលាពិគ្រោះយោបល់ ស្ដីពីគោលការណ៍ណែនាំ ស្តីពីការការពារជនទេសន្តរប្រវេសន៍ការងារខ្មែរនៅក្រៅប្រទេសក្នុងស្ថានភាពមានវិបត្តិ
10/28/2026 04:10 PM
Facebook Telegram Linkin
ឥណ្ឌូនេស៊ី បង្កើនវត្តមានសន្តិសុខដើម្បីត្រៀមទប់ទល់ការតវ៉ារបស់និស្សិត
10/28/2026 04:10 PM
Facebook Telegram Linkin
មេបញ្ជាការរងកងទ័ពជើងគោកនៃសហព័ន្ធរុស្ស៊ី ប្ដេជ្ញាបន្តពូនជ្រំទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ ឱ្យកាន់តែរឹងមាំ និងរីកចម្រើន
10/28/2026 04:10 PM
Facebook Telegram Linkin
ការប្រឡងគ្រូបឋមផ្អែកលើកិច្ចព្រមព្រៀងមានបេក្ខជនចូលរួមច្រើនជាងគេរហូតដល់ជាង ២ម៉ឺននាក់
10/28/2026 04:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.