នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
កោះទទឹងត្រូវបានរៀបចំជាតំបន់ទេសចរណ៍ថ្មី ក្នុងខេត្តកោះកុង ដើម្បីជំរុញកំណើនទេសចរណ៍
បារាយណ៍នាគព័ន្ធ ឋានសួគ៌នៃការគយគន់ថ្ងៃលិចដ៏ត្រកាល និងដើរតួនាទីយ៉ាងសំខាន់​ក្នុង​ការ​រក្សា​ស្រទាប់ទឹកក្រោមដី
សមាគមភោជនីយដ្ឋានកម្ពុជា ប្តេជ្ញាចូលរួមជាមួយរដ្ឋាភិបាលលើកកម្ពស់សេវាកម្មភោជនីយដ្ឋាន សេវាកម្មម្ហូបអាហារ និងភេសជ្ជៈឱ្យមានគុណភាព
នាវាទេសចរណ៍ NORWEGIAN SUN ដឹកភ្ញៀវទេសចរជាតិ២ពាន់នាក់ មកទស្សនាប្រទេសកម្ពុជា

វប្បធម៌ និងទេសចរណ៍

អ្នកទេសចរជាង៦ម៉ឺននាក់ ទស្សនារមណីយដ្ឋានអង្គរ នៅថ្ងៃពិធីបុណ្យចូលឆ្នាំចិន វៀតណាម

2026/02/20 12:53:51 pm        153
Facebook Telegram Linkin
អ្នកទេសចរជាតិ និងអន្ដរជាតិ ជាង៦ម៉ឺននាក់ បានទស្សនារមណីយដ្ឋានអង្គរ នៅ​ថ្ងៃពិធី​បុណ្យ​ចូល​ឆ្នាំថ្មី ប្រពៃណីចិន វៀតណាម ក្នុងរយៈពេលបីថ្ងៃ ចាប់ពីថ្ងៃទី១៧​ដល់​ថ្ងៃ​ទី​១៩​ ខែ​កុម្ភៈ ឆ្នាំ​២០២៦​នេះ នេះបើយោងតាមរបាយការណ៍អាជ្ញាធរជាតិអប្សរា បានបង្ហាញនៅថ្ងៃ​ទី១៩ ខែ​កុម្ភៈ ឆ្នាំ​២០២៦នេះ ។របាយការណ៍ របស់នាយកដ្ឋាន អភិវឌ្ឍន៍ទេសចរណ៍ និងវប្បធម៌ធម្មជាតិ របស់អាជ្ញាធរ​ជាតិ​អប្សរាបានលើកឡើងថា ក្នុងចំណោមភ្ញៀវទេសចរសរុប៦០៤៧១នាក់ ក្នុងនោះ ក៏មាន​ភ្ញៀវប​រទេស​ចំនួន១៣០៩៦នាក់ និងភ្ញៀវខ្មែរចំនួន ៤៧ ៣៧៥នាក់។ អ្នកទេសចរអន្ដរជាតិ​បាន​លើក​ឡើង​ថា បានលើកឡើងថា ពួកគាត់ពិតជាមានភាពសប្បាយរីករាយ ដែលបានមកដល់សៀមរាប ប្រកបដោយសុខសន្ដិភាព និងសុវត្ថិភាពល្អ   ហើយពួកគាត់​បាន​ទៅ​ទស្សនា​ប្រាសាទ​អង្គ​ដ៏​ស្រស់​ស្អាត ដូចភាពល្បីល្បាញនៅក្នុងពិភពលោកមែន។ពួកគាត់បានលើកឡើងថា នៅប្រទេស​កម្ពុជា មានប្រាសាទបុរាណទដ៏អស្ចារ្យ សម្រាប់ឱ្យអ្នកទេសស្សនាដោយមិនជិនណាយ ខណៈដែលប្រាសាទអង្គរនេះមានភាពស្រស់បំព្រង អមដោយ​ទិដ្ឋភាព​និង​ទេសភាព​ដ៏​ត្រកាល​ផង​ដែរ​។បើតាមរបាយការណ៍អាជ្ញាធរជាតិអប្សរា បានបញ្ជាក់ថា នៅក្នុងពិធីចូលឆ្នាំប្រពៃណីចិន វៀតណាម ​មានអ្នកទេសចរជាច្រើនជាតិសាសន៍ បានទស្សនាប្រាសាទអង្គរ និងប្រាសាទ​បុរាណ​ជា​ច្រើន​ទៀត ក្នុងរមណីដ្ឋានអង្គរ ចាប់ពីថ្ងៃទី១៧ ខែកុម្ភៈ ឆ្នាំ២០២៦ មានភ្ញៀវទេសចរ​ជា​ច្រើន​ជាតិ​សាសន៍​ចំនួន​៦០៤៧១​នាក់។ ពួក​គាត់បានដើរទស្សនាប្រកបដោយ​សុខ​សន្ដិភាព និង​សុវត្ថិភាព​ល្អ៕

ទេសចរជាង៨ម៉ឺននាក់ មកសម្រាកលម្ហែនៅខេត្តកំពតក្នុងឱកាសបុណ្យចូលឆ្នាំចិន-វៀតណាម​រយៈពេល​៣ថ្ងៃ

2026/02/20 12:18:46 pm        175
Facebook Telegram Linkin
មន្ត្រីជំនាញបានបញ្ជាក់ថា ក្នុងឱកាសបុណ្យចូលឆ្នាំថ្មីប្រពៃណីជនជាតិចិន និងវៀតណាម រយៈ​ពេល​៣ថ្ងៃ ខេត្តកំពតបានទាក់ទាញភ្ញៀវទេសចរជាង៨ម៉ឺននាក់ កើនឡើងជាង​១២%​បើ​ធៀប​នឹង​ឆ្នាំ​មុន។ មូលហេតុដែលភ្ញៀវមកលេងច្រើនដោយសារហេដ្ឋារចនាសម្ព័ន្ធតភ្ជាប់ក្នុងខេត្តល្អ កន្លែង​ដើរ​លេងច្រើនសំប្បូរបែប ពិសេសសមិទ្ធផលទេសចរណ៍ថ្មីៗដ៏ទាក់ទាញ នៅក្រុងកំពត ខណៈ​ដែល​សុវត្ថិភាព សន្តិសុខ សណ្តាប់ធ្នាប់ រៀបចំបានល្អ។ ប្រធានមន្ទីរទេសចរណ៍ខេត្តកំពត លោក សយ ស៊ីណុល បានប្រាប់ឲ្យដឹងថា ក្នុងឱកាស​បុណ្យ​ចូល​ឆ្នាំ​ថ្មី​ប្រពៃណីជនជាតិចិន វៀតណាម រយៈពេល៣ថ្ងៃ ចាប់ពីថ្ងៃទី ១៧-១៨-១៩ ខែកុម្ភៈ ឆ្នាំ​២០២៦ ភ្ញៀវទេសចរជាតិ អន្តរជាតិ និងបងប្អូនប្រជាពលរដ្ឋ បានធ្វើដំណើរ​កម្សាន្ត​តាម​រមណីយ​ដ្ឋាន​ សហគមន៍ទេសចរណ៍ គោលដៅទេសចរណ៍ និងក្នុងក្រុងកំពត សរុបចំនួន ៨៨.០៧៧ នាក់​ កើនឡើង ១២,៨៩% បើធៀបនឹងរយៈពេលដូចគ្នាឆ្នាំ២០២៥កន្លងមក។ ហើយក្នុងនោះ ទេសចរ​ជាតិ ចំនួន ៨៤.៨៩២ នាក់ និងទេសចរបរទេស ចំនួន ៣.១៨៥ នាក់។ លោកបានបញ្ជាក់ថា មូលហេតុដែលខេត្តកំពតទាក់ទាញភ្ញៀវមកច្រើនដោយសារ ហេដ្ឋា​រចនា​សម្ព័ន្ធ​ល្អ កំពតនៅជិតភ្នំពេញ មានតំបន់រមណីយដ្ឋាន គោលដៅទេសចរណ៍ និងសហគមន៍​ទេសចរណេ៍​សំខាន់ៗដល់៤២កន្លែង មានកន្លែងស្នាក់នៅស្អាត មានផាសុកភាព ផ្សារភ្ជាប់​នឹង​ធម្មជាតិ ពិសេសមិទ្ធផលទេចរណ៍ថ្មីៗ ក្នុងក្រុងកំពត ក្រោមការដឹកនាំរបស់ឯកឧត្តមបណ្ឌិត ម៉ៅ ធនិន អភិបាលខេត្ត ដូចជា៖ រូបសំណាកត្រីសេះបាញ់ទឹក នាឡិកាខ្មាតធំ សួនបាញ់​ទឹក​រាំ​តាម​ចង្វាក់​ភ្លេង ឆ្នេរដ៏ស្រស់ស្អាត និងការរៀបចំភ្លើងពណ៌លម្អផ្លូវ និងផ្សារត្រីដ៏​ទាក់​ទាញ​ភ្ញៀវ​ទេសចរ​អន្តរជាតិ​ និងញ៉ាំងឱ្យបរិយាកាសក្រុងកំពតកាន់តែមានភាពរស់រវើក និងទាក់ទាញខ្លាំងឡើង។លោក សយ ស៊ីណុល បានបន្ថែមថា ស្ថានភាពទូទៅតាមរមណីយដ្ឋាន សហគមន៍ និង​គោល​ដៅ​ទេសចរណ៍៤២កន្លែង មានភាពល្អប្រសើរ ហើយការសេវាកម្មទេសចរណ៍គ្រប់ប្រភេទ បាន​ដំណើរ​ការ​ទៅ​ដោយរលូន ពុំមានបាតុភាពអ្វីកើតឡើងគួរឲ្យកត់សម្គាល់ឡើយ ព្រោះជាទូទៅ រាល់​ពេល​មាន​បុណ្យទាន ក្រុមការងារមន្ទីរទេសចរណ៍ តែងតែចុះត្រួតពិនិត្យតាមរមណីយដ្ឋាន សហគមន៍​គោលដៅទេសចរណ៍នានា និងតាមសេវាកម្មម្ហូបអាហារ សេវាស្នាក់នៅ និងទូក​ទេសចរណ៍ ដើម្បីផ្សព្វផ្សាយសេចក្តីណែនាំរបស់មន្ទីរ ដោយផ្តោត​សំខាន់​លើ​ការងារ​បដិ​​សណ្ឋារ​កិច្ច ​អនាម័យចំណីអាហារ សុវត្ថិភាព និងតម្លៃសេវាកម្មជាដើម ធ្វើយ៉ាងណា​រក្សា​បាន​នូវ​សេចក្តី​ថ្លៃ​ថ្នូរ ​និងកិត្តិស័ព្ទល្អរបស់ខេត្តកំពត តទៅថ្ងៃអនាគត៕

ភ្ញៀវទេសចរជាតិ និងអន្ដរជាតិជាច្រើន មកដើរទស្សនាកម្សាន្ដ ក្នុងពិធីបុណ្យចូលឆ្នាំប្រពៃណីចិន វៀតណាម នៅខេត្ដសៀមរាប

2026/02/18 04:52:31 pm        194
Facebook Telegram Linkin
ភ្ញៀវទេសចរជាតិ និងអន្ដរជាតិ ជាច្រើនកុះករដើរទស្សនាកម្សាន្ដប្រាសាទអង្គរវត្ដ ក្នុង​ពិធី​បុណ្យ​ចូល​ឆ្នាំ​ប្រពៃណីចិន វៀតណា នាថ្ងៃទី១៨ខែកុម្ភៈឆ្នាំ២០២៦នេះ ខណៈដែលពិធីនេះ មាន​រយៈ​ពេល​បី​ថ្ងៃទី១៦ដល់ថ្ងៃទី១៨ខែកុម្ភៈឆ្នាំ២០២៦ ។ភ្ញៀវទេសចរជាតិមកពីតាមបណ្ដាខេត្ដ បានបង្ហាញអារម្មណ៍សប្បាយរីករាយយ៉ាងខ្លាំង ដែល​បាន​មក​ទស្សនា​ទិដ្ឋភាពដ៏ស្រស់ស្អាត នៃប្រាសាទអង្គរវត្ត នៅក្នុងពិធីបុណ្យប្រពៃណីចិន វៀតណាម​ឆ្នាំ​២០២៦នេះ ដោយពួកគាត់សម្ដែងមោទនភាព ចំពោះរមណីយដ្ឋានប្រវត្ដិសាស្ដ្រមួយនេះ នៅ​តែ​ទាក់​ទាញអ្នកទេសចររគ្រប់ជាតិសាសន៍ទៅទស្សនាកម្សាន្ដជារៀរាល់ឆ្នាំ។អ្នកទេសចរ ក៏លើកឡើងផងដែរថា ប្រាសាទអង្គរវត្ដពិតជាមានភាពអស្ចារ្យ និ​ង​ល្បី​ល្បាញ​នៅលើ​ពិភព​លោក ​ដែលខ្លួនចំណាយពេលវេលាដើរទស្សនាប្រាសាទអង្គរវត្ត ក៍ដូចជានៅតាម​រមណីយដ្ឋាន​ផ្សេង​ៗទៀតមិនខកបំណង។ពួកគាត់បានកោតសរសើរដល់អាជ្ញាធរពាក់ព័ន្ធ ដែល​បាន​អភិឌ្ឍន៍រមណីយដ្ឋានអង្គរ និងព្រមទាំងក្រុងសៀមរាប ឱ្យមានការរីក​ចំរើន​បាន​ល្អប្រ​សើរ​ និង​មាន​សន្ដិសុខសុវត្ថិភាពល្អដល់អ្នកទេសចរ។បើតាមរបាយការណ៍នាយកដ្ឋានអភិវឌ្ឍន៍ទេសចរណ៍ និងវប្បធម៌ នៃអាជ្ញាធរជាតិអប្សរា បាន​បង្ហាញ​ថា ក្នុងឱកាសពិធីបុណ្យចូលឆ្នាំថ្មីប្រពៃណីចិន វៀតណាមនេះ ចាប់ពីថ្ងៃទី១៦ ដល់​ថ្ងៃ​ទី​១៧ ខែ​កុម្ភៈ ឆ្នាំ២០២៦ មានភ្ញៀវទេសចរជាតិ និងអន្ដរជាតិចូលទស្សនាតំបន់អង្គរ មាន​ជាង​៣​ម៉ឺន​១ពាន់នាក់ ក្នុងនោះមានអ្នកទេសចរអន្ដរជាតិ ជាង៨ពាន់នាក់៕

កម្ពុជា រក្សាកំណើនជើងហោះហើរទ្វេទិសជាង១០ភាគរយ ពីមួយសប្តាហ៍ទៅមួយសប្តាហ៍

2026/02/18 02:36:27 pm        159
Facebook Telegram Linkin
អ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិលបានឱ្យដឹងថា ពីមួយសប្តាហ៍ទៅមួយសប្តាហ៍ នៅ​ក្នុងខែមករា និងកុម្ភៈ ដើមឆ្នាំ២០២៦នេះ ទទួលកំណើនជើងយន្តហោះហើរចេញចូលកម្ពុជា ក្នុង​រង្វង់ជាង ១០ភាគរយ។ឯកឧត្តម ស៊ិន ចាន់សេរីវុត្ថា អ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិល បានប្រាប់BTV ថ្ងៃ​ទី​១៨ ខែកុម្ភៈ នេះថា បច្ចុប្បន្ន គ្រប់ក្រុមហ៊ុនអាកាសចរណ៍ជាតិ និងអន្តរជាតិ ទាំង៣៦ ដែល​បា​នប្រតិបត្តិការបើកជើងហោះហើរចេញចូលកម្ពុជា មានស្ថិរភាព និងរក្សា​កំណើន​ជើង​ហោះ​ហើរ​បាន​ល្អប្រសើរក្នុងនោះ សម្រាប់អាកាសយានដ្ឋានអន្តរជាតិតេជោ TIA នៅរាជធានីភ្នំពេញ មាន​ជើង​យន្ត​ហោះហើរ ចេញចូលជិត១០០០ជើង អាកាសយានដ្ឋានអន្តរជាតិខេត្តសៀមរាប ទទួល​ជើង​ហោះហើ​រទ្វេទិស ប្រមាណ៤០០ជើង និងខេត្តព្រះសីហនុ ប្រមាណ៧០ជើង។ឯកឧត្តម បានឱ្យដឹងបន្តថា ថ្មីៗនេះ រដ្ឋលេខាធិការដ្ឋានអាកាសចរណ៍ស៊ីវិល បានចរចា និងព្រម ព្រៀង​ជា​មួយក្រុមហ៊ុនអាកាសចរណ៍នៅប្រទេសអង់គ្លេស សហការ​ជាមួយ​ក្រុម​ហ៊ុន​អាកាស​ចរណ៍​​នានាទៀត រួមគ្នាផ្សព្វផ្សាយលក់សំបុត្រយន្តហោះ ដឹកជញ្ជូនអ្នកដំណើរ និង​ទេសចរ​ពី​ប្រទេស​អង់គ្លេស​មកប្រទេសកម្ពុជា ។អ្នកដំណើរអន្តរជាតិ បានលើកឡើងថា នៅអាកាសយានដ្ឋានអន្តរជាតិតេជោ ក្នុងអំឡុងពេលនេះ គឺ​ហាក់មានភាពមមាញឹកខ្លាំង ក្នុងការទទួលជើងហោះចេញចូល។ អ្នកដំណើរទាំងនោះ បាន​សន្យា​ថា​នឹង​ជួយផ្សព្វផ្សាយពីកម្ពុជា ដែលមានទីតាំងទស្សនាច្រើន ពិសេសទិសដៅវិនិយោគ និង​ទេសចរណ៍​នៅរាជធានីភ្នំពេញ ខេត្តសៀមរាប ខេត្តព្រះសីហនុ និងខេត្តតាមដងទន្លេមេគង្គ ជា​ដើម​គឺមានសក្តានុពល និងមានសុវត្ថិភាពល្អប្រសើរ។របាយការណ៍រដ្ឋលេខាធិការដ្ឋានអាកាសចរណ៍ស៊ីវិល នៅក្នុងឆ្នាំ២០២៥ តាមអាកាសយដ្ឋាន អន្តរជាតិ​ធំៗទាំង៤នៅកម្ពុជា ទទួលបានអ្នកដំណើរអន្តរជាតិប្រមាណជិត៧លាននាក់ កើន១៣​ភាគ​រយ ចំនួនជើងហោះហើរទេ្វទិសចេញចូលកម្ពុជា មានប្រមាណជាង៥៨០០០ជើង កើនឡើង​១១​ភាគរយ បើប្រៀបធៀបរយៈដូចគ្នាក្នុងឆ្នាំ២០២៤៕ អត្ថបទ៖ ស៊ុម សុខជា 

វិស័យសេវាកម្ម ពិសេសវិស័យទេសចរណ៍ កំពុង​មានតម្រូវ​ការ​កម្លាំង​ពលកម្ម​ជំនាញ​រាប់​ពាន់​កន្លែង

2026/02/18 11:58:06 am        152
Facebook Telegram Linkin
វិស័យ​សេវាកម្ម ជាពិសេសវិស័យទេសចណ៍នៅកម្ពុជា កំពុង​ត្រូវការ​កម្លាំង​ពលកម្ម​រាប់​ពាន់​កន្លែង​នា​​ពេលនេះ ខណៈអ្នកប្រកបរបរ ក្នុងវិស័យនេះ ក៏កំពុងត្រូវការបុគ្គលិកជំនាញជាចាំបាច់ ដើម្បី​ឆ្លើយ​តប​ទៅ​នឹងកំណើនភ្ញៀសទេសចរ និងតម្រូវការទីផ្សារ។លោក ស៊ុន មេសា អ្នកនាំពាក្យក្រសួងការងារ និងបណ្តុះបណ្តាលវិជ្ជាជិវៈ បានប្រាប់ BTVថា រាជរដ្ឋាភិបាល​កម្ពុជា បានទទួលស្គាល់សក្ដានុពលនៃឧស្សាហកម្មទេសចរណ៍ថា ជាប្រភពនៃ​កំណើន​សេ​ដ្ឋកិច្ច-សង្គមរបស់កម្ពុជា រួមមានការបង្កើតការងារ និងការកាត់បន្ថយភាពក្រីក្រ។ ហើយ​វិស័យបដិសណ្ឋារកិច្ច គឺជាវិស័យសេវាកម្មដែលផ្តោតលើការផ្តល់ភាពកក់ក្តៅ ការស្នាក់នៅ ការ​ហូបចុក និងការកម្សាន្តជូនភ្ញៀវទេសចរ។ វិស័យនេះ រួមមាន សណ្ឋាគារ និងការស្នាក់នៅ, ភោជនីយ​ដ្ឋាន និងសេវាកម្មម្ហូបអាហារ ជាដើម។ លោកបន្តថា គិតមកដល់ពេលនេះ វិស័យសេវាកម្ម មានតម្រូវការកម្លាំងពលកម្មប្រមាណ ៣ពាន់​នាក់ ហើយឱកាសការងារនៅមានជាច្រើនកន្លែងទៀត។ គិតត្រឹមខែមករា ឆ្នាំ ២០២៦នេះ ក្រសួង​ការងារ បានបណ្តុះបណ្តាលជំនាញដល់សិស្សបានចំនួន ៣ម៉ឺននាក់ (ស្រី្តជាង ២ពាន់​នាក់​) ​នៅក្នុងវិស័យទេសចរណ៍។ ក្នុងចំណោមនោះ សិស្សបញ្ចប់ការសិក្សាមានចំនួនជាង ១ម៉ឺន​នាក់ និងអ្នកទទួលបានការងារធ្វើមានប្រមាណជា ៧ពាន់ ៦រយនាក់។ចំណែកលោកស្រី ជា ម៉ា ឡែន ម្ចាស់ភោជនីយដ្ឋាន «ល្បាប់» បានពន្យល់ថា វិស័យនេះ​ត្រូវ​ការ​បុគ្គលិក​ជំនាញ​ជាចាំបាច់ ដែលជាផ្នែកមួយ​នៃ​ការ​ទាក់​ចិត្ត​អតិថិជន​មក​ទទួល​ទាន​អាហារ​នៅ​ក្នុង​ភោជនីយដ្ឋានរបស់លោកស្រី។ ដោយសារលោកស្រី មានបទពិសោធន៍​លើ​វិស័យ​បដិ​សណ្ឋារ​កិច្ច​ប្រ​មាណ​១០ឆ្នាំ សម្រាប់បុគ្គលិកនៅ«ល្បាប់» គឺភាគច្រើនទទួល​បាន​ការ​បណ្តុះ​បណ្តាល​បន្ថែម​ពី​លោក​ស្រី​ផ្ទាល់។សូមបញ្ជាក់ថា គិតមកដល់ពេលនេះ វិស័យសេវាកម្ម មានសហគ្រាសជាង ៣ម៉ឺន ៨ពាន់​សហ​គ្រាស​ បាននិងកំពុងផ្តល់ការងារសរុបប្រមាណ ៦៦ម៉ឺននាក់។ ដោយឡែក ក្នុងផ្នែក ភោជនីយ​ដ្ឋាន ​និងផ្ទះសំណាក់ មានសហគ្រាសប្រមាណ ៥ពាន់ ៥រយ សហគ្រាស បានផ្តល់​ការងារ​ជូន​ប្រជា​ពលរដ្ឋ​ប្រមាណ ៩ម៉ឺននាក់។ នេះបើតាមអ្នកនាំពាក្យក្រសួងការងារ និងបណ្តុះប​ណ្តាល​វិជ្ជា​ជីវៈ​៕ អត្ថបទ៖ ធូ វិរៈ

ភ្ញៀវទេសចរជិត ៣ម៉ឺននាក់មកសម្រាកលម្ហែនៅខេត្តកំពត ក្នុងថ្ងៃទី១​នៃ​បុណ្យចូល​ឆ្នាំថ្មី​ប្រពៃណី​ចិន

2026/02/18 11:43:01 am        135
Facebook Telegram Linkin
ភ្ញៀវទេសចរជាតិ និងអន្តរជាតិជិត៣ម៉ឺននាក់ បានមកសម្រាកលម្ហែនៅខេត្តកំពត ក្នុង​ឱកាស​បុណ្យ​ចូល​ឆ្នាំថ្មីប្រពៃណីជនជាតិចិន និងវៀតណាម។ ភ្ញៀវជាតិ និងអន្តរជាតិថាខេត្តកំពតស្អាត សម្បូរ​កន្លែងដើរលេង សេវាកម្មល្អ តម្លៃសមរម្យ សន្តិសុខសណ្តាប់ និងសុវត្ថិភាពល្អ អនាម័យ​ស្អាត​ ខណៈដែលមន្ត្រីជំនាញថាចូលឆ្នាំចិនថ្ងៃទី១នេះ ភ្ញៀវកើនឡើងជាងឆ្នាំមុន។ ទេសចរ​ជាតិ អន្តរជាតិ និងក្រុមនិស្សិតខេត្តកំពត បានប្រាប់ឲ្យដឹងថា ទោះកម្ពុជា​មាន​បញ្ហា​ព្រំដែន​ក៏​ពិត​មែន​ ប៉ុន្តែសម្រាប់ការអភិវឌ្ឍន៍នៅតែបន្ត លំហូរភ្ញៀវកាន់តែល្អឡើង ពិសេស​ខេត្ត​កំពត​ក្រោម​ការ​ដឹក​នាំរ​បស់ឯកឧត្តមបណ្ឌិត ម៉ៅ ធនិន សមិទ្ធផលទេសចរណ៍ថ្មី​ៗ​ជា​ច្រើន​បាន​លេច​ចេញ​រូបរាងជាបន្តបន្ទាប់ ធ្វើឲ្យទេសចរមកលេងកាន់តែច្រើន។ ជាក់ស្តែងក្នុង​ឱកាស​បុណ្យ​ចូល​ឆ្នាំ​ថ្មី​ប្រពៃណីជនជាតិចិនថ្ងៃទី១នេះ ភ្ញៀវបានមកលេងក្រុងកំពតច្រើន ពិសេសភ្ញៀវបរទេស ថា​ ពួក​គេ​រីករាយណាស់ដែលបានមកដល់កម្ពុជា ពិសេសខេត្តកំពត ពួកគេមិនព្រួយ​បារម្ភ​រឿង​សុវត្ថិភាព​នោះ​ទេ ទោះកម្ពុជាមានជម្លោះព្រំដែនជាមួយថៃក៏ដោយ។ប្រធានមន្ទីរទេសចរណ៍ លោក សយ ស៊ីណុល បានប្រាប់ឲ្យដឹងថានៅថ្ងៃទី១ នៃពិធី​បុណ្យ​ចូល​ឆ្នាំ​ថ្មី​ប្រពៃណី​ជនជាតិចិន វៀតណាម ភ្ញៀវទេសចរជាតិ អន្តរជាតិ និងបងប្អូន​ប្រជាពលរដ្ឋ​បាន​ធ្វើ​ដំណើរ​កម្សាន្តតាមរមណីយដ្ឋាន សហគមន៍ទេសចរណ៍ គោលដៅទេសចរណ៍ និង​ក្រុង​កំពត​សរុប​ចំនួន​២៩ ៨៧៤នាក់ ក្នុងនោះទេសចរបរទេសចំនួន ៥៤៣នាក់។ លោកបានបញ្ជាក់ថា ចំនួន​ភ្ញៀវ​ថ្ងៃទី១នេះ កើនឡើងជាងឆ្នាំមុន ដែលមានត្រឹមតែ១ ៧០០០នាក់ប៉ុណ្ណោះ។ លោកបានបញ្ជាក់ដែរថា ជាទូទៅពេលមានបុណ្យទាន ក្រុមការងា​រ​មន្ទីរ​តែង​តែ​បាន​ចុះ​តាម​រមណីយ​ដ្ឋាន សហគមន៍គោលដៅទេសចរណ៍នានា និងតាមសេវាកម្មម្ហូបអាហារ និង សេវា​ស្នាក់​នៅ ទូកទេសចរណ៍ ដើម្បីផ្សព្វផ្សាយសេចក្តីណែនាំរបស់មន្ទីរទេសចរណ៍ ផ្តោតសំខាន់​លើ​ការងារ​បដិ​សណ្ឋារកិច្ច អនាម័យចំណីអាហារ សុវត្ថិភាព តម្លៃសេវាកម្មជាដើម ធ្វើយ៉ាងណា​ដើម្បី​រក្សា​បាន​នូវ​សេចក្តី​ថ្លៃថ្នូរ និងកិត្តិស័ព្ទល្អរបស់ខេត្តកំពត តទៅថ្ងៃមុខទៀត៕

ប្រតិបត្តិករទេសចរណ៍អរគុណចំពោះរដ្ឋាភិបាលបន្តផ្តល់ការលើកទឹកចិត្តពន្ធដារដល់ដំណាច់ឆ្នាំ២០២៦

2026/02/17 12:41:28 pm        149
Facebook Telegram Linkin
ប្រតិបត្តិករទេសចរណ៍ បានថ្លែងអំណរគុណរាជរដ្ឋាភិបាល ជាពិសេសសម្ដេចមបហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា ដែលតែងតែយកចិត្តទុកដាក់ចំពោះវិស័យឯកជន បាន​បន្ត​ផ្តល់​ការ​លើក​ទឹកចិត្ត​ពន្ធដារ​ចំពោះ​សហគ្រា​ស​ក្នុង​វិស័យ​ទេសចរណ៍​ដែល​មាន​មូល​ដ្ឋាន​នៅ​ក្នុង​ខេត្ត​សៀមរាប ខណៈពួកគាត់សង្ឃឹមថា ប្រមុខរដ្ឋាភិបាលនឹងពង្រីកវិសាលភាព ការលើក​ទឹក​ចិត្ត​ពន្ធដារ ​ចំពោះសហគ្រាសក្នុងវិស័យទេសចរណ៍ ក្នុងក្របខណ្ឌទូទាំងប្រទេស។ការថ្លែងអំណរគុណនេះ ធ្វើឡើងបន្ទាប់ពី ក្រសួងសេដ្ឋកិច្ច និងហិរញ្ញវត្ថុ បាន​ប្រកាស​ផ្តល់​ការ​លើក​ទឹក​ចិត្ត​ពន្ធដារ ចំពោះសហគ្រាសក្នុងវិស័យទេសចរណ៍នៅខេត្តសៀមរាប ក្នុង​គោល​បំណង​ផ្តល់​ការ​លើក​ទឹកចិត្តដល់សហគ្រាសក្នុងវិស័យទេសចរណ៍ រួមមាន សណ្ឋាគារ ផ្ទះសំណាក់ ភោជនីយ​ដ្ឋាន ​និងក្រុមហ៊ុន ភ្នាក់ងារទេសចរណ៍។ប្រធានសមាគមមគ្គុទេសក៍អង្គរខេត្តសៀមរាប លោក ខៀវ ធី បានប្រាប់ BTV ថា ការលើកលែង​ពន្ធដារ ​សហគ្រាសក្នុងវិស័យទេសចរណ៍ នាពេលនេះ នឹងជួយ​សម្រាល​បន្ទុក​ពួក​គាត់​បាន​មួយ​កម្រិត ​ដើម្បីផ្តល់លទ្ធភាពឱ្យពួកគាត់អាចបន្តអាជីវកម្មរបស់ខ្លួន បន្ទាប់​ពី​រង​ផល​ប៉ះពាល់​ដោយ​សារ​ជម្លោះ​ព្រំដែនកម្ពុជា-ថៃ។ បណ្ឌិត ធួន ស៊ីណាន ប្រធានសមាគមទេសចរណ៍អាស៊ីប៉ាស៊ីហ្វិកប្រចាំកម្ពុជា យល់ថា នេះ​គឺ​ជា​ទឹក​ចិត្ត​ដ៏​ប្រពៃរបស់ប្រមុខរដ្ឋាភិបាល ដែលបាន​បន្ត​អនុ​គ្រោះទៅ​ដល់​វិស័យ​ទេសចរណ៍​នៅ​ក្នុង​ខេត្ត​សៀមរាប ដោយលោកបណ្ឌិត សង្ឃឹមថា ការលើកលែងនេះ នឹងអនុវត្តនៅ​មូលដ្ឋាន​សក្តា​នុ​ពល​ទេសចរណ៍ផ្សេងទៀត ដូច រាជធានីភ្នំពេញ, ទេសចរណ៍តំបន់ឆ្នេរ និងតំបន់ផ្សេងៗទៀត។សូមបញ្ជាក់ថា ការលើក​ទឹក​ចិត្ត​ពន្ធដារ​ចំពោះ​សហ​គ្រាស​ក្នុង​វិស័យ​ទេស​ចរណ៍​ដែល​មាន​មូល​ដ្ឋាន​នៅ​ក្នុងខេត្តសៀមរាប បានអនុវត្តគិតចាប់ពីខែមករា ឆ្នាំ២០២៦ ដល់ដំណាច់ ខែធ្នូ ឆ្នាំ​២០២៦​។ ការលើកទឹកចិត្តពន្ធដារ រួមមាន ៖ ទី១- លើកលែង​ការ​បង់ពន្ធ​អាករ​ប្រចាំ​ខែ​គ្រប់​ប្រភេទ​ វៀរលែងតែអាករលើតម្លៃបន្ថែម និងអាករលើការស្នាក់នៅ គិតចាប់ពីខែមករា ឆ្នាំ២០២៦ រហូតដល់ដំណាច់ ខែធ្នូ ឆ្នាំ២០២៦។ទី២- លើកលែងពន្ធលើប្រាក់ចំណូលប្រចាំឆ្នាំ២០២៦, ចំពោះប្រាក់​រំដោះពន្ធ​លើ​ប្រាក់​ចំណូល​ដែល​សហគ្រាសបានបង់រួចឆ្នាំ២០២៧ នឹងត្រូវ​បាន​អនុញ្ញាត​ជា​ឥណទាន​ពន្ធ​សម្រាប់​កាត់​កង​ជា​មួយ​ពន្ធ​លើ​ប្រាក់ចំណូលប្រចាំ និង ទី៣- មិនទទួលរងការធ្វើសវនកម្មពន្ធដារ សម្រាប់​ការិយ​បរិច្ឆេទ​ឆ្នាំ​២០២៦៕ អត្ថបទ៖ ធូ វិរៈ 

អាជ្ញាធរជាតិអប្សរាចាប់ផ្ដើមជួសជុលផ្នែកកំពូលប្រាសាទបក្សីចាំក្រុង

2026/02/16 04:20:22 pm        177
Facebook Telegram Linkin
នាយកដ្ឋានអភិរក្សប្រាសាទ និងបុរាណវិទ្យា នៃអាជ្ញាធរជាតិអប្សរា កំពុង​ជួស​ជុល​រចនា​សម្ព័ន្ធ​កំពូល​ដំបូល ​និងពង្រឹងជញ្ជាំងផ្នែកខាងក្នុង និងខាងក្រៅរបស់ប្រាសាទបក្សីចាំក្រុង ដែល​ប្រឈ​ម​ហានិភ័យខ្ពស់ ឱ្យរឹងមាំឡើងវិញ។ លោកស្រី ឈុន រតនា មន្ត្រីរបស់នាយកដ្ឋានអភិរក្សប្រាសាទ និងបុរាណវិទ្យា នៃ​អាជ្ញាធរ​ជាតិ​អប្សរា​បានឱ្យដឹងថា បច្ចុប្បន្ន ស្ថានភាពកំពូលដំបូលរបស់ប្រាសាទបក្សីចាំក្រុង បាន​រង​ការ​ខូច​ខាត​យ៉ាង​ខ្លាំង បណ្តាលមកពីទឹកភ្លៀងហូរចូលទៅក្នុងតួប្រាសាទ ធ្វើឱ្យឥដ្ឋមួយចំនួនពុកផុយ រ​លុះ​ធ្លាក់មកក្រោម។ ចំណែកឯ ជញ្ជាំងផ្នែកខាងក្នុង និងខាងក្រៅ ក៏មានស្នាមប្រេះហែក ជ្រាប​ទឹក​ និងអាចបង្កឱ្យមានហានិភ័យដល់សំណង់ទៀតផង។ ក្រុមអ្នកជំនាញនៃអាជ្ញាធរជាតិអប្សរាយល់ថា ដើម្បី​ជួយ​សង្គ្រោះ​រចនា​សម្ព័ន្ធ​របស់​ប្រាសាទ​បក្សី​ចាំ​ក្រុង​ឱ្យរឹងមាំឡើងវិញ ក្រុមការងារត្រូវរើឥដ្ឋដែលពុកផុយ ឬឥដ្ឋដែលអាចបង្កគ្រោះថ្នាក់ចេញ ហើយ​ដាក់បំពេញឥដ្ឋថ្មីមួយចំនួនមកជំនួសវិញ នៅផ្នែកខាងក្នុង និងខាងក្រៅ ព្រមទាំងពង្រឹង បិទ​បាយ​អ​បំពេញស្នាមប្រេះហែក ការពារជម្រាបទឹកកន្លែងមួយចំនួនសម្រាប់ភាពរឹងមាំយូរអង្វែង ដោយ​ប្រើ​លក្ខណៈបច្ចេកទេសយ៉ាងត្រឹមត្រូវ។ កាលពីអំឡុងខែតុលា ឆ្នាំ២០២៥ ដោយ​មាន​ការ​ពិនិត្យ​យ៉ាង​យក​ចិត្ត​ទុក​ដាក់​ពី​ថ្នាក់​ដឹកនាំ​អាជ្ញាធរ​ជាតិ​អប្សរា បានសម្រេចជាគោលការណ៍នៅដំណាក់កាលដំបូង ឱ្យក្រុមការងារអភិរក្ស នឹង​ទល់ទ្រជាបន្ទាន់ ចំពោះរចនាសម្ពន្ធផ្នែកកំពូលដំបូល ជញ្ជាំងផ្នែកខាងក្នុង និងក្រៅ នៃ​ប្រាសាទបក្សីចាំក្រុងនេះជាបណ្តោះអាសន្ន ហើយនៅដំណាក់កាលបន្ទាប់ គឺ​ក្រុម​ការ​ងារ​នឹង​ចាប់​ផ្ដើម​ជួស​ជុលពង្រឹងរចនាសម្ពន្ធទាំងនោះឱ្យរឹងមាំឡើងវិញ៕

មន្ទីរទេសចរណ៍អំពាវនាវភ្ញៀវមកលេងកម្សាន្តនៅខេត្តបាត់ដំបង ក្នុងឱកាសបុណ្យចូលឆ្នាំចិន

2026/02/16 11:29:46 am        140
Facebook Telegram Linkin
មន្ទីរទេសចរណ៍ខេត្តបាត់ដំបង អំពាវនាវដល់បងប្អូនប្រជាពលរដ្ឋ ភ្ញៀវទេសចរជាតិ និងអន្តរជាតិ សូម​អញ្ជើញ​មក​ទស្សនា​កម្សាន្តសប្បាយ​នៅ​ខេត្តបាត់ដំបង​ឱ្យ​បាន​ច្រើន​កុះករ​ក្នុង​ឱកាស​ពិធី​បុណ្យ​ចូល​ឆ្នាំចិន ខណៈតំបន់រមណីយដ្ឋាន និងគោលដៅ​ទេសចរណ៍​នៅ​ទូទាំង​ខេត្ត​បាន​ត្រៀម​លក្ខណៈ​រួច​ជា​ស្រេចក្នុងការទទួលស្វាគមន៍ភ្ញៀវមកពីគ្រប់ទិសទី។លោក ហម អរុណ អនុប្រធានមន្ទីរទេសចរណ៍ខេត្តបាត់ដំបង គូសបញ្ជាក់ថា ខេត្តបាត់ដំបង គឺ​ជា​ទឹក​ដី​ដ៏ស្រស់ប្រិមប្រិយមានសក្ដានុពលទេសចរណ៍ទាំងធម្មជាតិ វប្បធម៌ សិល្បៈ ប្រពៃណី ហើយ​អ្វី​ដែលកាន់​តែ​ចាប់​អារម្មណ៍​នោះ​ គឺ​នៅតា​មគោល​ដៅ​ទេសចរណ៍​ជាប់​ប្រភព​ទឹក​គឺ​ល្អ​មែន​ទែន​សម្រាប់​ការងូតទឹកលេងកម្សាន្តនារដូវកាលនេះ។សូមរំលឹកថា មន្ទីរទេសចរណ៍​ខេត្តបាត់​ដំបង​បាន​សហការ​ជាមួយ​កម្លាំង​នគរបាល​ទេសចរណ៍​នៃ​ស្នង​ការដ្ឋាន​នគរបាលខេត្ត ចុះណែនាំការ​ពង្រឹង​គុណភាព​សេវា​កម្ម​ទេសចរណ៍​ដើម្បី​ត្រៀម​លក្ខណៈ​ទទួល​ស្វាគមន៍​ភ្ញៀវទេសចរក្នុងឱកាសបុណ្យចូលឆ្នាំចិន។មន្ទីរទេសចរណ៍ខេត្តបាត់ដំបង ក៏បានណែនាំដល់ម្ចាស់​អាជីវកម្ម​ទាំង​អស់​ត្រូវ​ចូល​រួម​ថែ​រក្សា​អនាម័យ​បរិស្ថាន និងរៀបចំសណ្ដាប់​ធ្នាប់​ឱ្យ​បាន​រៀប​រយ​ដើម្បី​ធានា​ថា​ភ្ញៀវ​ដែល​បាន​មក​លេង​កម្សាន្ត​មាន​អារម្មណ៍ស្រស់ស្រាយសប្បាយរីករាយ។សូមជម្រាបថា ខេត្តបាត់ដំបង គឺជាទឹកដីដ៏ស្រស់​ប្រិមប្រិយ​មាន​ទាំង​រមណីយ​ដ្ឋាន​បែប​ប្រវត្តិ​សាស្រ្ត ​វប្បធម៌ ប្រពៃណី សិល្បៈ ម្ហូបអាហារ និងមានគោល​ដៅ​ទេសចរណ៍​សរុប​ចំនួន​១១៥​កន្លែង​ក្នុង​នោះរួមមាន៖ រមណីយដ្ឋានទេសចរណ៍ចំនួន២២កន្លែង សហគមន៍ទេសចរណ៍ និង​អេកូ​ទេសចរណ៍​ចំនួន៤កន្លែង តំបន់គោលដៅទេសចរណ៍ចំនួន៥៤កន្លែង សារមន្ទីរចំនួន​២​កន្លែង ​ទេសចរណ៍បែបសាសនាចំនួន២៩កន្លែង និងគោលដៅកសិទេសចរណ៍ចំនួន៤កន្លែង៕

ឥណ្ឌូនេស៊ី ចាក់បញ្ចាំងភាពយន្តរបស់ខ្លួន ដើម្បីការពង្រឹងទំនាក់ទំនងការទូតជាមួយកម្ពុជា

2026/02/15 02:45:35 pm        189
Facebook Telegram Linkin
ស្ថានទូតនៃសាធារណរដ្ឋឥណ្ឌូនេស៊ីប្រចាំនៅកម្ពុជា បានរៀបចំកម្មវិធីបញ្ចាំងភាពយន្តឥណ្ឌូនេស៊ី ដែលជាផ្នែកមួយនៃកិច្ចខិតខំប្រឹងប្រែងជាបន្តបន្ទាប់របស់ប្រទេសឥណ្ឌូនេស៊ី ក្នុងការពង្រឹងការទូត សេដ្ឋកិច្ច និងសង្គម-វប្បធម៌នៅកម្ពុជា។ព្រឹត្តិការណ៍នេះ ត្រូវបានរៀបចំឡើងកាលពីល្ងាចថ្ងៃទី១២ ខែកុម្ភៈ ឆ្នាំ២០២៦ នៅក្នុងផ្សារទំនើបអូឡាំព្យ៉ា រាជធានីភ្នំពេញ ដោយមានការគាំទ្រពីក្រសួងវប្បធម៌ និងវិចិត្រសិល្បៈ នៃព្រះរាជាណាចក្រកម្ពុជា។ កម្មវិធីនេះ បានធ្វើឡើងក្រោមវត្តមានរបស់ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងមានការចូលរួមភ្ញៀវកិត្តិយសជាច្រើននាក់ផ្សេងទៀត។ឯកឧត្ដមបណ្ឌិត សាន់តូ ដាម៉ូស៊ូម៉ាតូ (Santo Darmosumarto) ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋឥណ្ឌូណេស៊ី ប្រចាំនៅកម្ពុជា បានលើកឡើងឱ្យដឹងថា ការចាក់បញ្ចាំងភាពយន្តនេះ មានគោលបំណងលើកកម្ពស់ឧស្សាហកម្មច្នៃប្រឌិត និងភាពសម្បូរបែបនៃវប្បធម៌របស់ប្រទេសឥណ្ឌូនេស៊ីតាមរយៈភាពយន្ត។ ឯកឧត្តម បានកត់សម្គាល់ពីប្រជាប្រិយភាពកាន់តែខ្លាំងឡើងនៃភាពយន្តឥណ្ឌូនេស៊ីនៅកម្ពុជា ដោយដកស្រង់ទិន្នន័យពីនាយកដ្ឋានភាពយន្ត និងផ្សព្វផ្សាយវប្បធម៌របស់កម្ពុជា ដែលបង្ហាញថានៅឆ្នាំ២០២៥ ភាពយន្តឥណ្ឌូនេស៊ី ត្រូវបានចាត់ថ្នាក់ជាភាពយន្តបរទេសដែលមានការចាក់បញ្ចាំងច្រើនជាងគេលំដាប់ទី៣នៅក្នុងរោងភាពយន្តកម្ពុជា បន្ទាប់ពីភាពយន្តហូលីវូដ និងផលិតកម្មក្នុងស្រុក។ក្នុងឱកាសនោះ លោកជំទាវបណ្ឌិតសភាចារ្យ បានសម្តែងនូវសេចក្តីរីករាយដែលឃើញវត្តមានភាពយន្តឥណ្ឌូណេស៊ី ទទួលបានគាំទ្រពីសំណាក់ទស្សនិកជនជននៅកម្ពុជា ដោយសារតែភាពស្រដៀងគ្នានៃវប្បធម៌ និងពណ៌សម្បុរនៃជាតិសាសន៍យើងទាំងពីរ។ លោកជំទាវសង្ឃឹមនិងជឿជាក់ថា តាមរយៈសកម្មភាពនៃការផ្លាស់ប្ដូរវប្បធម៌នេះ នឹងអាចជួយជំរុញនិងនាំយកភាពយន្តខ្មែរទៅបញ្ចាំងនៅក្នុងរោងភាពយន្តឥណ្ឌូណេស៊ី ព្រមទាំងបង្កើតឱកាសនៃកិច្ចសហការ និងជំរុញការផលិតភាពយន្តរួមគ្នារវាងផលិតករភាពយន្តកម្ពុជា និងឥណ្ឌូណេស៊ីនាពេលអនាគត៕ អត្ថបទ៖ ឈិត បូរ៉ាវី

បណ្ដាញសង្គម

ព័ត៌មានថ្មីៗ

អភិបាលរាជធានីភ្នំពេញ ៖ ការបោសសម្អាតបទល្មើសឆបោកតាមប្រព័ន្ធបច្ចេកវិទ្យា ល្បែងស៊ីសងគ្រប់ប្រភេទ និងបទល្មើសគ្រឿងញៀនអាចទទួលបានជោគជ័យ និងអស់ពីមូលដ្ឋានលុះត្រាតែមានការចួលរួមពីប្រជាពលរដ្ឋ
03/20/2026 07:03 PM
Facebook Telegram Linkin
អាជ្ញាធរមីនអំពាវនាវឲ្យប្រជាពលរដ្ឋបង្កើនការប្រុងប្រយ័ត្នខ្ពស់ចំពោះគ្រាប់បែកចង្កោមនិងគ្រាប់មិនទាន់ផ្ទុះ ដែលប្រើប្រាស់ដោយយោធាថៃ
03/20/2026 06:03 PM
Facebook Telegram Linkin
កង្វះខាតហ្គាសបណ្តាលមកពីសង្រ្គាមអ៊ីរ៉ង់ អាចជំរុញឲ្យឥណ្ឌាត្រឡប់ទៅប្រើប្រាស់ឥន្ធនៈកខ្វក់វិញ
03/20/2026 06:03 PM
Facebook Telegram Linkin
អ៊ីស្រាអែលបន្តវាយប្រហារតំបន់ហ្កាហ្សា ដោយបានសម្លាប់ជនប៉ាឡេស្ទីនជាច្រើននាក់
03/20/2026 06:03 PM
Facebook Telegram Linkin
យោធាម៉ិកស៊ិកនិយាយថា ឧក្រិដ្ឋជន១១នាក់ ត្រូវបានសម្លាប់នៅក្នុងការវាយឆ្មក់មេដឹកនាំគ្រឿងញៀន Sinaloa
03/20/2026 06:03 PM
Facebook Telegram Linkin
អ៊ីរ៉ង់៖ យន្តហោះ F-35 របស់អាមេរិក ត្រូវបានវាយប្រហារ ខណៈអ៊ីស្រាអែល សន្យាអូសបន្លាយសង្គ្រាម បើចាំបាច់
03/20/2026 06:03 PM
Facebook Telegram Linkin
នាយកប្រតិបត្តិ៖ ការវាយប្រហារពីអ៊ីរ៉ង់ ប៉ះពាល់សមត្ថភាព LNG របស់កាតា ១៧% សម្រាប់រយៈពេល ៥ឆ្នាំ
03/20/2026 06:03 PM
Facebook Telegram Linkin
ប្រមុខ UNនិយាយប្រាប់អាមេរិក និងអ៊ីស្រាអែលថា វាដល់ពេលដែលល្មមបញ្ចប់សង្រ្គាមហើយ
03/20/2026 06:03 PM
Facebook Telegram Linkin
រដ្ឋមន្រី្តសុខាភិបាល អញ្ជើញបើកកម្មវិធីបរិច្ចាគឈាមដោយស្ម័គ្រចិត្តលើកទី១២ នៃមន្ទីរពេទ្យកាល់ម៉ែត
03/20/2026 05:03 PM
Facebook Telegram Linkin
តស់ៗ! ព្រឹត្តិការណ៍បុណ្យទន្លេ លើកទី១០នឹងប្រារព្ធឡើងនៅខេត្តក្រចេះ ចាប់ពីថ្ងៃទី២៧ ដល់ថ្ងៃទី២៩ ខែមីនាខាងមុខនេះ
03/20/2026 05:03 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.